[Source : Pu Ch. Aikima article, ‘TunlaiChanchin 16th -30th Nov1997’ atanga lak chhuah a ni.]
Pu Rev. Liangkhaia ziak Mizo Awmdan Hlui phek 130-ah – Aizawl Bawrhsap Macdonald ICS in indopui buai lai mah nise Mizote zirna sang min duhsak avangin, 1944 kum tawp lama Pasaltha B ‘V’ Force te thla khat hlawh hnuhnung ber chu la khawmin Govt. High School hmasa ber sak nan a hman saka tiin a lo ziak ve bawk a.
V-Force chanchin tlem :-
Kan hriat thin tawh angin Japan ral khan 1942-ah Sipai Division 30 nen India rawn run a tum khan, Bawrhsap Mc Call khan Aizawl a Raj Bhavan hmunah khian Mizo Lal 300 chuang te kha a ko khawm a. British Flag ‘Union Jack’ din hualin Japan do tur thu urhsun takin an tiam a. Hetiang hian :- (Mizo tawnga let peih in awm chuan let teh u…..)
“Look, there is Union Jack above us, I, the representative of King George VI, do solemnly declare and promise whatever I am to promulgate amongst you will be more firm than putting in writing between you and I.
Since you, today, declare war against our enemies, you have become the brothers of King and not merely friends but you are the true friends of Government of Allies. If we come out victorious, the British Government and Allies Government will not leave you or neglect you. Whatever your needs will always be looked into and we shall not betray you. This is the agreement, today we entered into and we shall do it.”
Hetia thu an tiam a, puanzar an kal hual laiin sipaiin band leh baja rimawi nen British National Anthem ‘God Save the King’ chu mawi taka remin khuangpui nen an lo awi mup mup mai a.
Kum 1942 April thlaah Japan Army patrol chu Hnahlanah an lo lang ta a. Japan do let tur hian Pasaltha B ‘V’ Force chu May 1942 khan din a lo ni ta ani. Col. Parson, Sub. Ralkapa te leh Sipai bang te’n Japan do dan tur hmanhmawh deuhin an zirpui a. Training zo hmasa apiang chu Chin Hills-ah Japan ral enthla turin tirh an ni ta.
Mizoram chhunga Sipai Pawl din hmasak ber a lo ni ta a. Hlawh pawh thlakhatah Rs.10 an hlawh a, a hunlai chuan vawkpa sum 7 khing a lei zo han han a ni.
‘V’ Force-ah hian Sukte tawng thiamte an lo awm a, Sukte inthuam angin bawmrang phurin sumdawng zingah te kalin silai keng lovin Japan camp chu an enthla thin a. Pabuanga, Samthang buanchak phei chu enthlak mai duhtawk lovin Japan camp a mal beih a, an kap hlum ani.
Enthlak hna an thawh ber chu Japan Sipai camp awmna zawnte, an zat hriatte, an ralthuam neih dan hriatte, an kalna lam hriatte anni ber a. An thil hriatte hi hotute an hrilh chhawng a, thlawhnate leh sipaite’n an bei vat thin a ni.
Japan sipai te an tawlh chho zel a, Kalemyo phai an tawlh liam hnu chuan Pasaltha B ‘V’ Force te chu an hna chawlhtir anni ta a ni. 1944 December hlawh hi an la pha ta lo a, High School sak nan an hmansak ta zawk a. Mizoram mipuite an lawm em em a ni.
Pasaltha B ‘V’ Force zarah High School kan lo nei a lo ni reng tih hi ka lo la hre miah lova, netizen te misual.com kal tlangin ka rawn share ve duh che u a ni e.
Similar Posts:
- Ram leh hnam tâna lungin tâng hmasate
- Kohima War Cemetery a Mizo thlan
- Mizo Lal te Mizoram sorkar-in zangna dawmna a pe dawn
- Hlathu sawifiah ngai
- Ramri ah Assam Sorkar in In an sa..
March 24th, 2011 at 8:40 am
bengvarth1ak h1e mai…
Report this comment
March 24th, 2011 at 9:14 am
A va bengvarthlak ve! Ka pu (ka nu pa) kha Pasaltha B-ah hian a tel ve a, khua leh a vel venghimtu pawl an ni ber ang chu. Burma lam hnaih deuh khua an ni bawk a. Mahse Japan ho nen chuan an inchapchar lem lo niin ka hria. Tun thleng hian Pasaltha B lawmman an rawn siam leh zauh hian a fate hian an laksak thin.
Report this comment
March 24th, 2011 at 9:43 am
Bengvarthlak mai bakah a ngaihnawm lutuk. \m/
Report this comment
March 24th, 2011 at 10:55 am
A bengvarthlakin thil chhinchhiah thlak a va ni em
Report this comment
March 24th, 2011 at 11:09 am
A bengvarthlak khawp mai. Mahse, ‘…hlawh vanga din’ ni lovin ‘…hlawh atanga din’ a ni zawk lo’ng maw?
Report this comment
March 24th, 2011 at 11:27 am
Ka upa leh sawt e…a tawi ngaihnawm khawp mai.
Report this comment
March 24th, 2011 at 11:40 am
A ngaihnawmin a bengvarthlak hle mai. A bul tanna chu le…”Pu Rev.”
Report this comment
March 24th, 2011 at 11:53 am
Va ngaihnawmve…..Mizo histry lam hi chu Indian histry nen chuan tehkhin rual loh ni mahse a chhiar a nuamin a ngaihnawm fe zawk.
Report this comment
March 24th, 2011 at 1:18 pm
A ngaihnawm hle mai – hetiang thil hlu tak hi i thawhkhawm zel ang u.
Pasaltha te hlawh atanga School din zarzo Zofate kan tam hle mai, tunthleng hian a zar a la kal zel.
thang zel turin beisei ila – chutih rualin High School ram titak maia an han hlep thla hi chu a uihawm – hetiang thuneihna hmang diklo leh a chhawrtute hi Ramhmelma tih mai chi nge Ram (pumpui) hmangaihtu kan ti ang le
Report this comment
March 24th, 2011 at 1:35 pm
Lushai_er hi hetiang lampang hi sawitur a hre hnem. A kut zung thliak nghauh nghauh pah a mizo history lampang an sawi chu ngaihnawm tak ani.
Report this comment
March 24th, 2011 at 1:42 pm
Mizo History-ah lungphun pawimawh tak a va ni em! Chhinchhiah khiau chi a nih hi!
Report this comment
March 24th, 2011 at 7:00 pm
Hei chu post hlu tak anih hi
Report this comment
March 24th, 2011 at 7:39 pm
A ngaihnawmin chhiar a nuam. Mizo tawng a tluang bawk sia. A bengvarthlak khawp mai.
Report this comment
March 24th, 2011 at 9:04 pm
Report this comment
March 24th, 2011 at 11:54 pm
E hiau, ka email-ah feed ka dawng miah lo ! Hei a lo chhuak reng a ni maw ?
In hriatthiamah kan ti aniang chu, vil hman miau hek lo i..
Report this comment
March 24th, 2011 at 11:59 pm
@Muante : Pasaltha A kha khaw-vengtu zawk anni in ka hria (?) Anni khan thlakhatah cheng-5 an hlawh thung a, daiah an patrol thin an ti tlatin ka hriat chu le !! Pasaltha B ho hi chu enthlak hna thawkin an rammu a, an hlawhtlin em avanga Lushai Scout kha din leh ni te a sawi a awm bawk.
Report this comment
March 25th, 2011 at 12:09 am
Lushai, a dik maithei. Kei pawh ka chiang bik lo. Ka pu kha A emaw B emaw zawk zawk chu a ni. Mahse Pasaltha B lawmman tuna an pek leh zauhah hian a dawng tlat bawk sia, enthlak hna thawka a rammut erawh ka hre bawk si law
Report this comment