“Ka mu hma emaw, tlai emaw zîng dâr 4 vêlah ka harh thîn a, ka phone hi ka en ngei ngei thîn. Ka beisei anga i message dangdai tak hmuh hi nuam ka ti lutuk, ni hman a nuam thei ngei mai; ka lâwm e. Mi pakhat i tihlim tih hria la, nuam takin hun i hmang dâwn nia..”
He SMS hi 21.3.11 (Thawhtanni) zîng dâr 9:45:32-a Lawngtlai-a ka thiannu hnên atanga ka dawn a ni a, nilêngin ka rilru a luah ta reng mai.
Harsatna leh rokhawlhna eng emaw tak ka tâwk a nih loh chuan zantin ka mut dâwnah ka thiante mi 70 vêl chu SMS-in duhsakna nen ka ‘mangtha’ thîn a, ka mut hun a tlai thin avângin reply ka dawng tam lo. Mahse, keimah hi ka hlim thung a, chu chu a lâwmman niin ka hre bawk.
He’ng ka SMS thawn chhuahte hi mi dang hnên atanga ka dawn ni lo, ka thian duhtakte tâna keimah atang ngeia lo chhuakte a ni a, a dawngtute’n hmun danga an la hmuh ngai loh avângin ka tâna a hlut piah lamah an tân pawh a lâwmawmin a hlu sawt ngeiin ka ring. Khi SMS atang ringawt pawhin eng tham ni lo mah se, mi hnêna duhsakna thu kan hlan hian nasa takin hna a thawk thei tih a chiang hlein ka hria.
Chuvângin ni khat hun kan thlah liam dâwn te, ni thar kan hmuah laite hian mi dangte hnênah duhsakna thu hlan uar ila hringnun a va mawi lehzual dâwn em! Mihring kan inang lo va, hna hrang hrang thawk kan ni. A then chu buai tak takte pawh an ni bawk a. Mahse, ni khata SMS vawi khat thawn keuh mai khân an hna a tikhaihlakin ka ring lo; chu pawh duhsakna! Keimahni kan lo buai deuh a nih pawhin mut dâwna thawn keuh mai kha thil harsa lua a ni lo bawk.
Hetia thiante hnêna mut dâwna duhsakna thu thawn ka chìn tan atangin keimah ngei pawh ka hlim a ni tih ka inhria a, tûn hmaa ka nun ngui leh chau tak thîn pawh khân min kiansan hret hret a ni tih ka hre bawk.
Duhsakna hlan i uar ang u; suma lei theih loh tam tak a man si a.
Similar Posts:
- misual.com tan a that hmel dawn em?
- Merry Christmas Everyone
- Ka nu chawhmeh siam kha ka va ngai tak em!
- Ni hman nuam vek u!
- Mahse…
March 22nd, 2011 at 4:36 am
Phek thar ah chuan heti hian an ti
@TSA: Chuatia thawn tur i duh chuan ka phone hi a ngawi chawi khawp maiah, minlo thawn ziah ta che…. ka lo tangkai pui ve ang
Report this comment
March 22nd, 2011 at 6:31 am
A dikin a ṭha ka ti khawp mai
TS, fullonsms.com emawh way2sms.com-ah emaw hian in register ve chhin teh. SMS a free-in a thawn theih, a ṭha phian ania
Report this comment
March 22nd, 2011 at 6:36 am
I thian hnaivai tak tak te an nih loh chuan thawn tawh suh (ti deuh tawp teh ang). NOI. Hetianga mi pahnih-khat hnen atanga lawmthu i dawn avang ringawt hian a tam zawk hi an lawm vek tihna a ni kher lo. Fimkhur rawh. I laka an inthlahrun vangin an hrilh ngam lo che pawh a ni thei.
Kei anga SMS lawm lo tak an nih phei chuan fimkhur hle ang che. Mutthilh dawn hnaiha phone a rawn rik a, peih leh peih lovin kan han chhiar a, rin aiin a lo ho leh sia, chauh nen, mutchhuak nen, mood a ti off vek thei. Mahni ngaihzawng te chauh mangtha hi a tawk ka ti mai kei chu. IMHO.
Report this comment
March 22nd, 2011 at 6:37 am
Zan muthilh hnu a text msg hian min ti harh zeuh zeuh,text msg ho mai mai anih a muthilh zui theihloh phei chuan a lawmawm lemlo khawp mai.
Hun bik leh ni bik poh nilova zantin maia mi 70 text msg han thawn chuh hratthlak hle mai.Mi 70 zingah chuan lawm viau te,ning ru viau leh ho ti viau sawi lemlo te an awm nual dawn a nih chu.Duhsakna inthawn hian midangte nen copy hmuh rual thut thut ai chuan a malte a hmuh hian a lawmawm dan a dang bik khawp mai.
Report this comment
March 22nd, 2011 at 7:35 am
@Pu Chhawnbura: Ka inregister ve ve a, thawk khat lai khan way2sms hi ka hmang nasa. Ka hmang chhunzawm ta lo. Internet nena nih ruh te a ngai a, a buaithlak em mai. Chu bakah internet kaltlanga indirect-a dawn ai chuan a thawntu phone no atanga direct-a dawn chu a hlu zawkin ka la ring cheu. SMS pack vodafone ka hmang a, a tam thawkhat.
@Tetea: Ka comment-ho kha chhiar let leh la, thawn tur chin chu ka hre ve e. He’ng ka thawnho a tam zawk hi chu a hrât hlei hlei an ni. An lawm lohna leh lungawi lohna siam chu ni se ka thawn peih tawp nang. Post-a SMS chauh khi lawmthu sawina ka dawn emaw i ti ang e, a teuh lo mai. Zan an lo mut tawh chuan zingah min rawn reply hram hram thin. A hlutzia ka hre tawh a, ka ti zel dawn e.
@Khuangdailova: Hrât a tul ka ti a, ka hrât chawp ve mai a ni e. Zan hi kei chuan hun bikah ka chhiar a, hman lo chung chung pawhin ka thawn hram hram zawk thin. An ning an awm chuan ka thawn lo. Thenkhat phei chu zankhat ka thawn loh ringawt paw’n an ngaih a tha lo zawk hial a! Zana SMS leh thil dang intihbuaitir duh lo chuan phone silent-in emaw, switch off-in emaw kan dah mai thin. Phone i nei a, no i neih ngam chuan SMS dawn i inhuam tur a ni. Duhsakna thu hi thu ho mai mai a ni lo. Man chawiin kan thawn a, a thlawnin an dawng. Ka tih peih mah ahnu.. Ka hlim phah em a, ka ti zel dawn. Zankhata mi 70 hnena SMS thawn chu thil har a ni lo. I sas hnena zan khata SMS 7 i thawn chuan a inang reng. Khuangdailova ngat phei kha chu, i no nei ila, zantin SMS 70 vel tal ka rawn thawn ziah ang che.
Report this comment
March 22nd, 2011 at 8:10 am
Zan mut dawn a Jewel hnen atang a sms ka dawn loh hi chuan, zan lamah hian ka mu tui vak lo thin…
Report this comment
March 22nd, 2011 at 8:22 am
Sms hi a inang lo thei hlawm.
Report this comment
March 22nd, 2011 at 8:49 am
Zingkara Jewel message ka dawn loh chuan ka nileng hun hman a dik thei thlawt lo!
Report this comment
March 22nd, 2011 at 9:39 am
@TuaiSialA, mihring hi kan thil lawm zawng a lo inang lo thei hle mai tiraw
Nge ni kan upat ve hret hret vangin a dang ta zawk… Cell phone neih tirh te kha chuan Hutch SIM card-a nikhata SMS 100 chauh thawn theih kha tlem kan tih thin zia kha. Free national SMS neih hlut zia te kha aw! Cell phone nei chung renga ‘tuemaw’ biak duh vanga PCO-a kan kal hram hram thin lai te kha a ngaihawm ve reuh mai mai…
Ka tum loh deuhvin ka’n sawi tak duah chu.
Report this comment
March 22nd, 2011 at 10:02 am
@Tetea: Phone neih tirh chuan SMS chu kan lâwm vek alawm. Mahse, a rei chuan kan lâwm reng chuang lo va. Thawkkhat lai phei kha chuan ka SMS dawn pawh ka reply peih lo. Tun hnuah erawh ka lâwm lui ta a ni ber e.
Report this comment
March 22nd, 2011 at 10:06 am
#19 lersia sawi ang khian keipawh mi duhsakna thu tha tak2 ka dawng fo thin a, ka hna lamah ka buai ve thin em avang hian chhan let loh hi ka nei nual thin. Mahse, ka chhan let loh avangin ka lawmlo tihna a ni chuanglo. Duhsakna msg ka dawn apiang hian ka hlim thin a, chhanglet vek hmanlo mah ila, dawn zel ka la duh a ni.
Report this comment
March 22nd, 2011 at 10:16 am
@TuaiSialA: Khawvelah hian mi mak tak tak hi an awm ve a. Thil tha tih tur hre mang silo, mi thil tha tih sawisel talhte, Rorel nikhua a rawtna tha tak nei lemlo, mi rawtna hnial hrat takte hi an tam a nia.
Report this comment
March 22nd, 2011 at 11:30 am
Keichu a blog lamah ka comment tawh e.. comment ve leh lo mai ang.
Report this comment
March 22nd, 2011 at 1:55 pm
TuaiSialA…i tha tih ang ngei chuan han thawn tlauh tlauh zel phawt la. Nakin deuhah, kum 5 kum 10 te han vei se i thil thlir dan chu a la dang ve deuh mai ang.
Harh rual deuh tan chuan thil ninawm te hi a ninawm lo viau thei bawk a nia. I sms dawng thinte pawh i rualpui te an nih chuan an ning vak lo thei e. Mi privacy zah thiam erawh a pawimawh tih hi kan hriat tlan a tha.
Ngaihdan inang lo sawiho/inhnial te hi a tha. Midang ngaihdan han pawm nghal diak diak hi a har fo a, mahse ngaihtuah zui thin erawh chu a tangkai duh khawp.
“Don’t ignore good ideas just because you don’t like the source”
Report this comment
March 22nd, 2011 at 1:59 pm
Kei chu sms don ka in peih reng e..mizotong anih phot chuan..hihihu..
Report this comment
March 22nd, 2011 at 2:00 pm
zodai i no rawn sawi nghal law2 la
Report this comment
March 22nd, 2011 at 2:19 pm
A nuam awm bik. SMS hi nikhat a vawi khat mah dawn loh chang te hi ka nei, hna thawh ni phei chuan , kan buai thei lutuka, ka dawn a te pawh hi ka reply ngai hlei lo, mahse nia sms sweet deuh deuh dawn chu nuam ve ngawt ang..
Report this comment
March 22nd, 2011 at 3:50 pm
@hlatekhua: Keimah ang rual an tam ber a, ka aia u-te pawh an awm nual e. Chu chu misualdotcommer-ah min hriatpuitu pawh an awm ang. Ni khata sms vawikhat, zan mut dawna thawn khan tuma privacy a tibuai pha hlei lo’ng e. A tuk zinga sms ka dawn hnem thin danah a chiang reng. Mi hnena duhsakna thu thawn hlut zia ka ziak a, nangin a ninawm zia. Mihring kan inang lo tihah tawp teh se. Mihring inang lo rau rauah pawh nang leh kei, chu pawh hemi chungchang bikah. Nizan paw’n hman lo chung chungin ka’n thawn leh hlawm hram kha!
Ka mi(sual) thian ka thawnte khan in lo ning thin em le..?
Report this comment
March 22nd, 2011 at 3:53 pm
tuaisiala Vs hlatekhua
Report this comment
March 22nd, 2011 at 3:55 pm
@DXB: I rawn haw chhoh khan i phone no. pawh ka nei hman tak asin le.. Ka rawn be ta lem lo che a. Tunah pawh ka la kawl reng mai.
Report this comment
March 22nd, 2011 at 3:59 pm
@70 TuaiSialA Ka rawn haw hma vel khan, min lo kawm te kha I tum ve sia, mi i rawn contact leh bawk si lo a, I piangthar ta niang ka tia, ka thil rawn hawn pawh ka leih baw vek LOL
Report this comment
March 22nd, 2011 at 4:07 pm
@DXB: Ni ang chu mawle.. Kolasib-ah kan kalho dawn emaw ka tia, ka lo phur ve em em a! Contact chu sawi loh, hmuh pawh kan inhmu lo va. Nikum lama misual.com-a i nunhlui vel i ziahna post a niin ka hria, ‘i lo haw hunah inkawm ang..’ ka tih kha! Kan inkawm hman ta lo a ni. Hun remchang a awm leh mawlh ang! I rawn haw lai vel khan SMS thawn ka lo la uar hman lo alawm le…!
Report this comment
March 22nd, 2011 at 4:11 pm
TS. Tum hnih khat na reng reng chu han ti ve zuai la. I sms thawn thin mi 70 velah pawh ka la lang pha lo a nia le
Report this comment
March 22nd, 2011 at 4:21 pm
Hehe.. Pu Muante, i ning hma âwm êm mai!
‘Bakah nilenga hnathawk tan chuan ninawm a chang vat thin a. Nang phei chu SMS rawn thawn tlut tlut che ila chuan i hna ka tibuai nasa ngawt ang. Hlatekhua a lo lawm lutuk palh ang! Hairehaiii…
Report this comment
March 22nd, 2011 at 4:29 pm
ka rawn haw leh tep tawh, Chirstmas lai vel in ka rawn awm hman leh ngei ka beisei, MI dawn chuan min rawn hrilh ula , nang hman in ka rawn haw ang :0 can’t wait …
Report this comment
March 22nd, 2011 at 5:09 pm
TuaiSialA, #68, A tha e…hriatpuitu kan zawng ta ruai mai a ni maw? Ka sawi ang khian nakin deuhah kan la ngaihtuah tha leh dawn nia, exposure te pawh kan lo neih belh tawh ang a.
Report this comment
March 22nd, 2011 at 5:11 pm
Report this comment
March 22nd, 2011 at 5:49 pm
@hlatekhua: Hriatpuitu zawng ang zawngin maw i lo ngaih a? He thilah hian hriatpuitu a ngai reng reng hleinem. Hriatpuitu ngai tur khawp sual lah a ni hek lo. Tuna ka ngaihdan hi ka ngaihdan a ni reng ang. Hun leh kum liam ruala rilru thlak zung zung chi ka ni ve lo tlat.
@DXB: Lutuk lutuk! I rawn haw hunah kan MI ang a, chutah chuan a huhova SMS thawnchhuah runpui kan nei dawn a nia.. Hairehaii..
Report this comment
March 22nd, 2011 at 5:58 pm
@76 Hlatekhua
in inhnial na chu a noi ta nak mai 
Report this comment
March 22nd, 2011 at 6:00 pm
TuaiSialA, i post a ni miau a, i zahawm ka ti a, chuvangin ka chhang zel tawh lo mai ang che. Mahse thil pakhat chiah, ngaihdan pangngaia din reng dawn tho chuan sapin ‘education’ an tih mai hi a tangkai nep awm ka ti deuh.
Report this comment
March 22nd, 2011 at 6:12 pm
Off-topic : Khawngaih takin Stanley D. D. Nichols-Roy (Meghalaya) thlalak nei in awm chuan, chawnghilh@gmail.com -ah min rawn thawn thei emaw chu le? Pawimawh riauvah mamawh a ni a.
Report this comment
March 22nd, 2011 at 6:57 pm
@hlatekhua: I inthlahrung der vel a ni lo maw..lol. Ngaihdan nghet tak ka neih hi education hian a tinghet telh telh ang. I hriat hnuhnung apianga zawm chi i nih hmel ka ti. Ngaihdan mumal leh nghet pawh nei hleithei lo tur khawpa education luhchilh leh a awmzia hriat hi hmasawnna a nih ka ring chuang lo. A.. Topic nen a inhlat dawn.
Report this comment
March 23rd, 2011 at 3:06 am
Peih mai mai ve
I hlim phah a, midang i tih hlim phah bawk chuan a tha ka ti tho mai.
Keima chungchangah chuan hlatekhua hi ka thlawp e! Ka thian kawm ngeih ber pawh in zantin sms min thawn ta se, eng ang a duhsakna thu mawi pawh ni se ka ning khawp ang kei chuan.
Tha tih zawng leh tih loh zawng a in ang lo tih te, kan ngaihdan a in ang vek thei lo tihah te hian lungrual i la a tha ber mai
Report this comment
March 23rd, 2011 at 3:14 am
#81
Report this comment
March 23rd, 2011 at 3:29 am
SMS hi keichu ka ning angreng, phone call pawh ka nin avangin ka phone hi mi ka biak duhloh chuan ka switch off deuh reng zawk. Mahse, han biak nana ho deuh si msg han thawn mai awlsam hi a awm nual. Chung bakah chuan forwarded msg tihvel pheichu ning tak ka ni.
Report this comment
March 23rd, 2011 at 3:36 am
Mipa leh mipa phone a inbiak chhen leh in text chhen hi a ho ka ti lolxx…rei deuh in biak pawh….. forwarded messages hi keipawh a ninawm ka ti, ka forward ve ngai lo nen…text hrim hrim chu jewel nen hian kan in thawn nasa, mipa ani lo bawk a
..a ha nawh dawn te, center fresh thial dawn te, a hnapkhir kheuh dawn leh a hnar hmul a meh dawn thleng te in min rawn hrilh fo thin zu nia. Antiokei
Report this comment
March 23rd, 2011 at 6:33 am
nangmah i hlim phah a, i recipient ho
in i sms an nin loh chuan a tha nih chu
mahse an vaiin mi 70zingah khi chuan
ning chu an awmve thrin tho chu ka ring
mi awl ltk ph khawih reng maite, sms
ho te te a nui duar duar te hi ka ngaithei lo
mi hlawhtling leh rawn tlak an nih ka ringlo but
hmeichhia ph khawih reng ho hi chu an ck tlangpui mipa pawh
Report this comment
March 23rd, 2011 at 11:28 am
A nih hlawm tak chu a.
Report this comment