Ka Computer pui roh hi a nuar tlat mai a, amah hi Asus P5KPL-AM/PS nu bera hmang a ni a, Dual Core tih te a in ziak ve a, a clock speed tihvel chu ka hre thiam pha ve chuang lo. A RAM hi 1GB an tih ang hi ka bel ve a, Graphic card hi vuah ve rawh an ti a, Geforce 512 MB emaw ni ka bel ve a.Ka buaina ber erawh chu, tunhnai atang khan “New CPU Installed…… press F1……ect” hi a rawn inziak zel mai a, BIOS setting hi ka save thei der lo mai.A battery te ka thlak thul, zialam pan thei silo. BIOS setting save theih loh vangin. ka card vuah pawh hi hmang thei miah lo a, buai tak ka ni,buaitak…A ngaihna hria chuan min han pui teh u 
Archive for January, 2011
In hre mial em?
Monday, January 24th, 2011Sazupui (Rabbit)
Monday, January 24th, 2011Nikum, June thla bawrvel khan Sateèk khua ami ka lei a, an nun a nêmin an zaidam hle. Naupangin duhtawka an khawiha an chùl te hian, lo seh tum leh lo tihnat tumin an awm ngai lo. (A var hi a nu, a dum hi a pa)
Hei le,Davida Team,Kolasib in sak dan tur estimate (For Misual.com Lovers).
Monday, January 24th, 2011Dt.11.01.2011 (Tuesday) khan Pu Johnny Zothanchama BE(c) hovin Kolasib Misual ho Davida Team te awmnaah kalin,Post hmasa a kan sawi ho tawh ang khan, an chenna In sak dan tur, a hmunhmate kan thlir ho a.Hetiang hian Pu Johnny chuan estimate a siam a,hei hi Misual zingah contribution pek tumte tan a ngaihdan in lo neih theihnan leh,rawtna dang leh tha zawk te,hei aia senso tlem zawk a tih a tha em, tih te kan sawiho leh theihnan kan rawn chhawpchhuak a ni.
In sa duh tan(residential building)
Monday, January 24th, 2011Mizo in a in kan sak dawn a kan chhuanlam tam ber chu architect kan ruai pha ve lo tih hi a ni awm e!!… he ka thu ziah tur ah hian in kan sak dawn a thil ho te a kan ngaih si mahse kan tih tur leh kan zawm ngei tur tlem ang a zawng in tar lang teh ang.
1. Kawngka pui (Entrance): Kan in kawngka pui hi Mizo in tam tak ah chuan pawn lam hawi zawnga hawn theih in a awm fo. Hei hi a thei hram chuan chhunglam hawi zawngin hawn theih ni se a chhan chu mi inleng kan neih dawn a kawngka kan hawn rualin pawn a awm te kan va tauh chawrh thei ani. Chuvangin kawngka pui reng reng chhunglam ah zel a in hawng tur a ni. Mahse fire exit door ang ah chuan pawn lam zelah a in hawng thung tur a ni a chhan chu kan tlan chhuah pah khan kan nam hawng nghal thei mai a ni.
2. Landing: Kawngkhar awmna reng reng ah pawn lam ah chuan a tlem ber ah 1m a zau din na tur (landing) siam a tha. Chuti ni lo a step emaw hawn ruala a lo awm chuan kan tlu sual palh thei in rin loh deuh in! (more…)
Aizawl khawpui kawng chhe lutuk leh traffic jam (A thling baw hawkin!)
Monday, January 24th, 2011Kan Aizawl khawpui kawng chhe lutuk leh traffic jam ninawm zia hi titi ah pawh kan sawi tam ber pawl a ni awm e. Mi zawng zawng hian kan vei emaw tih turin kan sawi luai luai a, hmalakna leh a taka thawh erawh kan sawi tam avang hian hmuh tur a tlem khawp mai!
A bik takin Bawngkawn leh Zemabawk inkar kawng hi a chhe zual em em bik reng mai a, enkawltu awmlo te pawh a ang rum rum thin. Kan kawng chhe lutuk hian traffic a ti jam a. Kan motor a chhiat phah a, kan hun hlu tam tak kan khawhral phah a, sum tam tak kan khawhral phah a ni! Kan kawng enkawltute hian compensation min pe se a tha ang!?
Tlang ram hmun rem loah kan khawsa a, India ram khawpui dangte chu tehkhin rual an ni lo. Chutih rual chuan a remna lai apiangah kawng thar kan reh belh vat vat hi a ngai tawh a ni. Elevated road an tih ang pawh hi junction lun lai ( Sikulpui kawn, Khatla kawn, Tennis Court, Mizofed Petrol Pump Junction, Zodin Junction, Chanmari kawn, Bawngkawn – Sairang road junction, Vaivakawn junction,etc. ) ah tal hi chuan siam thei ila chuan kan ziaawm phah viau in ka ring. (more…)
Delhi ah Mizo heroin tawlh rutu police in man
Monday, January 24th, 2011The Directorate of Revenue Intelligence (DRI) on Saturday arrested a Delhi resident and a South African national with over three kg of heroin, valued at Rs 3 crore in the international market.On the basis of specific intelligence, DRI officers apprehended Hranglawta from Mizoram with three kg of high quality heroin at Jaipur. The accused was disembarking from a private bus arriving from New Delhi when he was apprehended by the police on Thursday.
“The contraband was cleverly concealed in the midst of various items, such as the inside of a ladies purse, the hollow pipe of a steering component, the backside of a cycle seat, etc. The heroin was recovered from eight different parcels in his luggage,” a senior DRI official said. Hranglawta, who resides in Uttam Nagar, had allegedly gone to Jaipur for sending these parcels to various destinations across the world through post offices and courier agencies.
GLOCK 19
Sunday, January 23rd, 2011
America ram a kan thian pa in rang lutuk a, misual.com a a rawn tar lan, Tucson khawpui, Arizona a tualthahna rapthlak tak kha kan la hre theuh ang chu. American tlangval pakhat in (a hming Jared L Loughner) pistol lek in an MP lar tak (ti mai ang) Gabrielle Giffords hmu tur mipui pungkhawm a kap chiam mai a, mi paruk a kap hlum a, 13 zet a hliam bawk a nih kha.
A thah tum ber an MP Giffords-i lu a kap tlang pawp a, a kah hlum zingah hian Judge pakhat leh naupang pakhat an tel bawk. Giffords-i hi a thi lo hlauh, mahse, hliam nasa tak a tuar, a recover mek. He thil thleng hi a rapthlak hrim rim bakah, thih ngam a, an MP chhuan vawr hliam tuar hian, America ram pumpui a nghawng nasa hle. A ram pumpui in thi te sunna leh hliamtuarte hriat rengna hun an hmang a nih kha.
(more…)
Thingtlang mirethei te
Sunday, January 23rd, 2011Pathian khawngaihna a zarah Internet te khawih theiin, Khawvel hmun hrang hrangah Mi5ual kan awmkhawm a. A hnuaia mi hi zokhawpa pakhat, hnathawh rim avanga ke khi thawt a ni a. Hetiang mi hi Zoram hmun hrang hrangah an awm asin… NLUP, MIP, NNLUP velin thleng se aw…….
Serthlum huan siamtu pawhin rim takin hna a thawk a, kangmei ila lakah a huan vengin, fate chawmna atan thithunam hialin an bei a, an huan a zim avangin innghahna ngam lo lo a Huan siam an duh. Mahse, ei hmuhna dang a neih loh avangin NNLUP nghakhlel takin a thlir asin…. (more…)
Hei le… Hamlet vrs Leartes
Sunday, January 23rd, 2011
Eng tin tin emaw Hamlet-a leh Leartes (Laitis)-a ten Vanapa Hall-a kum 20 chuang kalta-a last fight an bei lai ka nei hlauh mai…! Tunlai hian Hamlet Mizo version audio a lar thar leh deuh a…a support-ah kan contri e.. a dang pawh ka hmu leh mai thei!
Pa hnen a lehkhathawn
Sunday, January 23rd, 2011To,
Ka pa neihchhun,
Ka hmuh hmasak ber che kha Pa i la hria em? Pawl 2 ka nia kan sikul banin ka nu bulah i lo thu a, kan in a rawn leng dang ang lo deuhin ka hre reng che a… Pa, sikulah chuan ka thiante hian zawhna min zawt reng a, “Zu in zuar elaw?” “Engtin nge ei inzawn?” etc . Mipa zing a lian ber leh sual ber Zuala mi tih duhdah hrat pawh khan, “Nang zuzuar fa mai mai, Pa pawh i nei lo” min ti fo mai a, a nu hnen a zu zawrh tawhloh ka ngen khan, a nu chuan,”Bawihte kan zuar reng bik dawn hleinem, officer i nih hunah kan bang dawn a lawm, mi chuan Pa an nei a keini chuan…” tiin min chhang a, Aw… Pa neih ve ka chak zia kha, tuman min hmusit tawh dawn silova. Kan in a i rawn awm tan a ka lawmzia kha. Achhani leh Sawmi ka va hrilh vat a, “kei chu Pa ka nei bik..” ka tia, Achhani nu khan a thiannu bulah zawite khan,”Masangi pa kha tunge kha?” a tia, a thiannu khan zawite bawkin,”A pa ber puh tur a hrelo ni lawmni?” a tia min rawn en a. Ka lo enkiau sia, ring fe hian “chu Pa thar i nei tawh dawn a lawm..” min ti a, intithei takin ka lo nui var var a..
Pa, ka hmangaih ngawih ngawih che, fanuin pa a hmangaih theihna ang zawng zawng hian kei pawn ka hmangaih che a ni,nanglo chu he khawvelah hian PA ka la hre ngailo, Pathianin ka pa a tan a min pek che niin ka hria…Ka naute pahnihlo pian hma phei chuan min duat ve thin kha.. Pawl 6 ka nih kum khan Mas thawmhnaw kha ka ta tur leina a awm ve ta lova, ka naute pahnih chuan an nei a, a nu khan min en a.. a mittui a tla a.. ngatinge le?? I hau silo.. kan pawlah pakhatna ka nia mahse Pa..”Sikul bang mai rawh i naute awm an ngai” i ti a, “Aw le” ka ti mai a Pa.. ka naute len hunah sikul chu ka kal ve leh mai ang ti raw? (more…)
