Tet te atangin khawdangah sikul kalin ka chhang chiah nen hian hostelah kan awm ve a. Kan sikul kal na hi kan khua atangin a hla lo a ke pawn darkar 5 vel lekin a thlen mai theih. Kum 1999,Y2K Millenium Bug tih vel an buaipui map map lai khan Independence Day hmang turin kan sikul pawh a inbuatsaih ve mup mup mai. Ka nau nen Parade contingent ah min thleng ve a kan lawm leh zual. Independence Dayah kan lam dawn tih ka nu in a hriat chuan lehkha minlo thawn ta. Kan lam lai alo en chak thu leh entur a alo kal tur thu te alo ziak a. Kan hlim kher mai.
August ni 15,1999 zing a ni. Ka nu chuan Mualah minlo chang reng tawh a. Kan inhmuh veleh ka nu chuan”Buanga khawnge i nua kava ngai che em. In lam lai kalo en ang a in hman velah Chawhmeh Bazar ah i nau nen lo phei ang che u” a ti a. Chuan kan lam zawh chuan mipui an tam em avangin ka nau nen kan in bo ta. Ka thiante ka fin. A ruka kal hran ka tum. Kal hran ka duh chhan pawh keimaha ka nu va hmuh ka duh avang a ni. A chhan chu ka nu khan Bazarah khan Chawhmeh zuarin alo thu dawn tih ka hre reng mai. Chu chu ka thianten an hmuh ve ka hlau ta a ni. Mahse ka thian te lak atang chuan ka kal hrang thei ta tlat lo mai le. An zinga ka awm kha an duh tlat. Nakin deuhah chuan hmun pakhata kal an rawt ta. Chuta kal tur chuan Chawhmeh Bazar kaltlang a ngai si.Ka nu kan hmu ngei dawn ta.
Ka nu chu rin ang ngei in thlai thar eng eng emaw kha Bazar kil sir khatah hian alo thut pui reng mai. Ka haider tlat mai le. Khawvela ka thil tih zawng zawng a ka inchhirna ber leh ka ngaihtuah chhuah apianga hun tam tak khawhral a ka in dawm kun vang vang na chhan tur a lo thleng dawn tih reng ka hre lo.Kan kal pelh tawh hnu chuan ka hawi let a kan in hmu ta chiah mai. Ka nu chuan min koh dan ngei maiin “Buanga,hetah ka awm lo phei rawh u” a ti ta lauh lauh mai. Mahse e,ka phei duh talo. Ka phei ngam lo,ka thiante an awm ve avangin ka zak. Ka nu chu ka zahpui ta! Ka rilru hi ava na tak em aw! Kan letlam pangah phei chuan a thutna ep chiah dawrah ka thiante nen kan lut a min hmu reng ka zahpui tih a hriat avang in a inthiar fihlim a nih ka ring ta ber.
Tlai lamah Hostelah ka hawng. Ka nau chu ka nu hnena a kal leh kal loh te ka zawt a. A ni chuan a kal thu te min hrilh a. Chumai bakah ka nu thusawi kala hriat reng turte zinga a mi min hrilh ta-”I U Buanga chu a thiante nen anlo kal a ka koh a mahse min zahpui a ni ang ka bulah alo kal duh lo ka rilru ana khawp mai” a ti e a ti ta. Hreawm ka tih zia kha aw. Khumah ka bawk tlawp a na ka ti ngawih ngawih.Ka nau chu pawi ka tih thu ka hrilh ta mawlh mawlh a. “Ka U ka nu chu a rilru ana tih a hmel atang pawn a hriat theih” ala ti ta deuh deuh leh nghal. Kha mi tum a ka hun tawn hreawm zia kha aw. Tun thleng hian min nghawng ang a hreawm ka ti ang tih ka ngaihtuah pha lo bawk. Kala inchhir tawp thei lo.
Ka nu hi nu lian vak lo. Nu berh ve te zo tak mai min hmangaih em em tu a ni. Khawsik emaw hrittlang emaw tih a hriat ringawt pawhin kan tet deuh lai phei kha chuan Inah lamah hian chhin khat mah a chhing ngai lo. Ka sawi seng lo. Min ngaihtuah zia leh bang lova kan tana a tawngtai nasat zia te tunthlenga ka hreawm leh lawm lai apiang a Maicham hma a a tihtur thulh thak thak khawp a min tawngtai sak(lawmthusawi) thin zia te. Mahse maw ka nu ka zahpuina hi kala inchhir bang theilo a ni. Tunah hi chuan ka zahpui lo. Ka zahpui loh zia pawh ka lan tir fo ta mahse kala inchhir bang thei lo a ni.
(Nu emaw pa emaw inchhungkhur emaw zahpui ve deuh thin kan awm takin chung ho tan chuan he thuziak hi ka hlan e)
Similar Posts:
- Zawhna chhan nuam lo ber te
- He thil hi chu kohhran(denomination) ang zawngin i la tawh lo hram teh ang u, khawngaihtakin!
- Isua Ka Zahpui Lo
- Site blocker
- Bang Rawh Se
:-D
February 24th, 2011 at 11:44 am
”buanga khawnge i nua…” -engtihna nge ou?
:chhiar zom zel:
Report this comment
February 24th, 2011 at 11:50 am
#1, ouh..k hre leh si e..khonge i nau tihna a ni mo… Teenaged lai hian nu leh pa te laka talhran duhna thinlung lo om bok nen, nu leh pa te, an rethei emo an hausa emo kan zahpui tlangpui thrin niin k hria. Kum upat telh2 ah kn chhuang telh2 thrn an tih kha.
I nu cu k lainat khp mai..
Report this comment
February 24th, 2011 at 12:04 pm
e khai, nu leh pa mai a ni hleinem, chhungte zz hi kan zahpui a,’saw i nau’ thrianten antih pawn kan va kal a, ‘haw rawh’ te kan lo va ti thul…
Report this comment
February 24th, 2011 at 12:05 pm
Naupa’n lai chuan zahpui loh tur zahpui tlat chang te chu kan neih theuh hmel. Naupan at vang a tih theih. Mahse puitlin hnu pawha la chhun zawm zel hi chu a atthlak lehzual.
Report this comment
February 24th, 2011 at 12:06 pm
naupan at lai thilani ngai. Inchhiar vak duh suh.naupang tih awmah chuan a mawi lo hran love.
Report this comment
February 24th, 2011 at 12:07 pm
Naupan at lai thil ani ngai. Inchhiar vak duh suh.Naupang tih atan chuan a mawi lo hran love.
Report this comment
February 24th, 2011 at 12:08 pm
E khai i testimony chu chhiar a nuam hle mai. A dik khawp mai, a chang hian chuan nu leh pa te hi hmuh hniam chang a awm ve thin, mahse i sawi ang khian kan inchhirna tur mai a la ni ang.Hring chan chhung hian an hlutna te hi hmu thiam ila, kan tana an thlantui luang zozai te hi hrethiam ve ila a va han lawmawm dawn em!. chutianga kan tih chuan muangte’n zan mu an chhing thei ngei ang.
post tu pa
Report this comment
February 24th, 2011 at 12:09 pm
rilru a khawih hle mai
mizo hawrawp pangai a type thin tur an tih kha,an hau nek mai tur che asin..lolzz@rempy sakawrbakcheh
Report this comment
February 24th, 2011 at 12:14 pm
Krista a tha khawp mai…..mahse chhu uluk deuh teh a…a mithiam india sokar chawmlai tan chuan a nalh lo tlat lol….
Report this comment
February 24th, 2011 at 12:20 pm
A tha hle mai.
Kei chu ka vannei. Ka NU bulah khan ka tal tam bawk a; in a ka awm lai a nih a, ka hman phawt chuan, a fehna ah, damdawiin a kalna ah emaw chhungte tlawh paw’n ka zui nasa thin. Ka * ruk deuh pawh ka hrilh vek zel..:-)
Mahse, ka zirna vanga a damlo ka buaipui tam thei lo leh, a ruang pawh kil theilo a ka awm erawh, tun thleng hian ka rilru hi a la dam thei lo, mahse ka vui lo thung. Ka NU vang hian hmeichhe pawimawhna nitin ka hrezual thin. NU hi an lo va pawimawh emmm…
Report this comment
February 24th, 2011 at 12:21 pm
Nia a ngaihnawm hle mai.Kan ni vek ang ka ring a hunlai hi a awm ve a…
Report this comment
February 24th, 2011 at 12:30 pm
Thupek tiam nei hmasa ber … Ephesi 6:2 thu Apostol Paula rawn summerized dan kim tawi deuh hi a lo ropui hle mai. Exodus 20 kha han chhiar nawn leh ngat ula, Thupek Sawm zingah khan PROMISE nei hmasa ber tia Paula’n a lo khaikhawm hi a chhiar chik hle a ni ang.
@Krista : I nu i zahpui ni August 15, 1999 kha, “Hmeichhia, nanga sawi tur … ti chuang lem lovin INDEPENDENCE i hmang lulam mah a ni; DEPEND taka i nu i mamawh vei nen khan …”! Tunah chuan, “Ka nu kha, ka nu hi …” tiin i chhuang thiam tawh a, a ropui hle mai!
Report this comment
February 24th, 2011 at 12:36 pm
”Buanga khawnge i nua kava ngai che em. In lam lai kalo en ang a in hman velah Chawhmeh Bazar ah i nau nen lo phei ang che u” a ti a.
he lai thu hi vawi 3 zet ka chhiar nawn hnuah ka hrethiam ve chiah
“Buanga, khaw nge i nau? Ka va ngai che em! In lam lai ka lo en ang a, in hman ve leh…”
tihna lo niin.
Nu&Pa zahpui hi retheih vang ka ti lo thei lo. Ka nu hi kan khaw sumdawng hmasa a ni a, kan khuaah chuan a khawsa thei pawl kan ni ve. Chutihlai chuan ka nu&pa hi ka zahpui ngai miah lo.
Motor accident avangin ka nu a boral a, ka pa’n a sumdawnna a chhunzawm a. Tum 2 zet mi sual/ mi rinawm lo tawngin, a sum lu zawng2 a bo ta vek a, retheihna kan hmachhawn tan ta. Skul kal lai thah unau 6 zet chawm turin ka pa chuan bawnghnute te a kharchhawng a, khawlaiah kawtin in tinah a zuar kual ta. Kan khawsak theih ve laia ka zahpui ngai hauh loh ka pa chu ka zahpui ta mm a, khawlaiah te hian min au ang tih ka hlau mm thin.
Post hi tha ka ti hle
thu chhut sual a tam deuh mai pawh a. 
Report this comment
February 24th, 2011 at 12:36 pm
Report this comment
February 24th, 2011 at 12:50 pm
Krista chu iva che dubli ve.
Kan rethei tho na in, ka nu hi zahpui lam aichuan zahloh lam hi ka tih thin dan zawk ania. Runluih tehi ka ching thei khawpa. Tun hnu a han ngaihtuah let leh hi chuan a rilru kalo ti na zing ve thei khawpmai.
Hman deuh khan, “Kanu ka hmangaih che a i hrehawm ka phal hleinem…” Ka’n ti deuh hnap chu ka score tha ve chiap chiap khawpmai.
Report this comment
February 24th, 2011 at 1:12 pm
ReMpY_ScisSoR, Jennifer Lo, Emi,Sony, Zodin_RM, century child, buhchangrum, Dr Mahminga Sailo , PayableOnDeath(Zrma_C),
chawnghilh, kawlhawk , sisen leh funny te in chungah ka lawm em em e.
Mahse hei duh aiin alo chhuak hma tlat mai. Tukin zing dar 5 ah ka submit tunah alo chhuak hman daih mai. Edit kala tum asin le….
Ka thuziak edit miah loh hi chu a phuailuai thin a nia. Minlo hrethiam teh u…. 
Report this comment
February 24th, 2011 at 1:16 pm
Submit lovin draft ah save ta la….
Report this comment
February 24th, 2011 at 1:22 pm
@Rempy(#17) Chu chu lawm pawi tak tak a ni hei mahse a tha tho e. Chhuah chhan ka nei a a phawk chhuak tho ang….
Report this comment
February 24th, 2011 at 1:22 pm
A tha khawp mai. Naupan lai hi chuan zahzumna tur hi a tam duh khawp a nia.
Krista chu Buanga ilo ni maw…
Report this comment
February 24th, 2011 at 1:26 pm
I vannei bik hle mai, Nu hmangaihtu i la nei a. Zahpui reng reng tawh suh ang che.
Report this comment
February 24th, 2011 at 1:27 pm
#19, sap hovin Chris Brown an nei a, keini’n Kris Buanga kan nei..lolzzz
Report this comment
February 24th, 2011 at 1:32 pm
@K’u Shai, “Krista chu Buanga i lo ni maw?”
Report this comment
February 24th, 2011 at 2:14 pm
Kan thian nu pakhat pawhin a pa hming a zahpui a,kan sikulah a pa hming an zawt a,apa chu Khuangpuithanga a ni a,a zahpui avangin a sawi duh lova,a u hming Vanlala a ti daih male.
Report this comment
February 24th, 2011 at 3:32 pm
#3,
a va han tha pap pap ve..ka harhchhuak ta e..ka harh chiang khop mai.
NU hmangaihna dawng thei a ka la awm hi ka vannei ka in ti..hun reilote chhung lek awm bo a damlohna in min han tlakbuak chiah hian NU hmangaihna chu kan thlahlel ngawih ngawih thin reng a ni, bul hnai mai a ka NU tihtur a an han awm te hian thla hi a va han muang thin tak em..engti lemlo mahse ka dam sawng sawng zel.
Report this comment
February 24th, 2011 at 4:18 pm
Ka nu hi nu mawl ve tak mai a ni a, mahse a rilru zawng zawngin min ngaihtuah a, unau zinga mipa awmchhun ka nih vang nge, min duat a. Tun thleng hian zan ka len hian ka haw hma chu a muhil ngai lo. Ka bike (Karizma) ri te hi kan thenawmte ta ri nen hian a hre hrang tlat mai nia! Ka khawngaih zawk thin.
Report this comment
February 24th, 2011 at 4:47 pm
nu leh pa zahpui lai stage hi mihring nunah a awm ve reng reng an ti kha…Nu hi an poimoh a, ka thianpa hian Class VI a nih laiin a nu a sun a, school ban hun vel hi a hrehawm lai ber niin ka hria a ti.In chhung hi a reh tlawk tlawk mai a ni a ti.
Report this comment
February 24th, 2011 at 5:16 pm
Nu leh Pa kan zahpui chhan hi chu kan thiankawmte zir a ni duh khawp mai, thian hnai te bulah lo kan zahpui khat khawp a sin (thiante ka puh ve anih chu). #13 @kawlhawk sawi pawhkhi ka rin dan leh tawn pawh nive.
Kan retheih erawh ka zakin kan in chhe lutuk tekha chu ka sas te hmuh ka hlau ngawih2 thin. A bulah Building nalh ltk tak mai a ding vung sia. 
Ka pa in primary student lek kan nih laia min boralsan hnu chuan retheihna in min chenchilh tak taka, ka nu in 1994 ah sachek zuar in min enkawl a. A hlawk hleitheiloa zu te a han zuar tel leh a, retheihna in min han buan tak tak chuan hawina piangah hian kan te chem chem maia. Ka nu pawh khawimaw laiah fiamthu thawhnan te an hmang thin tih ka hre bawka, mahse kei hi mi zahpui lam nun hi ka tet te atang khan ka chin awm ka hre lemlo. Ka nu hi nu mawl tak anih hi ka hailoa, inti zahawm tur erawh hi chuan ka chetzia hian ka lan tir fo thin.
Inhmusit hi ka ngaitheiloa, thian min enhniamna nei chi chu ka kawm rei ngailo. Pathian rilru ka tawmpui ve na lai ber ni te hian ka hria. Thiante an hmusit avanga ka thinrim zawk hi atam khawp mai. Ka han t deuh duah anih chu
Report this comment
February 24th, 2011 at 5:36 pm
@Asteric:Retheih hi thil zahthlak a ni hleinem.Challenge hi a nih na a awm ve zawk mah in ka hria. in hi chu a chhia emaw thra emaw, fai se. concrete in nei leh in chhe deuh nei hi ka mitah chuan an in ang reng, ka thiante ah chuan. keipoh ka zak thin a kan in hi, a lo at thlak ve ngawt mai
Report this comment
February 24th, 2011 at 7:05 pm
Buanga chu rilru ah in thiam loh reng ai chuan ngaihdam dilla a tha in ka hria i nu chu..A lom viau poh ka ring a ni.Tichuan,i rilru a dam/veng hawk mai ang.Chuchu a solve na tha ber niin ka hria i inthiam theih lohna ah khi chuan..Nu leh pate hmaa ngaihdam dil vel hi a nuamlo thin na a,rilru chu a thol/veng hok duh ania thil chhungkua a tihsual chungchang ah poh hian..I ziak tha khop mai…
Report this comment
February 24th, 2011 at 7:12 pm
Ngaihnawm phian mai
Report this comment
February 24th, 2011 at 7:17 pm
@burgerstud2005: Zahthlakna chu midang hmuh hniam nih vang chauh hi nie lolzzz…..Naupan lai chuan awm ve chawk a sin. Bawng chaw zawn haw a sas hmuh te chu nuamlo ve deuh nia….
Kha tih hunlaia ka sas kha alo chhelo vei reuh sia min thiktu kha an awm ve nuka, kha khan ka zah kha ti zual ve deuh male….lolzzz 
Report this comment
February 24th, 2011 at 7:49 pm
burgerstud2005#26
mahni neih ang zahpui te hi milem tak niah ka ngai thin. Mahni nihna anga lan tumlo te hi an nihna min an hmuh an hlau thin a, lemchanna khawvel ah an rilru a teihawi vel mai mai ni tein ka hria. Fuihna (challenge) ah hman hlauh mai tur, zangkhua a bungbu thei tih te hi ka awih zawng tak ani bawk.
Naupang te ka nih lai khan kei aia upa tak2 nula ten len puiah min rawn sawm a. Pawisa ka neih loh avangin ka pi (kapa nu) chu cheng hnih ka dil a, min nuih zat khawp mai. Ka lenpui lo chiang khawp mai. Thawh chhuah neilo vin ka dil ngam tawk min nuihzat khanglang kha ka ngaithei thak lo. A hnuah min nuihzat theih loh nan thil ka ti a, ka kawm leh tawh ngailo ahems
ar talh dan chikhat chauh a awmlo an tia lawm. Tun hnu hian an chhungkaw life ka hre nial nual hlawm a, ka awt lo ve khawp mai 
Report this comment
February 24th, 2011 at 8:32 pm
Pu Hv kan la ti let ve pang pang thei anih chuan kan la rethei tawklo ah pawh ka ngai. Tlai chawhmeh tur neiloa mi dawra dal Rs 5 man tlai tin “kan lo ba” tihreng mai leh mi huana chawhmeh bai tur maian sih ruk te, an chhungte awmloha thiante aieng leh tel dil ruk a ngaih tawh chinah chuan e engkawngah pawh mahni hi kan in sit rum2na hi a piang ve nia, naupang motivate loh tan chuan awl tak a ni. Hetiang lam hi ka sawi peih vaklo
Report this comment
February 24th, 2011 at 8:34 pm
Asteric #33 ar talh dan chi khat chauh a awmlo ka tih khi.
Report this comment
February 24th, 2011 at 8:40 pm
A thurimah, retheihna chu rilru lam niin ka hria. Sum leh pai ngah rilru a rethei tak2 an tam em asin. Kei hi chutiang lama la hausa ngailo leh hausa fa ni ngailo ka ni. Ka rethei ngai miahlo thung.
Report this comment
February 24th, 2011 at 9:09 pm
Ka vil hman lo a ni e ka thu post hi. Comment tu zawng zawng chungah lawmthu ka sawi e. A ngaihnawm khawp mai. Kei mi hnaisai lo tak mai hi ka hming dangdai tak pawh hi rei tak chu ka zah pui a nia…
Post chhan ka nei a mah se tuman inlo sawi chhuak talo a pawi chuang lo e tha vek mai…..
Report this comment
February 24th, 2011 at 9:38 pm
I inchhir a, zahpui chhunzawm lova, i nu chu i zahpui loh zia i lantir fo ta zawk hi a ropui khawp mai. Harhna, hmasawnna ṭha leh ropui tak ani e!
Report this comment
February 24th, 2011 at 10:00 pm
@UKris,ropui hle mai…rilru a khawih e.i edit hman lo mah2.Nu leh Pa zahpui lai hi keipawn ka nei..mahse nang erawh chu alangchhuak hlauh a nih chu le..
i zirlai i passsed tawh a,chu tluk chu a awm hleinem…MIFING ni tur hian kum kan neih ve deuh hlek te hi a lo ngai thin ania…
Report this comment
February 24th, 2011 at 10:10 pm
@Chhawnbur(#37): Ka lawm e.
Best(#38): Min U tlta mai a. Tu tak ni maw… I chungah ka lawm e. I sawi khi a dik viau mai. Kei hi chu ka ni khua lo ve hrim hrim a ni….
Report this comment
February 25th, 2011 at 12:10 am
@Buanga, Kan Veng , kan In, ka pa, ka nu ka zahpui hun lai kha ka pel ve ta, nang ang in ka inchhir ve a sin, ka rilru a riak fo i rawn ziak ta e, tun hun ah hian ka chhuang ta, ka hun liam tawh ah ka zahpui zawng2 te lakah hian thupha chawi tur ka va ngah em
Report this comment
February 25th, 2011 at 6:05 pm
Pu Krista, kei chu ka nu leh pa, ka chhungkhat laina leh kan in thleng khan zahpui loh ka nei pawh ka hre lo..nang aiin ka thlaktlai lo zawk a nih hmel…in chhir awm duh ngei mai.
Report this comment