Zan Tihbaiawm!

January 13th, 2011 12:01 am by kawlhawk

Zanlai Dar 12:00 a pel ta! Engin nge maw min mawlh tehreng ni, ka muhil thei reng reng lo mai a… muhil turin ka mut a chhuak thei tlat lo!

Chhun lama kawmchhak tlangval inawkhlum, bual ina a inkhai lai ngei kan han hmuh vang pawh niin ka hre lo; mahse, min mawlhtu erawh a awm chiang! Ka nupui fanaute chu ka en a, an mutui hle a. Chù zan reh, khawvawt vin tak hnuaiah chuan an pa hi engemaw vangin ka mu thei lo tih reng an hre lo. Ka tho a, khum mawnga tukverh chu ka va hawng a. Thla a lo èng paw ruih a, zan chu a reh hian a reh tlawk tlawk a ni ber. Tukverh hawn ruala thaw heuh heuh thin – Hmar thli te pawh a chawl thup a, thenawmte vawkpui thaw ri hrut hrut bak hriat tur a awm lo.

Darkar chanve dawn tukverh bulah ka thut hnu chuan, kawmchhak – mitthi In lam atangin Ui an rawn ú chuah chuah a. Thenawmte Zawhtepui pawhin lo zàwm vein, uar takin a lo tap chiam bawk a. Chù zan-thiang reh tak chu thawklehkhat-ah zan tihbaiawm takah a chang ta! Chutah, khawi atanga inmun nge pawh hriat loh thli vawt em em hi min ep zawngin a rawn vir lut tup tup a, chhungrilah hlauhna a rawn lut ta! Thàuah min man, tiril a khur, hlauhawm lo thleng tur hriatnain ka khat…

Hmanhmawh takin tukverh chu ka khar a, ‘eng nge ka tih tak ang? Kei hi, tihthaihin ka awm a, hlauin ka khur a ni. Ni e, ka hlau chhiava a ni.’ Pachang a pachan theih loh a, mipa ka pa thei ta lo! Kaiza sài hlawk hlawkin khumah ka lawn a, tlawm leh zah pawh dawn loin ka nupui leh ka fate inkar, a lailumah chuan ka inthawlh khur dàr dâr a. Hetiang reng reng chuan… hlauh vanga ka thih mai loh nan, ngaihtuahna dang neih vat thain ka hria ta a–

Bo chhar : “Pawisa/Rangkachak/Cell phone/Bag, a chhunga thawmhnaw awm/Ui…etc… chhar a ni a; a neitu chuan, tun thla chhung ngeia rawn lam tur a ni. Hun tiam a pelh tawh chuan sawibuai theih a ni lo ang…” kan ti fo a. Thil chhar, neih hlen tum loa puangzartute hi ka fak em em a, chhar ve ta ila ka puangzar duh kher ang em aw… ka tihial thin. Chutihlaiin, kan puanzar dan erawh ‘mak’ tih deuh ka nei. A lam hun chhung bituk a, chuta lam hman lo chu “sawibuai theih a ni lo ang” kan titel kher thin hi! Hei hi dan phal a ni em? A lam hun chhung bituk sak theitu kan ni em? TV leh Chanchinbu-a kan puanzar kha hmu lo leh hre lo te pawh an awm thei si a. Pawisa, Rangkachak leh Cell phone ang chi te ngat phei chu dahthat harsa leh lo kawlthat buaithlak em em lah a ni der si lo. Kan fel ta sa sa… kan puangzar ta sa sa… kan chhar ve hun chuan, a lam hun chhung bituk sak loin, a neitu na nana chuan a duh hun huna a rawn lam theih nan hun i hawng ang u hmiang…

Hnawk/Hlauhawm : Kamchhe tleuh nan Tuikuk kan hmang a, Kut-thak hiah nan Vai kan hmang a, Burma ho talhfiak nena kan um dur dur lai hian– Bangladesh, Manipur, Tripura, etc… atangin kan hmel a’npui, kan hnampui ni si lote phalna nei loin an rawn lut ruih ruih tih kan hria em? Aizawl khawpui a kan hmel ang pú – Zo tawnga biak theih si loh, ILP/ Visa, etc… pawh nei lo an tam tawh zia te hi kan hmu em? Tuikuk chu Sorkarlaipui hriatpui anni a, Vai chu vai anni a, Burma ho lah mi sual pakhat vang chauh pawha a phur phurin duh hun huna talhfiak nen kan um chhuah ngamte an ni a. Chutihlai-in, heng, (Bangladesh, Manipur etc…) mite erawh an fing-kherekin an taima em em a, kutthiam an ngahin sum zawn an thiam em em bawk a, in hmun lo/ram te nen an inbengbel sauh sauh mai. Thawkaphita kan sawi – Tuikuk, Vai, Burma mi kan tih fô te ai hian, he ram leh hnam tan khuareiah an hnawkin an la hlauhawm thei zawk ang em?…

tih te, chù zan tihbaiawm takah chuan, ka nupui leh fate inkara inlu-khuh hlùn chungin ka ngaihtuah vel ta mai mai a…

49 Responses to “Zan Tihbaiawm!”

1
khumchikthei Says:
January 13th, 2011 at 12:01 am
A thbaiawm em mai zan a chhiar atan chuan, naktuk zing a chhiar hmasakah dah teh ang.

…khrum
Report this comment
2
awmawmpuia Says:
January 13th, 2011 at 12:04 am
Ngaihtuahchhuak tha hle mai.
Report this comment
3
kawlhawk Says:
January 13th, 2011 at 12:09 am
Ngenna : A bul tanna leh a tawp lam thu hi a inpersam em a, i chhiarchhuak hram ang u aw…
Report this comment
4
kawlhawk Says:
January 13th, 2011 at 12:09 am
Ngenna : A bul tanna leh a tawp lam thu hi a inpersan em a, i chhiarchhuak hram ang u aw…
Report this comment
5
H.Vangchhia Says:
January 13th, 2011 at 12:11 am
#3 & #4, Vawi 2 chhiar chhuah tur i tihna em ni?
Zohnahthlak te hi tumah ka en hrang lo, mimalin ka en mai thin. Lai (Pawi), Hmar, Zomi (Paite), Ralte, Mara (Lakher) an nih chhung chuan, Lusei tawng thiam chauh hi Mizo ah ka ngai bawk heklo
Report this comment
6
beethugs2 Says:
January 13th, 2011 at 12:15 am
Bo chhar hi a tlangpui in a tibo tute tana informative tur ang ber in an tilang tlangpui thin. Pawisa te kan lo chhar anih chuan mihring ve mai tan chuan hman alo awl ve viau mai a. Tiam hun chhung pawha an lam loh chuan tiam hun chhung hnuah phei chuan an lamin a rinawm lem loh. Chuvang chuan lo hman tangkai ve mai kha pawi pawh ka ti leu.. Ve tlat mai a. Ziak tha hle mai a..
Report this comment
7
TuaiSialA Says:
January 13th, 2011 at 12:19 am
Ka chhiarchhuak chiang khawp mai! ‘Kaiza’ tih khi type kim loh vang a ni em ang chu maw..
A tha leh pek e! Thlahrang chanchin i rawn ziak dawn emaw ka tia, mi bum chiang khawp mai! I ngaihdan khi ka pawm, ka ngaihdan chiah a ni.
Dar 12:01-a published a ni a, a thu bultanna nen pawh a inpersan lutuk lo khawp mai!
‘Manipur mi’ i tih zingah khian Paite an tel ka va ring e..! Mizo an ni ve tho va, Mizoram hi an ram a ni ve tho a nia aw…! Anni tan ILP neih a ngai lo turah ka ngai!
Report this comment
8
funny Says:
January 13th, 2011 at 12:21 am
Vawikhat chu, kan thianpa khawlai leng hi ui buk chi pakhat hian a zui haw tlat maia, In a thlen hnu chuan rawn zawng an awm ang tih kan hlauh zia chu a. hehehe: a hming a phuah pawh “Raja-a” ngat. Kan veng chanchinbu ah chhuahin kar khat lam hun chhung a hawnga tuman an rawn lam silova kan ei daih. lolz
Report this comment
9
lrpa Says:
January 13th, 2011 at 12:25 am
Kawlhawk hi ziak thiam riau zel mai.
Hetiang lam thu hi kan in zirtir nasat angai khawp mai, engmah nilo ho zawk hian sawrkar thu nei tute hi nawr reng an ngai mai hi a hahthlak khawp mai. Pawngpaw Mizo huang tih zauh lutukte, hmalam hun thlir lek lo a hnahthlak tih chhente hian thil tha a rawn thlen dawn lo tih hi chu misualah pawh hian ka comment hnem ve thawkhat tawh! Kan dinhmun hi tihtakzet a thlir chian a pawimawh ta khawp mai.
Very good post..
Report this comment
10
beethugs2 Says:
January 13th, 2011 at 12:29 am
Kan changkan loh nen nen hian lo conservative ve viau pawh hi ni chuang lo.
Report this comment
11
kawlhawk Says:
January 13th, 2011 at 12:30 am
HV, Zohnahthlak ka sawi maiah lo a nia aw… Kan hmel ang pû, Zohnahthlak ni si lo te a nia ka sawi. An tam chak teh a nia… Hnam chungchangah chuan i ngaihdan leh ka ngaihdan hi a inthlawp thlap thin.

Tuaite, ‘kaiza’ haha… Thanks! Hei vang hian lawm, Post chhuak tawh pawh edit theihna power hi neih ka chak thin. Kan ennawn tlut2 hman thin si lo a…
Report this comment
12
chhawkhlei Says:
January 13th, 2011 at 12:35 am
Ngenna ang chuan ka chhiarchhuak e, mahse a dawizep hmel e, a port tu pa hi. Nupui fanau te bulah a laiah a mu . . Ha. Ha.Ha.
Report this comment
13
taituki Says:
January 13th, 2011 at 12:37 am
ka lo hlau hman dawn alawm le….i ngaihtuahna chu tha hle mai
Report this comment
14
Krista Says:
January 13th, 2011 at 12:38 am

Report this comment
15
kawlhawk Says:
January 13th, 2011 at 12:42 am
“…kan hmel a’npui, kan hnampui ni si lote…” ka tih lai tak khi chhiarkan suh u
Report this comment
16
Krista Says:
January 13th, 2011 at 12:46 am
A va han za tak em..a za lutuk….
Report this comment
17
kawlhawk Says:
January 13th, 2011 at 12:48 am
Krista, eng maw..?
Report this comment
18
Krista Says:
January 13th, 2011 at 12:55 am
Ka thiante hi an nui ve zel ang a ka sawi duh lo…

A ngaihnawmin a awm zia hle mai i post hi…. Mangtha phawt. Ka nui tawh miah lo ania…
Report this comment
19
Vitamin_C Says:
January 13th, 2011 at 12:56 am
Ka chhiarchhuak…i ngenna cht tih hlawhtlin a ni e kan hmel an pui kan hnam ni si lo chu tute nge niang le??
Report this comment
20
beethugs2 Says:
January 13th, 2011 at 12:58 am
Chinese, Korean, Japanese, burmese…
Report this comment
21
H.Vangchhia Says:
January 13th, 2011 at 1:01 am
Kick out ula a ni mai alawm
Report this comment
22
Kymkym Says:
January 13th, 2011 at 1:14 am

Report this comment
23
hmar nanawm Says:
January 13th, 2011 at 1:17 am
Rs.410 Park ah ka chhar e, a tibo chuan khawvel awm chhungin a lam theih e
Report this comment
24
TuaiSialA Says:
January 13th, 2011 at 1:18 am
@Taituki: K’u Kawlpuia hi kan chhuanvawr a nih hi aw..! Krista nuih chu nupui fanaute laia mut khi a nih ka ring, Chhawkhleiin a rawn la vung bawk sia!
@beethugs2: K’u Kawlpuia sawi zingah Chinese, Japanese tih vel a tel lo tawp ang, kan ramah hmuh tur an tam lo em mai.
K’u Kawlpuia’n Burma chungchang chu fimkhur takin a rawn ziak tel a, he post-a a sawite zingah an tel lem lo vang. Mahse, ka’n zeh tel mai mai duh chu, helaia keini’n hmusit taka kan ‘Burma mi mai mai’ kan tihte, Burmese kan tihte khi kan unaute, Mizo rau rauah pawh inti-Mizo em em thinte an ni tih i theihnghilh lo vang u; Mizo ni vek lo mah se.
Report this comment
25
nastycool Says:
January 13th, 2011 at 1:20 am
Hmulthi ding sung sung mai a!! Tin, a 2 na khi ngaihtuah ti thui khawp mai.
Report this comment
26
TuaiSialA Says:
January 13th, 2011 at 1:20 am
@hmar nanawm: Cheng 410 park chu khawiah nge a awm? Park-ah cheng 410 tih tur a ni zawk lo’ng maw?
Report this comment
27
H.Vangchhia Says:
January 13th, 2011 at 1:24 am
#23 ka tihbo a ni tlat lo mai ka cheng 200 (Rs) neih angaiin ala awm e
Report this comment
28
mifeltea Says:
January 13th, 2011 at 1:46 am
Teh daih chuan le…!! Chutiang khawpa i hlauh lai pawhin thil tha tak i ngaituah chhuak thei bika, . Kei chu min lo tham thut mai anga tih bak ka ngaituah pawh ka ring lo…
Report this comment
29
Thal-ro-mawia Says:
January 13th, 2011 at 2:44 am
#5…mara unau te hian,mizo tih hi an duh vak lo,an mahni paw’n ‘nangni mizo chu’ min ti deuh kher zel. Mizo ini tih pon mizo kn ni lo ti hian min chhang fo. Chuvangin kan sangawi zawnpui theih lohtur nana na sawm talh chu in thurual lohna atam ting mai lo mmaw?
Report this comment
30
H.Vangchhia Says:
January 13th, 2011 at 2:49 am
Thal-ro-mawia #29, Hnam hi tawngkam, khua leh ram vang ni lovin, thisen vanga awm niin ka hria.
Report this comment
31
caribou Says:
January 13th, 2011 at 5:14 am
Thuziak chihnih ngaihnawm tak tak tur te, hmun khat ah i rawn dah khawm thei a, a mak dangdaiin a ngaihnawm khawp mai.
Report this comment
32
ruatruatapa Says:
January 13th, 2011 at 7:25 am
Min bum chiang hle mai. Thlahrang chanchin chhiar ka lo tum a…

Post tha tak, fimkhur taka ziah a ni.

Hnam thil post dawn hi chuan fimkhur lehzual a ngai/tul a. Tute emaw rilru tihnat a hlauhawm a, kan fimkhur tlan a tha a ni. Postupa a fimkhur a, a tha. comment tu lam erawh duhthusam loh tawngkam a awm; mahse, dem theih a ni lo, an tawn hriat a ni miauva…
Report this comment
33
Maisek Says:
January 13th, 2011 at 7:43 am
Kawlhawk, i van dawih ker kur tak ve! Chhawkhlei pawhin dawih a tih hial tak che chu! Hmanah Selinga thingpui dawrah ka purse ka theihnghilh a, ka chuanna bus conductor (hmelhriat ngai loh) hnena ka sawi chuan, naktukah kan chho leh dawn a, ka lo en sak ang che atia! A kar leh ah chuan ka purse chu a chhunga pawisa kim thlapin kan inah conductor chuan ka awm loh hlanin a lo dah leh a. lawmthu sawi ka duh tehreng nen! Amah lah chu tunge a hming pawh ka hre si lova! Pathian hnenah lawmthu ka sawi ringawt! Mizo te hi kan lo la rinawm hle ani!
Report this comment
34
littlerascal SobeR Says:
January 13th, 2011 at 7:53 am
Misual “HERO” kawlhawka meuh hlau in a khurh chuan a rapthlak bon top top a niang
Report this comment
35
triplestar Says:
January 13th, 2011 at 7:59 am
I kawmchhak lawkah nula tlangval leh thalaiten miththi an lumen laia i lo mut kuk bik vang a nih chu

Mahse i ziak tha viau lawi si
Report this comment
36
Maisek Says:
January 13th, 2011 at 8:06 am
Kawlhawk, i point pahnihna hnawk/hlauhawm tih khi chu…. ka hre chiah lo nanga… Eng hnam pawh ni ila, mihring hi chu kan zia hi a in ang lo hlawm khawp a, mi tha leh mi fel tak tak an awm laiin, mi thalo leh sual phakar tak tak an awm ve zel tho a. A hnam ang zawng ni lovin, misual/phakar te hi khua reiah chuan an la hlauhawm ber dawn zawk anih hmel! Anni lakah hian fimkhur chu a ngai ber zawk lo maw?
Report this comment
37
kawlhawk Says:
January 13th, 2011 at 8:28 am
Vaitamin@19, kan hmel anpui, mizo ni si lo hi NE leh Bangladesh velah an tam teh a nia! Chu2 nia, kan hmel ang an put vang ngawtin, zanlen takin, phalna pawhtnei si loin an rawn lut chur2 mai. Vai, burmese etc…te aiin khuareiah an la hnawk/hlauhawm thei zawk ang em? ka tih ni. Ngaihtuah tham tak a awmin ka hria…
Report this comment
38
^-||R@lT€||-^ Says:
January 13th, 2011 at 8:34 am
van ziak tha lehpek e aw… Thil tibo awm se ka van ti… Khawvel awm chhunga a rawn lam loh pon vanramah rawn lam turin kala ti cheu ang

hmaanah ramhnuai thim thamah kan bethel laiin ui pa lian tawkin min rawn liak mai chuh…! Ka sawi zawm duh tawh lo e a!
Report this comment
39
kawlhawk Says:
January 13th, 2011 at 8:39 am
Tuaite @24,
…ka’n zeh tel mai mai duh chu, helaia keini’n hmusit taka kan ‘Burma mi mai mai’ kan tihte, Burmese kan tihte khi kan unaute, Mizo rau rauah pawh inti-Mizo em em thinte an ni tih i theihnghilh lo vang u; Mizo ni vek lo mah se. :LIKE:

Maisek @36, A ni ngawt mai tiraw… A hnam ang zawng chuan hnam sual leh fel bik kan awm lo a, mi sual hi an hlauhawmin an lakah fimkhur a ngai hle zawkin ka hria
Report this comment
40
triplestar Says:
January 13th, 2011 at 8:56 am
maisek @36 comment chu a va vul nasa chuk chuk ve, kan thenawmte pangpar huan ai chuan a par mawi zawk daih
Report this comment
41
TuaiSialA Says:
January 13th, 2011 at 9:24 am
#30 chu a dik ka ti lutuk ringawt!
Report this comment
42
Maisek Says:
January 13th, 2011 at 9:33 am
#40 @ tripplestar, chutia mi? hetia comment han cheimawi hi a nuam riau alawm! smiley a tam si a, a mawi hlawm bawk si a, hman ka chak si a, a rem rem a han phum a, han cheimawi hi a nuam tlat asin! ti ve chhin mah teh! oh! sorry! Kawlhawk, ka OT zuai anih kha!
Report this comment
43
ainawn Says:
January 13th, 2011 at 10:51 am
Chhaasss ka comen zo chauh a,tihbaiawm lam a han her thut chu..a in ang lo kher mai..Darling line lampang hi a fuh asin maw le.

Lal Kawlhawk..OT lohnan,ka chhiarchhuak ngam leu..bakah mi inlak cute laia hlauhawm min chhiartir i tum hi uiii..ka thin a rim lutukk
Report this comment
44
jpaite Says:
January 13th, 2011 at 10:55 am
In nu bula i mut chak vang mai mai….hlau der. ZU leh HNAM chungchang ah chuan HV ngaihdan hi a dik ka ti thin, a la thlak loh chuan.
Report this comment
45
beethugs2 Says:
January 13th, 2011 at 1:03 pm
24
TuaiSialA Says:
January 13th, 2011 at 1:18 am

“……helaia keini’n hmusit taka kan ‘Burma mi mai mai’ kan tihte, Burmese kan tihte khi kan unaute, Mizo rau rauah pawh inti-Mizo em em thinte an ni tih i theihnghilh lo vang u; Mizo ni vek lo mah se.

I sawi awmzia ka man sual anih lo chuan Burmese kan tihte khi Mizo an nilo, kawl an ni. Amaherawh chu Burma ah khian Mizo tam tak erawh an awm thung. Burma mi mai mai kan tih leh Burmese hi ka ngai hrang deuh hlek a.
Report this comment
46
TuaiSialA Says:
January 13th, 2011 at 1:10 pm
@beethugs2: I sawi awmzia chu ka hrethiam e. Mahse, Keini Mizote hi India ramah kan awm a, Indian kan ni mai a. Burma rama Mizo awmte chu Burmese an ni mai dawn lo’m ni?
Report this comment
47
beethugs2 Says:
January 13th, 2011 at 1:17 pm
Pu HV chu America ah a awm a, American Citizenship pawh nei ani. Mahse HV chu Mizo te chuan American kan tih vak loh hi, HV chu Mizo, America a awm kan ti thau tho..
Report this comment
48
triplestar Says:
January 13th, 2011 at 1:41 pm
@maisek, chuti chu kan cheimawi(D) ve chhin

TS & beehgs, in in-draw
Report this comment
49
ChhawnBura Says:
January 13th, 2011 at 9:40 pm
Ka thil tih bo ka hmuh let leh tak pawh ka hre lo :luck_lo:

Burma lam aṭanga inti Mizo tak lo lutte nen hi chuan, chhiatni/ṭhatni ah hian kan in ṭawiawm ṭha tlangpui. A lem hi an tam ta em a ni. Manipuri leh Bengali ho lakah hian kan fimkhur chu a ṭul hmel zawkin ka hria.

Paws ṭha tak a ni :lehpeka:
Report this comment