Thu ziakmi leh ziakthiamtak ka nilova,a phuai deuh rem rum mai thei.thu ropui tak leh ril tak ka ziak thiam lo.Dt.19-11-’11 zinga ka thiltawn,ka rilru tina em em tu hi ka thiante ka han share ve duh mai ani e.
Kumin Aug 22 khan ka hmangaih takni turin tleirawl hmeltha tak leh duhawmtak, E**-i nen kan in tawng a.Tichuan Aug 24 pawh chu a b’day alo ni chho leh ta zel a.intawnghlim kan ni bawk a,hlim takin kan hmang a,an in ah chaw pawh kan ei dun nghe nghe a.tlai ah te kan leng chhuak dun a.
Prayer mountain ah te kal dunin kan in ngaihzawnna leh hmangaihna hi Pathian hriatpui nise ka ti a(rawngbawltu ka ni a), ani pawh chuan ‘nie’ ati a.Tichuan kan pahnih chuan kan tawngtai dun ta a.Ka hlim em em a,mahse chu kan hun hman chuan ka mittui hi a la ti tla ang tih reng reng ka ngaihtuah phak lo.
Hlimtakin kan haw dun a,kal kawngah te chuan ka hnung a rawn bei pah hian,u ***,ka tina ngailo ang che,i tan chauh ti chung leh ka thutiam hi ka hlen ngei ngei ang ti chung zelin kan haw dun ta a. Kha mi ni ka hlim zia te kha aw…hun alo kal leh hret a,ani chu an khua a haw alo hun a.
A haw dawn zanah te chuan hlim takin kan in kawm a,a chhungte an awmve tlat si a,engmah in ngaihthu pawh kan sawi tha theilo a,kan thu dun a,awmhmunah sms hmanga kan in hmangaih thu leh kan in ngaihtur zia thu te kan sawi laite kha avan hlimawm dangdaive mai mai tak em!
Tichuan a tuk chu a haw hun ani tawh si a,zingah ka han thlah a,’nitin vawikhat tal inbe ziah ang aw’ a tih laia ka thinlunga lawmna nasa tak mai chuan tehreng mai,nitin vawikhat tal kan inbe thin dawn nia tiin Sept 1 zingah chuan millennium center kawtah chuan kan inthen ta a.
Ka ngaithei em em a,Oct thla tawp lamah khan inneih thu ka sawipui ta a.Ani chuan,ka chhungte thu thu ani mai tiin min hrilh a,anih chuan i nu lo hrilh la(anu nen chauha awm an ni a),enge a ngaihdan lo hria la tiin ka chhang a,a chhungte pawh chuan rem anlo ti a.
Ka van lawmtak em khami zan khan! Tichuan nakum Jan thla ah palai ka rawn tir anga,a rem zel anih chuan Feb thla ah inneih kan tum dawn nia tiin ka hrilh a.nie tiin phur takin min chhang a,a chhungte pawhin kan 2 inbiakdan zawng zawng min hriatpui a,min rem tihpui em em ani.tichuan chutiang lam kan hawi takah chuan ani chu college poh chawlhtir an duh a,fanu mal, duat rawn anih avangin in chhung chet engmah an tihtir phal ngailo a (lehkha an zirtir mai zawk thin),inchhung chet velte chu an zirtir chho mek a,tichuan boruak tha tak kan nei chho zel emaw ka tih lai chuan Dt.19 Inrinni zing alo nih chuan anu kava phone a.
E**-i rawn phei leh pheiloh chu ka va zawh chuan ka thuhriat chuan min thawng hle a(hemi zing hian Aizawlah lo phei tur ani a,a u in inchhung chetvel kalo training tir ange tiin)ka bing mup mup a,dan rual lohin ka mittui a rawn tla nghal a.anu chu a thinrim em em a,a tawngtha theilo a,ti hian harsa ti takin min hrilh ta a,’***a,E**-i chu nizan a chhuak alo la haw lo, a awmna pawh kan hre lo tiin min chhang a,ka aw ki pawh ka thlak hman lo, makti tak leh aw ki sang tak hian’alo la haw lo a…’ani theilo,ani theilo.thla 2,3 hnu lawka innei tur kan ni asin.chutiang tur chuan ka phal theilo.minlo bum chu niin,a awm danah rinhlelhawm in a awm ngai silo.duhtu leh ngaizawngtu chu a neive nual alawm.mahse an in ngaihzawn thu hriat a awm ngailo.lem chan alo van thiam em!
Mittui nen Pathian hnenah ka tawngtai nghal a,ka chunga Pathian thil rel danah te ka vui lek lek a.a na em ani,Lalpa,ka tawrh hi a zahthlakin,ana em eni tiin mittui nen Lalpa ka au a.A chhungte chuan min zahderin,min khawngaih khawp mai a.Mahse tih theih dang a awm tawh silo.
Mahse tuarna phena malsawmna chu Lalpan minlo hmuhtir reng mai.Beiseina nung ka neih theih nan leh Amah chauh ka beisei theih nan, ka lei(khawvel) lam beiseina chu min tih chhiatsak ta.Mittui tla chungin Lalpa ka lawm e,nangmah chauh ka beisei theih nan he thil hi min tawrhtir avangin lawmthu ka hrilh che tiin Lalpa ka au thei ta.Na ngawih ngawih mah ila Thlarau vin Lalpa’n min chen chilh a,Lalpa hian minlo van hmangaih em!
Thian duhtakte u,Pathian khawngaihna leh hmangaihna hi atakin i nun khan engchen nge alo daive tawh le?God bless you all..
Similar Posts:
- Kum tam pawh liam se
- Hun Sarih Lalram Nun
- NU 163
- Pawisa bag(purse) chhunga Isua thla.(Sunday pual)
- Josefa Lehkhathawn
November 22nd, 2011 at 7:01 pm
e he le…
Chhiar hmain KZP (Y)
KZP, kzp in pek na pawh a nih chiah lo hi le, engkimah lawmthu hril tel zelin le
November 22nd, 2011 at 7:10 pm
Ekhai! A va na dawn ve! Mahse Lalpa mi hriat i ni chu i va vannei si em! I tuar ang leh i tuar aia nep tuar mahse Pathian mi hriat ni ve si lo te hi an khawngaihthlak a sin! Tang fan fan
November 22nd, 2011 at 7:12 pm
A inruk tir nge ?
Nia, Pathian in a rawngbawltu nupui atan a tlak ati lo aniang :-O
November 22nd, 2011 at 7:20 pm
@lrp,aw a in ruk tir ani ah ka ngai.
@jacka Pi,nie Lalpan min hmangaih lutuk.Pathian neilo tu ni ila chuan ka future hi ka ngaihtuah ngamlo.Mahse Isua ka neih vangin,amah nen ka tuar hram hram thei e.
November 22nd, 2011 at 7:22 pm
Tunlai hmeichhia hi rin tlakloh an tam zia chu amak a mak ani. (N)
November 22nd, 2011 at 7:29 pm
I rilru i pe hma lutuk chu a pawi hle mai. Hmanhmawh lo la, muangmarin i milpui i hmu mai ang. Dam han hauh phawt ila a dang chu a tlachawpin 🙂 Good luck
August a intawng October thlaah inneih i rawt nghal mai anih chu mawle. Nupui pasal neih hi tih mai mai a ni lova, Kristiante ngat phei chu Pathian hmaah dam chhung daih tur a intiamkam kan ni thin.
Sawi leh sawi hnu, nupui/pasal nei tur chuan chhungte emaw, thiante emaw ten min nawr vang emaw, hna thawh tawh vanga nupui/pasal neih tum/hun tawh tih rilru neih hi a thalo teh asin.
Nupui/psal nei tur chuan, nakin thlengin thui tak chhut hmasak fo alo tha tak tak ania. In hmelduh lai emaw, a boruak sosan lai te hian inneih rawt ngawt hi a hnuah a fuhlo duh viau. Rei tak, chiang taka inhriat hmasak a pawimawh hle. Chumi hnuah chuan inmil tur leh tur lo chu a hriat mai tawh thin. Mihring tam zawk hi zethup hmang kan ni a, ze tak chhuah hun in hmuh sak phawt a tha fo!
November 22nd, 2011 at 7:40 pm
Pathian Samsuih hi a awm ve a, inhriat rei a i pawh a nilo. I tan a Pathian ruat a nilo tih pawm thlap mai rawh. Pu Hv-a sawi ang khian ze thup hmang kan ni. I nupui anih hma in a zia a chhuah hlauh a, a lawmawm lamah ngai ang.
Ka thiannu unaupa te chanchin hi a mak ve a nia. Mizoram pawnah a awm a, Masi hmanga a lo haw in an venga awmthar nula pakhat a tawng a, an inhmangaih nghal tawp aniang chu. January thla chawhma a a hna zawm leh a ngai si, January thla tirah an innei a, kum 5 a tling ta, nupa hlimtak an ni. An inngaihzawn chhung kha thla chanve pawh a tlinglo. Pathian ruat an nih vang a ni mai.
November 22nd, 2011 at 7:41 pm
sad…sad…sad…pawi hle mai…
Ka thianpa thil tawn ka hrechhuak zawk mai. Nangni te chu in la inzui reilo zawk alawm le, ka thianpa te chu kum 6 vel an inzui hnuah a hmeichhia in mipa dang a in ruktir! rapthlak duh ngawt ang.
Engpawh nise mizo hmeichhia te nasat tawh zia hi ka mit ngei hian ka hmu hnemin, mi rinawm tak hnen atang hian ka beng ngei hian ka hre hnem ta viau mai.
mahse, Pathian tih mi leh Pathian rawn thin mi chu nilo la, nupui uire ching i nei hman tep anih chu. Lawmthu sawi nachang i hria a, Pathian pawn venhim tlak ani e, a ti ngei ang che. Nupui uire ching i neih tur lakah a venghim che sia..
November 22nd, 2011 at 7:44 pm
Tky .. God bless you …
@6 .. ngaihtuah ang deuh hi ka lo ngaihtuah ve… in inkawp hun chhung hi arei loh hmel riau, i ziah danah hian?? ka tihsual palh chuan.. min ngaidam la …
Mah se i tawrhna zarah erawh hlawkna i chhar zui zel ka duhsak pui che… 😀 A ai a tha zawk LALPAN ape ngei ang che….. Misual hovin Biak In bathlar ah thla kan la lak pui tlep tuarh ang che… (Y)
November 22nd, 2011 at 7:45 pm
Keini chu a tir te atanga kan tluang thlup2 lutuk hi ka ngaih a tha thei lo rei fu a, mahse eng a ni lo aniang kan la tui dun ta fu reng mai. Ka aiin kum 15 laiin a naupang a, puitlin zawkna a ngah hle. Ka tleirawl lai chuan i tawn ang thuak2 hi vawi 2 ka tawng a. Hmanlai min ti ngai kai rawk. Ka khawngaih che a, duhsakna zawng2 ka hlan nghal che.
November 22nd, 2011 at 7:54 pm
E hiau!! Chatuantawii ilo ngaizawng ve reng ani maw. 🙂 Pathian hnaihna chang I hre zel a I PA khawp mai..mipa tamtak chu an vuai hnawp2 ngei ang.
Pathianin a aia a let 10 a tha a pek duh vang che anih chu. 😉 Gut lak fawr iar khaming fiuchar. (Y)
November 22nd, 2011 at 8:00 pm
I post hian ka tlangval lai min hriatchhuah tir a, nawhreh hmiah ka duh min hriatchhuah tir. Mi fanute rilru kan va lo hliam na thin awm em, tih min ngaihtuah tir. Kei chu hmeichhiain min bum ngai lo a, ka kawp fo zawk. (ka la zak chem chem a, ka inthiam thei ngai bawk lovang). Nupui ka neih hnuah ka rinawm leh em em si a, kan nu pawh hi kan in ngaizawng rei lo. A vannei a ni mai. Pathianah innghat la, i suangtuah thiam aia tha ala pe ang che(not necessarily beauty). Thangchhuahpa sawi ang khian Biakin bathlarah misual hovin thla kan la lak pui chuai chuai dawn che u a lawm.
November 22nd, 2011 at 8:01 pm
Nuam lo eee..Hmeichhiate chauh nasa in tia, mipa ho pawh kha silent mode in hrat hlawm hlawm nen 😛
November 22nd, 2011 at 8:02 pm
^—- hahahaha!!!!
November 22nd, 2011 at 8:03 pm
Lungngai reng reng suh. I tawrh aia na ( ti ngawt ila )or a tluk pui lo tuar chhuak tawh ka post a rawn chhuak dawn. An scheduled tawh e. Harsatna kan tawh zawng zawng hi min siam pui tling tur a Chunglam ruat ani tih hriat hma si, a tawrh hun lai tak hi a van hreawm em..I tuar chhuak anga chu tih hunah chuan khawvel hmachhawn turin i in peih leh zual ngei ang. This world gave u a chance to show that u are a Man, and be like a Man..look the bright side of ur future
November 22nd, 2011 at 8:04 pm
i bialnu chuan a chanchin sawi ve ta se, engnge a sawi ang le? (ngaihtuah mai2), ka khawngaih khawp mai che, mahse khawvelah hmeichhe pakhat chauh an awm hleinem.., a ai tha i hmu na kawng a inhawngah ngai hmiah rawh..
November 22nd, 2011 at 8:05 pm
@ Pu Pikee,,tlangval laia Pu Hbee te nena hmeichhe hma a in han in la MAn lai vel hmuh in va chakawm ve aww.. 🙂 mengrum thei rap ami? 🙂
November 22nd, 2011 at 8:05 pm
Nupui tur chu misual.com-ah engtin nge an comment thin tih pawh chui vek tur 🙂
November 22nd, 2011 at 8:06 pm
@pu H.V & Thangchhuahpa nie,adik khawp mai.Ka hmanhmawh deuh pawh ani mai thei.mahse amah hi atirah chuan ka hriat ani lo a.a nutei fanu,a u in afel ati a,ka tan pawn min duhsakpui in,min tihpui ani a.A u pawhin hetiang mi anih hi a ring pha lo a.Engmah nilo mah ila,a ni pawh chuan min zahderve khawp mai.
Engmah phei chu nilo mah ila,a chhungte hian min duh derve em em a.khua hmun loh kan ni bawksi nen!chuvang chuan a rem anih chuan inneih mai tha a ka hriat vang ania.
Mahse alo mak em ani…ka sawi thiamlo.
November 22nd, 2011 at 8:07 pm
@doc_lib, i post chhuah hun chuh, ka chinglet nasa khawp ang 😀
November 22nd, 2011 at 8:15 pm
@20 sheldy,an scheduled hun lai hian ka awm dawn loh a vangin i post tlukah ngaiin i lo vil dawn nia..Harsatna na leh hreawmna kan tawh hi hringmi khawvelah hian min chher puitlingtu a lo ni si tih ka zir chhuak hi ka vanneihna ani. Min dem bik suh ang che Sheldy ka post a lo chhuah hunah 🙂
November 22nd, 2011 at 8:19 pm
Mahni neih tur chungten an buaipui fo hi a fuhlo thin reng asin!
November 22nd, 2011 at 8:25 pm
A na dawn mang e aw.. Ka khawngaih hle mai che.
November 22nd, 2011 at 8:27 pm
17.Lamji Mipa lerh deuh hian Npui tur tak tak hi chu kan duh uluk leh viau si a. Ka thiannu pawh hi Nula Thianghlim dik tak anih thuah a tang huai em a, a Pasal neih hmaa s** hman a tum loh bur thu min fah hneh riau khan min hneh a ni berin ka hria. Tin, Pathianin a commitment mal a sawm pawh ani mah na(kei min chang hi.fth.).
November 22nd, 2011 at 8:37 pm
I van khawngaihthlak ve aw…. I tana Pathian ruat anilo tawp anih chu. A hun laiin na viau mahse kan thatna tur vekin kan chungah ro min relsak thin ania. Lo innei ta ula….tun aia na khan i awm maithei asin
November 22nd, 2011 at 8:40 pm
Marriages are made in heaven tia, ka thianpa min hrilh kha ka pawm tawh.. Ka serious theih nen, rilru nat deuhna 2 ka tawng tawh.. Ka buai peih hrih tawhlo. Ani tur chu rawn fel thlap mai ag.. Hrim2 ah neih i tum hma
November 22nd, 2011 at 8:46 pm
Lemchang nun hi ka ten zawng tak a ni! Kei pawhin ka tawng tawh.
Lemchang lo, mi rinawm, hmangaih tak taktu che i la hmu ngei ang. Zam miah suh.
November 22nd, 2011 at 8:55 pm
@doc_lib, keipawh ka post a chhuah te chuan ka buai viau paw’n ka indah free hram hram zel alawm. Post tupa rilru chhungril kan hrephak lo, chuvangin kan vil thiam tak tak lovang. Lungngai suh, lr hlonchhing nen kan lo vil ang, Pu Pk-a ho-na hnuaiah.
November 22nd, 2011 at 8:57 pm
Lungngai duh reng reng suh. Midang a lo nei chu a vanneihthlak ngawt zawk a nih chu…chutiang hmeichhe te chu fate nu atan pawh a awhawm nek loh chu a. Mahse hmeichhe rintlak tak tak hi an la tam ania, chuvangin i bei tidawng duh reng reng suh.
November 22nd, 2011 at 9:07 pm
#29 (Y) (Y)
@Kezungpui, lungngai duh reng reng suh… i tan a pathian remruat ah ngai phot mai teh, lo in nei ta poh ni u la a lerh san loh ang che tih a sawi theih miah( i post a trang khian)..
A ni ai thra leh fel i la hmu ngei ang…
November 22nd, 2011 at 9:38 pm
Full stop, comma adt. karah space a awm lova, chhiar a hreawm deuh lek lek.
November 22nd, 2011 at 9:50 pm
E**i = Engi ni awm tak a ni 🙂 🙂
November 22nd, 2011 at 9:55 pm
#32,nilo deuh….he2.
Serious lutuk hi hmangaihna kawngah hi chuan a tha lo em nile tihte ka ngaihtuah phah!Vanduai tan phei chuan chhiatna a thlen phah thei in ka hria.
Piangthar lo ten hetiang avangtea an lo suicide thin hi an tan chuan a awl khawp ang tihte ka ngaihtuah phah hial mai.an thil tih ka thiam lam nilo in,Piangtharlo te tan chuan rilru nat lutuk,beidawn lutuk avang hian alo awl awm mang nge!
November 22nd, 2011 at 10:18 pm
Kezungpui hi YWAM a thawk lai ini em aw?
November 22nd, 2011 at 10:25 pm
#34,nilo e.Pastor ka ni.
November 22nd, 2011 at 10:28 pm
@Kezungpui: I daw peih mai mai e a.
November 22nd, 2011 at 10:29 pm
Inru lo khan lo innei ta ula, a hmangaih lo che nih chuan nakin lawkah harsatna in tawk ngei dawn si a, a tuartu chu nangmah i nih ngei hmel bawk si. Pathian chungah lawmthu sawi mawlh mawlh chi a ni e. ‘I kawppui awm mi’ chu Pathian in ala pe em em ang che. Chutihrual chuan in inzui reilo ti mahse khawvel chu risk lakna khawvel alawm, i risk sual hmain Pathian in a chhanchhuak che ah ngai tum hram hram bawk teh.
November 22nd, 2011 at 10:34 pm
Post tupa, i kawmen leh i post ah fullstop, comma leh adt. ah space han pe ve keuh thin teh. Chhiar a hreawm tlat. 😀
November 22nd, 2011 at 10:34 pm
35. Ka han zawh nachhan che chu, hman deuh khan kan bul lawka YWAM a thawk tlangval fel tak mai hi, Mizorama nupui nei turin hlim takin a haw a, a kal dawnah pawh min rawn tlawh a, a hlim khawp mai. Mahse, ngui takin a rawn haw leh a, ka khawngaih khawp mai. I lo ni mial em aw? ka han ti deuh dawn a nia.I rlru nat dan tur zia chu ka hrethiam e. Lalpa Pathianah in tichak tlat la, I kawppui awm mi chu Lalpan a la pe ngei an che.I RINNA kha Hetiang hun atan hian ani dawn lawm ni?
November 22nd, 2011 at 10:42 pm
I tawrhna chu a van na dawn tak em awh, Pathianmi nilo lang chuan hriatthiam harsa lehzual khawp ang, Pathianmite vanneihna Pakhat a van ni leh zel em, kan tawrh hi Lalpan a phal a mah kan hnaih deuh2 theih nan. Lalpan Pastor Nupui atan a tlak loh a ti a nih kha, Kristian chhungkua diktak i din pui tur ngei ila nei em2 ang. Duhsakna ka hlan bawk a che (Y)
November 22nd, 2011 at 10:44 pm
Han inhnem ngaihna hi a vang teh mai a nia aw hetih hunlai hi chuan. Tuar ve tlawk tlawk phawt mai teh, mahse chhel takin aw. Thiante comment tawh thlawpin i vannei khawp zawk a ni ka ti ve. Lo innei hman phei ula chuan… nakinah i rilru a tina lehzual dawn a sin.
November 22nd, 2011 at 11:12 pm
Ka lawm hle mai, thiante ho in min hnemna te zawng zawngah khan. Pastor tiha mawilo niin ka hre deuh a, ka inthlahrung khawp mai a. Mahse rilru paihthawlna atan ka han au chhuahpui hram ani e.
Lalpa rawng kan bawl mek lai hian, Setana hian hindrance siam hi alo tum thin nasa khawp mai. Pu Lalzarmawia pawh in ‘Setana’n nitin min bei.
Nangmah kal bosan turin,
Mahse chakloh lai ber pawn,
Ka peng ngamlo.
Lalpa nangin, min chelh tlat rawh’ alo tih te hi avan dikin, a van hlu em!
November 22nd, 2011 at 11:13 pm
Thuziak thiam deuh leh thu phuah thiam, tawngkam thiam tak ni la ka chhiar chhuak peih kher lo ang.
Mahse, i tawngkam thiam loh ang2 leh thuziak i thiam loh ang2a i rawn namnul chho nawk2 hian i thinlunga thu khatliam i rawn bun bua tih a nemnghetin a tichiang lawi si.
Nang chu Pathian rawnbawltu fel tak i ni a; rawngbawltu fel lo leh hur herh zet mai pakhat avangin kan fahnu chuan sawn a pai der thung a sin.
LALPA’N MALSAWM CHE RAWH SE.
November 22nd, 2011 at 11:15 pm
Va ho mai2 e………….. 🙂 . chutiang te vei zui vak duh tur ni lo 😀 😀
November 22nd, 2011 at 11:25 pm
I post leh comment hi ka chhiar nawn leh a, i thiltawn hi a ‘raw’ riau, nangmahah. Ka rawn tuihnih leh chak tlat mai. Pastor pawh nila, tlangval i ni a ngaihzawng i nei thiang a, mawilo takin i awm pawh ani lova, i tan inthlahrunna tur a awm miahlo.
Ka ngaihdan chuan a hun takah Pathianin a chhanchhuak che. Tiang thlenglo khian lo innei ta ula, a mize diktak a rawn lang ang a, hei aia rilru na leh zak hian a siam mai thei che asin. A na ang tih kan hriatpui che, kan tawrhpui che tih bak sawitheih kan neilo.
C. Luri hla ‘Nun hnar kaitu’ tih kha lo ngaithla teh. Engang rilru natana pawh tawk la, i nun hnarkaitu, i piantirh ata i hnena awm tlat, i nun chhungril hretu khan a theihnghilh lovang che tih ka ring tlat. Ka khawhar changin keipawh ka ngaithla thin.
November 23rd, 2011 at 12:54 am
Mariah Carey sak Hero hi kan thlan sak ang che, I story vang pawh ni chuang lo in, a nalh bakah a hla thu hi a tha reuh a..
http://www.youtube.com/watch?NR=1&v=0IA3ZvCkRkQ
There’s a hero,
If you look inside your heart,
You don’t have to be afraid of what you are,
There’s an answer,
If you reach into your soul,
And the sorrow that you know will melt away.
[chorus]
And then a hero comes along,
With the strenght to carry on,
And you cast your fears aside and you know you can survive,
So when you feel like hope is gone,
Look inside you and be strong,
And you’ll finally see the truth that a hero lies in you.
It’s a long road,
When you face the world alone,
No one reaches out a hand for you to hold,
You can find love,
If you search within yourself,
And the emptiness you felt will disappear.
[chorus]
Lord knows,
Dreams are hard to follow,
But don’t let anyone tear them away,
Hold on,
There will be tomorrow,
In time you’ll find the way.
[chorus]
That a hero lies in…..you______
Ooohh that a hero lies in…..you___
November 23rd, 2011 at 1:03 am
Ka chunga mi han menrei theih zia hi…. :O
November 23rd, 2011 at 1:06 am
MaReMpY..sheldoni hi maw? mut a mamawh tawh lo 😛
November 23rd, 2011 at 1:21 am
Zing dar 1 ah poh, oooh that a hero lies in you, la ti rut2! Mizo idol ah k puang che. 😀
November 23rd, 2011 at 1:25 am
50 na, MaReMpY, zualbonez a idol i nih kha 🙂
Hla ka thlan sak ang che..in pahnih tan..sorry for the ad..in pian hma a ka ngaihthlak thin ani
http://www.youtube.com/watch?NR=1&v=fV8vB1BB2qc
November 23rd, 2011 at 1:26 am
Mahriakten phek thar ka hawng.
November 23rd, 2011 at 1:28 am
Lung ka vai zan mu ka chhing lo…
November 23rd, 2011 at 1:30 am
Gospel singer mk-i pa a boral.
November 23rd, 2011 at 1:32 am
Kum tam poh liam mah se siam thar ka ngai a ni Pb liankhuma.
November 23rd, 2011 at 1:33 am
Josefa lehkhathawn nen olympic boxing?
November 23rd, 2011 at 1:35 am
maReMpY..kha i birthday present
November 23rd, 2011 at 1:35 am
I share tha tak avagin k lwm e. He khawvela hi chuan hlimna famkim hi zawng mahila engtika mah kan tawng dawn lova min siamtu kan Pathian hnehna chauh a awm a chu chu i chan ve theih nan duhsakna k hlan a che.Lalpa’n mi fel a pek ngei che ka beisei.
November 23rd, 2011 at 1:37 am
Nula tlangval inkar hmangaihna kal diklo vnagin mi tam takin nun beidawnna leh sual khur a tluk luh nan te an hman laiin nang cuan i mit tivartu ah i hmang a, i ngaihsanom khop mai, i thuziak a ngaihnom a, midang te tan poh fuihna tha tak a ni, ka lom, ka mu.
November 23rd, 2011 at 1:38 am
Rempy mawlh mawlh chu leh.
November 23rd, 2011 at 1:46 am
Kan duat em em ReMpY_ScisSoR in muthilh pah a a lo ngaihthlak a tan..a thu ni lo in a tune chauh, ka ngaithla a, ka mut a chhuak lek lek..
https://www.youtube.com/watch?v.....ure=relmfu
November 23rd, 2011 at 1:56 am
Thanks..lrp
tukverh ataga van thiang tak thlir paha boruak vawt takin mn lo chhem heuh2 paha zantin k gaithlak thrin https://www.youtube.com/watch?g.....BaRvBFXEYE
nite nite
November 23rd, 2011 at 2:12 am
eeee..a va han nalh lo e aw..nelly furtando i lo lunglen pui ve a..hehehe
November 23rd, 2011 at 2:29 am
August-a intawng chauh si, October-a inneih hun tur sawi nghal te chu a! I hmanhmawh em atin nih chu. Thla hnih thum lek chhungin damchhunga i kawppui tur thlan tum tawh reng reng suh ang che.
November 23rd, 2011 at 3:51 am
A mak lo, mite pawn hmuh poh in hmulo in inneih thu an sawi rem alm, heting hi a hmei a pa tihbo ai chuan an pung tual tual Pathian hnen ah i hlan thlap a, tun ah hrethiam lo in tuar hle mahla “A hmangaih te tan chuan an thatna tur in kawng tin reng in a thawh sak thin” kan Bible in a tih kha…
November 23rd, 2011 at 5:53 am
#63, Nie, ka thil tawrh hi ana in,a lehlamah chuan a zahthlak khawp mai. Amaherawhchu ka sawi tawh ang khan Pastor tlangval ka ni a. Mahni chauha awm hi harsatna tamtak a awm avangin, a chhungte leh a mah hrechiangtu, amah min hmelhriattir tute pawn an fak ve em em a. Neihtlak ni ah an ngai a. Chuvang chu ania.
Tin,khua hmun loh a awm kan ni bawk nen, rilru hmanhmawh chi kalo ni lehzel bawk si a. Min hrethiam mai teh un…
Comment tam zawkte min encourage naah ka lawm hle mai. In mi fuih ang deuh hian Ka nau in sms in, chanchin a hriat veleh min rawn hnem a. Ka hnuk ati ulh khawp mai.
November 23rd, 2011 at 5:58 am
#43, pu kawlhawk, in nau/farnu ami? Amah hi i hriat hmel, i comment atang hian.
November 23rd, 2011 at 7:16 am
ka’n ti ti ik ve chauh te’ng..
November 23rd, 2011 at 7:42 am
kan tlangval ve laia ka bialnu pro. pastor pakhatin min chhuhsak kha min ti hrechhuak. Tlangval pro. leh pastor ho hian mi inngaizawng lai pawh then an hreh miah lo.. an ti.. (thinrim thar leh deuh)
November 23rd, 2011 at 10:00 am
#68, ava inthlahrunawm ve aw… Ka infakna pawh nilo in, chutiang chu ka nive miah lo. Atirah pawh midang i nei em? Rilru tak tak min pek theih dawnloh chuan inkawp loh law law ka duh zawk kati tlang vek a. Aman ka neilo atih vang ania. Midang tana malsawmna nih hi ka duh ber a. Ka ni thei kherlo anih pawn, midang tana hnawksak nih hi ka duh ngailo.