[youtube]http://www.youtube.com/watch?v=X5dgJwEvhrA[/youtube]
(Ka vawikhat thil post-na ni reng mai ka ti…A buh nuaih mai, ka sawichhuak thiam lo ka sawi tum hi..A video en hian in fiah zawk ang..Derek Redmond chanchin hian min hneh hle a,a tumruhna leh a beihna te hi entawntlak a ni.
Kan hre vek tawh maithei nang’in ka misual pui te zingah lo la en lo leh hre lo kan lo awm tak hlauhin tih thuah ka ron post a ni e.)
Kum 1992 Olympic chu ropui takin Barcelona khawpuiah nghah ani a.Ram hrang hrang atanga infiammi mahni ram tana Gold Medal hawn tum te chu an kat nuk mai a.
Chung infiammi tamtak karah chuan Derek Redmond,British mi tlanchak tak pawh chu tel ve in,a hma,kum 1988 Olympic 400m intlansiakna a inhliam avanga tan hma minute 10 a a inhnuhdawhna chu hre rengin,Pakhatna nih a tumruh hle mai a.Kum 19 mi lek a nih laia 400m intlansiak a british record a lo siam tawhna chuan phurna ape a.Khawvel mipui hmuhah a theihna chu pho lan a tum ruh hle a ni.
AN TLAN TAN TA E..
Semi Final a thleng hmasa pali chuan Final an lut thei dawn a ni.Chu chu hre rengin Derek-a pawh chuan phur takin a awmhmun lamah chuan a insiamrem ve tan ta a.A rawn ri dur ta…An tlanchhuak tan ta reng mai….Derek-a pawh chu tha tak a rawn tlanchhuakin hmahruaitu a rawn ni ta mai.
A tawp thlen nan 175m chauh a awm tawh tihah engkim a danglam zo ta.Derek-a chu intlaksiakna kual chhungah chuan a bai ta auh auh mai le,a hamstring vanga harsatna neiin a tlanzawm thei ta lo.A hnunga tlan te chuan an rawn lehpel ta suau suau mai le.Olympic Medal hlu tak mai a lo beiseina te chu chawp leh chilhin ahnena ta chu lak bo sak in a awm ta.A hmelah a na ani tih a hriat a,rei pawh ding chhunzawm thei lo in a tlu ta a.
Chutah le medical unit lam chuan bawihsawm a ngai a ni tih hriain hlang nen intlansiakna kual chhung lam chu an rawn pan a.Chung medical unit rawn tlan lut a hmuh veleh chuan Derek-a chuan “Thil theih a ni lo,kha hlangah khan mu in min zawnchhuak thei lo ang,he ka intlansiakna hi ka hlenchhuak tur a ni” tia auin,thei leh thei lovin a awmhmun a tang chuan a ding chhuak a,khawngkhaw bai auh auh chungin,a kut lehlama a malpui vuan chungin intlansiakna kual chhungah chuan a bai phei ta auh auh mai a.A hmuna entu mipui 65000 zet mai chuan ding chungin,kut bengin an lo lawm dur dur mai a.
A fapa tumruhna leh a beihna chu a pa Jim Redmond,amah hmangaih em em tu leh mipui zinga tanga lo thlir rengtu chuan a hmuhin,a fapa chu puih angai a ni tih a hria a.A awmhmun atanga rawn chhuk thlain,a fapa awmna lam chu a rawn pan ta a.Security te chuan lo dang betin a ni chuan “Saw saw ka fapa ni a,puih a mamawha ka pui dawn a ni” tia au letin a kaltlang an phalsak ta a.Tichuan a fapa chu va kuahin a pa chuan “Ka fapa,heta hi ka awm e.He intlansiakna hi kan hlenchhuak tur a ni”.Dereka’n a pa hmangaihna a hmuh chuan a insum zo lo chu a pa koki ah chuan hmai nghatin a tap ta zawih zawih a.
Tichuan chu intlaksiakna chu an pafa chuan chhunzawm zelin mipui kut beng leh au thawm pawh a ring tha kher mai a.Finishing line a tang a hla lo teah chuah Jim-a chuan a fapa Derek-a chu thlahin amah chuan chu finishing line chu a cross tir ta a ni…
March 11th, 2011 at 10:44 pm
A ngaihnawmin a tumruhna a ropui khawp mai.
March 11th, 2011 at 10:51 pm
Hmanah pi HV an misualah a rawn dah tawh.
Mahse han en leh pawh hian rilru chu ala khawih tho anih ber hi a. (Y)
March 11th, 2011 at 10:55 pm
eh..lo chhuak reng ni maw…vawi khat post na tih takah more tag dahna chang pawh ka lo hriat ve loh chu…inthlahrun awm hle mai home page ah a in pharh thla duai a…admin te khan khawngaihin min han siam sak teh u…
March 11th, 2011 at 10:56 pm
He thil hi ka en ve tawh, rilru a khawih takzet ani.
March 11th, 2011 at 11:07 pm
Ka voi khat hriatna.. So touching. :’-( (Y)
March 11th, 2011 at 11:10 pm
Hmanah kei pawh ka en tawh….ka duh ltk a a video pawh ka nei reng. (Y)
March 11th, 2011 at 11:21 pm
Pi funny i dam thin maw?
March 11th, 2011 at 11:26 pm
rilru a va khawih ve
March 11th, 2011 at 11:31 pm
OT: LENGZEM website hi ngaihnawm top! Interesting ve pangai! (*) chhiar tur tam khps mai.. 😛
March 11th, 2011 at 11:37 pm
Pu HV #7: lolz 😀
Pi chu iva duhloh hmel ve. 😀
Ka type sual palh kalo chiar nawn silova ka edit hman tawh silo anih khi, keyboard ah hian U leh I hi a in hnaih lutuka, laptop ah chuan a hmehna alo chep deuh bawknen keyboard pangngai hman thin bawksi chuan tum vang reng nilova han type sual mai hi a awl.
I duh vaklo anih hmela min rawn kah let danah, nuam ka ti phian, min ti nui vur vur. 😀 Mahse, ka rawn fiam na che pawh nilovin ka tihsual liau liau ani e.
March 11th, 2011 at 11:39 pm
Athletics kan tih ve tak tak lai a ngaihawm hle mai.100mt intlansiak dawna”get set”an tih tawh hi chuan thin hi a phu rang duh teh a nia.
March 12th, 2011 at 12:10 am
Tlangval Pi funny, keipawh chaw ka ei san daiha kalo kir leh chiah, mahse ka kal lehnghal dawn hairehai 😛
March 12th, 2011 at 12:11 am
Ka lo hre ve pek hauh lo mai.
A ropui hle mai.
March 12th, 2011 at 2:24 am
i like x 50 (Y)
Vawiin office lama ka mood leh thil tawn nen a inrem lutuk… a tawpa thu rawn inziak khian ka mittui a ti tla shawk trep a ni 🙂
March 12th, 2011 at 2:55 am
Whenever i watch this vedio i am reminded of God’s love for me and how my love will be for my children if i were married…
Good Post Fellington.
March 12th, 2011 at 7:19 am
A va entawntlak em! A tumruhna, a huaisenna, a tih hram hramna leh an pafa inhmangaihna lan chhuah dan khi!
March 12th, 2011 at 9:55 am
Pi HV leh Pi funny te pawh hi an tumruh ania aw. He post hian ka hnuk a tiulh tep a, hemi te pahnih in Pi tawn vel hian min tiho zo vek mai.
March 12th, 2011 at 1:46 pm
A va han ‘touchin’ deuh ve. Ka la en ve ngai reng reng hleinem! Zir tur tha tak i rawn thawh chhuak reng a lawm le. ‘TUMRUHNA’ (Y) .
March 12th, 2011 at 4:03 pm
Good post..lo la en ve hauh hlei nem le…
Nike ho advertisement te pawh a ang deuh viau tho mai a..hehe
March 12th, 2011 at 9:09 pm
@lrpa nike hoin advertisement ah an hmang…visa advertisement ah pawh an hmang bawk…. 😀