Zemabawk Pastor Bial chuan an bialtu Pastor June 17, 2010-a chatuan ram panta nupui fanaute chenna tur an buatsaih sak chu luah theih turin zawh fel a ni ta a. 25th. January khan Kristian Thalai Pawl ten Rev. R.C. Zokhuma nupui Pi B. Zaithuami leh a fate bungrua an thiarluhsak tan a, January 27th. hian Bial Puipate’n tawngtaina hmangin an luah luhpui ang.
Zemabawk Bialtu Pastor, Rev. R.C. Zokhuma hian January 7, 2007 atang khan Synod Inkhawmpui ruat angin Zemabawk bial a vawng tan a, vanduaithlak takin natna khirh takin a tlakbuak hnuah nikum (2010) June 17th. khan chatuan ram a pan ta a. A kalsan tak, a nupui fanaute tan Pastor Quarters luah reng a rem silova, insawn chhuahna tur in an neih mai loh avangin Zemabawk Bial Standing Committee chuan an chenna tur in hmun leisakin an saksak ta a ni.
Zemabawka Pu Dengthuama ram chu Rs. 6,80,000/-a leisak a ni a, September 21st., 2010 khan ban khur laia hnatlan tan a ni a. A ban leh relah RCC hmangin kawngpui anah Assam type-a sak a ni. In sak chhung zawng hian Upa Ngurthanmawia, Zemabawk chuan Rev. R.C. Zokhuma nupui fanaute hi man lovin a in a luah hawhtir a ni.
A in lenzawng hi ft.24 x ft30 bial a ni a, a chhuat thingphel, a chung rangva, a bang leh ceiling tile a ni. In hmun leina leh a sakna atan hian Zemabawk bial chhunga Kohhran tinah budget insiamin Rs. 8,35,417/- an tlin thei a, Rev. R.C. Zokhuma nupui Pi B. Zaithuami’n Rs. 5,10,000/- a thawh ve bawk. Mimal thahnemngai te’n kawngkhar leh hmanraw dang an thawh bawk bakah Aizawl Development Authority (ADA)-in a fee an awl bawk a ni.
A sak hna hi Kohhran hnatlang leh hlawhfa-in an thawk a. A in sakna atana senso tawh zat hi Rs. 5,44,643/- a ni a, leiba rulh tur engemaw zat an la nei bawk. Zemabawk Bial Standing Committee leh Pi Zaithuami te chuan duhsakna hlantute, Zemabawk Mistiri Association leh Kohhran pawl hrang hrang, sum leh pai, tha leh zung thawhtute leh mimal thilpek hlantute zawng zawng hnenah lawmthu an sawi a ni.
Lalpa’n amah tihtute chu a ensan ngailo.
source: mizoramsynod.org
Similar Posts:
- Leithum pastor bial thar awmze neilo
- Hmeichhe Pastor neih a hun tawh
- BCM Assembly neih mek a ni
- Rev. William Williams leh Mizoram a a sulhnu hmasa
- Baptist Kohhran in Dr. R L Hnuni pastor atan an nemnghet dawn em?
(Y)
January 26th, 2011 at 8:33 am
Amah tihtute tan chuan tlakchhamna reng reng a awm si lo..
January 26th, 2011 at 8:35 am
https://mizoramsynod.org/index......38;nid=869
January 26th, 2011 at 8:43 am
An titha hle mai.
An saksak chhan hi hmeithai an nih vang nge Pastor nupui a nih vang ni ang ka lo ti mai mai a..
January 26th, 2011 at 8:51 am
A ropui hle mai.
Nimin khan Tuikhuahtlang atangin Bazar thleng ke in ka kal a. Kutdawh 3 ka hmu a. An zinga 2 chu mit del an ni. Synod leh Sorkar tan pawh a zahthlak deuh e. Kutdawh awm lohna Zawlkhawpui siam a har loh teh lul nen!
January 26th, 2011 at 8:57 am
tluk loh rim an va nam ve le…
January 26th, 2011 at 8:57 am
Aw haw, ka van lawmpui teh reng em! B.Zaithuami hi Pastor nupui, an pa in a boralsan ani a, nu leh pa nei tawh lo, a fa te nen hawnna tur in nei lo anni! hetianga Zemabawk Pastor Bial in duhsakna an pe hi ka lawmpui tak zet ani! Pathian in a mite a thlahthlam ngai lo!
January 26th, 2011 at 9:05 am
Kava lawmpui em.
January 26th, 2011 at 9:25 am
Ava tha ve.
Tuaisial Mizorama kut dawh kan hmuhte hi chu an chhungte pawn tilo tura an tih te an ni duh khawpin ka hria, khuahkhirhna hnuaia awm peihlo.
January 26th, 2011 at 9:52 am
Avaropui emmm…
January 26th, 2011 at 10:19 am
An lawmpuiawm ve aw….ka ngaihtuahna chu a kal thui khawp mai…..ka mittui te a tla hial a….RS 5,10,000 a thawh ve bawk a…..tanpui ngai ngawih ngawih chu an nilo deuh a ni….
January 26th, 2011 at 11:20 am
”Keimah vanga in leh lo, ram, nupui fanau te kalsan chuan, lalthutphah ah thu in, malsawmna let za in an hmu ang,chatuana nuna nen”, Lalpa’n a ti.
January 26th, 2011 at 11:42 am
Lalpa hausakna hi ren rual a ni lo reng a ni. Midangte tanpui theitu awk nih hi a va hlu tak em. Zemabawk bialte, in chhuanawm ka ti. Pi Zaithuamite nufa chu ka lawmpui khawp mai. Tunlaiah Rs 5,10,000 lekin in hmun leh a sakna a daih teuh lo ropui tawh si a.
January 26th, 2011 at 12:01 pm
Lalpa tan a pen chhuak te hi chu thlahthlam hi an va ni lo tak em….
January 26th, 2011 at 12:07 pm
TV piangthar tha deuh pawh tuiah a tla a, rei fe hnuah lawng a ron kal, tanpui i ngai em? an ron ti, ngai lo Pathian in min chhan mai ang lo ti tlat, a dang a lokal leh pawh khan chuti bawk chuan lo chhang leh thin a. a tawp a tawp ah chuan a thi ta nge nge a, Vanram ah chuan han kal ta ngei mai,,, thinrim ltk in Lalpa han chhuahchhal.. ngati nge tanpui ka ngaih laiin min rawn tanpui i tum miah loh han..ti vel..chuan le, pathianin, Mawla.tanpui tu tur che in Lawng pathum ka rawn thawn kha..lo ti tek.
PATHIAN HIAN KAN DUHDAN LEH LO RINLAWK ANG ZAWNG KHER HIAN MIHRING TE HI MIN TANPUI KHER LO….
January 26th, 2011 at 12:14 pm
An va han ti tha teh lul em! Pathian rawngbawl hi hlawkna hlir alo ni. Mah se an hma bak ala huphurh awm ve mihring taka han thlir chuan.
January 26th, 2011 at 1:07 pm
Va ropui em. RINNA a RINAWM te chan ang chang ve tur hian Kei Misual hian Hma bak a va tam em.
January 26th, 2011 at 1:27 pm
a va ropui ve. Pathianin a mite a kalsan ngailo tih a chiang lkeh ta. god bless them
January 26th, 2011 at 2:07 pm
An van ti tha ve.
Insak man hi a van to awm ve aw. Rangva, thing leh tile a sak chu ( a hmun man sawi tel lovin) to vak ka lo ring lova. Ka lo hrelo ve hleeee mai
January 26th, 2011 at 2:27 pm
@ 14 herc…nizan ‘in the pursuit of happiness’ i en chiang…a fapa joke sawi kha ,,,,
Anti ropui e
, an khawngaihthlak e mai. An Pa duh tak Pathian ranwgbawlin hun lo takin a kal sana lei hausakna engmah hnu chhiah lovin hei tal antih sak lovin Pathian ngilneihna a lang chhuak lo anga sin…. charity leh induhsakna hi a hlu a tuman an aia mamawh zawk an tam sia ti zawngin comment loh a tha…judgmental lutuk hi rilru piangsual na pakhat ani e 
January 26th, 2011 at 2:34 pm
#19
‘A ram leh a felna chu zawng hmasa ula….’ tih kha anhrereng a nih hi… Pathian rinawmzia a lo lang leh ta..
January 26th, 2011 at 10:09 pm
Rev. R.C Zokhuma kha a damlovin ka tlawh a, ka hmuh lai chuan a na vak pawhin a lang lova, a lo thi ta mai a, a pawi tak zet a ni.
Zemabawk Pastor bial hi an titha ngawt mai ti ilah an tihawm tak an ti a ni zawkin a lang. Mahse, tihawm tak an tih kawngah hian fak an phuin ka hria, kan tihawm tak tih loh hi kan ngah em mai.. mihring te hian.
Pastor bial dang pawhin entawn atan hmang se a tha ngawt ang.
January 27th, 2011 at 5:49 am
@ vitamin c….RS 5,10,000 a thawh ve bawk a…..tanpui ngai ngawih ngawih chu an nilo deuh a ni.
khi pawisa khi an pa pension atanga an neih chhun ngawih ngawih pawh ani mahna.hmeithai khawngaih thlak tak anih chu maw le.zemabawk bial te chu an va ti tha ve le
January 27th, 2011 at 7:55 pm
Zemabawk Pastor Bialte chu an vatitha ve,Pu RC Zokhuma nupui fanaute chu ka lawmpui e
October 27th, 2013 at 5:39 pm
A chhungte hi dam takin an la awm zel em ang chu maw?