mi(sual).com

Nupa pahnih hi an awm a, fapa duhawm tak mai hi an nei a. An fapa neihchhun chu an duat a, an hmangaih em em a. A hmingah Zorama an sa a.

Fur alo ni a, khua chu a diakin chirh a tam hle a, an kawtkai lawkah pawh chuan chirhdup thuk tak te pawh a awm a. Zorama chuan chirh vel a infiam chu nuam a ti em em a. A nu chuan a balh thin em avangin a hau thin a, mahse a pa erawh chuan pawi a ti vaklo. “A hmanthiam hunah chuan ransa lem te themthiam thil nalh tak tak te chuan a la awm tlei thei asin” a ti duh lek a.

Nikhat chu Zorama infiam lai chu chirhdupah chuan a tawlh lut palh ta a, a pil ta ruai ruai a. A nu in a hmuh veleh an pa chu a ko vat a..”En teh kan fapa saw” tiin.

Pasal: Ni e kan chhan loh chuan a tla hlum ngei dawn anih saw.

Nupui: A ban bulah kai ila a chhuak thei mai ang.

Pasal: A dik reng, mahse a lu chauh a lang tawh anih saw, a lu ah dawm a ngai tawh ang.

Nupui: A lu ah chuan na alo ti palh ang, chirh zen ila a ban ah pawh a la kaih theih ngei ang.

Pasal: En teh a lu pawh a lang ta lo.

Nupui: Chirh zen ngei chu a ngai  dawn anih saw.

Nuber chuan kutkawr bun turin inchhungah chuan a lut leh a, kutkawr chu a va zawng a. Chutihlai chuan Paber chuan tih theih neilo ang mai in nuber-i kutkawr la chu a lo nghak a, an fapa thi tur inham buai chu a en reng a, Zorama chu a che ta lo.

Chirhah chuan Ruihhlo te, Vai te, Pathian ngaihsaklohna te, hlimhlawp te, thatchhiatna te, tunlaina thalo te an lo awm a.

Similar Posts:

• Hnathawh kutkawr
• Nupa nun hlimna tur atana zawm ngai thenkhat te.
• Midum Kawp Chungchang
• Eng nge in ngaihdan?
• Hnamdang ka neih chuan ka hnam ka phatsan

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Sunday, December 5th, 2010 at 3:00 pm and is filed under Fiction, More than words. You can follow any responses to this entry through the RSS 2.0 feed. You can leave a response, or trackback from your own site.