‘Tehkhin thu mualliam hnu’ han tih tawp mai chuh! He’ngte hi tunlaia kan hman tawh loh, thuziakmite paw’n an hman zen zen tawh loh tlém azawng ka rawn thurchhuah a ni e.
Ar hnu tam ngên ang: Hman laiin ranho hi hnute an neih dan tur an ruat laiin arpui hian hnute sawm neih a ngên a. An han enin a awmna tur hmunin a daih lo va, a ngen tam luatah neih lohvah a tlâk ta a ni. Duham vanga thil dil teuhva hmuh loh vek sawina a ni.
Choak hnahthel rova tuam ang: Choak hi hnahthel rova an tuam hian a dum zûn chu a lang dum lehzual thin. Mi hâng deuh, thawmhna var inbel sawi nan an hmang.
Chuama rin ang: Chuama hi thiltih nikhuaa rinawm leh ti tur âwm taka awma ti leh mang si lo, a sawia sawi mai mai chi hi a ni âwm e. Mi rin anga ti leh si lote sawina a ni.
Hlete kan ang: Meihle hi tûm chi zinga mi a ni a, meihlete an ti bawk thin. Thangtung leh meihle atang hian meitalh atana meibû tur an la thin a, meihle atanga a bu lak chu kanin chawh sek a ngai thin. Chuvangin naupang ninhlei awm hle hle thei lote sawi nan an hmang ta a ni.
Hnahkhawrin mulek a hring: Hnahkhawr tui awmna bû-ah mulek a lo tui mai thin a, hre lovin hnahkhawrin a awmkeu a; a lo len hnuah mulek a lo ni si a, a awpkeutu chu a ei leh hlauh thin. Mahni siamtu leh enkawltu tihchhiat hmang sawi nan an hmang thin.
Hnuaipui hmang tur ang: Hnuaipui hmanga inthawi tur hian thil chi hrang hrang mei, thing leh tui, bungbel ilo kengin an bâwr lúk thin. Thil chi hrang hrang keng kim teh lúk sawi nan an hmang.
Hnah tum thiam hrai ang: Mi pakhat hnah tum thiam tak hi a awm a, a tum thiamzia ngaihthlak châkin an han hrai puar të të a. A han tum dawn a, a eipuar em avangin a tum tha thei awzawng lo mai a! Eng emaw thil ti tura mi rawiha rin anga ti tha leh thei si lo sawina a ni.
Mahni mal chunga sa chan ang: Mahni mal chunga sa kan chan chuan kan intibawlhhlawh lo thei lo. Chu chu tehkhinin mahni hmingchhiatna leh mawi lohna tura thil ti sawi nan an hmang.
Sa sehna hmuna hrui zawn ang: Sakei-in mi a sehna hmun hi a ralti hle a, thil phuarna tur hrui zawn dawn pawh hian kal thui ngam a nih loh avangin a bul maiah chuan hrui hmuh mai tur a vang thin hle. Chuvangin thil vâng tak zawn tumte hian ‘Sa sehna hmuna hrui zawn ang a ni maw?’ an ti thin.
Sai hnara bâk lut ang: Chemtatrawta thawnthua sai hnara bâk a luha hmeithai in a chil chhiat thua an chhuahchhalin an inpuh kual zel a. Mi thil tih dik loh chhuia an lo inpuh kual zel hian ‘sai hnara bâk lut ang a ni’ an ti thin.
Tumbu-âr ang: Tumbu-âr chu sava lian vak lo, hmui zum dîn dên, harh hrák a ni. Chuvangin mi harhvang sawi nan an hmang.
Zawng chhîp deh ang: Zawng hian a chhîp deh hi a ngaitheilo viau a, a lu hi a lei vat zel a, khawihsak theih a ni lo fo. Mi thusawi thin khei tak a lo awm a, an thin a khei hle a, an phet vat hian, ‘Zawng chhîp deh ang a ni’ an ti thin.
Thulâkna: Pipute Tawngkauchheh by C. Saizawna, Headmaster, Govt M.E School, Serkawn. Kum 1969-a Milan Press, Zodin Cinema Hall bul, Aizawl chhut, Lalrinliana, Bara Bazar chhuah. Kum 1989-a chhutnawn.
Similar Posts:
- Electric wiring-II
- Kih hnawk aiin hrui hnawk
- Rotekawla sepui (tawng hman diknan)
- Lehkhachaih (Sunday pual)
- Veikhawr vs Veidak
March 17th, 2011 at 4:01 pm
TuaiSiala zarah hriatna a zau leh ta sawt e.
Thulakna chu chiang tha kelhkawlh hle mai.
Report this comment
March 17th, 2011 at 4:06 pm
tuaisiala .. i thil post reng reng hi chu a tha ka ti viau zel a ni
Report this comment
March 17th, 2011 at 4:09 pm
sai hnara bâk lut ang tih khi keichu ka hriat vawikhatna zu ni teh tlat a..
Report this comment
March 17th, 2011 at 4:14 pm
hnahkhawrin mulek a hring tih khi chu tehkhin thu a telh chi ani em aw ka ti deuh…
Report this comment
March 17th, 2011 at 4:16 pm
Ka rawn lut zuai.
I will be back soon in misual.com.
Report this comment
March 17th, 2011 at 4:17 pm
@Cyber, a bak zawng i hria tihna?
‘Hnahkhawr mulek hring ang maiin a siamtu a tichhia a nih hi’ tih ang zawngin an hmang thin..
Report this comment
March 17th, 2011 at 4:18 pm
@Cyber, a bak zawng i hria tihna?
‘Hnahkhawr mulek hring ang maiin a siamtu a tichhia a nih hi’ tih ang zawngin an hmang thin..
@Chhak-chhuak & Chhana, ka lawm e.
Report this comment
March 17th, 2011 at 4:24 pm
@ts, a awmzia hre chiangkuang lemlo chuan hre ve nial nual tawh hlawm… Tunah erawh tihvar ka nita
Report this comment
March 17th, 2011 at 4:34 pm
Thulâkna: Pipute Tawngkauchheh by C. Saizawna, Headmaster, Govt M.E School, Serkawn. Kum 1969-a Milan Press, Zodin Cinema Hall bul, Aizawl chhut, Lalrinliana, Bara Bazar chhuah. Kum 1989-a chhutnawn.
Alakchhawnna chu a chiang khufssss mai
Report this comment
March 17th, 2011 at 4:39 pm
a topicka en a tuaisiala nih ring ranin, a lo ni tak tak
tuaisial
Report this comment
March 17th, 2011 at 4:49 pm
@badboy: Fonz-a tih dan ka rawn la juai a nih kha! Lehkhabu hlu tak a nia, tunah chuan hmuh tur pawh a awm tawh kher lovang.
@Rose: I van ring dik em em!!
Report this comment
March 17th, 2011 at 5:30 pm
pawl 11 lei 12 ka nih laia kan zirlai ami te pawh a awm ve nawk mai a…tha hle mai…
Report this comment
March 17th, 2011 at 5:35 pm
Tha khop mai..tawng upa hi mizo 2 ah khan a chepa kaiin han soiteh an tichok thina zawhnaah khan..a awmzia hrehek lovin tuin nge maw chepa thlunga kai le hetia a chepa kaia an rontih mai ka ti a..anih loh leh chepa hi chu thing ah hian a kai zung2 hi mole tiin ka ngaihtuah thin a..kan hriat chian chuan chipchiar taka lo hrilhfiah tur tih na lek..loll..upa tawng lo pon soi theih narenga zotong tluangtlam pangngaia soive mai om..hehe..upa tawng kan tihte lah hi pawih,paihte ho tawng deuh vek ala nizuia…lolll
Report this comment
March 17th, 2011 at 5:46 pm
@zodaifim: I ho em mai a!
Tuna tawng upaa ka neihte hi Hmar, Paite adt tawng a ni fur a, hei hi eng nge a chhan ni ang? Tuna Mizo tawng pui bera kan hman hi dal chak tihna a ni thei ang em?
Report this comment
March 17th, 2011 at 5:50 pm
A tha hlawm khawp mai. Rawn ti zel rawh. Keep up the good work Tuaisiala
Report this comment
March 17th, 2011 at 5:59 pm
@tuaisiala,i thil post chu a bengvarthlak kher mai..
Chuama rin ang tih hi ka lo hre ve ngai miah lo va,Chuanga rin ang tih hi ka hriat dan chu ania..Chuanga hmingpum chu Lianchuanga a ni a, Dungtlang khaw pasaltha sa kap thei tak mai a ni a, sa kap an awm tawh phawt chuan Chuanga kah a nih hi an ring thin. A hnu ah a kut a lo chawlh tak deuh hnu chuan an ring sual an ring sual ta mai a, chuta tang chuan Chuanga rin ang tih tawngkam hi alo chhuak ta ni in an sawi..
sasehna hmuna hrui zawn ang tih hi a synonym an hman tlang lawn teh chiam loh a awm a, a zahmawh rawngkai lek lek a, chu chu hmeithai zinga z*ng zawn ang tih hi a ni..
Report this comment
March 17th, 2011 at 6:06 pm
Tehkhin thu thenkhat khi chu tehkhinthu ni lo in,mizo tawng upa (idioms) kan tih ang chi a ni nawk a, engpawhnise ka hriat loh tam tak ka hriat belh phah a Post tha tak a ni e…. Van Lal TS…
Report this comment
March 17th, 2011 at 6:08 pm
hei poh bengvarna bok maw.misual.com hi chu ka zirlaibu angah ka ngai hmiah mai.a va tha em
Report this comment
March 17th, 2011 at 6:19 pm
Kan venga mizo dang zon chu sa sehna hmun a hrui zon ang vel a ni.
GOOD POST.
‘hlete kan ang’ chu a hrilhfiahna nen poh k man lo a ni e..
Report this comment
March 17th, 2011 at 6:23 pm
@Terema: I hrechiang hle mai! Mahse, ka thu lakna bu inziah kum hi a rei ve tawh viau mai a, a rintlak zawk mai lo’ng maw te ka ti.. ‘Hmeithai zinga *censored* zawn ang’ tih hi chu kan hmang tlanglawnin pa phawk tak tawngkam chhuak a la ni reng mai. Chuvangin ‘…mualliam hnu..’ zinga telh theih a ni lo thung. Khi’ng tehkhin thu ho khi tunah hian a thlakna tunlai zawk kan nei deuh vek tawh àwm e. Tehkhin thu chhuak tharte hi pa tawngkam thiam, titi thiam, fiamthu thiamte phuahchhuah a ni tlangpuiin a rinawm a, anni hi an hlu ka ti.
@Bucko: Ka comment chung lam han chhiar chhin teh! Tawng upa ngawr ngawr chu an ni lo vek ang. A awmzia leh chhan ziakin a hman dan ka rawn dah tel lo atin ni.
@mik3s & swiftymcvay: Ka lawm e.
Report this comment
March 17th, 2011 at 6:29 pm
@ReMpY: A dangin entirna siam ta ila. Alu i kang a, i chawk sek a, i che sek mai. Alu pawh i chawk let sek a. Thian kawmnaah i phi cheng a, i che sek a, thiante mawng i kawm zeuh zeuh a, ‘alu kan ang’ i ni! Hrethiam tawh em?! Ka hrilhfiah thiam dan tawk a nia.
Report this comment
March 17th, 2011 at 6:37 pm
Chutiag anih chuan, ‘alu kan ang’ nilovin ‘alu kang ang’, ka nih chu. Ka alu kan kha a che sek lo a, keimah kha ka che sek ani zok sia….
Report this comment
March 17th, 2011 at 6:43 pm
Meitehle…
Report this comment
March 17th, 2011 at 6:44 pm
E..ka man leh sii..ka va chhah tak emmm!
Report this comment
March 17th, 2011 at 6:46 pm
ReMpY, Mahni mal chunga sa chan ang mai, i chhah lutuk. A dik em?
Report this comment
March 17th, 2011 at 6:52 pm
@ReMpY: Ka la sawifuh tawk lo zawk a nih khi..! I alu kan kha i chawk sek a, alu pawh a let sek a ni…! Alejendro’n a thiam.
Report this comment
March 17th, 2011 at 6:54 pm
A vai khian ka vawikhat hriatna!!. Tuaisiala chu i phuahchawp chu a ni si lo maw??:Fiamthu: Lawmawm e, ka hriatna a zau phah leh ta!! Mi(sual) ho nge nge!!
Report this comment
March 17th, 2011 at 7:06 pm
Mi(sual)nu, Mamboihi nge nge! Ka lawm e.
Report this comment
March 17th, 2011 at 7:07 pm
TS chu i rawn phawrh tha leh khawp mai. Thu mu hnu min hriat chhuahtir alawm. Heng simile/phrases ho hi hriat fuh loh vek vek chuan risk sual a awl khawp mai.
Sa sehna hmuna hrui zawn ang tih hi ka rin dan chuan Pasaltha Chawnbura leh Karhluana te chanchin atanga lo chhuak a nih duh hmel. zankhat chu pasaltha Chawnbura ho hian sa tla chhuh tumin an um a, hmun pakhatah sakei chuan a sa seh chu a lo thlah a, a zawnna atan hrui chhat turin val upa chuan tlangval ho a tir a. Sakei a la hnaivai bawk si, zan thimah chuan mahni bul vel bak an dap ngam lova. Chutih lai chuan hnim pik zingah hian rawlthar Karhluana chuan hrui lo chhatin a lo seh chat chat a, Chawnbura chuan va hmuin a chem chuan a zai chhumtir ta a. Chutiang hrui fei zet chu Karhluana hrui an tih phah ta a. Chawmbura hian Karhluana hi hruai hratin pasaltha huaisen leh ropui tak a lo ni ta nghe nghe.
Report this comment
March 17th, 2011 at 7:12 pm
TS, thanx. Kan thil kan a zok soina a ni sia, hlete aiah khian puakzo(popcorn) te ti zok ta se..hit daih zok ag.
@alej, zongte kurkure thak pek ang mai, i rak nok2 reg mai..
Report this comment
March 17th, 2011 at 7:15 pm
A vah han tullo ve aw.. Kurkure i lo pe hmanhmawh tawh ani maw? I bulah chuan zawngte pawh chu a awm hle hle ta ve ang.
Report this comment
March 17th, 2011 at 7:16 pm
@Pu Muantea: I comment a bengvarthlak kher mai, a ni ngei ang. A nih chuan khi tehkhin thu lo chhuahna chu Pasaltha Karhluana te hun lai emaw, a thih atanga kum 5/10 vel a ni ngei ang. A bengvarthlak khawp mai.
Report this comment
March 17th, 2011 at 7:22 pm
Ar hnu tam ngên angin mai ka ngen chiam a mahse choak hnahthel rova tuam ang lek a lo ni si. Chuama rin ang chauhin ka awm zo ta, hlete kan angin ka awm ta hle hle a. Hnahkhawrin mulek a hring angin phul chu a hring dup a, hnuaipui hmang tur ang main tur nisa kan do leh a. Hnah tum thiam hrai ang angin perhkhuang kan tum hlat hlat a, ka chan chu mahni mal chunga sa chan ang lek a lo ni si. Sa sehna hmunah hrui zawn kan tum a, mahse sai hnara bâk lut ang chuan min hnawt tiau ta. Tumbu-âr angin ka tum ta bur a, zawng chhîp deh ang hrihhru ka deh mai ta lawng..
Report this comment
March 17th, 2011 at 7:29 pm
#33, A omzia i va hre om bik lo, i thusoi khi..ahahaha
Report this comment
March 17th, 2011 at 7:36 pm
Alejendro chu leh!
Report this comment
March 17th, 2011 at 7:41 pm
Nawhalh bawk khat pawh siam chhuak theilo te Computer tel lova hna kan thawh theih tawh meuhloh laia tehkhin thu hmanlai lutuk leh tawng upa un lutuk te thar thawh tuma lo phêt ve sek hi a tunlailo in a hman thlak kan ti a ni maithei. Mahse, ti hian i ngaituah teh ang. He hnam culture, tawng leh chindan te hi keinin hlut nachang hrelovin lo vui liam ta ila tu nge lo tharthawh leh ta ang le?
Awithangpa’n fam puiin a awi liam zo ta emaw tih mai turin tun hnu hian Thu leh Hla khawvelah kan hnufum ta hle, vûng thar chhuah awmve bawk mahse kan zik a ngui tih hi phat rual a ni awm love. Tin, kan kohhran upa tehian ‘intih puithu nana tawngkam diklo tak tak puam zet zeta hman hi puithuna âtthlak diktak chu ani tih hi hria se ka ti’. Thangthar te thangharh ila tawng leh hnamro vawng nungtu nizel turin i tangtlang ang u. A phuah chhuah mah harsa a, kan neihsa tehi rek hum mai lovin i vawng nung zel ang awle.
Report this comment
March 17th, 2011 at 9:20 pm
TuaiSialA, i thawh ṭha khawp mai.
Ara lungchhia, Sanghara lunglawm;
Phar vui hrâi ang;
Van êk khum tum ang… tih vel te pawh a awm ṭhin kha mawle (hre tlem ve ‘sin)
Report this comment
March 17th, 2011 at 11:27 pm
Ngaihzawng hlui nena intawn leh chu … kawng hlui pat-ek nal taka kal dun ang a ni, tawlhthluk a awlsam!
Report this comment
March 17th, 2011 at 11:32 pm
Thu a va un thei hlawm ve maw le. Hriat ve ka nei reng reng lo, ka tan chuan ruah tham loh hlang hlak an ni e. Ka beng a var leh ta.
Report this comment
March 18th, 2011 at 2:04 am
Tuaisiala kan tawng adal tak vang ni love..Kan pute ho kha an pute leh an rual ute chu pawih hote paihte hote an hmuh phaka an lo hriat phak an tihdan an lo hriat vang mai ani e.Hla do chham te hi i en chuan a thu hi mizotawng a awm mang lo.pawih hla do deuh vek ani.poih ho hi an lo phuisui hmasain kan mizo pipute hian an tihdan leh an thu lrh hla thlengin an lo coppy ve maiin chuchu tun hnuah idioms n phrase kan lo tita vel mai2 ani te han tita duah ila in thinrim em lovang chu maw???A bak chu soitoh lo mai ang..engpoh nise post tha tak ani..ty
Report this comment
March 18th, 2011 at 2:08 am
zodaifim #40 “Hla do chham te hi i en chuan a thu hi mizotawng a awm mang lo.”
Mizo chu enge, tu te nge, eng hnam te nge?
Report this comment
March 18th, 2011 at 2:10 am
Paihte ho hian tawng upa kawlkei(sakei) kan tihte,lampui(lamlian)te hian tawng pangngai mai2 a lo ni.An tan chuan tawng upa thangtharten kan zir poh hi an hre nualsa in an hmang nual tlat ani..hehe..
Report this comment
March 18th, 2011 at 2:11 am
Mizo chu tu te nge?
Mizo tawng hrang2 a Sakei sawi dan:
Sakei (Lusei, Hmar, Ralte)
Sahang (Paite)
Pawpi (Zahau)
Chakei (Mara)
cakei Pronounced Chakei (Lai)
Report this comment
March 18th, 2011 at 2:23 am
Lampui i tih pawh khi paite tawng lam ni lovin Lai (Pawi) tawng atanga lak anih ka ring mah zawk. Pawi tawngin Lampi a ni a, chuta tanga lampui tih ani maithei (U an telh ngailo). Entirnan: Saphihrik te a awm a, Tuhrik te an awm bawk a, “A hrik chiah kan hmu a, khawnge TU/Saphi chu,” kan tih fiamthu thin pawh hi Pawi (Lai) tawng atanga lak anih ka ringhlel love. Saphi – Sapi – Sapui atangin chuta tang chuan Sapuihrik tih turah Saphihrik tiin Lusei ho khan an lo hmang ta mai pawh anih ka ring. Chutiang zelin, ‘Tu’tih pawh hi ramhnuai/ngaw tihna ani a, tuhrik tih chuan ramhnuaihrik lam a kawk ta daih a ni.
Kut ki len dih nie. hairehai
NOI
Report this comment
March 18th, 2011 at 2:25 am
Mizo tih chuan daduhi hla sak anga mizo hnam hrang2 huam tir ila..heta k ron soi zok ahi chu mizorama chengte zotong hmangte hian poih hla dote hi kan hrethiam love tihna mai ani e.chutihlaiin paihte/pawih unaute chuan an hrethiam leh vek sia an thangtharte pon ka ron tihna mai ani e.tin,tuna zorama chengtena mizotawng kan tih ang chi kan inbiak tlan theihvekna mizotawng hi chu ani lo ngei mai a.i duh tawk ang..k soitum chu a fiah in ka hria h.vangchhia.
Report this comment
March 18th, 2011 at 2:37 am
#45 a dik a ni. Mizo tawng nilo ang dawn2 a i rawn sawi khan mi khei zawk mawle
tha ta vek e hairehai 
Report this comment
March 18th, 2011 at 2:46 am
Thawh ve mai mai chhin:-
Zawhdawra suk tin ang: Zawhte mawngkua ah hian suk rawlh luh tum ila a hautak hle ang. Chutiang chuan thil theihloh tih tum talh ang sawi nan an hmang.
Pawn hnuaia zang lik tun hre suh: Pawnpui/rizai hnuaia patlingin a englo khal lai chu enge a tih hriat a har khawp ang. Chutiangin miin phen tu/hum tu tha tak hnuaia a thil tih chu tu in nge hre kilh kelh ang
Report this comment
March 18th, 2011 at 9:16 am
@Lersia & Pu BCa, ka lawm e.
@Pu Cari & Chawnghilh, in thiam in chhuah duh lo em a nih kha!
@Pu Hv & zodaifim, in comment a bengvarthlak khawp mai.
@Asteric, khatiang lampang chi pawh a tam kha maw..!
Report this comment