I’n ti leh tháwr mai teh ang. Ka post hi zirchian fé hnua ka rawn post a ni lèm lo va, mimal ngaihdân leh hmuhdân mai a ni e. Lehkhabu leh thil dang engmah ka râwn lèm lo va, mi nui ka hre hnem thawkhat tawh e ka ti mai. Hehe.
Nui har har: Ngaihtuahnaah chuan ramhnuai pilril tak kâr atanga lasi nui ri lo chhuak a lo lang nghâl. Hei hi hmeichhe nuih dân a ni tlángpui a. Tléma lerh lampang hi an ni duh. Nutling an nuih har har chuan an la za hle tihna a ni duh hle. He nuih hian zûn a nei. Harharhar.
Nui sêih: Nui pawisawilo ber a ni hial àwm e. Mipa leh hmeichhe nuih a ni kawp nâ a, hmeichhe biangsum nei hian an inhmeh bîk. Mi ngainat a hlawh hle a, ‘sêih’ khat hian thu tam tak a sawi. Heh.
Nui huk huk: Hei hi chu mipa nuih a ni bîk. Aw thûm deuh hian an inhmeh zual. ‘Nui kur kur’ nen huang khatah a dah theih ang. Hmeichhia-a hman dâwn chuan ‘nui ker ker’ tih a fuh ang. A rûka nui a kâwk thei. Kurkurkur.
Nui huah huah: Mipa leh hmeichhe nuih a ni kawp. A tlángpuiin mi zau tak an ni duh hle a, anmahni pawh ri huai huai chi an ni. An rilru pawh a chhe lèm lo. Mi a nuih huah huah tawh chuan a bulah fiamthu duh leh thiam a awm a ni duh khawp mai. A rîkin a ri huau huau thîn a, bengchheng ngaitheilo tân erawh ninawm an chang vat thîn. Hahaha..
Nui tet tet: Hetiang nui hian ngeiawm lampang a pâwl. Tawng chhuak lo mah se, kan bula mi an nuih tet tet tawh chuan ngaih a tha lo duh hle. Tin, nuih za si, nui tha ngam si lova inthlahrung taka nuih a ni thei tho bawk. Tettettet.
Nui pùt pùt: Hei hi zakzum nuih ti ila, a sual lo vang. A tlángpuiin hetianga nuiho hian hmui an tizum thîn. A nalh vak lo. Mipa leh hmeichhe nuih a ni kawp tho nâin hmeichhiain an chîng zâwk mah. A ri chhuak meuh lo. Huhuhu
Nui heuh heuh: ‘Nui sêih’ tih lohvah chuan nuih ngainatawm ber a ni hial ang. Mi pawi a sawi lo va, thinrim tudaitu tha tak a ni. Mi zaidam nuih dân a ni a, mi ngainatawm tak an ni. (Bonus: Hetianga nui hi an vun a nel thiap!) Hehehe.
Nui uar uar: ‘Nui huah huah’ nena a inan teuh viau laiin a letling thawk a tih theih ang. Mahse, he nuih hi chuan ngeiawm rawng a pâwl deuh. Ráwl tâwp tâwpa nuih a ni a, hetiang nuih chîngte hian ngainat an hlawh har hle. Mi dang lungngaihna an ngaihtuah lèm lo va, mipa aiin hmeichhiain an chîng. Huahuahua..
He’ngte bâkah a chi dang a la tam ang. Mihring azirin a dang thei bawk. Le, engtin nge i nuih le? Kei chu hetiang hian ka nui: Hahaha..!
Similar Posts:
- Games khêl ang!
- Nunkhua an chèn
- Nuih dân hrilhfiahna
- Phai-a awm turin i tlâk em?
- Hmeichhia te chona!
January 25th, 2011 at 10:05 pm
welkham tru new phek!
Report this comment
January 25th, 2011 at 10:08 pm
Hmaituam chunga nuih pawh a awm…min nuih tawh tlat nurse hoin….ti hi ania, Civil hospital ah Pile zai tir turin OT ah khan, i thomhno phelh roh le’ an tia. Ka phelh veka, thil dang engemaw kha min tihsan leh rih si a, ni thei ngangin ka hre lova khatia han naupang saruak din ngot kha..ka hup ta ani, ka kut 2 in ka hup a….nurse duty 2 te kha hmaituam mahse an mit atang khan a ‘za’ hle tih a hriat….
Report this comment
January 25th, 2011 at 10:49 pm
nuih hi chu engti zawng pawh hi nise a nuam vek mawle
Report this comment
January 25th, 2011 at 11:35 pm
Ka nui vak vak mai! Hahahaha
Report this comment
January 25th, 2011 at 11:45 pm
Nuih hi hriselna
Report this comment
January 26th, 2011 at 12:05 am
lui kal a, pat ek kai lung rahsual a, ngumsawh chawrh a nuih hi, nuih mahni tawrh chi….
Report this comment
January 26th, 2011 at 12:25 am
Hahahanc!
Nuih rau rauah chuan kan chetchhiatnaa mi’n min lo nuih hian a lawmawm loh. Nuihsawh nen.
Report this comment
January 26th, 2011 at 12:33 am
Topic hi thur tha thei riau mai, Ku Tsa chu.Kan tih ve fo, kan ngaihtuah ngai lemloh hi chipchiar takin i rawn chip ta thin a…maipawl min puttir nasa thin ngawt mai
Report this comment
January 26th, 2011 at 12:48 am
:nui sen sungggg:
Report this comment
January 26th, 2011 at 1:00 am
Kei chu ka ding nuih te’ng
Report this comment
January 26th, 2011 at 1:04 am
Awi Jinx, a va han lawmawm thei tehlul em! :nui sêih:
Report this comment
January 26th, 2011 at 1:10 am
Plastic smile = airhostess ho nuih.haha
Report this comment
January 26th, 2011 at 1:15 am
silicone smile – plastic surgery ti nasa nuih dan mak deuh
Report this comment
January 26th, 2011 at 7:55 am
Tah nuih
Report this comment
January 26th, 2011 at 8:24 am
Tlem lem deuh tawh hnu a hmui ti kawh put a Dave a nui vun vun ka mitthla ah alang, lunglen thlak mange
Report this comment
February 13th, 2011 at 1:40 pm
Tlai khwhnu ah..’nui var var’.._:)
Report this comment