A nia sin, khang hun lai kha chuan thil dang leh hun dang zawng zawng ai hian alo thlen hun hi ka nghakhlel thin. Mahse, kum khat teh meuh mai nghakhlel taka lo hmuah chu a rei duhin, bei a dawng lek lek thin.
Masi lo thleng tur hi nghahhlelhna chhan ka nei thin, a hmasa berah chuan School kan chawl dawn a ni. Nia, kum tluanin nitin mai Sikul fawm nen hmanhmawh takin Sikul lam ka pan hnak hnak thin a, Ka Sikul kal Ipte pawh ka Pa in uluk taka ka Sikul Fawm kekawr bang a min thui sak ngat a ni. Sikul kal chu ka nin tawh tehreng nen, ka thiante aia ka thiam har thin avang chuan kan Zirtirtu nelawm loh zet zette chuan min hrem fo thin a, ka sual vanga ni lo a, ka pianpui rilru chu a chak tawk loh vang mai a ni. Chutiang a Sikul kal reng mai chu ka ning satliah lo a, ka kham tak zet. Masi alo thlen hun chuan Sikul kan chawl ang a, ka Zalen tawh dawn a ni.
Pahnihna ah chuan, Masi kawr thar ka nei dawn a ni. Ni e, chhungkaw hausa tak kan nih loh avangin ka Pa nitin puanthuina atanga a hlawh chu kan ei ber a ni thin a, chutianga Fa 4 ngawt mai Sikul kaltir chung chuan Chawhmeh a tha theilo a, kan ei tawk tawk a ni ber mai. Chutih laia kum laklawha kawrthar lei chu danlo a ni tawp mai. Ka beisei phak ngailo. Mahse, Masi hunah chuan ka Unau te nen mipa zawng chu inang thapin kan kawr leh kekawr tur puanthan min lei sak ang a, ka Pa in uluk takin min thui sak leh dawn a ni. Chu ringawt pawh chu kei naupang chhia tan chuan thil nghahhlelhawm tak chu ava ni thin tehlul em.
He chhandamtu pian cham lo thleng thin hian ka tan chuan malsawmna ava thlen nasa thin em! Ka tan chuan hrehawm tinreng, ka nin hluah hluah thin leh ka neih loh, ka awh em em thinte laka min chhandamtu a ni thin.
Tun thleng pawh hian he hun alo thlen dawn hian ka hre chhuak thin, ka Pa in kan Unau thuamhnaw man tur Zing ni chhuah hlim atanga tlai khawthim thleng rak rak a a thui hnuah, kan thuamhnaw ve tur Urlawk zan a min thui sak thin kha. Ka nu in thingpui sen a siam sak kha phur takin ka pe thin a, kan Unau za chuan ka Pa khawl bulah hlim em emin kan lo kil ve laih thin a.
Similar Posts:
- Masi Thing Phurh
- Advance in ‘masi’ i hmuak lawk teh ang
- Rulchawm – kan khua
- Christy – Lalzuitluanga
- Thinlaia’n a thar leh thin
December 5th, 2010 at 5:38 am
A hun a thleng tep tawh e.. Masi urlawk ang aw.
Report this comment
December 5th, 2010 at 5:51 am
‘A tuipui’ hi tun ah chuan Masi ka nghahhlelh nachhan pakhat ani
Report this comment
December 5th, 2010 at 5:56 am
Dik eee..!! Masi kawr thar neih kan nghahhleh theih zia kha aw!!!
Vawiinah rei tawk ka bazar, naupang advent calender ka la siam zawh loh avangin (dec 1-24 thleng a nitina an hawn tur gifts) ka bazarna lamah naupang thawmhnaw ka lei tel nual a, ka fanu hak tir chhin ka tum a, kawr thar hak chhin a nin zia a sawi niah niah a, kawr thar MAI MAI neih ai chuan chocolate te reuh te pek in an lawm zawk. “Masi kawr” tih awmzia lah an hre hek lo. Kan naupan lai ka hrechhuak zawk..masi dawn a ni bawk nen ” Phun phun lo khan ha chhin ringawt mai teh, ka naupan lai chuan kawrthar te hi kan nei zen zen lo va, i vanneih zia hi i hriat angai” kan ti mai pek a nih kha. Min khawngaih vang nge tha tak chuan a ha chhin ve ta mai bawk a.
Tunlai naupang hi chu secondhand tlawm tak tak te a tam tawh bawk avang hian rethei deuh pawh hian xmas loah pawh thawmhnaw thar hi chu an nei zeuh zeuh tlangpui in ka ring.
Report this comment
December 5th, 2010 at 5:59 am
pimpom chu i zir chhuahna school ka ngaihtuah in lehkha thiam thei lo tak i nih ka va ring lem lo e
Report this comment
December 5th, 2010 at 6:08 am
Ngaihnawm hle mai.
Report this comment
December 5th, 2010 at 6:09 am
Kapa in kawr thar nge kekawr thar thlang rawh min ti – 1961 khan sawrkar tiangkawm ka thlang hockey ka khelh nan min lei, kan khu-ah a nei hmasa ber ka niin ka hria
1967 khan savun pheikhawk ka thlang min lei ka savun pheikhawk hmasa ber ani, Sunday bakah ka bun phal lo. Hemi hnu hi chuan Pathian zara ka thawhchhuah hlirin ka in lei ve tlat
Masi kawrthar fate lei sak kan chin kha Zofate materialism lama kan bul tan na a niin ka hria.
Tunlai chuan Masi Bike te Computer te Mobile hand set thar te a nei fa deuh chuan Car te pawh ani ta ve ang :!: Kei chu Masi hi ka nghakhlel ta mang re re lo nia. Nu leh pa tamtak lungngaihna thlentu ani em aw ka ti :?:
Report this comment
December 5th, 2010 at 6:15 am
I ziak dan khi ka tawn ve tawh nen inang chiah lo mahse, a kalphung a in zul hle mai. Kan unau pali kan ni ve a, (chhang khat lo ve angreng tak) Masi lo thlen dawn chuan kan duh zawng2 kan han ngen ve ngawt thin kha a ni si a le.
Ngaihtuah letin nu leh pa rilru hah tur zia kha ka khawngaih.
Report this comment
December 5th, 2010 at 6:35 am
Ka nu hian ‘kamis’ chu ka thuithiam alom a ti mai thin a, kamis chu midang ka thuitir ngai lo….amaherawh chu, a hma lam chhing ahnung lam fual vek hian a thui thin a, college ka kal hnu 1st year BA ka nih thleng khan ka la ha…ngaihtuah let hian nuih a za duh deuh… :lol:
Report this comment
December 5th, 2010 at 6:49 am
Ngaihnawm hle mai. Sum leh pai lam nei lo mah ila, thinlung lamah Krismas piantir hi a tul a ni…
Report this comment
December 5th, 2010 at 7:05 am
I ti lunglenthlak hle mai a. Nuam ka tih ṭhin bawk chu, buk kan saa, mei han zuk ham ham te kha.
Report this comment
December 5th, 2010 at 7:07 am
Dawhthlak kha Krismas putar thilpek emaw kan tih lai te kha :lol:
Report this comment
December 5th, 2010 at 7:10 am
Kamis thar, kekawr thar, mawza thar, pheikhawk thar nena biakin kawta imhmuhkhawm dial dial lai te kha. Kan veng chhunga a rethei ber pawn thawmhnaw thawmhnaw thar an inbel vek. Silai lem, kep kap puak thei chi kha, kan nei theuh a, inkhawm banah indo lem (in threng threng) turin helipad lam panin kan inzui dul dul thin.
Krismas lo thleng tur ka nghahhlelh em em na pakhat chu ruaitheh kha a ni.
Report this comment
December 5th, 2010 at 7:34 am
christmas hi ka hman nawm em em pawh ka hre ngai lo, mahse ka nghahhlelh hi a bang lo,, mas nghakhlel rual poh ka ni tawh lo,, ka in ti thin… kum tin hmun hran a awm pon mahni khua a hmang tur in ka haw ve ziah a,, han thleng ila a lo nuam em em chuang hlei lo a,, kumin pawh angai te in mahni hometown ah ngei chhangchhe chung2 hian kan haw leh dawn chu a ni a,, nuam tak ang maw..
Report this comment
December 5th, 2010 at 7:36 am
Khawdai vel ah tlangsam an par chiai a,chutah kawrthar ngen hun athleng tih naupangte chuan kanhria (nu leh pa rilru hah tur zia ngaihtuah lek lovin),masi atalh tur bawng khualkhua atanga an rawn kaih petromax (Pum) eng nen kan hmuah a, athenin Japanthian an han awrhtira, rik ve bung bunglaite ka mitthlaphah zuai zuai mai a,Urlawk zan vela har bula vawtti chung chunga thian zahoin tlaivar tuma kan inhawr khawm laite, mahse kan tlaivar zawh tak siloh te, he thuziak atang hian mitthla ah alo lang zuai2 mai.
Report this comment
December 5th, 2010 at 8:29 am
kei pawh masi i nghahhlelh chhan amg tho khi ka nghahhlelh chhan ani ve thin..masi vawk phing ngei mai kan han hampuar a,kan beng laih laih te kha alo nuam thin e..tunlai naupang chuan vawkphing an ham ngai tih pawh an hre tawh lovang.
Report this comment
December 5th, 2010 at 9:18 am
I ziak tawi mah mah a nih hi… a lunglenthlak dawn chauh a, a tawp a nih hi le…
Report this comment
December 5th, 2010 at 11:18 am
A ni tak a sin..he hun lo thleng tur hi..a nghahhlehawm rual in a …… Mas chhang tur ATTA ka nun min ur sak te kha awww…hun a liam mahse thinlung ah …Lehkha bu Ziak ai a chiang hian..HAWRAWPUI in a in ziak kiau mai si a…
Report this comment
December 5th, 2010 at 11:44 am
Ka thianpa in Zoro pistol ngei mai a rawn paichhuah ka awh ve thin zia kha aw. Kum 30 lai a liam tawh hnu pawh hian Chrismas boruak a rawn inmun apiang hian ka la hrechhuak ziah anih chu mawle.
Report this comment
December 5th, 2010 at 12:57 pm
A ni lo tuman kan tih hma2in a nia sin han tih ngawt te chu a!
kan thianpa 1 pawh hi a thilsawi dawn reng reng hian a eng a mah hma hian Aih a ti hmasa ngei ngei :))
Report this comment
December 5th, 2010 at 2:37 pm
elcee #4: Ka School tha tak hian enge min thlen tih chu tunah pawh ka la chiang bvik mai theilo a nih hi.lolz.
HV #7: A ni maw, kei chu Unau pali ah mipa pathum kan nia, kan farnu hi kan duat mah mah thin a sin..ha.haa..
Report this comment
December 5th, 2010 at 2:56 pm
Masi sawi takah chuan kan Rawlthar chhuah hlim a Se chaih kha va nuam thin tak e aw, :lol: ….. a chal-pang dawm te kha chu Val upa deuh leh huaisen tlawmngai deuh kha an ni thin a. Se lu-ah tlangsam leh zapanhlo kan han thiat luk mai a,….. hrui sei tawkin tlangval hoin kan han chaih a,…. “Sial nu ram lam pan ngai lo a c*** taituk taituk-ah”…kan han tia,…haw haw mup mup chung khan Masi sial kha khawchhungah kan inchaih thleng ve thin kha a ni a. Nunau leh nula hoin khawdaiah min lo hmuak ngei bawk a….hairehai … :lol:
A lunglen thlak ta hle mai, hmanlai an chang zo ta.
Report this comment