Kan Zo Sapte khan min lo hmangaih a ni… Tun laiin chanchinbu thenkhatah kan zosapte khan min hmangaih tak tak lo tih thu chhiar tur a awm ta nual mai a, he thu hi thil kan hriatchian loh vangah leh kan hriat thui loh vangah kei chuan ka ngai a ni. Mimawlber ngaihdan atang pawhin han ngaihtuah ila, kan sap missionary te kha lo kal ta lo se tunah hian enge kan dinhmun tur hi ngaihtuah ngai tak a ni.
Kan sap missionary te khan thil thui tak kan hnam tan an lo ngaihtuah a, mizote min intihpumkhat theihna tur ber a an hriat chu tawng inang tlang vek kan hman kha a ni tih an hria a, chuvangin ‘Duhlian’ (Lushei) tawng khan mizote hi min lo phuar khawm ta a ni. Tin, chumai bakah kan hnam tana rohlu tam tak min hnutchhiah bawk a ni. London khua, kha tih hun laia khawvela khawpui nuam ber pawl atang khan kan ram chheng chhe tak, kawng pawh awm mumal loah an rawn kal vang vang mai a nia, mahni chanah han indah ta ila kan thei ve angem?
Hriselna kawngah nasa takin min zirtir bawk a, mizote hnam bal tak thin kha faina kawngah min hruai a, min zirtir na sa em em a ni. An thinlung tak tak khan mizote hi min hmangaih a, Pu Buanga te nupa khan an inneih hlim khan fate an neih chuan mizoramah an tan rawngbawl a harsat an rin avangin a nupui kha fa nei theilo turin an siam an ti a ni. Tisa lamah chuan fa an nei lo a, mahse thlarau lama an fate mizo(christian) tam tak kan lo awm phah ta zawk a ni.
Tin, Sap Upa khan a thih hunah Mizorama phum a dil a, mahse sap ram lama an hotuten an phal lova, Serkawn atanga a haw thlak dawn khan Serkawn lei tin 1 an ramah a keng thla a, chu chuan a thlan an vur an ti a ni. Chvangin kan Zosapte khan min lo hmangaih tak zet a, mizote tan an theihna zawng zawng an hlan phal vek a ni tih kan hriat thar leh a pawimawh em em a ni.
Sawi tur a tam mai a, midang sawiah dah tawh rih mai ang……
Similar Posts:
- Ka Rilru A NaThin…
- Mizo leh Mizo tawng
- Lama Hriat Reng Nan
- Mizo tawng hmasawn nan leh hnam ro tling
- Kan mize thenkhat leh kan nihna
:-D
:)
February 4th, 2011 at 5:39 pm
a nimaw
[Report abuse]
February 4th, 2011 at 5:40 pm
hmangihtu neih hi a tha a ni
[Report abuse]
February 4th, 2011 at 5:42 pm
ka log in buai chhungin ka first hman ta lo
[Report abuse]
February 4th, 2011 at 5:44 pm
Min lo duhsak hle nia a a lanna sawi tur a awm ang a, chutin laiin min lo hmangaih vak lo ni a a lanna pawh sawi tur a awm ngei ang. Kan Zosap te zinga missionary rilru pu ber Pu Zosapthara kha chu an ngeih vak lo a nih kha. Pi Teii, Pu Zosapthara leh Pu Buanga te kha chu an fakawm khawp mai. Mizo Kristian hla thar bu an siam tirh a Pu Mena tawngkam chu, “Mizo te tih lawm ve nan”, tih a ni.
Midang ho ai chuan min hmangaih a ni a tih theih ang.
[Report abuse]
February 4th, 2011 at 5:45 pm
an hun tawp lamah khan BMS hnenah mizorama luphum a dil a,an phallo rilru hrrehawm lutuk chu zan khat thil thuah a sam a lo tuak ta vek a’ tih a awm a,hei pawh hi pui tak ani.
Luphum chu sawi loh Krismas-ah mah mahni ina hman kan chak a nia.
mi tam takin fa neih an chak laia faneilo tura insiam tura thu tih tluk ringawt pawh hi pui tak a ni. Pathianin min hmangaihzia a ti chiang hlein ka hria
[Report abuse]
February 4th, 2011 at 5:57 pm
Min hmangaih tak2 lo, ti tu te view han chhiar ve a va chakom.. :-|
[Report abuse]
February 4th, 2011 at 6:04 pm
Zofate min hmangaih tu zosapte an va fak awm em……
[Report abuse]
February 4th, 2011 at 6:05 pm
@Thingva(Posttupa): Engtin nge chanchin bu ah chuan anlo ziah a? Kava han chhiar chak ve. Mai mai thin a. Kan phun chiar mah mah thin a ni. Tu pawh nise kan sawi sel peih zel a. Israel fate kan ang ni….
A thlirtu a zir a ni thei viau bawk ang. An lo ti ve ngawt pawh hi a awm viau e. Chhim lama lo phei zingah chuan sawi sel tur ka hre meuh lo a. Hmar lamah erawh chuan an tei theih vak loh chu a awm ve in ka hria mah se hei pawh hi mizo thenkhat lunglen vang ni mai mai in ka hria…..
[Report abuse]
February 4th, 2011 at 6:12 pm
An contribution thlir hawt lo hian tawng an hman dik loh kan bei kan bei hreh lo hi mak ka tihna rei tawh. Mahni pianpui tawng lo thiam hle turah an dahte pawh aniang. Hnam dang tawng pai miah lova kipkawia tawng thei hi mizo kan awm bar pawh ka ring lo ve. An pianna ram nih chuan thuhran ni se
intihthiamna chi khat a ni.
[Report abuse]
February 4th, 2011 at 6:22 pm
He thu hi draft-ah a awm rei hle a, post title ziahna turah post a ziak duah mai a, chuvangin kei chuan he thu hi thla hmasa khan ka chhiar daih tawh. He2.
Nia, min lo hmangaih takzet a ni ang. Kawng engkimah bul min tan-pui alawm. Amaherawhchu, an thiam ang anga an Mizo tawng hman, tun hnua kan chîng hi a tha fahran lo. Entirnan, ‘ziak’ leh ‘ziah’ chungchang hi. ‘Ziak’ tih khan Mizo tawng zir chawp Zosapte hman dan a nia. Tun hnuah ‘ziak’ ti hlira hman tum pawl kan awm a.
Ti daih ila, Mizo tawng ziah inzir i ngai nasa khawpin ka hria. I uluk lo ve hrim hrim bawk
Ka lawm e.
[Report abuse]
February 4th, 2011 at 6:30 pm
@TS: A zahthalak em mai boruak dang siam ang.
Ziah hi ziat modified form a ni. Ziak in modified form a nei lo. Kan Zosapte khan an lo ti dik ang. Lehkha ziak tih hi an mahni atanga lo chhuak liau liau ni turah a ngaih theih bawk. An lo chhuah chhoh hma in hawrawp kan nei lo a lehkha ziak kan la thiam lo hrim hrim…..
TS minlo chhang teh…
[Report abuse]
February 4th, 2011 at 6:36 pm
#11 Krista ka support thei lo tlat che. ziak hian modified form neiah kei chuan ka ngai. Ziak ti duh tlatho chu Thingsulthliakah an zin mai dawn em ni?lolz
Hawrawp nei lo mahila tawng kan lo nei sa alawm le. Ziak leh chhiar la thiam lovin, ziah dan la hre lo mahila…
[Report abuse]
February 4th, 2011 at 6:44 pm
@Vakul: Kava han sa teh reng em…
. Thliak te leh ziat te ang chi hi chuan modified form an nei reng a alawm. ‘Hei hi ka thliah a nih hi’ kan ti thei a ni.
“Zawngtah chu ziah tur ania Lehkha erawh chu ziak tur a ni” a ti Rev Dr HS Luaia’n.
[Report abuse]
February 4th, 2011 at 6:45 pm
He post zet chu(h)! Ka va lawm e! Kha, a law’m nan
ka’n khilai ang che u.
Post atana ka hual, ka sawi fiah thiam lo ang tih ka hlauh si, ka rilru-a awm tet2 reng bawk si a ni.
ZO-SAP te khan min hmangaih takzet a ni!… tih hi ka sawi nawn awn2 duh. Ni e, tunlaiah inti-fing/chhui zau (inti) te thu/hla hmuh tur a awm ta fo mai. Mahse, a mak lo e! Mipui rilru nghat sa, mu hle2, a ni lo zawng leh a engemaw zawnga chawhthawh a, suangtuahna thar neih tir a, an thlauksuk sak a, intihlar tumte an lo pung zel a; a tha vek e!
Neil Armstrong te Thla-a lawn mah – an lawn tak2 lo, lemchanna mai… tipawl an awm a ni si a. Kan zo-sapte khan min hmangaih tak2 lo… tipawl… Ooh! titawk (pawl anga sawi tham anni nek lo e) an awm hi a awm viau e!
Ka sawi tam duah peih lo. Post Topic ang khian, kan Zo-Sapte khan Khawtlang nunah, Zirnaah, Finna/ Thiamnaah leh kawng hrang2ah min hmangaih takzet e.
Kumpinu Sorkar Policy vanga rawn lut anni lo. Lalpa mi tirhte anni a, nawmsakna leh hausakna kalsanin, Pathian ram zauh nana rawn kal tak2 anni. Min han chenchilh takah chuan Mizote kha min hmangaih takzet a, kan hmakhua min dawnpui takzet a ni.
[Report abuse]
February 4th, 2011 at 6:49 pm
‘Min hmangaih lo’ titute chuan hrenpereng kaihin, thingbul lungbul be leh se a ni mai lawm ni?
[Report abuse]
February 4th, 2011 at 6:51 pm
zosapte thlalak hrang2 leh hmaanlai mizo thlalak hmasa ho han en khan zosapte lo inpekzia a hriat theih ka ti ve tlats,keini mawl/thrin/trawp/balh lehzual lai kha a nia, anmahni ngau ngau kha chuan min tuar thei mai pawh a niang mahse anfate, te tak te te mizo naupang hnaptla pir per zing a antlan ve dar dar lai ka hmuh khan kei ni ta ila tiang zing a hetia fate seilen ve tir ngawt kha ka phal lo mai thei…
[Report abuse]
February 4th, 2011 at 6:55 pm
@Krista: Rev HS Luaia aiin Rev ni ve lo JF Laldailova’n Mizo tawng a thiam zawk. JF-a khan ‘Ziah thlavang hauhna’ article sei zet mai a ziak tawh a. Chu a article ziah chu chhiar la, i fiah kuar kuar ang.
[Report abuse]
February 4th, 2011 at 6:57 pm
@Krista: ‘Essay inziaksiak’ i ti ngai em?
[Report abuse]
February 4th, 2011 at 6:59 pm
An mahni tanghma hai/ hre ranin an sakhuana thehdarhna remchang taka hmangin, kan tanghma ngai awm takin kan ram kha fing takin min awp a ni, tih hi ka hmuh dan leh ka pawm dan a ni.
[Report abuse]
February 4th, 2011 at 7:05 pm
Zosapte khan Zofate hi min hmangaih a ni tih erawh ka pawm.
[Report abuse]
February 4th, 2011 at 7:13 pm
TS: Keipawn ka pawm khawp mai. A chiang thawkhat a ni…..
[Report abuse]
February 4th, 2011 at 7:14 pm
Mizorama missionary te kha sawrkar lam enkawltu ni miah silo khan an tanghma hre ranin tan an la a, sawrkar an hmin hmasa te te a, chumi hnu chuan hma an la chauh a nih hmel.
An doctrine (Baptist/Presbyterian) ringlo/pawmlo tu tan sawrkar hna thawh a thawh theih loh a, Chi (salt) lei pawh theih loh tluk a ni. Heihi sawrkar an hmin zan hnua an hmalakna, an missionary hmasa pakhat a ni. Sawrkar an hminna dang leh chu, “Hmun hranah pawl dang ten member an ngah tawh…” tih chhuanlamah hmangin Presbyterian leh baptist missionary lo chu kum rei tak chhung Mizoramah luh an phallo ta bur nghe nghe anih kha. Catholic phei chu Salvation an luh tir phal hnu fe, Presbyterian missionary luh hnu kum 45 naah emawni chauh an luh ve an phal ta tawk anih kha.
Heng te hi missionary Pu Lloyd a te kianga tal nasa tak, hla pawh pathum lai an nupa nen lo siam ho, ka pu, Laldailova (1890 – 1992) ngei pawn min hrilh a ni. Sawrkar thil a Shillong a zin thin na lamah Catholic Kohhran tha a tih tak em avangin a rukin an doctrine chu a hawn ta a, JF.Laldailova pa chu sawrkar hnathawk anih loh avangin ani chu Catholic doctrine a thehdarh tir ta a.
Chuti chuan Catholic duhtu an pun tak zelah chuan, sawrkar an nawr ve reng bawk a, kum 45 hnu chuan Catholic missionary te lo luh ve an remti ta chauh a ni. Tuna Kulikawn a Cathedral hmun te leh sikul hmun te saw ka pu leh JF.Laldailova pa te buaipui leh a hmun pawh an laihzawl sak (man tum sak) an ni nghe nghe.
Thlipna: an tanghma ngai takin min hmangaih awm tak siin hma an rawn la a ni.
[Report abuse]
February 4th, 2011 at 7:17 pm
#13 Krista Pu Luaia paw’n lo ti se, #17Ts JF a paw’n lo sawi lo se ziak/ziah ka ti. ulh deuhva min tawngtir i tum em ni Krista?
[Report abuse]
February 4th, 2011 at 7:20 pm
Pu Hv, kha’ngte kha chu anmahni leh anmahni inkar alawm.
[Report abuse]
February 4th, 2011 at 7:22 pm
#19 & 22 chu ka support hauh lo mai.
Zosapte an rawn kal dawn khan Kumpinu sawrkar aiawhte khan Aizawla sap thuneitu awm te hnenah khan zosapte kha lo tanpui lo turin lehkha an thawn tlat asin. Kumpinu sawrkar nen kha chuan tum thuhmun an nei lo tlat.
[Report abuse]
February 4th, 2011 at 7:35 pm
@Vakul(#23): Ka lung iva kuai tak em…..
Bible pawh critics taka thlir peih Pu JFa kan ngai sang zawk a. Mizo tawng ziak chung changah chuan an rintlak a ni Pu Chauterate,Pu Chhuahkhamte,Pu Challianate,Pu Zathangate leh a adangte kha… 
[Report abuse]
February 4th, 2011 at 7:46 pm
Hmangaih leh ngaihlo an nei ani lo mo.
[Report abuse]
February 4th, 2011 at 7:46 pm
#26 Krista Ziak chauh hman tur ni ta se kei chu ka tawng leh thu ziahah ka khawr vek ang. Mi hmasa ka sawi lo, mi thiam rawn ka tum lo, tuman min rawn bik lo. Mahse tawng kaltluang pangngai hi ‘Ziak’ chauhva kan dah chuan a ulh lai a awm thin a ni. mi mal ngaihdana kal chiah chuan thil dik nia ka hriat hi mi thiam leh kan mi rinte sawi vangin uire san ka tum lo. Anmahni kan ngaihchan tlat chuan dikah pawh kan ding nghet ngam nang. Kawng tam takah erawh keini aiin an fing an hria, an tawnhriat a tam. ka zep lo ve. ka hmin chuang dawn lo che ka hria… inhnial tawh lovang ka fb fran i nih kha..hehe
[Report abuse]
February 4th, 2011 at 7:50 pm
chemtatrawta #25 tun thuhmun an neilo, pakhat ram enkawl a dang te an sakhuana thehdarh a ni. Mahse, sawrkar kha an hmin a, an doctrine pawmlo/ringlo tu sawrkar hna thawh a theihloh. Chi (salt) lei pawh an phal hleinem. Awm an awm pawn an ban(fire) dawn tih an sawi. Ka pu kha khang hunlai khan Head Clerk in a thawk a, ka sawi ang khian Lloyd te nupa nen pawh inti hnai tak an ni. A sawi chu ka pawm khawp mai. Pu Lloyd te nupa te ennan hla siam ho pawh KHB ah khan 3 a awm ang i kawl chuan lo en rawh.. Zawnawlna a Laldailova (1890 – 1992) tih kha ka pu chu a ni e.
Thil anih ang ang sawi a, ni chiah lo va sawimawi/phatmar sak lo tum kha a fuh lo in ka hria.
Thudik (fact) chu thudikin kal sela, chianglo chu chiang loin kal teh se. Rinthu leh ‘aniang’ tawngkam hi hman uar vak loh pawh a hun tawhin ka hre nghe nghe. hairehai :huat awih loh: 
[Report abuse]
February 4th, 2011 at 7:56 pm
Presbyterian, Baptist, Catholic , UPC, Salvation etc. engpawh ni rawh sek sek Bible chhiar theiha min pe tu, A hmel min hmutir tu hi mi eng ang pawh nise LALPA Chhiahhlawh ani tih hi pawm har ti vak lo ila mi fing kan ni mai :Pichiu:
[Report abuse]
February 4th, 2011 at 7:58 pm
Min hmangaih leh hmangaih loh chu mi hrang hrang ziah dan a dang hle mai. Ziaka thil dah hmuh tur lah a vang tawh awm si a, tuilai rap in kan awm dawn chu lee…
[Report abuse]
February 4th, 2011 at 8:01 pm
@ Pu Vakul: #11 lo chhiar tha leh teh..ngaidam ngaidam.
[Report abuse]
February 4th, 2011 at 8:03 pm
@Krista: I mi rawn sawiho zawng zawng kha kohhran rawngbawltu vek an ni. Anni te chuan Zosapte zirtirna zul an zui loh nakah. Tin, JF-a’n Bible hi critics taka a thlir peih avangin ka fak hle. Mizo tawng dik lo tawk lo tam tak awm kha JF-a khan a zawngchhuak mai a ni e. Khami hnu khan an chhut thar hnuah JF-a lo sawi anga thlak te pawh a awm nual a nia.
[Report abuse]
February 4th, 2011 at 8:04 pm
Ziah leh ziak bawk maw?
Kan Zosapte chungchangah hian min hmangaih lo nia ngaitute tanfung pakhat chu, “Anni kha lokal lo pawh ni se’ng midang an rawn kal tawh tho ang,” tih hi a ni. Midang an beisei tho mai. Hnialhrat ze diktak a ni.
Hetianga comment ka rawn pek nachhan chu hetiang lam thu ZIAK chhiar tur a awm vang a ni. Krista leh Muanteate thu ZIAH hi chhiar a nuam thei ka ti. Anni ang hian ka ZIAK thiam ve chak.
[Report abuse]
February 4th, 2011 at 8:06 pm
Krista i gameah ka lo lut vel mai mai a ni maw. Ti teh Hv-ate ho hmun i kian teh ang. Han inhnial zel teh se. Hei a la mu lo nge a tlaivar dawn pawh ka hre lo phektin maiah dik deuh deuh a la rawn sawi pung pung hi. A tui tulh tulh maiin ka hria …
[Report abuse]
February 4th, 2011 at 8:09 pm
Hnam dang ( Including SAP HO ) hian Mizo te hi min hmangaih tak tak hi ka ring lo. Keimahni Zofate ngei zingah pawh, ha hip a Ram hmangaih thu sawi chamchi peih te pawh hian kan ram riangte leh kan hnam hi an hmangaih tak tak loh zia hi nitin hmuh mai theih reng ani e.
Sap Missionary hote Zorama Chanchinthra eng rawn chhitute pawh hi Mizo min hmangaih vang lam aiin, Pathian Hmangaihna luangliam, A mite hnen atangin Zofaten kan lo dawng ni maiah kei chuan ka ngai. Sap Hoin Zofate min hmangaih vang lam nilovin. Hei hi ka ngaih ve dan mai mai ani e.
[Report abuse]
February 4th, 2011 at 8:10 pm
chhana#34 “Kan Zosapte chungchangah hian min hmangaih lo nia ngaitute tanfung pakhat chu, “Anni kha lokal lo pawh ni se’ng midang an rawn kal tawh tho ang,” tih hi a ni.”
A ni ve hauhlo mai. Pharisai taka, an sakhaw rawn ken an thehdarh ( an doctrine ringlo sawrkar hna beisei theihloh/Chi lei theih loh etc etc) kha a Kristian lo ka ti ve tlat.
An sakhaw rawn ken thehdarh thei tur chuan mipui te rilru hmin nan thil tha chu an tih tel angai reng bawk a, min hmangaih vang erawh a ni kher chuanglo.
[Report abuse]
February 4th, 2011 at 8:15 pm
@TS&Chhana:
#11 lo chhiar tha leh rawh u.
Kan mi hmasa te kha an fakawm em em a. An mahni zarah Chatuana nun na chu sawi loh kan khawvel nitin nu pawh a san phah hle. Malsawmna tam tak kan dawng a. An zahawm in an ngaihhlutawm em em . An mahni ngaihtuah chhuah chang hian thinlung thianghlim leh ngaihtuahna tha pui pui min siam thin se kan zavai hian ka va ti em! An mahni ngaihtuah chhuah nana kan in hnial rinawt pawh hi awm zia tak a ni.
Kan hun tawn chhoh ah hian an mahni avanga hian kan kalsual tur then khat hi kan ven ve a tha te hian ka hre mai mai ZIAK chungchang ah ringawt lo pawh hian. Zosapte zar vek a ni. Ti hian min hmangaih zia a chiang deuh deuh…
[Report abuse]
February 4th, 2011 at 8:20 pm
Tirhkoh Paula’n ‘thlah tute chanchin chhui leh thil chiang lo chhui avanga inhnialna sawtlo leh atthlak ah chuan tel ve suh’ Timothea hnenah a tih kha (A bung leh chang ka hre mai lo)
Finna leh hriatna hi chuan Pathian hi ala bei zel dawn a nih hi
https://misual.life/2010/10/.....s-pathian/
#36 @virthli i last paragraph khi hmangaihna ah chuan Pathian vanga mi hmangaih hi hmangaihna duhawm ber leh dik ber a ni. Pathian vang a nih chuan mihring mit in an en loa, tenawm leh trawp pawh LALPA vang zel a ni, chu chu mihring hmangaihna in a theihloh a aia tlo chu a ni. Hmangaihna dik ber i hre lo emai, ka hrual mum mai ang che ….lolzzz
Chaw kan ei teh ang. A la ei lo te tan “Chaw ei tui u.”
[Report abuse]
February 4th, 2011 at 8:25 pm
football context ….Manure utd tan loh na chhan tur chu, manchester sumdawng ho in ania India rawn awp beh pawh kha duh hihihi… liverpool khua ami te chuan missionary an ngai pawimawh zawk a ..hihihi
[Report abuse]
February 4th, 2011 at 8:31 pm
Jonna, Ninevi khua hmangaih reng reng lo, a kanral duh ngawih ngawih pawh LALPAN a tir a lawm le. Kan Zo sap ho ai kha chuan a hmangaih lo feeee…. Ninevi khua khan hnialin lo phun vak sela an chan tur a rapthlak em kha. An mihring hmangaihna kha chanchin tha a ni lo a, LALPA chanchin min zirtir kha Chanchin tha chu a ni. Thil chhui sawt lo leh atthlak ah in buai vel mai mai niin ka hria. Pichiuuuuu…..
[Report abuse]
February 4th, 2011 at 8:31 pm
India Sorkar laipui atang hian Kum tin khel loin, kan ram develop nante, kan fate Education thra zawk an neih theih nan Sorkar sikul te, Rethei zawk te pawhin tlawm zawk taka kan inenkawl theih nan Sorkar Hospital atan te sum tam tak Mizoram tan hian an rawn luan luh tir ruih ruih reng. Hengte pawh hi VAI hoin ZOFATE min hmangaih vangah ka chhiar leh pek tlat lo.
[Report abuse]
February 4th, 2011 at 8:40 pm
#42 ka pawm pui che :Pawm bur:
[Report abuse]
February 4th, 2011 at 8:41 pm
#39 Asteric : Sap ho hmangaihna niloin, Pathian hmangaihna zawk a ni e. Pathian hmangaihna luangliam amite hnen atangin kan lo dawng mai ani e. Thawktu tur an awm loh chuan Lungte pawh a au mai ang tih anih kha.
[Report abuse]
February 4th, 2011 at 8:50 pm
Ka Zosap te kha eng sum hmang a ron lut nge an nih kha? Beer company neitu sum thawh atang a lo kal thei an ni an ti tlat in ka hria.
Presbyterian, Baptist, UPC, Salvation heng ho hi pawl chhuak, mihring din chawp.
[Report abuse]
February 4th, 2011 at 8:50 pm
Pu Hv a chu Catholic thlirna atang chauhvin i thlir vang a ni. An doctrine pawm lo chu sawrkar hna a thawh theih loh tih te hi a document sawi tur i nei em aw? British sawrkar hi Welsh Calvinistic methodist doctrine pawmtute an ni lo ania. Rev E.L.Mendus a phei chuan mizote a hmangaih em avangin Sawrkar nen an inkhing a, a vawi khatnaah hneh lo mahsela, a bei nawn leh a, amah vangin bawih chhuah a ni nghe nghe asin.
[Report abuse]
February 4th, 2011 at 8:53 pm
Z0-Sapte khan min hmangaih tak tak a ni, tih bak ka sawi tam peih lo. Zoram an chhuahsan dawn te khan ‘nuamsingkhaw’ ti awm annih vei nen, mittuitla chungin min chhuahsan tak tawk2 a. Khangte kha min hmangaih vang a ni dawn lo em ni? Mihring ve bawk anni a, tlin lohna tam tak chu an nei ve bawk ang chu! Nula nalh eltiang pawh i keu i keu chuan a mawi lolai i keu chhuang ang. I hnim dun2 chuan a uihlai pawh i hnim ngei ang.
Kan hmangai takin A AW B min siam sak a, hnam mawl kan nih reng loh nan Zirna skul-ah tihluihnain min khalh lut a, faina leh thianghlimna nasa takin min zirtir a, kan khawtlang leh hnam kha a chhe tual2 ang a, hnam mawl kumhlun kan ni ang tih mawlh kha an hlau a.
An nupuite lah an fel. Zonu bal tawp tak2te chu huikhawmin (an rim pawh a chhe ngawt ta ve ang) laphiar, puanthui, kutthiam hrang2 leh inchhung enkawl te an lo zirtir ve mawlh2 bawk a.
Hmmm… Heti chunga min hmangaih lo/ an tanghma chiah an hai… tia in la puh(chhia) duh a nih chuan – IN THU THU LE!
Min hmangaih em vanga rawn lut anni lo a, Pathian tirhin, Lalpa ram zauh deuh2 nana rawn lut anni. Min han chenchil takah chuan ‘Pa’ atanga chhuak hmangaihna nen (an mihring thinlung tak pawhin min hmangaih tho ang) zeprual lohin min hmangaih a ni. Kohhran tirh anni a, a tirtu kohhran thurin milin min zirtir ang, thahnem pawh an ngai ang, khangte kha ‘min hmangaih tak tak lo’ tia tanfung atan chuan a nep em mai. Kan Synod missionary te pawh an rawngbawlnaah Pathian tana rawngbawl ni siin, a tirtu kohhran hre renga rawngbawl anni ve bawk!
[Report abuse]
February 4th, 2011 at 9:03 pm
Pathianin, kan Zo Sapte kal tlangin A Hmangaihna a rawn lantir ani ber e
[Report abuse]
February 4th, 2011 at 9:06 pm
Aw… Krista leh! A va hahthlak thin tak em!
[Report abuse]
February 4th, 2011 at 9:10 pm
Ram hla tak atanga Mizoram kilkhawr tak leh trawp tak mai, hrehawm taka an rawn kal a, hna an rawn thawk pheih kha a ropui ka ti. Mahse, min hmangaih ai chuan, min awp beh theih na tur lam leh anmahni kan ngaihsan theih na tur a kai zawk mah em aw ka ti deuh.
Kan hnam ziarang hlauh a, anmahni culture anga Pathian min biak tir an tum phawt a (hnaraw dang a awm loh vang pawh a ni thei e). Tlangram a cheng, tupui la hmu ngai reng reng lo hnenah tuifinriat tupui fawn leh thir chakai thehkhin thu a hmanga Kristian a min leh an tum a. Kan hnam nunphungte chu Setana hmanrua angah an lan tir a (khuang, thlar thum zai, lengkhawm hla, etc). Mahse Pu Patea te, Pu Kamlala te avanga Mizo hnam ziarang mil hla kan han neih chinah leh khuang nen a Pathian kan han fak theih chinah kha chuan Kristian pawh kan pung chak ta deuh a ni lo maw?
Ka sawi tak ang khian, missionary rilru pu tak tak, inngaitlawm taka thawk Pu Zosapthara kha chu an mil lo hle a nih kha. Pu Buanga chanchin erawh ka lo hre tam lo a.
Kan rilru ah mingo ngaihsanna an tuh a, an ti tha viau e.
[Report abuse]
February 4th, 2011 at 9:11 pm
“ChhawnBura Says:
February 4th, 2011 at 9:03 pm
Pathianin, kan Zo Sapte kal tlangin A Hmangaihna a rawn lantir ani ber e
”
Chuan anmahni pawn min hmangiah em em kan thatna turin hna an thawk a thil tam tak an chan a….
@Tuaite…… Ngaidam ngaidam…
. Min hmngaih a ni.
[Report abuse]
February 4th, 2011 at 9:18 pm
#50, Rev Zosapthara an mil loh thu hi kan hre fo mai a, lo mil mai se tha tur tiraw? Mahse thuk zawk a chhut chuan Pu sapthara kha a dik lo hmasa chu a ni maithei. Kha tleirawl, a nupui ni ta kha a ngaina mah mah deuh ni awm tak a ni. Missionary tan hian native mi ngaihzawn leh nupui a neih hi a tha lo khawp mai. Kan Synod duhdan pawh hi a ni lem lo. Chutiang bawkin Welsh ho pawh khan an duh lo a ni.
[Report abuse]
February 4th, 2011 at 9:18 pm
#50 soi dik hmel khop mai. Ka sapot e.
[Report abuse]
February 4th, 2011 at 9:24 pm
rawihteamizo #46 ka pu Laldailova kha head clerk a thawh lai a ni a, a ni pawh kha Presbyterian a ni. Sawrkar dan (rules) ni kher lo hian thil hi siksawi theih a ni thin. Ziak thlap lo vin kha2 an tih dan a ni tlat.
Catholic thlirna atangin ka thlir chuanglo, a nih dan ka sawi mai a ni. Upa zual ho la dam te, a hre pha chuan an sawi duh chuan Chi (salt) pawh Presbyterian sakhaw ringlo tu lei an khap tih (Aizawl ah) an pha thei miah lo vang. Lloyd te leh kapu kha an in ti hnai khawp, a khum pawh kan la kawl tha thlap asin.
[Report abuse]
February 4th, 2011 at 9:24 pm
# 52 Zosap ten Mizo te min hmangaih tih thu kan sawi khawm a, hmangaihna tak tak nen a a ram mi leh sa neih duh an hnawtchhuak duh hian hmangaihna aiin inhmuhsitna lam a kawk deuh ka lo ti zawk a sin. I sawi ang a nih chuan Synod pawh hi an lo kal fuh chiah lo anih dawn hi. Hmangaihna in ramri kham chin a neih chuan hmangaihna tak a ni thei lovang.
[Report abuse]
February 4th, 2011 at 9:26 pm
Ka sawi peih tawh lo. Hei pawh hi Zu chungchang khel ang chiah. Tuma ngaihdan kan va sawhsawn sak thei dawn chuang lo a, kan comment te avang hian tuma’n ngaihdan an thlak dawn chuang hek lo! :byebye:
[Report abuse]
February 4th, 2011 at 9:29 pm
Vaiho chuan RAM an hmangaih a, National feelings vangin Mizoram pawh an hmangaih thei ngei ang. Arunachal pawh i la kal lo maithei-mahse China kuta dah chu i ngaingam bik lovang. Chuvangin nupa inthen fate an nu leh pate’n an tlawn tawn ang hian Arunachaliho pawh China lamin an vehthlem a,an ram tawt lutuk a lo ziaawm nan.A lehlamah India pawhin nasa takin a vulh bawk. Hei hi chu A MATTER OF POWER EXERCISE a ni.
Sap missionary tam zawk kha chuan{an vai pawhin a ni maithei)KRISTA chanchin tha min pek kha an BAT niin an hria a, min rawn luhchilh a ni. Hmangaihna tlemte tal tel lo hian mahni aia rethei lutuk, tawp lutukte bulah a awm theih meuh lohvang.
@ 14 : Pu Kawlhawka’n a sawi ang hian, muang lei ah, an sul sut tawhte lo chinpawr phet kan tum hi SUALNA leh CHAPONA a tling tain ka hria.
[Report abuse]
February 4th, 2011 at 9:34 pm
An thil tih sual thenkhat kan thlir a kan teh a nih ngawt chuan kan ti fuh lo ang. ‘Min hmangaih lo’ kan ti tak tak a nih chuan kan thu a lawm. Rational taka thil thlir chu a tha e mah se hemi chungchang a buk rit zawk chu ‘min hmangaih tak tak’ tih hi a ni.
[Report abuse]
February 4th, 2011 at 9:35 pm
56, mizo net forum hrim hrim ah hian tuman ngaihdan kan sawhsan duh chuang lo in ka hria.
[Report abuse]
February 4th, 2011 at 9:35 pm
#55 Rawngbawlna hian nasa takin a tuar thei a ni. Pu Zosapthara kha mingo hovin an khak hma khan Mizo hovin an ngaitheilo hmasa asin. Zosap dang hnenah an hek a, chumi hnuah chuan an zilh phawt a, mahse awmzia a awm loh avangin Mission headquarters lamah an thlen a, an nin Mizoram nilo, Mizo hnahthlak tho awmna Burma ram lamah an sawn ta zawk a ni. A duhlo hmasatute chu keimahni mizo ngei asin kan nih.
[Report abuse]
February 4th, 2011 at 9:44 pm
https://misual.life/2010/09/12/hmanlai-mizoram/
Kei chuan hmangaihna vang niin ka hria.
[Report abuse]
February 4th, 2011 at 9:53 pm
59, a dik ang. Tu emaw comment avanga ka ngaihdan ka thlak tak ka la hre lo a, thahnemngai taka ka comment avanga tu emawin a ngaihdan a thlak tak pawh ka hre lo. Mi ngaihdan thlak tir va tum kher loin, inbunruah nan/ vei zawng sawi nan, khawhar hnemah leh nuam tih vang te-in comment pe vel mai2 ila a nuam ber
[Report abuse]
February 4th, 2011 at 10:01 pm
@pu Vangchhia i commentna 22 ami tlai khawhnu ah ka chhiar ve a, Catholic ho Mizorama an Missionary dan i sawi chu Kristian tohsa Catholica leh ava nih hmel ve.
[Report abuse]
February 4th, 2011 at 11:27 pm
”Lal Isua kan tan a thi a,amah kan rin chuan chatuan nunna kan nei ang”, tih min hriattir tute hi mihring famkim nilo mahse ka sawisel ngai lovang. Christian nu leh pa karah lo piang lo ta ila, christian ka nihna chance hi a tlem viau ang a, van lehkhabu ah ka hming a chuang bawk lovang. Awi, chu dinhmun-ah chuan ka ding ang tih ka va hlau em!
Zosap hovin tih diklo chu an nei ve nual ang ( mihring ve mai an ni )….but what we got in exchange is still worth everything ( ka ngaihdan mawlte ve mai ani e!).
[Report abuse]
February 5th, 2011 at 3:27 am
Sap ho kan la ngaisang peih viau mai te hi mawlna chikhat !!!
Zofate ngei pawh Missionary ahte hmun hrang hrangah Dumka ramah te, Tuikuk ramah te, ram pawn lamah Nepal ramte, Kiribati etc. etc. ah kan intir. Dumka leh Tuikuk hnam hmangaih hrim hrim vang lam ai chuan, Bible a kan hmuh ” Khawvel zawng zawngah kal ula chanchin tha hril rawh u” tih ngaihpawimawh vang/Ramthim vei vang/thlarau bo zawnna lamah kohna dawn vang lam ani.
Keini intirh dan hi chu thlarau bo zawnah kan duhtawk. Rilru thra tak kan la ni zawk. Sap ho te chuan an awp theih chin chin ram lem zawh diak diak mai kha an rilrupui ber pakhat ani tih chu History chhiar ve thei ek ek tan chuan hai rual ani lovang. Hnam upa ho hi chu an PAKLA HISAP ringawt pawh hi a ril raih mai ania !!!!!
[Report abuse]
February 5th, 2011 at 5:30 am
mach3 #63 An convert bang tlemte leh i sawi ang khi anih hmel.
#65 na hi ka thlawp khawp mai.
Mizo te hi kan luhlul leh kan thuduh lutuk hi alawm politics thleng hian mi tha aiin party ah kan buai thin ni. Dik chu dik, diklo chu diklo tih kan hreh em em a, “Ka ngaihdan chuan,” hi kan thluak bur lian lenglung takah hian kan lal tir zawk tlat a… heng te hi a ni vaichhe ho chimral kan la nawmna zel tur chu. Kan ngaihdan anih tawh chuan midangin engang pawn thil dik sawi mah sela, “Amah reng reng se,” kan la ti hram duh.
Sex Pistol sak, Anarchy in the UK tih kha kan sak awm tak niin ka hre ta vel mai mai e.
https://www.youtube.com/watch?v=qbmWs6Jf5dc
[Report abuse]
February 5th, 2011 at 5:57 am
Pawngpaw topic atangin comment leh ngawt teh ang!
Missionary lo kal ho kha hlawh nei a lo kal an ni a. Sponsor tu an neih zia Zoram Vartian ah khan chiangtakin a in ziak a. Isua-in ‘Peter lo kal rawh’..a tih ang chiah kha ani lem lo. Mizoram an lo thleng a, an theih tawk in Gospel tih zauh tumin hma an la a. Hna an thawk bawk a…hei lo liam min hmangaih em em tih tur a awm chuang em ni? An tih theih bak an ti thei bik lo a, rethei ve te te an ni dawn tih a chiang reng a..tunge anni ho khan min hmangaih lo, bale ke ek e..lo ti? An mahni zawh mai lo chuan hriat a har ang!!
A pawimawh zawk chu kan Pathian hian min hmangaih em em ani tih hi ani..
[Report abuse]
February 5th, 2011 at 5:58 am
comment ka chhiar chhuak vek a…mahni ngaihdan dan in ngai leh vek mai ang u…lol
[Report abuse]
February 5th, 2011 at 7:31 am
Unsung: ziak hi a dik hmel tlat. Hemi thuziak hi tlem chuan, sawizau ngai tak a ni.
“zosapte khan min hmangaih tak tak lo tih thu chhiar tur a awm ta nual mai a”, hei hi rawn quote chhuah nghauh2 ni ta se. “Missionary ten min hmangaih lo” tih top chu ka la chhiar ngai lo..thenkhat ten thil kalhkim zat lo hi thenkhat ten an ziak ka hmu thin. Hei hi a tangkaiin ka hria. Politician leh Kohhran diklohna pawh miten an ziak thin, Politic hmangaih lo, Kohhran hmangaih lo kan tih em pawh ka hre lem lo….missionary chanchin critical taka ziak anih lai lo rilru na viau ho rilru hi ka hrethiam pha lo…!
[Report abuse]
February 5th, 2011 at 7:37 am
Epistemology #65 khi a dik i ti ngam nange. Hmangaih vanga ti ni kher lo vin….. a theih i ring reng reng em?
Nih, an mahni doctrine pawmlo tu te Chi (salt) lei an phallo te kha hmangaih vang a ti anni ang nge, mahni hmasial vang ni zawk ang. Sawrkar hnathawk tur te chu an sakhaw rinna pawmtu te chauh thawh tir tura nawr hlawtling tu te khan hmangaihna vangin nge an mahni pawl (denomonation) a hlawhtlin nan an hmalakna lek ni ang.
An sakhaw rawn ken leh doctrine midang hnena zuara hralh thei tur khan an lakah mi fel tak leh hmangaih tu anga an lan angai dawn lawm ni?
[Report abuse]
February 5th, 2011 at 7:51 am
Lal Isua hmangaihna chhangletin, A thupek awihin, mizo, hnam mawl, mi lu la hnam zingah an lokal a. Mizoram an rawn thlenga, mizo nun mawl leh atthlak tak an rawn hmu ta a.
An thinlungah nitin a tharin hmangaihna leh hmasawn tura duhsakna a pung zel niin a lang.
Mihring famkimlo ve tho chu, vantirhkoh ang em a tha chu an ni bik lovang. Mahse, min HMANGAIH a ni tih loh rual a ni love.
[Report abuse]
February 5th, 2011 at 9:42 am
Kan thawhpui midum pa in nui vur vura a rawn dah hi han thlir ve teh u hairehai
http://img573.imageshack.us/img573/4530/midum.jpg
[Report abuse]
February 5th, 2011 at 10:58 am
kristianna awmzia kan hriathma lungbul thingbul kan biak lai khan Isua chanchin min hrilh turin a rualin presbyterian,salvation,roman catholic,baptist,new zealand baptist,methodist etc missionary thra tak hlir kha lo lut rual thut mai se … an doctrine threuh kha han sermon hlawm ta se, mizo fate khan eng ber nge kan awih ang le… buaithlak awm vei..
[Report abuse]
February 5th, 2011 at 11:04 am
Kristianna rilru ang ang an neih chuan an tha ang, Kumpinu rilru kha chuan an chuti tehchiam emaw ni?
[Report abuse]
February 5th, 2011 at 11:36 am
chawnghilh #72 khi chhiar teh khai
[Report abuse]
February 5th, 2011 at 1:26 pm
Kum 2007 chho vel khan Thlasik chawlh laiin Damparengpui ka zu zin ve a. Tah chuan an Bawlpute ka kawm a. Kum lama upa tawh fu te kha tun hma Miorzam buia lai atanga Mizo te nen a kan relation te ka zawt kual a. An hmuh dan chuan Mizote hian min hmangiah ve deuh e Chakma te ai chuan an ti duh ve chauh tho.
Presbyterian,Baptist leh Salvation an awm theuh bawk a. Thenkhat te hmuh dan chuan Mizote hian min hmangaih tak tak lo e an ti. Pawl pakhtain ‘High Sikul kan dil char char a min pe duh miah lo a’ an ti a. Thenkhatin’Hmun dang nen khaikhinin kan hnena in rawngbawlna hi a nep’ an ti bawk a. A then uchuak deuh phei chuan ‘Ka Bru Pastor te zirsan in phal lo/Lehkhathiam tak tak hnam kan nih in hlau’ te an ti a. Hmangaihna an haider ve. An thlir thlir in thil an thlir a. Thil tih harsat zia te an hre reng a mah se mihring mihrinna khan a hneh tlat a ni.Mah se a tam zawk chuan kan hmangaih zia hi a hai lo. Tuemaw tlem te khan an lo sawi a ni mai……
Mihring kan in ang lo a. A thente chu an lo felhlel fe a. Mah se a nawlpuia han thlir ah chuan min lo hmangaih a ni.
Kan Zosapaten min hmangaih lo ti kan awm reng dawn maw??? Tha lawm keichu kala na deuh e…
Heng an tih ang te hi kan ti ve thei dawn em? An thawhrimna te hi Pathian avanga keimahni min hmangaina avanga tih a ni a sin. Khawvel lam takin kan thlir dawn em ni an thil tih that te hi?
1)JH Lorrain(Pu Buanga): Bible lehlin chu sawi loh. Kan tan Mizotawng Dictionary min siam sak. A unau piannpui neihchhun RA Lorraina pawh Mizote avangin alo chhuak chho tho. Chuan enge ni zel heilo liama Hmnangaihna??
2)Mrs JH Lorrain(Pi Dari): Pu Buanga thiannu hian fa pawh nei lo. Mizo in nu thihsan naute delh hlum tir mai thin naute enkawl seilian teuh tu hi. Min hmnagaih lo maw?
3)Rev FW Savidge(Sap Upa): He mi lehkha thiam tak mai hi keimah chu lo ni ta ila Assam Boro Field emaw Dubri Field vel ai chuan MIzoram University ka thlang ngei ang. Sap Upa hi school hmun hrang hrang a enkawltu atan(Hons.Inspector of School) atan raut a ni a. A hla phuah ‘Kan Pathian Hmangaihna thukzia’ tih te hi han chhui chiang ila.
4)Miss Olive Dicks(Pi Dawki): He nu pawh hi Englan chhima Cheltenham Mayor fanu ngat a ni.A hawn hnu khan a nurse zirtir te leh a fhrah enkawlte khan an sawi bang thei lo.
5)Miss EM Chapman(Pi zirtiri): He nu pawh hi Indopui pakhta hma a zirtirtu trained chhuak ngat a ni. A pension thleng a mizoram a thawk a ni. Khaw tam takah sikul a din a ni.La phiar,puan tah,naupang infiamna leh lam(Cheraw) thleng hma a tisawn a ni. Mi huaisen,chhel tak leh tum ruh tak a ni. Thenkhat chuan a chang chuan min hmangiah lo an ti ve ngei ang.
6)Miss M Clark(Pi Zolawmi): London khaw nuam tak ngai duh lo hiala lo chho a ni. Min hmangaih ngei ang. A pension hnuah pawh MIZO fahrah enkawl chung chang lehkhabu(MIZORAM MIRACLE) chhuah ngat kha a ni. Hmangaihna vang nilo se a har ve ang???
7)Miss EM Oliver(Pi Zoduhi): Nurse puitling ngat a lo chhuak chho a ni. Hospital chhim lama ti chang tlung tu a ni. Sap rama a hawn hnuah pawh Kohhran hruaitu te tha tak a lo mikhual tu te a ni.”Ka taksa Sap ramah a awm a,ka rilru Zoramah a awm” a ti ngawih ngawih thin.
9)Miss IM Good(Pi Zomuani): Hei pawh hi. Pastor in Thingtlang lam a fan peih em em ang in a hun lai khan Thingtlang lamah hriselna a ngaihpawimawh avangin rei tak tak a zin thin. A hawn hnuah pawh a theih ang ang in BMS deputation a tih sak hram hram thin. Mizoram hi a hmangiah avangin bang loin a tawngtai thin.
10)Rev HW Carter(Zochhawni Pa): He pa hian min hmangiah zia hi aw. Ani chuan a lan tir a ni. Chhimbial sikul zawng zawng vawngtu a ni a. Lunglei High Sikula Science Teacher hmasa ber a ni. Primary sikul 25 tangin 100 thleng a ti pung a nih chu. Mizoram thu leh hla-poetry,music leh Drama ti hmasawn tu ropui lutuk a ni. min hmangaih a avngin. ‘serkawn concert’ te hi Mizo thu leh hla ah chuan a dai thei tawh ngai lo ang. Hna sak tak a ni min hmangaihna hi. Hepa phei hi chu sawi tur ka ngah lutuk.
11)Mrs BL Carter(Zocchhawni nu): Music thiam tak mai a ni. Mizote min ti hmasawn em em. Chumai bakah Zirtirtu trained dap a ni. A thianpa in a din Teachers Training Scool a Lecturer turu a nih hi. Min hmangaih avangin a teaching pawh a tha viau aniang. Tunalai a DIET Lecturer te chuan an tlauk lo hle.
12)Rev RJ Raper(Zomawia Pa): A hun laia an ngaihsan London fa chuam hi Engineer turu a ni. Alo chhoh duh pawh a rinawm loh. Lekha chhutna,Scout and Guide lama min ti chnagtlung tu a nih hi. Tunge sawisel thei awm lo sawisel ruuuuuuuuu…. London atanga mizote min hmangaih avang a Brass Band harsa taka chah chhuak ngat tu a nih hi.
13)Rev RF TUcker(Zopari Pa): Bristola aping elh seilian pa hi BD zir chhuak a lo chho a ni. He pa hi tuna BHSS ni tawh Christian High Sikul dintu Principal a nih hi. A hnathawh hi a turu a nia. Min hmangihna hi aluang liam a ni ber e.
Ka sawi seng lo. Hmar lam chanchin ziak ngam tur in ka hre fum fe lo. Missionary kalo tarlante zingah khian min hmnagaih loh dan hria kan awm chuan han sawi ila.
Ka nu in emaw ka pa in emaw ka chunga ro an rel sual palh avang hian min hmangaih lo ka ti ngai love. Kan Zosap Missionary te hian min hmangaih a ni. I pawm ang u. An lo tan lutuk avangin anlo tang ulh a ni mai thei e mah se chu pawh chu hmangiahna vang tho a ni. Ngaihtuah chiang ang u. ‘Min hmnagaih lo a ni’ tih chu ka pawm thei lo e chhuithangvala hian. Hmangaihtu hai der hi thil tha lo tak a nih ka ring bawk e.
Ka va tawng nasa em. Ka luangliam e.
In peih leh chhiar ula peih loh leh chhiar lem lo ula.. 
. Keichu Pathian avanga min hmangaihtu te hi ka tan e. Pathian pawh ka tan. RATIONAL taka thil thlir hi a tha e. Mahse hemi thu ah hi chuan MINLO HMANGAIH A NI.
[Report abuse]
February 5th, 2011 at 2:34 pm
Kan kal dan pangngaiin, Min lo hmangaih e i tih leh phawt mai ang u ! A lawm nan
Keini MISUAL ho in Zosapte thatna lai kan la thur zat zat thei hi avan lawmawm em. Mizo THEOLOGIAN thenkhat aiin in thlirna a zau ve !
[Report abuse]
February 5th, 2011 at 4:09 pm
Zosapte khan min hmangaih na chhan tur pakhat mah a awm lo, mahse Pathian an hmangaih a, A thu an awih avangin Pathian hmangaihnain a ni Mizote kha min hmangaih ni. Min enkawl dan chungchangah tun hun atanga thlir let chuan hriat thiam loh kan nei a ni mai thei, a hunlaia a thra ber tura an hriat angin min enkawl tih hi ka ringhlel therte lo ve.
Mi comment chhiar lovin ka cooment ve top
[Report abuse]
February 5th, 2011 at 5:22 pm
A tlip nan..kan missionary tirhna avanga chanchin tha lo hmu a, khawvel hmasawnna dawng ve tute hian kum 100 hnu velah khang missionary rawn tir tute khan min lo hmangaih tak tak lo tiin lo sawi ta se engtin nge kan ngaih ang?????
[Report abuse]
February 5th, 2011 at 5:31 pm
sawi leh ang Missionary te kha LIverpool khua inzawmm na tlat an nei ..chuan Manchester sumdawng ho vang in India leh kan Mizoram te hial pawh an duh na chhan
..SO MAnure Utd tan loh tur, Liverpool FC chiah tan tur.. :rawnHnial,mah ula, ka hnial let dawn chuang lo che u nui: 
…inkhawm teh ang …laters
[Report abuse]
February 5th, 2011 at 8:48 pm
@76 Krista, chhiarchhuak dap e. Ngaihnawm khawp mai. Hmangaih der tu tan chuan khitiang zozai chu tih har khawp ang, LAP om bok c lo. An tihsual (a hunlai ngaihtuah chuan a tul maithei) tlemte leh an tihthatte hi a inbuk hlei em mai.
Min hmangaihlo tia ngaihdan sawhsawn duh lo ho hi, vanram kawtchhuah an thlen meuh chuan, an ngaihdan an la thlak ta ve ang
[Report abuse]
February 5th, 2011 at 9:09 pm
@Matte(81): Iva ti tha ve. A sei em em mai leh nghal a. Ka luangliam in kalo ziak a nih khi. An ni ang hmangaihtu ka tawng hi ka lawm em a ni…
[Report abuse]
February 6th, 2011 at 11:34 pm
Zu neih dan kawng zawng la a thra ang… I hre tlai mah mah a nih dawn hi hahai…
Min hmangaih leh hmangaih loh pawh ka hrethiam ta nek lo. Ka ngaihdan erawh a la ngai reng
Divide and Rule hmanga ram chhuhsaktute khan kan society-a inrelbawlna thra tak min thriahsak a, “MIN HMANGAIH” tih hram chu le… An tel lo hian tun dinhmun hi kan thleng thei thovin ka ring ve tlat… Who knows???
[Report abuse]
February 7th, 2011 at 8:46 am
Zosap te’n min lo hmangaih tak tak lo titute tan hmunah chuan kan hmakhua min thlir pui miah lo an ti ! Kristian hlabu leh Bible chhiarna tawk lehkha kan thiam chuan an duh tawk mai a, high school din erawh chu rei tak chhung an phal tlat lo. A chhan chu venthawn an nei a, chu chu politics lama hma taka mizote thanharh an hlau ani an ti. Sorkar leh mission kha an kal kawp thiam riau a, zosap ho hunlai khan Billy Boy (sipai) thakthing velah hian a awm thin a. Mizo nulate kha a rim thin a, nupuiah a nei duh tak2 mai dawnin an hria a, missionary ho khan an hek a, an hawntir daih tih thu Pu R Vanlawma khan a ziak ! ReV Edwin Rolands i pawh Pi Holmes -i , Pu Zosaphluia nupui hek ania, a chhan ber chu Mizo nun pangai ang maia inti sap miah lo a Zosapthara a nun thin vang ani an ti leh zel ! India ramin independence a hmu dawn a, mizo te khan khoi lam nge zawm tur tih chungchangah zosap te khan thurawn engmah an pe tlat bawk lo ! Khatih hunlai kha British sorkar supremacy lai tak2 kha ania….missionary ho tak ngial pawh an in duh em2 maia, mizoram hi India ram an mission hlawhtlinna ber ani hial awm e.
Tun hnuah phei hi chuan mingo missionary te hi hmun tin maiah ngaih theih loh an ni der tawh a, a chhan bulpui berah chuan an approach hi tunlaiah chuan tuman an duh tawh lo. Anni ai chuan mizote pawh min duh zawk ta daih anih hi.
A tawp nan chuan, kei hi chuan zosap te hi chuan min hmangaih chu ka ti a, mahse politics lama involve miah lo turin kumpinu sorkar lam khan ‘warning’ khauh tak alo pe te pawh ani mahna…..hriat ni suh le.
[Report abuse]
May 16th, 2011 at 10:44 am
#76 point number 6 ami hi MIZO MIRACLE tih tur zawk aniin ka hria,tin, pi zirtiri ziah niin ka hre boka,a bu ka kawl ve atanga a inziah danah chuan… kha lekhabuah khan pi zirtiri khan,sapram khawpui LOndon nula 2 te chuan krista hmangaihna avangin ,kan ram thlahlel zo loin mizoram chu kan pan…tih lampang a ziak tela..keichu ka rilru a khoih khop mai!
tin, mrs JH LOrrain hi mizorama an lo kal dawn avang hian fa neih loh law2 a,mizo mipuite tana thawk pumhlum tura an inpekna avangin a “insiam” niin an sawi bawk.
FW Savidge hi Phd degree holder ani a, a duh chuan London khawpuiah khan nuamsa takin kohhran rawngbawltu ni tho siin a awm thei thoin ka ring.
Dr Fraser kha London doctor thiam tak niin an sawi, India ram a rawn thlen khan viceroy khan ama personal doctor atan a thlem nasa em em a,a thlem thlu zolo niin an sawi bawk thin.
mizo te min hmangaihlo anih pawhin Krista an hmangaihna a ropuia,chumi a zara malsawmna kan lo dawn ve hi a tamin a ropui hrim2 thoin ka hria.
ka thil sawite hi a diklo anih chuan a hrezawkten in lo correct dawn nia.