Ka zan mu ka thangharh a, zunram te ka thiar hnuah muthilh leh tumin ka bei ngial a ka muhil leh thei ta lo. He kumhlui ral mai tur hian mak taka min zemin suangtuahna khawvelah min chentir a. Nunhlui ka dawn kir a, kan hun liam ta te chhui kirin chu he zanreh khawharthlak tak maiah hian ka zalna khumah ka inlet ka inlet a. Nau ang nuia kan hlimlai te, chhungkaw kima damtlang taka krismas leh kumthar kan hman lai te, kumhlui thlah nana ar kanga zan rei tak thlenga kan men thin lai te kha, kumthar tuka chhungkuaa hlim taka chawhlui thin te kha ka va ngai thin tak em.
Ka suangtuahna chuan tlangtin mualtin a hrut kual a, ka thian hlui te, nitin zantina ka kawm thin te kha an va ngaihawm thin tak em. Zan thla eng hnuai tukchawp tingtang nena zai kan vawr thin lai te ka hrechhuak uai uai a, thianza hova nula rim tur kan chhuak tham tham thin te kha, hmanlai an chang zo ta. A then hna avangin mual hran khaw hranah kan tuan ta a, a thenin kawppui neiin chhungkua an din hrang tawh a, a then lah famdairial changin thlanah an liam tawh bawk. Hun a ral a, kum a liam zel a, mahni tawk tete a kan hlimlaini te khan mual an liam zo ta.
Muthilh ka tum poh leh ka harhfim tawlh tawlh si a, muthilh leh ngial pawh tum ila ka thei tawh lo. Tichuan, khawnge chhungte muttui lai tak hian tho ila, kumhlui thlah huai nan post thar type cher cher mai teh ang.
Kum 2010 atana mihring te hun chhiara ni hnuhnung ber chu kan lo chuangkai leh ta. Kumin kumtir ah khan kumthar kan lawm a, kumthar chibai kan inhlan tawn sup sup a, tihian hun leh ni te hian luipui luang ang maiin min nghak der si lova, hriat loh karin kumtawp chu kan lo thleng chu a ni der mai. Kumin chhunga kan thiltih zawng zawng te, kan tihthat te, kan tihsual te, kan hlimni te, kan lungngaihni te, kan bawrhsawm ni te, zawng zawng nen, he kumhlui hi, hun hian koh kir theih rual loh vin chatuan atan a her liam pui mek a ni. Naktuk khua a lo var ang a, vawiin hi “nimin” a ni satliah tawh lovang a, “nikum” a ni daih tawh ang. Lungleng thin tan chuan ‘Kumhlui ngaihawm’ a lo chang zo tawh ang.
Naktuk nichhuak hian ka tan ni tha nge a her chhuah pui ang a, ka tan nichhia zawk, tuman hre lo mah ila, kan hun leh ni chhiar dan chuan “Kumthar” min lo hruai thleng tawh dawn. Kumhlui leh kumthar tih ang reng vel hi chuti teh vak chuan ka lo ngai pawimawh thin lem lova, mahse lung chu a tileng ve duh deuh anih hi. Vawiin hi kan tan chuan kum 2010 atana ni hnuhnung ber leh hun hnuhnung ber a ni ta. He ni hi thiltha tih nan nge kan hman ang a, thil sual tih nan zawk? Ar kan kang ang nge chow kan kang zawk ang? Zochhangban leh kurtai nen kumhlui thlah liam ila a nuam phian lawng maw? Party throw in zu leh sa nen, nula nen em ni zawk dawn le? Kumhlui mai mai, zu han ruihpui chiam nan chuan a holam ka ti. Engpawh nise, mahni awmna hmunah theuh mahni theih ang tawkin, a tha zawngin, kumhlui thlah theuh i tum ang u aw. Kum 2010 atana a tawp ber nan “kumhlui chibai” ka buk theuh a che u.
Similar Posts:
- Happy New Year to all Mi(sual)dotcommers
- Ngai teh kumhlui..
- Kum hlui
- KUMHLUI MUAL LIAM TUR HI
- COUNTDOWN..
(Y)
December 31st, 2010 at 12:04 pm
Kumthar Chibai nghah nan, Kumhlui chibai hi lo dawng phawt mai teh Pu Cari
Report this comment
December 31st, 2010 at 12:10 pm
“Kum hlui, kum hlui” ngaiin kan au vawng vawng che
Report this comment
December 31st, 2010 at 12:11 pm
seki hi misual ah chuan kumthar hmang hmasa ber tur a ni thei mai em aw? Keini lam hi hmang hnuhnung tur pawl hairehai
Tunah pawh Ni 31 zing dar 1:41 a la ni leuh2 chauh mai.
Report this comment
December 31st, 2010 at 12:20 pm
Keipawh ka lung a leng. Khawnghe vanglai i chen ng aw!
Report this comment
December 31st, 2010 at 12:21 pm
Keipawh ka lung a leng. Khawnge vanglai i chen ng aw!
Report this comment
December 31st, 2010 at 12:21 pm
Kumhlui aw ding rih rawh…..Pu Cari i ziak tha lutuk.
Report this comment
December 31st, 2010 at 12:50 pm
Pachhe kum tiam an sawi ang deuhvin kei ve hian eng ka anpui leh ta lo e 2010 chu…. ‘NLUP pawh an la sem bik chuang hleinem’ te ka ti ta mai mai a!!!!!
Report this comment
December 31st, 2010 at 12:51 pm
Cari: Kumhlui Chibai le…timing khawp mai…! :happy:
Report this comment
December 31st, 2010 at 1:23 pm
Kum hlui Bye bye. Don’t see you again.
Report this comment
December 31st, 2010 at 1:26 pm
kumhlui kumhlui kumhlui i van ngaihawm dawn em!!
Kan zavaia tan kum 2011 khi kum tha lo ni teh se
Report this comment
December 31st, 2010 at 1:33 pm
Kumin chhunga kan thil tih zawng zawng te, a tha emaw a chhia emaw, a hlimawm emaw, a lungngaihthlak emaw, chhinchhiahna bu ah chhinchhiaha awma seal hnan thlapin, he kumhlui hian kohkir rual loh turin chatuan atan a herliam pui dawn ta anih hi.
Report this comment
December 31st, 2010 at 1:37 pm
Kumhlui chibai vek u
Report this comment
December 31st, 2010 at 1:39 pm
A. . . Upat hi ka thil chakloh deuh mai asin mawle, kum lah hi a vei ang tak zung zung a. Kumthar chu tive ngei ngei tawh teh ang @ I hnamte ang deuhin. . . . :happy:
Report this comment
December 31st, 2010 at 1:47 pm
caribou, thu i thiamin chhiar a nuam thlap mai.Kumhlui leh Kum thar tur chibai le..
Report this comment
December 31st, 2010 at 2:01 pm
2010 a ral leh don chu ni phawt ah..!!! lung a ti leng vawng2 thei nia. Kumhlui chibai…!!
Report this comment
December 31st, 2010 at 2:13 pm
Kum MMX (2010) chhunga Mizorama thil tha thleng pakhat chu Zawlaidi wine ani. A tui lo hle na a, phalna nei ngata ruih theih ani tlat. A man lah chu Cheng CLXX (170) chauh ani si a
Report this comment
December 31st, 2010 at 2:27 pm
Kum hlui thlah tur ka nei lo…ha ha…Kumthar. beisei na in ka thlir…
Report this comment
December 31st, 2010 at 2:42 pm
Kumhlui lamah malsawmna nasa tak kan dawng a, Kumthar pawh hi chutiang chuan ni leh chek ang chu maw!!!
Ziak ngaihnawm thiam angreng hle mai. Pu Jame Dokhuma pawh min hriattir ruau ruau alawm mawle :lol:
Report this comment
December 31st, 2010 at 2:47 pm
Kum Hlui hi tum engemaw zat chu ka lo thlahliam ve ta. Thlahliam tak te zingah khan hun ngaihawm tak tak an liam tel a, ngaihawmloh tak tak pawh a tam ta mai… Kum Thar tur hian engtin tak min hruai leh ang maw…
Kum Hlui mangtha in, Kum Thar tur Chibai vek u le…
Report this comment
December 31st, 2010 at 2:57 pm
Caribou chu va lungleng awm ve le aw…! Lenglen thu rawn chhep chhuak no hle mai, keia lungleng miah lo pawh a leng ve tep mai a, kumhlui chibai le.
Kumthar atan he hla hi ka’n thlan sak ang che-
”Because He lives I can face tomorrow
Because He lives, all fear is gone
Because I know He holds the future
Life is worth-living
Just because He lives”
Report this comment
December 31st, 2010 at 3:09 pm
Keini chu Van leh Lei siamni kumthar chu thla li liam ta khan kan lo hmang tan tawh.
Khawvel kum thar chibai u le
Report this comment
December 31st, 2010 at 3:19 pm
@Pu Shai kum thar chibai le. . .
Report this comment
December 31st, 2010 at 3:51 pm
BREAKING NEWS
C Luri U tuna a pa memorial hmangtura Aizawl lo zin mek USA a pastor chu nichin mai khan accident in a boral tih ka han report e
Report this comment
December 31st, 2010 at 3:52 pm
mz, tu C Luri u, U Huti maw?
Report this comment
December 31st, 2010 at 3:55 pm
23 Ehe va zialo ve, cc chiang han update teh un
Report this comment
December 31st, 2010 at 4:01 pm
C.Luri leh Huti (USA) te unaupa Zika! accident in a boral a nih awm chu. Minute 15 liamta khan USA lam an rawn call e, chanchin chiang erawh C. Luri laizawn Huti pasal pawn a la hre biklo, kan inbe zo chiah. Ka biak khian a hming a lam puam lutuk a, Zika a ti ni chuan ka hria!
Aizawl lam khan rawn update rawh u.
Report this comment
December 31st, 2010 at 4:02 pm
Va zia lo ve. Khawi hmunah nge?
Report this comment
December 31st, 2010 at 4:02 pm
Post tha a va ni tehlul em! Ka rilrua awm reng, ka ziahchhuah thiam si loh i rawn ziakchhuak a ni. Thu pawh i thiam khawp mai Pu Cari.
I post hian ka lung a tileng thar hle mai. Kumin chu ka nungchang a tha riau mai a, mite’n sual nia an sawiho lakah ka fihlim thei dawn ni paw’n a lang ta!
Keimahin ka khumah ka zal a, ‘Ngai teh Kumhlui..’ ka ngaithla a, khi post khi ka chhiar bawk a, ka lunglen a chikim e.
Report this comment
December 31st, 2010 at 4:03 pm
@Breaking news a va tawi tek tawk ve. Tunge? Khawi hmunah nge? Eng tin nge? Eng vang nge? Eng hunah nge? Ka va han hrechiang chak em.
Report this comment
December 31st, 2010 at 4:06 pm
Va zia lo ve le aw… Lusun chhungte tan tawrh thiam a va har dawn ve le. A chhungte Pathianin awmpuiin thlamuan mawlh rawh se.
Report this comment
December 31st, 2010 at 4:43 pm
C.Luri ta/nuta, accident chu Zika a nih chu, a dang kala hre theilo kei chuan.
Report this comment
December 31st, 2010 at 4:44 pm
@Tuaisiala: Duh la chuan ka ziak aia ngaihnawmin i ziak thei reng. “Nunhlui ngaih leh lunglen” te hian hun bik neia rawn chhuah chang te a nei ngai anih hi. Kumin zet zawng i zal chiang khawp mai, hmanni lawk atang khan…
Report this comment
December 31st, 2010 at 5:03 pm
OT Pu Hv rilru hah tan zu in hi a tha reng em? Bible ah Thufingte ah khan a inziaka enge i ngaihdan? Nang expirience ngah deuh ah, i rilru hah chhawknan te ilo hmang tawh em?… :lol:
Report this comment
December 31st, 2010 at 5:09 pm
Tihdikna by Puia Zorunpuia
Ka ui khawp mai.. U Zika a ni (Pastor Lalthanzika).. ATS Shillong-a principal thawk mek a ni, a pa Pastor C.Saikhuma hriatrengna hun hman tumin Aizawl an rawn panna lamah an accident hlauh. new capital leh chawnpui inri na brigde ah niin an sawi. A pawi tak zet. Pa hmelthra tak, fel leh taima em em a ni. C.Luri hla TLaitla Eng tih Albuma, Piansualna hian tlai luat a nei ngai lo, mahse valmawi, inchhuang mai lo la, tih kha atana an phuah niin an sawi thin..
He Car accident hi Gets ani Zika fapa hian a khalh-a huti fapa nen 3 an chuang pa ber a boral ta ani. Tunah hian an post-mortem zo chaiha – a pa thlanah an phum dawn niin thu ka dawng.
Report this comment
December 31st, 2010 at 5:15 pm
mz, U Valmama/u Zika niin, kan hriat dan a inang e, principal niin pastor ah an nemngheh erawh ka hrelo thung. NOI
Asteric #33 rilru hah laia rui khawpa in chi a nih ka ringlo,a ti zual mai mai ang. Inkawm hlim huna tlem te a (rui lovin) in chi a ni, a thawk tha ber. Chaw ei teuh la i pum a na em, chutiang vel chu a ni.
Report this comment
December 31st, 2010 at 5:20 pm
Ka van khawngaih e aw! A khalhtu, a fapa tak hi ka khawngaih zual… Amah erawh Pathian mi a ni a, dinhmun awhawm tawpah dingin, nuam takin a awm tawh ngei ang!
Lusun chhungte tan Pathian thlamuanna ropui tak a lo thleng ngei ang!
Report this comment
December 31st, 2010 at 5:26 pm
@Pu Caribou: I ho em mai a!
Report this comment
December 31st, 2010 at 5:29 pm
@HV Accident site ah hian ka zuk kalpics ka la zuai kan in atangin a hla lova Ophel reovery van in a hnukchhuak dawn.
Pu Zika hi a awm ruh vel a sawh chhe hle niin report ka dawng. Hei de ve ve hi Getz car chu ani https://img29.imageshack.us/img29/8965/85183826.jpg
In lo lang bula thingbuk bul atang hian Tuikual luiah an tlathla anih hmel https://img221.imageshack.us/im.....0125ba.jpg
Report this comment
December 31st, 2010 at 5:32 pm
heihi an tlakna piah lawk bridge bul atanga lak ani an tlakna hmun hi chawnpui area ani
Report this comment
December 31st, 2010 at 5:35 pm
heihi an tlakna piah lawk bridge bul atanga lak ani an tlakna hmun hi chawnpui area ani https://img339.imageshack.us/im.....g0128b.jpg
Report this comment
December 31st, 2010 at 5:57 pm
Lusun chhungte Lalpan thlamuan vek rawh se
Report this comment
December 31st, 2010 at 6:06 pm
A va pawi tehreng ve le aw…
Lalpan a kalsan tak a chhungte zawng zawng thlamuan rawh se.
Report this comment
December 31st, 2010 at 6:24 pm
A va zialo thrin ve le, Lalpa lusun chhungte awmpui mawlh ang che
Report this comment
December 31st, 2010 at 8:22 pm
mz, i viak a tha hle mai, ty em em.
Kei nichin darkar khat vel liamta mai khan Washington, DC a tunkum kawl eng hnuhnung ber pic ka la a kan share ve ang che u. Ka lakna hmun hi Foggy Bottom area, George Washington University & Hospital awmna a ni. Ka hnathawhna atanga block khat vel a hla:
https://img688.imageshack.us/im.....wn2010.jpg
Report this comment
December 31st, 2010 at 9:42 pm
Sir Zika chu ka va ui ve aw…! Kan fapa ATS a kan dah dawn khan a inah kan zuk innghat a, zanriahte kan kil ho a sin mawle. Pa kawmnuam leh nelawm, dikna ngaina mi a ni. Ka ui hle mai.
Cari, Nau tap thlem chunga ziah, naupang muthilh hnua edit, zing lam vartiana post atan chuan a turu mah2 lo maw… Ngaihnawm pumhlum tawp!
HV, i thlalak chu mawi kher mai aaaa…
Report this comment
December 31st, 2010 at 9:45 pm
Darkar 2 leh minutes 15 chauh ala awm, India ramah, that is.
Report this comment
December 31st, 2010 at 10:49 pm
71 minutes left of 2010
Report this comment
January 1st, 2011 at 12:08 am
Happy New Year (at last) from Mizoram, India
Report this comment
January 1st, 2011 at 12:28 am
Kumhlui chu a liam ta a, tunah zet zawng kumthar kan chuangkai ta. Thil hlui leh nunhlui te zawng zawng kan zial fel thei ta. Misual member zawng zawng te Kumthar Chibai ka buk vek a che u.
Report this comment
January 1st, 2011 at 11:55 am
Chibai u le.
Report this comment