mi(sual).com

158 Responses to “Lal Thar Lo Piang Chu!”

Showing 150 of 158 comments — the rest were not captured when this site was archived.

1. 
   1
   chanhima5 Says:
   December 12th, 2010 at 5:38 am

   Ani kha Messiah a nihzia engtinnge kan rin ve theih ngawt ang a? A hrilhlawkna zawng zawngah Messiah a nihna thil chiang (proof) dik tak inziak kan hmu ve lo tlat a ni. Gospel (chanchintha) ziaktu ten zawlneite thu atanga an lakchhawn thin Nazarene mi Isua kha Messiah a lo ni tiin an hrilhfiah fova mahse, amah kha engmahah an chanchhuah lo a ni, chumi chungchang chu part hnihnaah tarlan a ni dawn a, chungah chuan Gospel thu ziaka thil dik hlel fe fe a indawt zelin kan thur chhuak dawn a. Chu lo lehah chuan Isua chu Messiah engtizawng pawhin a nih lohna kan hriat tlat (conviction) na puitu hnial rual loh proof-na tam tak kan hmu zel dawn a ni. Heng inhnialna thu a point tlemte hi han la chhuak phawt ila.

   Messiah a nih lohna a chiang :

   Pakhatna : pian leh murna (pedigree) atangin

   Pahnihna : a thil tih (act) atangin

   Pathumna : a taksa putlai (period) leh

   Palina : a dam lai (Bethlehem leh Kalvari inkar) zawngah khan Messiah beiseiawm tak lo thlen huna hriat chian ni tawh turah thutiam tihfamkimin a awm lo tih thu dik atangin, Messiah a nihna (identity) min rintir thei chauhtu chu thil dinhmun a taka hlenchhuah tur a ni miau si a.

   Pakhatna : Isua pian leh murna lam lah chu Davida thlah a mi a ni lo phawt a, Gospelin a sawi danin Josefa kaltlangin Davida thlaha telh tir (affiliated ) satliah a ni. Matthaia, bung 1-ah chuan Mari chu nula thianghlim (virgin) a nih laiin a lakah a lo piang a, tin Isua a pian hma loh chu Josefa chuan ani chu a pawl lo va ni tih ziak a ni. He chanchin (statement) ziak ang ngei hian Josefa thlahah Isua a lo chhuah theihna a awm lo a ni, chutih rualin Mari pawh Gospel ziaktute hian a thlahtu an hre lo bawk. Tin, Josefa leh Davida te thlahkhat an nihna leh an inlaichinna pawh a proof-na tlakchham a ni tlat, Isua thlahtute chhuina kawngah Matthaia leh Luka chhui dan a inmil lo leh bawk, a lan chianna bungte Matthaia bung 1 leh Luka chhui dan a inmil lo leh bawk, a lan chianna bung te Matthaia bung 1 leh Luka bung 3 tawp lamah khan. Hetah hian an nemnghehna inkalh tlat kan hmu a ni; a bung leh changte hi chhiar ngei zel ni sela a khawimaw zawk zawk pawh hi rin theih chi a ni tawh lo. Kan zawlnei te’n min hrilhlawk danin khawvel nghahfak Messiah chu Davida thlah a mi lo chu an awm dawn lo a ni.

   Pahnihna : Isuan a hna a thawhnaah hian ama chungthu a sawina kan hmu a, Matthaia 10:34, “Leiah hian remna siam tura lo kal emaw min ti suh u; rem lentir tura lo kal ka ni lova, ngunhnam lentir tura lo kal ka ni zawk, tin mipain a pa dona chi hrang hrang a nei ang a, tin, fanuin a nu a do vang a, tin, movin a pi,” tiin. Kawng dang lehah chuan, Messiah dik tak, kan beisei, Isua thiltih ang lo zawnga hna thawk tur chung chang sawina ziak thianghlimah kan hmu a ni. Isua chuan ama nihna a sawi chiang tawh a leiah hian remna siam tura lo kal a nih loh thu leh, Pathian thu bu in Messiah dik tak Zakaria 9-10 a lo sawi, a awm tlat a ni, hetiangin, “Ringlo khawvel mite hnenah remna thu a rawn sawi ang.” etc tiin. Isuan heti hian a sawi ve thung a, “Leiah hian khandaih/ngunhnam lentir tura lo kal ka ni zawk,” tiin. Pathian Thu buin (Isaia 3- 4) ah tihian a sawi a, “An khandaihte chu an lek tawh lovang a, indona pawh an zir ngai tawh lovang,” tiin. Isua chuan heti hian a sawi thung; Pa leh fapa rilru inmil lohtir tura lokal angin, mahse Malakhi chuan a lehkhabu tawp lamah heti hian a sawi thung a, “Mesia dik tak a lokal hmain zawlnei Elijah a lo lang ang a, pate thinlung fate lamah a thle ang a; tin, fate thinlung pate lamah a thle ang,” tiin a lo inziak leh a ni. Chutiangin Daniela 7 : 27, pawhin ti hian a lo sawi a, “Tin, roreltu zawng zawngin a rawng an bawl sak anga tin a thu an awi ang,” tiin.

   Pathumna : Ama hunlai, (a damlai) kha, han chhut ila zawlneite’n an lo hrilhlawk thin hun nen a in chawbe lo tih a chiang a, an hrilhlawk dan chu Messiah lo lan hun chu hun hnuhnung lamah daih a lo thleng dawn a ni si a Isaia 2:2 en la, “Tin, ni hnuhnungahte chuan he thil hi a lo thleng ang, Lalpa in awmna tlang chu tlang te chungah chuan dinnghehin awm ang,” etc tih a ni. Tin, Lal Messiah chungchang chang 4-na kan chhiar leh chuan, “Tin, hnamte zingah ro a rel ang a, mi tam tak zingah thu lai a vua ang (ro a rel ang) a, tin a khandaihte chu lei lehna hal zumah an chher ang a, an fei te chu thei kung hlawina chemah an chher tawh ang,” etc. tih thu kan hmu a ni. Chutiang chuan a ni Gog leh Magog indona thuah Pathian thuin a lo record-a chung thilte chu Messiah huna lo thleng tura min hrilh thlap dan zawk chu a ni. Tin, Ezekiela 28:8, chuan tihian min hrilh a, “Ni tam tak hnuah chuan tlawhin i awm ang a, kum hnuhnungahte chuan khandaih laka chhan chhuah, hnam tam takte lak ata lawr khawmte awmna ramah chuan i lo kal ang a.” tiin. Hei hi a hunah la hrilhfiah atan dah ila. Hoshea 3:5, atang bawkin hetiang thu hi a proof-na a awm leh a ni “Chumi hnuah chuan Israela thlahte chu an kir leh ang a, LALPA an Pathian leh, an lal Davida chu an zawng ang a, tin LALPA leh a thatna ni hnuhnungahte chuan an tih tawh ang.” tiin. Tin, Daniela 3:28, ah pawh “Tin, Pathian chuan, LAL Nebukadnezara chu tun hnua thil lo awm turte chu a hriattir a.” tih thu kan hmu a, hei hian nakin lam hrilhlawkna ibid. chang 44, hi a rawn refer nghe nghe a. “Tin, chung lalte niah chuan van Pathianin ram a rawn din ang a, chu chu a chhe ngai tawh lovang a; a lalnate pawh midangte tan hnutchhiah a ni hek lovang.” etc. tiin. Ni, heta tang hian Messiah dik tak zawk lo kalna tur chu hun hmalam ni lovin, hun hnuhnung/ni hnuhnung lam daih a nih thu zawlneite thupuanah fiah takin kan hmu thei a ni.

   Palina : Zawlneite thusawia thutiam, Isua hun laia la thleng kim hman lo, Messiah dik tak, kan nghah fak lo thlen hun chu nakin (future) ah hriat chianin a la awm dawn a ni tihte hi kan ngaihtuah a tul a ni. Chungte chu a hnuaia mi ang hian then diat diat theih a ni.

   a) Lal Messiah hunah chuan lal ram pakhat chauh leh lal pakhat chauh awm tur a ni a, chu chu, Lal Messiah dik tak a ni. Nimahsela, lal awp ram dang dangte leh an roreltute chu Daniela 2:44, a kan chhiar angin chung hunah chuan an tawp vek tawh ang. “Tin, chung lalte niah chuan van Pathianin lal ram tihchhiat ngai tawh loh tur chu a rawn din ang a; tin lalram chu midang hnenah hnutchhiahin a awm ngai lovang, mahse heng ram zawng zawng hi an keh darh anga ei zawh vekin an awm ang a, chu lalram erawh chu kumkhuain a ding reng ang,”. Chutih laiin ram tam tak, an dante leh an sukthlek dan inang lo hote chu an la ding reng rih a, chung ram (empire) tam takah chuan lal hrang te’n ro an la rel mek a, chungte leh heng ho hnu lamah pawh hian Messiah chu a lo la kal lo cheu a ni tih pawh tunah hian kan hmu chiang hle a nih hi.

   b) Lal Messiah hun puiah chuan, khawvelah hian thurin (emaw) rinna hmun khat leh sakhaw pakhat chauh, chu chu Israelte sakhua a ni dawn a chu chauh chu a ding chhuak dawn a ni, Isaian a lo finfiah tawh angin (3:1), “Aw, Zion harh la, harh la, i chakna inbel rawh, i silhfen mawi takte kha inbel rawh, Aw Jerusalem, khawpui thianghlim; tuna chinah chuan i chhungah serh tan loh leh mi bawlhhlawhte chu an lut tawh ngai lovang,” tih ziak ang khan. Tin, chu bakah (bung 66:17) ah chuan “Mahni intithianghlima intifaite thu chang fiah lo ruai anga lang te hi a ngial a ngana lehlin hi keini chuan kan thlan a ni (Authorised Version lehlinna phei chu a chiang lo leh zual a) huanahte an kal a, an zinga awm a lai taka mi hnunga awm thliah thluah, vawksa ei te leh thil tenawm, leh sazu sa eite chu a rualin an boral za ang LALPAN a ti.” Tin, (chang 23) “heti hi a ni ang a, thla thar atanga thla thar dang thlengin, Sabbath atanga Sabbath dang thlengin, tisa zawng zawng ka hmaah, chibai mi buk turin an lo kal zut zut ang, LALPAN a ti.” Chu bakah, Zakaria 16:16-ah, “Tin, heti hi a lo ni anga, hnam zawng zawng Jerusalem rawn dotu hnutchhiah a la awm te chu kum tin Bawkte kut hmang tur leh Lalber chibai buk turin an chho thin ang,” He mi buah vek hian (bung 8:23)kan chhiar leh a, “Sipaihote Lalpa chuan heti hian a ti a ni: chung niah te chuan heti hi a la ni ang, mi sawm, hnam tin tawng chi hrang hrang hmangte atangin an lo kal ang a Juda mi pakhat fenfualah vuanin an chelh tlat ang a, ‘I hnenah Pathian a awm tih kan hriat avangin I hnenah kan kal ve dawn e,’ an ti ang,” a ti a, tiin. He mi buah tho hian chang tamtakah he mi tlukpui hi a awm a ni.

   c) Messiah hunah chuan, milem biak-uirena leh an hriat rengna nen, zawlnei derte leh zawl rawng bawlhhlawh ang chi reng reng chu lei lung ata tihbo vek tur a ni a, Zakaria 13:2-a kan hmuh angin, “Tin, heti hi a ni ang, chung niah te chuan, sipaihote Lalpan a ti, milemte hming chu leilung ata hi ka tibo vek ang a, hriat rengin an awm tawh ngai lovang, zawlnei derte leh thlarau bawlhhlawh (a ngial nganin thianghlim lohna thlarau) chu leilung ata hi ka chhuah bo tir ang,” tiin.

   Tin, Isaia 2:8-ah pawh heti hian a inziak a, “Tin, milem Pathian/Pathian lemte chu a tiboral daih ang,” tiin. Chutiang bawkin Zephaniah 2:11 chuan a sawi ve a, “An tan LALPA chu tihbaiawm tak a ni ang a, lei pathian te chu a hrubo vek ang a, mite chuan Amah chu chibai an buk ang, mitinin mahni hmun theuh vah, ringlo mite thliarkar zawng zawng thlengin.

   d) Messiah hunah chuan, sualna leh diklohna sualte hi he khawvelah hian a awm tawh dawn lo va, a bik takin Israel hnam zingah a awm dawn lo tawp a ni. Chutiang chu dan bu (Deuteronomy 30: 6) ah kan hmu a, “LALPA, i Pathian chu, i thinlung zawng zawng leh i rilru zawng zawngin (i lo nun theih nan) hmangaih turin LALPA i Pathianin i thinlung leh i chithlahte thinlung serh chu a tan sak ang che,” tiin. Tin, Zephania 3:13-ah bawk. “Israel a bang la awm te chuan sualna an khawih tawh lovang a, dawt sawi tawh lovin, an kaah bumna thu reng hmuhin a awm tawh hek lovang,” tiin. Tin, Jeremia pawhin Jer.3:13-ah a lo sawi a. “Chutih hunah chuan Jerusalem chu LALPA thutphah an ti ang, tin hnam zawng zawng a lamah LALPA hming awmna lamah chuan an la pungkhawm ang, Jerusalemah chuan, an thinlung sual suangtuahna angin an kal tawh lovang,” tiin. Tin, Ezekiela 46:25-ah chuan ti hian a lo sawi a, “Tin, in chungah tuifim ka theh ang a, in bawlhhlawhna zawng zawng leh in milimte lak ata ka tlengfai ang che u. Tin, thinlung thar ka pe ang che u a, in chhungah thlarau thar ka dah ang; in tisa ata thinlung, lung anga sak chu ka la bo ang a, thinlung tisa anga nem ka pe zawk ang che u. Tin, in chhungah thlarau thar ka dah ang a, ka dan siamah ka lentir ang che u a, ka thupekte chu in vawng ang a, in zawm ang,” tiin. Chubakah Ezekiel 37:23 en la “An milimte, an thil tenawm te, an bawhchhiatna tein an intibawlhhlawh ngai tawh hek lovang: an tluka an sual thinna zawng zawng ata ka chhan chhuak ang a, ka tleng fai ang, tichuan ka mite an ni ang a, tin kei an Pathian ka ni ang. Ka rawngbawltu Davida chu an chunga lal a ni ang a, an zaa chungah berampu pakhat a awm ang; ka thupekte an awi ang a, ka dan siamte an zawm ang a, an hmang ang,”tiin.

   e) Lal Messiah hunah leh Gog leh Magog indopui (Armagedon – Kristian lam dan) zawhah chuan remna leh muanna chuan khawvel pum a luah ang a, mite chuan indo hriamhrei reng reng an mamawh tawh lo ang. Tichuan, Isaia 2:4 ah heti hian kan chhiar leh a, “Tin, an khandaihte chu leilehna hmawr zumah an chher ang a, an thal te chu theikung ahchhumna chemkawmah te an hmang tawh ang a, hnam dangin hnam dang chungah khandaih a lek tawh lo ang a, indo dan pawh an zir tawh ngai lovang,” tiin. Ezekiela 19: 9 pawh hi chhiar teh. “Tin, Israel khawpuia chengte chuan meituahah an hmang ang a, a kang ang; phaw lian leh phaw te thal leh a ngulte, fei leh a ngulte, fei leh tiang zumte chu kum sarih chhung an tuah ang. Tichuan, ram thing an phur lovang a, ngaw thingte an kit hek lovang, hriamhreite chu thingtuah nan an hmang dawn si a,” tiin Hoshe 2:20 thu hian kan chhiar lai hi a rawn mil leh zel bawk. Hebrai Bible bung then dan dungzuiin (English Version-ah chuan bung 2, chang 18 a ni) “… tin, thal ngul, khandaihte, indonate hi lei ata ka tiboral ang a, him takin ka awm ho tir ang,” tiin. Zakaria pawhin a lo sawi ve chiah a 9:10, “Indona thal ngul chu tihtliah a ni ang a, tin ringlo mi hnenah remna thu a sawi ang,” tiin.

   f) Lal Messiah hun/term-ah chuan Ram Thianghlim (Holy Land) ah khan ramsa kawlh chi leh khawingam rante inkarah remna a leng tawh ang a, tichuan a tu mah mah an intina tawh lovang, tin, mihring lam boruakah phei chuan an intihnat tawh loh tur zia chu a la nasa zawk ang. Isaia 11:6-in a lo sawi ang hian, “Tin, chinghnia chu beram no nen an awm dun tawh ang a, keite chu kelno nen an bawk dun ang a, bawngno leh sakeibaknei vanglai leh ran chawmthaute chu, an awm ho tawh ang a, naupang tein a hruai duah duah ang,”tiin. (Chang 7) “Tin, bawng leh savawm an tla dun ang a, an notete chu an bawk za dial dial tawh ang; tin, sakeibaknei chuan bawngpa angin buhpawl a ei tawh ang.” tiin. (Chang 8) “Tin, nau hnute hne lai chu rul rial kaw kovah a tualchai ang a, nau hnute hnek bang tawh chuan rulmuk tawmkuk kotlangah a kut a nghat ang,”tih a ni a. (Chang 9) “Ka tlang thianghlim zawng zawngah chuan intihnat a awm tawh lovang a, intihchhiat a awm tawh hek lovang, LALPAN a ti,”tiin. (Ezekiela 34:25 en bawk rawh) “Tin, anmahni nena remna thuthlung ka siam ang a, sakawlhte chu ram ata ka hnawt bo vang; tin, thlalerah te him takin an cheng ang a, thing hnuaiah te an riak ang,” tih a ni. (Chang 28) “Ringlo mite saseh leh suasam mai mai an ni tawh lovang a, ram sakawlhte eiral mai mai an ni tawh hek lovang,” tiin.

   g) Messiah hunah chuan buainate, lungkham nate, ngaihthatlohnate hi Israel ngaiawh leh te zingah a awm tawh dawn lo va, anni chu nun tihseina leh nun hlimnaa malsawm saka awmte an ni ang, a hnuaia Isaia thukhawchang (65:16) in a lo sawi lawk ang hian “Chutichuan leiah hian mahni mal insawm chawptu chu thu tak Pathianah chuan mal a insawm ang a, leiah hian chhechhamtu chuan thu tak Pathian chhalin chhia a chham ang; a chhan chu tun hmaa mangannate kha theihnghilha a awm tak avangin, leh ka mit laka thupa a awm tak avangin.” (Chang 19) ah “Tin, Jerusalem chungah ka hlim ang a, ka mite chungah pawh ka lawm ang; a chhungah pawh tap thawm hriat a ni tawh lo vang a, chiau thawm pawh hriat a ni tawh hek lo vang.”(Chang 20) “Chuta chhuak chu nausen ni rei lote dam an awm lo vang a, putar a dam chhung nite hmang tlingtla lo an awm hek lovang, naupang chu kum zaa upain a thi ang a, misual kum za chauh dam erawh chu anchhe dawng a ni ang.” (Chang 21) “Tin, inte an sa ang a, chungah chuan an awm reng bawk ang, Grep huante an siam ang a, a rah an ei ang,” tih a ni bawk a. (Chang 22) “Midang awmna turin in an sa tawh lo vang a, mi dang ei turin Grep huan an siam tawh lovang a, thing dam chhung nite ang hian, ka mite dam chhung nite chu a awm tawh dawn si a, ka mi thlante chu rei tak an thawhchhuah chungah chuan an lawm dawn a ni.”

   h) Messiah lal ramah chuan Shekhinah (Pathian awmpuina leh chenchilhna tak tak) kha hmanlai ang khan Israelte chungah a lo kir leh dawn a ni, tin Israel mite chu a hnuaia zawlnei (Ezekiela 37:26) hrilhlawkna ang hian hrilhlawkna te, finnate leh hriatnatein Pathianin a la vur dawn a ni. “Chubakah anmahni lakah remna thuthlung ka siam ang: tin ka dinin anmahni chu ka tipung ang a, an lai takah ka hmun thianghlim (Kodesh Kodashim) ka din nghet ang kumkhua atan.” (Chang 27) “Ka awmna (residence) pawh an zingah a ni tawh ang. A ni, an Pathian ka ni ang a, tin anni chu ka mite an ni ang.” (Chang 28) “Tin, ring lo, ram dang mite chuan hei hi an la hria ang: an zinga ka hmun thianghlim a innghah hunah kei LALPA hian Israel chu ka tithianghlim a ni tih hi.”. (Ibid. 39:29) ” ‘An lakah ka hmai ka thup tawh lo vang, Israel chhungkaw chungah ka thlarau ka leih dawn si a,’ LALPA Pathianin a ti.” (Ibid. 48 : 35) “Tin, chumi ni atang chuan khawpui hming pawh heti hian koh a ni tawh ang, ‘LALPA chu sawtah sawn, a awm'” tiin. (Ibid. 43 : 7) “Tin, ka hnenah heti hian a sawi a, ‘mihring fapa, ka thutphah inhunna hmun Israel fate zinga kumkhuaa ka chenna tur hmuna ka kephah nghahna hmun,’ tiin. (Joela 2:27) “Tin, Israelte zingah ka awm a, tichuan, kei hi LALPA i Pathian ka ni, a dang reng a awm lo; tin, ka mite chu tihzahin an awm ngai tawh lo vang tih hi in la hria ang.” (Ibid. 3:17) “Ka tlang thianghlim Ziona cheng LALPA i Pathian chu ka ni tih hi in la hria ang, tin, chutah chuan ram dang mi tumah an kaltlang thei tawh lo vang.” (Ibid. 3:21) “An thisen phuba ka la lak loh chu ka la dawn a ni, LALPA chu Zionah a cheng si a.” (Zak 2:14; Eng. version-ah 2:10) “Hlimin zai rawh, O Zion fanu, ngai teh, ka lo kal e, i chhungah ka cheng dawn si a, LALPAN a ti.” (Isaia 9 : 9) “Tuiin tuifinriat a khuh vek ang hian, lei hi LALPA hriatnain a khat vek dawn si a.” (Jer. 31:34) ” ‘LALPA chu hre rawh, tiin miin a thenawm a zirtirin, miin a unau a zirtir ngai tawh dawn si lo va, a hniam ber atanga sang ber thlengin min hre vek tawh dawn si a,’ LALPAN a ti; an sualnaahte ka ngaidamin, an diklohnate chu ka hre reng dawn tawh si lova,” tiin. Khang zawlneite’n Messiah dik tak ziarang hmaih thelh hauh loh chi kawhhmuhna point zozaite kha Nazarene mi Isuaah khan tihfamkim (fulfilled) in a awm ta si lo va, zawlneite hrilhlawka hmingvuah sa tawh khawpa chiang hi tun thleng hian kan la hmu pha bawk hek lo a ni. Tichuan, tunah chuan thu tawp dik tak kan thleng ta a, Messiah dik tak leh nghahfak em em chu a lo la kal lo deuh a ni e.

2. 
   2
   H.Vangchhia Says:
   December 12th, 2010 at 5:43 am

   chanhima5 #1, He post hi Messia a nih leh ni loh proof tumna lam a nilo. Keini Kristian te chuan Isua Krista kha Messia ngei niin, kan sual chhandam tura lo piang ngeiah kan pawm. I awih loh leh ngawi mai la, he post hi hetia rawn tih bawrhbanna tur a nilo, keini misual te Kristmas chibai kan in bukna tura ka thehluh a nih hi. 😛

3. 
   3
   chanhima5 Says:
   December 12th, 2010 at 5:49 am

   Misual unaute hmangaihna avanga rawn post ka nie… thil dik chu hai rual ani lova, ka misual unaute kalsual tur pawh hi ka ngaingam ngang lo ani. chuvangin,, chhiar chian a, chhui chhin ve atha.. Misualte chhandam nan ani e.. laknat tur lam ani lo,, hmangaihna aw a ni.

4. 
   4
   H.Vangchhia Says:
   December 12th, 2010 at 6:06 am

   Post dang thehlut mai teh… Bawngkhawtlai 😛 😀

   I rin thin, i phatsan tak, i khenbeh nawn leh Lal Isua Krista hian a la hmangaih reng che tih i hre dawn nia. Krismas chibai le.

   He post a comment #1 leh #3 na hi delete turin ka ngen e.

5. 
   5
   chanhima5 Says:
   December 12th, 2010 at 6:27 am

   I Korinth 7:18-20, “Serh tan tawh hnu koh an awm em? Serh tan loh mi lo ni suh se. Serh tan lohva awm koh an awm em? Serh tan tir suh se. Pathian thupekte pawm chauh lo chu serh tan hi engmah a ni lova, serh tan loh pawh engmah a ni hek lo. Mi tin kovah an awm laia an chan pangngaiah chuan awm reng theuh rawh se”. Galatia mite hnena lehkhathawn bung 5:3 ah pawh heti hian a sawi a, “A ni, dan thu zawng zawng zawm tura batu an ni tih serh tantir apiang hnenah ka hriattir nawn leh e,” tiin. Heng thute hi kan thurin thianghlim thlahthlam a an sakhaw dan la lut ve tura min beitu Kristiante hian chatlak lova vawn that tur a nihzia hi hre reng teh sela aw.

6. 
   6
   chanhima5 Says:
   December 12th, 2010 at 6:30 am

   delete turin i dil kher a… nangni pon in duh duhin in comment thin thova, ava democracy awm lo vee a..

7. 
   7
   sason Says:
   December 12th, 2010 at 6:38 am

   ee khaih aa khi a thui bawk a a thu a tha hle mai a
   nih vetheih mai hmel hle mai a a lo nih chuan kan ve chawh dawnnn emmm
   rinna chak lo deuh tan chuan kan in hlan thei mai dawn a lom

8. 
   8
   H.Vangchhia Says:
   December 12th, 2010 at 6:38 am

   Krista pian vanga chibai in bukna tura post a ni. Krista sawichhiatna lam atana post a nilo. Isua Krista’n a la hmangaih reng che.

   Khawngaihin, he post ah hian Isua Krista chanchin thu negative lama sawi tumna chu ziak belh tawhlo teh ang u.

   Admin te kha in awm chuan khawngaihin ‘chanhima5 ‘ comment hnaisailo tak2 te hi min delete sak hram teh u. Ka post theh luh a ni a, ka ngenngawl ngam/ thiang turah ka ngai.

9. 
   9
   chanhima5 Says:
   December 12th, 2010 at 6:40 am

   keiman ka delete thei em? ka tum chhin a, ka ti thei lo re re,, chutia, a thuziak tu ber a lungawi loh chuan,, delete kan tum mai a ni ang chu… he thu hi,, Post ve ka tuma, an tarlang duh miah lova,,, a fair lo ka ti a, i lungawi loh chuan,, min ngaidam ani ang chu,, hei i thu ziah nen hian ainkaihhnawih deuh avangin ziah lan ve ngei ka duh si a, comment box ah ka ziak ta mai anih hi, i thuziah dal tur leh tibuai tur pawha tih tum ka ni chuang lova, chuvangin, chhiar tu te poh khan,, lo hre thiam teh u,, a hrana ka post ve angah min lo ngaih sak mai teh u khai,, hei Misual pute ho hian, ka thuziah hi an pending reng mai si a,, delete dan min hrilh theih chuan,,, ka lawm hle bawk ang.

10. 
    10
    H.Vangchhia Says:
    December 12th, 2010 at 6:49 am

    Malsawm (chanhima5), Isuan a hmangaih che. Thlamuang takin kal rawh le 🙂

11. 
    11
    Kawnga Says:
    December 12th, 2010 at 6:52 am

    @HV, Krismas chibai le…

    @chanhima5, nang pawh le 😆

12. 
    12
    lrpa Says:
    December 12th, 2010 at 7:12 am

    Pu HV..Kristmas chibai le..
    He Juda pa,ti rawk ila, chanhima (Isuan a chhandam che haiderin chanhim i inti ta a ni maw.. 😆 ) hi a bo thui nasa ve aw.

13. 
    13
    ruatruatapa Says:
    December 12th, 2010 at 7:14 am

    Ngaihawn ve ve e. Intibuai se…(thelh..) Isuan a hmangaih vek che u.

    Lalpa’n malsawm cheu rawh se.

    Krismas chibai 😆

14. 
    14
    sason Says:
    December 12th, 2010 at 7:21 am

    zawhna ka nei tlat
    kei poh hi kristian ka nia a. Isua hian min chhan dam kan ti ziah a.kan rin dan ah hian misual chu meidilah chatuan hremnaah an tuar dawn a mifelte chauh chuan pathian hnen an thleng dawn tho si a.ngaihdawm ngai ber misualte chu hremna an pumpelh dawn chuang si loh chuan engber chu nge maw Isua hian min chhan dam na le
    khaw ngai in a chhang thei in awm chuan min lo chhangteh u
    ka rinnaah ka lo chian ve deuh naannn

15. 
    15
    H.Vangchhia Says:
    December 12th, 2010 at 7:22 am

    lrp, zai khi ka nau anih ve khi 🙂 Krismas chibai le.

16. 
    16
    chanhima5 Says:
    December 12th, 2010 at 7:23 am

    Kan thurin bu Bible ah chiang tak takin a inziak keu kuau si a, kei chu,, ka buai zo vek,, Kan Kristianna pawh hi ka tui tawh lo, eng Sakhua nge dik ber ang awwh? ka Mass hman pawh a tui nek love,, Mass te hi kan nawn ang tluk tluk a, tunge piang nawn tluk tluk ngai,, kan lo dal e,, zahthlak.

    Misual pawl ho hian Kohhran din ve thuai mai ani ka duh ni, hui ha,, a zawna ka zawn nak chuan,, a dik ber chu kala hmu tho vang. he ka thu post hi, ka chhiar tirh chuan,, dawt emaw ka tia , mahse, kan en mil vel a, a in ziak chiang vek sia, ka rilru hi ava hah tak em. ka pianpui emaw ka intih laiin, mi pakhat alo kal a, “Mama, Vai i ni hlei nem, vai te chu India ram hi an ram ani a, nang chu Mizo a lawm inih, min rawn ti a, chuvangin Lalpan a hmangaih che, harh chhuak teh,” a rawn ti ang mai hian, ka harh huai mai,, ka lo pianpui Kristianna kha, vai ka lo nih loh zia ang velin , Kristian kan lo nih loh zia hi ka hrechhuak thut ta mai, hui ham, engtin nge ni dawn? KuZoramthang….

    A eng hi nge dik ber ang awww? Milem be Kohhran/Sakhua chu belin chhui chhin lo phot ila, a chhan chu, ka ngawng ve palh ang,, Sam 115:4 ang khan, hui ham,, eng Sakhua nge milem belo sakhua in hre mial em… ka misual pui te u?

17. 
    17
    H.Vangchhia Says:
    December 12th, 2010 at 7:23 am

    chanhima5, khawngaihin hetah chuan rawn comment tawh lo hram teh. Ka lawm e grrrrr

    He postah hian i ngaihtuahna ang kha aleng lo, i rinna kha vawng reng la kal mai teh. Isuan a hmangaih che

18. 
    18
    ChhawnBura Says:
    December 12th, 2010 at 7:28 am

    FB lamah ka lo ngaihtla a, mawi ka ti khawp mai.

    chanhima5 chu va duh bawrh bawrh ve awwwwwwwww 🙁

    MOOD off hman ṭep alawm le!!!! 😆

19. 
    19
    chanhima5 Says:
    December 12th, 2010 at 7:36 am

    H.Vangchhia, ka misual pui ini a, kei pawn ka hmangaih che, ka hmangaih che avanga thudik chhiar ve tura ka share vena che a nih hi, ka ngaihtuahna poh ani bik lo,, a bung leh chang te a inziah vek khi, han bih chhin ve mah teh, ring mawl bawng chuar tup lo khan,, chhiar chiang la, i harhchhuak ve vah mai ang.

    Lalpan a hmangaihin a ko che.. i chunga he hrilhfiahna chiang vet vawt, a rawn tlaktir che hi, hai lui lovin, finnan hmang teh, inau khi a zaithiam khawp mai.

20. 
    20
    sason Says:
    December 12th, 2010 at 7:38 am

    december thla ah chuan israel ah chuan arsi hmuh tur vang viau long maw, tunah poh hian vur a tlahial lo maw le,
    hriat a chak awm hle mai.

21. 
    21
    H.Vangchhia Says:
    December 12th, 2010 at 7:38 am

    chanhima5 leh midang Israel a west of west bank (hret) vel leh hmun danga awm te ho pawh in vaiin Krismas chibai ule. Lei leh van Lal fapa, in phatsan, in khehbeh nawn hian a la hmangaih reng che u ania. Krismas chibai mawlh mawlh u le.

    Lal Isua ka tan alo piang tih ka ngaihtuah chian hian ropui ka ti a, mak ka ti bawk. Lal ropui keimah vanga mihring zingah alo piang khan ka chatuan nunnaah beiseina a siam ta si a.

    Chhandamtu nei velo te chuan an thil tih that atangin vanram an beisei, keini erawh chuan Lal Krista zarah kan tih vang ni lovin, aman min tihsak tawh zawk avangin kan vanram beisei dan avan hlimawm bik tak em. “Aw ka thlarau, tawp lovin i Lalpa chu fakin au ta mai la!”

22. 
    22
    chanhima5 Says:
    December 12th, 2010 at 7:46 am

    Mosia dan (Mosaic law) thlaktu atana New Testament latu Kristiante hi kan zawt duh a, engtingnge dan bua rinna (doctrine) te hi belhchhaha chumia a then then lak heu teuh teuh leh si hi engtinge an tih ngam mai aw, amah dodalin demna rapthlak tak tak an chhakchhuak reng a ni.

    Thupui belhchhah kan ngaihtuah ngei ngei turte a awm – Pakhatna, Pathiana mi pathum (Trinity) awm rinna hi. He lehkhabu bung sawmna vela kan tarlan tawh sa angin, New Testament hian Trinity awm dodalna proof-na chauh min pe a ni.

    Pahnihna, Isua chu Pathianah a inchhal tih hi New Testament atangin kan hmu lo va, tin, Engkimtitheihna tawp nei lo chu ama tan a hauhna kan hmu lo bawk.

    Pathumna, thil anpui (image) betu Christianity member-te chu heng hi kan zawh a tul tlat, heng chungchanga Isuan khauh taka a lo khapte kalh zawng a biakna hi engtinnge an chinchhuah theih ni le? Milem chawimawi nana inthawina ransa reng reng chu ei lo turin a zirtirte kha a khap tlat si a. Milem hmaa kun thin ten invenna an siam chu chelh theih loh hul hual a ni. Milem chuan mipa thianghlim leh hmeichhe thianghlimte hriatrengna chuan kan rilruah min hriat chhuahtir avangin min hriat thar tirtu atan kan hmang mai a ni tiin milem chu an puh thlu a nih chu! Tin, an palai, nunna nei lo chu chibai buka zahna pawh pe lo angin an insawi bawk a. Nimahsela, chung pakhat aia tam pathian (politheistic) te ruangam chu an phatsan thei lo va, tin chung, milemte chu Pathian nungchang pek then ve niin chung mi thianghlim ruangam (figure) hmaah chuan tawngtaina hianin an bawkin an thingthi thin a ni. Hei hi an chhut dan (estimation) mai mai a ni.

    Palina, Isua thihna thuah Judate Kristianin an tlawh nikhuain Isuan a ngaihdan a sawi kalh zawngin an che fo mai Luka 23:34 ah, Isua chuan heti hian a sawi si a, “Ka Pa, anni hi ngaidam rawh aw, an thiltih hi an hre si lo va,” tiin. Isua thihna phuba lak theihan (right) judate chungah neia inngaihna chuan nunrawnna (scope) zau tak a siam a, a pe ani, chu chuan dawta puhna leh tharum thawhna pawikhawihlo te chunga tiang khawm thin, mi tha lo ber berte kaihhruainain thiltih nena en tirna (demonstration) lungchhiatthlak tak tak an neithin a ni. Kristiantena tihtur an tih loh Isuan titura thu a pekte chu kan han tar lang ang e :

    Pakhatna, an bungruate hralha mi retheite hnena a sum ngeia sem tur thupek chu Kristianten an pawm lo : Matthaia 19:16 leh Luka 18:22 kan hriat danin hetiang thilpek (Charity) kalhmang hi Kristian chuan a Amen pui ngai lo a ni.

    Pahnihna, Luka 6:35, “In hmelmate hmangaih ula, an thatna tur ti ula, puktir rawh u, engmah beisei letna nei lovin,” tin Mathaia 5:44, “In hmelmate chu hmangaih ula, a tiduhdahtu che u chu tawngtai sak rawh u.”

    Pathumna, Kristiante chuan, thuneihna nei si lovin dan pui an nuai bo va, New Testament-a an ziah chhawn sa thisen ei leh rehhlum thang awk sa ei laka insumna thupek bung hmasa lama kan tarlan tawh, Tirhkohte thiltih 15:29, leh 21:25 a inziakte kha dan puite zinga mi a ni nghe nghe, Holy Bible & New Testament namnultu an ni. Kristiante chuan New Testament doctrine dik tak an pumpelh fo duh a nih chuan, Kristian sakhaw doctrine thar zawm duh lo, chhia leh tha hriatna thianga kaihhruai Judate chunga demna inchirh theh khum fo hi an ti thei lo.

23. 
    23
    H.Vangchhia Says:
    December 12th, 2010 at 7:48 am

    Admin te khan khawngaihin ka chunga comment ziaktu comment te hi ka post atang hian min delete sak hram teh u… 😛

    chanhima5😛 hei hi keini Kristian te Krismas chibai inbuk nana ka post a ni tih hriain, khawngaihin min zah sak theih chuan ka lawm khawp ang. I duh leh post dang theh lut la, kan in chu luai luai zawk dawn nia.

    A thu hrimah i sakhaw rindan hi lo dik zawk pawh nise, ka post i rawn zah loh vang hrim2 pawh hian ka in let lo chiang ngawt ang le. Isua Krista erawh ka phatsan (nang angin) ve ka ring lo khawp.

24. 
    24
    chanhima5 Says:
    December 12th, 2010 at 7:54 am

    i ziakah khan tawng huatthlala i belh hlak zel kher a, a chhanna ziak ve leh zel alom,, ka ziak tawh lo ang,, achhanna ka ziah te hi i lo chhiar chiang dawn nia, Israel chu kala ni bik lova, mahse, an sakhhua pawh bel chiang chhin ang. an lo dik viau zawk mai thei, hei website dang ami ka chhiar ania,, lo bel chiang chhin ve mah rawh khai. i bawngkhawtlai zawk hmain, kan bawng khalh mai ang che..

25. 
    25
    sason Says:
    December 12th, 2010 at 7:55 am

    va mak vak vak hlom ve maw leeee
    tumah lah chaun ka zawhve na lah chu engah mahin ngai lo leh nghal kan in thiar fihlim daih teh ang keichu

26. 
    26
    chanhima5 Says:
    December 12th, 2010 at 7:56 am

    i ngaidan, a mak ka ti, i post ka ngaihsan vanga, rawn comment ve emaw ka nih ka ti a, i free style lo emai, Isua zirtir dan a ang lo ka ti. ngaihdam zel tur a nih kha. 😮

27. 
    27
    H.Vangchhia Says:
    December 12th, 2010 at 7:57 am

    Kan hahchhiau dan chu aaaajewwwww 😆

    Ka post a thu inziak ang khian keini Kristian te Krismas in chibai nana post liau liau a ni e. He post hi keini Kristian te inchibaina a ni, duh duh sawina OT na tura post a nilo. bawnga 😀

28. 
    28
    chanhima5 Says:
    December 12th, 2010 at 8:00 am

    Lolzzz.. engtin nge kan hahchhiau ve ang awwh.. areng thuah Isuan mak ati ngawt ang che,, i mi ngei dan ngawt khi, a hmu vek che a nia,, i sawi ang khan, keite chu Isuan min hmangaih ania aw,, Isua chu kan pawl.

    Kristmas pawh an nawn an nawn thin a, anih, in chibaina tur a nih chuan nangpoh, Kristmas chibai, kristmas chibai, kristmas chibai.. nawn awn awn

29. 
    29
    Samuel Says:
    December 12th, 2010 at 8:01 am

    @chhanhima5, anih mesia chu in la nghak tihna ami?

30. 
    30
    chanhima5 Says:
    December 12th, 2010 at 8:03 am

    H.Vangchhia in ka tawng a phal tawh lo..

31. 
    31
    chanhima5 Says:
    December 12th, 2010 at 8:04 am

    han be tha teh,,, chuan ka lo chhang ang che

32. 
    32
    lrpa Says:
    December 12th, 2010 at 8:06 am

    Thu ropui ber chu..’A tirin Thu a awm, Thu chu Pathian a ni, Thu chu tisaah a lo chang a, kan zingah a lo awm ta, Pa fa mal neih ropui angin, A ropui zia kan hmu’. A ropui ngei mai. Engkim siamtu, Alpha leh Omega…ka rilru mitthla na pawh hian Pathian ropui zia hi a hmu thiam lo e.
    A ropuina hi a zual zel ang..Chatuan chatuan thlengin..Amen

33. 
    33
    H.Vangchhia Says:
    December 12th, 2010 at 8:07 am

    chanhima5, Hindu ho ang deuhin ‘festival of light’ Hanukkah kha lo lawm mai2 teh, bati kha lo chhi eng fir fer la, keini Kristian te Lal pianni lawm tur hi min rawn ti buai tawh teh suh.

    Baruch Shem Kivod Malchuto Leolam Va’ed…. Histalek!

34. 
    34
    Samuel Says:
    December 12th, 2010 at 8:07 am

    @pu hv, khawngaih in chhanhima5 chu ka zawhna chhan min phalsak la.

35. 
    35
    chanhima5 Says:
    December 12th, 2010 at 8:10 am

    Kristiante doctrine, Isua leh ama Apostolte zirtirna kan khaikhin chuan, thil awmze inmil lo leh pangngai lo pui pui point tam takah an inpe a ni.

    Hmun khatnaah chuan, New Testament hmun hrang hrangah Isua khan “Pathian” a nih thu a inpuang ngai lo tih kan hmu a, amaherawh chu “Mihring” emaw “Mihring Fapa” pawh hi” tiin a invuah thin zawk a. Chu lehkhabu phalna pawh awm si lovin Pathian nihna ze pui (title) chu a chungah nghah hnuhnawh a ni a, chu thuneihna mai chu Kristiante tana thil hlu chu a ni thei chauh a ni.

    Hmun hnihnaah chuan, hmun hrang hrangah Isua chuan Mosia dan chu tibang tura lo kal lova, tungding zawk tura lo kal a nih thu a sawi thin tih kan hmu a ni. Chutiang chu Matthaia 5:18 ah kan chhiar a, “Dan emaw zawlneite thu emaw tibang tura lo kal emaw min ti suh u; tibang tura lo kal ka ni lo va hlen famkim tura lo kal ka ni zawk e; tih tak meuhvin ka hrilh a che u, van leh lei an boral hma loh chu dana mi thai han emaw, chhun han te tak te pawh hi engkim a lo thlen kim hma loh chuan engti kawngmahin a boral lo vang.” tiin. Chutiang hawi zawng bawkin Luka 16:17 ah hei hi kan hmu veleh a, “Dana chhunhan leh thai han tih pamtul ai chuan van leh lei tihboral a awl zawk,” tiin. Amaherawh chu rorelna (emaw )kilkawina chu kenkawh reng a ni tawh lo, Isuan a luahlan tawh a ni tih rinna hi an thehdarh lui tlat zel a nih hi.

    Hmun thumnaah chuan Isua thusawi atangin thil kan hmuh chu mi hausa pakhatin chatuan nunnaa engthawlna a chan theihna tur a zawh chatuan hlimna chu Mosia dan thianghlim thu awihnaa innghatah a ngai tlat tho a ni,” Isuan a chhang a, (Matthaia 19:17,18), “Nunnaa luh i duh chuan thupekte chu zawm rawh. Mi hausa chuan a hnenah heti hian a sawi a, Eng thupek nge? tiin, Isuan a chhang a, “Tual i that tur a ni lo, i uire tur a ni lo, i ru tur a ni lo, hretu derah i insiam tur a ni lo, i pa leh i nu chawimawi rawh, tin i vengte chu nangmah angin hmangaih rawh.” tiin. Mahse kan vawiin ni Kristiante chuan chatuan nunna dinhmun pumpui chu thlarau chhandamtu anga amah Isua rin tawpnaa innghat hmiah turin zirtirna chak tak an belhchhah ta a ni. Isua chuan chu tlangval chu a zirtir belh ta zel a, “That famkim i duh chuan, kal la, i neih zawng zawng hralh la, pachhiate pe rawh,” tiin. He thupek hi Kristian reng rengin an zawm tak kan hre ngai hlei lo va.

    Hmun linaah chuan, Isuan a zirtirte hnena a thupek tih thangtlawmnaa inpe lut thei Kristian khawilaiah mah kan hmu bawk lo va, (Luka 6:29) a sawiah khan, “Tin, i biang lehlama bengtu hnenah chuan a lehlam pawh dawh leh rawh, tin i puan laksaktu hnenah chuan a dang pawh pe rawh, tin i kawrchung (coat) laksak chu khap suh,” etc tiin.

    Hmun nganaah chuan, kan lak chhuah leh tur chu, Mari khan Isua a hrin hnu thlengin nula thianghlim la ni rengin an ring a ni, Isua erawh chuan chutiang chu a ngaihdan a ni ve leh si lo, Johana 2:4 dung zuiin, heti hian a sawi a, “Hmeichhia, nanga mi lo hriatsak tur engnge awm?” tiin

    Hmun linaah chuan, Mosia dan leh Nova fate (Jentailte) dan mai pawh ni lo, Tirhkohte thiltih 15:20 kan chhiar thin thupek lakah Kristiante chu an la danglam leh zelna kan hmu a ni, hetiangin lo chhiar ila, “Milem biakna thil bawlhhlawh ei te, inngaihte, sa rehhlum/thangawk (strangled) sa ei leh thisen eite banna turin an hnenah kan ziak a ni” tiin.

36. 
    36
    H.Vangchhia Says:
    December 12th, 2010 at 8:12 am

    chanhima5, Histalek

    Samuel, phal leh phalloh a hrelo, mawi leh mawilo leh awm leh awmlo pawh a hrelo, a hun leh hmun pawh a hre heklo…inti fing ‘tut’ reuh tak niin ka hria… bawngkhawtlaia hi 😆

37. 
    37
    sason Says:
    December 12th, 2010 at 8:12 am

    kristian nih hi a number duhduh dan in awm thei
    chhandam fate kan nia,duh duh dan in awm tawh mai tur
    lolzz

38. 
    38
    chanhima5 Says:
    December 12th, 2010 at 8:14 am

    Exodus 4;24 “LALPAN Israela (Jakoba) hi ka fapa, ka fatir ani e ..”tih thu kan hmuh atang hian [ lrpa ] Isua chu fapa mal ani thei dawn em mawn le? fa tir a awm chuan,, fa dang pawh awm tur ni awm tak ani si a..

39. 
    39
    chanhima5 Says:
    December 12th, 2010 at 8:18 am

    phal angah ka ngai mai ang, zak thei lo ta sa sa,,, Lol.. Samuel… a comment 1 na ami khi chiang deuhin han chhiar la,, kan nghah anih leh nih loh, lam ka thlu lo,, kan thurin bu Bible a a intarlan dan atang khian,,, Sam 115 na a milem be tute leh ring tute ngawng angin kan ngawng lem si loh chuan,,, a hriatthiam theih maiin ka hria,, H.V mizo tawngin thil kha ziak zel la,, ka hre thiam lo,, i sawi,, min rel chiang,, Isuan kan ziak hi a chhiar ve ania,, a Transtut palh ang che nge aw..

40. 
    40
    Samuel Says:
    December 12th, 2010 at 8:18 am

    @chhanhima5, anih Jordan lui a baptisma a chan khan hei hi ka fapa duh tak, ka lawm em em a chu ani. Ama thu ngai rawh u a rawn ti sia. A thu chu kan zawm mai dawn lawm ni?

41. 
    41
    lrpa Says:
    December 12th, 2010 at 8:20 am

    Pu HV an lo ngaithiam se,ka missionary rilru a chhuak tlat..
    @Chahima5..pa famal neih ropui angin tih mai anih khi..

42. 
    42
    Samuel Says:
    December 12th, 2010 at 8:21 am

    Fa tir chungchang ah chuan engmah danglamna ka hmu ve lo. Kan Trinity ah Pa leh Fapa leh Thlarauthianghlim, mi nung pathum an awm a. An vaiin Pathian vek an ni. Fapa hi pahnih a ti kher lova. Chuvang chuan fapa mal a ni mai dawn lawm ni??

43. 
    43
    ZerO Says:
    December 12th, 2010 at 8:22 am

    HV, Kirsmas chibai le.

    Post aia sei comment a va tam ve! 😮

44. 
    44
    chanhima5 Says:
    December 12th, 2010 at 8:22 am

    Matthaia 11:13-14, Isuan hei hi a sawi a, “Zawlneite zawng zawng leh dan thu chuan, Johana a lo awm thleng khan an hrilhlawk thin a ni. Tin, in lo lawm chuan, chu chu Elija (Elias), lo kal tura chu a ni.” Tin Luka 16:16 ah he thu vek hi en leh rawh. Heta tang hian dan leh zawlneite chu hun engemawti chhung atan chauha awm tura in rintir tumna a lang a ni, chu chu Isua awm rualpui, Johanaah khan a tih famkimna thleng tawh angin. Kawng dang ve thungah chuan, Isuan Mathaia 5:17 ah he thu hi a puang a, “Dante emaw zawlneite emaw ti bang tura lo kalah min ngai suh u, ti chhe tura lo kal ka ni lo, hlen ( fulfill) tura lo kal ka ni zawk, tiin. (He subject-a kan hrilhfiahna chu part hmasa zawk bung 19 ah en rawh). Heti hian zawhna kan pe leh teh ang, Israel hnam sawmte hruaikhawmna hrilhlawkna leh Gog leh Magogte indona (Kristian sawi danin Harmagedon) chhunzawmna turte chu engtin nge ani khan a puitlin tir tak le?

    Matthaia ziak bung leh changa ngaihdan an thehchhuah, Johana chu Bible-a Eliza kha a ni e tih leh, a dawta Johana Gospel thu chhuahtuin : “Tin amah chu an zawt a, A nih leh engtinnge ? Eliza i ni em? Tin, anin a chhang a, ka ni lo. Zawlnei i ni maw? Tin a chhang a, ni lo,” tiin. (Part hmasa bung 39 kha en rawh), tih thu (statement) inkhuangrual lo hi kan hriattir e.

45. 
    45
    H.Vangchhia Says:
    December 12th, 2010 at 8:23 am

    December = Chodesh Tov uMevorach 😀

46. 
    46
    Samuel Says:
    December 12th, 2010 at 8:23 am

    @chhanhima5, a pian leh murna atang chuan Messia a nih lohna engtin nge i hriat theih a?

47. 
    47
    sason Says:
    December 12th, 2010 at 8:24 am

    aaaaaaa
    in ho emmmm mai a Isua hi min chhan dan tu kan tih sawn anih hi pathian fapa ang a kan ngai a nih chuan sawi a ni lo kan ti thei lo ang
    chuan kan lom tlang emmmmmm
    lolz

48. 
    48
    Samuel Says:
    December 12th, 2010 at 8:25 am

    Tin a thiltih atang pawhin.

49. 
    49
    chanhima5 Says:
    December 12th, 2010 at 8:27 am

    Genesis 1:26 “Tin, Pathianin heti hian a sawi a, Keimahni anna nei kan anpuiin mihring kan siam ang, tin anni chuan tuifinriata sangha chungahte … ro an rel ang,” tiin.

    “Mihring kan siam ang,” tih thu atang hian, chang hrilhfiahtu Kristiante chuan, Pathiana mi pakhat aia tam sawi thawina angah an ngaia an siam chhuak ta nghe nghe a ni.

    A hnialna : Verb – ‘NAASSEH,” kan siam ang, tih hian Pathianna plurality a sawina ni ta se, a hnu lawkah singular form “Pathian chuan ama anpui (image) in mihring a siam a,” engatinge a tih leh si le? emaw “Tichuan mihring an siam ta a.” tiin engatinge a ziah leh si loh? Pathian chuan a thilsiam zawng zawnga tha ber mai mihring a siamnaah hian Engkimtitheia thiltihtheihna chi hrang tam tak a ruai a ni tih hi kan thinlungin a hriattheih nan kawng dang lam bik hmangin plural form tawngkauchheh a hmang mai a ni zawk. Pathiana mi pakhat (unity) chu khauh takin an kawhtir naa, thil uarna atan plural verb kengtu Bible chang thenkhat han thur chhuak ila, Genesis 11:7 “Hawh u, i zuk kal ang u khai, tawng an inhriat tawn theih loh nan an tawng i zuk tihhran sak ang u” “Ka zuk kal ang,” tih ni lovin. Joba 18:2 “In hre thiam ang a, chu mi hnuah kan sawi ang,” (Ka sawi ang tih ni lovin) “Kan anpuiin mihring kan siam ang” tih engkimtitheia awphawi hian a vantirhkohte kokhawmin an hnena a thusawi a ni tih a hriat theih a ni, “A duhzawng chu a chhiahhlawhte hnenah a lantir thin.” tih ziak ang khan. Vantirhkoh chungnung ber pali -Felna Vantirhkoh, Hmangaihna/Ngilneihna vantirhkoh, Remna vantirhkoh, Thutak vantirhkohte pali hnenah hian an ngaih dante hre duhin siamtu chuan a rawn ve satliah a ni. An ngaihdan pawh a inang lo va, Thutak vantirhkoh chuan Pathian a hnial a, “Mihring siam ni suh se, siam an nih chuan dawt an sawi ang.” a tih tlat avangin Pathian chuan a thutphah ropui atang chuan lei thlengin a hnawt thla ta a, Thutak vantirhkoh rual hian a hote tam tak an tla tel a ni. Felna vantirhkoh leh Hmangaihna Vantirhkoh inrem chuan mihring siam thuah LALPA Pathian an thlawp a, “Mihring siam a nih chuan felnate hmangaihna leh ngilneihna te an rawn chingchhuak ang,” an ti ve thung a.

    Chutiangin Genesis 18:17-ah hei hi kan hmu a, “Tin, LALPA chuan, “Ka thil tih tur hi Abrahama lakah ka zep dawn em niang aw!” a ti a. Hemi bung vekah hian a chhaka Genesis 11:7-a tawngkam pakhat tarlan nen thu thuhmun a awm a ni; mahse chutah chuan singular number hman a ni,” Ka chhuk thla ang a ka hmu ang.” tiin. Gramatical form hian Plurality thurin a chelek tak tak dawn anih chuan, singular leh plural inkara thu inthlahthleng tawn lo awm thinte hian he thurin hi a tibeidawng dawn a ni a, rinna ngelnghet aiin a rinhlelhna leh mumal lohna a siam dawn a ni. Pumkhat/pakhat nihna danglam thei lo rinna atanga kal pengte ngaihdan chu a nasa thei ang berin kan Holy Bible hian a kalh a ni.

    Thil mak tak mai pakhat chu, kan Holy Bible leh anmahni New Testament meuh pawhin chutiang thutheihna a pek reng reng loh Trinity thurin ring ve tura min siam an tum vak vak reng mai hi a ni.

    Kan Pathian Danpui chuan Deut. 6:4 ah “Aw, Israel, ngaithla rawh Lalpa kan Pathian chu LALPA pakhat a ni.” tih thu hi, a bik atan, fiah takin min hrilh a ni.

    Ibid 4:35, “Nangin LALPA chu Pathian a ni tih leh Amah lo chu tumah an awm loh thu hre turin, heng thilte hi i entir ta a.”

    Tin, hetiang hi a ni leh a, “Ibid. (chang 39) ah “LALPA chu Pathian Van chunga awm leh lei hnuaia awm a ni tih hi vawiin ni hian in hria ang a, in thinlungah in vawng reng ang.” tiin.

    Tin, Isaia 43:2 chuan ti hian a sawi a, “Kei, keimah ngei hi LALPA chu ka ni, kei mahlo hi chhandamtu an awm lo,” tiin.

    Ibid. 44:6, “LALPA, Israel te Lal leh chhandamtu chuan heti hian a ti a ni, a hmasaber ka ni a, a hnuhnung ber ka ni bawk, tin kei tih loh chu Pathian a awm lo.”

    Ibid. 55:5, “Kei hi LALPA ka ni, keimah lo chu tudang mah an awm lo.”

    Chang 6-ah bawk, “Keimah lo hi an awm lo; kei hi LALPA chu ka ni a, a dang reng a awm lo a ni tih hi nichhuahna (khawchhak) atanga a tlak lehna lam thlengin an hriat theih nan.”

    Ibid 40:18-ah “Tu nen nge Pathian chu in an tir ang a, amah chu tu nen nge in khaikhin dawn le.”

    Jeremiah 10:6 “Nangmah ang hi Aw, Lalpa tumah an awm lo, nang chu i ropuia tin i hming pawh thiltihtheihnain a ropui a ni.”

    Hoshea 13:4-ah “Kei erawh hi chu Aigupta ram atang tawh a LALPA i Pathian chu ka ni a, kei tih loh chu Pathian dang i hre ngai lo va, kei lo hi chu chhandamtu dang an awm lo a ni.”

    Sam 86:10-ah “Nang chu i ropui si a, thilmakte i ti bawk thin a, Nangmah chauh hi Pathian i ni.”

    Nehemia 9:6 “Nangmah chauh hi LALPA chu i ni a, vante khi i siam a, vante van leh, an sipai rual zawng zawng nen khian.” etc.

    I Chronicle 17:20, “Kan benga kan hriat ang zawng zawng dungzuiin, Aw,LALPA, nangmah ang reng reng an awm lo va, nangmah lo chu Pathian reng reng an awm hek lo.”

    Kan instructor ber Pathianin heti hian min hrilh a ni, “Ngai teh, tunah hian kei, keimah ngei hi a ngai reng kha ka ni, ka lakah hian Pathian a awm lo, ka tihlum a, ka tidam leh a; ka tisawm a, ka tidam leh thin.” Isaia 45:7, “Eng a siam a, thim pawh a siam a, thlamuanna a siama thil tha lo pawh a siam; kei LALPA hian heng thil zawng zawng hi ka ti a ni.” Amah chauh chu thiltihtheihna tawpkhawk nei a ni a, thil awmtirtu bul Ama duh dana innghat, thil tin reng, a rorelna leh enkawlna sang ber hnuaia awm an ni a, tin, thilte an awmdan thlak danglama, titlaran theitu a ni.

    He pumkhatna famkim hi khawvel thlir dan dik tak hnuaia awm a ni thei lo va, Pahnih emaw Pathum (Trinity) nihna tura then hran theih a ni bawk lo. Chu thendarhna chu mihring rinna chuga chelek luih a nih chuan, chhia leh tha hriatna chuan a hnial tlat a ni; ngaihtuahna rilru fim Engkimtitheian min peka hian Pathian Pathianna aiawh (representative) diklo chi hi chu a ngai thei lo vin a dodal tlat a ni. Ama mize nihna ril dungzuia Amah chu chibai buk turin kan rilru te chu Pathianin a duang a ni zawk. Pathian zepui lairil chu then darh theih a nih chuan Pathian pakhat aia tam rinna tungding tura tihluih kan ni dawn a, Amah chu hmuntina awm (Omnipresence) a nihna a tling dawn lo va, Amah chu thilsiam engemaw nen khaikhin tham lek a ni dawn a ni. A hnuaia Isaia ziak ang hian engtinnge Pathian pumkhatna testimony (nemnghehna) chu kan hnawl theih ngawt ang ni, Isaia 40:18 : “Pathian chu tu nen nge in tehkhin dawn le? a nih loh leh, eng lem nge amah nen in tehkhin dawn le?”

    An sakhuaa chanvo telh makmawh Trinity thurin siamtu Kristiante dinhmun hum theih loh lailangtu, New Testament ziaktute hial pawhin an ngaihdan an pe a. Matthaia 12:32, chuan, heti hian a sawi a, “Tin, mi tupawh mihring fapa sawi chhetu chu ngaihdamin a awm ang a, nimahsela Thlarau Thianghlim sawi chhetu chu, ngaihdam a ni lo vang, he khawvelah leh, khawvel lo la awm turah pawh,” tiin. Chutiang thu bawk chu Marka 3:28, 29-ah sawi nawn leh a ni, tin Luka 12:10-ah nen. Heng Kristian thu neihnate’n heta an hmawrhmuh hi Pathian Pathianna (Deity) diktak leh mihring mi challang te inkar hi inanna a awm lo tih hi thudik leh chiang a ni a, Pathian nihna hming pawh an belhchhah ta zel a ni. Marka 13:32 ah hian Fapa leh Pa inkar in anna tlakchham a nihzia a proof-na kan nei a ni: Hetiangin, “Nimahsela, a ni leh a dar chu, tuman an hre lo, vana vantirhkohte pawhin, fapa pawhin Pa chauh lo chuan a hre lo.” tiin.

    Pathiana mi pathum awm rinna chuan Christianity dan thenkhat emaw, Isua leh Pathian chu pumkhata chhuahtir leh nihna thuhmun anga a siamna lantirna evidence reng reng hi New Testament pumpuiah hian kan hmu hek lo a ni. Matthaia 10:40, ah hian chutiang kalh zawng zawkin Isua chuan inpuanna a nei a ni zawk, hetiangin, “Nangmahni lawm tu che u chu kei mi lawmtu a ni a, tin kei mi lawmtu chu mitirtu Amah lawmtu a ni.” Hetah hian Isua chuan Pathian mi tirh (messenger) ang lekin a indah a ni. Paula pawhin Roman ho hnena a lehkhathawnah heti hian a sawi a, “Bung 5:15-ah “Khawngaihna avanga thilpek, mi pakhat Isua Krista avanga pek chu,” etc. Matthaia 20:18 pawhin tihian a sawi leh a, “Ngai teh, Jerusalem-ah kan kal a, tin mihring fapa hi mantirin a la awm ang.” etc. Tin, chang 28-na chuan heti hian a sawi a, “Mihring Fapa hi rawngbawl saka awm tura lo kal a ni lo va, rawng bawl tura lo kal a ni zawk,” tiin.

    Isuan tawngtai dan a dinchhuak a, chu chu ama hming chawia sak a lo ni ta a ni “Lalpa Tawngtaina,” tiin, a zirtirte chu Pa, vana mi tawngtaia biak nan zirtir an ni a, amaherawh chu a hnu lamah Pa, fapa leh Thlarau Thianghlim infinkhawmtir nan hman tura hrilh chu an ni lo a ni. Pathiana pumkhat/pakhat rinna thianghlim thlak danglama Trinity rinna (dogma) finthlakloh leh buai chingchivet tak mai pianchhuahtir tura thuneihna inpekna turin New Testament hian tihchianna (single evidence) pakhat pawh a pe chhuak lo a ni tih hi kan hmu chiang khawp mai.

    Genesis 2:17, “Tin, tha leh chhia hriatna thing atang chuan i ei tur a ni lo. Chuta mi i ei chuan i ei ni la lain i thi ang.” Kristiante sakhaw thuneihna chuan Adama’n Pathian thilkhap a bawhchhiat khan, chatuana thlarau engthawlna leh chawlhna nuam chenna nun chu ama mimal ngei leh a hnua a thlah zawng zawng hnam pate, zawlnei te, leh thlahtu sakhawmi leh minun tha puipuite huamin an chan ta vek a, hremhmun aikaih, chuta tanga chhanchhuah lehna chu Isua thihna leh a tawngtaisakna atang chauhva chhandam theih an nih tur chu khi chang khi chhui nan leh a kungkaih tur zawn nan an hmang thin a ni. Hebrai tawngkau chheh, “Mut tamut” (thihnaah i thi ang, emaw, thiin i i thi ang, emaw, i thi ngei dawn a ni) tih thu anpui lak chhawn (reduplication) leh chu he thurin mal hi testimony dik tak ni turin an hmang ta a ni. Tin, proof-na dang lehah chuan hmanlai Hebrai Pathian Lehkhabua chuang mi ropui tak tak te hian he lei hringnun an hman zawh hnuin thiamloh chantirna rorelna chuan a hmuak reng a ni tih hi an inhria a, Genesis 37:35 thu a Jakoba lusun Kristian thu chhuahtute’n an sawi chhawn chu “Lusun chungin hremhmun (Hell) ah ka fapa hnenah chuan ka liam dawn e.” tiin zuk ti ve tlat a! Isaia 38:10. Hezekia thusawi pawh hi chiang tak angin an han thur chhuak leh a, heti hian “Hremhmun (Hell (Sheol) kawngkaah chuan ka lut ang,” tiin.

    A hnialna : Engkimtitheian “I ei ni ah i thi ang” tia a hrilh lai khan Adama chu nun chan tura hrem ngeina lam a kawk a, a ni la lain Pathian thupek or thununna chu a kalh nghal a ni. Nimahsela a dam chhoh zel thu chu chiang takin kan hmu a thihna hremna chu amahah khan tihchianin a awm mai zawka ni. Hetiang ang bawk Bible chang dang I Lalte 2:37-ah thil thleng pakhat kan han la chhuak leh ang a, lal vakvai, Davida hmelma tawrawt Shimeia chu lalber fapain khawpui kalsan a khap sak a, tihian a hrilh a, “Jerusalem i chhuahsan ni leh Kidron lui i kan ni ni chu i thi ngei dawn a ni tih hria ang che.” tiin. Shimeia chu Jerusalem a chhuahsan ni ah chuan thihnaa hrem a la tawk lo tlat mai. Chutiang bawkin Pathian thupek “I thi ngei ang,” tih tawngkam tawpna chu kan la ta a. A awmzia chu Adama chuan a thu awih lohna chuan Engkimtitheia a ti lawm lo hle mai a, Adama chu hremna chi hrang hrang hengte hi a tuar dawn ta a ni; hling leh buar, zum leh hriam tinreng a seng lut dawn a, malsawm loh lei lungah rim taka thawkin ei tur tlem te te a thar ang a, thihna rorelna vanduaithlak tak chu nasa taka fiahna a tawrh hnuah ama tawpna tur chu a ni dawn ta a ni. He rorel sakna hming lar ber leh bawhchhetu chanvo sawi hleih theih loh chu entirna hmasa berah puan chhuahin a awm a, mahse chawp leh chilha lo thleng nghal chu a ni lo a ni. “Thi (to die)” tih, verb reduplication idea angin Adama bawhchhiatna hremna chu pianhmang inthlahchhawnna (nature) ah a nihzia a lang a ni, chutiang lehlinna emaw hrilhfiahna chu Pathian lehkhabuah a hnial fithlakna kan hmu a ni, Deuteronomy 24:16 kan chhiar ang : “Fate avangin pate tihhlum tur a ni lo va, pate avangin fate tihhlum tur a ni hek lo; mitin mahni sual avang theuhvin tihhlum tur a ni.” tiin. Heta a thubul leh thurin bulpui hian a tum chu thihna thlenga inrelsakna kher kher a ni chuang lo va, inhremna tenau tinreng lam sawi a tum a ni zawk, pate emaw fate emaw hremna tura inkaihhnawih kualtirna a huam lo.

    Genesis bung 3 thu pumpui chhiartu chuan Adama’n Pathian thupek a bawhchhiat ni la la a lei ata tihboral hi Engkimtitheia thil tum a nih ber loh thu a hre thei ang. Adama hremna chu chhel taka tawrh chhuah a ni a, a thih niah chauh chungte chu a kimin a dawng ta a ni. A chunga thuchangah khian hnam pa hmasa berin a palai (Mission) hnathawh chungchang a chuang a, chu chu ama chithlah zel tihpunna hna a ni. A khawsak dan kawng chu rei tak chhung thawhrimnaa inhman khahna a ni a, tichuan “Engkimtitheian” a ruatlawk hun chhung hnuah chauh chhiatna rorelna chu tlingtlak a ni,” Nang chu vaivut i ni a, vai vutah bawk i kir leh ang.” tih ziak angin. He thu tawp hian Adama sualna thungrulhna chu a taksa chungah a thleng a ni mai a thlarau (soul) chungah ni lovin. Amaherawh chu, chianna (evidence) belhchhah kan neih leh chu Adama thlahte thlarau chu hremhmun emaw tlakchhiatna hmuna thawn zel an ni lo tih hi, Pa hmasaber sualnain kalpui a neih chu sualna hrang hrang hremna tur chu a chipuite lak ata nunna inlaksak te hi a ni tih Leviticus dan Bu-ah kan hmu a ni. Leviticus 7:27, hi entir nan en rawh : Tichuan mitin ama tihdiklohna avanga thi chu, chu a sualna avang chuan a tuar ngei tur a ni, tin a chipuite lak ata tuithlarin a awm ang, chumi awmzia chu, a thlarau chu engthawlna rama a aia kal hmasa thlaraute insuihkhawm lehna lak ata tihhranin a la awm dawn a ni. Kawng dang lehah chuan, entirna tam tak kan hmu leh a, mifelte thihna sawifiahnaah chuan thu chang chuan hetiang hian a tarlang a ni : “An chipuite hnenah chuan hruaiin an awm ta a,” Deut 32:50, Genesis 25:17 “Tichuan i unau pa Aarona Hor tlangah a thi a, a chite hnena hruai a ni ta ang bawk khan …i thi ang a, i chite hnena hruai i ni ang,” Thlarau tihchimihna lam tlang taka kalh tlattu kamkhat (sentence), kan inhnialna hrilhfiahtu chu Leviticus 22:3, ah hian hmuh theihin a awm,” tupawh bawlhhlawh chunga Israel thlahten LALPA tana an hlan thil thianghlim rawn hnaih apiang chu ka lak ata tuithlarin a awm tur a ni; Kei hi LALPA chu ka ni.” tih hi. Hmanlai mihringte record-naah chuan mihring puipa thi thei lote chanchin zir tur chiang tak kan nei a ni. Sakhaw mi leh hlu ten tihbuai theih loh hlimna an chang a, chutih karah sualnaa mahni intikhawlo ten Pathian lam ngaihtuahna ropui lakah sawn bovin an awm thung a ni.

    Chutiangin Kristiante ngaihtuah chhuah thurinte rin ve maina chu kan hnen ata hla takah awm se, Isua hma lam daiha hna lo thawk tawh thlahtute chu an puithuna leh pawikhawih lohna chu ngaihsanna nei lovin, a pumpui leh a huhovin an hnawl a, hremhmunah an thawn liam vek ringawt mai a nih hi. “A rawngbawltu puithu te’n hremhmun an hmachhawn dawn a ring ve tur chuan khawi lamah ni ringawt rawh se,” Amah hmangaihtute chu a hua a, emaw leia an awm chhungin duhsaknain A ngaisang a, an sakhaw mina leh tumsanna khawvel an hman zawhin a ni chuan a lo tuithlar leh si te a ni awm a!!

    Mihring chu a fel emaw a sual emaw a nih pawhin ngaihsak lem lo, rorelna dik hlel thupek namnul chin chu Pathian mizia reng anga bel theihna thinlung hi thil ngeiawm tawpkhawk a va ni em! Zawlnei Jona chuan hetiang hian engtinge a tawngtai mai theih, Johana 4:3 “Tunah hian Aw LALPA, ka hnen ata ka nunna hi la mai teh, ka dam aiin ka thih hi a tha zawk ang.” tiin. Thlarau hremna nakina lo awm tur a hriatpui a ngem? Nun tawp huna hremna pumpelh rualloh tuar tura he lei ata lak bova awm mai chu a chak a ngem? Chutiangin Enokh-a leh Elijah chu “Pathianin a la bo va” tih thu kan hmu a, Pathian chuan hremhmunah hremna chatlak lova a tawrhtir turte ni siin, anmahni a hmangaih bikna lantir angin kan suangtuah talh dawn em ni?

    Leviticus 18:5 ah chuan Isua hun hma lama lo thawk hmasatu zawng zawng lakah Pathian a lungawi lo ang a, zirtirna leh rinna mumal nei lo an nih na thinte proof-na chak deuh mai kan hmu a ni,” Ka dan thuruat leh ka thupekte chu in zawm tur a ni, chu chu mihringin a tihtur chu a ni, chumi zarah chuan a nung ang.” tiin kan chhiar a ni. Pathian lehkhabu chuan hetah hian dan hnial rualloh tawpkhawk, chiang ber bawk si kan lakah a rawn lek chhuak a, chu chu rinawm taka Pathian duhzawnga mimal tin bei nghet tlat hnenah vanram nawmna dai thei tawh lo chu thehchhuah sak a ni ang, tichuan, mihring chu amah thlahtute lo thawh tawh saah a innghat ngawt thei lo, engti hawi zawng pawhin. He chhutna hi tunah chuan Adama sualna ah khan kan chuktuah (apply) thei tawh ang, mihring chu Pathian thupekte a zawm leh zawm loh a zirin lawmman a hmu emaw hremna a tawk emaw dawn a ni si a, tin amah chu mimal takin ama thiltihah mawh a phur tlat a ni, Adama pawh chutiangin sualna a lo tihah khan ama mimal chauhvin mawh a phur thei a ni.”

    Thupekte chu heti hian an hming vuah a ni a, “A vuan nghettute tan nunna thing” tia hming vuah thupekte hian, he kan lei hringnun hi chung zawm thatna avanga pawhsei vakna tur lam chu min kawhhmuh lem lo va; mahse Pathian thlan chhiahhlawh, hnam pate nen khan that lawrnaa intluktlannaah min hun ngheh hi an hisap dan a lo ni. Thu tak leh heng thilchhutna te laka kan bengte chhu chhet kan nih loh chuan, mihring chu a thlahtu hmasa ber sualna mawhphurhna chu ama chungah nghahin a awm ve tih hi a dikah kan ngai lo vang. Mihring chu a nun sual a ma thiltih ngei khan hlauhawm a la tawrhtir dawn a ni, tichuan Pathian chuan Ama zahngaihnain A thupekte ah awm dan tur khauh takin min tuksak a ni.” Mihringin chu chu a tih a, a nunpui tur chu.”

    Ezekiela bu 18:19,20 thu a nunna thlarau chungchang a sawina hi a zawmpui bung leh chang bawk a ni e, “Rorel dikna leh felna titu chu a thi lovang, a nung ngei ang” tiin. Tin, hetiang bawk hi ziah nawn a ni,” Tin, rorelna leh felna ti thintu chu a nung ang.” tiin, thlarau nun tih loh chu nunna a awm lo, thihnain ai a awh tawh chuan. Chung thil tun thlenga sawi chhawn thlak zel thin atangte chuan hengte hi a chiang em em zel a ni, mi thianghlim leh mifelte chu hremhmun atan thiamloh chantirin an awm lo va, mihring hmasaber (Adam Rishon) thlarau tawrhna hmuna hremna tawrhtir an ni ve hek lo, LALPA lakah an hel ve lo tlat a ni, chubakah A mithmuhin khawngaihna an hlawh ta hlei hlei a, tin an hlutna riau avang khan chatuana chhandamna an chang a ni, an thlarau chhandam nan thil penhleh, pawn lam thil rawn inrawlh an mamawh ve lo. Kan rinna puitu atan Ezekiela chuan bung 18-ah hetihian a lo sawi a,” Misual chu a thi ang, Pa sualna mawh chuan fapa chu a tlawh thleng lo va, fapa sualna pawh chuan Pa hnen a tlawh pha bawk lo.” tiin.

    Zawlnei thilhmuh leh tum chu heti hian : mahni bawhchhiatna ni lova, midang bawhchhiatna mai avangin tu thlarau mah hi thiam loh chantir tur a ni lo, tih thu puan lan hi a ni. Pathian thu bua chang thenkhat inkalh anga lang a awm a – Thupek sawmah chuan, “Pate sualna avangin an fate Pathianin a tlawh a” etc. tih thu a awm a ni; heta tang hian inthlahchhawnna leh pianken zul zuia hremna chu thil chiang sa angin a lang a: nimahsela, endikna hnaivaite ah, he tawngkam hi lungawithlak taka hrilhfiah a ni. Pate khawlohna avanga hremna fate chunga lo tla ta chu, chu khawlohna chu fate pawhin an la tih chhunzawm zel vang a ni tih hi hriat a tan a tha em em a ni. He hrilhfiahna pawmawm tak ang hian Tah hla siamtu chuan bung 5-ah tihian a lo chham chhuaka “Kan pate kha an lo sual a, an awm ta lo va, tin keinin an bawhchhiatnate chu kan phur ta a nih hi,” tiin, A awmzia chu, “Kan pa te, thil dik lo tih khan, sal tan buaina nasa tak a thlen a, tichuan an thil tihsual sawhkhawk ah chuan an thi ta a.

    Keini he saltannaa an aiawhtute pawh hian chu kan thlahtu te bawhchhiatna chu kan bawhchhiatna liau liau angin kan belhchhah ve zel a, an thil tha lo tihte chu entawnin Lev. 26:3 hirlhlawkna thu chu kan lo tidik ta a ni, “In zinga mi la awm chhunte, in hmelmate ramah an khawlohna a vangin an rawih telh telh ang; an pi leh pute chuan an khawlohnate an rawih phah angin, an ni pawhin an rawih phah ve bawk ang. Tin, an pate khawlohna te an zinga an chelh zui zel bawk avangin an la rawih zawh phah ang,” tiin. Hun khata cheng, saltannaaa chengza mi puithu te, entirnan, Jeremia te, Barukh-a, Nereyah fapate, Ezekiela te, Daniela leh a thiante leh midang dangte chuan an unau sual tak takte avanga fiahna (trial) an tawrh phah vena azarah hlawkpuina nasa tak an dawng a ni; Jentail sawrkar zingah Israel Lalte hnuaia awm ten an dawn aia ropui duhsak bikna (distinction) sang tak tak an dawng tlat mai. Heng hlawkpuina (advantages) an chenve nate hi an thlahtute sual tak tak thiltih ang pumpelh tura an fimkhur thinna a zarah chauh a lo ni e. Chutichuan Engkimtitheian a ruat misualte intlansiakna lam, anchhe intawrhtirna hnuaia thawkrim zawng an ni lul lo ve

    Isua thih hma zawng zawngah chuan chhandamna inpekna hi a la awm lo tih Kristiante ngaih dan chu Luka 16:19 ah hian a hnialna dang nen an intawk leh a ni: kutdawh Lazara chuan a thih hnuah hnam pa Abrahama angchhung van nawmna hmuna chawl ta ai a awh a ni. Hei hian a entir chu Abrahama leh Lazara chu hremhmunah an awm ve lo va ni tih hi, tichuan a tlangkawmnaah min hruai a, Pathian mi – sakhaw mite chu, Isuan a tlan ta, tih hma daih pawhin chatuan hlimna chu lakbo sak an ni chuang lo anih chu, nimahsela, misual chuan hremna a phu ve a ni.

    I thi ngei ang, tih ziak hi a hmaa kan sawi tawh angin kan hnu lamah lokir leh lawk ila hei hi, thlarau thihna tur angin an bel a, an bel dik lo a ni. Inhnialna chu a zain a dik lo va, Hebrai tawng hmang (Idiom) hriatsualna ah a innghah avangin, Tense naran hmaa infinitive (thu mal, a zat nei lo) dah fo a nihna dungzuiin. Entir nan 2 Lalte 8:10 hi en teh aw, kal leh la, a hnenah, “I tha chhuak leh mawlh ang, a ti e” ti ang che, amaerawhchu a la thi ngei dawn a ni tih zawng LALPAN mi hriattir a ni, a ti a. Hebrai tawnga Maveth (thi) thi hi infinitive a ni a, tin ‘Khayah’ (nung, awm, dam leh) tihna hi hetah hian respective future tense a kalpui a ni. Heta thu kam khat (sentence) sawi chhawn hian lal zawhna, “Ka natna atang hian ka tha chhuak leh a ngem?” tih thu hi a rawn chhang a ni, (a ngial a nganin dam tluan chhuahna).Tichuan chhanna hian zawhna chu a milpui thei chauh a ni. Zawttu chuan (taksa thil takin) a dam dawn nge a thi dawn tih a zawt satliah mai a ni a, tin a chhanna hian taksa lam chauh chungchangah thi tur angin thurawn (refer) a pe a, tin verbs double nen a pe a ni. Chutiang, a tlukpui ziak chhawn nawn leh (reduplication-chi chu I Samuela 14:4, ah pawh Saula tawngkam a awm leh a MAVET TAMOT AKHIMELEK, “Ahimelekh, ngei ngeiin i thi dawn” tiin. Verb repetition-a MAVET (thi, to die) hmang hian thi tura invauna tawngkam chu hman nimahse, taksa thihna bawk lo chu awm ze dang a nei chuang lo a ni. Chutiang zia bawk chuan, verb dangte pawhin an lo sawi nawn leh thin a, entirnan, Ex. 21:20 ah NAKAM IANKAM, “Amah chu thungrulh ngei tur a ni : Ibid (19:13), SKUL YISKAL AW YIREH YIYIREH,” Ani chu denhlum emaw kah tlang pawp hrim hrim tur a ni.” Genesis 15:13 YEDEA TEDA (hriatin i hria ang) “I hre ngei dawn.” Chu lo lehah chuan Simple verb repeat loh MAVET, thi tih hmanna hi Pathian Lehkhabuah kan hmu leh a, thlarau tlakchhiatna lam kawktuah a tling tawk hle a ni. Entirnan Eze 18:20, “Thil tisualtu chu a thi tur a ni,” HITAMUT.

    Khing-a proof-na hmasate leh inhnialna atang khian Jakoba lusunnaah hian hremhmun (Hell) a nihna lam sawithawina themte mah a awm lo a ni tih hi dinngheh a ni. Genesis 37:35, “Ka fapa lusun chungin thlan (Sheol) ah ka chhuk dawn a nih hi.” Lawmthu sawina ni bik lo Hezekia tawngkam Isaia 38:10, te hi “Ka damchhung nite chhun lai takah hian thlan (sheol) kawngkaah te chuan ka lut dawn a:” tih te. Sheol chuan lawmthu a hrilh dawn che em ni?” tihte. He changa MAVETH thihna tih thu hi Sheol (thlan)tihna angin remchang taka hman theih a ni e. Tin, part dangah chuan Sheol chu nunna nei tawh lo taksa chawlhna hmuna hman a ni, Entirnan Joba 14:13, “Aw Sheol-ah chuan min thukru teh lah..,” tih te. Eccles. 9:10, “I kalna tur (Sheol) ah chuan,” Gen 37:35, “(Sheol) ah ka fapa hnenah ka kal dawn,” tichuan Sheol chu lei hmun thuk Sam ziaktu’n, (Sam :35)” Thlan (lei hmun thuk) ah ka khum ka siam pawhin, chutah Nang i lo awm si a,” tin Joba 11:8.

    Johana 10:38 , “Pa keimaha a awm tih leh, kei paah ka awm tih in hriata in rin nan,” a ti a. He thu bawk hi bung 14:11 sawi nawn a ni, hetiangin, “Kei paa ka awm leh, Pa keimahah a awm tih mi ring rawh u,” Bung 17:21 ah, “An zaa pumkhat an nihna tur, ka pa, nang keimaha i awm leh, kei nangmaha ka awm ang bawk hian, anni pawh keimahnia an awmna turin; nangin kei mi tir tih khawvelin an awih theihna turin. Tin, nangin ropuina mi pek kha keiin anmahni ka pe ta a ; anni chu pumkhat an nihna turin, keini pumkhat kan ni ang bawk hian ; kei an mahniah, nang keimahah, anni pum khata an awm a, an famkim theihna turin”. Pa leh fapa inpawhna (junction) ang chu a zirtir sawm leh pahnihte chungah pawh hlan a ni. Chutiang a nih chuan, Pathian pumkhatna (unity) an rin dan hi Kristiante chuan an thlak a tul tih an ngaihtuah tawh a, “Trinity” hming lakluh chu dik theiin an hre leh lo va, a chhan chu Apostol sawmpahnih te kha Isua tlukpuia dah ve vek an ni si a, tichuan tanna inkhuahkhirh lohna hmangin, Pathian changtute infin chiah si lova tan ho na (coalition) ah an inhuam tir tel ta a ni.

50. 
    50
    H.Vangchhia Says:
    December 12th, 2010 at 8:27 am

    Samuel, bible i neih remchan loh chuan http://www.Youthim.com ah a awm ania aw 😀

Comments are closed

This is an archived copy of mi(sual).com — new comments can no longer be posted.