Principal Secretary C.Lalsawta, IAS chuan PHE, CE office, Tuikual a mi chu vawiin khan tlawhin, he office a thawk mi pakhat, meizu lai chu kut a thlak a, he thil thlengah hian an lungawiloh thu hnathawktute chuan an sawi. C.Lalsawta’n he office a tlawh lai hian thawktu Lalbuatsaiha chuan office chhungah mei a lo zu a. C.Lalsawta hian a hmuh veleh engmah sawi lovin vawi thum a ben hnuah a nghawngah rekin, Lalbuatsaiha chu Rs 200 chawi turin office a lo awmte chu a hrilh nghal bawk nia thu dawn a ni.
Lalbuatsaiha hian ngaihdam a dil a, he room a awmte hian Principal Secretary chu an vawi khat hmuhna anih thu leh offiice a tlawh dawn tih pawh an hriat loh thu an sawi a. Lalbuatsaiha’n mei a lo zu palh chu amah zahlohnaa an ngaih loh thu leh, dan anga Rs 200 chawi tir mai lova, kut a thlak ta mai chu mihring inhnuaichhiahna nia an hriat thu Mizoram PHE Department MR Welfare (MPHEDMRW) chuan thuchhuah siamin an sawi.
Similar Posts:
- Commissioner/Secretary hnathawk tha ber ?
- SP Singh-a Principal Resident Commissioner ah hlangkai
- “Thingtlanga awm peih lo zirtirtu kan mamawh lo”
- PWD Secretary post chungchanga buaina
- Overseas Scholarship House-ah sawifiah
a tha khawp mai
March 25th, 2011 at 2:20 pm
Mizo te hian tinge maw office-a kan ‘Pu’ te hi kan zah thiam loh em em le, Vai phakar hovina an thiam hlerh2 nen. Surprise Check chuan a hming a pu zo hle mai maw hahah Zial lo zu tu khan a thiam lo let dera mahse an Pu pawh khan zahawm zawka buaipui dan hriat awm tak, mood fu lo fuh ve hle ni tur a ni.
Report this comment
March 29th, 2011 at 10:27 pm
Mizote zingah hian thil dilchhut manglo leh belchiang mang hlei lova, a phawvuak a thuthlukna siam a, mi thiamloh chantir mai ching kan tam hle niin a lang. Chiahpuam leh sakhaw lam leh thildangahte pawh inbumna kawng kan zawh dul dul fo mai. Inbum kan awlsam em vang pawh a niang, chanchinbuahte pawh dawt leh thudik chanve, thubelhchian dawllo chhuah a tam.
Tun a kan thu khel pawh hi tlemin han bih chiang ila: “PHE CE Office, Tuikual”, “engmah sawi lovin vawi thum a ben hnuah a nghawngah a rekin”, “hnathawktuten an sawi”, “Lalbuatsaiha’n mei a zu PALH” tih angreng han chhiar ngawt pawh hian dawt/thu diklo leh thudik chanve, thubelhchian dawllo leh tanbik lam nei ran a thuchhuah a ni tih chu tanbik neive lo leh dilchhut deuh tan chuan a chiang viauin a lang. In zawtkual ta chiah ila, khingkhi a dik a ni tingam tumah kan hmu kher lovang.
Report this comment