Khawinge post khat manah tun tum chu kumthar te ani bawk a, corruption chungchang hi i han sawiho dawn teh ang u. He thu hi he site ah ngei pawh vawi tamtak khel ani tawhin ka ring a, mahse kumthar atan a vawikhat nan i han sawiho leh teh ang u….
Corruption han tih hian tamtak chuan kan rilruah pawisa eiruk hi a rawn lang nghalin ka ring. Mahse a awmze dik takah chuan hei ringawt hi ani lo. Keimahni avanga midangin an chanai tur an chan loh te, mahni tihtur tih loh te leh mahni tihloh tur tih te thleng hian corruption huangah chuan a leng vek ani.
Mi tamtak chuan corruption hi kan/an haw tak tak nia ngaih theih turin an ngaihdan an auchhuahpui piap piap thin. Heng ho te hian an haw tak tak lo ka ti ngamlo, mahse corrupt thei dinhmuna dinloh avanga mi corrupt lo sawi chhia tlangaupui ta piap piap hi engzat tak awm ang maw tih hi ngaihtuah tham tak niin ka hria. A tlangpuia lak chu ka ngamlo, mitha leh fel tak tak te hmertel palh a hlauhawm a, amaherawhchu mizo mipui 2/3 zet hi chuan corruption hi kan hawlo niin alang. Kan hriatthiam loh vang te pawh ani mahna.
Zirtirtu i ni a, i hnaa i kal loh fo khan corruption ani. Sorkar hnathawk officer i ni a, i hnuaia hnathawkte office hour piahlama i huan samfai tura i tih khan corruption ani. Doctor i ni a, i duty loh zan anih avanga tlawmngai tura an koh che pawh a i tlawmngaih theihloh tlat avanga nunna hlutak miin an chan chuan i corrupt nasa ani. Layman i ni a, thenawmte ram i nek tung tung fo khan i corrupt ani tih inhria la, kawngpui zauh a tul huna i ram i sah hek tir duh tlatloh pawh khan i corrupt tho ani tih inhria ang che
Nikum kha ka ngaihtuah thin, khati khawp tualthahna leh pawngsual, inpawngnekna a thlen nasat kha kei misual hian ka la hre ngailo.. Ei leh bara harsatna chu sawiloh. Orissa chu drought, tsunami leh thlipuiin a nuai chuan an sual vangah kan puh a, Graham Staines an halhlum vang leh Christian an tihduhdah vangah kan puh a. Kan ram (100% Christian?) a khatiang khawpa thilthalo thleng zozai kha engvangah nge kan puh ve dawn? Vanduai hrim hrim vang maw? Teuhlo. Mitin mai hi kan sual zo tawh a, kan duham luat avanga kan chanai nilo chan kan tum te, kan chapona zozaite avanga Pathian lung kan tihawi loh te, kan thatchhiat lutuk avang te a Pathian min hremna ah ka ngai hmiah mai keichu…. In ngaihdan nive maw…
Keipawh zirtirtu ka ni a, inenfiahna tur tamtak ka nei. Kan zingah pawh hian sorkar hnathawk tamtak in awm ang. Kan zavaiin inenfiah ang u….
ZG iangin Zoram khawvar hun ka va nghakhlel em!!!
Similar Posts:
- Yet another NGO against corruption
- Anti-Corruption Council
- Corruption, tunge a mawhphurtu?
- Politik
- Corruption Rating in India
January 3rd, 2011 at 5:49 pm
Ka chhiar chhuak 1st e,a tha khawp mai,ngaihtuah ngai tak a ni.
January 3rd, 2011 at 5:52 pm
“Mi tamtak chuan corruption hi kan/an haw tak tak nia ngaih theih turin an ngaihdan an auchhuahpui piap piap thin. Heng ho te hian an haw tak tak lo ka ti ngamlo, mahse corrupt thei dinhmuna dinloh avanga mi corrupt lo sawi chhia tlangaupui ta piap piap hi engzat tak awm ang maw tih hi ngaihtuah tham tak niin ka hria. ”
Ka thlahtu te atanga corruption lama hming chhelo/sawi hlawh lo kan ni. Ka sawisel ngam a, ka haw bawk a, eiru/mahni lakluh/hlawh aia ngah ka ngaisang lo bawk FOR REAL.
January 3rd, 2011 at 5:59 pm
“kawngpui zauh a tul huna i ram i sah hek tir duh tlatloh pawh khan i corrupt tho ani tih inhria ang che”
“Doctor i ni a, i duty loh zan anih avanga tlawmngai tura an koh che pawh a i tlawmngaih theihloh tlat avanga nunna hlutak miin an chan chuan i corrupt nasa ani”.
‘Corruption’ lo huam zau hle mai! chiang deuh uarh e.
Naupan lai a thawhlawm siki min pe a, naia 10 eiru hram thin kha ka nia, sawi vak ngam tu ka ni lo in ka hria…. chiang vak lo.
January 3rd, 2011 at 6:09 pm
Naupan lai a sande sikul thawhlawm, siki a naia sawm a chana lei hram thin leh chini bar thlengin a lang uar uarh a lawm!
January 3rd, 2011 at 6:20 pm
8)
January 3rd, 2011 at 6:25 pm
Volume 1..says
Naupan lai a sande sikul thawhlawm, siki a naia sawm a chana lei hram thin leh chini bar thlengin a lang uar uarh a lawm!
I van hlui tawh awm! naia sawm a chana leitheih chu, 🙂 NOI
January 3rd, 2011 at 6:25 pm
corruption chungchang = zu chungchang… :rolleyes:
January 3rd, 2011 at 6:26 pm
Corruption tih ringawt chuan a zau lutuka post pakhatah mai chuan a funkim theihlo ang. (Political corruption, corporate corruption, Linguistic corruption, Data corruption, etc. tam mai) Chuvangin Political corruption amaw han tibik mai la tha in ka lo hria a, i sawi tum ber thelhin kan kawment kual thei mai dawn asin 🙂 Mahse i tum ber chu ka hre chuang law NOI
Nie i sawi angdeuh khian, tamzawk hi chuan kan huat ziktluak tak tak hi a rinawmloh (abikin sum leh pai ah). Mihring rilru hi a danglam chak khawp maia, harsatna leh manganna in min tlakbuak tak2 tawh hi chuan kan khaw hmuh hi a thim ruai tawh thin a ni. Chutiang hunah chuan Setanan lung chhanga chantir maitheih remchang tak hi alo chhawphnai ve bawk thina, Mahni inthiam chawpin “Keiin he sum hi ei lo mah ila tu kutah amaw a thang bo tho2 dawn si a, a mamawh tu ber chu ka ni mai lawmi” tih duhchang te pawh a awm ve thei a ni.
Lal Isuan Setana hnenah ” Ka ril a tamlo or Ka chantir theilo” a ti miahloa, “Pathian kaa thutin chhuakin an nung zawk ang” a ti a ni. That ziktluak tum pawhin hetiang hun dai a ngaih chang hi a awm ka ring thin.
January 3rd, 2011 at 6:36 pm
:kiss:
January 3rd, 2011 at 6:37 pm
Kum in ziah naupan a, pension hun tawh hnua office, school etc.la kal ot2 hi corruption a ni. Mizo zingah hian tlemte thawh a hausak tum kan tam em ani. Contract hna thawh, subsidy claim etc ah hian kohhran mi tha ve taka ngaih pawh hian awmlo lutuk a bill siam kan ching khawp mai.
Long term plan hi kan va nei lo tehlul em. Reilote kan thawk a, kan bill teuh a. Kan thawhchhuah khawl lovin kan hmang zo leh thuai a. Vai te hi chuan an eiruk hi an la hmang tangkai tal a, an fate pawh chi em2 in an sual lo.
January 3rd, 2011 at 6:48 pm
corruption hi chu kan vei tlang a ni e. Ni e, corruption hyn a lo huamzau khawp. A sawiseltu tam tak te pawh hi a eiru thei dinhmun ah awm ta ila enge kan an ang? Kei chu corruption h ka hua. Ka ngei hluah hluah. Kan ramin a chhiatpui zia kan hria a, mi tamtakin sawi sawi thin mah se awmzia a nei tak tak thin lo. Hei hi enge a chhan ni ang? Mipui hian kan haw tak tak em? Post tha tak a ni.
January 3rd, 2011 at 6:58 pm
Cyber chu post tha hle mai! Corruption hi chu khawiah pawh hian a lo awm thei mai! hun kan hman dik loh avang ringawt te hian kan corrupt zel chu ani si a, heti zawnga chhut phei chuan, corrupt miah lo chu kan vang ve hle mai thei! mahse, mahni theuh in enfiah nan he post hi a tha ka ti khawp mai! 🙂
January 3rd, 2011 at 7:02 pm
Nia, corruption hian a huamzau ngawt mai. Hman zan pawh khan kan thlalak a corrupt a, ZG nena kan buaizia chu!
Ka chhiarchhuak dap a, post tha tak a ni. Corruption huatthlala thu ai mahin a awmzia rawn sawi i tum zawk mahin ka hria.
Corrupt rau2ah pawh pawi bik chu a awm chiang. Ramhruaitute leh sorkar hnathawk corrupt a langsar a, mipuite paw’n kan haw zual niin a lang. Hei hi a chhan chu ram hnuk khawih thil a nih vang a ni a, an corrupt hian mi tam takin an tawrhphah thin vang a ni.
Thenawmpa nena huan ram chungchanga corrupt chu a nazawng chuan an sawi lo vang, an ngai pawimawh kher lo vang. An pahnih inkar thil a ni a, a nazawngin an tawrhphah lo. Chuvangin Mizote’na corruption kan tiha ram hruaitute eirûk kha kan rilrua a lo lang nghal thin hi a àwm lo lem lo.
Ka thenawmpa ram ka sahheksak ai chuan kan khawtlang sum tur ka lo lakpen khan a pawi zawk daih.
A mipui mimir pawh kan rilru a pelhê zo ta! Building tha deuh kan hmu a, ‘hei chu eirûka sak a ni’ kan ti nghal ngawt a. Car nalh tak kan hmuh lahin chuti tho. Mahni thawhchhuah ngeia khawsa, mi dik hi tam tak an awm asin. A nazawnga eirûkna tih reng mai hian kan rilru a hruai khawlo zo ta a nih hi.
A khai a! Ka’n corrupt leh tâk teuh chu! 😀
January 3rd, 2011 at 7:02 pm
Mi tamtak chuan corruption hi kan/an haw tak tak nia ngaih theih turin an ngaihdan an auchhuahpui piap piap thin”
a dik hle mai. thiante/thawhpui te nena titi ho chang pawha haw tak mahse hnaa zelthel leh supply hawn hreh lo an awm nawk thung. eng atang hian nge hma lak tan a ngaih aw. chhungkua hi a van pawimawh em!!
January 3rd, 2011 at 7:08 pm
Corruption awmzia Prevention of Corruption Act, 1988 ami nen chuan a inper san deuh awm mange. Doctor mahni duty loh zana tlawmngaih theih loh vanga nunna chan an awma corrupt ta anga ngaih leh Kawng zauh a huna pe phallote corrupt anga ngaih khi chu kan topic nen a in tulo deuh em aw kati. A duty loh zan ani a, tih luih theih ani lovang, dan ang chuan. Tin, kawng zauh alo hun pawhin Land Acquisition Act, 1894 hmangin a ram zauhna tur kha an acquire sak mai tur ani, a phalloh pawhin sorkar in market value an pe mai anga an lak luih sak daih thiang, a phalloh avang erawh chuan a corrupt ngawt thei lovang, a right anive tlat. Engpawhnise, he Article han post tu thahnemngaihna khi fakawm kati a, full support ka pe e.
January 3rd, 2011 at 7:16 pm
Post-tupa: Dik chiah…Zoram Khawvar hun hi a nghahhlelhawm tak zet a ni…!
Tun hma khan eng ni lo hian corruption hi ka lo vei ve em em thin a, chhete pawhin awmzia erawh a nei lem hlei law..!
Maruti 800 a chhuah tantirh vel khan New Delhi atangin by road-in kan khalh haw a, rei lo te-ah Maruti workshop ka siam zui, eizawn nan thangkhat lian ka hmang a…2005 kum tawp khan ka ti tawp.
Ka hnaah khan thiam vang leh rinawmna vangin ka hming tha hle a, Workshop Gate khar ngai hial khawpin kan lun thin. Sorkar Deptt. thenkhat Officers’ meeting-ah pawh an first choice ka ni ve hial thin a … haha…mahse, kan in dawr zui tak tak thei hlei law… (A chhan chu in hriatthiam mai ka ring 🙂 )
Tunah chuan Zoram vei dan hi ka thiam ta deuhin ka inhria. Hahchawl chunga vei dan te, Zoram khaichhuahna tur Priority Project te, Zoram Khawvar hun atana inbuatsaih dan te ka inzirthiam chawp chho ta zel a, a ziaawm ta deuh.
LALPAN Zoram hi a thianfai dawn tih hi ka chiang em em a… chumi zawhah chuan Zoram Khawvar hun a lo thleng ang. Chutih hunah chuan Zoram-ah hian mi corrupt an awm thei tawh dawn lo va, corruption chu a rim a ra pawh hriat tur a awm tawh bawk hek lo vang…
Chuvangin, Zoram Khawvar hun hi nghakhlelhawm tak a ni ringawt…! :happy: :happy: :happy:
January 3rd, 2011 at 7:22 pm
Ka post alo chhuak reng tawh ani maw? Connection ka neih that loh lai tak a… Nia #16, thu khi ka han uar deuh a, a chhan berah chuan keimahni mai pawh nilo, kan rilru zawng zawng mai hi a corrupt tawh a, kan mental disorder siamtha tur meuh hi chuan thu pawh hi duhtui a har tawh anih hi…
Mizoram hian independence te reu reu kha kan lo hmu ang tih ka hlau asin… Lalpa zawnchhuah ram te chu kan la inti ta dah lehnghal a…
January 3rd, 2011 at 7:22 pm
Ka comment chak viau na a, mi in atangin, an computer hmang leh nghal chung a ka comment dawn chuan ka corrupt a ang dawn tlat mai 😀 haw hunah ni mai teh se..
January 3rd, 2011 at 7:26 pm
Babu’G’ comment chhiar a nuam khawp mai. Zoram khawvar theih nana nasa taka hma latu leh rilru ngaihtuahna sêngtu a ni a, a ngaihsànawm tak zet. Zoram a vei zia leh Zoram khawvar hun a nghahhlelh zia hrechiangtu ber ka ni e.
Taka! Naktuk zan atangin Zoram Khawvar hun a intan dawn e!
January 3rd, 2011 at 7:29 pm
cyberthug…. burn down aizawl with its corrupt and immoral system..there will still be mizoram…i`ll stand in front of the flame with you and watch it burn.. 😀 😀
January 3rd, 2011 at 7:35 pm
Sorkar Dept pakhat website an hack
hetiang te hi corruption vang ani thei a ngem, he thil tana an pawisa project hi an hmang lo te a ni a ngem 😛 😀
ICT siam ami he Fisheries department website.. hack ani e
http://fisheries.mizoram.gov.in/
January 3rd, 2011 at 7:38 pm
hahahaaa/
January 3rd, 2011 at 7:57 pm
Pathianin kan ram hi a hmangaih a, kei pawn ka hmangaih… Ram siamtha tura pawl ding tamtak te hian an tihtur leh indinchhan an hrelo. Mahni sahmim ipte puarna bak an ngaihtuah tak tak lo..hui ha
January 3rd, 2011 at 7:59 pm
Ku Zualboneza awm se ka va ti e aw,NBFC coruption kha rawn aupui leh se a ngaihnawm a sin le…..keini thibehlo ho tan a bengvarthlak thei riau… 😛 😮
January 3rd, 2011 at 8:00 pm
volume 1#3 keini chu kan corrupt lo aniang, kan naupan lai kan ram thlalak leh tun a kan ram (in area) pic reng a in zim hleih ta mai. Ngaizel kawng laih zauh avangin kan Kawlthei kung tam zawk awmna, Tawitaw leh thei dang, grape zamna leh Theihai etc hmun a bo vek tawh a, tunah chuan kawngpui a ni ta. Tlangnuam lamah lah Kan Phulraw hung leh Lamkhuang kung awmna chu Tlangnuam Rd. a ni tawh. :Insawithei em em: 😛 😀
whatever hairehai
January 3rd, 2011 at 8:02 pm
Kan haw tak2 lo a, a corrupt thei leh thiam apiang mifingah kan ngai a mawni tih theih a ni.
I haw tak2 ang u, i do tak2 ang u. Chuan kan nunah miten Isua an hmu thei dawn a ni.
January 3rd, 2011 at 8:09 pm
@ Cyber ..25 ..ni e tiraw, I post hi ngaihtuahna a ti thui bakah,sawi belh tur a tam rualin,a thuk riau..
January 3rd, 2011 at 8:11 pm
Fonz #22 Mizoram fisheries dept hi an van ti khawngaihthlak fo ve mawle. Hmanah pawh Ghy ah… an mi tirh company pakhat a dawr naah ka kal ve a…. 🙁
Eiru ho account hi hack law law tur alawm 😀
January 3rd, 2011 at 8:18 pm
Corruption hi kan la do tawk lo. Kan vulh lian chiang ani. Mahni thawh hlawh aia ropui leh hausa an tam lutuk. Mipui mimir hian eiru ve theilo Zirtirtu te hi an ngaisang lo. Chumi awmzia chu eiru thei kan ngaisang tihna.
Hotupa chu i rawn hawl kim hle mai.
January 3rd, 2011 at 8:39 pm
Ti ti khawmnaah chuan corruption hi kan haw vek a, mi corrupt te hi kan ngainep mai ni loin kan hmusit em em thin. Mahni a chettlat dawl lo hi chu IN tam! 😀
#Doctor i ni a, i duty loh zan anih avanga tlawmngai tura an koh che …. i corrupt nasa ani.
Hei hi chu ngaihtuah chian deuh a ngai lo maw? :kiss:
January 3rd, 2011 at 8:48 pm
ninja #34 Doctor te emergency a mahni veng chhungah emaw koh an nih hian Mizo pa/nu in a tih tur reng tiah ka ngai. Corrupt ah kei chuan ka ngai miahlo. Hlawh ni lova, tip an pek pawn ka thiam hliah hliah, life and death inkar a ni thei tlat. Emergency ah chuan thiamna neilo pawn mi hliam tuar kan bawihsawm tho thin a ni lawm ni?
January 3rd, 2011 at 8:52 pm
taitesena #35 “He minister/officer hian contract no. ABC123 atangin Rs. 100 core a ei ruk dan chu heti hi a ni e….” ti a chiang taka kan sawi theih hma loh chuan kan officer te ho hian phai ram, sap ram ah an fate an thawn in an chawm zel ang.
Rinhlelh chu an mahni leh chhungte rosum neih (in leh lo) leh bank account en mai chi a ni dawn lawm ni? An thawhchhuah zawng2 leh tax pek atangin awlsam takin a chhut chhuah theih mai dawn lawm ni? State pawn thlenga dap mai tur, tum chuan a theih, kan tum tawk thinlo a niang a ti tu tur te hian.
An inziah fel thiam avangin an eiru lo tihna a ni lo. Meaning, proof theih loh avangin an eiru lo tihna anilo. Tum chuan proof theih loh tak2 a awm ka ringlo bawk. A chhui tu te a zir a ni thei mai dawn lawm ni? Eiruk hi chu Mizoramah hian a thuk lutuk tawh a, tumah an intichhe ngam tawhlo ni berin ka hria. 🙁
Mizoram siam that chu thangthar te mawh a ni tawh ang chu. Fel tak tak an lo chhuak zel niin ka hria, ka thla amuang.
January 3rd, 2011 at 9:36 pm
A post tupa pawh hian haw tak tak em aw? 😀
Mizoram Vai hnena diklo taka pawisa khawn tehi corruption chikhat chu ani ve mai lo maw, mobile phone rawn awm tan tirha, diklo taka telecom hotute hnen atanga demand tlat te… 😀
MZP te YMA te KTP tihvel tehian corruption hi do ngam sela tha tu ania 😀
Mahni hlawkna tur anih chuan ngaih zam chin kan nei tepawh ani ang. A eng chin hi nge corruption tih ringawt pawh hi hriat thiam har tak ani.
January 3rd, 2011 at 9:52 pm
Mizoram mipui leh Mizo tam zawk hian kan sawi leh hua ang a kan lan lang hian CORUPTION HI KAN HAW PHAL TAK TAK PON KA HRE LOVE
January 3rd, 2011 at 9:57 pm
corrupt thei dinhmunah ding ila…..chiahpuam atang khan a hriat mai lawm ni……corrupt thei dinhmunah hian mi tamtak hi kan ding ang tih hi a hlauhawm khawp mai. Tihian christian chu kan in ti ve si a maw?
January 3rd, 2011 at 10:01 pm
corruption haw tu hi a tlem zawk kan ni tlat a. bak ah Power nei lo zawk bawk nen a ngaih na a awm lo a nih hi…
January 3rd, 2011 at 10:09 pm
@40 funny, kha thil kha Fak hlawhlo Valrual atang khan i vei tawh a tiraw? Khang te pawh kha a awm tak tak anih chuan kan MZP hruaitute khan an corrupt chiang ani.
Ka sawi leh ang, MZP hi a pawng a puiin ka tan reng renglo. An tih dikloh tamtak a awm tih hretu ka ni. A hminga sub-hqrs tihvela hruaitu ve mai tan chuan General siamthat chu thil harsa tak ania. Chuvang chuan keichuan kan huamchin ah na na na chuan diktak leh fair takin thil kan kalpui thin asin
January 3rd, 2011 at 10:24 pm
MIZO MIPUITE CHUAN PAWISA A CORRUPT LO, HUN,HMUN ETC. .ETC. .A CORRUPT TE HI KAN LA VEI TAK2 LO. . .HEI HI CHU KAN SOCIETY AH SAWI VAK MAH ILA,ENG KAN LA AN PUI LO ANG! ENGVANG MAW? SUM LEH PAIA CORRUPT CHIANG LUTUK TE PAWH ENGTIN MAH KAN LA TI NGAM TAK2 SI LOVA. KAN INSAWI VE LOK, THEI TEL LOVIN. .B.A LEH M.A KAN ZIRLAI KHAN A LO THLAWNIN CLASS OFF KAN NEI NGAI LO. ZIRTIRTU AN PERIOD A LOKAL MAI LO LEH LOKAL NACHANG HRE LO TE CHU, KAN VA KO CHAT2 ZEL MAIA, AN AWM THLAWT LO A NIH CHUAN CLASS KAN OFF IN KAN BANG MAI. .KUM TAWPAH ZIRTIRTUTEN CLASS AN NEIH ZAT TUR KAN CHHUT CHHUAK LEH MAIA,ZIRLAITE MIN PALZAM NGAILO. . .SUM CORRUPT CHUNGCHANG HI HO TAK TAK CHU AN TAM MAI. .TUNLAI MIZORAMA HNA LANGSAR LEH AWHAWM BER CHU MCS A NI. .MAHSE HE HNA HIAN EIRUK NAAH A HRUAI LUT DAWN CHIANG TIH HRIAT AVANGA HE HNA DIL DUH LO MI BRIGHT LEH BAWN TAK2 HI KA HRE TEUH MAI. EIRU THEI DINHMUNA DIN THEIH HMA ATANGA LO INTHIAR FIHLIM LOK HI A THA A,MITAM TAK CHUAN KA EIRU LO ANG AN TI NGEI ANG? MAHSE KEI NGEI PAWH HIAN MCS THAR LAM HO, PROJECT REPORT HLAWK DAN TURA SIAM THIAM LO HO TEN, TUTE EMAW AN SIAM TIRA, PROJECT PA1A NUAIKHAT AN PEK ZEL HI KA HRE VE NUAL MAI. .A THUI LTK DAWN TLAT, NAKIN ATAN KHEK ANG. . .CORRUPTION HI ENG HMANG PAWHA CORRUPT NISE, MI PANGNGAI RILRU FIM PU CHIN HI CHUAN HAW LO AN AWM LEM KA RING LO. . .KEI MIFEL VANRAM KAI TUR MAHSE LA INPEIH FAMKIM LO HIAN KA TI E
January 3rd, 2011 at 10:25 pm
“Caps on kher pawh angailo,” – kawlhawk 😀
January 3rd, 2011 at 10:26 pm
@Kawlhawk: A dik chiah, ka rilrua awm tak a ni.
@Nimer: I ngaihdan khi mi corrupt-te tanfung ni âwm takin a lang, chhût chiang mah teh. Kan corrupt loh chuan khitianga ‘anni pawh ni se..’ tih vel hi a tul ka ti lo. Corrupt thei dinhmuna kan ding lo a niha kan corrupt loh chuan a tha a ni mai. Kan fihlim a, kan sawisel thei. I ngaihdan ang kha pu vek ta ila, tuman corruption hi kan huain kan sawisel ngam nang le.. Eiru thei dinhmuna kan dinga kan eiru ta a nih lei eiru thei dinhmuna ding lova eiru lote’n min sawisel ve thung tawh ang chu.
January 3rd, 2011 at 10:31 pm
A thu chauh ka chhiar a, comment dang chhiar hma in sawi ve lawk ang, nikum khan Inter department football tournament ka Post a, thenkhat chuan corruption ah an chhuah daih. Kha thil kha Corruption a lo ni hlauh a nih chuan kei chuan Corruption chu a then ka haw tak tak a, a then ka haw lemlo
January 3rd, 2011 at 10:37 pm
Corruption an ei ru tawh zawk tunlai kan Zoram ah chuan 😀
January 3rd, 2011 at 10:37 pm
kawrapsawn cc hi chu a ngawih mai2 theih loh a nih hi :lol:
Doctor te hian medical/professional ethics an nei ngei ang a duty hourah chauh damlo entur tih a awm miah lo ang !
Kawrapsawn in min chiah hneh tawh zia leh a ngampat tawh zia hriatna chu, kawrapsawn cc sawi a piang a, sawi mam zawng a sawi ve ngam hi tam tak an awm ziah hi !! kawrap ho hi chu mi THISEN DAWT annia vampire ka ti mai, kawrapsawn hi haw viau mahila tun a kan ram dinhmunah hi chuan chak tak leh sawt tak a hmalak vak ngaihna a awmrihlo niin a lang, keini thribehlo te tan chuan.Kan tih theih chu mi kawrap te leh anchhungte hi kan chhungkua nen engtin mah inneih pawlh etc pawh a inzawm loh hram te hi tum ila… heng mi kawrap te hi an mihring sual em2 vang pawh a nilo a, an mahni a ramhuai duham tak cheng tlat tih tir kha a nia, anmahni haw lova a ramhuai sual kha huat zawk tur a ni… tin, an ramhuai pai kan kai ve loh nan anmahni leh anthlahte nen kan thlahte inzawmloh hram tum ila chu2 kan tih/tum theih nghal mai pa 1 chu a ni
January 3rd, 2011 at 10:39 pm
#49, A dik khawp mai. Mirethei leh ramin a tawrh phah bawihna khawp hi a awm. Mi chan ai lak sak chi te. A nep deuh chu a ‘ṭha’ tihna ni chuang lovin.
January 3rd, 2011 at 10:42 pm
Connection ka nei chhe fahran lutuk a, post pawh ka vil tha hman meuh lo. Post a chhuak tih hriat a, vil hmanloh chu ava hrehawm em…
Nia, doctor corrupt chungchang khi. Khi thil khi chu a divine deuh ruih avangin ka sawifiah angai tlatin ka hria. He thu ka ziah lai hian ka nupui boral dan kha ka rilruah a rawn lang a, ka ziak ta mai ani.
Nunna hi kan ta ani lova, min petu Pathian ta ani. Doctor nive lem si, damloh leh hmanloh vang pawh nilo ‘ka duty ni anilo’ tih vang ringawta nunna hlutak thlahliamtu chuan Pathian ta a eiru chiang ani….ka tive tlat
January 3rd, 2011 at 11:44 pm
CyberThug: ka vei em em vang pawh ani chuanglo, “ka tel ve…” I ti khan ka hre deuha, chu vang mai mai chuan ka rawn fiam mai mai che mawle
I tan em em, “fak hlawhlo val rual” ho corrupt leh corrupt loh chungchang tehi rawn post leh nghe nghe teh a.
January 3rd, 2011 at 11:45 pm
Cyberthug, kan haw lo, corrupt official te dinhmun a din ve theih kan chak zek zek vek! hei hi a pawi thui..a pawi thui vawng vawng…
hei hi moral corruption…corruption zawng zawng a hlauawm ber chu ani. Mawhphur tute chu kan politiciante, kan officer liante an ni..enge kan tih tak ang le????
January 4th, 2011 at 12:33 am
@funny… I tum ka hre rin ranah…
@lrpa, a dik khawp mai. Kan kaldan hi kan thlak loh vaih chuan kum 10 vel hnuah Mizoram chu bung hrang hrangah a kehsawm ve ngei ang le
January 4th, 2011 at 12:49 am
Mi(sual) user zing ah hian sorkar hnathawk corruption a hming hliau na nei kan awm em?
January 4th, 2011 at 12:50 am
Kan haw khawp mai. Haw em em te hian eiru thrin kan deusawh deuh deuhte dinhmunah hian ding ve ila enge kan nih bik ang tih hi ngaihtuah tel a ngai ve tho. An zir laia rilru thianghlim tak pu, mahse thiltithei tak nih hnuaa engmah ni ta lem bik lo te hi kan tam awm asin, an ni veke ka tihna chu a ni lo.
January 4th, 2011 at 1:15 am
Haw tak tak aiin haw der an tam. Mi pahnih khat itsik vanga haw der, Mimal inhuatna avanga haw thar ta hluai lah bo lo. Thlemna chhete pawh hneh thei der silo, herhsawp chung atanga sual haw tak tak, mahni nun thlan pawn lam hnawih var ang hlauh ni si mihring hi MIZO ah hian a mak a mak a tam kan awm.
January 4th, 2011 at 4:43 am
@ As_Khiangte I sawi khi dikve reng asin mi tamtak corruption hua inti ho hi chu chance neih loh vang a Corrupt lo mai mai hi kan ni hlawm mai thei a ni. Corrupton hi kan haw tak tak anih chuan mahni in en chiang ila, tithei din hmun ah ding ve ta ila engtin nge ka do ang tiin
January 4th, 2011 at 8:20 am
Kan laina hnaivai sorkar hnathawk pakhat chu tuktin office kumtluanin a tlai a,sum leh pai a eiru lo mahse office a kal tlai thin em a vangin hun ei ru a nih thu ka sawi a,corruption lian tak a nih thu kan sawi mai chu ka chhungte ho in min hrawk hrep tan hlawm tak an ni!!mahse ka sawi zawm zel tho ka tlawm dawn lo ka ti hmiah!!
January 4th, 2011 at 9:15 am
Corruption hi kan ka chiahin a hua, mi an corrupt a ni tih kan rin leh kan hriat ngeite pawh kan do dal ngam tak tak lo, kohhran pawhin a ensan phal lo, YMA pawhin a hnawl ngam tak hek lo, I in atang khan chhak leh thlang, chhim leh hmar zawng khan in 10 vel han chhiar dan dan teh, corruption a inhnamhnawih mi engzat nge awm a i rin… kha tiang vel kha kan zoram awm dan chu a ni e.
A eiru lian thei deuhin a n eiru lian a, a thei te deiuhin an ti te mai a ni, aieng zuarin maida a pawlh ru a, boulder zauarin a thawl thei ang berin a rem bawka, supplier in a quality chhe chi a supply a, retailerin kudam tangin buk tling lovin buhfai an la a, keniin a buk tling lo bawkin kan lo lei ve leh a, kan inhrethiam tlang vel ta mai mai a nih hi maw. Mahse hetiang karah hian eirukna leh hlemhletna laka fihlim mizo tamtak an la awm a ni tih hi theihnghilh loh tur.
Keini chu kan eiruk ve theih chhun chu kan pute awm loh hlana kan lo mutthluk hi a ni mai :lol:
January 4th, 2011 at 9:19 am
@vitamin-c, va titha tak em… Pathian hian mitin thinlungah hian chhia leh tha hriatna thiang tak a dah a, kan thiltih tur reng reng hi a tha nge thalo kan hrelawk sa tlangpui ani… Chumi chu mi tamtakin pawisa lovin thilthalo chu an tilui a, sualna leh eirukna khurpui ah an luh phah thin ani
January 4th, 2011 at 9:41 am
Keini, tuna eiru thei dinhmun a ding ve lote hian kan eiruk ve thuai thuai theih nan corruption hi kan sawisel chiam chiam tur ani.
Khawvelah hian mitha ziktluak an awm bik lo. Insawisel leh infakna atang a mizia hi insiam chawp ve zel ani. Pathian thu sawi thinte pawn an sawi tam na na na chuan rin chin tawk an nei ve zel ang. Corruption pawh sawisel kan peih viau chuan huat tak tak hun a thleng ve mai ang. Sawisel pawh ngam lo khawp a kan rilru a corrupt hi a hlauhawm lai chu ani e.
Corruption hian ram development tur a dang tlat a, mahse hei aia hlauhawm chu ka sawi hnu..kan (mipui) rilru sutthlek a ti chhe vek thei hi ani. Chiahpuam kan tihte pawh hi a dik tak chuan he rilru diklo atang a rawn intan chhuak ani. Rinawm tak a sum leh pai thawhchhuah tum ai a awlsam leh hlemhle tak sum lakluh kan tum vek ta mai te hi he mi rah chhuah hi ani.
Hawh u, rilru tak tak anih lem loh pawn corruption hi a hma aia a let tam takin sawichhia ila, sawi chhuah kher loh pawn nitin vawikhat tal a that loh zia i ngaihtuah tal ang u..
January 4th, 2011 at 10:04 am
Kan laina te tihloh kan chhungkua a tang hian sorkar a hlawhnei kan awm lo a,sorkar a hna dil pawh kan tum chuanglo,kei ngei pawh hian,mahse sorkar hi kan ta a ni a,sorkar in hlawh a pek a hnathawk ten a an duh duh an eiru leh dun dan dan a an khawsa hi chu rilru a nâ in Pathian kan tih lungawiloh nasat tur zia ka ngaihtuah fo thin
January 4th, 2011 at 10:21 am
Eiru tih kan hriatchian leh rin ngawih ngawih pawh kan la ngaisangin kan la zah hliam hliam em mai a, chuvangin eiruk (Corruption) hi a zual zel turah ka ngai, a tha tihna niloin.
Mipui hi eiru thei kan ni emaw nilo emaw kan harh ve a ngai hrim hrim, khohhrana an thawhlawmte, an eiruk atanga an pawisa pekte hnualsuat ngam leh la duhlo ngam mipui kan nih thap hunah kan zia mahna
January 4th, 2011 at 10:31 am
Hawh u Eiru hming kan hriat hriat i thawh khawm ang u…. :lol:
January 4th, 2011 at 3:32 pm
Pu Hawla zung chawp a phoro tum ai pawn kan duhtui zawk a ang riau, office tlai, kawng pe phallo, pathian lak a corupt etc…
Coruption hi a lian a tanga do tur nge a chung a mi ang tet hmel deuh? Coruption Lian deuh leh a te deuh te hi awm reng reng em, kei chu ka chiang vak lo. Chung a mi swi ang hi tha riau in ka hria. :?
January 4th, 2011 at 3:35 pm
@volume 1, i sawi tha ka ti lutuk.. Ka ngaihdan chuan corruption lian leh te hi chu a awm chiang mai.. Mahse a pawi dan erawh a inang vek ani
January 4th, 2011 at 3:52 pm
Bible chuan mihringte hi sualsa a hrin min ti a, chuvang chuan kan rilru hi a khawlo zo tawh a. mahi nupuite leh chhungte, fate pawh bum bum duhna rilru nen hi chuan midang va care hi chu thil har deuh a sin. Chuvang chuan thithalo hi chu pawnlang tak hi chuan kan haw vek a, tilo thei tur chuan kan pianpui mizia nilo, piantharna mizia nen chiah he thil hi kan haw ngam ang.
Office ah customer te thlei bik neih atangin makteduaih tel ei thlengin, kan tih theih chin a in chenlo mai a ni zawk. Chutihlaiin a hleihluak deuh a eirukna hi chu mihring mithmuhah chuan a awm ngei a lawm. Lalpa tihna nen hi chuan mihuan a thei pum khat lawh pawh hi a har duh vio a sin. Pianthar kan ngai.
January 4th, 2011 at 5:35 pm
suala pai,suala piang tih chungchang hi chu ka awi lem lo. .a chhan chu nausen,naupang chhia leh tha la hre lem lo,rilru la thianghlim tak2 te an thih hian hremhmunah an kal kan ring ngai lo. .mihringte hian kan duh thlanna chhia leh tha hriatna kan hman theih tak2 atang hian sual chu kan nei zawkin ka hre thin
January 4th, 2011 at 5:37 pm
Ka hnathawhna ve liu leu pawh hi corrupt duh tan chuan mahni phak tawk lek lekah corrupt na tur atam khawp mai
Kan inring hlawm em mai a, chutiang ngaihtuahna pawh a awmlo emaw ni?!!!
Nimin khan Washington, DC a firefighter pakhat chu pawisa lamah a corruptniin an hria a, TV ah an chhuah uai uai mai. An chhui chiang anga an chian chuan an ban nal2 ngei ang. A tan hnadang a harsa talh tawh ang le… Eiruk te hi USA ah hian a awmlo a ni chuanglo. An pawisa hman dan, an rinhlelh chu an thil neih atang ten an chhui char2 mai a, tunge an nih leh an nihna an en lo, an ban mualpho hrep zel. Mizoram tan ka awt
January 4th, 2011 at 5:52 pm
Tumah bang bik awm thei lo ang zawnga corruption sawi zau vak hi a tha lo ka ti. Kan duhloh ber hi chu sorkar hnathawkin uchuak leh dik lo taka sorkar pawisa leh bungrua etc. ama hamthatna tura a neih / a hman hi a ni a. Hei hi tih tak zetin do phawt ila, a dang pawh kan la do zel ang chu maw le.
January 4th, 2011 at 5:58 pm
Kum 2008 khan Post Matric Scolarship la theilo ten a an lak hi corruption in tan na chi khat a ni tiin Vanglaini ah te khan kan chhuah ve a. Then khat chuan an haw viau a;mah se a dik kala ti reng. Hote a tanga kan in zirtir loh chuan a lian ah kan buai a nih hi.
Ka haw khawp mai. Mah se thil tha lo chang tu te hmuh khawloh(hmusit) erawh chu tha lo ka ti. Keimahni leh unau te chungah ala thleng ve thei tlat.
January 4th, 2011 at 6:37 pm
@vivia, a dik tho rualin a vai leh kan vaia hmeltel loh theih ani tawhlo. Sebo hnua se kawng khar ang maiin tunah chuan a do kawngah kan tlai lek lek tawh zawk hial ani. Chuti anih mek lai chuan a tahtawl te te a tihrem tum chu kan hlawhtlin ka va ringlo em…
@krista…nia, post matric scholarship chungchang ringawt pawh hi khel tham ava ni tak em…hui ha. Income certificate a kan monthly income kan tarlan duh dan atang ringawt pawh hian kan fihlim loh zia a lang chiang hle in ka hria
January 4th, 2011 at 10:05 pm
India ram hi chu a buaithlak deuh anih hi, a hniam ber atanga a chung ber thleng hian in endik kan mamawh!
Peon te pawh hi mahni pu te eiruk sawi nuam ti viau si hian office atanga an hawn theih (Pen,paper,…) te hi an hawn ve tho ania….Clerk/Assistant te pawh hi file move dawn chuan thamna an beisei ve thin…
January 5th, 2011 at 1:53 am
Kum 2004 khan contract hna chhete hi kan thianpa in a thawk ve a. Bill la tura Lungleia office kan zuk dawr kha ani mak ka tih ni… Cashier khan min be duh reng renglo mai a, kan hnunga mi te zawk kha a ngaihsak zawk tlat zel a, engvangnge niang tih kan ngaihtuah lai tak chuan peon a rawn kal hlauh a, min ko peng a, min hrilhru ta alawm
‘Kan cashier hi mak deuh ania, khatia in nghah reng ringawt chuan engtikah mah a issue sak lovang che u. Canteen ah zuk kal ula, sathin leh soup te zuk order ula, chuan a ngaihsak chauh ang che u’ min ti ta anih chu. A mak ka han ti khawp ah, kei misual hian…
Ka thianpa chu ka zuk order tir a, chutih lai chuan keiin ka lova dawr leh a, mahse ka dawr dan key erawh ka thlak ta. ”ka pu, a tlai tawh sia, i rilte a tam lawmni? canteen lamah te zuk inhnawhpuar ang hmiang” tiin ka va dawr ta a, engkim a fel ta purh mai anih chu.
midang pawhin hetiang thil hi intawn fo tawh ka ring, sathin leh soup hmanga tham phawt ngai officer hi…
January 5th, 2011 at 10:47 am
Kawrawpsawn ka hua. Ropui lem lo mahse, a chang chuan a ti thei dinhmunah ka ding ve thin, Pathian leh Hotute zarah. Ka la inveng theiin ka inhria. Office hun pawh ka tlai khatin ka inhria, Office hour-ah lo pawh hna ka thawk fo mai…. Hengte hi Pathian vang chauh a ni e….(chapo thil nilovin)
A huatin ka haw tak zet a ni…
January 5th, 2011 at 12:27 pm
Engmah sawi lova he topic han thlir liam ngawt chu ka thei bik love.Hei hi kan sawi ve hram ange”Mizo Khristian inti leh tilo te pawh hian CORRUPTION hi kan HAW tak tak lo”
January 5th, 2011 at 4:48 pm
Corruption hi huat em em loh tur han ti mai ilah! :lol: A eiru hnemte hian pawk hem hawm takin retheite ram neih pharh tha han lei duai duai zel mai se … pawisa leng vel a insem darh rual ve mai dawn alawm! Engemawa an lo peipun ve theihna kawng a awm phei chuan … LABH ACHCHHA HOGA!
January 5th, 2011 at 5:14 pm
@80 Chawnghilh nang chu LABH ringawt i ngaihtuah a, han ti mai ilah kan corrupt awm chem chem. I va han reh ve alo chhuk leh dawn tawh lawm ni??????