1.A ram awmdan vel chu Total Station hmanga endik hmasak phot ani a. He Survey hmang hian Bomb(Geletin) halna tur kua (shot hole) verh te leh Geophones(Data recorder) awmna tur vel pawh picket number pek hmasat phawt ani.
2. Survey neih zawh hnu hian, Bomb halna turin shot hole 20-25 m a thuk, 3.5 inch diameter a zau in lei chu verh ani ta a. Shot hole hi 50m dan zel ah verh ani.
3.Tichuan bomb,data record na tur GeophoneS chu kawngdung ah chuan wire hmanga thlun zawm thlak vek an ni a heihi, Layout tih ani. Tichuan Geletine Bomb (Class –II explosive )pathum chu thlunzawm in shot hole ah chuan thunin an hal puak ta thin ani.
4. Bomb hal puah nghawr avanga energy lo in siam chu Geophone chuan a lo record, chu data chu computer ah thawn lehin lei lung pian hmang leh inthuah thip vel dan chu an zir chiang ta thin ani
Kum nga dawn lai Mizoramah hian Oil zawn hna hi thawh ani tawh a, Tunah hian a zawn hna thawhkhat na chu zawh tep ani tawh. Mizote zingah Bomb halna tur(shot hole) verh hi Oil zuk verh chhuah tum a verh emaw ti kan tam hle, a leilung zirna tan chauh a verh ala ni e.
Tunah hian Meidum lam ah chuan a verh tak tak(exploratory well ) tan mek ani a, hei hian Oil awm leh awm loh chu ati chiang dawn ani. Thenzawl leh a chheh velah pawh hian hmun nga vel tur a verh tum ani a mahse verhna hmun tur tak hi la thlan fell oh ani e.
Similar Posts:
- Chawhpawlh
- I am OK – Jen’s story from 9/11
- Breaking News: Mumbai ah Bomb puak!
- Oil i lai chhuak ang aw
- Hnam Run ah bomb puak
March 15th, 2011 at 7:07 am
ralkhat atang hian lo thlir ve phawt teh ang
Report this comment
March 15th, 2011 at 7:32 am
tam tak lo awm hram sela, han laichhuak teh reng ila… eng tak ang ang maw??? hmalam hun tur ngaihtuahin a lawmawm a, rilru a ti hah bOk!!!!
Report this comment
March 15th, 2011 at 7:54 am
A ni khawp mai.
Report this comment
March 15th, 2011 at 8:38 am
A bengvarthlak e. An hmasawn dan rawn update zel rawh khai.
Report this comment
March 15th, 2011 at 8:42 am
A lo nih tak khi! An lai chhuak dawn tawh emaw ka lo ti ve mai a!
Report this comment
March 15th, 2011 at 9:06 am
Ram zau tawk nei ila,an laihchhuahna hmun vel ni se…compansation hmu teuh bawk i la,misual hoin chaw eikhawm ta i la,tiin ka lo suangtuah daih chu le
Chuan India ram mai ni lo Foreign thlengin misual tour sponsor bawk i la…
Report this comment
March 15th, 2011 at 9:09 am
thian tha@ ka thlawp khawp mai che. Oil hi a lo tam em em anga kan buai leh si angah…
Thianpa pakhat Aizawla Krismas leh kumthar an lo hman khan ka lo zawt vel mai mai a, “thil tha tam tak a ken rualin environmental issues a awm thei a nia” a tih khan rilru a kam ve khawp mai. India lama Oil company lian tak pakhata SE lai a ni ve tawh a hrechiang turah chuan kan ngai ngawt ah….
Enga pawh chu nise hmasawnna ropui tak pakhat chu a ni reng reng e
Report this comment
March 15th, 2011 at 9:16 am
@Thiantha, Elarkhawlhring, Rilru atih hahna tur leh kantan athat lohna tur awm thei hrang2 ni a langte chu a point in han sawi ula kan sawi zau dawn mi niang?
Report this comment
March 15th, 2011 at 9:39 am
Vlchinzah @ Ka zir lam thil chu a ni lemlo. Tunah hian a bul kan tan dawn chauh a ni a, a ram neitu kan fimkhur theih nan a hnuaia link te hi ka en atan mai mai
https://www.tropical-rainforest-animals.com
https://www.ehow.com
https://www1.american.edu
Report this comment
March 15th, 2011 at 9:54 am
Enviromental impact i tihna ah ka ngai a, adik khop mai thil re2 atha awm tur chuan enge mawin atawrh angai ve bawk ani.
Oil hi lo awm ta teh reng pawh nise, Oil hlutna tur leh enviromental impact awm tur thleng khan zir chian ani anga chuta Oil laih chhuah kha nasa tak a hlawk thlak zawk anih chuan an lai chhuak chauh ang. anih loh chuan an laichhuak lo mai ang. Oil awm zawng2 hi an lai chhuak lemlo a hlawk dawn loh chuan.
Nia thil thar kan hmachhawn mek a hetih lai erawh hi chuan fimkhur tak a kan kalpui chu angai ani. Chutih rual erawh chuan Oil awm nge awmlo pawh la hriat hauh loh a, a hlawkna(Royalty) te, leh thildang hrang2 kan lo buai hma lutuk hi chu that lohna chin a awm. Kan state hian ama pualin engti kawng mahin a zawng chhuak dawn lova ngunthluk tak a kan nghhahhrih hi a kawng ber ni in alang
Report this comment
March 15th, 2011 at 9:57 am
‘A awm e’ ti ta chiah se la, a tirah chuan mipuite kan lawm ngawtin ka ring, a hlawkna pawh direct taka tel ve kan inbeisei ngei ang. Amaherawhchu, a tam zawk fe tan hi chuan beisei ang a ni hauh lo ang, vui leh vaina a tam ang a, a rei deuh hunah phei chuan ‘bomb chhiat’ duh pawl an awm ngei ang.
Chuvangin, a hre deuh hi chuan mipui tena kan beisei dan tur tawk vel hi min hrilh teh u, a chian hma hian.
Report this comment
March 15th, 2011 at 10:23 am
@vivia, kan sawi tawh thin nsawi nawn leh ang.
1. Mizoram ang (onland) ah chuan state sawrkar hnen ah product atang 12.5% an chhunglut tur ani. Hei hi kan chan lian ber tur ani.(PSC Participants shall pay royalty at 10% for crude oil & natural gas in offshore areas. For onshore
areas the royalty shall be at 12.5% for crude oil and at 10% for natural gas.)kan ram ah hian matural gas a awm zawk an ring.
2. Exploration tih chhung hian, Deposits, Licence Fee, Dead Rent and Surface Rent state sawrkar ah chhun bawk ani a a pek dan tur chu:
a. Rs. 200 (Rupees Two Hundred only) for the first year of the licence
b. Rs. 400 (Rupees Four Hundred only) for the second year of the licence
c. Rs. 2000 (Rupees Two Thousand only) for the third year of the licence
d. Rs. 2800 (Rupees Two Thousand Eight Hundred only) for the fourth year of the licence
e Rs. 4000 (Rupees Four Thousand only) for each subsequent year of the renewal.
No 2 na khi Geology and Mineral Resources in nikum chhung a revenue oil & gas sector atangin Rs. 3,46,37,760 an hmuh kha.
3. Pathumna ah chuan employment Generation kan ti thei ang
Tunah pawh khian manual labour ringawt pawh 500 vel hmundang Manipur, Tripura etc. atang an chaw lut. Kan ram ngei ah mizo thawk kan awm manglo khi a pawi ka ti khop mai. Manual labour tih vel hi direct tak a Mirethei hoin kan chhawr ve theihna awm chhun ah ka ngai.
https://i.imgur.com/JWWer.jpg
Mizo kan awm ve lo.. Hnam dangin kan ram thau an sawk mek e.. Kan thiamloh ani
Report this comment
March 15th, 2011 at 10:32 am
I ti tha e. Post tha tak ani.
Report this comment
March 15th, 2011 at 10:36 am
Oil chungchang hi kan hre fo a. An hnathawhna hmun ngeia kal a zirchiang kan tamlo hle. Mi sawi mai ring lova a hmuna kala i zirchiang thei hi i fakawm hle mai. Thildang pawh han ti zel teh.
Report this comment
March 15th, 2011 at 10:57 am
@vlchinzah, min chhang a, ka lawm e, tlemin ka fiah kuarh! sawi nawn fo te hi a ngai thin ve bawk a nia,keini ang zingah hi chuan.
Tun hma deuh atang tawh khan kan ramah oil laihchhuah a nih chuan mi nawlpui tan pawha hamthatna, hausakna tur anga ram hruaituten an sawi ngaithla/hre pha chin kha kan la tam riau a.
Report this comment
March 15th, 2011 at 11:01 am
Kan ramah hian industry liantham tak awm nual sela thalai hna hmulo pawh kan tlem deuh mahna.
Report this comment
March 15th, 2011 at 11:05 am
Tuifinriat tui hi Oil ah chantir dan a awm mai lom mo ni le.?
Report this comment
March 15th, 2011 at 11:21 am
@vivia, kan sawrkar hian thildik tak atih te chuan kan hlawkpui in kan hauhsak phah reng dawn alawm. khing chhiah chihrang2 te khi indirect takin mizo mipuite kut ah lut tur ania. sawrkarin dik tak leh fel tak a ro a rel chuan.
Report this comment
March 15th, 2011 at 11:21 am
ava bengvar thlak em!
Report this comment
March 15th, 2011 at 11:26 am
@vlchinzah, mipui te hian rinngama awm turin kan sawrkar hi kan kar angai in ka hria. Chumi anih loh chuan kan ram tana thil tha tak tur kha thil chhe takah a chang ang tih ka hlau khawp mai.
Report this comment
March 15th, 2011 at 11:32 am
Bengvarthlak a lem nen lehnghal
Report this comment
March 15th, 2011 at 11:38 am
@ Sangpuiipa, A dik chiah, Assam ram ah kum100 chuang an lai chhuak tawh. A rethei ho chu an rethei tlawk2 tho kan ram ah pawh kan bultan dan (system) a fuh loh phawt chuan Mirethei ho kan rethei reng tho anga, Hausa ho an lian thur2 mai ang.
Report this comment
March 15th, 2011 at 11:50 am
Engineer post nge nge, a chiang kek kawk thin mang e. Zawhna zawh pawh a huam khawp mai, han zawt chur chur teh u. A chung bera thlalak khi Vl Chinzah thlalak anih khi……
Report this comment
March 15th, 2011 at 11:52 am
An generator zawn chu a rih hmel leih lawih mange.
Report this comment
March 15th, 2011 at 12:21 pm
Bengvarthlak khawp mai. Meidum lama an verh hi titi satliaha prospect a tha viau an tih bak hi chipchiar deuh hleka sawizau dan a awm lo maw?
Report this comment
March 15th, 2011 at 12:24 pm
Vlchinzah@ Lawmawm lutuk e, hei aia chiang zawk leh darh zau zawk turin awareness Mizo mipuite hian kan neih theih nan tan han la tang tang teh. Bengvarthlak khawp mai
Report this comment
March 15th, 2011 at 1:04 pm
@ Ku Muanga, Tha teh reng mai, Meidum mai nilo, mizoram pumah khian a tha vek. Mahse sawi tawh fo ang in, Hlawhchham pawh awm ve thei ani.
Hmanni a Project Manager nena kan in kawmna ah chuan Mizoram a an thil hmuh a Disadvantage ber chu kan Lung(leihnuai a mi) an zuk zir chian ah metamorphos rock(Pressure leh Temp sanga vanga sedimentary rock lo morphous) an hmuh nual vangin kan ram a Crude Oil te hi a lo chhuak(escape) tawh mai awm ma nge tih rinna lian tak a awm.Mahse a awm ngei erawh an beisei.
@Elarkawlni, ani khawp mai,nia kan la tum zel ang chu…
Report this comment
March 15th, 2011 at 1:29 pm
@vlchinzah, Meidum lam rock structure (anticlinal structure) hi oil prospect a that thu an sawi leh an bawhzui tak dan tlangpui an sawi chu ka hre tawh na-in Mizoram pum prospect that thu chu ka lo hre hlei nem.
Oil a lo escape palh hlauh chuan a pawi ngawt ang, Assam lam hi a rukin kan lo feed char char mai ang tih a hlauhawm alawm le.
Report this comment
March 15th, 2011 at 1:46 pm
Oil chungah Mizoram a lan leh lan loh a chiang dawn e
Report this comment
March 15th, 2011 at 1:48 pm
https://i.imgur.com/R3z8f.jpg
https://i.imgur.com/M5Nb3.jpg
Crude Oil awm duh dan a, India ram sedimentary Basin an then hran dan hrang2 mizoram pawh awm duhna ber tur ah dah kan ni a chung link pic ah khian a awm e
Report this comment
March 15th, 2011 at 1:54 pm
@ Kumuanga, a chung pic khi lo en teh hriatthiam mai ka ring.
Oil escape ka tih khian leihnuaiah Assam ram ah a luangthla tihna ni lovin, Temp leh Pressure nasa lutuk leichhung ah a awm chuan lei lung te chu a ur chang vek ta thin a chu chu metamorphous rock kan tih chu ani. Temp leh Pressure sang lutuk hian OIL or GAs awmsa ahmang zo ta thin ani.
Report this comment
March 15th, 2011 at 3:25 pm
@vlchinzah Excellent post and comments.
Report this comment
March 15th, 2011 at 3:48 pm
@ Rempuii, ti lawmawm thin e.
Report this comment
March 15th, 2011 at 4:19 pm
Hetiang lampang hi chu Ku Muanga hian a lo zir sil ve nial tawh tlata ka hriat chu le….
Report this comment
March 15th, 2011 at 4:40 pm
Total station (LEICA)hmangin an survey tihna a mi? Engtin nge lei chhungril a oil awm khi tiang khawl hmang khian an survey ang aw?
Report this comment
March 15th, 2011 at 4:59 pm
@ SillyBoy, ni kan ti thei a, nilo atih theih bawk.
Step hrang hrang khi chhiar chiangla i hriat thiam mai ka ring.
Total Station hmang chuan Distance, orientation, Elevation etc vel an teh a, chumi hmang chuan Geological Map an siam thin.(Kei ai mahin i hriat zawk ka ring heng vel hi chu he2..)
Lei chhungril chu Bomd puak nghawrin seismic wave asiam kha lei chhung Layer hrang hrang ten lo reflect, refract, or Absorb ta thin a, reflected ray leh refracted ray hun hman rei zawng kha geophone in lo chhin chhiah in computer ah a thawn ta thin ani.
Chu Data chu Processing, Interpretation hnu ah stuctural map siam nan an hmang thin zawk ani e.
Report this comment
March 15th, 2011 at 5:19 pm
Yes, post leh comment ka tan e. Kan bengvar ve leh ta sawt mai!
Report this comment
March 15th, 2011 at 5:42 pm
@vaiva, post ngawt tur chuan a thui lutuk dawn a in ning palh an tih kan hlau lawm le
Report this comment
March 15th, 2011 at 6:57 pm
Vlchinzah@ Hnathawka an chhawr tam zawk hmandang an ni e tih khi a dik anih chuan a zialo hle mai. Site Inspection an neih lai leh acquisition an tih lai khan vanneihthlak takin Site ah tum hnih ka kal ve a. Chutah chuan ONGC CE Parashar hnena ka zawhna pawh helam hawi hi ka zawt tam hle a. Min chhana ah chuan a theih ang chin chinah, a bik takin manual labour velah chuan, Mizo, a bik takin Hortoki leh a chhehvel khuaa awmte chhawr an tum thu a sawi a. Tunah a hna tam tak Mizo ten kan thawh theih a awm ve laia hnamdang deuh vek an chhawr anih chuan Issue lian tak anih chu le…
Mizoten kan thawh ve theihloh thil tam tak a awm ngei ang. Chutiang hnaah chuan a thiam apiang chhawr ngei rawh se. Mahse kan thawh ve theih ang chinah pawh hnam dang an chhawr zel anih chuan a diklo khawp mai. Assam a Oilfieldah te leh India ram hmun dangah manual Labour atan Mizopa tan chance a vang viauin ka ring, thiamna bik kan nei anih siloh chuan. An agreement ah pawh khan a chuang ngeiin ka ring tlat.
Report this comment
March 15th, 2011 at 9:25 pm
Pic 6 khian e nge a hrilhfiah ve le
Report this comment
March 15th, 2011 at 9:42 pm
vlchinzah, Oil leak sual etc etc ilo emergency response hi Mizoram lama hman tlak tur training an awm tawh em? Chutiang angah te chuan mahni ram a thawk tur ngei train theih sela aw?
Hetiang te te te hi hna zawnna tha ala nih theih ka ring.
Bakah akiang hnai ami chengte chuan chutiang lam tlem tal chu hriat hrim2 a that hmel te ka tia. Helamah chuan hetiang hi an ngai pawimawh khawp mai. An ngai pawimawh chung pawhin chhiatna tam tak ala awm tho a, ngai pawimawh lo phei sela chuan chuti hlauh anih theih ka ring.
Report this comment
March 15th, 2011 at 10:20 pm
@ HV Adik chiah nimin ahnpawh paper kan present naah Safety Measure hi engtin nge an kalpui min tia, kan ram ah chuan an kalpui der si lova hrilh hai thlak tak ani.
Hna avang kan tih hian kan zawng thiam lo ani chawk thin tunlai ah chuan kan tuina piah lamah opportunity hi kan velh ve ngai in ka hria.
Report this comment
March 16th, 2011 at 12:45 am
An drilling machine chu a va han te lulai ve le.
Hmanah ONGC ah ka thawk tawh kan verhna chu truck pahnih pakhat zawk chu tui supply tu ani a tui hmang a verh ani. hahahahah
Report this comment
July 23rd, 2014 at 11:15 pm
du lich
Crude Oil Mizoram a zawn hna chu le.. | mi(sual).com
Report this comment