Kan nitin awmdan awmze neih tirtu leh kan khawsazia min siam saktu bulpui ber chu kan beiseina hi a ni. Chu kan beiseina chu kan rilru a nat chang te; khawvela kan beiseina kan nghah chang te; kan duh anga thil a kal loh chang te; tumruhna leh tih hram hramna kan tlakchham vangte hian a lo hlawhchham thin a, chutah chuan kan beidawng mai thin.
Eng nge beiseina chu? Beiseina chu kan nunah thil a tha lam emaw, a chhe lam emaw lo thleng tura kan ngaihna hi a ni.
Chu kan beiseina chuan kan nun hi a hruai tlat a; kan nunah thil tha lo thleng tur anga kan ngaih tlat chuan kan nun a hlim a, a eng zawng hlirin thil kan thlir thin. Chutiang bawk chuan thil thalo lo thleng tura kan ngaih tlat chuan kan hlim lo a, a thim zawng hlirin kan nun kan hmang thin. Kan ngaihtuahna chuan beiseina a siam a, beiseina chuan kan rilru leh nun a kaihruai a, kan nun hlimna leh hlimlohna hi kan beiseina neih danah a innghat thin. Chuvang tak chuan mihring nunah beiseina nung kan neih hi a pawimawh em em a ni. Nitin keimahnia thil tha thleng tura kan beisei ngamna mil zela kan nun kan hman ngam a ngai a ni.
Mihring nun hi engemawin a khalh vek a, tunah tak hi chuan harsatna te, rilru natna te, huatna te, khawvel thil duhnaten min khalh a ni maithei. Mihring nun reng reng chu harsatna neilo a awm lo. Pakhat i tih kian hun apiangin harsatna dang a lo piang zel thin. Pathian chuan kan than zelna atan leh Amah kan hnaih a, a hmel kan hmuh theih nan kan chunga harsatna thlen hi a remti a ni. Buaina leh harsatnate tawk lovin hlim reng ila, kan duh dan in thil kal reng sela chuan Pathian kan theihnghilh dawn tihna a lo ni si a. Chuvang chuan Pathian chuan harsatna tinreng phenah hian thil tum a nei a ni.
Mi thenkhat chuan buaina leh harsatna kan tawh hian Pathian hian min kalsan ta angah kan in ngai thin. Chu chuan Pathian min hlat tir a, mahni inkhawngaihna bawiah te, beidawnna ruamahte min hruailut thin. Setana chuan beidawng taka min siam a, Pathian hlat thei ang bera min hruai hi a thil tum ber a ni si a. Chuvang chuan beidawng tura thlem i nih changin Pathian thu anga awm tur i nih zia kha hre thar leh la, chu mi bawih ata chu chhuak ang che. Kan ngaihtuahna kal sual hian Pathian lak atanga malsawmna kan hmuh tur pawh min hmuhloh tir thei a ni.
Harsatna I tawh changin chu harsatna chu inhneh tir lo la, beiseina thar neiin I hmalam hun chu a eng zel dawn a ni tih ring la, thil ropui zawk atan Pathian chu ring ngam la; a chhan chu Ani chuan I tan thil tha zawk a ruahman a ni.
Keini thalaite pawh hian Pathian rinchhanin kan beiseinate chu kan ti chak thar leh tur a ni. Beiseina kan neih loh chuan rinna kan nei dawn si lova, rinna kan neih loh chuan Pathian kan ti lawm thei lovang a, kan nunah a thil tihtheihna chu a thlentir thei dawn lo a ni. Chuvang chuan Pathian rinchhanin kan rilrua kan beiseina te chu vawng zel ila, kan suangtuahnaah chuan i beidawng mai lo ang u. Kan Bible ngei pawh hian beiseina hi a lo ngaipawimawh khawp mai. I Korinth 13:13 ah, “Chutichuan heng pathum, rinna te, beiseina te, hmangaihnate hi a awm reng ang” tiin a sawi a, Khawvela thil ral lo tur pathumte zingah beiseina hi a lo sawi tel reng a ni.
Kei ngei pawh hi a chang chuan beidawnna te, rilru natna te, harsatnate, mahni in khawngaihna te, hlawhchamnate in ka khat thin. Mahse chutianga buaina leh harsatna ka tawh apiang chuan he thu Sam 139 na in a sawi hi ka hrechhuak thin – Mak tak leh a bik taka siam ka ni a, ka awmdan zawng zawng hi a hre vek a, a kut chak chuan min hruai zel dawn a, ka tan hian ruahman lawk engemaw tak a nei tih ka hria a, chu chuan beiseina thar min pe leh thin.
Mahni chauh pawhin awm mahla, beiseina nung i neih phawt chuan malin I awm ngai lovang.
Similar Posts:
- Beiseina…!
- Kan Ram Tan
- I nunah thil pathum.
- Hmangaihna.. Beiseina.. Rinna..
- Pathian Hnaih a tha – Sam 73:28
(Y)
March 18th, 2011 at 9:38 am
Beiseina neih reng hi apawimawh reng ani. Beiseina nei toh lo mihring te hi khawvel a mi awhawm loh ber pawl anni.
Report this comment
March 18th, 2011 at 10:02 am
Rome 8:24 han chhiar teh u.
Report this comment
March 18th, 2011 at 10:05 am
A tha hle mai. Entirnan, a post-tu Tetei hi han beisei ta tlat ila, a tha hle dawn a lo ni.
Report this comment
March 18th, 2011 at 10:14 am
(Harsatna I tawh changin chu harsatna chu inhneh tir lo la, beiseina thar neiin I hmalam hun chu a eng zel dawn a ni tih ring la, thil ropui zawk atan Pathian chu ring ngam la; a chhan chu Ani chuan I tan thil tha zawk a ruahman a ni.)
Beiseina in Vanram kal kan tum a, khawvel thilah phei chuan beidawn tum mai mai duh loh reng2 tur a ni zirikhichawm.
Report this comment
March 18th, 2011 at 10:17 am
#3
Report this comment
March 18th, 2011 at 11:43 am
I va rawn ti mak teh juai ve…..ka lo chhiar juai juai a, a manhla juai juai e….
Report this comment
March 18th, 2011 at 11:45 am
A ni lo ah ka lo comment juai a ni maw …
Report this comment
March 18th, 2011 at 11:49 am
Rinna te, Beiseina te, hmangaihna te….hi chu a pawimawh hle..beiseina neilo chu…mi beidawng an ni a – an in awk-hlum daih duh khawps ….
Report this comment
March 18th, 2011 at 11:58 am
Beiseina chu kan nunah thil a tha lam emaw, a chhe lam emaw lo thleng tura kan ngaihna hi a ni.
Tete, beiseina chu heta i sawi ang hi a nih si chuan, beiseina nung neih pawh nunhlimna thlentu a va ni awm si lo ve, tin a pawimawh lo hle thei bawk. Thil tha lo hlir mai beiseina nung nei ta ila, mi vanduai chung chuang kan va ni mai awm ve. Ka hrethiam lo.
Mizo tawnga beiseina kan tih hian, thil tha lo lam kawk lovin thil tha lam a kawk zawk lo maw? Beiseina hrim hrim hi nunphung duhawm tak zinga kan dah tel thin a ni a. Beiseina i hrilhfiah dan hi a dikhlel deuhvin ka hria..Han ngaihtuah nawn leh teh..
Report this comment
March 18th, 2011 at 12:04 pm
Report this comment
March 18th, 2011 at 12:28 pm
‘Beiseina chu kan nunah thil a tha lam
emaw, a chhe lam emaw lo thleng tura kan ngaihna hi a ni’. A tha khawp mai a, beiseina hi thil tha lam hawiah kan hmang tlangpui. Thil tha lo lam a hawi dawn chuan ‘loh’ a tel tlangpui. Eg. Tluang taka i lo thlen ka beisei. Chhiat i tawh loh hram ka beisei.
Report this comment
March 18th, 2011 at 12:37 pm
Post tha tak a ni e.
beiseina in lehkha kn zir, hna kn thok, kn trongtrai thin a, beiseina in kn nung a ni.
Mahse, beiseina hi mihring hrehom tawrhna potseitu mai2 eroh a ni ve thei tlat.
____________________________________
Tu beiseina mah tihchhiat sak suh, tun huna a thil neihchhun leh a damchhan omchhun a ni thei.
Report this comment
March 18th, 2011 at 1:36 pm
#12 Nang leh nanglo ah i va’n thlawh fuh rauh ve a
Report this comment
March 18th, 2011 at 3:20 pm
thanks guys….sawisel ngai a awm chuan lo sawisel bawrh bawrh teh u….mahni inzirna zel a nia….
Report this comment
March 18th, 2011 at 3:22 pm
Tete-i #14
Report this comment
March 18th, 2011 at 3:32 pm
Beiseina nung ka neih nasat zual ngei ka beisei. I post tha bawk a.
Report this comment
March 18th, 2011 at 3:59 pm
Kei pawh #9 sawi ang deuh hian beiseina han tih hi chuan thil engemaw lo thleng/awm tura kan DUH, NGAIH ni lovin (la phawk zo lo mai thei) hi a ni lo maw. Chuvangin beiseina anih chuan thil thra lam turah ka lo ngai ve ngawt a.
Engpawh nise beiseina neih hi keipawh tha ka ti khawp mai
Report this comment
March 18th, 2011 at 5:05 pm
Beiseina aiin Hmangaihna le!!
Report this comment
March 18th, 2011 at 5:09 pm
Beiseina meuh a han bo hnu hian chuan nun hringnun hi a chawhnu ruih mai thin,nun meuh pawh kan thlahlel tawh thin lo. Beiseina nen erawh nitin hi ni duhawm leh ropui a ni thin.
Report this comment
March 19th, 2011 at 9:02 pm
Mahni chauh pawhin awm mahla, beiseina nung i neih phawt chuan malin I awm ngai lovang.
e.
Ka
Report this comment
March 20th, 2011 at 5:54 am
A va tha ve o….hring nun hi tiang thu tha tak hian a ti nung thar leh thin, beidawnna ruam atang pawh hian….k lawm ltk top i thu ziak vang hian nun hian hmasawnin beiseina thar a nei leh tran ta…God bless U…!!!!
Report this comment
March 25th, 2011 at 9:23 pm
A va han tha kher awm!!!! Misual.com dam reng rawh se.. he i thu post hian ngaihtuahna thar min neih tir nasa hle mai. Lalpan malsawm che rawh se!!!
Report this comment