(II Kor. 3 : 2, 3. Habakuk 2 : 2,3)
Kan thupui atan KRISTA LEHKHA tih thu hi ka’n thlang a. Lehkha han tih ngawt mai hian a fiah zolo deuh maithei a. A tawngbul leh Grik emaw, Hebrai tawng emaw hre ve se su lo mah ila. He chang hian a tum tak zawk ni a lang (English Bible kan en chuan) chu, Lehkha satliah mai ni lovin. Lehkhathawn (A letter from Christ) niin a lang a. Chuvangin Lehkha kan tih hian Lehkhathawn kan sawina a ni tih chiang tlang ta ila a tha awm e.
Awle, Kristian, Ringtu zawng zawngte hi Krista Lehkha mitinin an chhiar leh an thlir, Pathian Nung Thlarauvin a ziahte kan ni a. Fakna hla siamtu chuan, “Miten min chhiar, min thlir reng e,…..” tiin alo phuah a. Ringtute hi khawvel mite awm anga awm ve mai mai thei kan lo ni hauhlo mai. Paula chuan, “Engpawhnisela, in awm dan chu Krista chanchin tha nen inmawi phawt rawhse” (Phil.1:27) alo ti a. Kan awmdan tinreng mai hi ‘Kristian awm dan tur a ni em ?’ ti a mahni theuh kan inbih chian fo a tul hle a ni.
LEHKHATHAWN CHU THAWN CHHUAH A NI : Lehkhathawn chu a thawntu, a ziaktu leh neituin a thawn chhuak thin a ni, A thawn chhuah loh chuan lehkhathawn a ni theilo. Ziak sa, envelope-a khung fel diam tawh pawh thawn chhuah a nihloh chuan Lehkhathawn a ni theilo.
Nang leh kei hi Krista lehkha, Pathian Nung Thlarauin a ziah leh a thawnchhuahte kan ni a. Khawvel zawng zawng kala chanchintha hril tura a thawn chhuahte chu kan ni. Paula chuan, “Krista hmangaihna chuan mi tir lui a ni” ati a. “Tih makmawh ka chungah a innghat a ni” te a ti. Chu mai chu duhtawk lovin, “Chanchin tha hi hril suh ila, ka chung a pik dawn si a” a ti hial a. Keini hi chanchin tha kan hril loh avanga chung pik inti emaw inthiamlohna nei kan awm em le ?
Thawnchhuah han tih hian, ‘Missionary ah kal vek tur’ tihna lam a kawk ber awm lo ve. Hla taka thawnchhuah an awm laiin hnaitea thawn chhuahte pawh an awm bawk. ‘Kei hi khawi hmunah nge min thawnchhuah ve le ?’ ti a kan in enfo a tul. Chhungkuaa a thawnchhuahte, thenawm khawveng hnena a thawnchhuah te, tin, kan vela ringlote hnena a thawnchhuahte pawh kan lo ni mai thei a ni.
LEHKHATHAWNAH CHUAN A THAWNTU CHANCHIN A INZIAK THIN :
Lehkhathawntu chuan ama chanchin a ziak thin. Keini pawh hi Krista lehkhathawn, Pathian Nung Thlarauin a ziahte kan ni a. Keimahni ah hian min thawnchhuaktu Krista chanchin chu mawi takin a inziak tur a ni. Keimahah hian keima chanchin pawh a inziak tur a nilo. Mahni chanchin sawi tur pawh kan lo nilo. Keimahah hian miten enge an hmuh thin le ? Krista chanchin an hmu em ? Chhiar tur keimahah hian enge awm ? Krista zia ni reng renglo hi keimahniah hian a va’n inziak hnem thin em !
Thenkhat chu lehkhathawn zawr chhe tak, tet deuh phing pheng tawh, kum hmasa lama ziah tawh kekawr ipte a ah, suk hnan hrep tawh, chhiar hleih theih tawhlohte kan ni awm e. Thenkhat chu ziak sin lutuk, chhiar har tak, sipel chawp fe ngaite pawh kan ni ang.
Habakuka hnena Pathian thu lo thleng chuan, “Inlarna chu ziak la, a chhiartuin tlan paha a chhiar theih khawpa chiangin lungphek chungah ziak rawh” a ti a.
Signboard ziak hraw tak tak Highway sirahte kan hmu thin. Motora chak taka tlan pawha chhiar theih tura ziak hrawte an ni. Vawiina ringtute hi khawvel mi kan tih, kan bula ringlo mite hian tlan chungin min chhiar a ni. Kan nun dan tinrengte hi min chik a, Kristian awmdan leh nungchang atanga hmuh tur leh zir tur an hmuh loh chuan Lal Isua tan kan sengkhawm thei ngai lovang.
Krista Hawrawpte kan ni a, he hawrawp hi Hawrawppui(Capital Letter) ani tur a ni. Kristian tinte hi HAWRAWPPUI KRISTIAN ni theuh turin ka inchah duh a ni. Chhiar awlsam, Biakin leh Inkhawmpui nikhua chauha chhiar theih nilo, englaipawha chhiar theih kan ni tur a ni. Keimahni ah hian thu lawilo mai mai a inziaklo. Krista chanchin mawi takin; Hawrawppui ngatin a inziak zawk a ni.
Awle, Krista lehkhathawn; A rawngbawla, palai hna thawk tura a thawnchhuah keimahniah hian miten Krista chanchin mawi an lo hmuh a, lawmna hla an lo sak theihnan. Keini ho hi Krista rawngbawltu-ah leh Pathian thuruk enkawltu-ah miin min ngai rawh se.
Kimchang zawk chhiar duh tan :Hetah hian a awm
Similar Posts:
- Engtinnge Chanchin Tha hi kan hril?
- Tunge ‘Tu emaw’ chu?
- Kraws
- Krista leh Mizo Literature
- Kum Sangbi Tharah Lal Krista Nen
(Y)
December 12th, 2010 at 8:12 am
In va reh ve….
Chhiar phawt chi a nih hi… a that hmel. :lol: Happy Sunday!….
Report this comment
December 12th, 2010 at 8:19 am
A ngaihnawm hle mai, ni e ringtu tha nih hi har viau mahse, kan nitin nunah hian rinawm zual zel hi tum tlat zel a pawimawhin ka hria.
Report this comment
December 12th, 2010 at 8:54 am
A ngaihnawm dap dap hle mai. A tha khop mai
Report this comment
December 12th, 2010 at 9:01 am
He post hi a blog-ah ka chhiar tawh a, tha ka va han ti tak. 100% Like
Report this comment
December 12th, 2010 at 9:28 am
A ṭha ka ti khawp mai. Pathian ṭih mi chu, khawi hmunah pawh, eng hna pawh thawk se a rinawmin a taima ṭhin. Khawi hmunah pawh mite chhiar tlaka kan nun a pawimawh khawp mai.
Report this comment
December 12th, 2010 at 9:47 am
Bible kan hman mek bak hi chu ka dap lo, kan Bible pawh hi ka bel lo hle.
Kan Bible hi Krista centric ani, Bible beyond hi zawng ka tui pha lo a chhung pawh hi kan ti ve tawk tawk anih hi kei misual hian
Report this comment
December 12th, 2010 at 9:52 am
“Inkhawm pawh a ni lo, inkhawm loh pawh a ni lo; rilrua Pathian ṭih mi chuan a nitin hnathawhah rinawmnain a inthuam a, taimakna nghawngkawl a phur bawk ṭhin. Amaherawhchu, Pathian ṭih mi chuan inkhawm chu incheinaa hmang lovin a kawng zawh tur a ni tih hriain a in khawm mai a ni. A inkhawm avanga van lama a chanvo tur chhah ta viauvah a ngai chuang lo va; a tih tur a ni tih hriaa a tih chuan hlimna a pe mai zawk a ni.” tih te hi Lekhathawn laimua inzep tel a ni ve tlat.
Report this comment
December 12th, 2010 at 10:02 am
Peih loh chung pawha tih hram hramna nun ka va mamawh em! Inkhawm te, tawngtai te, bible chhiar te.. :-#
Report this comment
December 12th, 2010 at 10:04 am
He post zet chu(h) chhiar liampuat mai mai chi a ni hauh lo mai a! Ni e, kan mawhphurhna hi a sång a ni..
Report this comment
December 12th, 2010 at 11:16 am
Habakuk sawi takah chuan helai a ziak hi ka duh:
“Woe to him who builds his realm by unjust gain to set his nest on high, to escape the clutches of ruin, you have plotted the ruin of may peoples, shaming your own house and forfeiting your life” (habakuk 2: 9-10)
Report this comment
December 12th, 2010 at 11:31 am
A tha hle mai! Krista tan kan nun hi kan en chhuah tir tur ani. Tupawhin kan nun atang hian Krista an hmu thei tur ani! Hemi tur hian nun fimkhur, Pathian duh zawnga nun a tul ani!
Report this comment
December 12th, 2010 at 12:23 pm
Ziak tha hle mai. Krista lehkha ah miin min ngai lo nasa thin awm mange kei misual hi.
Report this comment
December 12th, 2010 at 3:57 pm
misualah poh kei chu ka sawl leh chhang a tun ah poh Rv a tangin ka haw chauh a nia,\
kan pastor te hian min ngei tlat in ka hria,
ka biak hram hmar pon a rull tok chian in min chhang thin
ka kohhran upate poh an ni tho,ka sual tih poh ka hre ve tho si a,mahse min betha duh miah lo,kei pon sual ka ti ve tho an ni hi.ruih reng hi ka peih reng bik hei nen boring ka tih chang pon pathianthu te ka ngaihuah ve zauh zauh thin mahse ai in ti thu si,
zawhna zawh rapthlakdeuh in min chhang a zawh leh poh hlauh awm khawp in,chu vang chuan an zing a in khom ai chuan Rv inkhom poh nuam tih zawk chang ka ngah khawp mai
Krismas chi vek u le,,,,,,,,,,,,,
Report this comment
December 12th, 2010 at 4:13 pm
#13 I va zualko nasa per pur ve. Rapthlak tak takin maw an lo chhan thin che?? An sual mang e aw..
He post hi a va tha tak em. Ring taka auchhuah hi a ngai tawh takzet.
Report this comment
December 12th, 2010 at 5:36 pm
rapthlak tak tak ka tih awmzia chu mimalin minvau tihna a nilo thu harsa tak tak zawh ka ching vang poh a ni ang
tharau lam chanvo thlegin min hrilh hrin a,
hlauh awm tak tak in,mahse ka zawhna chu min chhang ngai chuang lo,
ka unaupa poh pastor lai a ni ve a, a chuang a tang phei chuan he tiang thil hi ka tawng hnem na ber a ni,
eng poh nisa ,ka zawhna zawh hi an thin ti rim tu a ni tlang pui thin,ka unaupa pawh a pastor zir lai chuan ka chawm a ni ve tho a,rilru nat chang te hi ka nei ve thian
ka lo ziak ve nual a nih hi nangni ka misual puite hian
hei ai a mawi zawk leh fiah zawk a in sawi thim poh ka ring kei chuan engmah ka thian lo
thiante zarah comment ah aw po hian ka lo lut thei tawk ani e;
mi poi ka lo soi palh anih chuah in mingaihdam ka dil nghal bawk e,
inza vai in krismasss hman nuam uuuuuuuu.,,,,,,,,,,,,,,,,,,
Report this comment
December 12th, 2010 at 6:18 pm
sermon ropui tak chhiar tur awm leh thin hi misual.com hlut leh zual na ka ti thin.ropui hle mai Benny te ang chhiar atan ka it hle mai,a lo in hmuhchhuah theih tak hlauh in.
Report this comment
December 12th, 2010 at 6:50 pm
Kei pawh ka LIKE e (Capital ngatin)
Miten tunge ani min tih thin ? Pastor,Upa, evangelist, Missionary te pawh hian kan nihna hi insawi chawp fo a ngai a nih chuan KRISTA LEHKHA hawrawppuia ziak kan la nilo deuh a ni thei mai awm mange.Kan chetzia leh tawngkam chhuak atang hian Pastor,Upa etc hi chu insawi lo mahse a hriat hran theih ve riau thin.
Tenkhin thu pakhat atan:-
Thlawhna pakhat chu Airport atang chuan a tluang takin a thlawk chhuak ta vang vang a, darkar khat vel hnu ah chuan Air hostess pakhat chuan passenger pakhat chu a rawn pan vang vanga,”Ka pu Kristian i ni ti raw..” tiin a zawt a, a ni chuan,”Aw ni e, enge ni ta?” tiin a zawt let a.Air hostess chuan,” Ka pu eng dang ni love, i hawi her leh chetzia atang khan Kristian i nih ka ring ve tawp,Heti zozai passenger zingah hian engmawti takin i awmdan/chetdan ah danglamna a awm tlat a ni, kei pawn ka hre thiam bik lo..” tiin a chhang zuk nia.
Krista lehkha, Hawrawppui a ziak hi chu chhiar hmaih chi rual a ni lo ve.
Report this comment
December 13th, 2010 at 12:17 am
Nia, hei tunah mai hian ka rawn misuala. A tha hle mai.
I va rawn dek ril reng reng ve! Mamipa pawh a tiharh thar sawng2 ngei ang le.
Report this comment