MIZO THALAITE TAN THU KAMHNIH-KHAT

February 9th, 2014 10:37 am by Chawngthu Pa

Nido Tania
Kan hriat theuh angin hmanni maiah khan India ram khawpui Delhi ah Arunachal tlangval Nido Tania chu chi inthliarna/inhmuhsitna (racism) avangin mi kut tuarin a thi a. Arunachal hnam mai ni lovin Northeast mipui, a bikin thalaiten, nasa takin an tuarpui a, an protest a ni tih chanchinbu, internet leh TV ah te kan lo hmuh kha.

Hmuhsit Northeast Mite Tanrualna
NE mite hi kan hmel leh culture a danglam bik avang leh tawng kan thiam that loh avangin Indian ni ve tho mah ila Indian dangte hian min en hrang em em a, an mit ah phei chuan tumah hi kan danglam awm love. Naga, Arunachali, Tripuri, Mizo, Manipuri, etc min hmu inang put mai ni awm tak a ni. Chu vang tak chuan hetiang thil duhawm lo hi tu chungah pawh a thleng thei a ni tih hriain NE anga tanrual hun leh thlavang inhauhpui hun a ni a. Media hrang hrang hmangin protest pawh a tam hle a nih hi.

Khawnge Mizo Thalaite?
Mizote hi communitarian kan ni. Kan Mizopui te lakah chuan that pawh kan tha narawh. Mahse, hnamdang laka that chhuah hi harsa kan la tiin kan thliarkar rilru hi kan kalsan mawh hle mai. Hnamdangte chim buai lohva Mizo hlang (deuh thaw) anga state kan neih vang pawh a ni thei e. Hnamdang zinga tel leh hnamdangte kan zinga han tih tlangnel kawngah pawh kan hnufum em em a ni.

Nido Tania thih avanga kan NE-pui thalaite an protest mup muplaiin Mizo thalaite thawm erawh hriat tur a vang pharh mai. Nula pakhatin “An Open Goodbye Letter to India” tih thupuia hmangin a blog ah thu lungkuai zet mai a ziak a. Bangalore lam unaute an che tha deuh a, NE anga protest na ah NU Rini Puii chuan thuchah tha tak a sawi ve nghe nghe a. Ka thu dawnna hi a dik a nih chuan Delhi lama protest na ah pawh Mizo chu kutzungtang thliaka chhiar tham lek an ni awm e. Pune lamah pawh protest rally neih a ni a, Mizote kan nil niin ka hria a, information kan hmuh that loh vang pawh a ni mai thei. Facebook lama Mizo group lian ber, Special Report ah Nido Tania chanchin mipakhatin a post comment tu tam berin tunge Nido Tania, eng thil nge a chungah thleng tih pawh kan hre lo em em maite khan Mizoram (Aizawl) bak hi kan ngaihven lo em ni aw, tih min ngaihtuahtir rum rum mai.

Hei Hi Inzawt Teh Ang
Mizo thalaite hi kan tawm-im lutuk deuh lo maw? Leadership role play tur khawpa quality nei tha si hian mahni leh mahni hi kan in awm tlei lutuk deuh lo maw? Hetiang chuan regional, national, leh international level ah platform tha kan chang ve thei meuh dawn em ni?

Mizo Thalaite Tan Chona
Kan thenawmte chunga thleng thei hi kan chungah pawh a thleng thei a ni tih hi i hre lul teh ang u. Solidarity rilru puin, kan quality tat hriam chung zelin, mite thiltha tih thlir liam mai mai lovin, a titu, mite hruaitu, tihhmuhtu nih i tum teh ang u khai! Mizo thalaite i tang deuh teh ang u. Kan puan ven i sawi chhing deuh teh ang u khai!

Similar Posts:

Recent Posts:

22 Responses to “MIZO THALAITE TAN THU KAMHNIH-KHAT”

  1. 1
    Leo dtea Says:

    1st

    Report this comment

  2. 2
    Leo dtea Says:

    post tha tak a ni (Y)

    Report this comment

  3. 3
    Borat Says:

    Rome khuaa i awm lai chuan Rome ho awm danin awm rawh, tih anih kha.
    Tun hma lam khan Mizo nula tlangval phai ramah lehhka zirin an awm ve tho. Tam tak phei chu an in zir chhuak a, IAS, IPS leh central service an zawm a. An awm laiin tunlai thalai angin vai hovin min thliar hrang, tiin an iak an iak ve lem lo, niin a lang.

    Tun lai pawh hian seriuos taka lehkha zir an la tam. IAS tih vel thleng chiah lo mahse, MCS leh engineer, doctor zir chhuak an tam hi.

    Report this comment

  4. 4
    Chawngthu Pa Says:

    Ekhai, hei a lo chhuak ta a ni maw, ka lawm e. Mizo thalai hi kan tha love tihna lam ni lovin hnamdangte hi kan ralthlir mah mah e, tihna lam a ni zawk. Tin, tunhma ai kha chuan NE mite laka hleilenna hi a nasa ta hrim hrim mai.

    Report this comment

  5. 5
    ramlehhnam Says:

    A van tha em.

    Mizo thalai te hi kawng engkim ah kan chhuanawm cho zel, kan awmna ram hi a ralmuan lutuk vang te pawh hi ani ang. Heng thilah hian kan che thiam vaklo thin. Keimahni a inkawm khawm hi kan duhtawk deuh mai ni in a lang. He thu post tha tak hian kan DMZP te leh hmun dang danga kan zirlai hruaitute kai harh mawlh teh se.

    Report this comment

  6. 6
    hltau Says:

    tha khop mai, kan plaform hi chu a zaulo ve khop mai.

    Report this comment

  7. 7
    H.Vangchhia Says:

    Post tha (Y) hairehai

    Report this comment

  8. 8
    H.zate Says:

    tihian kan sêl ve ang e. I source chuan mizo a a chhiar chin zawt hmasa rawh. chuan, mizo kal an tam leh tamlohzia ka rawn hrilh nawn ang che.
    a enga pawh chu nise, I thuziak a fuihna erawh a ṭha thlawt,…

    Report this comment

  9. 9
    Zoram Fapa Says:

    A tha e, Mizo thalaite tan chona lian tak i rawn chhawp chhuak a ni (Y). February ni 12 hian MSU Gen Hqrs huaihawt in lungawiloh lantirna Mizoram Governor kawtah neih a ni dawn a, Sorkar laipui hotute hnenah lehkha Governor kaltlangin pek a ni bawk ang.

    Report this comment

  10. 10
    Awmtea Leo Khiangte Says:

    Good (Y)

    Report this comment

  11. 11
    kimi colney Says:

    tha khop mai…..(Y) (Y)

    Report this comment

  12. 12
    Jacka Pi Says:

    A dik (Y)

    Report this comment

  13. 13
    TuaiSialA Says:

    Post tha lungrun mang e aw…

    Report this comment

  14. 14
    TuaiSialA Says:

    Kimi Colney hi a chhiat loh hmel ve… :-D

    Report this comment

  15. 15
    Chawngthu Pa Says:

    :) Kimi Colney hian thu pawh a ziak thiam khawp asin

    Report this comment

  16. 16
    chhana Says:

    Harh kan ngai a ni, a phawvuakah hian kan phur hle ringawta, hetiang thu tha te hi ‘a sei’ tiin thenkhat chuan kan en liam leh ngawt pek ang chu.
    Tum loh deuha ka’n comment chu!

    Report this comment

  17. 17
    Sihtea Says:

    Post tha lutuk e. Kimi Colney thu post kha ka lo chhiar ve a, tha ka ti khawp mai.

    Report this comment

  18. 18
    kiddo Says:

    Va tha leh si e

    Report this comment

  19. 19
    Dr Mahminga Sailo Says:

    Ka rawn lut zuaiii.. :-)

    Post tha leh chona tha tak petu a nih hi.. (Y) Nia, keimahni hnam chhungah hian kan chakin kan tangrual hle a, hma thlir zau tura kan infuih a ngai hlein ka hria..

    Chutih rualin, keimahni pawh kan inenfiah reng a tul. Vanduaina tuarte an lainatawm, chutih rualin kawng tam takah kan inveng thei tih erawh inhril hre nawn fovang u..

    Report this comment

  20. 20
    kimi colney Says:

    @TuaiSialA @Chawngthu Pa @Sihtea….inti lawmawm e :)

    Report this comment

  21. 21
    Dr John Says:

    (y) Tha khawp mai

    Report this comment

  22. 22
    matea_tmj Says:

    Tha hle mai…

    Report this comment

Leave a Reply

You must be logged in to post a comment.