a. Pathian: Engkimah Pathian hi a hmasa lo ber lo thei lova. Awm lo ata min dinchhuak a, khawvel eng hmu thei tura kan Nu leh Pa te kaltlanga min siamtu a ni. Kan nunah kan dah pawimawh ber fo tur a ni.
b. Min hringtu kan Nu leh Pa te: Pathian dawttu chiah nia Bible ngei pawhin a sawi a ni a. Nu leh Pa thuzawm chu Pathian thu zawm kan nih thu Ephesi- ah chiang takin kan hmu. Dam rei duh chuan mahni hringtu Nu leh Pa te zah a, duat tur a ni.
c. Thisen zawmpuite: Hei hian kan laichin unau te, kan fanu leh kan laizawn te bakah, kan chi leh kuang te a huam thei awm e. Kan makpa leh makpa kan nihna chhungte chenin a huam thei ang. Chhiatni thatni- ah an tangkai a, anmahni tel lo hian mihring tumah hi a din khawchhuah tak tak theih loh tlukah ka ngai.
d. Thiante: Mihring pangngai chuan thian bulfuk tak kan nei vek a. Thenkhatte chuan mahni thisen zawmpuite ai pawhin an thiante hi an ngai pawimawh zawk awm e. Anni chu engkim an bula kan sawi ngamna annih bakah, kan tana in pek huam reng an nih avangin kan tan an hlu lo thei lo a ni.
e. Chenpuite: Kan chhungkhat laina hnai ni lo, chhungkaw khata kan chenpuite nen hian kan inkungkaih that a pawimawh hle. Thenkhat chuan an chhungkaw Member zinga mi, an awmpui anga an chhungkaw zinga awmte hmuhsit a, tihnawmnah an ching a, hei hi thil tha lo tak, sim hlen vang vang chi a ni. Anmahni avang khan kan nitin nunah hlimna kan hmuhtur kan hmuh theih phah rualin, kan chi chhuah harsatna kan tawng thei a ni.
f. Thenawm khawvengte: Mizo Upa ten, ‘Thenawm khawvengte do ai chuan khaw sarih zo a thlanawm zawk’, an lo timathlawn lova, thenawm khawvengte nena kan inkungkaihna hian kan nitinah pawimawhna tak a nei. Tumah hi mahni mai chuan khawvela dingchhuak turin theihna kan nei lova, kan thenawm khawvengte avanga hun harsa karah pawh hlim taka awm thei kan ni fo. Thihna a lo thlena min tawiawmtu thenawmte kan neih miah loh chuan khawvel hi kan tan chuan a zim hma viau ang.
g. Ngaihzawngte: Nupui pasal la nei lo thalai chuan Ngaihzawng a nei chawk a. Chu a ngaihzawng chu atana mi pawimawh berte zinga mi a ni. Atan chuan khawvel rohlu ai pawhin a ngaihzawng kha a hlu tlat a ni.
h. Khawtlang leh Kohhran: Khawtlang leh Kohhran hi kan damchhung hun rei lo te ah hian a pawimawh khawp mai. A pawimawh dan zia chu sawiduah ngai lovin kan hre thei awm e.
i. Zirtirtute: Thiamna nei lo thiamna min pe a, mi te nih anga min nihtir a, khawsak nuama kan awm theih nana thiamna min pe theitu leh min pe thintu, Zirtirtute hi kan tan an pawimawh khawp mai. Anni hi awm lo se chuan khawvelah hian nawmsakna thilte bakah changkanna thil hi hmuhchhuah leh zawnchhuah fo a ni lovang. Tuna i chhiar hi i chhiar bawk lovang.
j. Nangmah: I damchhun khan mi te anga nuamsa leh khawsa thei, mahni kea ding a, ei leh in zawnghmu thei tur chuan i pawimawh hle. I nihna kha chiang la, harsatna ah zam mai lovin, hmachhawn ngam la, huaisenna nen ke pen thin ang che.
February 21st, 2011 at 11:15 pm
A ni khawp mai. Pathian hi chu a pawimawh hmasa ber a ni.
February 21st, 2011 at 11:19 pm
an va pawimawh hlawm ve le!
February 21st, 2011 at 11:26 pm
a to i ai khian j khi a pawimawh lawtlak ka ti. ka tana mi pawimawh ber By T.Nghakliana(L). he article hi ka zawng hmuzo tawh tlatlo pek a, a fate ho ka zawn tir mek, an haichhuah theih hlauh chuan misual ah hian Post ngei ngei ka tum.
February 21st, 2011 at 11:31 pm
Uluk leh a tawk choh hriat a pawimawh, kan dam chhung hian. Be yurself and think positive. (Y)
February 21st, 2011 at 11:38 pm
Kei chu Pathian dawtah hian Keimah ka in dah hmek mai…Ka nunah hian ka pawimawh vet vet em..!! 😀
February 21st, 2011 at 11:52 pm
Nupui/Pasal ava tel lo ve. A pawimawh hle si a.
February 21st, 2011 at 11:53 pm
tlangval ania 😛
February 22nd, 2011 at 12:07 am
Ngaihzawng chu a dah pawimawh viau si a. 😀
February 22nd, 2011 at 12:19 am
#3 saitawk a-i em em te chuan a. ‘a’ tal khi chu huam tel lo la, T.Nghakliana pawn lo sawi mahse. ‘j’ khi pawimawh lo tihna ni lovin.
February 22nd, 2011 at 12:27 am
awmawmpuia#8 “An thil tih an hrelo a ni…” tih ang lampang tawngkam te min ngaihtuah chhuah tir chu a hairehai 😉
February 22nd, 2011 at 12:31 am
Ava tha ve…. (Y) (Y) (Y)
February 22nd, 2011 at 12:31 am
@vakul, Pathian pawh hian mihringte hi zalenna leh duhthlanna min lo pe sang em a ni…. Kawngka pahnih (nunna leh thihna) a hawng a, chumi thlang thiam tur chuan mihringte rilru hi a siam pangngai tawk a, chu duhthlanna chu mihringte kovah vek a nghat bawk si! :-[
February 22nd, 2011 at 2:02 am
‘Engkimah pathian hi a hmasa lo ber lo theilo a’ tih lai hi i tawngkam hman hian i sawi tum a thelh deuhin ka hria. Nilo, i sawi tum letling chiah i sawi daih a ni zawk awm e.
Pakhatna ah hian mahni ka in dah e kei pawh.
February 22nd, 2011 at 2:03 am
‘Engkimah pathian hi a hmasa lo ber lo theilo a’ tih lai hi i tawngkam hman hian i sawi tum a thelh deuhin ka hria. Nilo, i sawi tum letling chiah i sawi daih a ni zawk awm e.
Pakhatna ah hian mahni ka in dah e kei pawh..
February 22nd, 2011 at 3:21 am
@Saitawka ka tan e. Pathian dah pawimawh ber chu ka duh. Mahse, mihring mihrinna hian amah aia midang dah pawimawh zawk a neih hun hi chu nun pumpuiah hian hun tlemte chauh a nih ka ring ve tlat.
Mahni inphat hi thil har ber a ni reng dawn a ni, he damchhung hian..
February 22nd, 2011 at 3:31 am
Luangpawn khaw pa pakhat paw’n (phullen nen a in zawm hma nitur ania) lo pahnih a neia, pakhat zawk chu Pathian tan, pakhat chu ama tan. Buh seng alo hun meuh chuan Pathian tan atih zawkah khan a thar tam ta zawk sia, “Pathian ka bum e.” Tiin Pathian tana a tih zawk kha a chang hleuh mai sin. 😀
February 22nd, 2011 at 7:13 am
Sailo, thawh á¹ha khawp mai. Sawi belh tur pawh ka hre lo.
A hmasa berah Pathian i dah leh a tawp bera Nangmah (Mahni?) i dah hi fuh ka ti khawp mai. Pathian hian Amah aia thil dang dah hmasak hi a duh lo va. Tin, Mahni aia midangte dah hmasak hi Pathian lawm zawng tak ani bawk.
February 22nd, 2011 at 7:51 am
funny #16 khi khawi ami nge maw i rawn hriat khauh chu le min tih nuih tut tut chu 😛
February 22nd, 2011 at 7:53 am
Tha ltk. Pathian tello chuan engmah kan nilo tih hi Pathian a tel hian a chiang tulh tulh si a. (Y) (Y) (Y)
Sailo leh shylo hi a innang em? 😉 😉 😉 😉
February 22nd, 2011 at 8:20 am
Mr sailo, ziak tha lutuk. Pathian ai pawha mahni indah pawimawh hmasak em chu kei pawh ka ngam tawplo mai. Amah avanga nung, che, thaw, kal, chhiar, ziak, ei, in, zung, e, ngaihtuah, thawk thei ka ni chauh si a!
February 22nd, 2011 at 8:42 am
Hriselna leh material lam pang thil chu an lang pha lo a ni maw… 😛
February 22nd, 2011 at 9:08 am
When wealth is lost; nothing is lost
when health is lost; something is lost
when character is lost; everything is lost.
February 22nd, 2011 at 9:14 am
Shylo ka ni lo, Mara or Lai hnampeng pakhat a ni. #Pimpom, i hresual a nih kha. Nupui/ pasal chu chhungkhat laina/ chenpuite- ah ka behtir e. #Pu HV, Zawnglai, la zawn hmuh loh bawk ka ni.
February 22nd, 2011 at 10:53 am
Dam chhunga pawimawh em em chu, thih hnu piah lama kan chatuan nunna kawng dik zawh dik hi a ni. Chu chuan lei leh van malsawmna a keng tel vek mai!
February 22nd, 2011 at 11:19 am
aaa… han sawi belh vak tur emaw, hnial/kalhna tur emaw ka nei lo, a tha ka ti khawp mai.
1-na a Pathian dah khi a fuh!! Kan nunna, kan samzai pakhat pawh a ta a ni si a.
February 22nd, 2011 at 12:46 pm
Tawngkam ah hian Pathian hi a hmasa berah kan dah fo thin na a, a tak takah chuan mahni leh chhungkua hi kan lo dah pawimawh hmasa ber leh tho si thin.
Thuziak tha tak, chhiar nawn fo tlak anih hi.
February 22nd, 2011 at 2:35 pm
“THIL” emaw i sawi dawn ka tia,Pathian,Nu leh pa,etc ngawt i sawi.Chaw,tui,boruak etc vel i tlar thla dawn ni maw ka lo ti a.Thil pawimawh, tih aiah Mi pawimawh deuh vek i sawi a ang…he he he 😉