Tuna kan awmnaah hian kum 10 dawn chu kan awm tawh nachungin kan in bul chiaha awmte hi tute nge an nih leh an hming pawh lo hre chiang miahlo khawpa mi chut leh rual pawl nachang hre lo ka ni a. Kan In kiang hla lo te maiah hian Hmeithai nufa an awm a. Tumahin kan duh ngai loh vanduaina hian a um tlat bik emaw tih mai tur hian chhungkaw pa berin a boral san hnuah an fa neih chhun chu hmeichhe thatlohna avangin chhawr tlak lohin a awm leh a.
Nu tar tawh lampang hian a fanu chu a hmeithai pui a. Thawktu awm chhun chu hna rum thawk theilo khawpin a hrisel lo leh zel nen, chawhmeh zuar ten a tei ve lawp lawp thin a. Chu chu an nufa intun nun ve tawk tawkna awm chhun a ni tih ka hre ngai lo.
Zanin mai khan Dakin (Post Office) kal tlang hian lehkha ip uk uluk taka inchar hi an dawng nawlh mai a. A kawma hming ziak atang chuan a thawntu hi lehkha ziak thiam vaklo a nih loh vek pawhin damlo chau tak ziak a ni ang a tih tur khawpin a ziak a arthai ve hle a. An han hawn chuan a chhungah hian lehkha tawi te “Pi…(name) Krismas hlim taka in hman theihnan Lalpa’n veng che u rawh se. He sum bei tham tak hian Masi chibai ka buk a che u” tih inziak chhungah chuan cheng sang nga (5000) hi a lo awm khiau mai a.
Hmeithai chinchang hre lo ve tak mai an ni a. A ngaihna an hrelo a, mak an tih em avangin a hlauhawm leh awm loh leh, hman ngam a ni angem tiin kan inah a rawn kal pui a. A kawma Dak seal in chhu Kai chu a dal tawh hle mai a. Khawi lam atanga lo kal nge ni ang tih hriat tumin ka thiamthil hrang hrang ka thawh hnuah pawh ka hre thei chuang lo. A hlauhawm lo tih ka hrilh hnu chuan a ngaih a ngam ta huai a.
Zawhna tlem zawtin rei vak lo kan inbia a. Mi chawhmeh te khar chhawngin khawpui laili kawng sir velah khian a lo zuar ve thin a. Krismas dawn boruakah kawng kama inzuar thinte hnawh darh an nih avangin an lo mangang ru hle a. Sciatica a neih avangin anhnah phuraย mi ina zuar kual turin a tan thil theih a nilo leh ta zel a.
An manganna chuan hunpui dawn a ruaiah a vawrtawp a lo thleng tep a ni tih ka hriat hnu chuan a ni chuan, “Tunlai ka hna thawh ber chu Pathian beisei taka tawngtai hi a ni mai” ti a a sawi zawh rual chuan, Chapo lo leh mihlim tih dan phung ang a ri thuai khawpa ti lovin inchhunga awm tena kan hriat tawk leka fiah hian “Haleluiah, Lalpa ka lawm e” a tih rual khan enge maw hian kei misual ngeng hi a chhun ve tlat a ni.
Hlimhlawp takin krismas hi hei leh chen hi ka lo hmang tawh a. Mite ka tanpuiin ka hlim zawk a ni tih hre turin chutiang chuan vawi khat mah ka lo la ti ngai miahlo tih ka va inhmu chiang em. Kan thenawm hmeithai khan nge min ti tlawm a, a ka a thu chhuak zawk khan aw…? Val hi ka va tlawm chiang em…..
Hei hi keimah leh keimah ka in zawt a:
“I thuamhnaw, i inbel ngai tawh lemloh, i hluihlawn tawh te kha thenkhat tan chuan thil thar a la chang thei hlauh dah lo maw?”
“Lalpiang hlim taka an lawm ve theihna turin Rethei leh Pachhia ten an mamawh te vana kan Pathian hnenah khian an thlen ve mawlh mawlh ngei ang. An tawngtai chhanna kan ni thei a asin”
December 14th, 2010 at 2:32 pm
chhiar ila detective chu
December 14th, 2010 at 2:35 pm
Hnu chhui thiam…
December 14th, 2010 at 2:35 pm
ka chhiar chhuak e, very touching, thil thleng ngei a ni ang chu maw
December 14th, 2010 at 2:43 pm
Tha hle mai a, rilru a hneh hle mai.
December 14th, 2010 at 2:54 pm
Mite chu ila rawn sawm zui chu niah !!
A thenawm pa in Pathian rawngbawlna hnai ber leh remchang ber a bula awm kum 10 chhung a thawh ngai si loh kha….. hmun hla zawk amiin he hun lawmawm ah hian Rohlu ah chharin a lawmman vanah khawl nan a hmang ta nih chu. Chawimawi phutlo tih hriat taka hawrawp chhe taka rawn ziaktu kha a hawrawp diktak chu a nalh khawp ang.
You are Detected by Stranger 5000 ๐ NOI
December 14th, 2010 at 3:06 pm
He post chu a va tha ve. :like:
December 14th, 2010 at 3:13 pm
Charity box atan chhui chhuak nalh hle mai. Good post.
Thuthlunghlui huna Israel fate Pathianin a demna leh a khak fo na chhan pawh kha,’hmeithai, retheite leh fahrahte an ngaihsak loh vang a ni. Chaw nghei dan dik pawh Isaia 58:6 thuah khan chiangtakin a sawi kha.
Hawh u, chunglamin warning min pek hma hian Charity box ah khan i vawm lut thuai2 ang u, Pawisa kherlo, a kind, thawmhnaw pawh a theih turah angai ang.
December 14th, 2010 at 3:21 pm
Rs 5000 fai i thenawm hmeithai i pe phal chu i ti tha khawp mai.
December 14th, 2010 at 3:33 pm
Huhova thil phalte, huhova ringtu nun kawng zawhte, huhova tlawmngaihte hi anuam ani thei e. Chumi piah lamah chuan; nitin a kan hmuh kut dawh te, tanpui ngaite hi tanpui ila; hunpui leh huho khera tih tum lovin….
Tuman min hmuhpui loh hunah pawh rinawmna te, tlawmngaihnate hi vawng nun zel ila. Heng zawng zawng hi nitina kan nunphung pangngai lo nita maise! Anuam awm vei ๐
December 14th, 2010 at 3:40 pm
Ava tha em ve le hei chu. Kan tih ve theih tur ni nghal bawk si. Krismas hi rawngbawlna hun tha tak a ni reng a ni.
Awmzia hle mai. Kan rilru ah cham reng rawh se. ๐
December 14th, 2010 at 3:46 pm
#9 A va tha em!! Mi hmuh lovah phei chuan Pathian a lawm duh hmel bawk si nen..chhungrilah hlimna bonus + malsawmna + van lawmman..eh ๐
December 14th, 2010 at 3:48 pm
Tha leh pek khawp mai…, chuan thil dang deuh, kan unaupa Sonju-a chuan ni 8.12.2010 zing khan fapa duhawm tak a nei thar a, kan lawmpui tak meuh meuh a ni e….
December 14th, 2010 at 3:51 pm
A Pathian thu hle mai. Ringtu inti mite tana luang chhuak hreh hle si keini te ang tan hian min hnehtu post ni mawlh teh se.
Christmas present atan kei pawh thil pasarih chu ka dah hrang ve a, pek tur leh pek dan turah hian ka la buai ta cheu mai. :rolleyes:
December 14th, 2010 at 3:54 pm
thingva, nia…
December 14th, 2010 at 4:00 pm
#14 Keipawn ka lawmpuia che. Train nghal char2 mai rh a kalna tur awm ah lol
December 14th, 2010 at 4:13 pm
A va tha em. Dinhmun hi a inthlau thei sia, kan inthlauzia hrelo hi a tam zawk kan niang ๐ ๐
December 14th, 2010 at 4:31 pm
A ropui e.
…khrum
December 14th, 2010 at 4:32 pm
He post hian ka riru a ti kal thui hle mai, post tha tak a ni.
December 14th, 2010 at 4:46 pm
Ka rilru rem zawng tak ani e. Langsar lem lo taka a mamawh ngawih nghawihte tanpui hi!
He post hi tak tak nilo se ka tih rualin taktak nise tihna rilru pawh ka nei deuh tho mai..
Ziak lungkuai thiam khawp mai a..!
December 14th, 2010 at 5:41 pm
misualdotcommers bawm hi engtikah nge hawn a nih dawn, kan van reh ve tih min ngaihtuah chhuah tir a!
December 14th, 2010 at 5:47 pm
A tha kher mai..rilru khawih zawng taka thil ziah i thiam khawp mai.
December 14th, 2010 at 6:00 pm
@HV, misualdotcommers Bawm hawn chungchang chu tunah fb ‘msg’ hmangin rel mek a ni e. 20 or 21st emaw a hawn rawt a ni a, when, where, how, sawi khawm mek a ni e. Decision a fel hunah rawn post kan tum don nia.
December 14th, 2010 at 6:02 pm
Detective Denga chuan no ruak in dan zirin thla thum chhung khawchhak lamah a han thang a…
December 14th, 2010 at 6:04 pm
Va tha ve……….a pe tu chu chhungrilah a hlim veng2 ang chu
December 14th, 2010 at 6:17 pm
shai #22 ka lawm e ๐
December 14th, 2010 at 7:00 pm
#3 littlerascal
Thawnthu phuah leh Tuihleuh hi chu ka thiamloh dan a in ang reng ๐
Thawnthu phuah rem chawp satliah chu a ni lo e ๐
#misual ho zawng zawng : in fak derna ah ka lawm e
December 14th, 2010 at 8:29 pm
#27 denvor_cc ka fak ve hauhlo mai che. Sorry, look Post #5
Ka time a up tlat mai…nih phawt u ๐
December 14th, 2010 at 8:39 pm
Rs 5000 bo chhui tur amo k tia.. let x=5000, k lo ti ve hman toh a, ziak thra khp mai
December 14th, 2010 at 9:31 pm
Good Post ๐
December 14th, 2010 at 10:19 pm
Post tha khawp mai. Thiante u, kan veng theuh i bihchiang ang u hmiang. Hetianga puih ngai leh mamawh tak2 hi kan pui thei dawn zu nia.
December 14th, 2010 at 10:30 pm
Ka rin lohna lamah min hruai daih chu!!!! A แนญha ka va’n ti tak em!!!!
December 14th, 2010 at 11:21 pm
#28 Asteric
Nia mawle. Ka tlinlohzia hre chhuak tur tak ngial pon ka ka la tling ta chuang lo ๐
Mi demawm leh MISUAL mai ka lo ni e ๐
December 14th, 2010 at 11:26 pm
#33 I lai ti na duh suh, a faklo tu che hian a fak che chuan i dem awm zawk maithei asin hihi ๐ ๐ ๐ ๐