“Ka dy ka duat ka parmawite,
Hmanah khanin kan intawn mai loh le!
Vul lai a vul rual ta silo…..”
Kawppui i nei ve tawh em? I neih hnuah duhzawng dang i tawng ve tawh ngai em? Pathianin mihringte a hmangaihna a dah hi engnge a awmzia tihte hi i hrethiam thin em? I hrethiam a, ka zawhna zawng zawngte hi i chhang thei a nih chuan he thu ka ziak tur hi han chhang dawn teh le.
Kum hnih lai chu a liam ve tawh awm e nupui ka neih ve atang khan. Khatih hunlai khan hmangaihna vangnge, Rosum vang? Hmangaihna vangnge, Nupui ka duh ve hrim hrim vang? Ka hrelo, ka hrelo takzet mai. Mahse ka hmangaih chuan ka inhria tih zawng hi ka chhan theih chu a ni.
Mahse, hmangaih takte neih hnuah hmangaih dang a tawn theih dawn em ni? Duhzawng leh hmangaih zawng hi chu hmel vawikhat inhmuh phat hian alo insiam mai a ni anti thin.
Kum hnih lai chu Nupui duhtak leh duat taka ka pawm mek ka neih hnuah, a sakhmel ka hmuh phat a ka rilru zawng zawng luah vektu ka tawng ta tlat mai a nih hi! Nia, mak minti maithei, keipawhin mak ka ti a ni.
Ka rilru zawng zawngin a vei a, ka hmangaih niin ka hria, hmangaihna hi a awm a nih chuan kha kha hmangaihna a nih ngei ka ring tlat bawk a ni. A chhan chu, kan inkawp chhung khan tisa in it tawnna mai mai avanga inkawp chu ni ila, kan chesual(Sex kan hmang dun) ngeiin ka ring thin. Mahse, ka inthiam theilo a, ka rilru a hrehawm a, ka in dem em em a, mahse, ka kalsan thei chuang silo.
Tum(trum?) thum zet chu kalsan tumin inthen kan rawt dun a, mahse, ka then theilo, a ni pawhin a thei silo. Kan thei mawlhlo a ni ber mai.
Zankhat chu kei chuan Nupui ka nei tawh a a ni chu Nula, tleirawl hun hmang chho tan mek chauh a nih avangin, kan innei thei dawn chuanglo a, a mualpho chuan nakin zelah ama tan a pawi dawn a ni tiin ka ngaihtuah a. Ka hmangaih chu a chhiat vek na tur ka ti theilo ang. Ka hmangaih vang hian ka then a ngai a ni tiin ka ngaihtuah a.
Chumi zan chuan van boruak chu a thiang em em a, van lam chu ka thlir vang vang reng a. Theih nise i hnena awm a i kianga awm reng hi ka duh a ni.. ka ti hman chauh a, a ni chuan “mahse” alo ti nghal vat a, nui var var chung leh a lungngai em em a ni tih hriat tak mai hian minlo en a. Sawi chhunzawm harsa ka ti ngei mai.
“Kan inkawp reng chuan i mualpho ang a, mahse, chu chuan engmah a thlen thei chuang silo ang. A chhan chu i chhung ten ka hnena ilokal mai hi awlsam takin an remti dawn miahlo a, zirlai chauh ila ni bawk si a…. chuti a nih chuan i mualphona leh i hrehawmna chuan engmah a thlen siloh che chuan itan hian a tha dawnlo lutuk a ni. Ka hmangaih loh vang che niloin, ka hmangaih em avang che hian kan inthen hi a tul takzet tawh a ni” ka ti a.
A mit atang chuan mittui a lo luang chhuak zawih zawih a, thu engmah sawiloin a kun a a dak chhuak leh a Van lam chu a en a ta reng a, “Enteh, (Van lam chu a kawk a) khi Arsi pathum intlar khi enge an tih kha?” tiin min zawt a, kei chuan “Chhohreivung” tiin ka lo chhang vat a, min kuah a ka awmah chuan a bei tlat a, ka taksa chu a vawt thla zai zai a, chu chuan a mittui chu a tla satliahlo a ni tih mkin hriattir a.
Chutia, ka awm a bei reng chung chuan Khing Arsi pathum intlar khi a lai a mi khi nang i ni a, a chung ber a mi khi i nupui a ni ang a. a hnuai ber a mi khi kei ka ni ve thei ang em?” a ti ta mai a, kei chuan kuah vawng vawng chung chuan ni e tiin ka chhang a.
In ka thlen chuan ka thaw a veng deuh huai a, mahse, sms a lo thleng a, ka phone chu ka han en vat a. Heti hian a lo inziak a, “Nei tur che a hmangaih che chu a harlo a, mahse, then leh tur chuan ka hmangaihlo che a sin” tih hi a lo ni a. Mahse kir thei ka ni tawhlo ka hmangaih tan chuan kei chu na em em mah ila tiin, ka chhang let duh ta lo a.
Mahsae tun thleng hian ka rilruah a thi theilo a, a ni pawhin min theihnghilhlo a ni tih hi kan inhmuh chang apiang hian ka hre nawn fo thin, tuman min hrilh nawnlo mahse, a thusawi awmzia kha ka hre chhuak thin.
Chhohreivung chuan a hnuai ber leh chung ber kumhlun a neilo. Zan a rei leh a rei loh dan a zirin a chung bera awm chu an inthlak fo thin a lo ni.
“Ka ning theilo Dy hmeltha,
Ka ngai em che aw ka ngai em che,
Par lai a par rual ta silo, Pialralah tal…”
“Aw runah zal dun ila nangnen,
Sawi leh tur dang a awm tawh law’ng,
Ih maw, Bawihte, hmangaihna hian,
Ramri a kham theilo van a duai”
Ka ngaihtuah a ka ngaihtuah nawn leh thin. Engatinge Hmangaihna hian ramri a kham mai loh le? Min dem duh chuan min dem luih luih ula, mahse, kei chuan he hringnun hi ka hrethiamlo a ni e.
Hmangaihtu in ahmangaih chu hmangaih reng chunga a kalsan tluka thil harsa hi khawvelah hian a awmlo ang.
Similar Posts:
- Tu hmangaihna nge thuk ber ang?
- Hmangaihna
- Ziak Lo Thei Ka Ni Lo
- Chun leh zua run chhungah biahthu hril a rem silo
- Lemchang nun
February 10th, 2011 at 5:38 am
Khawvelah hmangaih Ber a awm thei lo va,kan hmangaih Tak,kan kawppuite hi hmangaihna kawng tluantling kan zawhpui reng erawh a pawimawh ber awm e.
Report this comment
February 10th, 2011 at 6:09 am
hmeichhia tak hi chu aw.. a duh chu a ti mai thin a nih hi. mipa erawh, dan siamchawp neuh2 hian min phuar tlat si thin a nih hi.
Report this comment
February 10th, 2011 at 6:28 am
Inneih hi hmanhmawh lo a uluk taka zawn hi a pawimawh reng ani…
I lerh vang ani ka ti lo thei lo, nupui pawm lai nei chung rengin engah nge i va kawm nel awr2 le. Mihringte hi kan inhmuh hmasak ber hian kan in hmangaih nghal ngawt lo, attraction zawk ani. Kan inkawm nel a tichuan hmangaihna chu a lo piang chawpchilh ve mai thin, kan in kawm tam telh2 a kan inhmangaihna a lian tual2 thin ani lawm ni….
Chuti teh hrepa inhmangaih in inthen mai tur chu in va khawngaihthlak ve…keichu ni ila, fa kan la nei lo anih ngat chuan kan nu pawh chu ka then duh mai ang…
Report this comment
February 10th, 2011 at 7:20 am
Nupui nei reng chunga hmangaih dang neih hi chuuuu… lerh vang a ni chiang, chuvangin thiam channa reng a awm lo. Nupuiten an zir lo lutuk a nih loh chuan…
Post tupa… engpawh nise i ti tha e… harsa ti tak chung pawh a i then thei chu…
Report this comment
February 10th, 2011 at 7:57 am
Post Marathon… Valentine’s day hnai toh bok a… va ngaihno hmel ve.. chhiar hmain comment juai
Report this comment
February 10th, 2011 at 8:12 am
# 4 Nia, bucko sawi ang khian….
Report this comment
February 10th, 2011 at 8:53 am
Thurawn/Han sawi ve ka tum deuh a, mahse ka la tawn loh thil a ni tlat, i lerh vang a ni pawh ka ti lo a lerh loh vang pawh ka ti chuanglo.Thil thleng ve thei chu a nih ka ring.
#1 moiapa sawi khi ka thlawpa
#3 mifeltea sawi para 1 pawh khi dik ka ti khawp mai.
Kei chuan i hringnun kawng ulh tak tianga i rawn ziak chhuak hi a tha ka va han ti em, i thawl ve huai in ka ring.
Report this comment
February 10th, 2011 at 9:11 am
hei hi lawm hringnun makna cu..mi sawi ka hre tawh..engpawhnise..keichuan hmangaihna sawi chuan van lam chu ka sawi ve nga:m lo a ni..:D a sang em a ka phak ve lo a ni e…
Report this comment
February 10th, 2011 at 9:14 am
Fimkhur angai a sin, kan thianpa pakhat nupui neitawh pawh chhass a lo nei deuh nge a sms dawn ah khan.. ” ka hmangaih che, delete nghal rawh” tih hi a lo awm a, a lo delete theih nghilh leh sia an nu in a lo hmu leh chu a hit lo khawp a sin..
duham luat ah an pahnih hnih in i then phah hlauh a nge 
Report this comment
February 10th, 2011 at 9:27 am
A ziaktupa demna che ka nei hauh lo mai..
He khawvela kan zinchhung hian hmangaihna vanduai vanga thu leh hla tha a tam tawh zia hi..
Engpawhnise, tute mah hi indem lovin a tha lam kawng inkawhhmuha inhruai hi kan tihtur niin ka hria.
Nupui pasal inneih hnu hian duh tak hi a hmuh leh theih a, lerh vang pawh a ni thei a, a nilo thei bawk. Tin, ‘Duhber te pawh hi an tha a, a dawttu te pawh hi an tha tho a nia aw..!!’
Report this comment
February 10th, 2011 at 9:38 am
Ka dem viau dawn che a, mahse, heng thil hi awm ve thei a niin alang. Kan hlathu ah reng alang tam mai. In par lai a par ruallo cu a pawi a nih hmel khi.
Buailoh deuh hunah comment ka rawn pek chhunzawm leh ang.
Report this comment
February 10th, 2011 at 9:58 am
I pic rawn post la, kan misual nulaho an lo inngaihtuah mai dawn alawm.
Report this comment
February 10th, 2011 at 10:13 am
E i tuar nep zawk a lawm!! ..han ti mai ilah.. ti hian ngaihtuah teh, i hmangaih takzet a nih chuan engemaw chang tal pawh a a hmel hmuhtheih tur a nungdam a a la awm chuan lawm mai teh,KHAWIH KHER TUM LO MAI RAWH
kumkhua, khawvel awmchhung a hmangaihte nungdam hmel hmu ngai tawhlo tur pawh antam em hi ti mai ang..
Report this comment
February 10th, 2011 at 10:14 am
A thu a maw si,a chhiar ka chhiar zo mai pehal lo,hringnunah hian hmangiah ber te hi kan nei thei lo fo anih hmel hi,kn hmangaihna hi tawrhna thlentu mai anih chang a awm thin,ka dem lo che,ka dem mawlh lo che.. Hmangaih ngawih ngawih mah la,huaisen takin i then a,k ngaisang che a,i thinlung chu uire mah se i taksa ngeia i nupui tana rinawm i duh vanga pa tak mai a,hmeiche mittui i daikai hi kei chuan k fak lo thei lo che a.. kcho rual loh leh tluk i ni a, i ni kumkhua ang.. a chhan chu i tih ang hi ka t thei ve dawn si lo va.
Report this comment
February 10th, 2011 at 10:14 am
A thu a maw si,ka chhiar ka chhiar zo mai pehal lo,hringnunah hian hmangiah ber te hi kan nei thei lo fo anih hmel hi,kn hmangaihna hi tawrhna thlentu mai anih chang a awm thin,ka dem lo che,ka dem mawlh lo che.. Hmangaih ngawih ngawih mah la,huaisen takin i then a,k ngaisang che a,i thinlung chu uire mah se i taksa ngeia i nupui tana rinawm i duh vanga pa tak mai a,hmeiche mittui i daikai hi kei chuan k fak lo thei lo che a.. kcho rual loh leh tluk i ni a, i ni kumkhua ang.. a chhan chu i tih ang hi ka t thei ve dawn si lo va.
Report this comment
February 10th, 2011 at 1:36 pm
Hmangaihna hian ramri a nei lo a, ramri anga kham tum chi lah a ni hek lo.
Nupui nei tawh i nih avang khan midang va hmangaih thei tawh lo tur i ni reng2 lo; inthiam lo em2 duh suh. Mi pakhat hmangaih chungin midang a va hmangaih theih. Mahse, mi pakhat tana rinawm a tha. Nupui pasal nei tawh kan nih phei chuan, kan nupui pasal te tan kan rinawm tlut tur a ni.
I tleirawl tawn hi i hmuh tirhin i hmangaih nghal ngawt lo tih ka hria. Tha i ti mm a, i duh zawng tak a ni reuh a, i thlir ning thei lo a. A hnuah in inpawh chho a, in inhmu zing tual2 a, in inkawp ta a. In inzui dun fo a, a tira tha i tih/ i thlir nin theih loh satliah kha then leh harsa tikhawpin i lo hmangaih ta niberin a lang.
“Ka lerh lo” ti mah la, kei chuan i lerh ka ti thau thau
kawp duhna thinlung i neih kha tihlawhtling kher lo khan, chu tlairawl chu ralkhat tha tih angin thlir liam ta mai2 la then harsa tikhawpin i va hmangai tawp lo tur…
Report this comment
February 10th, 2011 at 1:56 pm
Comment zawng zawngah hian ka lawm e, ka nihna hi keipawhin ka hrethiamlo a, ka hun tawngte hi ka hrethiam theilo a ni. Mahse, duh reng chunga thenna thu sawi hi khawvelah hian a ai har a awm dawn em ni?
Khawvel hian i lerh minti mahse, chu chu ka pawm thei mahse, ka dang thei chuanglo hi ka buaina thlentu chu a ni si. Chu ka dan theihloh ka thinlunga hmangaihna siamtu chu tunge? Mihringa hmangaihna dahtu chu amah, ka hlauh em em leh ka zah em em Pathian chu ani si a.
Report this comment
February 10th, 2011 at 2:04 pm
kawlhawk 4th para
a bak chu ka ngawi e
+ 
Post tupa
Report this comment
February 10th, 2011 at 2:33 pm
#18 chu van uar deuh ve
Report this comment
February 10th, 2011 at 2:36 pm
Ka van lainat che ka tih dawn chuan….a tirah hmangaih thu in hrilh hmain in inkawmnel dan a ril sawt lutuk a, chutah tak chuan ka thiamlo che, “Hmeichhia leh Uite..a chulnel peih peih” (Rempuii tel lovin) tih ang deuh a nia.. i nghal hmasa tlat a nih kha.
Mahse, Hmangaihna Lipuiah erawh i pilpui lo erawh a dinhmun enin ka fak khawp mai che.
Report this comment
February 10th, 2011 at 2:46 pm
Mite hriatthiamna neilo mi chu tuman an hrethiam ngai biklo. Hringnun hi zinkawng chhuk chho tak ang ani a, chu kawnga zin mite chuan harsatna an tawk theuh a, an chaklohna lai zelah. Mahse, chu harsatna an tawh chu mihring mai an nih zia tilangtu a ni thin.
Chu zinkawng chu mifel famkim ten an zawh ngailo a, misual/famkimlo ten an zawh zawk thin chu chu chu zinkawng siamtu pawhin a hriat chian em avangin chu kawng zawh a kal mek zin mite chu an harsatna te in hre tawn a, an rit phurhte inchhawk zangkhai turin a chah mawlh mawlh a ni.
Mahse, post tupa, i harsatna chu tuma puihna ngailo a, nangmah ngeiin i paltlang a, hnehna i chang ta hi ka chhuang hle mai che.
Report this comment
February 10th, 2011 at 2:57 pm
PimPom, ka beisei loh leh ka rilru a awm ngai reng renglo min rawn hrilh hi ka va lawm em. I thuziak leh i Comment te pawh hi ka lo chhiar fo tawh thin a, ka hre chiang chak hle mai che.
Tumah ka harsatna tawh hi hrethiam a, min fuihtu an awm ngailo.
Thankz for your Comment.
Report this comment
February 10th, 2011 at 4:41 pm
Par lai rual lovah buai loh tur … a season hun bawhpelha par an vang zawk! A inchul hleih velte hian a ti-romantic daih zawk. Vul hlurh hlurh t;ang vek tur chu beisei loh tur, inbawihsawm thei tur phei chuan … hrethiam mai em?(L)
Report this comment
February 10th, 2011 at 4:50 pm
Hmangaihna in tih,” duh em em ringawt, a tel lova dam zuam lo, nang chauh hi i ni…” tih vel hi ka awih zawng a ni vak lo. Putar kum 80 ka nih thleng pawhin hmeichhe duh leh neih chak hi chu ka nei reng ang, ka nei dawn chiang khawp mai.
Mahse engemaw hun chhung zeuh(a matter of time??)a duhthlanna ka siam fel…a hunlai a ka duh em em tho, ka dam chhunga awmpui tura ka thlan kha chu a hmelchhiat hunah pawh duat a, enkawl tur leh rinawm tlat turin ka inpeih reng thung ang.
Report this comment
February 10th, 2011 at 6:43 pm
Kum hnih lai chu Nupui duhtak leh duat taka ka pawm mek ka neih hnuah, a sakhmel ka hmuh phat a ka rilru zawng zawng luah vektu ka tawng ta tlat mai a nih hi! Nia, mak minti maithei, keipawhin mak ka ti a ni.
Puitilng lo takin nupui i nei niin ka hria. NOI
… e tilo chuan, hmangaih loh te nen a damchhung hun tawite hman ai chuan, in thathen mai hi a fuhin ka hria.
Fuh ber erawh chu nupui/pasal neih hma hian inhriat chian (chhungte thlengin), in hrang chang thei dinhmuna din hmasak, nakin thleng a chhe ber thlenga chhut hmasak hnu chauha tih chi niin ka hria.
Ka thawhpui/thianpa hian a bialnu kha kum 13 chuang a awmpui. Fa a neih pui duh miah lova, neih pawh an innei lova, a hnuah chuan a hnawtchhuak ta nge2 a. Fa a neih pui duhloh chhan: pawisa khelh zeuh2 a chinga, an fa chuan a nu a chhun a hlau. A neih duh loh chhan: pawisa hman dan a thiam hlawl lo etc etc.
Ka boss thianpa te hi kum 30+ an khawsa dun tawh, an innei duh thaklo. Innei lovin kan rilru a inmil zawk te an ti fiamthu mai2. Hei erawh hi chu kan ngaihtuah a, US ah hian nupa an inthen (divorce) hian hmeichhe chan hi a tha em bawk a ni..tih te ka ngaihtuah thung.
Engpawh nise, nupa tur hi chuan chhut ngun viau hi a pawimawh a ni. Mizo te hi chu kan belebut thin fo maithei!
Report this comment
February 10th, 2011 at 7:43 pm
post tu pa ka dem hauh lo che…mihring nunah hian thil thleng thei vek ani.Nupui/pasal inneih tawh hnuah duhtak/hmangaih dang a tawng leh theih!!!!mahse hei hian kan kawppui te min thren tir ngei tur a ni kher lo.I’ve been in the same situation like you.In ngaina leh induh tak chung khan thian tha takah in inchhuah thei tho ania.Mahni inthiam loh duh reng2 suh.Lerh vang ti tu te ho pawh hian an la tawng/hmachhawn ve lovang tih sawi theih ani lova nia.
Report this comment
February 10th, 2011 at 8:08 pm
Tum ang hian mihring hi awm ahar reng a ni. Fimkhur hmsak erawh thalo tam tak pumpelhna a ni fo thung.
Report this comment