Mizo in a in kan sak dawn a kan chhuanlam tam ber chu architect kan ruai pha ve lo tih hi a ni awm e!!… he ka thu ziah tur ah hian in kan sak dawn a thil ho te a kan ngaih si mahse kan tih tur leh kan zawm ngei tur tlem ang a zawng in tar lang teh ang.
1. Kawngka pui (Entrance): Kan in kawngka pui hi Mizo in tam tak ah chuan pawn lam hawi zawnga hawn theih in a awm fo. Hei hi a thei hram chuan chhunglam hawi zawngin hawn theih ni se a chhan chu mi inleng kan neih dawn a kawngka kan hawn rualin pawn a awm te kan va tauh chawrh thei ani. Chuvangin kawngka pui reng reng chhunglam ah zel a in hawng tur a ni. Mahse fire exit door ang ah chuan pawn lam zelah a in hawng thung tur a ni a chhan chu kan tlan chhuah pah khan kan nam hawng nghal thei mai a ni.
2. Landing: Kawngkhar awmna reng reng ah pawn lam ah chuan a tlem ber ah 1m a zau din na tur (landing) siam a tha. Chuti ni lo a step emaw hawn ruala a lo awm chuan kan tlu sual palh thei in rin loh deuh in!
3. In bualna in (bathroom): Bathroom kan siam reng reng in ventilation hi siam ngei ngei tur a ni. Threnawm te tukverh zawn, an choka emaw hmun lun lai hawi zawng a dah hi a tha ber lo. Tin wet area leh dry area hi ngaih pawimawh a tha hle. Wet area chu in bualna tur chauh atan a tih a ni; shower emaw bath tub etc. dry area ah ve thung chuan ekna (WC-water closet/orissa pan) leh kut sil faina (WB -wash basin) a awm tur a ni hei hian bathroom huh nuai leh in tih palh leh tluk sual tur a veng a ni. A theih hram chuan glazed tile hi phah loh ni se a bik in wet area ah hi chuan tile dang a thap chi hi dah ni se.
4. Tukverh(window) : Tukverh hi room tin (eg. Living room, bedroom, kitchen, bathroom, dining room)ah pakhat theuh tal awm thei se hei hi a chhan chu chhun ah pawh light chhit ngai loin khawi room ah pawh natural light kan hmu thei dawn ni. Hei hian electric bill kan save thei bawk.
5. Lirthei Dahna(garage): Garage hi in kan sa a nih chuan siam ngei ngei tur a ni. A tlem ber ah car pakhat tal leng tawk chu siam tur a ni. Garage kan tih hian car chauh hi an dah kher lo a store room tan te, hna han thawh mai nan te a hman theih a ni eg. bungraw siam ngai chi. Hei bak ah hian eng kim electric wire, MCB, TV line, telephone line, internet etc a phum bo vek thei a ni.
6. Step: Kan in sak kha a chhawnga a awm chuan step kan siam kha a zau zawng chu 1m aiin tlem lo se. Tin a flooring tan tile nal tak hi phah loh hram ni se a tha. Kan chhungkua ah tar chak lo an awm pawh in him dam tak in an kal ve thei tur a ni. Flight khat zel ah step 16 ai a tam leh step 3 ai a tlem siam loh tur a ni .
7. Bang (wall): Mizoram a kan brick rem dan hi low cost housing a an tih dan Rat Trap bond 75mm thick ( brick a tung zawng a rem) in kan rem thin. Hetiang a kan rem a nih chuan brick palina kan rem zawh ang zel ah RCC beam dah zel ni se a chhan chu 3m vel tleng kan rem chhoh put chuan a rin awm vak lo a ni. In rinawm tak kan sa duh a nih chuan kan in pawn lam bang (external wall) atan chuan 230mm brick hi hmang thei ila hei hi brick a khamphei/khup zawng a rem hi a ni.Hei hian pawnlam a ri beng chheng tak poh a ti zia awm ve a ni.
Tlem in han sawi zau i la: brick a khamphei/a khup zawnga kan rem hi a dan tur dik tak a ni. Brick kan en a an company in ziahna khuar lai (frog) (eg. ajanta etc) kha brick dang nen a in zawm na mortar bei na tur a ni a kha lai tak a kha brick zawm khawm a ti nghettu chu a ni. Rat trap bond nen a teh khin chuan a tung zawng a rem a ni bawka a khuar lai(frog) kha kan bang ah a rawn hawi thup a, brick leh brick in zawm na lai kha chu a mam a mortar a that vak loh phei chuan awlsam takin a thlawn mai thei a ni.
Internal wall atan chuan 115mm brick hi dah ni se a bik in bedroom bang atan. A dang ah chuan light weigh partition eg aluminium, wooden, fiber board etc a hman theih a ni.
Brick rem dan hi chi hrang hrang a awm a eg. english bond, flemish bond hemi pahnih ah hian a sub a awm leh a ni. eg. 1 brick thick, 1.5 brick thick etc.
8. Ban(column): Ban han ti tawp ilang a size hi building len zawng, rih zawng etc a zir a ni mahse 300x300mm aiin a te tur a nilo hrim hrim.Kan room te awlsam leh rem tak a kan pindan theih nan ban hi zing lutuk loin phun ta ang ilang eg. column to colum 5m aiin tlem lo se room pindan pawn a room a kha te lutuk lo a zau ltk lo bawk tin a structure cost pawh a tlem phah deuh ang. Mahse heng zawng zawng hi chu design a zir in a hril vek!! Structure lam ah hi chuan structural engineer ruai hram ang u!!.
9. Choka( Kitchen): Choka hi kan hmun pawimawh ber pakhat ti ila a sual awm lo e. Mizo society ah chuan choka hi zau leh lian kan duh ber awm e amaherawhchu hnam dang ah chuan a ni lem lo. Choka kan siam reng reng in work triangle hi kan ngaih pawimawh a tul. Enge work triangle chu?? Work triangle kan tih chu kan hnathawh dan kal hmang a ni mai. Choka a kan hna thawh dan chu a hmasa ber in fridge atrang chawhmeh kan la a kan duh zawng chumi zawh ah kan sil fai a a dawt leh ah chuan kan chansawm emaw kan sawngbawl a, a tawp ber ah kan chhuang in kan kang thin. He work flow ang hian kan hman rua hi dah theih ni se. 1. Refrigerator 2. Sink 3. Range. Ti hian kan hna thawh dan pawh a awlsam mai bak ah kal kawi vak a ngai dawn lo a ni.
Tin kan choka hawi zawng hi a theih hram chuan thlang lam (west) hawi lo se a chhan chu choka chu temperature san na lai ber a ni a west lam ah hian tlai ni tla hi a sa ber bawk hei hian choka a ti lum leh zual a ni. West ah chuan bathroom te storeroom te staircase te dah hi a fuh duh khawp.
10. Mimal ngaihdan:
a) Kan kawmthlang ah hian vawkin sak loh hram ni se.
b) Foothpath atanga tehin 3m vel tal hla ah kan bang pawn ber (external wall) hi sak theih ni se.
c) Septic tank hi kawmthlang lam tan hnawksak lo thei ang ber in dah theih ni se.
d) LPG hi kan thuk awm na hnuai ah ni lo room hran ah dah theih ni se kha room atang khan thlun zawm mai ni se.
e) Mahni ram ri chhung ah theuh 200mm a zau tal drainage siam theih ni se.
f) Sloping Roof kan siam loh a rain water harvesting kan duh lo a nih pawn green building lam hawi terrace garden te hi siam theih ni se.
Similar Posts:
- Mizo thalaite eizawnnan : Brick siam
- Min han pui ve teh u!
- Govt Serchhip College rawk a ni
- Zirtir Nei
- In Awm Em?
a tha khawp mai
January 24th, 2011 at 7:33 am
In sa duh tan chuan a tangkai dawn reuh hi le.. Bengvarthlak e.
Eng tikah tak In hi sa ve ang i maw??
Report this comment
January 24th, 2011 at 7:57 am
Bengvar thlak hle mai. hriat kar tur anih hi
Report this comment
January 24th, 2011 at 8:01 am
I rawn ziak tha hle mai. Mahse Rat Trap bond 75mm thick-a brick palina kan rem zawh ang zelah RCC beam dah zel ni se tih rawtna hi chu a hautak ngawt ang le!
Phai ram, lirnghing hlauhawm lohna (eg. Kerala) ah residential bldg thenkhatah ban an phut miah lo!
Report this comment
January 24th, 2011 at 8:01 am
Thawh tha viau e. Mahse insak dawn hi chuan a hmun leh ram leilung etc etc mil zelin foundation atanga sak chhoh dan turah pawh hmanraw hman tur pawh a dang turah ka ngai. Kei chuan concrete in lian Mizoram hmun tam tak, Aizawl angah te hi chuan pawisa pawh nei ila ka sa ngam lo sa tawp phawt a…
Pathian zara damtea awm chuan Mizoramah in te pawh sak kan la rilruk ve ngei ang. Chutiang ami tur chu design ni lovin, sak dan kalphung chu ka rilruah a awm thlip thlep tawh
Report this comment
January 24th, 2011 at 8:05 am
Bengvarthlak hle mai! In sak hma a hriat ngei chi anih hi!
Report this comment
January 24th, 2011 at 8:07 am
Rawtna tha tak a ni, kei pawh Garage leh drainage siam hi ka ngai pawimawh khawp mai.
Report this comment
January 24th, 2011 at 8:18 am
Mizoramah hian in lian tak2 leh man to tak tak sak a tam tawh hle. Hetiang inah te hian thil pawimawh em em mai kan la hmaih pakhat chu INSULATION hi a ni awm e.
Thlasik an ni chiah a, Mizoram ang te chu ramdang nen han khaikhin chuan vawtlo tak a ni tawp mai a ni. Mahse, vawt kan ti em em lawi si. Hei hi pawn lam boruak leh inchhung boruak lum/vawh lam inan deuh reng vang a ni thei ang. Tunlai angah phei chuan thing kan hmang tawh lo a, gas thuk hman a ni tlangpui tawh lehnghal. Gas hman hian nasa takin inchhung tilum ve thei tur thing alh ang kha a nei tawh loh avangin vawt kan ti zual ni te pawhin alang.
Nipui han nise, inchhung hmun dai deuh lai lo chu lum kan ti leh em em lawi si a, Mizoram anga sik leh sa nuam an van teh reng nen hian!
In lian pui pui sak na tur nei te tal hi chuan insulation hi ngai pawimawh ula ka ti ngawt mai. Insulation pawh hi chi hrang2 awmin a then chu fiber glass, lapua ang taka siam te niin han dah ngawt awlsam (simple) hmel deuh ni mahse, a thiam te chauh dah tir a tha ber. A nih loh chuan pawisa sen thlawn ahlauhawm tho2 a ni.
Electric hi tha deuh sela chuan mimal inchunga tuizem dahlo pawh hian inhnuai atang pawhin pressure siam a awlsam asin mawle. Electric leh tui hnianghnar lo hi chuan thil chu ati buaithlak a ni. Tui line tal hi chu PHE ho hian tuizem lian atang hian pressure chu pe thei sela chuan tlang sangah an tuizem an dah tho si a a awlsam dawn vei nen (tum sela chuan) Mizoram angah chuan mahni inah pawh inchhawng ah pawh pressure hranpa siam angai hauhin ka ringlo…ka experience leh ka zirna atangin.
Report this comment
January 24th, 2011 at 8:18 am
LPG cylinder hi pawna dah a tha ber
Report this comment
January 24th, 2011 at 8:46 am
Thawh tha lutuk hre reng teh ang
Report this comment
January 24th, 2011 at 9:22 am
A finthlak dawn hle mai he post chu.Space neih tlem si a,in zau ve deuh duh bawk si chuan a buaithlak duh deuh ang.
Report this comment
January 24th, 2011 at 9:55 am
10. Mimal ngaihdan:
a) Kan kawmthlang ah hian vawkin sak loh hram ni se.
Aizawl city antih ve lem a.. zingkar a vawk khek ruai2 khi chu a khir em mai..
Report this comment
January 24th, 2011 at 10:34 am
Mizorama an chin thra lo deuh leh chu choka leh bathroom/toilet inhnaih lutuk hi. Ngaihtuah chian hian a trawp tawp(from hnamdang point of view).
Report this comment
January 24th, 2011 at 11:01 am
Post thra hle mai
Building nalh tawk bungraw thra ber ber chiin sa ila kawngkapui piah lawkah khan vawkin trawptawk ding leh luau si se..
Report this comment
January 24th, 2011 at 11:08 am
a) Kan kawmthlang ah hian vawkin sak loh hram ni se.
Kawmchhakah kan sa mai dawn emni ang?
Report this comment
January 24th, 2011 at 11:15 am
Post tha leh tangkai lutuk a nih hi.
Report this comment
January 24th, 2011 at 11:20 am
Ka lo ngaihtuah ve mai mai thin chu engngatinge Mizo te hian RCC building sak kan tlin loh hian Assam Type kher hian kan sak thin le? Style danga sak ngaihna hi kan hre thlawt lo emawni chu aw…?
A chung rangva, a bang tile, a skirting rangva. Building shape lah a in ang vek ti ila kan sawi sual tam lovang.
Creativity kan nei lova; kan experiment ngam hek lo. In kan sak pumhlum chuan kan duhtawk em em, kan thenawm te in nen a inan chiah paw’n pawi kan ti chuang lo.
Sum sen belh tih lampang ka sawi lo ania. Tlemin a shape tih danglam (eg: Sap ho tih thin ang deuhva in chung-a attic emaw room leng tur khawpa gable siam) khan Assam Type ‘pangai’ nen a in nalh hleih em em dawn a ni.
Ka mimal ngaihdan mai mai…
Report this comment
January 24th, 2011 at 11:23 am
A tha khawp mai, mahse Mizoram angah hi chuan a tha apiang hi zawm a harsa a nih hi. Kan hmunhma neih dan mil a ruahmanna neih thiam hi a pawimawh khawp mai.
Report this comment
January 24th, 2011 at 11:31 am
Tha khawp mai. In sak ka rilruk ve mek a. Mahse, i rawtna hi chu Concrete building a ni tlat a, kei chuan ka tlin ve lo. A sang berah semi chauh ka tlin..
Report this comment
January 24th, 2011 at 11:49 am
A bengvarthlak hle mai. Tetea thusawi pawh khi ngaihtuah zui tham ve phian
Report this comment
January 24th, 2011 at 12:04 pm
In chu a ban leh chhuat congcrete, a bak thing leh tile leh a chung rangva in ka zo ve ciah a.. khilai Work triangle i rawn sawi khi ka lo ngaihtuah thleng pha lo a…min ti bengvar e..ka lawm khawp mai..tin brick khaikhup zawnga hman that dan i rawn sawi a a dik hmel khawp mai..amhse a to deuh hlek a…Brick hi tunah pakhat cheng 10 a ni mek.. aizawlah.. Sa leh ila chu ka thiam tawh ngawt ang..hehe
Report this comment
January 24th, 2011 at 1:13 pm
A tha hle mai. Save hmak ila, tuna ka kum let vel ka nih hunah ka hman tangkai mial takin.
Report this comment
January 24th, 2011 at 1:13 pm
A tha hle mai. Save hmak ila, tuna ka kum let vel ka nih huna ka hman tangkai mial takin.
Report this comment
January 24th, 2011 at 2:14 pm
Tui dah leh khawl lam chu i ngai pawimawh vak lo a nih hmel!!!
Report this comment
January 24th, 2011 at 2:33 pm
@ Zero: He ti hian a nghet zawk a tin i brick rem poh a koi lo ang. Beam tih ah khian main beam ang ni lo in kha brick size emaw lek eg. 75mm vel ni se. A bang zawng zawng kuai khawm tu atan a ni ber awm e. Chutiang kan tlin loh chuan thing bang hi a tha tunlai ah facade a tan mawi tak tak zang tak a chhuak hnem toh lutuk.eg. aluminium panel, fiber board, cladding etc.Thil hautak leh thil tha duh hi a in rem thei lo reng reng.
@H.Vangchhia: i sawi dik khawp mai Mizoram ai a sik leh sa nuam tak hi a awm lo ti ila kan sawi sual lo ang.! Kan ram ah te hian AC te hi a ngai em aw te hi ka ti a chhan chu AC kan hman pawh hi khawl thil a ni a room tih vawh nan pawn boruak a paih chhuah kha boruak lum a ni tlat hei hian kan chhenna a tih lum belh phah zawk. Fan te hi chu a awm tawk viau e. Eg. tha ber chu Millennium Center saw central AC a ni a July thla bawr vel ah ka kal a thawk a ti harsa khawp mai an AC vang sawn!. Mak deuh mai chu ka chhuah khan boruak zuk nuam zawk tlat a phai khaw lum a ni ve tlat lo a.
@awmawmpuia: Khawi ah mah hian sa lo se a bik in residential area leh commercial area ah. Zawi zawi in kan Mizo society in kan lo tih thrin danleh tunlai nen a in mil tawh lo chu a reh ve zel ka beisei. Ngaihdan pakhat chu Khawpui pawn deuh ah Farm hi private emaw sorkar in siam se chutah chuan vulh hawh theih emaw, an chaw ning nawi hralh theih se.
@ Tetea: Style dang a sak dan hi a tam lutuk chhiarsen loh in a tam. Mahni idea threuh leh mistri idea nen trang kawp a sa kan ni bawk a RCC leh Assam type bak lo chu hriat awm lo a ni mah na.Thil plan mumal awm loh na reng reng ah chuan a in ang put ang threnawm te nen khawi ram ah pawh ni se.
Report this comment
January 24th, 2011 at 3:10 pm
@ se Ki:Water tank hi chu basement ah hian awm se a tha kha kha in chung ber ah barrel 1000ltr dawng vel lek dah in pump chho mai ilang kan terrace kha barrel dah nan kan hmang vek loh nan. Ngaih pawimawh tur a tam khawp ziah vek sen a ni rih lo tun mai ah chuan. Fire saftey, Oreintation, Building materials, Electrifications, Construction techniques etc a tam khawp mai. Heng zawng zawng hi a nia building plan mumal ah chuan a awm vek eng mah khi a ngaihthah theih loh mai bak ah akim vek angai drawing approved duh si chuan!!
Report this comment
January 24th, 2011 at 3:22 pm
@Zero: Kerala a ban an phun lo tih chu load bearing structure a nih dawn chu. Mahse a tam ber ah chhawng 2 bak a sak theih loh.chu pawh first floor ah load a tlem viau a ngai ang.
Report this comment
January 24th, 2011 at 3:38 pm
@ 26…Puia….zero a sawi khi a dik…kerla residential building -stand alone residential houses, ho khu ban a neilo deuh fur …chuan NIT pakhat an hostel building (chhawng 3 vel) ban nei miah lo an sak lai atang ka hmu ve tawh tlat
Report this comment
January 24th, 2011 at 3:51 pm
A sak dana hi chu eng pawh nise, in insi khip khepa awm ai chuan khawpui pawn lam deuh pawh nise, chuktuah huan awm thei deuh leh han hawi khawthawnna awm thei nise, kan compound han tih ve tur hi awm thei se, a theih hram chuan view tha deuh awm theihna ni bawk se…..ti ten duhthu ka sam mai mai……
Report this comment
January 24th, 2011 at 4:04 pm
@ zualbone: a chhawng thumna chu eng in nge support tih i hmu fuh hlauh em??… Ban awm loin in a sak theih loh ka ti miah lo( a hmun a zir in) a hma ka sawi toh ang in load bearing structure a ni. a bang atan a an hman eng material pawh kha ban ang in a awma, a chung a load ho kha kha bang ah khan chhuk tla zel in a foundation ah a chhuk thla thrin.Tin vertical expansion awm lo in thil chhawng a awm thei lo hrim hrim a mahin a in phuh kang emaw chung lam trang cable a in khai te a nih loh chuan..:D
Report this comment
January 24th, 2011 at 4:11 pm
@ puia….ka hre thiam bik tawh lo….chhawng thum an sa bawk si a, a wall vel load bearing ah an hmang pawh ani mah na….hei bak sawitur ka neilo, architect/civil engineer ka ni ve si lo a
Report this comment
January 24th, 2011 at 4:17 pm
#31, ZB.. ka nauin a sawi dan chuan an pawngpaw rem chhoh tawp mai ani ati….a ban a awm loh chuan a wall kha ni mai lo thei nang…..mahse an lei khu a che ve ngai lo a, him tawkah an ngai hmiah a niang.
Report this comment
January 24th, 2011 at 4:19 pm
@ zualbonez: ka zawhna chhan che chu Vai ho hi an phakar riau a..
thil hi an ti zung zung a tha tak tak si lo in…:D
Report this comment
January 24th, 2011 at 4:37 pm
Thlawh tha ve aw, Puia chu! Hmanah, in kan sak ve hma te khan lo hria ila tha tur a nih hi maw le.
A chhah zawnga brick rem hi a tha viau, mahse a man a tam duh bakah a rit hma riau a. Chuvangin Mizorama in kan sak hian a man tlawm zawng leh a zang tur hi kan zawng thin a ni pakhat awm e.
Architecture hi thla 1 chuang lai ka zir ve tawh a, a pawimawh hmel khawp mai
. Ka thiam tam hman vak hlei lo a.
Report this comment
January 24th, 2011 at 6:44 pm
Rawn ziak tha viau e. Kei ka ngaih pawimawh chu a foundation lam hi ni fo tlat mai.
Sloping leh step foundation te hi rawn sawifiahin han khaikhin la tha tur nia aw.
Chuan brick rem khi ka ngaih pawimawh zawng tak mahse ka sawi ngam ngailoh a ni fo.
Report this comment
January 24th, 2011 at 10:24 pm
@puia, k puia hriat kha ini lo mo???
Report this comment
January 24th, 2011 at 10:29 pm
Bengvarthlak khawp mai.
Kawngkapui inchhung lama hawn hi a tha viau a, mahse in lianlo leh chep deuhah chuan hmun a luah duhin a hnawk duh deuh.Pawnlam atanging misual tan rawn break in a awlsam deuh zawk bawkin a rinawm. Chubakah inlengte kawngka hawn sak paha kawngkhar tauh tir tawh hi sawi tur an vang viau lo maw?
Report this comment
January 24th, 2011 at 10:36 pm
Report this comment
January 25th, 2011 at 3:12 pm
@sihal: nia kan ron la sawi zel dawn nia vawi khat ah chuan ziah vek sen ahar khawp…
@chhemaia: ka hremiah lo mai..:D
@Khawlhring chamz: Kawngka pui hawn theih loh khawp a chep chu in pangai tak ah dah lo ta ang inlang mahse a solution a awm tho Sliding door te hi a hman theih e. Hei hi anthropometric( mihring measurement) leh work flow/circulation leh flow of movement(kan chet dan vel) chhut trang a awlsam vang leh a tu te mah tan a harsat loh ve ve vang a ni.
eg. kawngka kha pawnlam ah hawng ta ang la pawna awm tan khan a ron kik zawh ah a tawlh hnung ngei ngei a ngai ang chuan a hawng tu pawh khan a hawng huau lo ang dim te maw in tlem te a hawng a nga, pawn a awm zawk khan kawngka a hawn a ngai zawk ta ni. chhung lam ah chuan hawn ni ta se a neitu thu thu a ni tawh a hawn duh leh duh loh. thil pakhat chu pawh(pull) aiin chuan nem (push) hi a awlsawm zawk.
Report this comment
January 25th, 2011 at 9:34 pm
Building Construction Handbook (Chudley & Greeno ni tain ka hria) hi simple english a ziah a ni a kawl ve mai mai ah a tha khawp mai.
Nia lo ziak zel rawh ka lo chang dawn nia aw
Report this comment
January 26th, 2011 at 1:32 am
@Puia, millennium centre hi central A/C a ni lo auh….
Post tha khawp mai! Engatinge in sa thar a piang hian RCC hi hman an tum tak vek mai le ?
Lirnghin hunah hian “Mizoram Type Building” kan lo ngaihtuah lo hi kan tih ka ring ve tlat !
Report this comment
January 26th, 2011 at 1:46 am
lushai_er#40 I tlar hnuhnung pahnih te khi ka thlawp. #4 ah pawh kalo thai ve zeuh khi
Report this comment
January 26th, 2011 at 1:51 am
lushai_er hian millenium centre chu a hre chiang ang ka ring
Report this comment
January 26th, 2011 at 11:18 pm
@lusshai_er: Ventilator ni ta mi niang..HVAC ducting chu a awm saw. Saw tiang building lian tukverh pawh awm lo ah saw chuan Ventilating machine chu a awm a ngai ngei a chu chu ka soi tak chu a ni e. Concept of Design reng reng a hmun a zirin, culture & society a zir in a dang vek tih chu kan hre threuh awm e. Ka sawi na chhan ber zawk chu eng vang in nge kan sorkar hian phai lam architect (hnam dang) hi an rawih kher Mizo architect kan neih te hian ti thei an la awm lo mi le aw!Nge ni a sorkar a luh a hlawh lak hi kan lung awi ta mai. Kan ram lei lung chu kan hre chiang awm zawk si a. Mizoram a building sawi kai ve deuh ka vah chhuahna a ka hmuh ve tam tak ah chuan contour hi an pum pelh hram hram in ka hria (a chhan chu contour hi plain area aii chuan ngaihtuah tur a tam!!)amaherawh chu an estimation cost chu sang viau si! Public Presentation phei chu fiamthu ah an la mai mai maw tih tur a chhia. Mizo hi min bum reng mai em ni!! kei ni lah in kan lo ngai ropui hlauh thung! Phakhat ka share ve mai mai duh chu Mualpui Stadium satu te PPT kha hmu tawh kan awm em aw?? phai lam ho hian Mizo sum bak ei duh an nei lo tih hi a chiang lutuk.
Report this comment