Andrew chuan an Christmas Tree Mawi zet mai chu a thlir vang vang a, far thing hring nghalh mai leh kil thum nei deuhva an cheh mam thlarh mai chhipah chuan arsi lem mawi tak a tle sar mai bawk a. Rawng chi hrang hrangin a rahte chu a tle sep sep a, vurin a bawh chekin a lang bawk a. Chu mai a la ni lo; Christmas Tree hnuaiah chuan Krismas putar (Santa Claus) in a dah Christmas Present a la awm that bawk.
Chu’ng thil zawng zawng chu mawi ti em em-in Andrew chuan a thlir vang vang a, a mitmeng pawh a nung sar mai. Naktukah chuan chu’ng Present-te chu a hawng tawh dawn si a. Mahse, kimlo a la awm a ni. A pa, buai em em mai, a fapa tana hun nei hman miah lo chu a ngai em em a; a nu, sumdawnna chauh ngaihtuah a, kuahlum hman ngailotu chu a thlahlel ngawih ngawih a ni. “He’ng thilte ai hian ka pawimawh lo zawk em ni?” Andrew mitmeng mawi tak, hlimna-in a kah en phet chu a thim tial tial a, a biangah chuan beidawnna mittui a lo luang ngiai ngiai a. “Ka nu, ka pa, khawiah nge in awm?” tiin a phun sep sep a. Chu naupang khawngaihthlak chu mu turin zawimuangin a inher ve ta a.
December ni 25 chu a lo inherchhuak ta a. Andrew chuan a Christmas Present chu a hawng malh malh a. “Mommy & Daddy” chu a hawng ve ta a….. Engnge awm ang le? Thawmhnaw……. Motor lem….? Khai aw…!! Engmah a awm lo!! Chu bawmruak chhung chu beidawng takin a bih ta reng a. Ngawi teh, eng thil emaw chu a awm ang. A han zen nawn leh a, lehkhathem pakhat a zenchhuak ta nawlh mai. Hrilhhai takin chu lehkhathem chu a’n la chhuak a.
A pa kutziak (kutziah ka va ti chak e….), a hriat than em em mai chu a zuk hmu ta. “Andrew kumtharah chuan i tan, (kan inkawmhlimna’n) nitin darkar khat; Pathianni-ah darkar hnih hun kan hmang ziah tawh ang. – Mommy & Daddy” tih hi a lo inziak a. Engdang mah a awm lo. Kum danga a dawn thin naupang lawm chi reng reng hmuh tur a awm lo.
Andrew chu a tho thut a, lawm em em-in a pa chu a kuah chuk chuk a. “Ka pa, kum danga Christmas Present ka dawn tawh zawng zawng aiin kumina ka dawn hi a tha ber; ka lawm lutuk” tiin lawmna mittui nen lawmthu a hrilh ta mawlh mawlh a. A nu chuan hmangaih takin a lo kuah bawk a. Christmas arsa (Turkey) chu hlim takin an kil za ta a.
Christmas Present-ah te, Birthday Present-ah te i fate engnge i pek ve thin le? Kawrthar mawi tak nge pheikhawk thar? Nula leh tlangvalte hian kan nu leh pa-te hi engnge kan pek thin le? Lukhum lum nge mawza lum? Christmas Present, sum leh pai leh lunghlu tha mi pawh in a lei zawh loh, lei ngai lova a thlawna pek theih si hlu em em mai hi kan ngaihtuahnaah hian a lut thleng ngai em le?
Mite kan tlukin kan fel e ka ti hran lo; mahse ka sawi ve dawn. Fakpui chang suh ila, ka pa chu naupang chhia ka nih atanga tun thleng hian ka thian tha ber a ni reng fova, mawhphurhna ka zir theihna’n inchhungkhur thilah thleng pawh rawn tham loh min rawn tlat thin. Ka pa zawng, ka tluk ngai reng reng lovang tih ka hria. Tin, ka nu-in a hmangaihna-in min kuahkhawm a, chu hmangaihna chu a â lova, a fingin thil a hmufiah em em tih ka hria a ni. Chu’ngte chuan sum leh paia kan lei theih miah loh chhungkaw inngeih tak min pe a, eng hausakna mah hian ka thleng phal bik ngai lovang. Uangpui chan pawh ka lo chang a ni ang e, …….. A hlu em asin.
Chhungkua (Home) nuam taka siam tur hian tunge pawimawh ber ang le? Chhungkua kan pawimawh ber a ni. Pawn lam atanga siam nawm chi a ni lova, a chhung atanga siam nawm chi a lo ni. In Chhungkua hremhmun, hmun khawhara siam theitu kha nangmah kha i ni a, Pialral, hmun duhawma siam theitu pawh kha nangmah bawk kha i lo ni!
A nawm chuan i tan Vanneihna ropui lutuk a ni a, a hrehawm chuan i chan chu Vanduaina fa chuam. I thu thu a ni. Sum leh paiin a lei zawh ngai loh, lei ngai lova a thlawna dawn tur awm bawk si, a nei tawhte chuan an hralh leh phal ngai hauh loh The Best Christmas Present hi chhung tinte hian han inhlan tawn suau suau thei tehreng ila aw………..
Similar Posts:
- Christmas ah present tur I lei don em?
- Christmas quotations
- Christmas Present
- Andrew of Dr Luke, unreleased video’s
- More Aizawl Pics
November 21st, 2010 at 9:30 pm
Christmas present-ah chuan pawisa, kawr thar, thil hlu adt.. ai chuan Lal Isua ngei hi pe thei ila, a ropui leh zual ngei ang.
Christmas present hlu ber Lal Isua hi kan pek theihnghilh fo thin…
Report this comment
November 21st, 2010 at 9:40 pm
che rang viau emaw in tih pawh hian zephenath chu a lo zephenath leh nge nge thin. Lal zephenath,ka back kick mai tur che a nia.shalllaaaa,nge min 1st khalh… hhhrrrr.
Report this comment
November 21st, 2010 at 9:42 pm
:evil:
Report this comment
November 21st, 2010 at 9:43 pm
Kan thinlungah a Boruak vel mai mai kan dah lal fo thin a tin ni….
Report this comment
November 21st, 2010 at 9:43 pm
“Andrew kumtharah chuan i tan, (kan inkawmhlimna’n) nitin darkar khat; Pathianni-ah darkar hnih hun kan hmang ziah tawh ang. – Mommy & Daddy” tih hi a lo inziak a.
Present bawma dah awm loh chi tak a ni, lehkha ziak maia lawmna chang hre phak chu an chhungkaw inkaihhruai dan pawh a felfai tha viau tih alang…an chhungkua pawn, a ziak (masi present, letter)ang lo tak khian inkawmna hun an ngah hle in ka ring, fapa an nei fel em mai. NOI
Report this comment
November 21st, 2010 at 9:51 pm
@Van Damme: In sum rawh… Van Damme (Jean Claude) kha kan van ngaisang thei tak! a movie ka en tam ve khawp mai.. :mrgreen: :roll:
Nakinah mood deuh hunah ka chhiar chiang ang…
Report this comment
November 21st, 2010 at 9:53 pm
good post. Story toi te i dah khi i idea khop mai.
Report this comment
November 21st, 2010 at 10:01 pm
thawnthu ngaihnawm tak a ni, fate hian nu leh pa lak atang hian ngaihsak an mamawh ber reng a ni. Mahni remhriat dana hmangaihna tihlan vak ai chuan Khuanu remruat dana ngaihsakna hmanga hmangaihna tihlan hi naupangin an ngeih ber….te ka’n ti duah a
Report this comment
November 21st, 2010 at 10:04 pm
Ngaihnawm fu mai ! Thil reng2 hi a in balance hi a ngai a, in kuah hluau2 ringot a, engmah present in pek miah loh poh hi a tha ka ti chuang lau… :mrgreen: :mrgreen: ..Biak ina lam vir vut2, thohlom thoh tha leh duh miah lote pawh awm theih tho ani… :mrgreen: :twisted: :mrgreen:
Report this comment
November 21st, 2010 at 10:06 pm
@9___ :lol:
Report this comment
November 21st, 2010 at 10:13 pm
Masi poh lo hnai leh ta hle mai a….
Report this comment
November 21st, 2010 at 10:29 pm
i thu ziah phena i ngaihhlut zawng lo lang hi tha ka ti
Report this comment
November 21st, 2010 at 10:30 pm
Ngaihnawm hle mia……Nu leh pa ni tawh te tan poimoh zual…zawnglaitan chuan ho tlat ha22
Report this comment
November 21st, 2010 at 10:34 pm
mparalte, a va ṭha em!!! Nu leh pa ten kan fate tan hian a tam thei ang ber hun kan pek hi a pawimawh khawp mai.
:lol: kutziah han ti chiah lang chuan… :lol:
Report this comment
November 21st, 2010 at 10:41 pm
“Christmas arsa (Turkey)”: ‘Turkey’ hi mizovin ‘Sai-ar’ kan ti.
I thuziak a ngaihnawmin zitir pawh a nei tha viau e.
Report this comment
November 21st, 2010 at 10:47 pm
sap chuan thu tehkhin naah ”as nervous as a turkey at xmas” tih an hmang thrin..lol..i’m as nervous as a broiler chicken at xmas, tih te pon hmag ila, a dik viau ang..
Report this comment
November 21st, 2010 at 10:50 pm
” The then who the by, is was of….” ___ English hi chu a lo har lo em mai. :lol: :lol:
Report this comment
November 21st, 2010 at 10:55 pm
17, ayaaaaaa…..shoo..! 8O 8O ahahaha.!
:cry:
Report this comment
November 21st, 2010 at 10:58 pm
nia
Report this comment
November 21st, 2010 at 11:00 pm
i’m as nervous as a broiler at xmas, tih te paw’n hmag ila, a dik viau ang..
(broiler chicken aiin broiler ti mai ila hun leh hmun a hek lo deuh ang :lol: )
Report this comment
November 21st, 2010 at 11:12 pm
Nikum mi(sual) charity kha ka XMas present dawn rilru khawih ber ani. Miharsa zawk kan tanpui khan ka chungah nasa takin thu tamtak a sawi
Report this comment
November 21st, 2010 at 11:18 pm
@evergreen,
Report this comment
November 21st, 2010 at 11:20 pm
mparalte, ziak ngaihnawm hle mai! in unau hian thuziak mi tak in ni ve ve anih hi! christmas a hnai ta bawk a, ngaihtuahna min siam nasa khawp mai!
Report this comment
November 21st, 2010 at 11:27 pm
Thu ngaihnawm deuh deuh hi in phuah in phuah bik mai a…
in hman teh eReport this comment
November 21st, 2010 at 11:29 pm
@22___ Bakcheh…. comma i dah sai-he lutuk , a dik zan lo deuh. Tin, i ziak awn mah mah, ….. lehpekah chuan i hre tawh dawn nia. :lol:
Report this comment
November 21st, 2010 at 11:40 pm
@bakcheh
A broiler is a type of chicken raised specifically for meat purpose
Report this comment
November 22nd, 2010 at 12:02 am
And the comments goes on… :arrow:
Report this comment
November 22nd, 2010 at 12:04 am
Thu tha tak a ni e
@HV#5, thawnthu a nih hi, hre thiam ve mai la, a zirtir tum lam hi pawimawh zawk viau lko mo, i fate tan eng ang hun tam nge nang ??? Tawmpui nei ang mai a Misual thik tur khawp a in nu in a thlir vaih che chuan .ie from your…????
Report this comment
November 22nd, 2010 at 12:10 am
@mparalte: I sawi dik lutuk. Chhungkua hi pawn lam atangin tuman an rawn siam nuam dawn lo. Chhungkaw nuam tak siam theitu chu chhungkaw member te chauh an ni. Hlimna hi chhungkaw pawn lamah zawn chi a ni lo. He inchhungah ngei hian hlimna chu a awm a ni. Chu hlimna chu lang chhuak thei lo turin keimah hian ka lo thut bet tlat te hi a lo ni reng ang e.
Report this comment
November 22nd, 2010 at 1:21 am
Naupang hovin thleng an dawh leh ngei anga.. Kumin chu an thleng dawhah ka lo thu vun dawn maw’n le… :lol:
Report this comment
November 22nd, 2010 at 2:00 am
A va ngaihnawm hlawm tak eeem!! A mal te te-a chhan ka chak lutuk. A then phei chu ka sawi zui peih chi…. Mahse, mahni thil post-ah ka phur lutuk ang tih ka hlauh deuh roh a… A hranpa-a sawiho chi te pawh a awm ti ru? Mak angreng chu ka ziak ve duah a, ka fate-ah hian ka hmang em aw ka inti thin.
Report this comment
November 22nd, 2010 at 2:20 am
Christmas a lo hnai leh ta, naupang lehzual kan nih laia Lalsangzuali Sailo leh Jim Reeves zai ngaithla chunga tlaivar tum ve em em, hlawhchhama thlamuang tak mai si-a kan han muhil bal thin te kha, nu leh pa karah kan thla a muang thin teh e.
Hun a liam a, kum leh lunglenna a pung a, hár khu-in min ur lunglen chang pawhin kawnga hlin ang maiin duhlohna lamah kaih kan ni ta fo mai. Midang tana nun a hun ta a ni ang e.
…soon it will be Christmas day.
Report this comment
November 22nd, 2010 at 2:30 am
Krismas lai hian a bikin chhungkua a hun hman ho tam a tha. Sapram lamah te chuan krismas lai hi chhungte tlawhchhuah kual na hunah an neih thin a. Nupa te pawhin an nu le pate chaweiah te sawmin emaw, an inah an va kal thin. Kumin Krismas chu ka awmna bial 8km radius ah Mizo dang tumah an awm ve dawn lova, a khawharthlak dawn khawp mai. Urlawk zan pawh ka rawn misual zuk zuk dawn a nia kei chu
Report this comment
November 22nd, 2010 at 9:04 am
mparalte, a ngaihnawm hle mai. Hetiang lampang hi han thawh fo teh…
A pa kutziak (kutziah ka va ti chak e….) a dik reng ka ti, ti raw, muante… :lol:
Report this comment