LPS pro-Fight- Tunlai chu LPS Pro-Fight a hmuhnawm thei tawh khawp mai. Mizote hi Boxing ah hian kan lo nep loh zia alang ching hlein ka hria. A huaihawttu LPS lam an fakawm khawp mai.. sum tam tak sengin kan thalai Boxing lama talent nei tha tak tak an hai chhuak mek a, an fakawm tak meuh a ni. Tin, Mizorama a vawikhat nan satellite signal hmangin an progaramme an pe chhuak a, thingtlang lam hla tak tak a mite pawhin live ngatin LPS pro-fight an lo en ve thei te hi an fakawmin an inpekna a ropui tak zet a ni.
Mahse thil pakhat ngaihtuah mai mai kei misual hian ka nei a, judge te point pek dan thenkhat hi chu mak tih deuh deuh ka nei ta nual mai. Fiamthuin an sawi ka hre thin a, a tak tak anih chu ka ring chuang lo a, Aizawl boxer chu tlemin an duhsak deuh chuan a hriat deuh. Dt. 17.11.2010 zana Serchhip tlangval Angaiha leh Sete-a te inhnek ah khan ka lo hmuh ve dan nen chuan result kha chu mak chu ka ti ve deuh, tin Bawla te inhnekah pawh khan a ni thoin ka hri. Ka han rak ve mai mai a nih chu, kei leh ka misual thiante ngaihdan mai mai nih chu…
