(Part -II ka han tingawt tak nain Part-I hi ka Blog-ah chauh ka post a, Part – I chhiar duh chu va kal kawi ve mai teh u )
Thlawhtheihna, a vawikhatna.
Vairama lehkhazira ka awm kum khatna a nih avang nge mi lungleng chi ka ni ve hrim hrim zawk, lunglen namenin ka lung a leng lova. Mahni khua ngeia Masi hman chu ka zantin mumang a ni hawt e. Mahse thiante tumah haw tum an lo awm bawk si lo, Theihai buk hnuaiah steel chair tawngtawl zetah ka thu kun ta lup lup mai. Ka thianpa mangang chuan ka haw theih dan tur min ngaihtuahpuiin Calcutta – Silchar thlawhna tur ticket mi va leipui ta ngawt a, hlim hmel ka pu ve ta!
Pune kan panna kawng hi Guwahati – Bombay direct train a ni si a, Thlawhtheihna-ah ka la chuang reng reng lo. Mahse ka haw chaknain min urthlu ngang a niang, mahni chauh pawha thlawh chu ka huphurh lo teih teih khawp mai. Thiante chuan tihdan tur kalhmang, a lem nen hial min hrilh chiang bawk a buai lo turah ka inngai nghet bur mai a ni. Geetanjali train ngei maiin Bombay atangin Calcutta ka thlen hnu chuan Mizoram House, Old Bullygunge chu ka hmu ve mai a.
Thlawhtheihna ka chuan vawikhatna tur a nih mai bakah Thlawhtheihna tumhmun hi vawikhatmah ka la kal lo. Guwahati Airport hi ral atangin ka hmu tawh a, chu chu ka thlawh teuh ber a ni. Mahse, thianten min hrilh ngun em avang chuan inringtawk tak chuan Calcutta Airport-ah chuan ticket keng vah chungin ka han faifuk lut hlarh hlarh a, Ka bungrua va buktirin boarding ticket ka va la tharh a, hemi chin hi chu ka thiam chiang ngei mai! Ka hriat bak thil a la awm tih erawh ka hre hauh lo.
Thiante min hrilh chin a nih avangin boarding ticket neih hnu chuan Thlawhtheihna lo thlen hunah ka chuang ve mai turah ka lo inngai a, thlamuang takin ka thu ta veng veng a. Chutah Kolasib nula pakhat nen kan inbe fuh hlauha kan titi ta reng a. A ni lah chu hmanhmawhna nei niawm tak hian a hawi leh zauh zauh thin, kei erawh chu Thlawhtheihna lo thlen huna chuang mai tur ni a ka inhriat avangin ka la thu nghet viau thung si.
Nakinah chuan le! aurinna atang chuan Silchar lama thlawk turte min rawn kohna hnuhnung ber tur chu an rawn puang ta dum dum a, ka thiannu chhar thar chuan ‘Hawh, chu..kal vat ang’ a ti a, min kai titih ta nghal mai. Tang vak lem lo chuan ka zui ve mai a, security checking a lo ngai chu niin!! Kan tihfel hnu chuan min tlanpui zela duty ho lo awmte chuan ‘In va tlai ve!’ an ti hlawm ni tain ka hria! Kan pahnih chauh chuan bus-ah min phur phei a, Thlawhtheihna-ah chuan min nawr lut ve ta nawk nawk a.
Thlawhtheihna chhung awmdan tur hi chu thiante khan min hrilh tawh avangin ka buai zui lem lo. Mahse, thil pakhat min hrilh hmaih!!!- Seat belt!!!! In la inringtawk tak, buai chuang miah lo chuan seat belt chu ka han hreng ve hmak a, hlauhthawn ka nei ta thut! seat belt phelh dan engtin nge? Awi! ka nu! ka phelh thiam ta lo ngei mai! Hmanah ka thianpain ‘Thlawhtheihna seat belt chu hmet rep ila a inhawng mai’ a tih kha ka hrechhuak a, ka hmet, ka piai, ka han sik ang dawn dawn a, a inhawng chuang si lo!!
Engtin nge ka tih tak ang le!! Silchar-ah kan han tum ang a, mi an tho sung sung ang a, ka la thu reng dawn sia, chhuanlam tur a vang dawn mang e! Ka mur sung sung a, min hnawh up up a, thlan a tla tan ta! Midang han zawh lah chu tlawmah tak ka la ve bawk si. Ka hawi ka hawi a, Vai pakhatin a seat belt a phelh lai ka hmu fuh hlauh!!! Lalpa, ka him ta, ka lawm e!! A tih dan tur ka thiam takah chuan ka kuai, ka phelh, ka thun leh!! A va nuam tak em!!! Tunah chuan nui sangin tui in tur ka lam thei ta!
Mahni inpuan lam hi a la lang zel dawn a nih hmel, ka che chhe thei ve sia, Part III, IV-te pawh a la awm zel hmel e phur a chhuah zel chuan 🙂
February 17th, 2011 at 8:09 am
a va ngaihnawm dap dap em
February 17th, 2011 at 8:11 am
A va han ngaihnawm hlimawm ve. I chebuai, mangang leh hlim leh si lai vel mitthlaa hmu rengin ka’n nuih vur2 chu le!
Mithiam tih takah thuziak chhiar a nuam hle mai.
A part dang a va nghahhlelhawm ve!
February 17th, 2011 at 8:27 am
heheh!!!! ngaihnawm dawn riau a, duh aiin a tawp bung! btw nizana lawngtlai thlalak post tupa inspired nimaw! NOI III leh IV a nghahhlelhawm ee
February 17th, 2011 at 8:30 am
heheh!!!! ngaihnawm dawn riau a, duh aiin a tawp bung! btw nizana lawngtlai thlalak post tupa inspired nimaw! NOI III leh IV a nghahhlelhawm ee (Y)
February 17th, 2011 at 8:32 am
ka la chhiar hman si lova, ka komen leh tho ang..
February 17th, 2011 at 8:57 am
Gitanjali express ah hian Kolkata leh Mumbai inkar ka chuang ve tawh!
February 17th, 2011 at 10:19 am
A va ngaihnawm kher em…
February 17th, 2011 at 10:20 am
I hi le! Ngaihnawm dawn e. Hei mah mah chhuah khatna (Part-II) (Y)
muantea te ang – mi thiam, thu thiam inpuanna hi alawm ka nun tihlim a, zirlai tam tak min zirtir thin…
Muang lovin han chhunzawm vat teh, muante.
February 17th, 2011 at 10:26 am
ngaihnawm an tih ang hi anih hi
February 17th, 2011 at 10:27 am
Post-tu pa min hrilh: (a chetchhiatna pawh a ni lem lo.., hetiang hawi thuziak a post tak ah chuan…)
“Tum khat chu, Guwahati-Pune train-a kan zin tumin, nithum chhung teh meuh mai pheikhawk hlip miah lo in train-ah ka chuang a. Pune kan thlen chuan, ka pheikhawk chu a uih vut vut ka ring a nia. Mahse maw, a uih miah lo; a var hlawng ringawt!!!” a ti
A ke/pheikhawk uih tur zawng zawng a bun bo vek ni ngei tur a ni…!!!
February 17th, 2011 at 10:32 am
Pu muantea hi chu, i chilper liam changa lo thrut ve reng chakawm khawp hian thu hi i sep thiam roh a. Ka rawn haw hun chu kan kawmthlang pa ni bawka inhmu ngei teh ang.. 😀
February 17th, 2011 at 11:04 am
A ngaihnawm dawn e. Hman ve leh ka chhiar ang…
February 17th, 2011 at 11:08 am
😀 😀 😀 a ngaihnawm tlat,nuih a za 😀 😀 ka chet chhiatna ka ngaihtuah ila zia viau….shillong leh guwahati inkar speed post cargo motor hnung a kan chuang thla chu up tha ve khawp mai
February 17th, 2011 at 11:18 am
Ettu Brute! tih ang deuh khan “Ettu Muante!” tih a ngai a nih hi maw le.
‘lunglen namenin ka lung a leng lova’ tih ai chuan ‘namen lovin ka lung a leng a’ han ti la, a dik zaih ni mai tur hi a nia leh!
February 17th, 2011 at 11:19 am
Haw chhak chhan i nei ni ngei ang a 😀
Ka van NOI ve voin chu.
February 17th, 2011 at 11:29 am
Ka inrin hmain a lo chhuah chu le! Hetiang thu ho mai mai thutak pai lo zet han post ve leh ngawt mai hi ka inthlahrung deuh thin a, he site hi ka tichangel hmun zo ang tih pawh ka hlau. Thu tha pui pui leh hlawkpuiawm tak tak kara zirtir nei miah lo leh tangkaipui tur awm miah lo tur han post ve ngawt chu a huaisenthlak zawk hial a, midum zinga a til te ber ang maiin inkiltawih a awl dawn khawp mai.
Han comment ula, sawiselna pawh ka dawng ve thiam riau tho a nia 🙂
February 17th, 2011 at 11:45 am
Coulsoul, thangtharte hian tawng dik zawk hi kan hmang thiam tha thum tawh lova,
‘lunglen namenin ka lung a leng lova’ tih hi hman dan tur zawk a ni e. Inhnial lovang mahse, Bible lam pawh i lo en dawn nia. Marka 4:41 lo chhiar la.
February 17th, 2011 at 12:08 pm
@ muante, ka inpuang ve chak dawn tlat..hahaha..I thlabar inthup vel tur hmel kha ka tan tawp (Y) I Mizo tawng ziak hi a dam thlep zel mai a.Sawi ing ang pawh hi, thiam ziak hi chu a lo dang thin a nih hi.Tlem kan inpuang ve lawk…
Kum 16 ka nih hian Bial zaipawlah ka tel a.”Bawngpa in a Pu chawpekna Thleng a hria a.” ka mi te chuan an hre lo, Ka mi Israel te chuan… tih hla a Bawngpa tih tlar khi solo in keima sak tur a ni a.Ka Big Bro. hi Solfa thiam lutk, hla hruaitu a ni a.Solo lai a lo thleng a, Biakin a lenglo khawp inkhawm ah khan ka zam ta, ka zai tial/tap aw ta vel a.Solfa vai chungin ka U in mi rawn melh rum,ka bula ding U Rinzamin min lo pui vat a, Zaipawl zai zawh chuan Chainman a tawngtai nghal hlauh a,Mi an maimichhin veleh ka tlan haw a,Nithum ka Ni te inah ka riak maw le
February 17th, 2011 at 12:18 pm
Mate Ainawn hahahaha! Van ho mai2 tak. Ka van nui nasa ve..
I u chu van hlau om m2 ve aw.. Ni 3 nite in ah tlar khat zaitial avangin riaka,tlar thum vel chu nise ni 10 vel riak anga…. tha lutuk inpuang zel ru. 😀 🙂 :-$ 😛 😉 :-O (H)
February 17th, 2011 at 12:27 pm
A post tu pa tawngkam a thiam bawk a, a ngaihnawmin nuih tur a tam khawp mai.
February 17th, 2011 at 12:27 pm
ngaihnawm ve le, khawnge i blog chu? chhiar chhunzawm a chakawm
February 17th, 2011 at 1:33 pm
A hun leh kum ziak miah lovin i tlingtla thak mai a! Kum thup i tum deuh roh a ni lo maw 🙂 ??? Lunglei Venglai Tv. te nen khan Pune chu in awm ho hman em aw ??? Ramhlun N Pulit lal te leh Daduhi U ( a hua ang chu) te nen khan in awm ho hman em aw?
February 17th, 2011 at 1:50 pm
Tum loh deuhin kan chhiar chhuah leh dap chu le… Aza kher mai a. I che zia nena han ngaih belin. Mi confi tak hi ini ve hrim hrim a,Buai duh lo……A za hle mai a….. 🙂 😀
Ilo post chhan ber ni a ka rin chu-“lunglen namenin ka lung a leng lova” tih hi a nih ka ring. Tha khawp mai. Post hlu tak a ni. Inthlahrunna tur awm reng reng lo.
February 17th, 2011 at 1:57 pm
Part I na kha I blog mi ka chhiar, ngaihnawp in a hlimawm bawk, Part II chu tawi mah mah a nih hi a. (Y) 🙂
February 17th, 2011 at 2:52 pm
@Dr. Mahminga, khami chungchang pawh kha Part III na velah aw.
@xman, ka nick kha click ve mai teh, link ka dah ve kha a lo lang lo a nih hi.
@lushai, Ramhlun N pulit lal kha chu ei tha ei a chak apiangin a rawn kal thin, a sek bawk a ei thei ve tak a ni 🙂
@kris, han post chhan em em ka nei lo, inpuan hi a nuam ve a, lung tileng atan tal pawh ka ti a nih hi.
@zodin_RM, Part I kha a thui deuha ka inthlahrung deuha ka post ta lo zawk a ni. A thui deuh hi chuan a nuam hauh lo 🙂
February 17th, 2011 at 2:54 pm
A music a den dawn chauh a a tawp daih alawm. : 😉
February 17th, 2011 at 3:09 pm
Muante ka tan tlat che,….coolsoul09 hian Bible a chhiar ve fo awm si a, vawi duailo Bible-ah a in ziak a lawm, Bible hi mizotawng dik kan tehna a ni si a.(Genesis 12:17, Roreltute 2:15, Roreltute 10:9, Marka 5:42, Tirhkohte 15:2, Tirhkohte 19:23, Tirhkohte19:11, Tirhkohte 28:2, Tirhkohte 27:20,…. a tam lutuk (Y)
February 17th, 2011 at 3:22 pm
coolsoul thu rawn sawi chu…nuih a va tiza ve,”lunglen namenin a lung chu a leng lo a” tih hian a lung a leng hle tihna zawk alawm. Rozama Chawngthu hian he thu min hrilh lai tak hi ka rilruah a cham reng thin.
February 17th, 2011 at 4:28 pm
14 @coolsoul : “namen lovin ka lung a leng a” tih pawh khi a dik tho lo’m ni? Chhiar a kal zaih zawmah. “lunglen namenin ka lung a leng lova” tih nen a sawi tum a inang tho a, a buk thelha thelh zawng a ni lo e, ka ti…
February 17th, 2011 at 6:44 pm
Ka rin ang ngei in a ngaihnawm e. Han ziak leh zel teh…
February 17th, 2011 at 7:03 pm
muante, a ngaihnawm hle mai, ziak zel rawh khai 🙂 (Y)
Thlawhna ka chuan hmasak ber chu Vayudoot, Tuirial – Ghy ania, a virmep lehlam vir loh thut a awm zeuh2 an ti si a, kan thlawh chhung zawngin a thla ka melh. Chuan chakawm loh ber pakhat leh chu Y2K khan a ni. A thawk te an nalh, chaw pawh a sial mahse thlawhnaa chuang tur te full address leh just in case a contact tur te inziah tir vek na khan ngaih a ti thalo ve hrim2 :-S
http://img88.imageshack.us/img88/1115/29689146856167839713642.jpg
Thlawhna chuan hi nuam ka ti, zuan chhuah pawh nuam ka ti. Parachute lam hrim2 ka tih hmasak ber chu Safdarjung airport, Delhi a para sailing kan tih kha a ni. Alfred Vanchhawng hi a zai vei hlawrh2 a boruakah chuan a kut chu thla ang ten a zap vel, a tenawm tet tawt ania hairehai 😛
February 17th, 2011 at 8:55 pm
Fuihpawrh hi ka nuam khawp a, ziak zel turin min fuih hlawm si a, ka la rawn ziak leh ngei ang. Ka han draft nghal nghe nghe teh ang 🙂
Chetchhiat hi a hunlai chuan nuam hauh lo mahse a hnua sawi leh hi a nuam ve tlat 🙂
February 17th, 2011 at 9:09 pm
#32 (Y) Ziak dan dik i thiam a, thu mar tha in i ziak thiam bawk a, chhiar anuam em alawm. A thu a ngaihnawmna chu thuhran pawh lo ni tehreng se 🙂
February 17th, 2011 at 9:26 pm
Keimah chauhvin ka khik sung phah ania (Y) 😀 (Y)
February 17th, 2011 at 9:55 pm
A va ngaihnawm ve le,pu Muante, mi pakhat damlo phai pan tur min hriat chhuahtir.Phai an pan pui a, kal kawngah khan an chuanna thlawhna a,eitur an sem kha,a hruaitu khan a ei seng lo a, a damlo khan a ui lutuk khan a ei zo zel ma le. 😉
February 17th, 2011 at 10:08 pm
@chhawkhlei leh!! I va hre tha kher ve!! Ka u puzawn pawh hian an nu powder bur man to zet a thlauh keh palh a, a ui lutuk chu chhuat a mi kha ruh pahin a inhnawih mial mial!! Patling zet kha a paw rang nuai mai mawle 🙂
February 17th, 2011 at 11:49 pm
Comment a han deuh nain ka blog link a lo lang ta si lova, ka han dah leh hnuhnawh ang e.
http://www.muanteachhakchhuak.blogspot.com/
February 17th, 2011 at 11:55 pm
Kei chu ka blog/website ve hi facebook account hack nan ka hman pek a. Facebook in an rawn block daih. http://www.samtea.0fees.net
February 18th, 2011 at 12:03 am
Central YMA website ah hian porn site link a awm nia.Hetiang te chu admin te hian paih vat awm ania. :-O http://www.centralyma.org.in/news.php?readmore=67
February 18th, 2011 at 1:23 am
#14.,dik loa i ngaih hi anihna zawk tak niin ka hria,tawngkam mak angreng ve tak a ni..
Comment pawh chhiar a hahdam hlawm hle mai.
Thu sawi uar/fiahna atana uchuak angreng,fiah tho si,hlimawm deuh2 kha a ninawm loh thin ka ti.Ka la hriat reng cu,thil vang sawina atan,THIMTHAM ZINGA AR DUM,AWMLO LEHNGHAL ZAWN ANG VEL ANI tih mai2te kha..a tawpa zawitea,”ha” te nen phei kha chuan
,ha3
Rawn ti leh vat teh a!please in..
Thil hlimawm te hian lung an lo tileng thei hle rauh mai!
February 18th, 2011 at 4:28 am
#18 khi, ka nui tawp thei lo…(pum na)…ka zep na apiangah ka lo sawi chhawng zel dawn a nia.. I inpuan vei a!!
February 18th, 2011 at 4:51 am
Pu Muante i ti lunglen thlak hle mai.Geetanjali service an tan kum hian a service hmasak ber kar khan ka chuang ve alawm.Dringking water te an supply vek cooler ah an dah a, mahse a ti rei ta lo ani awm e. Thlawhtheihna chaunhmasak ber tum hi chuan eng emaw hi chu a awm duh khawp mai. han in puang zel teh a ngaih nawm thei em mai.