Fanau mâltluan chawiin kha chen ka thai i ni. Ka ta i ni a, i ta ka nih ka ngaihtuah chang te khan ka nun hi lawmin a khat a, thu-a sawi fiah rual loh hlimna te’n ka chhûng hi a tinuam veng veng thin. Aw… nang ang nupui ka nei kha, nihlawh ka intiin, ka va inchhuang thin tak em!
En teh, i puan phote’n a sur a sa hnuaiah kar hnih hmel hmu tawh mah se, seng zai reng ka rel lo. Kei mi iangin, ‘an pi’ ngaiin an ùai hnìang e. Ka la hre reng mai… he rûnah ngei, lawithat zan kan hman laia ruah thimpui lo baw hawk kha…
Chhun a liam, tlai khua a lo duai a; ruah thimpui leh hmar thli hrâng a lo thawh hum hum chang hian, ka sawi thiam lo… Nun hi a va hreawm thin tak em! Hnun tui ngai chawilai nau ianga thah chiam tak ka nap thin a. Mahse, he thinlung hi kehsawm vek khawpa a nat tak tak tawh chuan a tap thei lo a lo ni. Awrâwl chhuah tura chakna reng a nei lo. Va tinrengte’n riah rûn belin, hlim zai vawrin lam an thai a. Aw, khaw nge, kei ka Thâi ve kha!?…
I tel lo chuan leiah hian thlakhlelh tur reng ka nei lo a, nun hian hlutna a nei mawlh lo. Khawvel hian mawina reng a nei lo a; zing daifim leh boruak thiang hnuaia thing leh mau, tlang chám dùaite pawh thlir ninawm mai…
Khatia, duhthlanna zalen hmanga min chhuahsan atang khan, khawvel hi chhuahsan ka duh a; Hnungchhawna min liamsan atang khan, thil engkim hi hnungchhawn ka duh thin. Thlalera nunna tui zawng, thihna khur lam pana muangchanga ral riai riai tur ang maia inhriatna nen…
A mak ka ti… In hnuai pathlawi fel zia, zaidam zia, naupangin an ngainat zia leh nupui sûn khawngaihthlak anih zia te sawi a, ei tur/ chawhmeh leh thil hrang hranga duhsakna i lantir lai khan…
Naupang awm-tlei phaha i zuk luhchhuah chhenlai te khan…
ngaihthat lohna reng ka nei lo a! Chhunah pawh, Zanah pawh mipa dik tak kha ka ni ve ngei a, duat lah kan induat narawh – engtia, khatia lo khawsa ta mai nge maw i nih le…? A mak ka ti…
Ka tlai thelh! Ni e, Uire nu avanga intihreawm tur leh lunglenga kûr nileng tur ka nih loh zia hria a, ka han inthin harh meuh chuan khua ka lo tlai thelh a. Hei erawh, vawiin thlenga mak ka tih leh min ti-tlâwm ngawih ngawihtu a la ni fan – “Uire pawm leh chu an nun a tawi” tih thu pawh pawisa lo leh, chhungte awka leh thenrual thate thurawn pawh zahzo lo a, ngaihdamna thu ka chhuah lawm lawm hnu pawh a, kawng engkima min tluk lotu ni a ka hriat — kei aia pa tè, hmelchhia, rethei, mawl zawk i thlang tlat mai kha! Hmangaihna vang chu a ni si a maw…! Kei zawng, ‘Hmangaihna’ in tih fo hi ka hrethiam ta lo! A mak ka ti! (W)
Hringnun-ah hian–
Kan chungah eng pawh lo thleng se…
Lungngaihna, Tahna, Beidawnna leh a chhia zawng zawng pawh lo thleng se…
Kan Nupui/Pasal, Unaute, Fate hnen atang ngei pawh, thinlung nâ ngawih ngawiha insiamna leh mualpho taka inphatsanna pawh lo thleng se…
A tu-amah, a eng-amah hi chhiatpui tham a ni lo e. Dam kan la duh miau si chuan, mi khawlote avanga intihreawm tur kan ni lo. Mahni inhremna mai a lo ni e.”
tih thu hi, he thinlung luangliam âu chhuak hian keng tel rawh se!
(True Story a ni em? tih awi loh!)
February 17th, 2011 at 11:22 am
kan coment hmasa ber ang aw. (Y)
February 17th, 2011 at 11:35 am
Tha hle mai… Ti daih ila Lawithat zana ruahthimoui bawhawk chu pawilo viau anga… Sound-proof ni mai aa 😀
February 17th, 2011 at 11:36 am
Ka chhiar chhuak dap e. Thuziak/thuziah hi in va han thiam 3ik ve le.. (Y)
February 17th, 2011 at 11:36 am
Edit: Ruahthimpui tih tur zawk.
Chhiarzawm ang.
February 17th, 2011 at 11:53 am
Kawlhawk chu i thlawhfuh lutuk. I intlawhkhalh tung na a. Tha khawp mai. Thu te engtinnge maw in post zung2 mai bik le?
February 17th, 2011 at 11:54 am
True Story ani en?tih awi loh… Anih leh I phuahchawp ani em? 🙂
Tha hle mai. Last para khi tha lehzual(A bonus trace khi kan ti zawk dawn nge?)(Y)
February 17th, 2011 at 12:09 pm
A in chhep chho fuh, behchhan zawng a awm a ang.
A puan pho pawh Ramhuaite’n an lûm zo ta te pawh a ang. A dul ruih mai.
Sum chang lehkhabu-a zeh atan a tha, a ìtawm bawk.
February 17th, 2011 at 12:13 pm
Thianpa chuh, a va zialo ve aw… First person angin thu i ziak vei a, a dik ka ring hmaks. In inhnuaipa chu nang aiin a lo zei zawk a nih chu.
Hmeichhia hian hmangaihtu an hrelo fo thin. Anmahni hmangaihtu ai chuan anmahni chhawnchhaih peihtu an nelin an duh zawk.
Uire ho hi, an uire ani tih hriat chhuah anih hma zawng an uire char char thin. Pawisak an nei lo. Hriat chhuah an nih veleh tap chungin ngaihdam an dil thin. Uire ngaihdam hian awmzia a nei lo. Hre reng chunga uire an ni a, an pasal te rilru nat dan tur pawh an hresa vek. Uirena ah hian tihpalh thil a awm lo.
February 17th, 2011 at 12:26 pm
Ehiau! A va lungrun ngãih ngãih ve aw..!
Chhiar tirh lamah nuthai famchang hnu ngaia patling suihlungleng bawhawk emaw ka ti a, mahse, chumi aia na mah tur chu a lo ni. Hetah hian keimahah zawhna pakhat a lo awm a – Thihna avanga kawppui then nge nâ ang a, uirèna avânga hmangaih then?
Ni e, kir leh hian i mawi tawh si lo. Hmangaihna thuamfamkima nena kan thuamfamkim i phote paw’n ngaiin an au che asin! Zing khawvar hian lo lêt leh turin an au lawm lawm che a, tlai nitla turte paw’n an rawn thlîr tâk tâwk tâwk che hi.. Khawvel hi amahin a mawi mai emaw ka lo ti thin a, ni lo – nangman ka mithmuhah khawvel thil i timawi zawk a ni tih ka hre ta!
Belh: ‘Hreawm’ tih hlirin i hmang a, ‘hrehawm’ tih tur a ni tih i hre tho vang a, i hmaih palh aniang! Hmun thumah ka hmu.
(A tawp bera i thubelh khi keini, chhiartute’n a tak tak emaw kan tih i hlauh ber vâng a ni lo tih ka chiang!)
February 17th, 2011 at 12:27 pm
true emaw phuahchawp emaw pawh ni se i thu ziak hi a lungrun bakah i ziak lungrun thiam takzet.
I thu ziak leh ka chung chiah comment ah khian sawi zui tur ka va ngah tak em. Hmangaihna kan tih hi engvanga lo insiam nge tih leh enge hmangaihna chu tih mi ngaihtuah tir nasa hle mai.
February 17th, 2011 at 12:31 pm
Ka chung chiah comment ka ti ngawt a, Tuaisiala hma a caribou comment pek khi ka sawina a ni zawk e.
February 17th, 2011 at 12:36 pm
A va tha in a va ngaihnawm em… (Y)
Chuan…, a thu leh thlalak khi a in hmeh khawp in ka hria. La tawng hawt silo in, ka chung a thleng emaw ka ti dawn lom le… 😀 😛
February 17th, 2011 at 12:58 pm
True story a ni lo a nia, Thlalak ho pawh khi dawt vek :p
0 hoo… Tuaite, a va hrehawm thin tak em! ‘hreawm => hrehawm , tlei => tlai, meithei => maithei’ te hi a dik zawk hre mah ila, ngaihtuah chiang loa ka tihsual fo te an ni.
Uirena hi hur vang hrim2 nge, a dang tèm chhin chak vang nge, pasal an hmangaih tawh loh vang nge, pasalah lungawina an hmuh loh vang?
February 17th, 2011 at 1:32 pm
@13 kawlhawk, a ni deuh vek. ‘bakah, hun remchang neih tam vangte pawh aniang!
February 17th, 2011 at 1:39 pm
a dang tèm chhin chak vang nge.. (Y) ka va nui nasa em….
February 17th, 2011 at 1:40 pm
True strory a nih si loh chuan han comment ngaihna pawh ka va’n hre lo em aw??? Mahse suangtuahna mitthla-ah chuan i dinhmun chu ava’n riang deuh ve……..!
“Uire pawm leh chu an nun a tawi” hei hi ka vawikhat hriatna a ni tlat mai ! Beng a var leh ta (Y)
February 17th, 2011 at 1:42 pm
OT lawk…manchester utd chak ve hunah khitiang banner khi i dah ve loh vaih…@sandman…lol…..ka lawmpuiawm khawp mai….
February 17th, 2011 at 1:51 pm
Photo Essay dik tak a ni e, a lem nen lung a kuai hle mai a. (Y)
February 17th, 2011 at 1:57 pm
Hur vang a ni pakhat ang ka ring. Mipain a khamkhawp a pek theih loh miau chuan an châk ve tho sia..
February 17th, 2011 at 2:00 pm
Hur vang a ni pakhat ang ka ring. Mipain a khamkhawp a pek theih loh miau chuan an châk ve tho sia.. An sawichhuak hreh sia…
February 17th, 2011 at 2:47 pm
True Story a ni em?
February 17th, 2011 at 2:55 pm
Ekhai. . . Ava ngaihnawm em. Kum tlin hma a sex hmang tam tehi an sihhnip duh phian an ti.
@Ts, #9 i thlawhnalh thlawt e nangpawh.
February 17th, 2011 at 3:32 pm
Solarized an ti, a mawi khawp mai! Film-Camera chia siamin a khirh deuh zual a, digital-ah hi chuan program awmsa atangin a tih zung zung theih!
February 17th, 2011 at 4:08 pm
Kawlhawk chu i thiam ve loh i inhnuiapa in a lo thiam bik a ni ngei ngei ang, zir ve vat a ngai a nih kha 😛
Uire ngaihdam hi chem bal neih ang deuh a ni a, hman dawn apiangin kan hrechhuak ziah e an tialawm 😀
February 17th, 2011 at 4:31 pm
Avan awih fia fia vele, Vittea lum thlak tir vak nan ka it mange
February 17th, 2011 at 4:48 pm
Ziak nalhin a thu a kal mawi thin hle mai..Nupa kar hi chu insawisak hleihtheihloh, tu hriatpui loh, chhungril thil tak meuh a nih avang hian,indem chiam palh a hlauhawm hle teiin ka hria-Upa in,Nupuisual neih leh pheikhawk tawt bun hi tu hriatpui siloh a hrehawm ru tlawk tlawk thil a ni a.
Mipa, Hmeichhe Pakhat pawh khawingam theilo hi ngaihsan vak chi ah ka dah chuanglo a, Hur hrim hrim vanga mipa bula za chawng chi hmeichhia pawh an hmusit awm tho mai.
Nupa a insiam hnu a Inthen harsatzia te, lohtheihloh thil awm thei te, Mipa, Nupuite then duh chuanglo kawp nei ru rengte, beidawng leh hrehawmna riltak pe reng chunga phutsang viau te pawh awmtheih a ni tho mai.
February 17th, 2011 at 6:40 pm
A ngaihnawm ang ang in thlalak pawh a mawi hlawm e…
February 17th, 2011 at 7:57 pm
Thu i thiam thin dap dap ma nge, ngaihnawm thin hle mai..thlaknen pawh a in hmeh hle mai. (C)
February 17th, 2011 at 8:12 pm
Pu Duhlo, Pu shai, mate, Zodin, Lersia, Mapui, Dr., pimpom, Benny etc… Ka lawm!
February 17th, 2011 at 8:17 pm
I camera chu i hmang thiam khawp a lawm. Han ti zel teh. A nuam ve a nia. (Y)
February 17th, 2011 at 8:29 pm
Tha hle mai. (H)
February 17th, 2011 at 9:13 pm
Caribou comment ka thlawp e. Pathian trih lutuk lo tan chuan uire na excuse neuh² chu awm thei lutuk ang ( kawppui fuhlo ve thlawt, etc)….mahse piangthar tan chuan a theihloh tawp a ni.
February 17th, 2011 at 9:25 pm
Uirena hi hur vang a nìh ka ring kei chu, an pasalten ngaihzawng an neihsan a,run luihnan an hmang ve mai theh bawk.mipa hi a uire ve theitho si a,an mualpho ve lo erawh hi chu a dik bik lo.mipa uire hi i hmusit ve ang u.
February 17th, 2011 at 9:37 pm
Ku Kawla chu ka lo nghahhlelh ang ngeiin i rawn score tha lehpek hle mai (Y)
February 17th, 2011 at 9:41 pm
Mobile Handset-a i thu thehluh tur i buatsaih lai vel mitthla reng chungin ka chhiar 😛 Nokia N8 hi a lo ṭha phian anih hi 😀
Chhiar nawn leh a ngaih phah :-$
February 17th, 2011 at 10:26 pm
Prosical poem hi a awm pawh ka hre lo, mahse he thu ropui hi prosical poem tiin ka dah ve tawp. A story line chu engpawh lo nise a thu inrem chhoh dan hi a pui lutuk! Ka pu ziah tawh ang che!
Ngaihtuahna ril atanga ni thei awm chhui dawna, chumi dinhmun a indah thiam chunga phuah chhuah hian quality a nei lo thei lo. A ropui e, uirena erawh a ropui lo.
February 18th, 2011 at 12:56 am
Tunlai chu ka comment thatchhe khawp mai a… mahse, ka insum thei bik lo teh ang. 🙂
Zeldinnain heti khawpa dawt awihawm a phuah thei a nih ngai chuan, vur pawh hi a vawh luat vangin a alh thei anga…. kei pawh ka ngawi reng bik hauh lovang. :-O
February 18th, 2011 at 5:54 am
A taka tuartu tan chuan a vahan na dawn em maw????. thil tak tak ni thei ani bawk si a leh. Uire na hi dem in awm rawh se