Thuhmahruai
Thla hmasa atangin chhun lamah ka mi(sual) thei ta meuh lo va. Zan lamah ni se, chauh tawh nen, mi(sual) run lawi lovin lengi bawk ka chhai leh thin si a. Heti reng renga kar tluana hun hman hnua, kar tawpah lah buaina nasa zawk a lo awm ve zel bawk si a. Mi(sual) ngaih veng veng chang ka nei fo nia!
Kuang lo ka nawr ang em?
Ka hre law. Ka kuang lo ka nawr turh turh palh a nih chuan min zilh fawk mai dawn nia; ka rilruah a lang ve tlat. Mimal sawisel emaw diriam bikah min ngaihsak lo hram dawn nia.
Hnam dang nupui-pasal neih hi
Mizo nula zinga ka ngaihsan ber zinga mi leh zirna leh hnthawhnaah pawh entawntlak leh chhuanawm tak; chu achhapah Pathian rawngbawlna kawngah pawh zahpuiawm lo tak chuan sakhaw dang be mi pasalah a vuan tih ka hria a. Engati teh tlat nge maw ni, ka rilruah a cheng reng mai.
Hnam dang nupui pasal neih chungchangah, Mizo mipa te hian hmeichhe chungah thikthu kan pe na tlangpui awm e, kan sawi zing na rawh e. Hriatthiam a har, ngaihdan siam a khirh; bakah ngaihdan siam ringawt pawh ni ila, inven dan tur a vang hle thung. Midangte nuna va inrawlh kan ni dawn bawk si.
Enge a chhan?
Thenkhat chu an hnathawh avang leh an dinhmun avanga Mizo tlangval tawng remchang lo te, thenkhat chu an khawsakna hmunin a zir loh vang te leh chhan dang tam tak a awm thei ang. In ngaihdan ka lo ngaichang ang e.
Mah reng reng se
Hnamdang nupui-pasal an nei a nih paw’n Kristian ngei ni se lung a dam deuh. Sakhaw dang be ngat an nei hi chuan lung a dum zan lo a ni. Kristian inti a, Bible ringtu tan chuan, Lal Solomon-a chanchin te, Samson-a hringnun leh mi dang dangte chanchin kan hre vek a. Kan rin hi a dik a nih ngai chuan, sakhaw dang be mi nupui-pasala vawn tlat hi, thil tha zawng a ni hauh lo.
Chutih rualin, an nupui-pasal te, Pathian hnena an hruai theih hlauh a nih chuan Missionary ropui tak an ni ngei ang. Mahse, hei erawh a thleng tam lem lo viau mai thei.
Englekhawle, an nun a ni, an duh dan a ni ngei mai. Ka sawisel leh fuih phak an ni lo nangin, ka vei ruk ve reuh reuh ka rawn phawrh e. Enge in ngaihdan?
Similar Posts:
- Hnamdang ka neih chuan ka hnam ka phatsan
- Mipa ve thung
- In ngaihtuah ngai em?
- Nupa nun hlimna tur atana zawm ngai thenkhat te.
- Sakhuana hi!
April 19th, 2013 at 11:53 am
First em aw?
Report this comment
April 19th, 2013 at 12:15 pm
Hmeichhe tam ber chuan ngaihzawnga an duh leh pasal atana an duh hi a danglam vak lo niin a lang. Hmeltha, hausa leh zahder thiam. Nula fel chuan an tana tha tur an hre kar maithei. Mahse chung chu tlem te anni.
Engpawh nise, Mizo tlangval zingah pasal atana itawm an tlem ta viau ni hmiang. Chutianga pasal tlak lah chuan a tuai tha tha, kum 18-24 inkar vel an thlang chat chat si a, chung lanu lah chu an kat nuk hek. Tlema kalsan nih tawh chuan mangan mai a awl phian ta ve ang.
Report this comment
April 19th, 2013 at 12:20 pm
Mi nunah duhthu lo sam vak chi pawh a ni dawn emaw ni
Mizo leh mizo pawh ka inbum hlum thak2 duh tawh a ni si a.
Mahse kei leh ka chhungte erawh zawngin mizo ngei
Report this comment
April 19th, 2013 at 12:46 pm
Nia, midangte nuna buai ai mahin entirna nen ka’n sawilang ta mai a, ka inthlahrung ang reng khawp mai..
Kan ngaihdan hriat ka duh ber e…
1. Lehkha zir leh hnathawh san avangin Mizo nula tlangval an hmu zo lo nge, an dinhmun leh khawsaknain a zir loh vang?
2. Hnamdang nupui pasala neih hi an chak ve hrim hrim?
3. An nupui pasalte Kristian an nih tho chuan enge a pawina awm? Kan ti nge kristian ni lo mah se an inhmangaih phawt a hnu kan ti.. A inneia te thu thu a ni ngei mai.
Chhan dang pawh in hre teuh ang…
Report this comment
April 19th, 2013 at 12:46 pm
Mizo and/or Christian
Report this comment
April 19th, 2013 at 1:10 pm
“Ring lo mite nen rual lo takin nghawngkawl bat dunin awm suh u”..
Hnam thuthlung hi Lalpa hian a ngaih pawimawhzia hi Thuthlung Hlui atang pawhin a langchiang hle.
Report this comment
April 19th, 2013 at 3:13 pm
Hnamdang kan tih hian eng chin chiah nge kan huam tir aw? Sap nei ho hi hnam dang neiah kan puh ve em le?
Report this comment
April 19th, 2013 at 6:11 pm
Hmeichhia hnamdang pasal a neite hian an fate dinhmun tur an ngaihtuah miah lo. Office atangin Tribal Certificate an dil ve a, Tribal in ni ve lo va, in la ve thei lo an lo tih a, an fate mittui tla zawih zawih a Office chhuah san hi ka hmu ta nual a. Lo ngaihtuah zui ve mah teh u.
Report this comment
April 19th, 2013 at 7:54 pm
@ lr… Aw ni vek e. Sap nupui-pasal nei mi thenkhat te’n an tlawn titih ho te hi mak ka lo ti ve thin, kei mi(sual) hian…
@ Hotunu_pasal.. a dik ngawt mai.. MI zawng zawng hnenah thleng lo mah se, an fate an lainatawm (kan lainat phak ni hlawm lo mah se.. hehe)
Mahse, han chik ve rauh rauh teh u, Mizo zinga Pastor emaw central service leh a dangte tu leh fa tam zawk hian hnam dang nupui-pasal nei an tam nia! Hei vang hi a nia, kan khawsakna hmun leh dinhmun te hian nupui-pasal kan neihna kawng a sial ve tlat niin a lang. Ka sawilan tawh ang khan, ka ngaihtuah leh sawichhuah loh tur te pawh a ni mahna, he thil hi..
Sap tawng takin, a complicate ru riau.. 
Report this comment
April 20th, 2013 at 1:18 am
Ih maw, i thil vei hi a awm hliah hliah, hetiang chiah hian mizo mipain hnamdang nupui ah nei se pawi ka ti ve ngawt ang.
Mahse thil pakhat, hmeichhia hi chu complicate tak mai kan nia. Mi inzir sang, hre zau, dai zau leh hnathawh sang, duhtui bawk si, nula upa lam tawh tan chuan pasal mamawhna sang tawh nen, mutual understanding leh mental compatibility te pawh a pawimawh zawk fo thin anih ka ring.
Report this comment
April 20th, 2013 at 5:07 am
Indian theuh theuh hnam dang intih tlat bik mai hi a dik dawn em ni?
Post a hot phah deuh takin. 
tren tren
Report this comment
April 20th, 2013 at 6:24 am
Good morning…
@ Charice.. I ngaihdan ka tawmpui che. Hnamdang nupui pasal neih chu ka tan chuan mipa leh hmeichhe tan; entirna pakhat ka’n tarlang mai a ni e. College kal lai pawh khan, hmeichhe hnamdang ngaizawt ringawt kha an vei zual a, ka helh thei khawp mai…
@ Chhuakling… mizo tam zawkin hnamdang nupui pasal neih chungchanga an rilru put hmang hi a MLTP khawp tak a sin…
Report this comment
April 20th, 2013 at 10:15 am
I sawi hi ka rin hriat deuh. Sawi darh vak a duh loh avangin kan sawi lo a ni. Ani pawhin Mizo tlangval, ringtu tha tak chu pasal atan a duhthusam a ni ve chiang mai. Mahse chutiang remchang, ani han neih awm chi chu an awm mai bik lo a nih hmel.
Kan Pathian Thu khan ringtu leh ringlo an inneih chuan a ringtu zawk a zarah ringlo pawh chu chhandam an ni ve tho ang a ti lo’m ni kha le?
Report this comment
April 20th, 2013 at 5:07 pm
duh leh duhloh ani mai…a insum theih lutuk hnamdang duh loh chuan
Report this comment
April 20th, 2013 at 5:13 pm
@ hlatekhua… A ni ngawt mai ti raw, lenlai a rual lo hi a pawi ka ti a sin..
BMCF thalai inkhawmah a testimony video clip-te ka en tawh a, a entawntlak ka tiin, kum kaltaa rawng a bawlna leh hnathawh zawng zawng chhuanawm ka ti. Mahse, sakhaw dang bia tang a’n bei tak hian, ka lo ralkhat ui ve viau ringawt a ni. Englekhawle, Pathianin malsawmin, a pasal zawk pawh hi a nun a khawih danglam sak ngei ka duhsak tak zet e, Khuanu ruat kan hre si lo..
#14…
Report this comment
April 20th, 2013 at 8:32 pm
Hnamdang neih loh chu duhthusam alawm le…mahse mi nun a nia a, hetia ngaihdan kan sawi bak hi tih theih awm hek lo le. A theih hram chuan mi pangngai, educated or kohhran rawngbawltu te hi chuan hnamdang nei lo hram se chu ka ti.
Report this comment
April 20th, 2013 at 9:14 pm
Like khawp mai.
Mahse hnamdang nupui pasal nei han tihhian vai nei ho hikan sawi inkan haw deuh bik in ka hria.
Sap leh hnam changkang deuh hnam dang nei hi chu kan ngaisang zawk elo maw tih tur a ni…
Report this comment
April 21st, 2013 at 8:35 am
Bible hian Hnamdang Nupui-pasala neih hi a fak lo.
Loh theih-loh-thil a thleng a nih pawhin i sawi policy khi apply ngei thei sela a tha khawp ang
Report this comment
April 24th, 2013 at 10:50 pm
Tunlai chu ka lut khat deuh a,Post hi voinah lo hmu ve chiah a, comment chak ve tlat nia…
Enge in ngaih dan? a ti miau bawk a Mahminga hian, ka ngaihdan (experience) atang sawi ve duh tlat eh!
Vairam ah mizo awm lohna ah te lehkha kan han zir a, college ah nise hnamdang, hostelah nise hnamdang bawk, hnathawh hnuah lah hnamdang ho zingah bawk, hetianga kum engemaw zat han khawsak ho hi chuan tumloh deuh hian hnamdang hi alo ngainat ve theih tho sin..chutah kan saste mizorama mi te lah khan kumtin pawh a ho ve thei lo ta na na chu, rinhlelhna na nen minlo thlir toh a, kum 4/5 kan han awm meuh chuan,in tha then mai awl tak ani….
Chumai ani nem, kan mizo hmelhriat neih ve chhun te lah chuan an zirlai zirzo in min hosan vek mai bawk nen, mahni in khawhar tak in la chamban a ngai a (peihlo viau mah ila hlawh neih ngai tlat,family support ngaih tawh vangin) mizo thian tha, mamawh leh puih kan ngaih hun a han pur mai tur neilo tan phei chuan, min puih leh khawiilo kal ngaihna a min puibawm thei tu te chu lo ngainat mai a awl thin ania. In dem ngot theih a ni bik tlat lo, mihring ve mai, mahni chauha khawsa thei kan ni bik tlat lo a lom..
A tawp ber ah chuan (a thui toh em mai he2) tunlai ah mizo hmeichhia te hi zirna lam ah pawh kan duai tawh bik lo tlat a, hmeichhia a zirsan chuan ama level tal emaw, a aia sang emaw tal zir thleng pha,titi rualpui theih pasal atan a duh ngei in ka ring..khitiang chhan hrang2 te avang khian hnamdang pasal a nei hi an awm phah anih ka ring ve tlat(exceptional case chu awm na meuh mai)…Amaherawhchu hnamdang neite pawh hian an duhthusam ber chu Mizo mipa ngei, mahni hnam tawng ngei a duh duh sawi pui theih chu an Dream ber a ni ve ngei hian ka ring thin..
Mizo mipa te han tang sauh2 teh u!!
Report this comment
April 25th, 2013 at 1:01 pm
@ appy thianhlun… Ngaihdan leh tawnhriat tha tak i rawn sawi chhuak a, a lawmawm hle mai. I ngaihdan khi ka tawmpui che…
An nupa leh chhungkaw nun kan sawi phak a ni lo va; mahse kan tawn zel tur a nih bawk si avangin kan ngaihdan tlangpui, a chhan leh a vang hriat ka duh avangin ka’n puak ve phawng mai a ni.
Vai nulain min bem thluk hma hian, Mizo nula kha han che vat vat teh uuu…
Report this comment
April 25th, 2013 at 2:53 pm
vai nula hnungzui hian ilo tlan phe ve hlawp2 nge aw hehe!! @ mahminga
Report this comment
April 25th, 2013 at 4:04 pm
@ appy thianhlun.. Hahaha… Mizo nula min duhtu ka hmuh loh chuan, ka um ve hun a la thleng mai thei a nia..
Report this comment