Parmawi tin bawm kan lenna Zoram,
Chhemdam Thlifim leh Romei zam chiai,
Lungrualte a Sawmfang lamtluang zawh Ni a;
Khartung do a Runsang kan rauhsan lai te,
Sualna doralin a run ngailoh Eden nunmawi ing a kan Pi Pute lenna.
Nonghial hnahsin par leh Zamzo ,
Zobawm Nauban Senhri par vul chiai e.
Aw, Zoram-Darang lenna tlaitla eng riai hnuaiah.
Zo phul, Di hmun cham del leh siktui thiang dawn a kan lenna.
Eng kan ti zo ta nge ni le-
Rinna danglam leh ngaihdan a tam.
Dikna famin, tlawmngaih a bo,
Felna hnualsuatin, hmasialnain kan khat zo ta.
Aw..Zonun mawi suarang a chim zo ta si;
Ka sawm che u ka lenrual duh te u, ti hian min au Zoramin,
Thovin ding ru La nu Val rualte, “chhantlak ka la awm e,
Puitu ngaiin ka vai”.Khup zawi leh tha thu te tichakin,
Zoram thar din nan harhin phurhhlan i siam ang u.
Kan Pathian chu Kawng leh Thutak leh Nunna a ni si a.
_…….._……._
ZORAM KHAWVAR HUN NGHAKIN
Laltanpuia Tochhawng.
Aw, tunah Zoram khawvar hun nghakin,
Sual thim hnuaiah lungngai chauvin a rum;
Baal hmaa thingthi ve ngailo,
Hmangaihtu dik leh rinawmte min au.
Tun hi hun tha leh hun hlu a ni si,
Sualna doral lian hi i bei ang u;
Beidawng lovin kan bei zel tur a ni,
Zion ah chuan Lalpa a awm si a.
Hmangaih Zoram hian khua a var theih nan,
Thinlung lungngai leh beidawng tawh te leh;
Mifing remhriate, mifel leh rinawmte,
Lalpa tih mite harh a hun ta e.
Roreltu diklo, hnathawktu rinawmlo,
Zoram hmatiang kan sawnna daltute u;
In phu tawk hremna in hmu tur a ni.
Kan nghahhlelh Zoram khua a var hun chuan.
Tunah sualna tinrengte’n min vel,
Eiruk hlemhletna ten tual an leng e;
Mahse a rei tawh lo’ng khua a var dawn,
Zoramah hian Lalpa a awm si a.
Similar Posts:
- Zoram ah khua a var tawh em?
- Beidawngte Pathian lungngai te Thian
- ZORAM TANG FAN FAN
- Zoram politics ah I ram lo thleng rawh se!
- AW ZORAMMAWI, KA PIAN KA SEILENNA
(Y)
February 25th, 2011 at 8:33 pm
Thu leh hla i lo thiam zek hi.
February 25th, 2011 at 8:46 pm
Eeeehhh…! An inngaizawng chiang mai. 😀
February 25th, 2011 at 8:50 pm
Nalh khawp mai
February 25th, 2011 at 8:54 pm
Va mawi teh lul em! Zonunmawi ldt. hi han zawm hnap phei la chuan 😛
February 25th, 2011 at 8:57 pm
Free verse tha tak leh didactic tak a nih hi! /mate ainawn hi hlahril lamah chuan a nau lo teh a nia.
February 25th, 2011 at 8:59 pm
Hetttss…TS, ngaihzawng sawi suh..i ler reuh lutuk 😛 😀 😛
February 25th, 2011 at 9:03 pm
Lal-Vaiva, Putar Sawng tiu tiau khan tlak duah lo la-Pa tha i ni mai.. :-O :-[ :-O
Tak takin..ka zawm hnaap alawm Mate. (K) (*) (U)
February 25th, 2011 at 9:09 pm
mate ainawn, i la zai dun teh ang a… mahse kan in karah thingpel kham ila… 😛
@muantea, free verse hian ka lung min len ber… (Y)
February 25th, 2011 at 9:10 pm
mate ainawn: (Y) A va hit reuh ve!!!
Ka lo tuihnih ve lawks aw… Ka nick hi hla a nia:
ZORAM GENESIS
1. Hmasanga kan pi leh pu, hnam bo,vakvai leh rethei,
Chhaktiang thli rinrawla zui zel chungin.
Nau pianna ram kalsanin, tlanna Kraws hre lo mahse,
Ram thuhruk, Eden chul hnu lamah Lalpa’n a hruai zel a!
2. Eden kawngkhar mawi tak chu, chhaklam atanga hawngin,
Lehkhabu chhinchhiah tlat chu a phelh ta.
“Ka mite in ni lo ve” a tihna hmun ngeiah chuan;
Lal Pathian Nung fate-a vuahin, Hnam chu a chawichhuak ta!
* Thlaler ram ruak rum vung vung-ah chuan,
A chhar ta ! Rah chhuah tur Hnam Bo chu!
Leilunga A Lalram din turin;
Vohbik Hnam, Lal fatir…Zofa-te chu.
3. Manna mai kan dil lo che, Kanaan ram buhbal kan ngen,
Leilung malsawmna leh hriak hlu-te nen;
Kan kutkawihte malsawm la, kan lo,huan,thlai tharte nen,
Hnute tui leh khawizu luanna ram thlen hlan kan nghakhlel e!
4. Ral lehlam kan thlen theih nan, rorelna dik min siam la,
Kalphung Thar leh Zo-Messia min pe la!
Leilung nghahfak Tlang Thianghlim, thilsiam tinreng zalenna;
Chatuan Tlang tawp ret-a ‘Malsawmna Ram’ chu kan luah tawh ang!
……………………
February 25th, 2011 at 9:25 pm
Kei pawh, ka pualin a la phuah ve dawn bik bik!… tiraw, mate ai? :p
Pu ZG @9, Vawi za ka (Y) !!
February 25th, 2011 at 9:36 pm
@9 chu a pui riu reu hle mai..a thluk neia sak a va chakawm em (Y) 🙂
February 25th, 2011 at 9:37 pm
@ 8 : Pu Shai..tunah tan nghal zawk ila..D key pachal ka hmet ran mai dawnah…”Tudang leng hawi lo la,tha Valmawi.I zunngai min hnem la; Ka dawnin awmhar nau ang ka lo tap” la..la..la..tra..la ..la .. 😛 😀 😛 (K) hihihi
February 25th, 2011 at 9:40 pm
Aw zoram, zân thim a lo thleng mek e,
chatuana var leh tawh lo tur khua chuan a tuam mek che,
doral lian sum leh pai zûn a uaina chuan,
i mifing leh mithrate thluak a su mek si..
I thalai rual ten khawvel tukverh an dak chhuak a,
an zahpui ta che, an sel che, an endawng che..
Ngawdur kara Zotui thiang tak luang ker ker te chu,
thlangkawrvai ngal sin in an rawn dai nu tran ta,
zoram khawvar hun thlir a zanthim hnuaia rinawm tak a nghak tu te paw’n,
vai khawnvartui bak chhit tur an nei si lo..
Lolzzz…k pum a na ltk.. 😀 😀 FIAMTHU! NOI.
Good post (Y)
February 25th, 2011 at 9:40 pm
Zoram hring nuam leh parmawi
Officer leh engineer lo tawp lo taia lalna ram,
NLUP hmanga sum sem
Chang ho vannei, chang vel lo vanduai,
Sixth Pay Commission hmanga hlawhtam tawhsa in pek belhna,
LPG gas cylinder lah duh duha lei ve theih lohna,
Zu khapna dan rualrem lo taka lekkawh,
Kristmas leh Kumthar result September vela piang pawp awp
Kristian inti corrupion lama inhmang ngaina riau si
Vai ho buhfai ringa thang thum thang li lai awm tawh
Cheng vaiblechhe sang tam sen hnu pawha
Greater Aizawl Water Supply tui haw fep fep chauh
In ngaiin in hmu tai hle thei hi a lawmawm ka ti.
February 25th, 2011 at 9:45 pm
@11: A thluk a awm sa e…Zaithiam pakhat chuan a zir mek ni awm tak a ni 🙂 Thil awm dan azirin kan la ngaithla ngei ang chu…
February 25th, 2011 at 9:48 pm
Lalkawlhawk atan ka phuah hun chuan an bang nghal vek ang..hehehe
Pu ZG..I thinlung i phawrh chiang ngei mai..Kei chuan vawi 200 ka (Y)
February 25th, 2011 at 9:55 pm
mate ainawn, kar a hla si ka Youtube ta mai… 😛
February 25th, 2011 at 9:59 pm
He lai chu Poem in lo in phuah siak a ni lo maw?I’n va phuah thiam hlawm ve aw. (Y)
February 25th, 2011 at 10:04 pm
http://www.youtube.com/watch?v=sjCw3-YTffo
February 25th, 2011 at 10:05 pm
ZG, a va rapthlak em!!!!
In thiam hlawm hle mai, ka han ti ve chhin:
Anpai, Sappui tawna tlawm tawh hnu,
A ngur lallai dawi ang lo dawmtu;
Tinreng sepui ianga lo tuartu.
Nunmawi nunhlu hawihten an vulna,
Zaitin thang thalengten an remna;
Parmawiten tlangtin mualtin bawmna.
Aw, ka ram, ka ram ngei hi,
Lianchi iang sakhmel pu hnu kha;
Tahngai sakhmel a lo put tak mai le!
Ka tuar thiam lo ka thlir ngam lo,
Chhunglam pawnlam hmelma sulhnu;
Khawi kipah pawh a lang si maw!
Aw, Zoram zuangin tho la Zuktuai iangin,
Hmatiang i sawn ang kal lai relin;
Chutin thang leh tuai tharte lunglawmna,
A thleng ngei ang kan ram ngeiah.
February 25th, 2011 at 10:11 pm
(Y) (8) (Y)
February 25th, 2011 at 10:11 pm
http://www.youtube.com/watch?v=H0pUl5f8wwA
February 25th, 2011 at 10:24 pm
http://www.youtube.com/watch?v=j7-i43W4mqw
February 25th, 2011 at 10:27 pm
Pu Shai, YouTube lo khan nangma ir awm chhuak ngei ‘multi coloured black and white’ kha rawn theh ve teh… ti lo chu ka ti leak tho tho ang 😛
February 25th, 2011 at 10:33 pm
@ 20 muante..i van dek nalh thei ngai em.. (Y)
Kha Apple cyder kan hlui ang che aw.. (D) 😀
February 25th, 2011 at 10:37 pm
an ulitimate in rock show ever…
http://www.youtube.com/watch?v=C4MFxcFofkY
February 25th, 2011 at 10:42 pm
and i love this song
http://www.youtube.com/watch?v=-xnyHG96vY8
February 25th, 2011 at 10:45 pm
Pu Shai..ka ngaithla ve theilo, Net-work chhe lutuk, naktuk zingah ka try leh dawn.. (Y)
February 25th, 2011 at 10:50 pm
and i like this song
http://www.youtube.com/watch?v=-CqYYtXG9n4
February 25th, 2011 at 10:50 pm
Thank you mate… Ku shai hi engati nge youtube thlarau a chang thar em ni?
A hawi ruai ruai
A ban chut chut,
A thlang kual e,
A theh kual e,
Sappui hlimthla,
Duhzawng a ngah,
Zawn chhuah a ngah,
A zunah a uai, ku shaia
Youtube zunah,
hairehai!!!
February 25th, 2011 at 10:52 pm
24
VaiVa Says:
February 25th, 2011 at 10:27 pm
Pu Shai, YouTube lo khan nangma ir awm chhuak ngei ‘multi coloured black and white’ kha rawn theh ve teh… ti lo chu ka ti leak tho tho ang
haha… VaiVa, minpuan zo vek ang e aw… hehehe…
February 25th, 2011 at 10:55 pm
muantea #30, Fonz in min zim hneh tawh a nih ber awm hi… hahahahaha… 😛
February 25th, 2011 at 10:56 pm
Tunlai chu tuihnang in ngah hlawm riau
February 25th, 2011 at 11:02 pm
ninja… ngawi reng in kan ngaithla mai mai tawh teh ang… 😛
February 25th, 2011 at 11:02 pm
Avan fuh vele. Thu in lo thiam hlawm kher mai (Y)
February 25th, 2011 at 11:10 pm
Admin lamin hetiang lam intihsiak na siam se tha anga
February 25th, 2011 at 11:15 pm
In rapthlak hlawm lutuk!
February 25th, 2011 at 11:18 pm
I va phuah thui thei zawk ve. Tuaisiala sawi ang deuh khian in inkarah enge mawni a awm chiang mai. In pahnih khan Zoram Khawvar chu nghak dun ngat ngat mai teh u.
February 25th, 2011 at 11:18 pm
YMA Day ah phuah chawpin hla tlar 1 te te kanin chham chhawk a…
Ninja: ‘Aw, lenrual lungduh zawngte kha…’
Ninja thianpa: ‘An kim zo ta…’
kan va nui bu ru tak em 😀
February 25th, 2011 at 11:27 pm
Kan thlir, kan sep, kan nghak thruap e;
Ram thla kan pharh – kan kawk, kan hril…
Sappui ram reng ngai tawh lovin,
Van mi iangin kan nuam tawh ang.
Kutdawh thinlung rial ang ralin,
Kan par dawn si, khua vel chuanin;
Khawizu hnuntui kan tlan ang a;
Chhung tin naunawn kan puar tawh ang.
Zoram a’n khua a var hun chuan…
Kei zawng min zel min zen nakah;
Ka chhawih tlat tawh ka mawl hû tawh,
Duh tawk mai ta’ng ka át hmain,
Khawvar hma hian ka fam dah ang!… :p
February 26th, 2011 at 12:28 am
Hmatiang kan thlir
Duhai kan sâm
Mirual kan awt
Zofa kan lawm
Zoram khawvar nghakin!
Thinlai a zîng
Damlai a thim
Lunglai a zîng
Krista kan ring
Zoram khawvar nghakin
Mahten ka dâwn
Hmatiang ka sâwn
Lenrual ka sâwm
Mi(sual) ka kâwm
Zoram khawvar nghakin…
Nau angin ka vei
Theih angin ka bei
Neih angin ka lei
Duh aiin a rei
Zoram khawvar nghah hi!
Ka’n ti ve chhin ang e… in deuh awih loh Zoram khawvar hunah 😛
February 26th, 2011 at 12:31 am
ZG nen a Lungleng kal thlak hun a nghahhlelhawm mange (Y) 🙂
February 26th, 2011 at 8:26 am
@ carri…nia, Zoram Khawvar hunah Burma ramah i pem daih ang nang chu. 😛 😀 😛
February 26th, 2011 at 9:11 am
Khawvel chhuahsanin Chittagong ah zawk maw le.
February 26th, 2011 at 9:21 am
Ka thianpa hlaphuah hi a ril asin….
Bawihte, Bawihte..
I tello chuan;…
Khawvel hi a bawng..So la ti dawwwww… 😀 😛 😀
February 26th, 2011 at 10:22 am
Eve ate,
Adam too.
Khawvela poem tawi ber a nih khi!
In va hneh ve, sawh tel lo paw’n! Nula pakhatin mi sms a, “I mi ngaih danah hian ZAWNG a tel,” tiin; ka zak ru ra! Mahse, kan inngaizawng ta nge nge a.
February 26th, 2011 at 10:32 am
Van nalh emm..@rempy bakcheh ka (Y) che! 😉
February 26th, 2011 at 10:33 am
Awi ha! hla phuah in thiam hlawm lutuk a, keini ang tan chuan, a chhiar ringawt pawh kan harsat ania! In ngaihsan awm hlawm hle mai! Mate Ainawn hi thu a thiam chiang ania! ZG chu luck hle mai! Mate Ainawn in i tan hla a phuah sak che ania! (C)
February 26th, 2011 at 11:47 am
Maisek..ka lawm e..ZG chu a nghah Zoram khawvar hi a tak ram kan dai hunah a nuam dawn em a lawm..
(Y)
February 26th, 2011 at 11:58 am
@ Chawnghilh ..ngaihzawng sawi suh..i ler reuh lutuk.
Engtin ngai maw ka rual Duhte’n;
Tlangrel dawn lovin Chawnghilh a van ruai e’
Di zun a na lunglai a fan.
Zan mu a chhing theilo sakhmel tawn leh nghakin.
Sakhmel tha chuang duhaisami,
Zawlkhaw mawitu i tling zo ngei,
Nang ngei hi maw thian Chawnghilha’n;
Anka nem a lo hlan thin.
Chungkhuanu’n a duang thiam ngei che,
Chhingmit lenthiam Valin a thlang che.
Entin Biathu hlan ve che maw..?
Run hmun lendun a rem law ni.
Hahaha… (*) (K) (F) (U) (W) 😛 😀 😛
February 26th, 2011 at 12:03 pm
Ka nghakhlel, Nunhlui hi!
Ka phak lo, in tui si.
Ka châk ngei, Ainawn nena indi!
Ka tlak lo, i mawl min ti,
Ka zak ngei, hnar lawrh lawrh khi!
Kan fak a che, Pu ZG!
I pi-in i sì min ti.
Ka lai a na, ka tap, ka sa.
Ka thiam ve thlawwwwwt lo!
February 26th, 2011 at 1:28 pm
@ Ts…..
Di neilo Paula’n a sai an ti,
Fam mah ila min sai bil tawh hlei lawng e…