Archive for December, 2010

Isua, Messia

Friday, December 24th, 2010

Kum 118 AD/CE vel chuan Rom lal chuan an pathian te hmingin Rom sawrkar ropui zia lantir nan, Pantheon (temple) chu a sa a. Hetih lai hian Rom sawrkar chakna chu cho (challenge) a lo ni ve mek bawk a. Rom sawrkar cho tu chu lalram dang ni lovin, Juda mi pakhat leh a thuihhruai te an ni.

A ni hi chu Isua ang lo takin sipai lama hnehna chan tum a ni nghe nghe. A thuihhruai te chuan, “Bar Kokhba” tiin an ko a, a awmzia chu, ‘Arsi fapa’ (son of the star) ‘Messia’ tihna a ni. Tunge hemi, Messia ti a an koh mek, Rom sawrkar thingthit tir tep tu hi?

Simon (Shimon) Ben Kosiba chuan Judai ramah nasa takin Rom sipai te chu a do ta a. An hun laia Rabbi lalber, Rabbi Akiva chuan an nghah Messia ngei ni a ringin hriak a thih a, Bar Kokhba (Son of the star) tiin koh a ni ta a ni.

(more…)

Posted in Information, Religion | 26 Comments »

Stem Cell Banking!

Thursday, December 23rd, 2010

Enge Stem Cell Banking chu ? (Mithiam zawkte cho chhuah nan aw niang)

Nausen lai-hrui atangin thisen (60-80 ml) an la chhuak a, chu chu dah thain (liquid nitrogen bawm-ah -40 deg C a vawtin) nakinah a tul hun a hman atan an dah tha ta a. Natna thenkhat thalassaemia, leukaemia, etc., tih dam nan a hman theih a ni. Stem Cell vawnthat man hi Rs. 50,000 tangin Rs. 70,000 inkar vel a ni, company a hran angin a man pawh a dang.

Heng Stem Cells hi kum 21 chhung a vawn that theih a, naupang khan a mamawh hunah a lak chhuah mai theih dawn a ni. He lai-hrui atanga thisen dah that hian thling (bone marrow) atanga cells pawimawh lakchhuah theih ang kha a pai ve a ni. Nu leh pa te’n naupangah engmah ngaih that lohna an neih loh chuan kum 21 tlin hma paw’n an lai-hrui thisen an dah that hi an paih tir thei.

Kum 2004 vel khan chuan India ram pumah nausen 300 vel chauh an nih laiin kum 2010-ah meuh chuan nausen 24,000 vel  an ni ta dawrh mai! I fate tan dah i tum ve dawn em?

(more…)

Posted in News | 46 Comments »

Lunglei Misual Charity sem Report (with pics)

Thursday, December 23rd, 2010

Nau hai tamchhawl fak puarna awm lo chu
Chun leh zuaten engtin ngai ang maw?
Nun khua sei ti a dam lai chhiar chu
Hmangaihtu Khuanu’n engtin ngai ang maw?
Hlimtea lenrual nen tual len za chu
Damna run daiah hian sam ve thin maw?

A hun kan tiam chu a thleng ta! Tim leh ti taka bawm kan hawn them them chuan Rs 16304/- zet a lo tlin takah chuan beng thleng thlenga bawp khaiin Pathian hnenah lawmthu kan sawi a. Lunglei khaw chhung mai bakah ram pawn lam Maryland, Claremont leh Paris atangte hialin kan dawng a, lawm ngai lovin patling kan nui ver ver mai!

Dt 23th Dec 2010 zing dar 11 a ni a, Leitlang mi(sual) rual pasarih the thaw chu Ku Muanga leh muantea motorin kan in trip chhuak a. Theiriat atanga Pukpui suartluanin kan pek tum lawk mi 9 te tan Rs 1000/- theuh kan dah hrang a, mi pakhat erawh hi chu a buhfaiin ka pe bawk. Chu mai bakah Civil Hospital leh Christian Hospital Serkawn-a damlo chanhaite tan Rs 500 zela pek turin envelop ang hawkin kan la paipawn bawk.

Ka sawi tam lovang, pics leh comment atangin kan la sawi ho zel zawk ang chu. Amaerawhchu, hei chauh hi ka han sawi hram ang e. Pathianin midangte tana malsawmna ni thei tura min siam hi ka lawm a, tanpui ngai tak takte hmel an hmaihma ngeia han hmuh chuan patling hi patlin a har ngei mai! Pathianin pe theitu zawka min dah hi ka lawm takzet a ni.

(more…)

Posted in Event, Information | 249 Comments »

The Twelve Days of Christmas

Thursday, December 23rd, 2010

Christmas atanga chhiara ni 12 chhung, January 5 thleng, hi Twelve Days of Christmas an tih chu a ni a. A ni 13 na, January 6 hi Epiphany tiin an lawm thin a, an lawm ber chu Pathian fapa mihring anga a rawn chan hi a ni. Feast of the Epiphany an ti bawk.

He hla “The Twelve Days of Christmas” tih pawh hi kan hre theuh ngei ang. Hla ho mai mai emaw, love song emaw te kan lo ti ange. A lo intanna ni a an sawi chu 16th Century a Christian ten tihduhdahna an tawrh hunlai vel ani awm e, a lang taka Pathian hla an sak ngam loh avangin heti hian “secret meaning” nei hla an lo phuah a ni.

YouTube Preview Image

1. The partridge in a pear tree is Jesus.
2. The two turtledoves are the Old and New Testaments.
3. Three French hens stand for faith, hope and love. (more…)

Posted in Christmas, Movies and Videos, Music and lyrics | 15 Comments »

Lal Pian hun pangpâr a vul leh ta!

Thursday, December 23rd, 2010

Hla phuah thiam Patea’n ‘Thinlai mu hnu lunglên kai thotu; Lal pian hun pangpâr a lo vul leh ta!’ a tih Tlaizawng pâr hi ka’n rawn post ve mai mai ang e; a thlalâk quality lam lo check vak tlâk a ni lovang.
Tlaizawng:


Patea’n tuhverh tê dâk chhuak a an kawmthlang(in thlang)-a Tlaizawng pâr vul chhûk mai lunglêng êm êmin a’n thlir vang vang a, he hla hi chawp leh chilhin a lo piang chhuak nghâl a ni. December 22 emaw 23 emaw-a a phuah niin a lang.

Posted in Pictures | 20 Comments »

Lunglei Misual Charity bawm hawn

Wednesday, December 22nd, 2010

Rs. 16060/- a tling khawm a, hemi bakah hian mi thahnemngai thenkhat hun neih remchan loh avanga la rawn thlak hman lo an la awm bawk a. Kan rinai takin a tlingkhawm tam a, kan lawm hlawm hle. Member present te chu hengte hi kan ni : muantea, Thiana, Ku Muanga, Saitawk, mp ralte, Tlau leh kei te kan ni.

Distribution chungchang kan sawi ho a, sawifel chiah a la ni lo nain, mi harsa zual ni-a kan hriatte kan thawhkhawm a, la thlitfim leh turin kan thawhkhawm mek. A bika kan ngaih pawimawhte kan pek bakah hian Hospital-te (Civil Hospital leh Christian Hospital, Serkawn) tlawhin, han en mai pawha pui ngai awm ngawih ngawihte chu a tlachawpa pek mai nise kan ti. Comment lamah chiangkuang zawk i beisei ang u.

(more…)

Posted in Christmas, Event | 247 Comments »

MZU LDC post chungchanga buaina

Wednesday, December 22nd, 2010

via https://zonet.in/?p=5474

Mizoram University (MZU)-a LDC hna 38 ruak hnawh khat tura interview tura koh zingah written exam pal tlang lo an awm nia hriat a ni. ZONET thu dawn danin, MZU-a thawk tur, Non Teaching Staff lakna turah hian hna chi hrang hrang a ruak a, heng zingah hian LDC post ruak 38 pawh a awm a ni. Hemi atan hian written exam buatsaih a ni a, he written exam pal tlang lo pakhat chuan computer test a nei a, chumi hnu-ah interview tura koh a ni ta nia sawi a ni.

ZONET thu dawn chuan written exam pal tlang lo, interview tura koh hi University-a LDC contract-a thawk lai niin a sawi a, written exam a pal tlang loh hnu hian computer an exam-tir leh a, chumi hnu-ah interview hmachhawn tur zingah thlan leh a ni a, interview tura thlan a nih thu hi lehkha pawha hriattir a ni tawh niin an sawi. LDC post 38 hnawh khah turah hian rual ban lo tana ruat pakhat a awm ve a, interview hmachhawn tur hian mi 3 thlan chhuah an ni a, mahse an zinga 2 chu paih leh an ni a, an aiawh tur hian written test pal tlang lo mi pahnih chu koh leh nia hriat a ni bawk. Mizoram University ah hian a din tirh atangin thawktu tur lakna-ah buaina neuh neuh a tam tawh hle a ni.

Posted in Whatever | 33 Comments »

If historical events had Facebook statuses

Wednesday, December 22nd, 2010

A reh em mai, mi zawng zawng Krismas bazar ah an kal vek aniang. Hei hian lo intihlim ve ang u. Source ah hian a dang pawh en tur a awm.

https://coolmaterial.com/roundup/if-historical-events-had-facebook-statuses/


(more…)

Posted in HAHAHA, Pictures | 12 Comments »

Zo Awi Lelte Nghilh Loh Nan

Wednesday, December 22nd, 2010

He video hi December 1, 2007 leh December 15, 2009 khan ka post tawh a. Kuminah hian Zo Awi Lelte Pi Vanlalruati nghilh loh nan ka han pholang nawn leh e.

YouTube Preview Image

Vanlalruati MP3
Tlaizawng Par
Krismas kan lawmna Ni ber


Posted in Christmas, Movies and Videos, Music and lyrics, Religion | 9 Comments »

Josefa Lehkhathawn

Wednesday, December 22nd, 2010

(Misualah ka post lohna a rei ta hle mai. Hei le, lehkhathawn  nikum 23rd dec a ka ziah hi lo chhiar ve teh u).

Ka nu duhtak,

Tunah Bethlehemah kan la awm hrih a…Mari leh kan fapa Isua nen. Isua pawh thla leh hian kum 1 a tling ve dawn tawh e.Nikumah khan thil tam tak hrilh theih loh che ka nei a. Hrilh che pawh ni ila, a hunlai kha chuan i hrethiam dawn silo. Min ngaidam dawn nia.

Ka nu, Mari nen kan induh thin zia chu i hriat kha. Kan inhual hnu rei vak lo a Elizabeti ina thla thum lai a va cham hnu khan thil hi a buai zo vek a. Miten Mari a rai tih an sawi luai luai kha…ka nu, khalai khan ka rilru a va na thin tak em! Ama hnen ngei atanga hriat ka duh avangin amah ka zawt a. Mangan hmel taka “Josef, mi sawi hi a dik alawm. Insawi fiah tum mah ila i hrethiam chuang lovang; mahse Josef, nang chauh hi mipa ka hmangaih chu i ni” ti a min chhanna kha ka rilruah a thi thei lo.

(more…)

Posted in Christmas | 12 Comments »

« Older Entries
Newer Entries »