Lalfakzuala hi 1982, September ni 18 khan Presbyterian Hospital Durtlangah Pu Laldawla leh Pi Lalmawiite fa hmasa ber ni turin a lo piang a; a pianhlim atang hian a sawngnawi nghal em em a; amah awm thintu, thenawm khawvengte ho phei chuan ‘tawhek nen ek samaan’ an ti thin.
Thing delhhloh, lung delloh na na na chu a lo thanglian ve zel a; sikul kai rual a lo nih ve takah chuan an khuaa Primary School-ah chuan pawl khata thu turin a inziak lut ve ta.
Hemi ni hian ek a cheh haw nghal.
Lehkhate lah hi a’n thiam theilo em em mai lehnghal a. Pawl khatah hian kum li a thu a ni. Mahse mak tak maiin a thiam theihloh em avanga pawl sawn theilo a nih rual hian chhiar hi sipel chawp lovin a thiam tlat thung. An zirtirtute’n ‘ke a ka pi a pa a en I ni, ka pa a ni,’ tihte hi chu rang takin a lo hre hman daih tawh thin a ni. Bible milem, Upa K.Saibela ziahte hi zuk tuipui hman daih tawh lawia!!
Pawl khat chu simple pass-in a zo ve miala; pawl hnihah a thu ve ta. A sikul luh rualpuite’n pawl sawn san daih tawh hlawm mahse pawl a sawn hi chu a hlim ve khawp mai.
Pawl hnihah chuan text bu awm lo mahse sap tawng an zir tel ta. English-ah chuan a tui ta em em mai a; an zirtirtute’n home work an pekte hi a thiam nghal zung zung mai a ni.
Chutiang bawkin subject dang pawh a hnehsawh tawh hle. Mahse an pawlah chuan tluk theih miahloh a nei tlat mai. Hmeichhia a ni lehnghal. A tlawmngai thei em em a; class test leh exam naahte a hnuaia a awm zel thin avangin tluk ngei tumin a bei ngawrh hle thin.
Tumkhat a lehkha zir, english thumal a lo by-heart chu a au ring deuh ni ngei tur a ni. An kawmchhak kawngpuia awmte chuan tlangau emaw an lo ti pek a; an thiltih lai chawl meuhvin an ngaithla a ni.
Third term exam nan chawlhkar hnih chauh a awm ta. Vanduaithlak tak maiin a tluk theih miahloh Laldingi chu a tuichawi naah intipalhin a ngal ruh a ti tliak hlauh mai.
Lalfakzuala chuan a thiannu chutianga a na ta mai chu a khawngaih em em a; mahse a khawngaih viau rual hian pakhatna nihna chance a ni dawnin a hria a; a lehlam tak chuan a lawm a ni.
Exam ni a lo inher chhuak ta. Lalfakzuala pawhin pakhatna nih tum ranin a bei bawk a; a tang kher mai. Mahse, exam theilo tura a ngaih Laldingi kha in lama exam zirtirtute’n an phalsak tlat mai! Lalfakzuala chuan titha thawkhata a inhriat avang leh Laldingi chuan a damloh avanga a lehkhazir a bahlah deuh a rin bawk avangin result chhuah hun a nghakhlel hle.
Farewell ni a lo in herchhuak ta. An zirtirtute’n chaw fun a, cheng nga theuh thawh bawk tur an tih angin Lalfakzuala pawh phur takin a kal a; a chhungte’n cheng khat an pai bawk.
A thianpa hausa deuhvin chengkhat chiah Lalfakzuala’n a pai tih a hriat chuan a khawngaih em avangin cheng thum a pe a; Lalfakzuala chu a lawm kher mai. Firi cheng hnih man leh chana thak cheng hnih man a lei nghal. A pawisa a hmang zo chu a ni ta der mai!
Ruaitheh hun a lo ni ta. Masi-ah bak ruai an theh dawn tawhlo tih inhre ranin chaw an ei hlawm a; an hmuhnawm kher mai. Pawl khat atanga pawl li an nih hlawm avangin an chhangchhe hle a; thenkhat an lo inti tap a. Nui ri nen an ri lelu mai a ni.
An zirtirtute hi an remhre khawp mai. Chaw ei khamah result an puang chauh a ni. Chaw ei hmaa an puan chuan hlawhtling lote an awm dawn si a; an chaw ei a tuiloh an hlau a ni.
Result puang turin an lut khawm leh ta. Chutah zirtirtute’n muangchangin result an puang ta. Pawl khat atangin an tan a; pawl li leh pawl thum an puan leh hnu chuan pawl hnih an puang dawn ta. Lalfakzuala chu a helhhawlh tawh hle. Pathumna an puang a; an tel lo ve ve; Lalfakzuala chuan ‘ka rin ang chiah a ni, Laldingi chuan a zir that theihloh ka ring deuh reng a ni,’ a lo ti rilru hmanhmawh. A khawngaih viauva; pass ngei tur erawh chuan a rilruin duhsakna a lo hlan mawlh mawlh thung.
‘Pahnihna chu Lalfakzuala a ni’ an ti ta. Amah lawmpui tih hriat takin a thian thate chuan an rawn chibai sap sap hlawm a. Amaherawhchu, Lalfakzuala chu a lawm ve der lo thung. Pakhatna chu a el ber Laldingi a la ni cheu bawk si.
A haw a; in nuam a tilo. Khawlai len nuam a ti bawk silo. A beidawng ngawih ngawih mai a ni. A nu leh pate lah chuan an fapa exam naa titha hle si, lawm hmel pu hauh lo leh beidawn hmel tak mai chu a ngaihna an hrelo hle. A ni lah a tawng duh der silo. Zan a lo thleng a; muthilh a tum thin. A mut reng a chhuak theilo.
Nakumah an inpawl rual leh ngei ang. Mahse, an sikul a la thuhmun angem? Chubakah inel chho leh ngar ngar thei tur khawpin an thiam a inrual leh angem? Hriat phak a nilo.
Chutah rilru a siam fel ta. Kum sawm mi lek la ni mahse tuma hriatpui lohvin a intiam ta. ‘Nupuiah ka nei anga; tlukloh chu sawi loh, ka thu thuin ka la dah dawn a ni’ tiin thiltum lian tak a nei ta. Chumi hnu reiloteah chuan a muhil ta a ni.
Similar Posts:
- Pawl hniam lam zirlai fail tir thin hi
- EXAM
- Lu meh man ti sang
- HSLC Exam tih tawp ?
- Mizoram School Examination Policy
November 21st, 2010 at 11:46 am
Khawhar chhungte pual emawh ka lo ti hman a. NOI :lol: :ti_taktak:
Report this comment
November 21st, 2010 at 11:47 am
ava sei em em nakinah ka chhiar ang
Report this comment
November 21st, 2010 at 11:54 am
an innei ta em? :mrgreen:
Report this comment
November 21st, 2010 at 11:57 am
a va han ho ang reng e…zep lohah chuan :roll: :mrgreen:
Report this comment
November 21st, 2010 at 11:58 am
A va dangdai teh daih ve… :lol:
(Tunlai chu ngatinge maw ni, ka mi(sual) mumal thei lo reng mai.)
Report this comment
November 21st, 2010 at 12:10 pm
@shailendra: Keipawh
Report this comment
November 21st, 2010 at 12:13 pm
Pu shai, i dam maw? A ngai ah khan ami i la awm a?
Report this comment
November 21st, 2010 at 12:17 pm
Thawnthu ngaihnawm tak i phuah thiam ngawtin ka ring a post tu hian
Report this comment
November 21st, 2010 at 12:22 pm
Samuel, A ngaiah ka la awm e…
Report this comment
November 21st, 2010 at 12:22 pm
A zirtir-Hmeichhia kan tlukloh reng reng chu nupuiah neih hmiah tur.
Report this comment
November 21st, 2010 at 12:24 pm
Pu shai-Zirtawp khan ka lo kal a.
Report this comment
November 21st, 2010 at 12:26 pm
Mi fate a ka experience ve mai mai chu naupang lutuk a sikul kal te ai chuan kum in a chal delh deuh a kal te hi an thiam duhin an zirlai an ngam duh. Lalfakzuala pawh hi a kumin a chal delh deuh chuan thiamthei lo a nih tawh loh hi.
Report this comment
November 21st, 2010 at 12:27 pm
Fakzuala chu idea reuh ve a…… Apply ve chi viau ang a
Report this comment
November 21st, 2010 at 12:29 pm
sonju_a chu i dam maw? World Cup lehah chauh rawn lan leh i tum ta mai emaw ka lo ti hman a :lol:
I nupui hi i tluk loh a ni ngei lo maw…hehehe…
@Samuel, zirtawp kha chuan kan meeting nileng a, niminah ka chhuk. Ka rawn chho leh deuh nghal mai ang…
Report this comment
November 21st, 2010 at 12:30 pm
Sawngnawi ek cheh pheng phung paw’n nupui a neihtheih tihna a ni maw? :mrgreen: A ziaktupa chanchin a lo ni reng mai angah. NOI
Report this comment
November 21st, 2010 at 12:32 pm
A thawnthu tawp kharna chu a va mak teh daih ve le.
Report this comment
November 21st, 2010 at 12:36 pm
laldingi chuan a lo neih duh ve si loh chuan a beidawng leh dawn anih awm chu maw.buaithlak awm…
Report this comment
November 21st, 2010 at 12:37 pm
Pu shai, ka dam e, hna avangin Zawlkhawpui lamah thla 2 lai ka’n tal ve pek alawm mawle.
Kan nu maw, zep lovah ka tluk lo, mahse tunah chuan ka thuhnuaiah a awm tawh alawm.
Report this comment
November 21st, 2010 at 12:39 pm
a tawp hma reuh mange…
Report this comment
November 21st, 2010 at 12:50 pm
Beisei ai in a ho ang reng…. 8O 8O
Report this comment
November 21st, 2010 at 1:02 pm
A awm zia hle mai…Nu leh Pa te hian fate hi mi el viau turin kan ti thin a. hei hi bansan a hun tawh an rilru hi a hah thei em an khawngaihthlak tuk..an pass tawk tawk a an duh ang an zir hian an khawvel nuam a ni mai… 8O
Report this comment
November 21st, 2010 at 1:11 pm
Belh chian a dawl hle mai. A phylosophy lutuks…
Report this comment
November 21st, 2010 at 1:15 pm
Lalfakzuala pawh kum 28 mi a lo ni ve ta … Laldingi ke pawh a dam tha vel vawl tawh a … Laldingi hi el chi a ni a, er pawh Faka hian a er lek lek a ang thuak.
Laldawla leh Lalmawii te hian Laldingi hi mo atan an duh tak tak emaw chu le? Palai tirh zai chu rel ve tawh awm tak a ni a … hmeichhe tleirawl-chho hi an lerh duh deuh va, an puitling hma zawk bawk a. Lalfakzuala pawh hian rilru dang a la pu em lo mai thei bawk a … eng chu ang zel tak ang maw?
Hetiang plutonic/puppy love hun lai hi suangtuahna kal thui ve thei deuh a ni a, a hlawhtling khat mai pawh a!
Report this comment
November 21st, 2010 at 1:17 pm
ahaha..ka va nui hnem ve..
A thu nawi danah chhana ziah anih k ring reng a! :mrgreen:
tet lai primary hunlai vel kha…english medium a kal te kha cuan ”min promote” kn tia..mizo medium a kal ten ”ka simple pass” an ti thung a.
helai hi ka lawm tawp..
Report this comment
November 21st, 2010 at 1:24 pm
class 1 thleng chauh a thiamtheilo a nih hmel… class 2 atang cuan a thiamthei hle toh sia…mi lehkhathiam thei tak angin ngai ang :roll: :mrgreen:
Report this comment
November 21st, 2010 at 1:27 pm
A ho, a chuti khati.. ti zawnga sawisel che awm mah se i ti tha thlawt e, kei hian puahchah dawn ila ka harsat leh pek ang chu.
Tichuan an innei ta a, Lalfakzuala chu a tumloh puiin a thaibawi zui ta em em tho a! :lol: :roll: :wink:
Report this comment
November 21st, 2010 at 1:31 pm
@Rempuii bAkcheH #25 lolsssssssssssss
Report this comment
November 21st, 2010 at 1:36 pm
a ngaihnawm reuh mai mai. Chhana hi thu tluangtlam ang reng tak naupang thawnthu sawi ang deuh hian thawnthu ngaihnawm deuh deuh hi i phuah thiam ka ti. ka uang miahlo.. :|
Report this comment
November 21st, 2010 at 1:49 pm
moral of the story: nupui te laka intithu viau hian an naupan laiin an sikulah hmeichhe tlukloh an nei chawk
Report this comment
November 21st, 2010 at 1:53 pm
chhana lah hi, ho zet zet hi ngaihnawm deuh deuh hian a ziak a, a bak beisei deuh duk hian kan chhiar a, kan kham mang lo ziah lehnghal a.
Ropui khawp mai.
Report this comment
November 21st, 2010 at 2:19 pm
A tawp i ‘twist’ dan chu a, rinloh lamin i ti tawp thut a, min ti nui vur vur. :lol:
Report this comment
November 21st, 2010 at 3:11 pm
@29.aduhi…tet laia kan tluk loh pawh hi a hnuah kan thuhnuaiah an la awm thei :mrgreen:
Report this comment
November 21st, 2010 at 3:12 pm
Kum 10 miin chauhthubarawh rilru puin nupuia neih a tum rilru ta a….. Hetiang ngaihtuah atan chuan a la nau deuh mange! Ho tak anga lang, chhiar nuam tak a nih reuh si hi!
Report this comment
November 21st, 2010 at 4:00 pm
ava thra reuh e hei chu..ka ngaihnawm tih zawng tak ani.
Report this comment
November 21st, 2010 at 4:27 pm
Chuan…….. a nei ta em? A thuhnuaiah a dah ta em?
Report this comment
November 21st, 2010 at 5:03 pm
lo duh lo ta se kum khua in a tluk don lo tihna ami? a lo duh hlauh chuan a tih chi viau ang..tha hle mai
Report this comment
November 21st, 2010 at 10:57 pm
Ha ha, ka rin loh deuha i tihtawp chu le! i ziak thiam ka ti! a ngaihnawm reuh! Mahse, a nuihzatthlak! :lol:
Report this comment
November 22nd, 2010 at 12:39 am
Lalfakzuala hian pu Lallura Sihphir veng a awm fapa nen khan an in an hmel ka ti.Kha pa pawh kha kum ruk anih in kawngkhar vuanin abb ba aaa baa a ti thei tawk an tih kha.Tunah hian Israel ah a awm mek niin ka hria .A ni te zuiin
Report this comment
November 22nd, 2010 at 6:07 am
Mipa vanneihna :mrgreen:
Report this comment
November 23rd, 2010 at 12:42 am
to be continue…(maybe)
Report this comment
November 25th, 2010 at 1:21 am
Naupangthawnthu
Report this comment