Tuna ka post hi ka blog a ka ziak, anihna ang angin ka rawn chawi lut ve tawp mai a; ka duh aiin a sei na a, a chhiar dan tawk in lo thiam mai dawn nia. Khawnge, kumthar lawm nan krismas urlawk zan ah te, krismas boruakin min chiah lai te leh kumhlui thlah zan tea nasa taka kan in thin, zu chungchang ka han sawi daih teh ang.
Zu zet hi chuan khel nasat a tawk ta malh malh khawp mai. Hmanlai atangin zu in thin hnam kan ni a, thil puitham deuh leh kut niah te zu hian hmun pawimawh tak a luah fo thin. Pi leh pu te kha an lo in control thei a, an chungah thuneihna pumhlum neitu Lal an awm miau avangin discipline pawh a tha em em thin. Zu in avanga buaina siam an tlem a, an rui chhe lutuk dawn anih chuan an inthiarfihlim mai thin. Tunlai zu in thin tam tak hian, “Hmanlai atangin zu in thin hnam kan ni a, pi leh pu te paw’n an in nasa a, buaina an siam ngai chuang lo,” tiin tanfung atan an hmang fo thin.
Tunlai ah chuan mimal tin hi zalen kan ni ta a, zu in avangin miin buaina pawh siam ta se, hmanlai anga a chunga thuneihna pumhlum neitu an awm tawh si lo. Hei vang hian khawtlangah buaina a thleng fova, chhungkua ah harsatna a thlen phah ta fo thin anih hi. Mifing, mi hawizau, pa rawntlak kai pha chin tan chuan zu lo in ve zeuh zeuh hian pawina em em a nei lo pawh ani thei. mahse chutiang mi chu mizo zawng zawng te hi kan ni vek si lo. Zu khap sawisel thintu mifel tak tak, khawtlang leh kohhrana mi inhmang thenkhat te hi chu, a ruka zu in ve mai thei thin te an ni duh khawp mai a; thenkhat phei chuan a rukin an in nasa thei ve khawp mai. Zu hian tangkaina tehchiam a nei emaw ni le, heti tak maia kan han duh huam huam mai hi le aw.
Zu kan in loh laia thil zahthlaka kan ngaih, kan tih duh reng reng loh, mahse zu kan han in ta a, a hmaa kan tih duh miah loh kha hreh miah lova kan han ti hmiah hmiah mai hi thin hi chu, a tha lo lam a ni duh tlangpui bawk a, a pawi thin khawp mai. Zu hian tum loh takin zahna ruamah min hnuk lut fo thin. Zu a hnuleha kan inchhir ngawih ngawihna tur thil min thlen fo thin a, chutiang bawkin kan in control theih lohna avangin thian te’n kan chunga rinna an nghah thin pawh a derthawn phah fo thin.
Zu khap burna dan a that loh zia huai taka sawi pung pung ho mifel tak tak te hi, a ruka zu duh ve em em thin an ni duh khawpin ka hria. Kohhranah an inhmang a, khawtlangah mi challang tak an ni. A rukin zu an in thin a, an inthup thiam em em bawk. Khap tu an nei ve lova, inthlahrun a ngai hek lo. Chutiang chuan zalen takin duhtawk tawkin an in tawh mai thin. A tawpah erawh inthup hleih theih loh hun te a rawn inher chhuak thin a.
“Zu te chu, in thiam chuan taksa tan a tha alawm” tia iak iak ho hi, normal life ah chuan zu an in thiam khawp ang. Mahse, lungngaihni te, thinrim ni ah te erawh duh aia tam an in mai thin ka ring tlat. Regular taka nitin tlemte tea zu in thin hi a tha pawh a ni maithei. Chu ai chuan tlemte tein nitin regular takin bawnghnute in ta se, a taksa tan a that ka ring zawk. Regular taka niin in thin hian a ken tel chu zawi zawia addicted a ni mai. An in regular tulh tulh a, an hrisel tulh tulh a, an biang te pawh a sen tha tulh tulh a, an hnar a sen bawk a, an thau va, an dul a lo kiar a, an chak phah em em chuang si lo. A tawpah chuan zu ngawlvei an lo ni mai thin. Mithiam, mifing, zu in thiam tak tak, mahni in control thei tlat mitlemte te avanga “zu inthiam” fak mawi ngawt hi ka society hian a zo lo.
Zawlaidi hi sorkarin khap bur lo mahse, zu a ni tho tho. Dangpuithu hi lehkha mawi takin fun mahse, a chhung ami chu dangpuithu tho a ni a, a uih ngai rengin a uih tho. Thlan pawh hi mawi tak takin chei thin mah ila, zan lamah chuan a nelawm loh dan pangai thovin a nelawm loh thin. Grape atang zu siam te pawh hi hming mawi tak tak pawh vuah ila, zu a ni tho tho. Amah tizu tu ber alcohol kha a tam thova, zu anihna hi kan thup mawi mai mai a, thup mawi eng ang mah ila, zu tho a ni.
Zu sak nan hian buhfai a ngai a. Zu factory ah nitin buhfai tam tak hman ral a ni thin. Zu sakna atana buhfai an hman thin hi a tam zawk chu supply buhfai anih ka ring tlat. Special a dilin kudam atangin tlawm tetea a lei theih ka ring a, tin, buhfai phurtu driver te kut atangin an lei thin ka ring bawk. Hetia zawlaidi an thlah zalen takah chuan kan buhfai hmanral tam tak hi a save dawn tlata hriatna ka nei. Kan population phu lova buhfai kan heh te, kaan hriat miah lohva buhfai lo there thin te pawh hi a ziaawm sawt tur ah ka ngai. Zawlaidi erawh ka fak chuang lo, sawi mawi eng ang mahse ZU tho a ni. A siamna hmanrua raw material a dang deuh hlek chauh a ni.
Zu laka fihlim thin tan chuan zu hi sual laka lut tura min thlemtu a tling lo. Chuvangin zu laka kan fihlim anih chuan a lawmawm ah ngai phawt ang. Zu kan in avangin kan sual tihna ani kher lova, zu kan in loh avangin mifel kan ni kher chuang hek lo. Zu in thin mifel tak tak an tam khawp mai. Zu in thin, mahse khawtlang tana mi tangkai, tlawmngai, chhiatni that nia fel tak tak an tam. Zu in thin te hi an fel in kawm an nuam duh hle a, midangte hriatthiamna pawh an ngah duh zawk mahin ka hre thin. Zan lama YMA duty zingah pawh hian zu in ngai lo vuak hi a na bik a, zu in ve thin vuak erawh a na lo deuh thin an ti. Chuvangin, zu an in avanga tawngtaw en hran ngawt erawh a fuh ber awm lo ve.Mahse, i han ti leh hram teh ang, zu an in loh laia kawm nuam tak leh kan infiampui bawrh bawrh thin te pawh hi, zu an han in meuh chuan kawm an nuam lo sawt thin a, ngaih-huat an neih hma tawh thin avangin tawngkam hman pawh fimkhur a ngai tawh hle thin.
Zu hian thatna lai riau a nei ve a. 70% alcohol hian bacteria a tihlum thei. Hemi avang ngawt hian zu in hi a that phah chuang lo. Bacterial cell tihlum thei khawpa zu concentration sang chuan kan taksa cell te a tihlum ve thei tho turah ngaih tur. Bacteria that thei khawp 70% alcohol khi i in anih chuan nang pawh i R.I.P. ve nghal a ni mai. Zu hi min tithathotu a ni a, taksa tiphur a, min ti sa pup pup theitu a ni. Khaw vawt ah a tangkai phian (a tawk tea in chuan). Zu hian kan chhia leh tha hriatna a ti bo thei a, harhfima kan awm laia kan tih ngam loh te kan tih ngam phah thei. Insum theihna a ti bo va, hei vang hian hmeichhia leh mipa in zu an in chua, a tawpna chu Sex a ni tlangpui. Hmeichhia hian zu an in hian sex lamah an inphalrai awlsam a, tlemin an inthlahdah deuh hlek thin an ti. Khawvela chak ber emaw huaisen ber emaw min tihtir theitu chu zu bawk hi a ni. Mihring nihna diktak leh kan rilru te hi, kan chhia leh tha hriatna hian a thup mawi hram hram a, chu chhia leh tha hriatna chu zu hian a tikiang thei si a, chuvangin miin zu a in chuan, a lo inthup mawi ve hram hram thinna te kha hlih kianin a lo awm ta a, a mizia dik tak pholanin a awm ta thin a ni. A lungawilohna te, a thinurna te a lo puak chhuak ta thin a, thenkhat lahin an lo hur tuk phah thin bawk.
Zu hi chuan mihring nun ava lo tibuai tak em. Ka pa hi zu in mi anih miau avangin ka naupan laia kan chhungkaw tibuaitu ber chu ZU hi a ni. Ka pa hi zu a in loh lai chuan pa zaidam, pa tawng tam lo, chhungkua hmangaih thiam tak, hnathawh hreh nei lo a ni a. Chhungkaw tana thahnemngai, tui tin hnih a kawt chung pawh a, bucket la khai hram thin a ni a, thing leh mau kan put chang pawha mi tam tak ina an put zawh ve loh tur khawpa tam pu thin a ni. MNF ah pawha lo tang tawh thin tih takah buhthlei thlengin a thiam. Mahse zu a in erawh chuan a rui chhe thei khawp mai. Mak deuh mai chu, ka pa hian thingpui a in te, bawnghnute a in te hian a rui ngai lova, mahse zu a in tawh chuan chhungkua kan buai laih zel. Zu avangin kan tap a, kan lungngai a, chhungkua kan darh a, hlimna ni kan hmu tlem thin. Ka pa in zu a han nghei chiah chu, khang kan lungngaihna chhum zing zawng zawng kha a kiang zo ta a, chhungkaw hlim tak kan ni ta a. A zu in thin laia kan thil neih phak loh tha tha kan lo nei ve thei ta. Zu that loh zia leh chhungkua a lo tih buai theih thin zia te a tak ngeia hrechianga tawng tawhtu ka nih avangin keia tan zawng zu hi han fak mawi ve thei tur chi ziazang ka lo ni lo ve.
Zu avanga hlimna chuan rei a daih tak tak lovang. Tuna zu fak mawi thin te, zawlaidi fak mawia theihpatawpa tan khawh thintu te kha, in duh em em zu kha in chhungkua in lo in thin ula, tun atanga kum 5 vel a ral huna ah a that zia min hrilh ve dawn u nia. Chumi hnuah a lo tha takzet anih a, chhungkaw hlimna thlentu a lo nih theih a, min tihrisel sawt thei te a nih a, sum leh pai lamah hmasawnna tha tak min pek theih dawn a, tun aia Pathian min hnaih tir sawt tu anih theih takzet chuan ka in ve ang a, a tul anih chuan ka ruihpui anga, a chenin ka chen ang.
Eng ang pawhin fak mawi mah ila, zu hi chu ZU a ni reng tho vang.
(Y)
January 2nd, 2011 at 9:34 pm
😆 Zu han comment zu zu a maw?….
January 2nd, 2011 at 9:35 pm
Zu hi in ve ngai lo mah ila, ka First chak ve tlats!! 🙂
January 2nd, 2011 at 9:50 pm
@K’u Kawng: 😆
A vawihnihna atan ka chhiarchhuak leh ta! A tha khawp mai.
Ni e, hetiang em ema zu kan duh ta mai hi a mak ka ti ngawt mai. Thianho inkawm nan han dawn ila, squash leh cold drink tam tak in tur a awm tho si a. Zu in hi ‘virna’ chikhat niin ka hre ta hial mai! A ngawl vei ngat phei chu zah nachang hriat duh chuan zahthlak tak a ni.
Kan zingah ngei pawh zuin mi kan awm ngeiin a rinawm. Chu’ngte pawh chuan zu hi eng vang chiaha in nge kan nih i inzawt ang u.
He post hi a pawimawh takzet a, uluk takin i chhiarchhuak theuh ang u.
Pu Caribou nen hian mi hmun kan ni e.
Kumthar thutiam atan zu in loh thlang thei kan awm em?
January 2nd, 2011 at 9:52 pm
ka va hul tak em… sawi ve tur reng ka nei lo (ka comment ve lo mai teh ang… ) 😆
January 2nd, 2011 at 9:59 pm
huiham
January 2nd, 2011 at 10:08 pm
Hmanlai atanga kan Pipu te “RO” ka chhawm ve chu “ZU & SILAI” te hi an ni!!!!! Khrummmmmmmmm
January 2nd, 2011 at 10:11 pm
Comment a chakawm viau a;mah se loh theih lohin patling mut a hun tawh a ni… :happy:
January 2nd, 2011 at 10:29 pm
Ka thuziak hi uluk taka in chhiar chuan zu in thin te hi chi 2 ah classify an ni a. Pakhatna chu pa hawiher zau chin, mahni in control tlat thei, a tawk tea zu in thiam an ni. Hemi class ah hian misual.com member te hi chu ka rilru chuan a dah nghal vek.
Pahnihna ve thung chu thingtlang lama kan unau, zu in thin, tlai zu mai pawha lungawi zo tawhlo te, mahni in control na reng reng nei lova zu in thin, chhungkaw tana tahna leh lungngaihna titam tu, khawtlang tan pawha hnawksak chang awm thin hial te hi ka huam deuh va.
Ka thuziak hi thenkhat tan ngaihthlak a nuam lovin ka hria. Mahni ngaihdan kha huai takin ziak ve mai ula. Mitmei ven tur a awm noh.
January 2nd, 2011 at 10:37 pm
Zu hi maw, a in ngailo leh duh loh ho hian an buaipui nasa tawh lutuk a.. a hlut na sang tawh lutuk.. a post tu ai hian RV mi leh hmun dang dang a zu siam leh zuar ho hian zukhap na hi a top (THE END) an hlau lutuk top…
January 2nd, 2011 at 10:44 pm
A awm a mi? In ila ni mai lawm! 😀
January 2nd, 2011 at 10:45 pm
Mitam zawkina zu an in na chhan chu an CHAPO vang a ni.
January 2nd, 2011 at 10:49 pm
Zu hi in tawh lovin chaw ei khamah fiante hnih vel i hawp theuh tawh ang u, tichuan damdawi a ni mai 😀
gud paws
January 2nd, 2011 at 10:52 pm
Cari, i post tha hle mai! ka chhiar chhuak vek a, kan ngaihdan a in ang khawp mai! Zu in avanga hremhmun kal ngei ngei tur anga tam takin an ngai hi chu a dik lo! Chutih rual chuan zu kan in hian kan tan enge a thatna leh a tangkaina? enge a thatlohna leh pawina? tih ngaihtuah chunga mahni kan in control theih dan a zira zu in pawi lohna chin chu a awm ve thei tho mai! A tlangpuiin zu in aiin in loh hi a thatna a tam hmel zawkin ka hria! 😀
January 2nd, 2011 at 10:55 pm
Sa kan vel te hian tlem leih lut ila, a ti tui asin. 😀
Mizo ten, “Hah zu’ kan lo tih thin anga hman leh, inkawm hlim nana tlemte in hi a tawk viau a ni.
January 2nd, 2011 at 11:01 pm
Post tha tak a ni e… I thlir dan hi ka pawm zawng tak a ni… Thiante nen kan inhnial tamna ber pawl a ni a, ‘Zu thatna 10 tal sawi ula, keiin a that lohna 50 ka sawi ang’ ti tein ka cholet thin a.. He post hi an chhiar ve atan ka it hle mai…
January 2nd, 2011 at 11:01 pm
Ngaihnawm tiah tiah hle mai, ka chhiar chhuak chiang bang e.
‘Pipu nun’ tih lehkhabu nge (ka van chiang leh pek ta lo em) ah khan Nupa inthen chhan hrang hrang zingah ZU hi a tel vang mai a, “Pi leh Pu ten zu an in a, mahse an rui ngailo…” ti khan kan zir ve thin bawk sia, rui silo, inthen chhan ni bawk si kha tun thleng hian ka la hrethiam thei lo.
Zu hi chu in chu sawiloh , zu zuar thenawma neih pawh hi a va RAPTHLAK EM!!!
January 2nd, 2011 at 11:02 pm
Zu hi a in lo zingah rau rau pawh zu vanga chhungkuaa harsatna tawk emaw, zu avanga thil dang hrim2 pawh buaina tawkte hian an haw bikin a hriat e.
January 2nd, 2011 at 11:03 pm
Zuin mi hi hrawn an nuam a,a in ve lo hi hrawn an hreawm an ti thin.
January 2nd, 2011 at 11:12 pm
Family bik ah chuan Zu in lo zawk hi hrawn an nuam ka ti zawk tlat. Nupui zu in thin neih ai chuan zu in ngailo neih chu mizo chhunkua atan chuan kan thlan thup ka ring. Fapa zu in thin neih ai chuan fapa zu in ngailo neih ka thlang zawk. Ka khirh mah mah em aw?
January 2nd, 2011 at 11:19 pm
Post tupa : Lo tang fat fat rawh, mahse i hniakhnung zui turin ka chhingmit thahrui a chau tawh em mai, naktukah coma pakhat pawh hmaih lo lekin ka ron back up ang che.
Ruilo hailo ngatin MANGTHA THA VEK ULE…
January 2nd, 2011 at 11:35 pm
Ziak tha khawpmai…Zu chungchang ah hian. a that loh na hi in zirtir zel a tha… tun kan din hmun ngaih tuah chuan…engtin nge Zu duh ho chhanchhuah nan tan kan lak ang tih hi a poimoh ber in ka hria…a rem don lo an ti..Police leh Exices ten an veng hneh bok si lo…tan lak ho thiam a va ngai veleeee….
January 2nd, 2011 at 11:36 pm
Tumah hi ” zu i in / zu a in thin… ” inti inti lo ila kan tha tlang a ni mai… Hetianga mi nundan sawi sawi mi te hi mi rilru te an ni, ngaih khata ngaih zawk tur 😀 (noi)
January 2nd, 2011 at 11:38 pm
Zu in avanga fel phah, inkhawm taimak phah hi an vang khawpin ka hria.
January 2nd, 2011 at 11:48 pm
ka in zo chiah……..
January 2nd, 2011 at 11:52 pm
Zu chungchang hi kan sawi fo tawh mai ka sawi ve fo chu – fanu/fapa te hian zu hi in vak vak se duh kan awm lo ang. Zu in mi an nih ai chuan inlo se kan duh zawk ang. Zu in turin fate kan duhsak miah lo ang tuma’n.
Miin zu an in avangin in ve kher tur ani lo. Zu inthiam an awm ka pawm – thiamlo leh chhiatpui an awm ka pawm bawk.
Zu in hi khap lo ila control dan hi hnam fing zawk te tihdan entawn tur a tam khoops – mahse kan administration hi a chak hle erawh a ngai ang – dan chu dan in a kal a ngai ang.
January 3rd, 2011 at 12:01 am
Squash in hi chuan lu a kai thei loh vangin ka in duh vak lo colate pawh hi.hahaha
Keichu maw ka inkhawm dawn apiangin zu ni lo brandy/vodka ka in te te phawt a ka inkhawm mai thin.
Ka inkhawmnaah te hian intur a tam chuan a phur awm duh phian lolz
January 3rd, 2011 at 12:05 am
@Chhawkhlei: In pa i hlau lutuk! 😆
@Atom_C: Mi nuna inrawlh lampang pawh a ni chiah em ni le? Hetianga zu kan khel kan khel nachhan bulpui ber nia lang chu – zuin mi te, zurui te hian midangte nun leh khawsak phung an tihbuai vang zawk niin ka hria. Zu chungchang sawi hi midang nuna inrawlh a ni ringawt lo a nia.
Zu in dan chu a pawimawh khawp mai. Mahse, a nawlpui thuin, Mizoram pum han thlir chuan zu in mite hian an in chhan chu ruih nan niin a lang. Nu leh pate’n an in chuan fate’n an in mai.
Zu na na na hi chu i ina i in thiam a nih pawhin i fa hnenah in thiam dan ai mahin in loh thiam dan zirtir zawk rawh.
‘Sual tinreng bul’-a luh loh hi a him ber chu a ni. Zuin mi rau2ah pawh ruih veleha chapo leh pâwr nghal ár mai te hi an ngeiawm. Zuin avanga mi pawisawi lem lote erawh midang tan an hnawksak lem lova, in lo tura hrilha va inrawlh chiam chiam a tul lem lo. Ruih avanga buaina siam chîng te nunah erawh inrawlh loh theih a ni lo ve.
January 3rd, 2011 at 12:12 am
a va tha em! Like.
January 3rd, 2011 at 12:15 am
Zu chungchang hi chu ka van hne tak em? A in thin aia,a in ngailo ten an sawi tam peih ltk phei hi chuan luak a ti chhuak. .a that loh zia chu a in thinte hian a inlo aiin an hrechiang zoka,an la in duh tlat avangin an sel lo mai a ni. .kan soi peih ltk hian zu hi a in mite tan a ti hlu xual mai2 a ni e. .(a bikin MIZO te ah)
January 3rd, 2011 at 1:17 am
Zu chung chang ah hi chuan tu pawh hian han sawi thin mahse ka tanna ngai ‘kan police te an in daih zai deuh hun,zu rui khuah khirhna dan fumfe leh feltak kan neih hun ah,a hralh chung chang ah pawh ID tha kum tlingte tan ZU lei na tur bik siam sak a,lei theih zat bituk ila,police te veng tin leh hmun tam deuh ah te duty an awm theih hun ah te,police zurui cung a duty hremna felfai tak te,police te tham mai theih loh an nih hun ah te leh hosa leh rethei poh dan ah hremna a in tluktlan hun ah te(officer zurui leh kut dawh zurui) Emergency koh pawh a rang tak tak a an rawn thlen ve zung zung theih hun ah HE ZU KHAPNA dan hi chu KAN MA MAWH TAWH KHER LO ANG.
January 3rd, 2011 at 2:27 am
Supply ai in demand lam hi tlem zel thei se chuan zu chu tlem ve mai ang… Kohran lam hian a zu ai khan a zu in mi te ngai poimawh se… Pathian pawn sual ai kha chuan sual ti tu te ngai poihmawh ni lawm ni…
January 3rd, 2011 at 4:24 am
@H.vangchhia, 14# . :thumps up: amen amen amen. . . :happy:
Sawi sawi mahsela ka nghei dawn chuang lo . . . . Tra la la la la.
Mi sual na neih ve chhun te. In lo ila fel ka in ti famkim dawn lutuk tlat, “Pathian ka mamawhna reng ka hrelo” ka ti dah ange. Chuvangin, kei atan erawh zawng zuin hi a tha a ni. Ha ha ha ha 😆
January 3rd, 2011 at 5:59 am
Zu hian ei huaina te, tawng huaina, hmeichhe kianga huaina te, thusawi huaina te, lam huaina te, zai huaina te, thinrim hrikthlak huaina chenin min pe thin. Zu hian min tibuai ve phak lo anih chuan a lawmawm a ni mai a; mizopa, zu ina a tihbuai phak loh chu lehkhathiam, hawiher zau chin mitlemte, NANGNI ang te chauh hi in ni si.
In mizo pui, in unau te, zu ina a tih buai, zu avanga mahni nihna tur ang ni phak ta lo an tam khawp mai. Mahni chauh inen a hun ta lo ve.
‘Zu hi in tawh miah lo se aw’ tia ka duhsak ngawih ngawih an awm nual asin.
January 3rd, 2011 at 6:48 am
@ caribou i ziak tha.ngaihnwm hrim hrim bawk.Zu hi “thil” a nia.Ka mamawh changa ka chhawr thin,inhlawh chawp a eizawng thin,fa 3 nei,an nitin hlawh hian an pa in zanlamah “pehteh” in nan a hmang a.A hnek vel thin.Lainatawm tak an ni.Ti zalen se,Zurui,mi ti thlabar thin ho hi zahthlak a ngaih nachang hriat hi ani’Zoram khawvar’ dan tur a tan ka duh chu.
@2 kawnga,tun kum 3rd jan.ah hian ka khawngaih che.Zeph. hi chu tluk chi a ni lo,a phawirang lutuk.
ANYWAY GOOD MORNING VEK U LE..
January 3rd, 2011 at 7:51 am
Zu hi thil hmanthiam har em em, a hmangthiam in ti te pawh hi, meizu miin ‘meizuk hi ka hmang thiam khawp mai’ tih ang vel a ni. A hnathawh dan lah hi a hmangtu ‘psychology’ a zir a ni lehnghal a. A tam zawk hi chuan sapatal/rik lung lung pui nan kan hmang thin zawng a nih hi…
January 3rd, 2011 at 8:13 am
Zu hi chu in aiin in loh a tha :rolleyes:
January 3rd, 2011 at 9:20 am
35@ainawn: i thilsawi khi kei chuan ka thlawp lo. Zu khap a ni hma khan, nupui fanau ti thlabar zawnga khawsak ching an tam fe zawk. Zu khap hian Zu in mite nasa takin hma a ti sawn a, in mi an tam ang aiin buai an tlem. Ngawl vei khawpa in tur chuan sum tam tak sen a ngai tlat tawh.
January 3rd, 2011 at 9:51 am
@ 36 : A dik vek mai.Hei hi chu Debate na tham a tling a ni.Pu Shaia sawi,’a in tu psychology a zir a ni leh nghal,’ tih te khi a dik lutuk.
January 3rd, 2011 at 10:16 am
Inva reh em em ve.. Keimah chauh in ka awm elo maw
January 3rd, 2011 at 10:31 am
Zu hi mi mawl in chi a ni lo, mi fing tan a ni… han ti ila, a mawl mawl hi a duh2 kan ni bawk si. Zu khap duh khawpa thinlung dawizep kan la pu hi mak ka ti. Zu in duhte kan ngei tir thei a zeng a ni si lo a, zu tha zawk leh tlawm zawk (rv leh phunchawng zu ang mai2 ni lo) kan in theih nan zu khap bur hi hlipin, khuahkhirna dan hnuaia zawrh ni rawh se.
Hmanlai zu ngawlvei chu kum tam an dam thei. Tunlai zu zet zawng, a ngawl pawh vei hman loin an thi phuk2 mai. Hei hi zu tha leh mantlawm zawk kan khap tlat vang a ni. I harh ang u.
January 3rd, 2011 at 11:04 am
WHEN I READ ABOUT THE EVILS of DRINKING,
I GAVE UP
READING
January 3rd, 2011 at 11:13 am
A in thiamte’n a in thiam lo te, zu in ve duh si-a zu tha leina nei zo lo te vei nachang i hria ang u. Mi dangte tan kan ti ta sa sa! Mahni’n a in dan tawk kan thiam vanga indahtha mai lo leh, zu tha kan in theih avanga a in thei lote dem mai lovin, thingtlang lama khawsak harsa zawk, zu in duh si te i hre reng ang u.
January 3rd, 2011 at 11:34 am
zu hi chu amawl a piang ah a thawkna 😆
January 3rd, 2011 at 11:38 am
Kum thar pawh Zu atang bawkin maw kan tan leh dawn.. lolzz 😆
January 3rd, 2011 at 11:43 am
Zu chanchin ziahna a nih vang hrim2a uluk taka chhiar lem lova comment mai lovin uluk takin post khi i chhiar ang u.
January 3rd, 2011 at 11:44 am
Zu hi sual tin reng bul a ni a chuvangin kum a thar angin Zu Boih a tang Zawng zawng ten tun kum thar atang chuan ban san i tum theuh ang u in luat tuar lo a kan liam hma hian
January 3rd, 2011 at 12:45 pm
Vawiin ah ruai kan theh dawn a, ruaitheh huaina tel lovin huai takin ei ngheng teh ang.
January 3rd, 2011 at 1:04 pm
Kumtir te atanga discussion neih nan agenda ah Zu han thawhchhuahpui hluai nghal mai hi thenkhat tan chuan a ho maithei. Kei chuan HO kA TI LO tlat si a le.
Sawi leh sawi hnu, Mizoram chhunga chhungkaw kehdarhna thlentu tam ber chu Zu hi a ni miau si a. Nangman thiam taka i in theih vang ngawt khan lungawi mai suh. I hnampui, i unau te, mi tam takin n chhiatpui mek ania aw.
January 3rd, 2011 at 1:05 pm
caribou pics lo la rawh auh
January 3rd, 2011 at 1:12 pm
Kawnga leh Ku Muanga te ruaitheh lai thlalak aw, team khat daih an nia, a hmuhnawm tham ang.
January 3rd, 2011 at 2:18 pm
19 Caribou i ti mah mah miah lo,kei pawh fapa zuin neih leh chungkua hrim hrim zuin min tihbuai hi ka hlauh ber a ni a,zuin mi hi hrawn an nuam zawk an ti ka tihna chu hnathawhna lamah chu pawh mi sawi ka hriat mai mai.
January 3rd, 2011 at 3:45 pm
A blog-ah ka cimment tawh tho na-in heti hian ka han ti leh hranm teh ang, ‘Zu in a ruih kher tum hi chu MAWL vang a ni e’
January 3rd, 2011 at 7:28 pm
Ka awmloh laiin comment a lo thui hman viau mai a, a liam tawh na a,
(noi)
@Tuaisial, i ti dik , mahse, “midang nundan sawi sawi mi te….” ka tih awmzia zawk chu , a hran/ruk a advice/suggestion pe duh si lo, midang laka/hriata an famkimlohna sawilan/thailan sak fo hi , ka tihna lam ani e, ka sawi tum chu i hriatthiam tho ka ring.. Awarness campaign lam ka sawisel ani lo….. I thianpa thilsual/thalo tih kha ka bulah sawi lovin ama bulah sawi mai rawh, tihna lam a ni e.,
Anyway, zu in thiam kan tih deuh deuh te hi internal bleeding/ pum na in an thi keuh thei, ka hre ve nial tawh helam chu…A post tu sawilan ang tawh ang in, Ruih hlo (mirizuana, zu etc..)te hi chu tih thiam chi pawh niin ka hrelo, hei hi hmeichhia nen an inan lohna lai tak pawh ani mahna…
January 3rd, 2011 at 7:32 pm
tunah tak hian khua a vawt sia zu in ka chak rum rum mai a
January 3rd, 2011 at 9:01 pm
#41 a dik khawpin ka hria. Zu zalen sela, a intu te ah strict hi a finthlak ka ti zawk. Kan awmna te hi strict beu beu tak a ni, “drink responsibly” tih a ni reng a ni. Sawi leh sawi hnu, kan chenna kiang, ke akal phak ah mai hian zu inna/leina hmun 5 a awm, zu rui ka hmu ngailo. Sawrkar an strict em a ni e, ruih chak/duhna nei pawh rui ngam an awmlo a ni ber awm e te ka tia.
Awlsam taka kar khat atanga kum khat leh pawisa chawi teuh leh vantlang hnathawh theihna awlsam tak a ni. Khawlai te hi uniform ha in eng anga milian pawh nise, venna hnuaiah an thenfai tir thin. Chumai a la nilo, alcohol and drugs class kum 1 emaw kal angai a (once a week), probation kum 2 emaw angai a, probation officer hnenah in report char2… tam lutuk. Motor khalh theihna laksak theihna a ni bawk, record ah a awm reng tawh a, enge maw thil tam takah harsatna a awm theih phah thin zui, a hnu feeeeee thlengin.
Hetiang deuh hian strict ve sela, an rui ngam vak teuh lo mai Mizoram a in ho pawh hian hairehai :lol:
January 3rd, 2011 at 9:12 pm
Hei hi a chhiar chi viau maithei . Hetiang ang deuh te hian dan siam ve sela, ka ti thin
https://www.apg.army.mil/apghom.....apter6.pdf
https://www.youthrights.org/dastatelist.php
January 3rd, 2011 at 11:04 pm
Pu HV-a sawi khi a dik khawp mai. Kan dan lek kawhtu te, kan police te zingah lehzel pawh hian zu lama buai an awm tlat thin. Hei vang hian dan leh dun lekkawh lam a chak thei lo. Kan dan te hi khawng fer fer tak ni se chuan zurui ngam an awm lovang.
January 4th, 2011 at 12:18 am
@caribou a dik hle mai, zu hi chuan buaipui a hlawh hle mai…
January 4th, 2011 at 12:44 am
Zu hi a tangkai ve hun chu awm bawk mahse chhiatna a thlen tam zia nen khaikhin chuan fak tlak chu a ni mawlh lo alawm. Mizote hian a hun lovah kan va han thihpui nasa tak em aw. Hmeithai leh fahrah siam tam bertu pakhat chu zu hi a ni chiang bang.
@Caribou, i ziak thra khawp mai.
January 4th, 2011 at 1:21 am
Zu bawk chu! Ninawm hle mai. I repeat, zu chungchang post hi a ninawn.
January 4th, 2011 at 7:44 am
Zu ah chuan khawizu chiah ka in ve duh
January 4th, 2011 at 11:01 am
Khuaizu i han sawi takah chuan, kan Kristian Hlabu ami, “Khuai aiin a thlum si” tih hlathu hi, khuai hi chu a thlum lem lo maw le. A zu chiah hi a thlum in ka hria.
January 4th, 2011 at 11:10 am
caibou, Khuaizu a awm ka hre ngailo a, Khawizu erawh a awm tih chu ka hria. Kristian Hlaubu-ah hian “Khuai aiin a thlum si” tih hlathu a awm ka hrelo, “Khawizu ai pawn a thlum si” tih chu a awm ka hria.
January 4th, 2011 at 11:29 am
#65
‘Lalpa, i thu hi a hlu ber,
Khawvel sum zawng zawng aiin;
Lalpa, i thu hi a mawi ber,
Khawvel ropuina aiin;
Khuai aiin a thlum si,
Ka thinlung a tilawm thin.’
(ref: Kristian Hla Bu No.562)
caribou, ‘Khuai aiin…’ tih khi chu ‘poetic license’ a hmangah i ngai mai ang…
January 4th, 2011 at 12:55 pm
Khai aw….. Alejandro agenda chu a ho ang anga hnawl ani maw? Hlathu te hi in hrelo lutuk a, a hahthlak anih hi.
January 4th, 2011 at 1:35 pm
Bleh! Ka dinna ngaiah ka la ding.
January 4th, 2011 at 1:38 pm
:wink:
January 4th, 2011 at 2:10 pm
Ajejandro thin hi aw…. Comment # 66 khi han chhiar teh.
“Khuai aiin a thlum si..” tih hlathu chu a awm reng alawm. I sak thiam loh vang mai mai anih kha. Inkhawm ngailo ho chuan hlathu hi an hre vak lo an ti.
Hmanlai chuan an khuai hi a thlum thin a ni maithei.
January 4th, 2011 at 2:21 pm
Mah reng reng se..
January 4th, 2011 at 2:22 pm
Zu h kei chuan khap a tulna ka hre lo ve, Khap rem thei ni ila keini ai a ram changkang zawk ten an khap rem deih tawh ang, kan zoram ah phei chuan a man tu te hi a heh hlei hlei an ni zawk leh nghal.