Secretariat thar, sorkar hotu lu ber ber leh officer dang bakah sorkar hnathawk changkang chin fuankawmna tualzawlah chuan ‘ pangpar hi a enkawltu lo chuan khawih loh tur ’ tih hi langsar takah a intâr kalh a, chutiangin khawpui hmun tam takah hetiang lam hawia mipui hraittirna- hetah Chinai tat suh, hetah Chil chhak suh tih te leh ‘hetah daikal suh Zunin a ni’ tih te hi chiang taka tar a la ngai tlat a, bawlhhlawh paih khap thu intarna hmun tam takah bawlhhlawh a vûm thêr thûr bawk a ni.
Luanna mumal a awm loh avanga tuihâwk kawngbovin hmun tam tak a tihmin mek laiin, khawi emaw laiah chuan tuihâwk luankawrah bawlhhlawh kan paih khat tlat a, a ţhen chuan leivûng te pawh kan paih mai hreh lo a ni.
Kan veng kawng a tha lo tia kan phun kan phun laiin, thenkhat chuan kawngpuiah rod kan chhu ngil bawrh bawh a, cubic lung leh bungraw dang, kawng tichhe thei thil dim hauh lovin kan bun bawrh bawh ve thung a, motor sil na leh tui chhia kawngah kan luan tir zeihzuih lawi a, heng kawng hrang hrangah pawh hian hmasawnna tur a la tam viau a ni.Electric transformer bomb-a tih chhiat a ni a, Aizawla Secretariat thar quarter sak ţha tawk lo te kha kan la hre rengin a rinawm, a then chu ţhiaha sak ţhat hial a ni.
A kawng zauhna tur siam lai lung rem a chim leh a, mi ţhenkhatin nunna an chan phah a, chutiangin tunhnaiah a kawng siamna lungrem a chim leh a ni. Khua leh veng thenkhatah khawtlang hruaitu thahnemngai te’n private school an din a, khawtlang sum thawhkhawmin school an enkawl a, hun engemaw hnuah sorkarin a enkawl zui ta a, hetianga school din hi a tam hle a ni. Private school a nih lai chuan school enkawl nan phâk tawk sum kan thawh mai a, sorkarin a enkawl zui hnuah erawh chuan a kawngkhar leh tukverh chhia pawh tumahin kan thawm leh thei tawh lo. Sorkar kut kan nghak tlat mai a ni.
Tunhnaiah Aizawl Sipai Lammualah Phûllem phah a ni a, meizial bung lo pai palh an awm ni ngei tur a ni, a demna thâwm a ring hle a ni. Vantlang thil enkawl leh neitu nihna kawngah hmasawnna rahbi thar kan kai a ni awm e!!
March 26th, 2011 at 6:54 pm
A nih hi.
March 26th, 2011 at 7:17 pm
Ngaihnom phian.. Nia, public property hi mahni ta anga dim thiam hi kn la harsat hlom phian a ni..
March 26th, 2011 at 7:18 pm
Vantlang thil enkawl thiam hi chu a pawimawh khawp mai. Ka thil ngaimawh tak mai i rawn ziak a ni. A tha khawp mai.
March 26th, 2011 at 7:19 pm
post tha tak ani….a pawngataka sorkar tih pawh hi ni lo..mipui lam in kan zir angai…mizo chu phurthut nei, mi tih lam ti vak,phur rei leh peih lo kan ni tlangpui in ka hria..
March 26th, 2011 at 7:21 pm
phullem/artificail grass hi tui pek angai ve tho em le :-S
March 26th, 2011 at 7:23 pm
ania sin,ram dangah chuan hetiang tar ngailo hian mipuiin tih tur leh tihloh tur hi hrilh ngai lovin an hre vek.kan ramah ve eroh, zunin ni na na a,ek phalloh tih han tar te chu a,zahthlak haih2 don ve,ka la hmu ve chiah lo naa
March 26th, 2011 at 7:36 pm
phullem/artificail grass hi tui pek angai ve tho lo
March 26th, 2011 at 7:42 pm
A dik..adik…
March 26th, 2011 at 9:05 pm
Vantlang thil leh thenawm khawveng zah thiam kawngah hian zir tur kan la ngah khawp mai. Kum 10 vel kal ta atang khan mi neinung chuan mahni in leh lo tha tak taka din chu an intihhmuhin an thiam hle tawh a. Mahse chutiang in ropui leh changkang tak tak atang chuan tui chhia, vantlang kawnga rawn luang chhuak te, tukverh atanga bawlhhlawh rawn thlawk chhuak nawlh nawlh te a la awm thin. Car nalh tak atanga bawlhhlawh thlawk chhuak thin ang bawk hi a ni. Mahnia in tha leh ropui nei ve zo lote hi vantlang thil dim thiam lo hlei hlei kan la ni leh ta nghal.
March 26th, 2011 at 9:14 pm
A dik fuk2..engtia han tih chi nge ni hlwm le..atam zawk hi chu kan nun dan a changkang tual2 a,kan mawl tual2 ani ber mai
March 26th, 2011 at 9:44 pm
Vantlang thil hi mahni ta anga kan en hlawm thin avang zawk hian a ni kan tihtawp viau zawk ni! Mizote hi kan tawp ka ti tlat a tlangpui a lakin. Mimal invawng uluk tak chu an tam tho nain. Tlangrama kan awm hi kan vanneih phah, kan hnawmhnawk tuiin a len thei tlat. Phaiah hian khawsa ni ta thung ila kan tawp ngawtin ka ring thin.
March 26th, 2011 at 10:09 pm
Khawlai kal lawklawh laiin Ek a lo chhuak te em em a, vantlang Ek-In thianghlim tak han hman mai tur awm manglo hi kaw dik vakloh lai phei chuan a hreawm zual.
March 26th, 2011 at 10:10 pm
Mizote kan tawp chhan chu Bengali culture kan entawn vang ania. Entawn lo inti mah ula kan entawn tho. Kan dawr tawp dante hi Benglai ishtyle chiah.
March 26th, 2011 at 10:29 pm
khitiang taka mize hniam kan nih avangin a lawm zu(zu bawk!!hehehe) hi khap a la that tlat.
March 26th, 2011 at 10:59 pm
muante #11 Pathian hian hnam tin te hi kan zemil zelin min dah thlih thliah hlawm niin ka hria.
Saitawk #12 Pawn chhuah hmain mimal mamawh chu tih sa thlip thlep hi a fuh phian. 😉
2002 khan Mizoram aiawhin mi engemaw zat lam leh zai turin an rawn kal a. America a pûk lar tak, Luray Caverns kalpui tu te zingah ka telve a. Puk chhunga tuifarin a siam lung tlawn lawr fer fur, “stalactite leh stalagmite” te chu kum 100 chhungin inchi chanve choh insiam annih avang leh kut a mawm awm (oil from hand) in a tawh chuan an than a tawp theih avangin tumahin khawihlo turin an ngenna thu an tar a. An thil tar kan chhiar zo tih chuan thenkhat chuan,”Ka khawih chhin reng reng chak…” tiin ban zuau zuau la awm fo a mawle. Kan hahthlak a ni e. :-S
Luray Caverns:
http://en.wikipedia.org/wiki/Luray_Caverns
March 26th, 2011 at 11:59 pm
@15 (Y)
Pu H.V., hei vang hi a niang chu, engemaw hlek hluar deuh se ‘KHAP A NI'(k)an ti zel a. Khap a nih chiah a tih chhin chak hrim hrim an lo awm leh zel si. Thil khap awlsam viau, zawm harsat em em kan ni ber e.. 😛 😛
March 27th, 2011 at 1:43 am
A ni teh tak e a!
March 27th, 2011 at 6:48 am
muantea #11 sawi khi a dik ve thei reng. zing karah hmunphiat hovin kan kawngpui dung an phiat fai a, tlai lamah chuan a hnawk leh em em mai a ni, he’ng kan kawngpui tihnawk tute hi kan kamram eina kawr kuhva pack-na etc te a ni deuh ber awm e, sikul naupangte hnenah faina hi zirtir uar lehzual ila, puitling lamah chuan YMA ah leh Kohhran lamah hi uar thar bawk ila kan ziaawm thei deuh mahna.
March 27th, 2011 at 9:41 am
rawng hnawih thar hlim a, ‘ khawih suh’ tih intar hi han khawih zeuh hi a nuam… :-$
‘ti suh’ tih hi ‘ti rawh’ tiin thlak ta zel ila, a zia phian lawng maw?
March 27th, 2011 at 9:58 am
tha tak a ni
March 27th, 2011 at 10:03 am
Hma kan sawn khawp mai, bang, ban etc. a chinai tah hi a ti tawk chu an awm reng dawnin ka hria, a manganthlak ngawt mai.
Aizawl khaw chhungah hian vantlang inthiarna public convenience ka nei lo lutuk hi chu a buaithlak a nih hi, Sanitation deptt hian hma la se kan va duh ve mawle.
Inkhawmpui, conference etc.etc. a khawlaia banner zar thrin te hi a hun a pelh tawh chuan a tartute hian senghawi leh thrin se. Poster tarna tur ni hmun bik awm fir fer bawk se.
Optic fiber cable pawimawh hmel tawk an zam a, a chat ta remrum a, tuman han zawm that/repair an tum lo a tlak hnawk ang angin a awm ta vel mai mai a, a pawimawh hmel tehreng nen a lo pawimawh lo tawp a nih dawn hi ka ti ta a.