Zu hi engvanga do nge kan nih? Mizoram kohhran ten zu hi sual leh kan kristianna tibuaituah ngaiin, sawrkar chu zawrh khapna thupek DAN khauh tak siam turin an ti a, sawrkar pawh chuan inthlan leh hun thlir ran chungin zu dona dan chu an siam ta ngei a nih kha. He dan enkawl tur hian sawrkar chuan Excise department a din thar a, thawktu pawh engemawzat lak an ni a, a tir chuan hma pawh an la chak viau a ni.
He danah hian a in hrim hrim, a rim nan pawh man theih ven an ni, mahse zu rim nam leh a in chu sawi loh, a zuarte pawh an man rem thei meuh lo chu a ni a, kohhran lam lah an ngawi leh hlauh bawk si, tichuan sawrkar chuan hna chuangtlai leh a thlawn a sum kalna Department a din kan tithei bawk ang. A khap tute pawhin an in duh a, a dan lekkhawh tute pawhin an in duh bawk.
Kan Bible in ‘ Mitdel in Mitdel vek a hruai chuan khuarkhurumah an tla thin’ a tih angin, zu in duhin zu zuar an man a, zu an man bawk a, mitdel leh mitdel kan in kal thelh nuk tawh mai a ni. Hetianga kum tan tam Excise department ten an khat rem theih tak lohah chuan Tlawmngai pawl lian ber YMA te chuan Ruihtheih thil do beihpui kum puanah hial an nei a nih kha.
Zu khapna thupek dan khauh tak a siam vang nge ni ang, kan ramah pawh Drugs leh ruihtheih thil dangte pawh a lo luh hnem phah ta hle mai bawk a, tichuan YMA leh Excise te chuan theihtawp chhuah a tang dun in hma an la ta a, YMA te phei chuan kut thlak nat deuh tum pawh an nei a ni ang, vawikhat lai chu an hming chhiat phah tep ni a sawi a awm bawk.
Hetiang a hma an han lak takah chuan rem lo mahse, a hma ang em chuan kan ramah ruihtheihthil a zalen ta lo deuh niin a lang. Thil lawmawm tak chu a ni ngei mai.Ruihtheih thil dang hi chu khawvel sualnain a kentel ve hrim hrim, kan ramin kan tawn ve a ni a, Zu erawh chu Mizoram awm hma leh Mizote hian kan hriat hma a tang tawh a khawvel thiantha tak lo ni tawh a ni.
Mizote hian thil thar emaw tiin tha leh zung sengin kan pawng beih vak vak a, zu lahin mitinte thinlungah hmun a lo khuar nghet tawh nasa mai si. Kan pi leh pute phei chuan chawimawina sangber inhlanna a tan an lo hmang thin a, an nunah zu hian hmun a chang nghet hle bawk. Thil engpawh ti dawn se, zu tel lo chuan an ti thei tlat lo, chuvang chuan kan pi leh pute an nun a bet tlat a ni, keini an thlahte hian kan pi leh pute nun leh thisen in a than hnam tawh chu lak hran a tihchhiat kan tum leh si.
Hei hi kan ram a thiltihsual lian tak kan neih, thil tha ti a kan lo inngaihna thin chu a ni. Mahni leh mahni indo chu tumah dingchhuak an awm ngai lo, hlawhtling an awm ngai hek lo a ni.Hmingthat laknana kan do a nih chuan kan la tisual hle ang. Thil reng reng hi a tha lo zawng a kalpui chuan engmah hi thiltha a awm ngai lo a ni. Thil tha thil tha lova chantirtu chu keimahni bawk hi kan ni.
Mizoram hi a awm chhung chuan Zu hi a awm reng ang, hei hi kan hriat a tha hle a ni. A reh tawh lovang, a chhan chu kan pi leh pu a tanga kan hnam nun a tanga kan lak hran theih loh thil a nih miau a vangin.
Ruihtheih thil dang hi chu theih tawp chhuah in in do ang u, kan mikhual a ni tla. Zu erawh hi chuan Khawvel ram hrang hrang leh keini Mizoteah pawh hian chhungpui fa nihna a hauh tawh tlat a vangin, tun a hmelma ang a kan enna hi kan siam that a ngai zawk a ni.
Zu hi kan hmelma a ni lova, Mizote tan phei chuan thiantha tak a ni. Do lo hian a in tute zawk mawi lo tak a an chetna tur hi khuah khirh zawk ila chu chuan thiltha leh kan hahdam tlanna min thlen zawk dawn a ni.
Zu kan dona kawngah hian sawrkar Pawh hian a dan siamte hi entha se, YMA te pawh hi a humhalh zawk tur leh a neitu chan chang zawk tur kan nih laia, khatianga Zu chunga hma an la vak kha kan tihfuh loh lian tak a ni tih kan hriattlan a tha hle a ni.
Zu in hnam kan ni, a intu an awm chhung chuan Zu hi a awm reng ang. Kan do danah hian a ram chhung mite chauh lakah kan do bur a, sawrkar sipai leh mipawimawhte zu erawh kan man sak ngam leh chuang bawk si lo.Chuvangin rualtlang zawka kan ram a zu hi kan tih zalen law law a ngai a ni. A ram chhunga mite chuan eizawnna`n kan hmang a rem chang phian leh nghal, chuvangin kan khap hi kan mualpho pui tak tak hma a a ngaihna hre tak a kan ennawn a tha a ni.
Similar Posts:
- Mizoram Nursing College building permission chungchang
- Engtin Nge An Fihlim Theih Ang?
- Tute Nge Kan Nih!? Part 5
- Kawngpui chhia mawlh hi…
- Kan eye bank hi a hmasa ber lo!
(Y)
January 16th, 2011 at 11:28 am
ngakhat
Report this comment