Hmangaihna dik tak , True Love kan tih hi enge a awmzia tak le? Mi tamtak in kan zawng hut hut a, hmu fuh ta in an inhriate pawhin a rei vak lovah an chan leh ta mai a. A vanduai zual in an thlan thleng an zawng thung a! Zawng lem lova tawng fuh te pawh kan awm ta ve ang. Amaherawhchu, hmu fuh tawh tih vanga ngaihtha taka engmah ti lem lo a vawnhim tum ngawt chi a ni lo. Mi zawng zawng kan in ang lo a, ngaihdan hrang tam tak a awm ang. Hmangaihna dik tak nei zingah poh, a sawifiah dan inpersan tak tak a tam ngot in a rinawm. Ka ngaihdan tlem kan sawi ve lok teh ang. A dik lo in tih chuan sawi ula, a dik tiin min tan ula, ka ngaihdan in pawm emaw pawm lo emaw k ngaihdan a ni miau si. Valentine’s Day te pawh a hnai a, helamah rilru kan pek viau a rinawm. Le ka ngaih ve dan chuan maw:
Hmangaihna bulpui ber a chu mahni kan inhmangaihna hi ani. Ka tawng theih hma atangin ka duhzawng ngenin ka thiam ang tawk in ka tap a. Thiante emaw ka unau te nen kan inkawm a, an zingah chuan neih lo bik nih ka hlau a, a tha ber neih ka duh thin. Chhia leh tha ka hriat hma atang tawh in mahni chu ka inhmangaih der tawh ani. Xirtir poh ngaih lovin mahni ka in hmangaih a, ka tana tha tur hrethiam lo mah ila ka duhzawng chu ka hre toh.
Pathian thu zawng takin han sawi ila, sual hmasa ber chu itsikna kan ti thin tak naa, setan-a khan amah a inhmangaih vangin Pathian kha a itsik ta ani xawk lo maw? Chuti mahni inhmangaihna chu sual a ni tihna em ni? Ka va bo ve!! Hehe. Tak tak chuan midang aia mahni ka inhmangaih chuan sual a ni. Mahse keimah ka inhmangaih ang boka midang ka hmangaih chuan chu ngei chu ani hmangaihna dik tak ni a ka hriat ve chu. Pathian thu ka la kawi nia in hriat chuan min hrilh ula, mahse “Miin i chunga ti tura i duh ang bokin mi chungah poh ti ve roh” tih te hi mahni inhmangaih angin midang hmangaih ve roh tihna a niin ka hria. Mi dang zawng zawng hmangaihna hi chu thu dang ni se.
Ngaihzawng ka nei a, tih lawm nan ringot emaw amah aia hmeltha, pian nalh, fel tih ka nei loh vangin a ni aia hmangaih ka nei lo em ni? Ani nena inngaihzawn kha a nuam em a, hmangaih ta riau ka ni em? Midang amah aia hmeltha ka la tawng dawn a, amah aia pian nalh, hausa, fel tih te chu an rawn la inlar dawn chauh. Chumi hunah chuan ka la hmangaih zel thei ang em? Hetiang ang hi chu hmangaihna a ni lo tih kan hre theuh ang a, rei poh kan daih lovang. “I lawmna a nih chuan chu pa/nu chu va ngaizawng ta che.” ti a, “i hlim chuan ka hlim” tih hi hmangaihna takah chuan awm theih ka ring lo. “Ka chang dawn chuang lo che a, pawm dan thiam ka lo tum ange.” kan tihna zawk te a nih loh chuan. Rilru takin “Keimah ka inhmangaih angin ka hmangaih che” ka tih chuan ka hmangaih tak tak tihna a ni zawk.
Min hmangaihtu chuan ka lawm zawng anga awm a tum anga, keimah ka in hmangaih angin min hmangaih ve se tih hi ka duh dan ani. Mahse mihring lakah chu chu beisei theih a ni lo. Chu ai chuan a ni chuan amah a inhmangaih ang chiah in min hmangaih se, keipoh in keimah ka in hmangaih ang chiahin hmangaih let ve ila, chuti chuan inhmangaihna dik tak a piang ang. Keiman ka tlinlohnate ka hriatchhuah in ka inngaidam ang hian ani tlinlohna chu ka ngaidam anga, mahni hmasial ka nih angin a hma poh ka ngaihsak anga,thil tha ni a ka hriat poh ka tihsak fo bawk ang. Mahni poimoh viau a ka inngaih chuan ani pawh chu ka ngai poimoh hle ang.
Mahse engatinge min hmangaih viau tu te poh hian min hmangaih tawk lo niin ka hriat thin? A chhan ber chu mi pahnih rilru hrang nei kan ni. Ka lawm em em na tur ni a ka ngaih kha a lo ngai ho viau thei ve tho tlat. Ti tha ve viau a ka in hriat a, beisei ang reaction ka hmuh loh khan ka tih sual a chu ama lawmna tur ni loin, midangin ka chungah ti se ka lawmna tur ani tih ka hriat ka lo ti ani thei. Ka hmangaih lo tihna a ni chuang lo. Hemi vang hian a ni hmangaihna chu roh hle mah ila ka dah that hmak thei loh a, thiam ang tawk tawk a thanlen tir ka tum reng nachhan tur chu. Inhriatthiam tawnna te, inpekna te, induhsakte a pawimawh ta a, ka hmangaih tan chuan thil har tak ani lo.
Va thui ta ve, ka sawi tum ber chu, mahni inhmangaihna ni lovin, kan kawppui te hi, keimah ni kan inhmangaih ang chiah in hmangaih ila tih hi ani. Nangmah in enchiang la tha i inti ve tawk ngei anga i ngaihdan kha miin an rawn hnial hma chu dik i ti ang. I that lohna hre mahla chhungril takah chuan i inngaidam dawn tho tho. I tana tha tur chu i um ngei anga, i peih loh pohin tuna i nawmna tal i duh ang. Engpawh ni la, nangmah i in hmangaih ang chiah khan i “Valentine” chu han hmangaih ve chhin teh le. I peih lo ani emaw, amah zawk ina a lo hnar che emaw amah a inhmangaih ang chhete pawh a a hmangaih theih lo che a nih chuan kal san vat ang che.
PS: Hmangaihna dik chu a thikthu a chhe lo tih pawh hi ka awih thei miah lo.
Similar Posts:
- Tu hmangaihna nge thuk ber ang?
- Thikthu tel lo hmangaihna !
- Khawinge Hmangaihna zawk niang le?
- Hmangaihna Dik
- HMANGAIHNA::Duh duh sawi theih
February 14th, 2011 at 5:03 am
Inhmangaihna chauh lo chu engmah ba suh u
Report this comment
February 14th, 2011 at 5:06 am
Aryan i va hma ve
post tu nick chu common lo mai mai
hmangaihna hi chu a hlu a ni
Report this comment
February 14th, 2011 at 5:08 am
Zing dar 5 ah pawh ka la first thei ta chuang lo che
Chhiar ang….
Report this comment
February 14th, 2011 at 5:12 am
ka zawng lem lo, tawng fuh tak ang mo
Report this comment
February 14th, 2011 at 5:24 am
Ziak thiam khawp mai.
Mahse engatinge min hmangaih viau tu te poh hian min hmangaih tawk lo niin ka hriat thin?
I pangchang viau ani mahna. A thuhrimah, “Love story lampang chhiar/en fo ho hi an kawppui te lakah an pangchangin an beisei asang bik,” tih a ni.
“i hlim chuan ka hlim” tih hi hmangaihna takah chuan awm theih ka ring lo.
Pu. Vankhama’n, “Ka thai changlo mahla… hmangaih, lung i dum phawt chuan lawm zel ta’nge,” a tih kha i pawmlo ani’ng chu maw?
Ka hnial hrim2 che tihna lamah lo ngailo hram la, heihi kan sawi ve mai2 ange:
Kan hmangaihte an hlimna kan lo lawmpui ve loh na thin hi chu a hmasa berah, mahni hmasial vang te pawh a ni thei ang. Entirna: pitar/putar te hian an tu te hi ram hla zawka lehkha zir turin emaw kal chhuah tir an hreh em em fo thin. A nu emaw pa emaw (an fa) a thi tawh anih phei chuan, “A nu/pa hmel kan hmuh theihna chhun ania, a tello chuan kan awm theilo,” tih te hi an chhuanlam a ni thin. Hmangaih tak2 in han chhut chiang sela chuan an ngaihtuahna kha mahni hmasialna, mahni hlimna zawn tumna niin alang. An tupa/tunu kha hmangaihin a hlimna tur leh a nakin hun tur ngaihtuah chiang sela chuan an ni tar thi mai tur khan a nakin hun an ngaihtuah sak anga, duhsakin, a tum ram an pan tir ngei ang.
Hmangaihna hi a zaidam a, a thikthu a chhia … mahse a hrethiamin mahni hmasial a ni ngailo thung.
Report this comment
February 14th, 2011 at 6:06 am
H.Vangchhia,I hmangaihna sawi chu a va dang teh daih em?Vawiin,Memory service i kal loh vang nge maw ni?Ka ti mai mai.
Report this comment
February 14th, 2011 at 6:15 am
moiapa, Ka tih dum (bold) hi ziaktu thu ziak ka rawn lak chhuah ani tih i hriat ka ring phawt
Mahni hmasial taka midang te hmangaih anga ngaihtuahna mihring ten kan neih thin hi hmangaihnaah ka ngailo.
Hmangaihna chu a dawh thei a, a zaidam a, a thikthu a chhia a, angaidam a, mahni hmasial anilo bawk.
Pu. Vankhama’n, “Ka thai changlo mahla… hmangaih, lung i dum phawt chuan lawm zel ta’nge,” a tih te kha chhut thiam tan chuan ril reih rawih tak a ni ringawt.
Report this comment
February 14th, 2011 at 6:46 am
Hmmm..’D’ zun ngaih leh Hmangaihna hi sawi hran theih leh thil thuhmun a nilo tih hi ka hria…Hmangaihna chu a uanglo a, a che mawilo ngailo a, a dawhthei a,a hmangaih tan khan thinlung leh tih takzetin a inpe zo thin, “Zunngaih” hi chu Opposite Sex/nature in a ken tel, hmel mawina leh taksa in it tawnna leh sum leh pai vang te a awm a ni thei.
Report this comment
February 14th, 2011 at 6:49 am
#8 yesh
Report this comment
February 14th, 2011 at 6:57 am
“A Tale of Two Cities” a Sidney Carlton khan true love awmzia hre ber.
Report this comment
February 14th, 2011 at 8:25 am
Mahni inhmangaih anga kawppuite hmangaih chu a har ngawt ang le..
Report this comment
February 14th, 2011 at 8:32 am
TS, Loving is not just looking at each other, it’s looking in the same direction.
Hmangaihna hi hrilhfiah thiam a nilo. Hrilhfiah theih chu hmangaihna a tling ngai lo vang.
There is no true meaning in love and love with meaning is not love.
Report this comment
February 14th, 2011 at 8:50 am
#8 mate ainawn sawi hi dik hmel fu mai a.. ” ’D’ zun ngaih leh Hmangaihna hi sawi hran theih leh thil thuhmun a nilo tih hi ka hria…”
Report this comment
February 14th, 2011 at 10:36 am
Keipawh i last para khi ka thlawp e.
Report this comment
February 14th, 2011 at 10:36 am
D zun leh hmagaihna hi chu nia a dang ang. ” duhzun ngaih leh chu chawltui ningzu in a hnember” te an ti thin in ka hria ka hriatsual loh chuan.
NOI
Report this comment
February 14th, 2011 at 10:38 am
Edit: “Di zun ngaih lunglen” tih tur zawk ni in ka hria.
Report this comment
February 14th, 2011 at 10:52 am
Hmangaihna hi ka va ba hnem, han rulh tlak tur ka hmu zo si lo! Ariang te hi!
Report this comment
February 14th, 2011 at 12:47 pm
H.Vangchhia, i soi poh khi ka pom khawp mai. ka lo pangchang mah mah te poh a ni mahna. Ka soi tum a chu mihring ka nih na angin beisei chu ka nei tlat si a, ka duh ang vekin a thleng dawn lo a a thleng lo bawk a. Ka beisei ka lo ti sang lutuk a ni ang e ka tih na zawk a ni e.
Kei ni lo val dang (eng anga tha poh) tang bel don ta se, ka lo hlim zawk zawk theih ka ring lo. Mahse ama tana tha tur a nih si chuan le.. ka pawmin, lawm ka tum mai aniang chu.
Report this comment
February 14th, 2011 at 1:04 pm
@ 17,,Chawnghilhhhh….chutia mii..???
“Lover Lives Longer”
Report this comment
February 14th, 2011 at 1:16 pm
@8 mate ainawn. .a va nih duh hmel tak2 e. .kan hmangaih emaw kan tih te pawh hi kan lo hmangaih tak2 lo ani tih a hnu ah kan hrechhuak leh fo thin reng ani.
Report this comment
February 14th, 2011 at 1:31 pm
@ 20 : Sexual attraction hi hmangaihna emaw kan ti thin, chetzia duh zawng, in la cute thiam, zei hun hre tak hi Nupui tha an ni kher lo, an ngaihawm thiam poh leh fimkhur rawh..nupui zawng tur chuan family background hi thlir ber tur.Sawn pawh nise, vanduai thil vanga piang tamtak an awm thei..a pawimawh ber chu ..thisen a thlahtu hi a ni..fa neih tum tan ka sawi a nih chu..Mate Chhangteval.
Report this comment
February 14th, 2011 at 1:34 pm
Valentine’s Day chu inghaihzawn lam pang sawina ni tih na em ni?
Report this comment
February 14th, 2011 at 1:37 pm
@ mate ainawn I thu sawi hi hriat kar tur a nih khi
Report this comment
February 14th, 2011 at 1:41 pm
Zawlbuk thingfawm hi a tha a, nupui pasal chungchangah erawh chuan zawlbuk thingfawm hi chu … mate ainawn …
Report this comment
February 14th, 2011 at 4:00 pm
Tha dap dap hle mai. Mahse post tu nick en hian a thu inziak hi nuih suk loh theih loh
Report this comment
February 14th, 2011 at 5:03 pm
Report this comment