Ram kang ven chungchang :
Ram kâng hian ram tha tam tak a kan chhiat thin avangin, ram ti kang lo tura in zirtir hi a ngai reng a. Chumi beih pui thlak nan chuan ni 8.2.2011 khan kan Chief Minister zahawm takin I&PR ah a hawng a. A lawmawm rualin a tikang thin tu tam ber thingtlangah nasa zawk a awareness neih hi a tul khawp mai. Aizawl pa ah hian lo vât leh ram hal kan tam vak tawh awm si lova. Kan lo neih dan system (Shifting Cultivation) hi kan ram tha tichhetu leh ram ti chereu ti lian berah tunah chuan ka ngai.
Agriculture lama kan mithiamte hian a thlakna tur ngaihtuah a ngaita e. Kum 20 liam ta a ka pa lo vât pui tura chem pui ka ah chhuah ve laia kan khaw dai vel ramngaw la thatzia leh tunhnaia ka zin leh hnua khaw chhehvel filh tak vek vuk danah hian hetiang renga kan kal chuan kan ram zimte 21,087 Sq. kms lek hi chuan min thatpui reng lovang tih a hlauhawm.
Corruption a zung nen phoro :
Kan sorkar hrawn mek in 2008 kum tawp lama a fawng a vawn tirh khan corruption do leh a zung nena phoro a tumna kha ka lo support in kut ka lo beng ring viau a. Hei 2011 kan thleng ta a. Corruption avanga thenkhat an hnathawh lai atanga suspend an awm nual a. “E! a tha dawn e” ka lo ti mawl ve tawp a. Mahse thenkhat Engineer lam etc. hi chuan an lo corrupt leh ta lo em mo ni? An suspend ve ta lo em mo ni? “Rorelna dik chu luipui angin luang se, felna chu luipui kang ngai lo angin” tih thupui a hmang tute hian Rorelna dik an kalpui loh vaih chuan rorelna dinhmuna hlangkaitu hian mawnsawhdawpin a paihthla leh thei a ni.
Nikum May thla vela thil thlengah khan “Technical Entrance ka luh chilh” tih ka rawn thaikawi tawh kha kan hrut leh lawk ange. Technical Entrance buai chingchi vet nuaih nuaih kha thil pawi tak a nih rualin, kan sorkar chak tak leh thil ti thei tak hian a chingfelin kan thalaite Doctor leh Engineer zir tum te kha a phu te chuan an zir ta vekin ka hria a. Phu leh thiam reng si kha Technical Entrance buai avanga Doctor leh Engineer zir thei ta lo an awm zui ka hre lova.
A lawmawm hle mai. Khan hunlaia mawhphurtu sorkarin a suspend takte pawh kha an chanchin chu hre zui mah suh ila, “Fate thil tisual kan hrem pawhin a tawk chin chu an hnung te kan han khirh sak thin mahila, phelhsak hun kan neih thin kha maw”. Kan sorkar hian “Kalla tisual leh tawh suh” a ti tawh turah ngai ila.
Nikum a thil thleng langsar tak Lalpiangliana, Tanhril thih thu kha. Kha tual thih thuah khan kan sorkar chak tak hian hma a la a. Kan Police fel tak tak te pawh kha an suspend rap rap a. Khang te kha kan sorkar hian a chingfelin a, a titu kha a hre ta nge ni, kan police suspend ho pawh kha kumin 2011, January thla khan a revoke leh ta vek a. Mihring nunna meuhin a tuarphah avanga suspend te pawh an revoke chuan kan Technical staff ho te kha chu a revoke tawh turah kan ngai ngawt a.
Sum leh pai tih chingpen avanga kan sorkarin an hnung a khirh sak mek ho hi (mimal hming chu tarlang lo ila) enge an chanchin zel tia ka beng leh mit kan len ruai ruai chuan thil hriat belh tur vak nei lo mah ila. An chunchang hi la chhuizui mek an nih hmel a. Dan leh hrai lama an thiam chan nan phaw (Advocate) in an in phen tittet hlawm a. An thil tihsual hriatchian, an hlawh phulova khawsa ho hi chu chhui ngai vak pawh hian an lang lo.
Mahni hlawh phulova khawsa kan sorkar hnathawk ho hi mipui te hian kan hre khawpin ka hria. Sorkar hnathawk hlawh hi 5th pay emaw 6th pay pawh nise, an hlawh zat hi kan chhut thei vek a. An insang sak te, an car thar lei te, an fate khawsak dante kan khaikhin thiam ve vek a. Hetiang hohi phoro an ni tak tak em, kan sorkar chak tak MLA 32 (80%) lai nei hian a term chanve hun a la neih lai hian engtin nge hma a lak i lo thlir teh ang.
February 10th, 2011 at 8:33 pm
A HMASABER a tana kan sawi ve duh chu,ram tih kan hian ngai a awh leh thei tawhlo a,ram a bua tulh tulh thin,a tawpah thlalerah a chang mai thin.chuvang chuan ram tih kan loh tur.
Corruption a zung nena phoro tur chuan mimal mai tih theih a ni lo,kan vai hian corruption kan duhloh a phoro kan tum takzet a ngai.
February 10th, 2011 at 8:33 pm
Ram kang hi a huatthlalaawm, a pawi khawih a rapthlak. Mahse ven theih a ni.
February 10th, 2011 at 8:34 pm
Nia
February 10th, 2011 at 8:42 pm
Khai…… kan sorkar hian NLUP hmang hian kumtin lo neih bansan dan han zir chhuak teh se….. (An zir chhuak/hlawhtlin pui ngut ang em maw chu… lo thlir ila )
Corruption hi zawng ka sawi peih love…. (N) (N)
February 10th, 2011 at 9:00 pm
Nia, ram kang hi chu a buaithlak thinkhawp mai, tamtak ngaihsam lutuk vang hian ram kang a awm leh thin. Mahse,ram kang hi chu teak thing hian angeih khawp in ka hria, akang zo hi thla hnih khat hnu ah hian alo chawr no leh hluah thei nia.
February 10th, 2011 at 9:01 pm
comment leh chuan tur ka nei lo a tha ka ti khawp mai i thu ziah hi (Y) (Y)
February 10th, 2011 at 9:02 pm
He post ah hian enge ka han sawi ve ang aw… kan kawmthlang pa pakhat chu JE a nia concrete building lian tawk a sa a, a chhunga a chei dan phei chu namai lo tak niin a inla leng tawh ten an sawi, a eiru phei chu ka ti lova a hlawh a khawl ker kera in a sa ve ta anih dawn hi ka ti mai.
Ram kang mawlh mai hi: VC thuchhuaka khawtlang hnatlangin kan huan an tikang chhe vek, kan ngawi ral ta mai mai ;-(
Corruption a zung nena pho ro tur hian a khawi chin hi nge a zung tih hi kan hriat dan a inchen ta lo em ni le ?
February 10th, 2011 at 9:09 pm
#.7 3* a sawi khi ka pawm e…a hriat ang khi hriat ka nei ve nual kei pawh in…
Post tu pa. (Y) (U) (W) (G)
February 10th, 2011 at 9:14 pm
Chhiar hmain…post tupa nick khi (Y)
February 10th, 2011 at 9:14 pm
Mahni hmaa chhuak theuhah hian rinawm han tum phawt mai ila Corruption phoro na kawngah penkhatin hma kan sawn ani mai. Suspend awmzia hre fuh lemlo hi kan tamhmel ka ti. Tin, ram kangven aimahin a kangtur laka inventhiam a pawimawh.
February 10th, 2011 at 9:15 pm
Tunlaiin khua a ro tan, kangmei laka inveng tura hmalak hunlai tak a ni. Kawngkam a hnim ro te hi thenfai ni thin sela kangmei ven kawngah a tangkai hle ang. (Y)
February 10th, 2011 at 9:31 pm
RAMKANG LAKAH KAN IN VENG THEI A NI…… 😀 😛
February 10th, 2011 at 9:32 pm
Tunah tak hian CYMA chuan mitthi awm a tlaivar zana sawhchiar siam thin hi an helh thu hi an khel mek…,an committee mek
February 10th, 2011 at 9:54 pm
Post tha hle mai.Post-tu hming khian cowboy thawnthu ka chhiar hrat lai min ti hre zawk mai.
Ram kang hi ka vengve tawha sa duh tak ani.Thli beng lama awm phei chuan hmai a ut thawt2 nghal thei,hmel a chapo thei thlawt lo.Vanram nge Hremhmun zawk ka pan ang tih kan mitthla zuai2 hman.Chuvangin a kang tur ven hi a fin thlak daih ka ti.
February 10th, 2011 at 9:59 pm
@fonz, CYMA chuan zana tlaivarte riltam hnem tur thiltha dang an hria a ni chek ang chu maw. Nula tlangval zana lumen a tlaivar hi chu veng khatah pawh hian tam an ni ngai meuh lo a sin kan khawpui ber aizawlah hi chuan.
Thalai, zana leng te pawh hi sawhchiar leh thingpui an sem zawh veleh a haw ta mai hi an tam khawp mai, khawvar tlenga meng hi chu khawvar lam arsi ang pharh an ni deuh zel. Uire denghlum tur ang maiin an haw pheuh pheuh a khua a han var meuh hi chuan an thutna hi a thawl duh tawh teh a sin.
Ka ngaimawh leh hma lakna atana ka duh zawk tak chu mitthi in leh khawhar ina kan leng ta sasa, thalai inlengte zai miah lova an ngawi reng mai thin hi ka lo ngaimawh thin khawp mai, an zai duh lo a nih chuan (hla an thiam lo pawh a ni maithei) mi thutna tur luaha lo thu ve reng lo khan kal lo law law se a tha mai law’ng maw ka ti deuh a ni.YMA branch/section tin hian lengkhawm hla hi tun aia nasa zawk hian inzirtir ila kan mitthi lumen zana kan zai te pawh hi a ngaihnawmin khawhar chhungte tan pawh hian lungngaih a hnem deuh zawk lawng maw.
February 10th, 2011 at 10:02 pm
#14 Thli beng lama awm phei chuan hmai a ut thawt2 nghal thei
hmai metal neih a ngai a nih chu! Hahai 😀
February 10th, 2011 at 10:13 pm
post thar ava hun tawh ve…
February 10th, 2011 at 10:24 pm
#13 fonz, keichu ka support lo, lo pass lul suh se, ril a tam duh em mai, mutchhuah leh kawng kham te chu sawi loh, vawi 2 vawi 3 te sem se nia ka tih. a hautak an ti a ni ang chu maw? hautak ang chu, kan vawikhat conference hi nge hautak ang lumenna a kan senso hi le?
ti daih ila kan pi leh pu te hi an lo fing thlawt ka ti mitthi lumen nachang an lo hria hi chu.
February 10th, 2011 at 10:33 pm
18, keipawh ka support bik lo, an ngaihtuah ho ka ti.
February 10th, 2011 at 11:05 pm
Thing leh hnim tinrengte hi Nuna nei vek an ni a.Siamtu siamdan ah hian kan hman tur mamawh bak tih duhdah leh dimlo taka sah te, hal mai mai te hi Kristian tih dan ni miahlo tur a ni tih hi hriat a hun tawh. Kan mamawh tawk bak hi chu dim a tha.