mi(sual).com

“An ti” tih hi a dik duh fû an ti.

1. Kohhran a hausak zawh poh leh Thlarau lamah a rethei thung an ti.

2. Pawl tha chu a len zawh poh leh a chak a; pawl phuahchawp deuh erawh a len zawh poh leh an Thu a nawi an ti.

3. Hmanlai ZawlaiD aiin, tunlai Zawlaidi hi Nula lém nan a tha zawk a, a thawk chak zawk bawk an ti.

4. Zawlaidi avanga Grape chingtute lawmthu aiin, a dotute âng thawm a ring leh tawh zawk an ti.

5. Zawlaidiin a nghawng tur zeldin a, huphurh vanga khap mek te leh khap tura Sorkar nawrtute hi- “Pawnfen èng-dâng” fen tir tlak khawpa dawizep anni an ti.

6. Nikum khan- Sap putar pakhatin Mizo nula a nei a; a hnuah, chù Sap putar thianpa chua’n, Mizo tleirawl a rawn nei ve leh an ti.

7. Kan mi thiam te’n– Hnam phakar leh sual tak anga kan insawi fô hi a dik bik lo a; Hnam thatchhia leh nihna aia lan ropui tum kan ni tih erawh phat rual lohin a dik a ni, an ti.

8. “Nunna hi Pathian ta a ni a; Pathian chauh lo chuan a titawp tur a ni lo” titute khan, hman Ni-a Naupang pawngsuala thattu kha- “Khai hlum rawh se! tiin an âu leh si an ti.

9. Inthlan lehah chuan- NLUP hlui- (New Land Use Policy) aiin, NLUP thar- (New Life Use Policy) hralh a kal zawk ang an ti.

10. Biak In-a Cell Phone ak lutte zingah, Sex Vedio/ Thlalak neite hi Red Card pe vek ta ila; Tlangval ho aiin Pavalai hoin Card an hmu tam zawk ang an ti.

11. Zirtirtu, Naupang kutthlak ching deuh In hi- ‘Sir Lawk Home’ an ti.

12. Hnamfing te’n Mi sual sangkhat vanga Mi fel pakhatin a tawrh an hlauh em em laiin, hnam mawl te’n Mi sual pakhat vanga Mi fel sangkhatin an tawrh pawi tihna kan nei lo an ti.

13. Mi fa te’n khawvel pûm damna an ngaihtuah a, ram retheia tam tla an vei laiin, kan veng damna bak kan la ngaihtuah/ vei phak lo an ti.

14. Mi an à tawh lo a; nui nazawng an lung a awi kher lo a, kan biak that nazawng kan nel kher lo a, kan mi nel nazawng kan ngaina kher lo an ti.

15. Veng khata Tlangval fel tak pakhat pawh, veng lehlamah Tlangval sual tak a va ni daih an ti.

16. Zun thlum, Thisen sang, Thaw hah, Lung nâ nei si a, Sa tuihang- mawm-tle hluau mai an la hawp kuang kuang ngam hi ‘àt huai’ dik tak a ni an ti.

17. Inkhawm si lo, inkhawm anga lan tum- Chawlh Ni chawhma inkhawm laia 0nline/ Misual duh miah lo an awm an ti.

18. Misual.comers zingah a fing leh zir sang apiang an ho a; a mawl apiang an intimitak an ti.

19. ‘Ho’ tak taka dak zuah zuah hi a nuam a, englai pawha hoh reng erawh mawlna chikhat a ni an ti.

20. Kawlhawka hi kang-út ta vek se, ‘Black Hawk’ a ni ang an ti.

Similar Posts:

• Vek kher lo
• …an ti… ti leh tawh ang u
• Hre reng thin ang u!
• MHIP thuchhuah
• Mizo Music

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Wednesday, November 3rd, 2010 at 5:26 am and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.