I awm dan tur chu Lalpa chungah nghat la; Amah chu ring la, aman a ti vek ang. I felzia chu eng angin a chhuahtir ang a, I thiam chanzia pawh chhun lai ang maiin. Sam 37: 5 leh 6
He Bible chang lar tak hi ka ngaihtuah chian apiang leh ataka hman ka tum apiang hian ka buai ziah thin avangin, Misualho ngaihdan ka rawn zawt a ni. Pathian duh loh zawng a nih loh hram ka beisei.
Ka awmdan tur Lalpa chungah ka ngat a, Pathian hi ka ring bawk a ni. Amaherawhchu, ‘Pathian hian engkim a rawn ti vek em aw’ tiin ka ngaihtuah thin. Pathian rawn tih vek ka nghah veng veng apiang hian Kristian thuthluang, kristian thatchhia, Kristian dawihzep mahni pawha engmah ti ngam lo ka lo ni ta thin. He Bible chang hian Pathian min chhandamna leh ringtu nun kal chhoah hian mihringte tih ve tur hi a sawi bo a, rinna hi a phet zawk mahin ka hria .
A nih leh kan thupui ( Mizo Bible-a a in dah dan chiah a nih khi) en hian, engvangin nge Pathian hian Ka fel ziate chu eng angin a chhuahtir ang? Ka thiam chanzia pawh chhun laia ang maia a en tir ang? Ka hrethiam lo tlat. Mizo Bible chhutthar berah engtinnge a in ziah phei chu ka hre miah lo, a lo fiah deuh mial maithei. Lehlin sual a ni thei em? Ni ta se, mi tam tak chang duh ber a ni bawk si, testimony-ah pawh sawi rik zin pawl tak a ni bawk si, ngeni Mizote hian thil hi kan chhut tak tak paih lo zawk, a nih loh pawhin keimah lam zawk hi ka dik lo a niang.
Mahse khei mahaw NIV Bible-lam han ti ve khanglang teh ang “ Commit your way to the Lord; trust in Him and he will do this: He will make your righteousness shine like the dawn, the justice of your cause like the noonday sun”. He changing a sawi tum ni a ka hriat tak ber chu “I awm dan tur chu Lalpa chungah nghat la; Amah chu ring la, chutianga i tih phawt chuan henghi a tih sak ang che:(full stop hmang loin, NIV Bible anga colon hmang zawkin) I felzia chu eng angin a chhuahtir ang a, I thiam chanzia pawh chhun lai ang main”.
Ka awm dan tur zawng zawng Pathian chungah ka ngah tlata, amah ringtlat chunga ka kal pawt chuan: ka felziate, ka diknate eng takin a lan chhuahtir dawn a ni (Amaha rinna nghah chu a phur awm ta zaih mai).
Han sawi ve teh un, Pathian kan rinna kawngah nget takte, rinawm takte leh phur takte a ke kan pen zel theih nan. .
Note: Ka hre dik lo a nih chuan Lalpan khawngaihtakin min ngaidam rawh se
Similar Posts:
- RINGTU DIK TAK AN NI LO (Kan ni. In ni lo. Kan ni…)
- Enge Pathian Thu?
- Kan Pathianin Amah ringtu te hnena a thutiam te!
- Kristian chhungkua leh kan tehdan diktawk lo te
- Nitin Lalpa nen ( Pathian Ni Pual )
February 11th, 2011 at 12:09 pm
A dik leh dikloh ka hrelo FIRST e.
Report this comment
February 11th, 2011 at 12:12 pm
Pathian thu han sawi ve vak tur hian tawngkam thiamna ka nei lo a, BIBLE chhung thu lah ka hre tam lo, amaherawhchu, ka ngaihdan han sawi ve mai mai ila mawlmang takin, tuna i thil rawn sawi ah hi chuan a chhanna tha tak mai ni a ka hriat chu, he thu leh “Rinna chu thil tih tel lo chuan thi a ni” tih thu hi… a inkawp hian han ngaihtuah chhin mai mai teh u… Kan tih lai hi chu ti mawp mawp mai ila, a Outcome erawh chu Pathian thu thu tih hi ka ngaihdan a ni.
Report this comment
February 11th, 2011 at 12:31 pm
Ani viau mai, amaherawhchu kei chu a dik lohna ka hre lem lo e a.
Hei aia diklo zawk chu, IThesalonika: 5:2 thu Lalpa Ni chu zanah rukru angin a lo thleng dawn tih nangmahni ngeiin chiang takin in hre si a, ti a lehlin hi a dik loh hmelin ka hria. A saptawngah chuan like a thief in the night [zana rukru angin]tih a ni si a. Tuna kan neih dan hi chuan Lalpa Ni hi zanah a lo thleng dawn a nih hmel tlat. America rama a thlen hun leh Mizorama a thlen hun a inang dawn lo a nih hmel.
Report this comment
February 11th, 2011 at 12:33 pm
English chuan,
5 Commit your way to the LORD;trust in him and he will do this:
6 He will make your righteous reward shine like the dawn,
your vindication like the noonday sun. ”
Pathianah chuan i rinna nghat ngam la; hetiang hi a ti ang:
Zing ni chhuak angin i dikna chu a enchhuah tir anga, i dikna chu chhun ni angin a eng chhuak ang.
Report this comment
February 11th, 2011 at 12:40 pm
Lehlin Sual a tam mai kan Bible hmanlai ah hian. Helam chu duhtawk nghal mai teh ang u. Sawitur atam ltk. Theologian ho pawh an inhnial vak toh kha hmana Vanglaini etc etc ah.
Report this comment
February 11th, 2011 at 12:41 pm
Ka va han letling nalh lo em em hairehai
Pathianah chuan i rinna nghat ngam la; amah chu ring la, heng te hi i chan tur ani ang:
Dikna i tan ngamna chu zing nichhuak angin a en no tir anga, dikna i tan ngamna te chu chhun ni angin a en tir bawk ang.
te ti ta vel ila hairehai
Report this comment
February 11th, 2011 at 12:47 pm
Pathianthu hi ngaihkawih tur leh peh fip tur zawn chuan ngaihkawih tur leh peh fip tur a tam lutuk, sam taka ngaihtuah duh paw’n chuti bawk. Thlarau nun chawmliantu a nih lem loh chuan ngaihtuah a,ing euh taka rin kual hi a tul ka ti lo khawp mai
Mahse post tupa tan ka lo ngaihtuah ve thin mai mai dan chuan thatchhe taka nghah tlawng lam a kawh pawh ka lo hre lo a,chu ai chuan nitina kan nun dana kan duhdante, kan mamawhte, kan hmahunte Pathian kuta kawl tir a thlen a, a hnathawhna dalloh lampang a kawkin ka hre ve thung a
Chuan a sentence hnihna ah khian ‘righteous’ a hmang a, ‘gud’ ni lo in, hei hi chu mizo tawng hausak lohnalma luata leh fuh loh a nih hmel a, tin a laimu takah chuan diktak leh rinawm taka kan nuna, Pathian thu zela kan awm chuan Pathianin min la chawimawiin,mal min sawm dawn a ni tih lampangin ka lo ngai mai asin
Anyway Pathianthu ngaihtuahtu i nih avangin
———>post tupa 
Report this comment
February 11th, 2011 at 12:50 pm
HV leh!
Bei nasa ve lutuk 
Kha, 
leh (R) ka hlan ang che.
Report this comment
February 11th, 2011 at 12:53 pm
I ngaihtuahna ka hriatthiam pui phak che em aw ka hre lo. Bible chang reng reng hi a nihna ang ngawl ngawl a hman tum lam aiin a sawi chhan te, a sawichhuak tu rilru te, a hunlai te leh eng ang dinhmuna a awmlaia a sawi nge ni tih hi kan ngaihtuah tel loh chuan a kawh/sawi tum dang ve leh daih thei chang te hi a awm thei a ni.
He chang lar tak i rawn tarlan pawhhi lal Davida ziak a ni a, Saula’n a um lai vela a ngaihtuahna atanga phuah chhuak pawh a ni mai thei (ka chianglo). A chang mal chauh en lo in a pumpui hian en ta ila a fiah zual ka ring.
A bul tranna atang hian mi sual te avanga lungaihloh leh kawng diklo an hlawkpuina hmu tai lo turin mi a chaha. A tawp ah misual te thiltih theihna chu chak hle mahse Lalpaa innghat mi a hneh theihloh zia in a khar bawk a ni. A bung pumpui en hian thil tha lo tih hlawkna kan hmuh hi a engmahloh zia leh chung thil tihve kan chak laia Lalpa rorelna nghaktu nih hi a fuh zawk zia a tar lanna a ang.
“I awm dan tur Lalpa chungah nghat la” tih hian thuthluang nun lam aiin eng avanga nghat tur nge kan nih? Eng thil avanga sawi nge a nih? tihhi kan bih chian a ngai hle.
Ngun taka chhut chuan lungaih mangan lai hian sualin min bei fo, tih chak zawng min pe fo, a thalo tih hre mah ila mangan avanga thiam in chana tih luih a chakawm thin. Chu dinhmun atang chuan “I awm dan tur chu Lalpa chungah nghat la; Amah chu ring la, aman a ti vek ang.” tih hi inhnemna tha tak a ni.
(𝘒𝘢𝘯 𝘯𝘨𝘢𝘪𝘩𝘥𝘢𝘯 𝘮𝘪𝘯 𝘳𝘢𝘸𝘯 𝘻𝘢𝘸𝘵 𝘣𝘢𝘸𝘬𝘢 𝘬𝘢 𝘵𝘪 𝘥𝘦𝘶𝘩 𝘭𝘶𝘢𝘮 𝘢 𝘯𝘪𝘩 𝘬𝘩𝘢 𝘭𝘰𝘭𝘻𝘻𝘻)
Report this comment
February 11th, 2011 at 1:00 pm
kawlhawk, english khi chu Bible ami ka rawn copy ania, Mizo tawngin a nih ang angin han dah kan tum khanglang mawle. Meikhu rim nam huam chuan lehlin ahar phian mai, mood theilo hairehai (chhuanlam)
Report this comment
February 11th, 2011 at 1:03 pm
Chuan Pathian thu hi mal lak a tha ngai lo ve
Report this comment
February 11th, 2011 at 1:04 pm
Bible chang ka duh ber leh ka mimal changvawn i post hi ka lawm e
Comment 2 khi ka thlawp e. Mahni ngeiin Pathian ring tlat chung thil kan tih a, a hlawhtlinna kan chan te hian Pathian malsawwmna a hlu zual in ka hria. Entirna awlsam te: exam-a tha taka pass tur chuan Pathian malsawm tlak ngei a taima tak a zir a ni mai
Report this comment
February 11th, 2011 at 1:18 pm
‘Commit thy way unto the LORD; trust also in him; and he shall bring it to pass’ KJV
‘Commit your way to the LORD; trust in him and he will do this:’ NIV
‘I awm dan tur chu Lalpa chungah nghat la; Amah chu ring la, aman a ti vek ang.’ MZ
‘I awm dan tur chu Lalpa hnenah thlen la; Amah chu ring la, Ama’n a tihsak ang che.’ Ka’n letling ve chhin a.
Thu uar lutuk hi a awl duh viau a ni. ‘Vek’ khi chu telh loh tur ni awm zawk tak a ni. Amah ka rin chuan a ti dawn mai chauh niin a lang.
Report this comment
February 11th, 2011 at 1:22 pm
Nia, HV, a mizo-a i rawn dah khi nia ka tih. A chiang kelhkawlh em a…
“Amah chu ring la, aman a ti vek ang” a tih hian — Engmah ngaihtuah lo leh, engmah thawk loin awm mah la, amah i rin phawt chuan ani’n a tihsak vek ang che… tihna lam ni loin, mihringin harsatna, manganna leh lungngaihna nasa tak kan tawn changa mihring chakna leh remhriatna te, mihring finna ten a tihtheih bak kan chunga a lo tlak chang hian, amah a tlu lut a, amah chu au a, amah a kan va innghah chiah khan ani chu a lo che chhuak mai thin… tih a sawina lam ni berin keimahah chuan a lang.
Report this comment
February 11th, 2011 at 1:27 pm
I gaihtuah ho em mai. I rinloh leh ringlo la a ni mai a lawm leee
Report this comment
February 11th, 2011 at 1:32 pm
@ 3 rotekawlasepa, alo nih tak hi mawle. I rawn sawi hma hi chuan zanlamah hian ka lo inring ru deuh ngawt zel asin.
Report this comment
February 11th, 2011 at 1:35 pm
A post tu pa chu Pathian pawi sawi i hlauh hmel hle mai a. A tha hle mai. I post aiin i pawisawi hlauhna hi ka rilru ah a khat liam zawk e…..
An letling fuh ka ti viau a sin. Ilo bung tawp a ni mai thei. Pathian hian kan tih ve tur hi min siam sak tlat a ni. han ngah tawp pawh hi ni chiah lo.
Kei chu he changah hi chuan buaina ka nei lo. Ka duhzawng min pek dawn avanga ring em em pawh ka ni lo. Min hmangaih avanga ring leh a duhzawnga nun tum ka ni..
Report this comment
February 11th, 2011 at 1:35 pm
I gaihtuah ho em mai. Englis version ah te chhiar la a dik leh dikloh chu a hrait mai ag
Report this comment
February 11th, 2011 at 1:48 pm
kawlhawk #6 khi em ni i tih hairehai
Report this comment
February 11th, 2011 at 4:02 pm
@ #6″he will do this” tih lai lehlin tel kher loh khian a mam nalh zawk ang a te ka tia
Report this comment
February 11th, 2011 at 4:25 pm
“I awm dan tur chu Lalpa chungah nghat la; Amah chu ring la, aman a ti vek ang. I felzia chu eng angin a chhuahtir ang a, I thiam chanzia pawh chhun lai ang maiin. Sam 37: 5 leh 6 ”
He thu hi chu fuh kalo ti viau zawk a sin, ka hrethiam khawp mai a mizo version chauh pawh khian …Punctuation khi chu a dik ka ti biklo, mahse a nihna ang taka lehlin thlap thlap kher a ngai ka lo ti hran vaklo, a kimchang tawk viauin ka hria…Pathian ringtute chuan tihtur tam tak kan nei a, chu’ng te chu kan hre vek ngei ang. ” Nang chu awm mai mai la, a tihsak ang che ” a ti lova, ” Amah chu ring la, aman a ti vek ang ” a ti a ni zawk…. ” Amah chu ring la ” tih tlar chauh hian thu tam tak a sawi a ni, tih a lang chiang reng lovem ni ? Bible pumpui kha chhiar chhuak la, ringtute tih tur chu a tam lutuk, sawisen chi pawh a nilo…..
Report this comment
February 11th, 2011 at 6:44 pm
A original ah chuan גול על יהוה דרכך ובטח עלין והוא יעשא והוציא כאור צדכך ומפטר כצהרים
Report this comment
February 11th, 2011 at 6:47 pm
Lal Davida hian he Sam 37 na a ziah hi “Mifel leh Mitha tawpna tur” a sawina a ni a, Midik leh fel chuan a chunga diklohna lo thleng, diklo a puha a awm hun pawhin, a nun kawng chu Pathian hnenah kawltir in, Pathian chuan a dikzia leh thiamlohna neilo a nih zia chu fiah takin a rawn tilang dawn a ni.tih a sawina a ni a, a pum hian chhiarchhuak ila, mifello tawp dan tur pawh a sawi teuh mai.
Tichuan, keini thuthlung thar fate hian,Krista lo lan chhan leh a tuar chhan leh, Krista tlanna a kan fiah hunah, he chanvo hi kan chang dawn a ni.
Bible hi changkhat te te a mal fek fek a hman dik tum chi a ni lo a, a bu pum hian kan chhiar ngun hle turah ka ngai ve deuh a.Kan ram a ngaihdan leh pawmdan hrang tamna chhan pawh hi, mahni ngei a Bible bih chiang si lova, a lar deuh leh sawi tlawr deuh sawi ang a kan thle kual hi niin ka hria.Isua khan thlemna a tawh khan,Diabola kha”Tih ziak a ni” tiin vawithum a chhan kha. Bible pawimawhna a rawn tilang chiang hle a ni.
Report this comment
February 11th, 2011 at 6:50 pm
Post tupa,Pathian i tihna khi a hlu hle tih kan sawi leh teh ang..Lalpan malsawm che rawh se
Report this comment
February 11th, 2011 at 8:45 pm
Mizo tawng Bible hi King James Version atanga lehlin a ni deuh ber a, KJV lam atanga thlir chuan Mapuia#13 sawi ang khian a dik ve tho hmel e!
A awmzia ngaih kawih hram tum lem loh chuan a chiang viau lo maw?
Report this comment
February 11th, 2011 at 9:02 pm
Pu Brounmay ka hresual em ka hre lo,a lehlin lam ai mah in Kristian nunah i buai a nih ka ring deuh. Kala ngiahtuah reng mai.
Ka rilru a lo lang chu-Mosia leh Joshuate Pathianin Israel fate enkawl tura a tih lai vel kha a ni. Mosia khan an pha nasa khawp a. Mah se Pathianin nasa tak in a thlamuan a a in hlan thei ta hram a nih kha. Mah se Pathian awmuina a tlachham ta emaw tih mai turin Israel fate hruai chhuah leh Thlalera enkawl chung changah khan a buai phili a nih kha.
Joshua ngat phei chu Pathian khan nasa takin a thlamuan a ni. “Thu ka pe che a ni lawm ni?Chak tak leh huai takin awm phawt mai mairawh;hlau suh la zam hek suh:LAPA I PATHIAN CHU I KALNA APIANGAH I HNENAH A AWM ZEL DAWN ALAWM”,a ti lawm lawm a nih kha. Mah se Joshua kha nuam takin a mission kha hlen hran lo. Pathian thu hi a sual ta emaw a ti ve chiang ang le.
Pathian hian kan tih tur hi a dah ve tlat a ni. Kei aia LALLUKHUM chhah tur URose-i te, Pu Vakulate leh Pu LR Colney te(A nick ka hre chhuak thei lo a comment ah kala hre hrang lo…
) te hian an chiang viau ang chu. Kohhranin an thlah laia Sermon te pawh an ngaihtuah let chang a tam ang….
Report this comment
February 11th, 2011 at 9:22 pm
kan Bible lettute hian saptawng Bible choh enlovin Greek/hebrew tawng lam te pawh an entel an ti
Report this comment
February 11th, 2011 at 9:29 pm
@Khamkhuai: I nick chu suihlung iva ti leng em!
Rev HW Carter-a (Zochawni Pa) khan Hebrai, Greek, Latin, French leh Bengali te a thiam tel a. Chutiang tawnga Bible ho chu an lehlin laiin a rawn kual vek thin.
Report this comment