Meitei society a ni pawimawh tak chu hun in hei a rawn inherchhuahpui leh mai dawn ta e. Chu chu Ningol Chakouba an tih hi a ni. Meitei calender a Hiyangei thla (kan November thla hi) a thla thar det tukah hian an hmang thin. Tunkum hian chu chu November ni 8 hi a ni.
Ningol chakouba hi Manipur rama meitei hnam bil bik te hun pawimawh tak a ni. A ngial a ngan a leh chuan “Hmeichhiate chaw ei tur a sawm”, tihna a ni. Meitei tawng chuan Ningol tih hian chhungkua a hmeichhe fa te tihna a ni a, chakouba tih chu chaw ei tur a koh/sawm tihna mai a ni.
He ni hi a ram pumah hian urhsun tak a hman thin a ni. An hnam leh khawtlang nunah pawh hmun pawimawh tak a la luah a ni. Mi tam tak chuan Ningol Chakouba chauh hi an hnamzia leh kalphung a hnam pumpuiin an la zawm awmchhun a ni an ti hial thin.
He ni ah hian chhungkuaa hmeichhe fate, pasal neia indang ta te chu an fa te nen, pasalte tel lovin an mahni inpui lamah chhungkaw inhmuhkhawmna nei turin an kal/haw khawm thin a. Inpui nghaktu in a lo mikhual a, mipa fa, inhrang chang tawh te pawh an mahni inpuiah chuan an kal bawk thin.
Chhungkua, midang pawlh hauh lova inhmuhkhawmna ni tihna a nih chu. Eitur tuihnai takin an siam a, (sangha a ni tlangpui) bawp khawkherh a thu a darthleng (tunlaiah chuan steel plate) hlai pui pui a chaw ei in, chhungkuain a pui a nawiin hlimtlang takin hun an hmang thin a ni. Tin mipa ten an farnu te leh an fate tan thilpek tha tak tak an pe bawk thin.
He ni hian chhungkaw inhmuhkhawmna hun remchang tak a ram pum a cheng te tan a siam a, tar leh upa deuhte tan lamhla deuha awm an tu leh fate hmuhna hun remchang leh duatna hun tha a rawn herchhuahpui thin a ni. Tin hmeichhiate tan mahni pian leh murna leh seilen chhuahna inchhunglum chuankaina hun tha tak a siam bawk.
Chhungkuaa mo awm te pawh an mahni in lamah theuh he hunah hian an kal ve avangin, thisen pawlh dal loh inhmuhkhawmna te pawh ti ila a sual awm lo ve. Chhungkaw bil bik hun anih avangin pawn lam mi an tel ve meuh lo. Ka vannei a ka hmelhriat te Ningol Chakouba ka chhim ve hlauh mai a, an hlut zia leh an ngaihpawimawh zia chu ka hriatthiam pui khawp mai.
Hnampui zia a ni nge ni lo ka hre lova, ze tha leh kalphung tha tak a ni erawh ka ti thung. Hnamdang culture a hetiang thil tha tak hi a duh tan chuan entawntlak riau in ka hria. Tun hnai deuhah phei hi chuan meitei ho chauh ni lovin manipur muslim ho te pawh in he ni hi an hmang ve tan ta. Chuai mai lovin he kalphung hi a la darhzau zel dawn niin a lang.
Mizote hian i ti ve ang u chu ka ti hauh lo, a thatna hi hmuhthiam i tum tlang zawk ang u.Heti lam kawngah hian kan ngaihdan kawng hrang hrangin kan thawhkhawm aniang chu.
Ka lawm e.
November 8th, 2010 at 5:18 pm
… i kai ang auh.
Report this comment
November 9th, 2010 at 12:46 am
Meitei ho nigol chakoubah tih vel chuan min ti buai lo khop mai, bak ah han entawn hi trul in ka hre hauh lo. Misual ho te hi han zoh duh lok che u ka nei zawk a min lo hrilh thei in awm chuan a lawm om ngot ang. Mizoram in Greater Mizoram a manipur a kan zohnathalk te omna chin a puan khan Maitei ho in Kan unau te kha an tlawn viau mi a? Tunah kan unau te eng tin nge an soisak mek? An nu leh pa an pi leh pu an phum na hmun ah ngei, Hman kum khan an pawng sual vel em ni kha oooooo Hmar ho kha.
Report this comment
November 9th, 2010 at 1:03 am
eigi ming shu Muana koe ie, haujik eina haijavah ngam duni. Ka hming chu muana ania, hei zawng hi tuna ka sawi theih chu ani e. A in ang teh chiam em ? A awmzia in hria em ? ‘word’ thenkhat a in an vang ringota in ang vaka chhuah chu buaina ani ! Han zir ve mah ula, ‘chalrang’ ho tawng hi har inti ngot ang ! Ka tih ang hian ‘mara’ tawng rawn lepse ve chhin teh u, Meitei tawng ai hi chuan lusei tawng chu hnaih tak ani.( Nungai bra ? Nungai biri bra ?…hemi tlukpui tho si hi… karam karam pali ? mi zahawm deuh biakna an nei daih. ).
Report this comment
November 9th, 2010 at 1:33 am
#53 tawng chu spelingah ni lovin a rik danah kan teh zawk dawn lawm ni? Speling a i teh cuan in hnaivai a vang khawp ang le.
Report this comment
November 9th, 2010 at 1:48 am
Speling ni loin, similar words with same meaning kha kan tehna tur zok alom ! Hetiang zawnga tih chuan ‘mara’ leh ‘lusei chu in hnai/ang a tam khop mai ! Thadou ho tawng hi a awmzia ka hre thei miah lo bawk !
Report this comment
November 9th, 2010 at 1:54 am
Tih tak2ah te chuan , meitei ho chuan lukham {pillow} te hi ‘mawn’ an ti asin
:mrgreen:
Report this comment
November 9th, 2010 at 2:02 am
Nang leh nangi tih te, kei leh eighi etc te chu rikdan leh awmzia in ang chu a tam hi mawle. Hmasa lamah khian hv khan inang deuh2 rawn phawrh toh bok a. Mara nen pawh inang tak2 chu a awm tho ang chu.
Report this comment
November 9th, 2010 at 8:02 pm
Nizan khan ka mutsan daih che a, in ang deuh deuh chu tam e..number hi ama, ani, ahum, mari, manga…pakhat pahnih, pathum, pali, panga. Meitei lal Reng khan thil a tihpoi em em mai chu, Hindu a a inleh khan Sanimahi library a an lehkhabu roh zawng2 a hal raltir vek kha ani. Khang kha la awm sela chu, an hnam chanchin mai bakah mizote nena kan in laichin dan thleng hian a zir chhuah theih awm si a. (tunah hi chuan Devagiri script an hmang ). Tin, comment tu pakhatin a rawn sawi naga hnam zingah mizo hnahthlak an tih fo thin chu, “rongmei’ ho khu an nia. A dang an awm leh awm loh kah hre lo. Hengho zingah hian Kristian lo an la tam a,
an hmanlai tihdanin kumtinin vawkin kum that nan an la in thoi thin. Vawksa hi chi tel loa ei tur tih ni tain ka hria ! ( Mara nen chuan hengho ai hian kan la inhnaih hretin ka hria ! ). Tin, ralte tawng hi lushei tawng nen a kal hmang ain ang miah lo bawk ! RL Kamlala hlaphuah ‘Hlimna ni ropui a eng’ tih hi ralte tawnga a phuah lushei tawnga lehlin ania. ‘He kawlkil’ tih mai hi hindi a’he’ ang hian zu hmang daih a. ‘Kawlkil te u’ a tihna alo ni daih mai ! Burma ramah khian lushei tawng ang deuh hmang chu an awm, ‘laizo’ an ti a. An tawng hi mizo tawng thiam tan chuan a hriat theih vek !
Report this comment
November 9th, 2010 at 8:35 pm
Mara tawng ka thiam lova, Meitei lah ka thiam heklo. Kan tawnga a rik dan inang deuh leh a awmzia han zawha lo inang tlatte han ngaihtuah hian a inzul mang e ka ti mai a nia. Library hal hi chu a rei tawlh tawlh a kan ui tawlh tawlh a nih ber hi maw!! Hiuen tsang khan record kimchang zawk lo dah se, heng tlangram thleng hian lo record diam se chuan…(teh duah a hmeichhe thudawn em mai ka sawi zawm lehlo mai ang
)
Report this comment