Mizoram-in Mautâm a hai a, a hre lo bawk niin ni chhuahna lama kan palaite chuan an ngai.
‘Mautam lo thleng tur kan lo inphuahchah vak vak kha kum 2010 hi a lo ni reng alâwm’ tih hi an hmuhchhuah dan a ni. Mautâm lo thleng tur hi Mizote’na kan huphurh chhan ber pakhat chu sazu-in buh an beih vak a, buh seng tur awm mumal loh avanga ‘tam’ lo thleng thin kha a nih deuh ber mai. Mahse tun tum mautâm 2007 khân chutiang harsatna em em kan tâwk lêm lo. A chhan chu kei mahni buh thar ngawt ring tawh lovin, khawvel changkang zelah ram dang/ state dang ami kan chaw lût thei tawh tlat hi a ni.
Kan ram chhengchhe têah hi chuan intodelhna khawp tur buh thar tur chuan beih nasat a la ngai bawk si a. Tlâng ram loh neih riungawt chuan mihring pung zêl nên Zoram mipui kham khawp thar a theih tawh loh. Paddy Wet(Terraced) Cultivation tih tum dawn ila sum leh tha tam tak sên a ngai a, kan tui hna neihin a zir bawk si lo. Thlai dang hlâwk zawk chîn-a, buhfai lei mai hi a finthlâk zaw mahin a lang.
Tunah tlâng ram lo neia intodelh tur phei chuan Khaw tin hian ram tihtlâk a lawi kan nei tawh lo. Kum 1990 chhova NLUP-ah khan dai-hnai thlengin ram kan theh a, kan tichereu tawh bawk si a. NLUP-a an ram theh lah kha ruahmanna fel thlep thlawp awm hek suh, kan tihlawh tling tak tak mang si lovin mahni ram ram kan ‘Keipui sa hauh’ tlat bawk si a. Ram theh pawh fumfein a kalpui theih tawh loh. ‘Tung’ chîn hlawkzia kan intuh hneh hle a, a hlâwk dan tur pawh kan insawi phur pui. ‘Thlawhna tui(fuel)-ah a tha a, to deuh deuhvin in hralh ang a, kâr lovah motor nên in lêng ziai ziai mai dawn a ni’ tih thute kha chu thingtlang-pa tan chuan a aia Chanchin Tha kha a awm chuang lo hrim hrim. Tung huan puitling tam tak an han siam ta chêng a, khawi lama thlawhna fuel!
A hmangchang hre deuhvin sahbawn siam nân an hmang thei tâwk. Sahbawn lah chu a hralhna awm hek loh, man tlâwm te tein Production Cost pawh hmu lêt pha lovin an hralh leh a. Pa mâwl deuh phei chuan ‘vawk chaw-ah tal hman theih se’ tiin duh thu an sâm pui vel mai mai a. Tung kung kha thingtuah atan hmang ta mai se a tangkai zawk ang’ ti dawn ila thing duap a ni a; a alh na bawk si lo. Paper Mill atâna tha tawk vel a ni. Paper Mill lah kan nei bawk si lo. ‘Thim thuah hnihin a khuh a’ tih ang lek a ni.
Ava nuam ve le! kan thupui theihnghilh thak khawpa kan hleuh kual chiam mai chu. Thupuiah lût leh tawh ang. Kum 2010 Mautâm zet chuh…. buhfai avang bawk si. Retailer-in Kg 10/- te tein chhungtin tan an chawk rual thûl. Buhfaitham châng lah an tam. Nuho pawhin ‘Kan kohhran tân lo chuan Buhfaitham hi lâk a rem lo, thawh duh si lo faitham lak duhâm hle si te kan awm a. Faitham lâte hi chuan faitham tham pawh i ngai pawimawh deuh ang u’ te an tikûr duah ta hi Kum 2010 Mautâm vang mai a nia. Kan Pathian Nunga pawh hi kan hre fuh meuh tawh lo a ni ber mai.
Thingtlang lam tân phei chuan a leina nei sek sek mah ila, a man tova dawra buhfai zuar awm ve hek lo. ‘Tam’ chiah hmabâk a ni mai. Aizawl leh khawpui dangahte erawh zawng dawrah man to deuh zawk pawhin lei mai tur a awm thin a.
Kum 2010 Mautâm zet hi chuan buhfai-ah chauh lo pawh Gas leh Power lama min ‘Tam’ pui kher hian rilru a tihah leh zual. Mas-ah pawh ruai theh lo mai ang. A ti thei tu tân chuan ‘a veia vei hluah hluah chi, a hmuna kal chilh ngai kal chilh zung zung chi, a dapa dap ngai a nih leh dap rawk rawk chi’ a ni ta!
Mizoram hian Mautâm a hai a ni mai lo maw?
Similar Posts:
- Mizoram a buhfai tih ching peng chungchang
- Thilsiam mak!
- Khawvel pumpuiah buhfai a vang
- News from Switzerland of the East
- Bhavan Buhfai mipui hnenah!
December 9th, 2010 at 1:34 pm
1e, komen sap2 ang u le!
Report this comment
December 9th, 2010 at 1:40 pm
Kan Minister hi thlak ta se a ziaawm angem le? Nge midang pawh nise, an titha chuang lovang. Ka hrethian love. Kei mimawl hian
Report this comment
December 9th, 2010 at 1:42 pm
sawhthing i sawi tel ka lo ring a…
Report this comment
December 9th, 2010 at 1:43 pm
2007 mautam kha chu natural calamity a nia, 2010 mautam chu artificial….i tihna deuh ni m?
Report this comment
December 9th, 2010 at 1:44 pm
Kum 2010 Mautâm zet hi chuan buhfai-ah chauh lo pawh Gas leh Power lama min ‘Tam’ pui kher hian rilru a tihah leh zual. Mas-ah pawh ruai theh lo mai ang. A ti thei tu tân chuan ‘a veia vei hluah hluah chi, a hmuna kal chilh ngai kal chilh zung zung chi, a dapa dap ngai a nih leh dap rawk rawk chi’ a ni ta!
Heti em hian kan lo tâm a ni maw!?
Report this comment
December 9th, 2010 at 1:49 pm
Kum 2010-ah hian buhfai chu a harsa, mahse mautam erawh ka hmu ve lo.
Report this comment
December 9th, 2010 at 1:53 pm
I sawi dik, kan chhungte thingtlang velami biak chang pawn buhfai van zia hahip in an sawi. Ration pawh mi pakhat tan karkhatah KG 3 lek in an sem tawh ani awm e. Thingtlang pa kuthnathawk nasa chawheh bawk si tan chuan a ngaihna a awm lo. A tlangpuiin Dut no khat hi mipakhat in tumkhat ah an ei a, nikhatah hnathawh chuan chaw vawi 3 an ei thin. KG khatah dut no 3 a awm a, ni 3 daih ration an la thei tihna anih chu.
Mizoram kan awm ve lai, pawisa a van lehzual lai pawh khan hetiang em em hian mi in chaw (buhfai) an tlachham ngai lo. Congress sawrkar in Pawisa fai Rs nuaihkhat sem tawktarh in a inthlan tlin tir a, Mizo mipui an thatchhe em em a, Rs 100,000 beiseiin tuman lo neih peih thathum tawh hek lo, khawnge ka Rs 100,000 chu ti in an nghak thup ani ber mai. Lalthanhawla hi chuan Mizoram hi a tichhe hneh khawp mai. Mizo mimawl ho lah in an dawt muhlum thutiam beisei in in vote duak duak zel bawk si. In chawh tih mai loh chu sawi belh em em tur pawh ka hre ta lo :?
Report this comment
December 9th, 2010 at 1:59 pm
OT, Saitawkan nupui a nei mek e
Report this comment
December 9th, 2010 at 2:01 pm
Karei, natuk chu mo a ham bawi bawi (yawn wide open) nileng zak mai dawn a nih chu! Congrats!
Report this comment
December 9th, 2010 at 2:03 pm
Kan sorkar hian an mahni thlangtlingtu te harsatna a hriatloh chuan kan vote tla thum tawk ang a ni mai lawm
Report this comment
December 9th, 2010 at 2:03 pm
Mautam hai maw? Sazu pawhin an hre lo ang em?
Report this comment
December 9th, 2010 at 2:16 pm
Aryan-a sawi hi a dik. Kan thatchhe ta deuh a ni. “Ram a bua, buh a hlawk lo…” an ti thin a, a dik ang; mahse khamkhawp thar chhuak tur hian an taima tawk lo ve deuh niin ka hria.
Report this comment
December 9th, 2010 at 2:33 pm
Ka ti leh pek thin ang…CM ni ta ila chu..(amah CM lah hi pa luhlul leh tawrawt tak!!!UI TANG!!! lol ) Suply minister hi ka pet chhuahna a rei tawh ngawt ang.
MNF kum 10 kan nin tluk zet in(an tlak phah dawp tawh kha),NLUP(Party chhungah pawh vui thawm a ri hut2 tawh),GAS, BUHFAI etc kan harsatna hian next election hi a hril chiang dawn khawp tih ka sawi lawk ngam..lol kei mi{sual} zawlnei hian!!!!!!!!!!
Report this comment
December 9th, 2010 at 2:42 pm
Mau chang a tam lo a,Mizo mipui kan tam a,rah kan chhuah hlei thei tawh lo a ni e…tin,taimakin lukhawng leh hlawkna a neih tak2 lohna ah taimak a har,chumi khami chu ching rawh u..an han tia,beiseina nen tamtak in an ching a,tharchhuah hralna a awm lo,dah trawih leh mai2.Buhfai leh Gas, thil dang te pawh hi rin aiin a la harsa lo ngawt zawk a lawm!siam chhuah leh thar chhuah nei miah lo,christian depde awm khawmna state hi chuan engtik ni ah emaw chuan tun ai hun harsa pawh hi a la tawk ang.A tawi zawngin,kutdawh tan engmah a hnianghnar reng theih loh.
Mi zak thei lo,milian tlawn thiam,kamtam leh eiru thei dinhmuna ding ho in sum an rut nghek2 a,chu zawng chu a ni mai.
Report this comment
December 9th, 2010 at 2:42 pm
@kawlhawk “A ti thei tu tân chuan ‘a veia vei hluah hluah chi, a hmuna kal chilh ngai kal chilh zung zung chi, a dapa dap ngai a nih leh dap rawk rawk chi’ a ni ta!”
Ka ei hliam hliam ania.
Report this comment
December 9th, 2010 at 2:47 pm
Corruption an pho ro dawn amaw tih nak laiin Rohlunan mipui a pho ro anih ber mai chu a
Report this comment
December 9th, 2010 at 2:48 pm
Mau kher hi chu a tam tawh loin ka hria….mahse kumin hian thingtlang lam unaute’n buh an thar chhe khop maia,nakum lam chu huphurhawm tak ani ringot mai ! NLUP nuai khat hi sem ta nghek sela….buh ei tur an thar that miau siloh avangin an tum tak eizawnna thar leh nghet din tih lam aiin eiralah an hman vek hmel khop mai…..
Report this comment
December 9th, 2010 at 3:13 pm
A hai lo e. Mau chu kum 2006-2007 khan a tam ngei a lawm. Kan hria e.
I ziak tha tho mai.
Tuna kan harsatna te hi chu mautam vang a ni lo tih pawh i chiang.
Ka lawm e.
…khrum
Report this comment
December 9th, 2010 at 3:14 pm
Israel mithiam kan ti, Japan scientist an lo kal kan ti thul, ICAR lam hotute …. workshop/ seminar pawh kan nei zing narawh. Buh leh balah erawh kan intodelh hleithei lo.
NLUP pawh hi han sem mah se, eng ruai kan nih phah ka ring lo.
Serthlum a tha, Tung, Red oil palm, sawhthing, sapthei, anthurium… engmah kan nihpui lem lo. Hlawk ber chu- inthlan laia party ruih chilh vak a, tlin hlauh chuan Atta/ K.oil/ Retailer tih vel bawr hi a ni awm e.
Report this comment
December 9th, 2010 at 3:24 pm
Kumin lo tur vah hun lai khan ‘kan khuaah’ chuan ” Lo vah a ngailo, NLUP kan sem tep, in enkawl hman chuanglo ang etc etc” ti in NLUP training na ah an sawi vel a nih kha. Ar-in leh vawk-in khawnge ka sak ang ti in an phe suau suau a! Chiang ve tlat tun tum chu.:rolleyes:
Hmun dangah pawh an sawi ve ni awm tak a ni.
Tin,Vai buh ,gas etc hi chu PU te puh ve ringawt mai ang, chiang vak lo… :?
Report this comment
December 9th, 2010 at 3:25 pm
Vawin chu Ruah a van sur ni leng ve mawle aw ! Saitawka nupui neih vang emaw ni don chu le…. :lol: :lol: :rolleyes:
Report this comment
December 9th, 2010 at 3:30 pm
Chhun lam boruak a vawh poh leh zan lam boruak a ‘hot’ dawn a ni mai.
Report this comment
December 9th, 2010 at 3:40 pm
A bul berah chuan kan sawrkar hian “A ngaihna an hre lo” ni berin a lang!!! Eng pawh hi sawrkar se beisei sang em em lo rih zel phawt ila a tha ang! Thangthar mi dik, mi pamham lo, Pathian tih mi, a ngaihna hria an lo chhuah hunah engkim chu kan la hnianghnar ve mai ang …
Report this comment
December 9th, 2010 at 4:18 pm
Buhfai etc a tlem avangin Mautam a ni ngawt lo, mau a par leu. Ek in apiang hi vairam a ni kherlo hairehai
Report this comment
December 9th, 2010 at 4:19 pm
Sorkar(Ministry) hi Misual chhungkua hian han enkawl ve ta zawk ila; Tunge C.M ni anga, tunge Supply dept chang ang? Tunge Sports,Home and finance etc tihte ka ngaihtuah ve mai mai…
Khai leh Misual sorkar (Ministry) i han form chhin teh ang u, Cabinet leh MOS, Parliament Secretary te nen.CM atan Kawlhawk ka rawt nghal e….thawhbelh ve r’u lem.
Report this comment
December 9th, 2010 at 4:39 pm
Finance lamah chuan Lilyparmawia
Home minister-ah (Tuikuk hel bei turin) Pu HV-a
Tourism lamah – Aryan
I&PR lamah – Xaia
Report this comment
December 9th, 2010 at 4:45 pm
Ni mai awm mange…
Report this comment
December 9th, 2010 at 4:51 pm
@26 : Home minister hi full support bon, a dang nen.
Supply :- Funny
Art & Culture, Social welfare :- Zualbonez
PWD :- Zero
va la tlem ve… :lol:
Report this comment
December 9th, 2010 at 4:51 pm
Ministry nge dem tur a hnuaia Officers ho? Minister duhna ti puitling tu chu Officers, Minister fing lemlo pawh fin chhuah tur chu Officers. A ngaihna hria chu Officers. Officer ti lungawilo theitu chu Minister. Minister ringawtin engmah a ti theilo maithei…Mipui hian chaw kan heh ta thut em ni zawk.
a kaikuang kan hling thiam ta lo e
Report this comment
December 9th, 2010 at 4:52 pm
sillyBoy, ekhai :lol:
Report this comment
December 9th, 2010 at 5:03 pm
Mautam a sazu puang ai khan kumin a sazu puang hi an nghal zawk hle mai.Kaw luhna tur lah hi an hmuthei phian!! Kua-a an luh phei chuan a buaithlak thei bawk si.Mautam sazu chuan buh seh tur an zawng a,tunlai sazu chuan kaw thawhphawt chu eng kua pawh nise force entry an tum ta zel mai. Huiz.
Report this comment
December 9th, 2010 at 5:19 pm
Politicians,bureaucrats, mipui..kan dik lo vek.System fuh lo hi chu chuti mai a siamthrat chi ni in ka hre lo. Communist sorkar te hi ding ta se la,enge kan an ang aw? :lol:
Report this comment
December 9th, 2010 at 5:39 pm
A post tupa hian Retailer atangin Buhfai a lak theih loh lai han soi tel thei sela ,Ration Card holder ten Buhfai a awm loh vang a, Quota an lak loh hi ka la hre ve lo tlat,Sorkar hmasa hun lai a Party Office atanga Buhfai sem,Thian Pawl ho,Kohhranin Buhfai a sem tih vel hi a la om lo bokin a lang.
Report this comment
December 9th, 2010 at 6:25 pm
A ziaktu khian vei a ngah lutuk a, thu-mum pawh a nei hleithei lo a nih khi maw le.
Report this comment
December 9th, 2010 at 6:44 pm
A va han dik em…. Buhfaitham centenary kumah faitham tham tur pawh kan nei meuhlo chu ania. Kei chuan mautam kan hai ka ti lo. Congress tam ka ti. An sawrkar apiangin a ni deuh zel.
Report this comment
December 9th, 2010 at 6:53 pm
Congress ho chuan hetianga tawng thei (“tawngthei” nilovin, “tawng thei”) hi an mamawh ve anih hi
https://www.youtube.com/watch?v=BZu8nICVKt0
Report this comment
December 9th, 2010 at 7:03 pm
Pu Hawla hi a tawng rum ve satliah ringawt a. Tapchhak zawl a patling insawi pa chi ani in ka hria.
Report this comment
December 9th, 2010 at 7:15 pm
He thil hi in la en loh chuan en ve ngei teh u
Zoramthanga Vs manzuala anti 
https://www.youtube.com/watch?v=ovAiUN3wASA
Report this comment
December 9th, 2010 at 7:35 pm
Buhfai leh Gas a vang. Sawi mawi a tul lo. A vang ve tawp. Gas bur khat Rs. 500-600, buhfai bag khat Rs.1000-12000 a lei a tul. Ration pawh puitling pakhat tan karkhatah KG 2 ah an titlem leh tawh. Pu K. Sangthuama a ngaihawm.
Ni e, buhfai hralhru an dap vak a, eng kan ang chuang lo. Black-a lei tur a vang thung a, a buaithlak nih hi. Nimin khan kg khat Rs. 25 in ka lei! Daily-a inhlawh, ni khata Rs.150 hlawh te hian chhungkua an chawm ve awm si a, an va harsa dawn em!
Report this comment
December 9th, 2010 at 7:40 pm
@zero, keini khua ah phei chuan inhlawh rate 130 te a nia. Buhfai leh gas te chu sawiloh power pawh a har alawm.
Report this comment
December 9th, 2010 at 8:19 pm
##7 Aryan I sawi dik fu mahse i sawi fuh loh Mizo thatchhia i tih khi a dik ka ti lo.
Hlawk/hlawh tha hlawh tur chuan mizo ai a taima hi an awm lo.
Helam ah ngat phei chuan kan thawh tawhna hmun ah chuan taima tiha hriat kan ni.
Then khat thawhna ngai a thawk rei peihlo pawh an awm.Thaw erawh an thawk tha fu zel tho.
Pahnih khat thawklo a ei zwng an awm ve bawk Chung te pawh chuan taima takin athawklova sum hmuh dan an zawng tang tang peih. :rolleyes: :rolleyes: :rolleyes: :rolleyes:
Report this comment
December 9th, 2010 at 8:50 pm
Buhfai kan neih lohna chan chu ho te mai mawle..kan tharchhuak tlem lulai em ani. Gas pawh zoram ah siamchhuah hma chu a harsa reng dawn. Hawla,Babutea,Sangthuama te ho tihfel mai theih a ni leu. Thats the ugly truth!
Report this comment
December 9th, 2010 at 9:39 pm
@nastycool, an tihfel mai theih chu a ni chiang alawm. Sawrkar dangah hetiang hian kan har ngailo.
Report this comment
December 9th, 2010 at 9:51 pm
@ samuel tihfel mai dan i hriat chuan ava tha awm awmve kan hotute an lawm ngawt ang. Buhfai uih kan ei laite atta hlui chuah kan hmuh phak hunlaite kha i hreve phalo ani mai thei.
Report this comment
December 9th, 2010 at 10:01 pm
@thaiboy, i sawi dik khawp mai. Mahse tun dinhmunah hi chuan buhfai phur tu te phurh tlem vang ah an puh a. Awlsam te a solved mai theih a ni ang. Suply minister te pawh hi dawhkan atanga rorel ringawt tumlo hian che ve deuh sela.
Report this comment
December 9th, 2010 at 10:37 pm
A thlawna sem tur tih pawh ni hleilo, ‘phur tlem’ tih vang a han harsat viau hi buhfai uih/atta uih ei lai nen in laichindan ka chiang hauh lo mai :?
batary zo dawn off daih ang >:<
Report this comment
December 9th, 2010 at 10:43 pm
Laloo-a railway minister lai ang che bawn deuh Supply Minister kan mamawh a va nih hmel ve le!
India ram PDS system hrim hrim hi siam that chu a ngai a ni.
Nimin lawkah pawh UP PDS scam-ah 1L crore involve ang hiala an ziah leh chuai chuai tawh kha.
Report this comment
December 9th, 2010 at 11:34 pm
#39 @ ZeRo,
Buhfai Bag `12000 a lei thei i nih chuan eng Engineer emaw i ni ngei ang lee,
Report this comment
December 10th, 2010 at 6:50 am
aijal1 #48, typo. Rs.1000-1200. Nick thlakin i rawn comment nain tu nge i nih ka hre tho.
Report this comment
December 10th, 2010 at 9:55 pm
@Zero #49
Kum Thum Kum Li dawn he nick hian ka lut ve zeuh zeuh, Nick ka thlak poh ka la hre lo ve tlats , Thiantha hnai tak te ilo ni palh ang e, ka hre ve der mai si lo che i nick atang ringawt chuan
Report this comment