MIZO BIBLE (BSI) HNUALSUATNA
– RE Ralte
Tum khat chu thian pakhat private college-a Theology zir a rawn leng a. Inla ‘conservative’ takin, “King James Version (KJV) hi a tha ber, a dik ber bawk,†tiin Saptawng Bible lehlin dang ho a rawn dah hniam hle a. Biblical Studies-a Greek leh Hebrai te kan sual lai a ni bawk nen, “Keini chuan ‘King James Version hian a letling dik em?’ tih hi kan buaipui zawk a ni,†tiin ka lo fiam vel a. Kan hlim dun ham ham hle.
King James Version (1611) hian ngaihsan a hlawh zia chu sawi nawn a ngai lo hial ang. Pathian Thu ngaihsak lem lo tak thin George Bernard Shaw khan, “Shakespeare-a, Milton-a leh Bible tawng hi i suasam nasa lutuk..†(Pygmalion) tiin Saptawng hmang duh dah leh thiam lo tak mi pakhat a hau a ni. English literature-a ropui ber berte kutchhuak zingah KJV hi a dah vah mai. Ti hian a lo sawi bawk,“The translation was extraordinarily well done because to the translators what they were translating was not merely a curious collection of ancient books written by different authors in different stages of culture, but the Word of God divinely revealed through His chosen and expressly inspired scribes. In this conviction they carried out their work with boundless reverence and care and achieved a beautifully artistic result.â€
Sap ho chuan KJV hi ‘The Noblest Monument of the English Prose’ an lo ti. Kum 1811 edition thuhmahruai chuan, “its simplicity, its dignity, its power, its happy turns of expression…, the music of its cadences, and the felicities of its rhythm,†avangin an chhuang thlawt a ni.
Heti a ni chung hian kum 200 chhung vel chu KJV hi sap ho khuan an hmang tha duh lo va, mahse a hnu kum 300 dawn chhungin a lar lawr lak thung; a tawngkamte chu Pathian Thu bik hliah hliahin an hria a, an chhuangin thenkhat phei chuan an ngaih urhsun luatah Bible thiamna thang zela tunlai zawka lehlinte chu Pathian Thu tihdalna-ah an ngai ta hial a ni. A awm tho mai. Protestant (Conservative) thurin tluangpui hi KJV behchhana zirtir leh duan a ni deuh vek. KJV lehlin nana an hman Greek NT text Textus Receptus chu Martin Luthera, John Calvina te hman nen khan a danglam thui lo. Tin Westminster Confession of Faith puang chhuaktute pawh khan KJV hi an hmang a ni awm e.
Mizo Bible (BSI) Hnualsuatna
He KJV ngaihsanna hian tunlai Mizote pawh min luhchilh thuk viau niin a lang. Mizo Bible Thuthlung Thar hi 1917 khan chhuah a lo ni tawh a, 1959 khan a Holy Bible kan tawng ngeiin kan nei ta bawk. Mizo zawng zawngin he kan Bible, Bible Society of India-in a chhuah hi kan pawm tlang vek niin ka hria. Lungawi takin mahni kohhran ta bik awm chuang lovin kan hmang a, BSI pawh kan ngaihluin Aizawl Auxiliary hi a chak viau reng a ni. Mizo Kohhran chanchina thil lawmawm tak pakhat kan hriat hmaih fo chu BSI-a kan lungrualna hi a ni a. BSI-in Bible min pek hi kan duhtawk tawh loh chuan kan pherh lehzual zel dawn a ni thei ang.
Kum 2005 khan BSI chhuah ni lo Mizotawng Thuthlung Thar, Bibles International, Grand Rapids, Michigan, USA chhuah chu kan hmu ta a. Mizo zinga a buaipuitu pawl hming a lang miah lo. He Thuthlung Thar Bible chhuahtute hian kan Mizo Bible pangngai duhtawk lovin KJV (emaw NKJV) atangin an letling tih chu chik deuh tan chuan a hriat theih. BSI Mizo Bible hi ‘liberal’ deuhah an ngai a ni mai thei. Kumin 2010 hian chidang deuh Parallel Bible, Mizotawng leh Saptawnga chhut kawp chu Bibles For the World-in a chhuah ve leh a. Hei pawh hi KJV atanga lehlin a ni leh tho. A buatsaihtute hian Version dang neitute atangin phalna an hmu thei lo nge, inla conservative/fundamental/evangelical takin KJV hi rawn thar thawh an tum tih ka hre thiam ta lo a ni. A letlingtuin an release nia a sawi, “Mizo Bible-a la awm lo ‘kalvari’ tih leh Lalpa tawngtaina kan hman dan a kimin a chuang,†tih te khan mi tam tak chu a hip nghalin ka ring. Mizo Bible, kum tam tak Mizo Kristianten lungrual taka kan lo hman tlan tawh hnualsuatna leh KJV ngaihsanna avanga he thil hi lo chhuak a nih chuan kan inngaihtuah nawn a ngaiin ka ring.
King James Version hi ngaihsan chi a ni em?
School kan kal laiin Saptawng Bible hi chhiar ka lo tum ve thin a, har ka ti thin khawp mai. Ka Saptawng hriat ve nen a inhlat lutuk a ni. A chhan chu khang hun laia kan English Bible hmuh phak kha KJV a lo nih reng vang a ni. New International Version, Today’s English Version, New Revised Standard Version, Revised Standard Version, Contemporary English Version, New King James Version, English Standard Version te hi lo hmu ila chuan khati em em khan English Bible hi kan harsat lo tur.
A nihna takah chuan KJV hi Sap ho pawhin an ngaisang zo tawh lo a ni. 1988 daih tawh khan NIV leitu an tam tawh zawk. KJV chu a tawng mawina leh classical English a nihnaah chuan an chhuang chhunzawm reng ang. Mahse thlarau nun chawm a, Pathian Thu min hrilh hre turin a aia tha zawk a tam tawh a ni. KJV 1611 editionah phei chuan Saptawng thumal tunlaia awmze dang nei daih tawh a tam mai. Entirnan tlem azawng han sawi ila:
KJV English Mizotawnga a tlukpui A sawi tum (tunlai English-in) Mizotawnga tlukpui
let tihtir hinder dang
prevent dal precede hmakhalh
allow phal approve pawm
communicate hriattir share tawmpui
conversation inbiangbiakna conduct chetzia
comprehend hrethiam overcome hneh
ghost thlahrang spirit thlarau
wealth hausakna well-being hamthatna
allege puh prove chian
demand phut ask dil
take no thought of ngaihtuah lo be not anxious enghelh lo
Sap pawh ni se thang thar chu a buai dawn tih a hriat sa a, Mizotawnga KJV letlingtute hian hetiang chi hi an hmuh hmaih vaih chuan Bible-in a tum lohpui an sawi tir dawn a ni (1629,1638,1762,1769,1873-a an ennawn te khan an siam tha mai thei e.)
Tawngkam chungchang a ni mai lo
Mithiamten KJV an lo hnualsuat tak zawk chhan chu a Saptawng hman a hlui tawh vang a lo ni mai lo tlat. KJV an lehlinna Greek NT text Textus Receptus (1550) hi a original tawk lo, an ti. Hetah chiah hian inhnialna a lo tam ta. Greek tawnga Thuthlung Thar chhuah hmasak ber (chhut hmasak ber ni lo) chu Erasmusa buatsaih 1516-a chhuah a ni a. Erasmusa hian duhdah ang reng takin Greek text 6/7 vel phuah khawma a siam a ni. Greek Thuthlung Thar bu siam tum hrim hrim pawh a ni lova, Latin Bible enfiahnana a siam mai mai a ni a, Latin Bible-a awm si, ama Greek text-a awm lo te kha chu Latin Bible atanga Greek-a letin a hnawh khat mai thin a ni awm e! Erasmusa Greek NT leh a hmaa an lo chhut tawh Complutensian Polyglot (Greek leh Latin Parallel Bible), la kawpin French mi Robert Stephanus-an Textus Receptus, Greek Thuthlung Thar bu lar tak hi 1550 khan a lo chhuah ta a ni. Chu Textus Receptus chu 1611-ah King James Version lehlinnan an lo hmang a, kan sawi tak ang khan Martin Luthera te, John Calvina te hman thiam Greek tawng Bible atanga duan a nih vang te leh Protestant thurin hmasate he texta innghata duan a nih hlawm vang pawh hi a ni ang, tan leh ngainat a hlawh ta tak zet.
Tun kum zabi liam ta-ah te kha chuan Bible thuziak zir chiangtu (Textual Critics) zawng zawng deuh thawin Textus Receptus hnawlin, a aiin Critical Texts an tih hi an thlang vek tawh a. Textual Criticism hi hna hautak zet mai, sum leh pai neih mai baka Greek, Hebrai, Aramaic, Latin tih vel thiam em em ngai a ni a. Keini ho zingah chauh ni lo India ramah hian Textual Criticism tihna tak tak a awm pha lo a ni. Chuvang chuan kan hriat thui ber hi mi thiamte ziak chhiar bak a ni thei rih lo a. An ziak chhiara a awihawm zawk lo thlan thiam a pawimawh ta a ni.
Hetia Bible kan kuta lo awm mai hi kawng thui tak paltlang hnu a lo awm a nih hriat a tha. Thuthlung Thar hi kutziaka ziak hmasak a ni tih kan hria a. Kutziak bu chu 5686 (Michel Welte) a awm. A bu pumin a kim vek zel tihna phei chu a ni lo. Kutziak bu hrang hrangte hi danglamna neuh neuh nei te an nih hlawm avangin Textual Criticism hi a pawimawh em em a ni. Chung kutziak bu te chu a awlsam zawngin a lo chhuahna zirin an then a. Aigupta khawpui Alexandria lama mite chu Alexandrian texts an ti, Khawthlang lama mite chu Western texts an ti thung, Suria ram Antiokei/Constantinople lama an hmuh te chu Syrian/Byzantian texts an ti bawk.
Textus Receptus hi Byzantian text zinga tel a ni a. Greek kutziak bu kan tih zawng zawng zingah hian Byzantian text hi a tam ber a, Majority text tih a ni bawk thin. Hei hi a hlutna atana tanfung pawimawh tak a ni reng a. Amaherawhchu, heng Byzantian text te hi Textual Critics ten an hnawl chhan chu kum zabi 9-na velah a copy hi pung hluai mah se kum zabi 4-na hmain Textus Receptus ang chi hi hmuh tur a awm lo a ni. Conservative Evangelical ber pawla ngaih Dallas Theological College-a Professor Daniel Wallace-a chuan, “Greek kutziak bu zingah chuan tuna copy kan neih tam ber hi kum zabi 9-na hmalam kha chuan a tam ber lo. A nihna takah chuan Majority text te hi kum zabi 4-na hmalamah kha chuan a awm lo,†a ti tawp mai. Isua thih leh thawhleh hnu kum 400 chhung vela an hman loh (emaw, hmang tih kan hriat loh) copy hi chu tam viau mahse a ‘original’ tawk lo a ni tih pawm mai a thain ka hria.
Hemi chungchanga kan ngaihtuah tur pawimawh tak chu kum zabi hmasa lama kohhran pate (church fathers) khan khawi Greek text-te nge an hman, tih kha a ni. Hei hi NT Textual Criticism-ah chuan a pawimawh ngawt mai. Kum 300 chhunga kohhran pa, Thuthlung Thar sei tak tak ziak chhawng thin te, kutchhuakah khan Byzantian text sulhnu hi hmuh a ni lo. An lehkha ziakte han chikin Alexandrian text leh Western text te lo kha chu an hmang lo a ni tih theih khawpin a chiang a ni. Alexandrian leh Western text hi zabi 2-naah a awm ngei a ni tih finfiah theih a ni thung.
Chuvangin Greek NT text original ber kan zawn dawn chuan King James Version atana an hman Textus Receptus hi chu a ni lo chiang tih mi thiam zawng zawng deuh thaw ngaihdan a ni tawh a. Chuvang chuan a ni ang tunlai English Bible thar ber ber – Revised Standard Version (1952), New English Bible(1970), New International Version (1978), English Standard Version(2008) te hi chuan Textus Receptus/Majority text/Byzantian text tih vel hi chu an hnawl tawh a. Keini Mizote hian i thar thawh tawh lul lovang u. New King James Version hi Majority text hmangin a zau thei ang bera text dang awm dan sawi tel zela buatsaih a ni.
Evangelical takin le
Evangelical chuan Bible, Isua Krista, Chhandamna, Chanchintha hril kan ngaihlu a. A hlui hlui leh a mak deuh ring huai huai, rilru thlak hlei thei lo, mahni ngaihdan chauh dik bera ngai, zirna eng thlir thiam lo, khurbing hi evangelical tihna a ni lo. New International Version te hi ‘evangelical Bible’ an lo ti hial a. English Bible thar ber English Standard Version, evangelical theologian tha ber te zinga mi J.I. Packer, Wayne Grudem te hova lehlin, kum 2008-a an chhuah tan phei chuan United Bible Societies (BSI zawmpui) in a chhuah Greek New Testament (4th Edition) a hmang nghe nghe. Textus Receptus chu a hla khawp mai. KJV (i.e., Textus Receptus) kalsan duh zingah hian Evangelical Theological Society te, Conservative hranghlui deuh B.B. Warfield, NT scholar tunlai deuh zawk heng F.F. Bruce, D.A. Carson, Gordon D. Fee tih te hi an tel nuaih mai. Trinity Evangelical Divinity School (tunah Trinity International University) Professor D.A. Carsona phei hi chuan, “Savun lehkha (uncials) pawimawh tak tak baka a hnua rairuang bu (papyrus) te hmuh chhuah hnu hi chuan Bible dah sang ziaktu ropui tia chhal ngamte zingah pawh Textus Receptus pawm zawk leh hmangtu an awm ka hre miah lo,†a ti hial a ni.
King James Version chu kan hnawl ta em ni?
Hnai lo mai. ‘The noblest monument of English prose’ a la ni reng ang. Thang thar literature-a tui, Saptawng thiam bik ten a hlutna an man zel ang. Keia han sawi nep zawh rual a ni lo. A Greek pawh kan han sawi viau tak nang a, 85% chu a dang ho nena inang tlang tho an ni. Bible chang duh bikte Saptawng mawi danglam taka a lo inziak dan zir leh chik nan hmang ila. Chutiang atan chuan kei pawhin ka papuia (fam) min rochun KJV Giant Print Edition ngei mai hi ka roh khawp mai. Amaherawhchu Pathian Thu hriat tum leh Amah pawlnan chuan ka Saptawng thiam a hniam deuh pawh a ni ang NIV hi ka thlang fe zawk. “Saptawng Bible chu Sap pachal kutchhuak a ni nge nge tur a ni,†kan ti a nih pawhin New English Bible hi ka ngaina zawk bawk.
Mizo Bible version tam tak neih a tul em?
Tul lem lo e. Sap ho entawn ta reng reng Mizote hian “Sap ho pawhin version tam tak an nei alawm, Mizo Bible pawh chi tam tak neih a tha,†te kan han tithla rawk a. Ngaihtuah chian a ngai khawp mai. Saptawng chu khawvel mi zawng zawng tawng a tih theih avangin ram leh hmun azirin Sap tawng ngau ngau pawh ni se hman dan a inang lo. Chuvangin New English Bible a awm a, New American Standard Bible a awm bawk. Khawvela Saptawng hmang zawng zawngte tana tlanglawn thei ang ber New International Version a awm leh a, Chanchintha hrilna atana thehdarh chi Good News Bible (TEV) a awm bawk. An tawng a upa tawhin a thang chak bawka, version hrang hrang neih a tul pawh a ni mai thei. Tin, Bible version thar siam hi business lian tak a ni an tih chu!
Mizote dinhmun chu a dang daih thung. Mizo Bible hmangtu hi kan la tlem em em. Lungrual tawk chauh kan ni. Version hlui tawh tak lo chawk luh phet a tul lo. BSI hi ring zo ila; tunah hian Mizo Bible lehlin hlui leh thar min chhawp reng a, lo duhthawh vak ngaiin a lang lo. Bible inang hmang ila, kan pumkhatna a nghet zual ang. Kan Mizo Bible hi a nep lova, Saptawng Bible atanga leh tawp ni lovin Greek leh Hebrai a tul dan ang zela zira rawn reng chunga lehlin a ni. Hei aia tha zawk a awm chuang lo. Kei chuan kan mithiam hmasa Rev. Dr. Zairema, Rev. H.S. Luaia Rev. Lalthanga, Rev. Lalruma leh Rev. Chalbuanga te kutchhuak ngei mai hi ka ngainain chulnel zel ka tum zawk a ni.
***** RE 011110
January 4th, 2011 at 5:08 pm
:rolleyes:
January 4th, 2011 at 5:10 pm
Ka la kawmen hman hrih lo,’first’-hi in ti teh chawk a,aikal kan tir rih a nih khi…i’ll be back!!
January 4th, 2011 at 5:19 pm
ma-a kawmen kan nghak phawt teh ang 😆
January 4th, 2011 at 5:25 pm
Grand Rapid, Michigan a mi te lehlin ani emaw Bible Society of India hnuaia lehlin ani emaw, ka hmuh tawh chinah ngaimawh zual em em tlem ka nei. Entirna : The Gospel according to Luke tih, Chanchintha Luka ziak.
January 4th, 2011 at 5:53 pm
Bible version hrang hrang neih hi tha ka ti lo,(JF-a a ngaihawm Bible lehlin sawi hi chuan…) Inhnialna atthlak ah ka tel peih lo…! 😆
January 4th, 2011 at 5:55 pm
Tha hle mai a.. ril hle bawk mahse ka la chhiar chhuak lo.. lolz
January 4th, 2011 at 6:04 pm
‘Kohhran pawl tenau zawk hian Bible lehlin hlui kha an la zawng an la zawng mai, chhan a nei ngei ang’ kan ti daih teh ang.
Thil hi kan chhinchhiah hmasa zawk hi a tak ngaîh thin.
Mas Hla = Siampuii
Kum Hlui Thlahna = Lalsangzuali Sailo.
Ka Comment-na chu a conclusion khi a ni mai.
“Mizote dinhmun chu a dang daih thung…………BSI hi ring zo ila; …… Bible inang hmang ila, kan pumkhatna a nghet zual ang. ……Greek leh Hebrai a tul dan ang zela zira rawn reng chunga lehlin……. Rev. Dr. Zairema, …….zawk a ni.” Tih khi.
January 4th, 2011 at 6:18 pm
Sei hle mai 😀
Mizo Bible ah chuan ka pu ta ka rochun hi ka duh ber a, a dang chu ka chhiar awm pawh ka la hre lo 😀
English ah chuan Gideons International Bible ka chhiar ve thin.
Comment ngaihna ka hre thlawt lo a nih khi 😀
January 4th, 2011 at 6:56 pm
A sei e………………..
January 4th, 2011 at 7:03 pm
Tha khawp mai. Thupuiber chu KJV hi duhthu a sam tawh lo a tihna-ah ka ngai. Kei pawh Theological College-ah kum tam hun ka hmang tawh a. Heng Version 3 – NIV, RSV & NRSV te chauh hi kan Hotuten hman an phal. Duhthusam tawp Bible Version hi chu a vang deuh a ni ang e. Ngaihdan a tam a, Pawmdan a tam, Kal ngaihna hriat a harsa a ni e. Mahse, “DUHTHUSAM BIBLE VERSION” chu siam ka chak hle mai,,, 😆
January 4th, 2011 at 7:19 pm
ESV Study Bible hi an vawrh lar khawp mai. NIV revised version pawh a chhuah leh tawh tak kha. Gender issue pawh a an sawi nasat kha.
Saptawng Baibul chu engpawhnise, Mizo ram tana ka rual awhna chu; Stuby Bible hi ani. Kum za chhuang Kristian kan ni ve tawh, Theologian, D.Th degree nei pawh kan nei ve nual ta. Chutihlaiin, MIZO STUDY BAIBUL kan la nei lo hi chu a rualawh thlak ngawtin ka hria!
Inhnial thei tawk chauhva; degree nei ni lo. ZIRTIR thei; Baibul teacher ang chi hi kan mamawh khawp mai.
January 4th, 2011 at 7:26 pm
seki, shailendra nen tuition ka la pe dawn che nia hairehai 😀
January 4th, 2011 at 7:27 pm
mite hi chu an inzir peihin, an thiam teh e aw… Ka hriat loh lam thil hi a va la tam tak em 😆
January 4th, 2011 at 7:37 pm
Pu HV Meigou Ren chuan, TABITHA thawnthu chuanna Baibul ahmang mai thei ani 🙂
January 4th, 2011 at 7:46 pm
seki, Zhongquo ren ho khan, John C. Wu lehlin em ni in hman nge, Rev. William Willis Moseley?
January 4th, 2011 at 7:54 pm
Mi thenkhatin Mizo tawng Bible lehlin an duh zawk chhan ka hre chiah lo na a, he Bible chang pahnih ah tal chuan lelhlin hmasak ka thlang:
1. Psalm 8:3-4 LEHLIN HMASAK AH: “I van, i kutchhuak te, thla leh arsi i ruat hote khi ka ngaihtuah chang chuan “Mihring hi eng emaw anih a, i hriat reng thin ni?…
LEHLIN THAR AH: ” I kutchhuak vante khi ka han thlir a, thla leh arsi i dahte khi, Mihring hi eng nge maw niha, i hriat renga,…”
2. Jeramia Tah Hla 3:22-23: BIBLE HUI ZAWKAH: “Tihborala ka awm lo hi LALPA zahngaihna a lo ni, a lainatnate chu a kang ngai loh avangin. A thar zel thin tuk tinin i rinawmna a ropui e”
BIBLE THAR AH: ” LALPA ngilneihna leh a lainatna chu,a chuai ngai lo. A thar zel thin tuk tinin; A va rinawm tak em!”
A hkawi zawk nge “poetic in hre mai em?
Lehlin thar hi a tha viau na a, “mel (mile) sawi nana ‘km’ tih an hmang leh Isua naupan laia an koh dan “Mama” tia an lehlin hi ka duh vak lo. Mizo tam tak hman ni mahse “kilometre” ti kher khera hmang kan awm tih an hre lo ani. Naupang zawng zawng “Mama” tiin kan ko bawk hek lo.
January 4th, 2011 at 7:55 pm
Sony, last para hian min ti nui suk NOI 😀
January 4th, 2011 at 7:56 pm
THUHRILRU 11:9
KJB
“Rejoice, O young man, in thy youth; and let thy heart cheer thee in the days of thy youth, and walk in the ways of thine heart, and in the sight of thine eyes: but know thou, that for all these [things] God will bring thee into judgment.”
NIV
“Be happy, young man, while you are young, and let your heart give you joy in the days of your youth. Follow the ways of your heart and whatever your eyes see, but know that for all these things God will bring you to judgment.”
Mizo Bible lehlin hmasa
“Thalaite u, in that lai chen ula, In la naupang viau lai hian hlim rawh u, Amaherawhchu Pathianin in chungah Ro a rêl dawn tih hre reng ang che u.”
Mizo Bible lehlin thar
“Thalaite u, in that lai hun hi chen ula, In la naupan lai hian hlim takin awm rawh u. In duhzawng chu ti ula, Tha in tih angin awm rawh u. Amaherawhchu, in thiltih angzelin in chungah Pathianin ro a rel dawn tih hre reng rawh u.”
He lai chang kan lehlin hi a kimlo ka lo ti fo thin a mahse lehlin tharah hian an rawn ti kim taa. Lehlin hmasak hian KIJ hi an hmang amaw chu aw ka ti deuh, mahse “Follow the ways of your heart and whatever your eyes see” hi an letling telloa, lehlin thiam pawh a har viau in ka hria
Lehlin thar hian NIV hi an follow niin ka ring a, A hmasaa awmlo (a chunga ka sawi tho) khi “In duhzawng chu ti ula, Tha in tih angin awm rawh u” a rawn belh ta a ni. He thu hi NIV a mi “Follow the ways of your heart and whatever your eyes see” nen khian a inmil chiah bawk a ni. Tichuan a awmzia leh a tum pawh a kawk viau ta in ka hria.
He lai chang hi ka lo vei ve em em thin a, a chhan chu thalai tamtak hian kan uar viaua mahse a sawi tum hi kan thelh hian ka hre thin. Thilsual anga lang silo (condemn mai theihloh) mahse dik chiah bawk silo kan tih chak em em ah he thu hi hmachhuana mahni dahlau phahnan kan hmang lek2 fo.
A ziak tupa Solomona hian a mangan vanglai taka a ziak a ni a, hlim a thlalel ngawih2 ani tih hriat a thaa. Mangang taka leh rilru tuihal taka “Hlim takin awm i tum ang u hmiang” ti a rilru hah tawngkam a ni.
Ka rilrua awmdan hi sawifiah mai ka tuma a thui dawn tlat ‘Try to catch it’ 😀
Lehlin hlui hi ka bel zawka a thar aichuan mamawh thutah chuan ka la hmang fo. A thar hi kala bel tamlo, a rawn chhuah khan ka chang rawn tarlan hi chu ka bih vata a dik viau tawhin ka hria.
January 4th, 2011 at 7:57 pm
Mizo Bible hmasa kha chu chhiar te leh hriatthiam te pawh a har deuh a, Bible nal taka chhiar thei kha chu ‘lehkha chhiar thiam tak leh mizo tawng thiam tak an ni’ an ti thin a. Tunlai Bible chhiar awl lutuk leh thawnthu bu a tawgkam hman ang lek te hmanga Bible a’n chhuak ta hi ngaithei lo tam tak an awm. Kei pawh ka ni… Bible hi chu thawnthu bu satliah mai2 anga thu pawnlang lutuk hman na chi ah ka ngai lo….. a ril deuh raih tura ni.
Mahse mitam ber in kan hriatthiam awlsam tura an lo chhuah ve hi chu a tha ve tho mai…. 😮 😮
January 4th, 2011 at 8:02 pm
Asteric, “In duhzawng chu ti ula, Tha in tih angin awm rawh uâ€. Tha kan tih ang zela kan awm emaw, kan duh ang zela kan awm te chuan, mi pawi te pawh sawi a awl viau lo’ng maw? Mi hawiher thlir zelin kan nung zawk turah ka ngai mai asin hairehai 😀 :rawn chimawm ve hrim2 mai2: 😆
January 4th, 2011 at 8:19 pm
Pu Hv a dikviau mahse he thu hi KIJ ah leh NIV ah hian a awm ve ve a Mizo Bible hmasa ah khan a awmlo ka tihna nia. Heimi thu chauh kan lak chuan a dik dawnloa, mahse hemi thu a tel hian a dawt chiaha thu awm “Amaherawhchu, in thiltih angzelin in chungah Pathianin ro a rel dawn tih hre reng rawh u” tih ah hian a ziaktu tuihalna alang chiahin ka hria. A hma kha chuan nun chenna lam kha a huam zau viauin ka lo hriaa
January 4th, 2011 at 8:27 pm
Asteric, English pawh hian maw,
“Or do you not know that the unrighteous shall not inherit the kingdom of God? Do not be deceived; neither fornicators, nor idolaters, nor adulterers, nor effeminate, nor homosexuals, nor thieves, nor the covetous, nor drunkards, nor revilers, swindlers, shall inherit the kingdom of God. And such were some of you; but you were washed, but you were sanctified, but you were justified in the name of the Lord Jesus Christ, and in the Spirit of our God.” (I CORINTHIANS 6:9-11).tih kha, “homosexuals” an paih daih alawm hairehai zialo thin asin 😀
King James Bible
Know ye not that the unrighteous shall not inherit the kingdom of God? Be not deceived: neither fornicators, nor idolaters, nor adulterers, nor effeminate, nor abusers of themselves with mankind,
January 4th, 2011 at 8:31 pm
#16 @Sony Mizo Bible lehlin hmasaah ‘Son = Ka fa’ a tharah ‘Son = Mama’ a intia, a hlui pawhhi a dik chuang dawn em ni? Naupang zawng zawng ‘ka fa’ kan tichuangloa, Son chu fapa ania ‘ka fa’ tih chuan hmeichhia nge mipa a hriatloha ‘Mama’ tih chuan mipa anih a chiang zawk lawmi, nge ‘ka fapa’ tih hmang zawk se i duh 😆
January 4th, 2011 at 8:34 pm
Asteric#23, mihring thlah chhawn emaw fate sawinaah ‘fanu’ tih kher loh chuan ka fa tih chuan mipa a kawk zel ang, Khasi, Garo, jaintia ah chuan thuhran a ni mahna.
Chumi chuan chumi chu a hringa tih sawinaah pawh mipa hming hlir i hmu ang, Bible ah pawh, Mizo thlahchhawn dan ah thleng pawn. Ila naupang deuha i hrelo pawh a ni mahna 😛
January 4th, 2011 at 8:39 pm
#24 Haha… he thu hi Marin Isua Templea a awm laia a kohna kha ania, fanu lo nita se engtinnge a koh tak chuan ang? Generation chu Son ah a awm tihchu a hriata mahse hei chu kohna ania… Pichiuuu 😆
Chuti anih chuan “Ka fa te sualnaah chuan ka na….” tih hian mipa chauh a tihna mi? Ka fa tih chuan Comon Gender sawina lawm
January 4th, 2011 at 8:43 pm
Bawiha, fanu a nih chuan ‘my son’ a ti hauh lovang le. A duh leh bat/biti a ti ang a, a duh leh(English chuan) darling/sweetheart te pawh a lo ti mahna.
Son tih khi ‘kafa’ ti a an letling a nih chuan a dik lohna pawh ka hre chuanglo, i hman than loh vang mai a nih hmel. Thumal, “fa” hi ‘nu’ (hmeichhia sawina) a telloh chuan mipa a ni nghal sa tih ilo hre tawh dawn nia 😛 Mihring sawinaah hian Bible ah te Mizo thawnthu ah te hian ‘fanu’ anih loh chuan mipa a kawk bik deuh zel ang. Amaherawh chu common gender ang pawn hman na hun a awm ve tho tih hre bawk la.
January 4th, 2011 at 8:48 pm
Haha… tu chhuan sawinan chuan a dik tehmeuh mai, inkohnan chuan ka fa tih hian mipa a ni ngeie tihna ani chuang lo. Bible a zawlneite hmanga Pathianin Israel te kohnan ‘ka fa’ a hmang thin bawka mipa leh hmeichhia an zavaia a kohna a ni, mipa chauh a tihna nih chuan a dik nanggggg….le 😆
Heta Marin Isua a kohna Luka 2:48 hi i hriatngai ni miahlo se sakhaw dang lehkhabu ami amaw he chang ang chauh hi lo awm se chhiar ta la huai takin mipa a ni i ti ngam miahlo ang 😆 i hriatsa vang mai mai ni
January 4th, 2011 at 8:51 pm
Bawiha, ka ziak khi chhiar chiang teh.
A thu hrimah, ‘Ka fa’ tih tawp tawngkam hi hmang an awm vak lovang, an lo hmang a nih chuan hmeichhia an sawi lo hrim2 ang tih hre sa ang che; ka fapa tih nen tawngkam awmze inang chiah a ni e. Mahse, “ka fate,” a tih erawh chuan mi tamtak (pakhat aia tam) sawina a nih avangin mipa chauh a huam lo ang.
Mizo tawng dik a nih chu, i upa deuh anga kum 30 ral i kai hunah chuan i hre ve zawm zel mahna! 😛
January 4th, 2011 at 9:01 pm
@28 Naupan tir miva tum ve male….hmel en ai hian kan u zek tawh ania, kei aia naupang funny tepawh anla awm alawm le 😆 😆
January 4th, 2011 at 9:07 pm
Asteric, ka hre reuh lutuk che hairehai 😆 NOI
funny maw, naupang putar alawm 😆
January 4th, 2011 at 9:09 pm
Pu Hv i chhui khamaw IP address leh a gmail hmanga heta rawn Sign In ka nia, ka awmpui ka nau a nih kha…dah maia 😆 😆
January 4th, 2011 at 9:14 pm
A zir mi tena uluk tak maia in han ziah dap mai hichuan hlut pui dan tawk hrelo mah ila, dahthat atan kan lo it vawng vawng mai thin alo ni e. Hei pawh hi dahthat ka tum.
Kan pawmdan in ang veklo mahse i ziaktha ka ti khawpmai. Amaherawhchu, a ziaktu tunge? A let tu tunge? A let dik em diklo em tih vela inhnial luih luih aia tha chu kan hriatthiamlai zawm mai hi a ni in ka hria.
January 4th, 2011 at 9:37 pm
#31 Thluak chhaih Thluak chhaih…haha.. 😆 😆 😆
Ruai Theh lawk ang 😆
January 4th, 2011 at 9:47 pm
A ziaktuin kum 2005 vela Thuthlung thar lehlin a sawi hi Fundamental Baptist Church (Chanchinmawia Pawl kan tih thin kha) hi lehlin kha a ni mai em. Anni khan KJV atanga letlingin an insawi a. Ka belchiang tam lo.
Pu Biaksiama lehlin Parallel Bible hi mimal lehlin a nih chhung chuan rintlakah ka ngai lo. Tumah famkim kan awm si lo va, a famkim lohna a lan ve ngei ka ring tlat bawk. A Bible lehlin tawp a thu pawimawh zual hrilhfiahna a dahho pawh ama mimal duh dana hrilhfiahna, a zatve vel chu hun hnuhnung lam hawi a ni!
Kei chuan Original language atanga literal translation lehlin thar hlak hi chu kan la mamawh chuan ka hria.
#11 Sekibuhchhuak, tunlai hian hman kum deuha BSI buatsaih Mizo Study Bible hi lei tur a tam lutuk a sin. Kei pawhin ka lei thar.
January 4th, 2011 at 11:36 pm
Sawi tur ka va hre lo em, Sipai bo ka bang map mai, misual ho hi in lo fin viasu hi le… 😆
January 5th, 2011 at 7:03 am
A ziah thui vang hrim hrimin a fakawm e! 🙂
January 5th, 2011 at 8:17 am
Fundamental baptist churh khan an letling ve tak a sin.
Kei chu a lehlin hlui hian ka lung min len zawk a. Thumal thenkhat leh tawngkam kauchheh thenkhat erawh thlak awm tak2 a awm. eg.
Kan tan “naupang’ a lo piang a…han tih ang chi te. Tin, ..fuliafa..tih te.
A thu nazawng thlak kual vak erawh tha ka ti lutuklo.
January 5th, 2011 at 12:02 pm
Mi(sual) zingah theology mithiamte in lo awm nual bawka, he zawhna hi min chhang thei in awm em le?
Dr.Biaksiama kutchhuak niawma in sawi Parallel Bible ah hian Mathaia Bung 6:13 ah he thu
“Lalram te, thiltihtheihna te, ropuina te, chatuanin i ta ani si a, Amen” tih, Mizo Bible lehlin dang leh King James Version a lang lem lo a awm a. NIV Suty Bible ah chuan a footnote ah “some late manuscipts one,/for yours is the kingdom, and the power and the glory, forever, Amen” tih an ziak tel a.
Kei layman lo ngaihdan chuan Lal Isua sawi loh pui loh belh thu a awm si lova, a sawi anih chuan eng vanga KJV leh Mizo Bible hmasa lama telh loh annih ka va hre chak ve. Hei hi kan chham zing phian si a.
January 5th, 2011 at 12:25 pm
I ziak tha khawp mai, ka ngaihdan zulzui deuh vek a ni e. KJV bakah lehlin hlui hrim hrim atchilh bur mai hi a tul lem lo khawp ka ti ve.
Bible original text hi a hun laia tawng tualleng hmanga ziah a ni a, a ziah hun lai hi chuan literature un tak pawh a ni love an ti tlat mai. Chuvangin tunlai mite hriatthiam theih dan tur awlsam mila Bible tawngkam up date hi ‘liberal’ viauva ngaih tur pawh a lo ni awm lo asin.
I sawi lan ang khian KJV a tawngkam za tam tak hian tunlai atan chuan awmze dang daih a kawk tawh. Tawngkam up date pawimawh zia chu ‘gay’ hlim tihna mawngkawhur sawi nana kan lo hman daih tawh atangte hian a lang a ni.
Text authentic zawk ‘Qumran text’ an hmuhchhuah hma a KJV hi chu lehlin a nih avangin version authentic ber a ni hauh lo.
Heti fakauva KJV ngaihlu pawlan la awm hi chuan British imperialism kha a la reh fel lo tih a entir ni maiin ka hria. Thenkhat phei chuan ‘colonial version’ an ti hial asin!
January 5th, 2011 at 1:00 pm
Mi(sual) zingah theology mithiam in awm nual bawka, Dr. Biaksiama kutchhuak nia an sawi Parallel Bible ami Mathaia 6:13 ah
“Lalram te, thiltih theihna te, ropuina te, chatuanin i ta ani si a, Amen”
a belh hi KJV leh Mizo Bible hmasa lama lang lo, nitin deuhthaw kan chham zinga tel lawi si ani a.
Lal Isua sawi loh pui lo telh thu awm si lo, tlang chunga a sawi tel si Bible atelh si loh lah zialo hlei hlei. Hei hi eng vang gne nia ang le?
January 5th, 2011 at 4:06 pm
Ngaihnawm hle mai. English Bible tamtak hi chu a un lutuk a hriatthiam a har ve khawp mai. NIV hi a tha viau ka tan chuan.
January 5th, 2011 at 4:42 pm
King James version hi rinkai tak, chuti em em ni hran lo a ang tan ta … Revised Version a awm nachhan pawh hi King James Version-a kimchang lo hrual nawn lehna a ni tih hre phalin, hre ngam ila —a tha ve pah reng.
Tunlai chhanah chuan Version tha tak tak a rawn chhuak ta chiai chuai mai! “King James Version” ring bur maitu kan nih pawhin a chhe hran lo ve; a pawimawh ber zawk chu … ORIGINAL RENDERING kha a ni; khang ngei kha INSPIRED tia sawi hlawh chu an ni a, tunlaia lehlin kual tawh hrep sawina emaw ti tawk kan awm mai thei, kan thelh ru hret ngei ang.
January 5th, 2011 at 4:52 pm
Dr. PC Biaksiama ziah Mizo leh Sap Bible ni kawp (new King james version) hi tha tak ani ….ka recommend khawp mai thalai tan phei chuan 😮
January 5th, 2011 at 5:16 pm
King James Version leh version lo tihvel aichuan Isua Version hi kan thinlungah awm sela a tha mai 🙂
January 5th, 2011 at 5:19 pm
@ funny….buh ti tui turin chaw hmeh vel hi a pawimawh teh mai ania 😆
January 5th, 2011 at 5:27 pm
Zualbonez: Funny a chuan buh chaw a chhum ai chuan a um tawih tui a duh zawk 😆
January 5th, 2011 at 5:33 pm
lalbadboy, khawnge i U Frost-a hi? min lo biak rawn aw..a jokes a nuih leh vur² tawh ka chak a nia..lo hrilh rawh aw.
Funny, i sawi dik ltk…eng version pawh hi han bel chiang em em phawt mai ila, tiraw?
rei tak online loh hnuah ka rawn lut dek dek a, ka rawn Off topic ngah zot² mai…sorry ltk, Mr RE Ralte
January 5th, 2011 at 5:37 pm
BMW: krismas leh kumthar boruak ala zolo, kumhlui thlah zan ala hmang char2 😆 😆
Bible hi chu lehlin hmasak ber kha, a thar te ai hian hlut na a nei ve riau in ka hria
January 5th, 2011 at 5:50 pm
Pi BMW< frost a pic chu i rawn ru em? 🙂
January 5th, 2011 at 5:50 pm
🙂
January 5th, 2011 at 5:51 pm
Phek thar kan kai ange
January 5th, 2011 at 7:18 pm
Tawng dang atanga letling tur chuan, literal translation chu a thei lo tluk a ni; interpretive translation an ni deuh vek. Interpretive translation te zing ah chuan New International Version hi thra ka tih ber. New American Standard Version pawh hi thra ka ti a, mahse “American” tih a tel tlat avang hian ka hmang duh vak lo. Chuan KJV chu Qumran Scroll an hmuh hma-a an letling ani a, chuvangin duh angin a kim thei lo; a language erawh chu thra ka tih ve khawp.
January 5th, 2011 at 8:09 pm
@Sony_ Tuna i sawi lai tlar “Ram te, thiltih theihna te, ropuina te, chatuanin i ta ani si a, Amen” tihlai hi ‘Doxology (ropui puanchhuahna)’ an ti a, he tawngtai kharna kan hmanlar em em hi 1928 a Anglican Kohhranin an belh a ni. Catholic ho pawh khan rei tak an telhloh hnuah 1969 ah he doxology hi an chham telve ta a ni.
A tir chuan a ziak ang ang hian an hmang thina(Luka ziak aiin Mathaia ziak ami hi an hmang ber), a hnu zelah puithiam ten tawngtaia Pathian ropuina an puan chhuahna thu lar em em
“For thine is the kingdom and the power and the glory, of the Father, and of the Son, and of the Holy Spirit, now and ever and unto ages of ages”
he thu hi an dah tel ta a ni. An lakna (origin) chu Bible chhung a mi tho 1 Chronicles 29:11 hi a ni. He thu hi Davida in Pathian a fakna kha a ni a Roman Catholic hmasa chauhlo Lutherans ho pawh khan Lord’s prayer a tellohin tawngtaina dang ah chuan an chham ve bawk thin a ni. Hun alo kal zela tawngtaina lar tak ni bawk chu Lal Isua tawngtai dan min zirtir khar nan an hmangta niin a lang. Kohhran sitrik tak Catholic pawhin a mawi a tiin alo hmang ve ta a ni.
Chhang tura i beisei mi khi chu ka ni hauhloa an rehduak sia ka hriatdan ka lo sawi ve a ni. :happy:
January 5th, 2011 at 8:57 pm
Asteric, ka lawm e.
January 6th, 2011 at 3:14 pm
@ RE Ralte :
Parallel Bible letling tuten KJV atanga an letling anga i sawi hi i hresual a ni lo maw? Ka lo hriat ve dan chuan version hrang hrang an hmanga, NKJV an hmang ber niin ka lo hria.
NKJV hian OT ah chuan manuscript rintlak bera ngaih Masoretic Text a hmanga; NT ah chuan KJV ang tho in Textus Receptus chu a hmang ngei a, mahse Textus Receptus-a copy error awm ang ang te chu manuscript dang nen compare-a siamthat an ni a. Tin, Textus Receptus hi manuscript rintlak ber bera ngaih Codex Sinaiticus leh Codex Vaticanus te aia a content ah chuan original lohna a awm chuang lo [copy error a tam tih erawh zep thu a cheng lo]. Chuvang chuan parallel bible hi an tihsual emaw, lehlin diklo chiang taka sawi fak tur hre lo chuan lo sawinep vak chi niin ka hre lo. Tih emah chuan tuna kan bible hmanlai pawh hi sawisel bo chu a nih bik loh hi.
Serampore chhuak kher lo hi bible letling tur hian Mizoramah mithiam an tam tawha, an la awm dawn chauh tih pawh hi hriata pawm theih a hun tawh hle a ni. Thikthu tihchhiat lutuk tur a ni love.
A thu hrimah Mizo zingah hian bible letling tur khawpa Greek emaw Hebrai tawng thiam an awm ka ring lo 🙄
January 6th, 2011 at 3:55 pm
Mizo (BSI) Bible Hnualsuatnaa ngaihsak lovin, thahnemngaihna-ah ngaisak zawk la, i rilru a dam zawk maithei a sin 🙂
February 4th, 2011 at 12:18 am
Inla conservative/evangelical deuh ho hi kohhran siamtha tu aiin tibuaitu Mizo ah chuan an ni duh chawk …