Source : Varparh, April 1957 issue.
Kum 1900 khan Thangtinzo-va Paite pathum thimal zuarin Chhim Lalbura khua Thingtlubuan an tlawh a. Thingtlubuan mitha leh lal upa Lamsuaka chuan Chala leh Thatkhama chu a beru a, “he Paite pathum sumdawng-ho hi daiah kalpui ila, that ila, an thi zawrh hi I laksak vek ang u,” tiin a sawm ta a. Chala te pahnih chuan Lamsuaka thu chu an thu chu an lo zawm a, Paite pathum chu daiah an hruai chhuak ta a ni.
An phiar lawk dan angin tum an lo insem lawk a; daipawnah chuan Lamsuaka chuan, “ti teh u, chem I inthleng the ang u,” a han ti a. Paite ho chuan an chem an pek veleh an tum lawk ang chuan Lamsuaka leh Thatkama chuan an tum an that ve ve a, Chala chuan a tum a chhuah ta a. Chala mi chhuah chu a tlan ta a, Aizawlah Sawrkar hnenah a va report ta a; dahrawk Pawihte Babu ‘Beguan Singh’ –a ho hovin Police chuan Thingtlubuan chu an va tlawh a.
An khaw pa-ho zawng zawng an kokhawm hnuah an Paite hruai chu a thiante thattu niawma a hriatte kawk tur chuan an hrilh a; Paite pa chuan Lamsuaka chu a kawk ta tlat mai a. Dahrawk Babu chuan, “Hei chu a ni lo vang. Dawt I sawi a ni ang. Hei hi chu an lal upa asin,” a ti a.C.I pakhat Liannawma a telva a; chu chuan a laichin pa Thatkhama hnenah chuan, “Hei, in inzep thei dawn lo ve. Inpuang ula, ‘Kei chuan ka that ve lo va, Lamsuaka leh Chala erawh chuan an tum an that a ni e,’ tiin inpuang mai la, nang chu I him ang,” tiin a lo sawi ru a.
Liannawma zilhna chu Thatkhama chuan a pawm ta a; Thatkhama a inpuang tih an hriat ve leh Lamsuaka leh Chala chu an chhungte nen an tlan bo ta a. Tuikuk-ho kuaah an zuk tlan lut a, an zingah an an zuk cheng ve ta a. Lamsuaka erawh chuan a khawlai lenna-ah leh a zu chhimna-ahte chuan englai pawhin inven nan chemte hi a pai ru reng thin a ni.
Favang a lo thleng a, Lamsuakate awmna chu sorkarin a hre chhuak leh ta a. Man tumin Pawite Babu leh Police-ho chu an thawk chhuak leh ta a. Pawite Babu chu Mizo cheiin a inchei a, a hrum (Sam zial) chu Mizo tihdan angin a tukkhum lamah a zial sawn a. An awmna khua a mi te chu a ko fal a, an hnenah, “Lamsuaka hi zu inpui-ah sawm ula; a chemte laksak ula, mi pathum velin bawhthlu bawk ula, chu ve leh min rawn au ang che u,” tiin a sawi a. Dahrawk Babu ti ang chuan zu chu an inpui ta ngei a, an zinga pakhat chuan Lamsuaka hnenah chuan, “Khawnge I chemte chu, kuhva phel nan ka’n hmang the ang,” a ti a, chemte an inpek fel ve leh chuan Lamsuaka chu an vai chuan an bawh rawn ta a, Police chu an au chul bawk a. Police ho chu an va kal a, an va man ta a ni.
An chungchang thu chu Bawrhsap-in a rel ta a. Thatkhama chu damchhung lungin tang turin a ti a; Lamsuaka leh Chala chu khaihlum turin a ti ta a ni. A rorelna thu pawhchahna chu, “He mite hitualthat tak meuh an ni a. Hetiang hi he ramah hian a la awm ngai lo va. Hei hi a hmasa ber a ni a. Tun hnua mite’n an rawn chin zui ngam loh nan, danin a na thei ang berin an chungthu a rel ang a, an awkhlum tur a ni,” tiin Bawrhsap chuan a tlip a ni. Bawrhsap thu chu nemnghet turin Assam Chief Commissioner hnenah an thawn a.
Chief Commissioner thu a lo thlen hmaa an lo nghah chhung chuan Zosapthara’n Pathian thu an hnenah hrilh a dil a, an phal sak a. Hapta khat lai chu Pu Zosapthara nen chuan an hnena Pathian thu hril turin tlai tin kan leng dun thin a ni. Tlai khat chu Dahrawk Babu kan tawk a, “Naktukah khaihlum an ni dawn,” tiin thu min hrilh ta a. Tan-in kan va thleng chu, Lamsuakate rip-ah chuan chhangte, vawksate, artuite, eitur tuihnai tam tak an lo dah khat dul mai a. Lamsuaka chuan, “Nauva, i duh duh kha ei rawh” min lo ti a. Mahse, kei chuan engmah chu ka ei duh lo va.
An awmna pindana kan thutna atang chuan tukverh awngah hian an khaihlumna tur an siam vel chu ka hmu thei a. Lamsuaka awmna a kan awm lai chuan Bawrhsap leh Sap Sanga chu an lo kal a; thirtlawn kawngkhar awngah chuan an rawn bih a. Lamsuaka chu Pathian thu kan hrilh a, Isua an khenbeh lai a, a dinglama misual pakhat an khenbeh-ina, “Isu, I ram I thlen hunah kei mi hrereng ang che,” a tih a, Isuan, “Tih tak meuhvin ka hrilh a che; vawiin ni ngeiah ka hnenah Paradis-ah I awm ve ang,” a tih thu kha ka hrilh a. Kan nunna a la tawp hma chuan thih dawn tep pawhin kan sim hman phawt chuan Pathianin min la ngaidam thei zel a ni, tiin thu ka sawi a.
Lamsuaka chuan, “A ni e, kan at vangin thil kan lo ti sual ta a, Pathian leh Sawrkarin min ngaidam ang chu,” a ti a. Kei chuan, “Sawrkar ngaihdamna tur chuan a tlai lu tawh pawh a ni thei a; Pathian ngaihdamna tur erawh chuan a la tlai lo ve,” ka ti a. Pu Sapthara chuan, “ I tawngtai ang u” a ti a; Lamsuaka chuaa, “Tawngtai rawh u, kei pawh ka tawngtai ve ange a,” a ti a. Pu Sapthara tawngtai zawh chuan a tawngtai ve ta a. Heng Lamsuaka hun hnuhnung ber ka hmuh atang hian ka han dawn kir lehin, tun thleng hian Lamsuaka hi chhandam a nih ka la ring reng a ni. A chhungte dam an la awm chuan ka ngaihdan hi min tawmpui se, ngaihtha takin lo awm se, ka duh a ni.
Lamsuaka hi an khaw Pasaltha a ni reng a, a pasaltha tak tak niin ka hria. Chuvangin thi tura an tih hnu pawh chuan zam hmel leh hlau hmel a put lai reng reng hi ka hmu lo va, hamhaih hlek lovin a awm ngaiin a awm a, aw fel tluang tha tak hian a tawng reng bawk a. Huaisen leh dawihzep kar chu a lo hla hle mai. An khaihlum lai rawn en turin Paruana khawtin khaw tinah an theh darh chiam a. An khaihlum lai entu mipui tling khawm chuan Police Thana leh PWD Godown tlang pang saw an khah vek a ni.
A hun a lo thleng ta, Lamsuaka te chu mit tuam leh hnungkhirhin an rawn kai chhuak a. Hrui valh an han awrhtir lai chuan Lamsuaka chuan, “Hei kan at vangin thihna khawp thil kan lo tisual ta a; tun hnu-ah chuan tumahin rawn ching ve hlek suh ang che u,” tiin entu mipuite chu a zilh a; Lazar ban anga thing khampheiah hian awhhlumna tur chu an suih a. Bankak inkarah chuan lei an lai khuar a, a khuar zawnah chuan thuthleng sei ang hi thingphek an dawh a, dawhkanah chuan Lamsuakate pahnih chu an dintir a.
A darkar rik ve leh an dinna thingphek chu an pheh sak a, khuar khuruma tla thla tur chu, Lamsuaka chu a tlak sual a, khur kovah chuan awk mar lo chuan a ding ta chat mai a. Khur kova a ding lai chu Sapsanga chuan tiangin a han hawlh thla leh a, khur chhungah an thi tur chalchang hmel hmuh phak lovah chuan an thi ta a ni.
[P.S : He article hi a dik ber ka tih vanga rawn post ka ni lo va, hriat dan hrang hrang a awm teuhin ka ring! I thawh khawm teh ang u]
Similar Posts:
- A sawm che!
- I thinlung hawng la
- Pathian chance pe ve rawh
- Tawngtaina awmze nei lo.
- Tunlai ka mutmawh hnarmawh.
a tha khawp mai
January 17th, 2011 at 6:51 pm
@98 ka thlawp e. A hun tam zawkah chuan pasaltha pawh ani ang.A ending a nawi ta em a, a hmingthatna zawng2 a thaichhe ta ani ta ber. Tual em that tur khawp a bawl theih a,a awm kha ngaih san awm loh khawp mai
Report this comment
January 17th, 2011 at 8:05 pm
Typing mistake a awm nual.. A ngaihsan awm tho e. Mahse a thindan hi sawi mawi emaw, sawi khawngaihthlak emaw a tul kher em aw. A chanchin atanga hian thangtharte hian inzir ila.
Report this comment
January 17th, 2011 at 8:11 pm
Avan bengvarthlak ve, ka lo chhiar re re hleinem! Zero!
Report this comment
January 17th, 2011 at 9:22 pm
Tunlai mit atanga thlirna leh a hunlai mithla chunga thlirna kan sawi tam ta hle mai, a ngaihnawm e.
A tawp nan a ne pawh ek pha lo tih chiang ngawih ngawih mi chuanhnuai deuh leh uchuak Aryan tih angreng tawngkam hmang lova kan sawi ho thei hi a lawmawm e.
Report this comment
January 17th, 2011 at 9:40 pm
In lova sawi nasa ve maw le, A video in ka rawn post mai dawn a mi chu aw!!
Report this comment
January 17th, 2011 at 10:49 pm
An ni pahnih lo khi Mizo khaihlum an awm tawh reng em ni?Khaihlum hmasak ber in tih tlat le.
Report this comment
January 18th, 2011 at 1:28 am
Ekhai, hei chan loh khan lamah a chhuak ta daih mai? I duhtawk ang u khai! Sawt lo tura inhnial hi a tha lo ve. Kum 1900 lam daih anih tawh hi hre reng ang u! Comment-tute in zavaiin lawmthu ka sawi e!
Report this comment
January 18th, 2011 at 1:57 am
lushai_er: Chan loh khan lam ani ber pawhin ka hrelo, thuhnuai rawlh taka val upa an tawng tawh hi chuan insum a hun viau na in, ka’n sqwi leh hram teh ang.
1894 kha chanchintha lo thlen tan na ani a, Khatih hunlaia an meantality tur tekha ngaihtuah ve ila… 1871/2 vela Zoluti man tu bengkhuaia tekha… A la in hlat lo emai… khatih hunlaia mizo mentality tur tepawh ngaihtuah telve ila, tunlai mentality atang ringawta judge lovin…
Report this comment
January 18th, 2011 at 2:18 am
A va ngaihnawm reuh e…a ngaihnawm zawng in…zawhbelhna…
1. CI Liannawma’n a chhungkhat Thatkhama/Thatkama chhan nana dawt hmanga inpuang tura a fuih pawh SUAL tho, thudik chhui chhuaklo Bawrhsap thutlukna hi Justice ka ti theilo. Thatkhama chu damchhung in a tang ta em? Tenawm lutuk.
2. 1898 ah eng pawisa nge mizo mipuiin an hman ang? Hetih lai hian sumdawng a vahkual chu a hlawk dawn em ni? Sum lengvel alo awm tawh tihna em ni? Mipui nawlpui in khawi atangin nge sum an lakluh ve reng reng ang?
3. Lamsuaka chemte chhuhsaktu chuan kuhva a kheh a maw? Ka rin aiin kuhva an lo hmelriat hma daih mai a?
4. Sapsanga chuan Lamsuaka chu a tiang in an hawlhthla vel a maw? A Mawlin a nunrawn ve tho mai.Mawl chapo cold-blooded killer anih chu.
5. An thlahte an la dam zel awm si a, tu te tak ni ang maw???? Chhuan li lek ala nia.
6. An khaihlumna chu tuna Millenium Trade Centre dinna hi niin ka hria, ka lo hriat ve dan chuan. Langlo chiah vel hi ani thei angem?
Report this comment
January 18th, 2011 at 2:21 am
Report this comment
January 18th, 2011 at 2:23 am
Shaaala…drop drag in a fuh theilo…hei hi ania..
https://img573.imageshack.us/im.....ar1890.jpg
Report this comment
January 18th, 2011 at 2:27 am
film ah siam se hmuhnawm zek ang..111 pic eng dawr tak awm ang maw?
Report this comment
January 18th, 2011 at 2:29 am
ka tlawmngai laklawh kan ti leh chhin…
https://img232.imageshack.us/im.....lbazar1890
Report this comment
January 18th, 2011 at 2:31 am
#109: Thatkhama hi dam chhung tang lovin a lo chuang chhuak leh a, mahse khawtualah a tlang tla vak lo a niang, a thihdan hi ka chiang bik chiah lo nangin rei erawh a dam zui lo a ni awm e.
History i chhiar chuan Awlan leh Tukuli hi kan neihna a rei tawh mai! Kan siam anih loh chuan kan lei emaw rallak sum a ni ngei ang! Saingho hi Vai sumdawng hian an duh em em a! Samak Ki te, Sa-vun(Skin) te pawh sum nen chuan an thleng ve fo turah i nagi ang.
Kuhva hi Mizo hnahthlak chauh nilo, Thai, Philipinos, Taiwanese ho khian hmanlai atangin an lo ei ve nasa mai! India ram pawh hian hmanlai atangin ei an ching tih i hre thei ang.
Lamsuaka thlahte hi Vaivakawn velah pawh hian sawi tur chu an awm ang!
Report this comment
January 18th, 2011 at 3:00 am
Lamsuaka tih vel hi cu ka lo la hre ve em2 lo anih hi mole…. K vei ve zok tak cu..Nopang kumtlinglo pawngsuala thattu te hi cu voi 3 vel khaihlum tur tih dan(law)hi siam sela…tha in ka hria..NOI
Report this comment
January 18th, 2011 at 3:15 am
Post tha viau e. Han ti tlai khawhnu ve ila.
” pawihte hmingah beguan singh” a awm thei dawn em ni aw? Ka’n ti ve a ni.
Report this comment
January 18th, 2011 at 3:26 am
@ Benny dahrawk Pawihte Babu beguan Singh tih khi maw. vai sawina ah keichu ka lo chiang viau mai asin.
Report this comment
January 18th, 2011 at 3:56 am
Nghasih, a ni tho mai thei. A thu khi i chhiar zel chuan, engemaw a awm tih i hmu thiam tho turah ka ngai.
Mizo cheia inchei, sam zial etc …pawihte ni lovin, sikh pa tih tur a nih zawk hmel e. Mizo.
Report this comment
January 18th, 2011 at 12:48 pm
#118, @Benny, Pawih hian an chhipah sam an zial a, chutiangin Sikh ho paw’n an chhipah sam an zial a! Chuvangin Pawihte Babu ti an nih ka ring. Lusei chuan tukhumah sam kan zial thung!
Report this comment
January 18th, 2011 at 12:51 pm
@ 119…Lushai_er…Pawi hovin an chhipah sam an zial ngailo…hma lam an chal chungah an zial thin zawk e..
Report this comment
January 18th, 2011 at 1:11 pm
#120, bonez: Hma lam chal chung chu chhip a nih lohin enge ni ta ang le? Nula ho tui chhipchhuan thn khan min han hrilh fiah teh u!
Report this comment
January 18th, 2011 at 1:20 pm
Hei Pasaltha Dokhama thlalak hi lo en teh u…a sam zial dan hi!
Report this comment
January 18th, 2011 at 1:20 pm
chhip = lu vir bul vel…hetah hi chuan sikh ho chuan an zial ngei e….
a chiang deuh nan image nen auh:
Report this comment
January 18th, 2011 at 1:25 pm
Pasaltha dokhama chu a chal a thui deuh avangin a zial chhak deuh hlek anih khi, chuan a hnuai lam atang thla an lak sak avangin a lang chhip deuh anih khi a thil zial chu..
a hmel a zahawm kher mai a red indian pasaltha te a ang deuh in ka hria
Report this comment
January 18th, 2011 at 1:26 pm
hehe zualbonez drawing chu
Kha, in pic pahnih ka rawn siamsak che u in comment ah khian.
Report this comment
January 18th, 2011 at 1:34 pm
@ sandman…lolzzz thankyu thankyu…nang pawh hi hmalai pawi chu nila sikh pasaltha emaw an ti zawk ang che a
Report this comment
January 18th, 2011 at 1:41 pm
haha… Zualbz leh! Pawihpa lem i ziah khiii… Hahaha… Tha viau zel e
Report this comment
January 18th, 2011 at 1:55 pm
#127..nia, pawih pa tukkhum hi a pawng lutuk anih khi…hahaha
Report this comment
January 18th, 2011 at 2:03 pm
a thluak a tam bik tih na anih khi
Report this comment
January 18th, 2011 at 2:43 pm
#130, tuteemaw hian min hmusit an lo tileh ringot ange….lol…
NOI
Report this comment