Thiam vang reng pawh ni lovin zirtirtute duhsakna vang liau liauin pawl kan han san ve a. A kum lehah chuan hostelah ka han inchhunglut ve rawih a. Tuna ka thurawn ziah tur pawh hi chu ka hostel awmna chanchin chu a ni.
Hostel naupang ka lo nih chuan
Khatia hostela ka han luh chiah kha chuan mimal zalenna thenkhat kha chu rahbeh sak kan ni a. Duh hun huna mu thin kha mut hun a awm a; chhungten chaw thleng nena min nawr tho thin kha vai pathian thawh hmain warden kawngkhar ri hmanga nawrthawh kan ni a. In lama duh duh leia, ei thin kha tunah chuan khang hunlaia kan ei peihloh pawh chilputin kan thlir ta vauh vauh mai.
Tui a vang si a; nikhata bucket pakhat khat mawi tawk vela kan tuidawn chu inthiarnan, hmaiphihnan, hanawhna atan leh insil nana kan han inmanaged thin kha chu eng IIM atang MBA chhuak pawhin an thiam bik lovang tih hi chalkawlha pen fawk tlukin ka chiang!
Chutiang nun hnuaiah chuan mipakhat ka hmelhriat ta hlauh mai a. Chu pa chu kan misual.com a Zodin_RM inti hi a ni. I han bihchiang teh ang u.
Zirna lamah!
Zirna lamah chuan a thiamtheilo pawh a ni chuanglo; zir a tum lo hrim hrim a ni. Kumtirah keini aiin a rawn lut hnuhnunga, a hmel han en vang vang pawhin a zir peih dawnlo tih a chiang sa reng!
Amah lah chu vitamin tlachham tih hriat tak maiin a theitat par var ve vo mai a. Amah Auhmuna tawngkam takin lendengpa zahmawh ang maiin a fai puak lehnghal a. Han en mai chuan fel hmel tak ni mah se lehkhazir peihlo chi tih hriat ngawih ngawih a nih avangin chokaa zirturin a qualified em avangin kan zirnaah chuan min rawn zawm ve a.
A Bialnu deuh roh kha!
Kan hostel piah deuha hostel dangah chuan star ve deuh a nei a ni chek ang tlai tin hi pawnah a thu ziah a. A hnu deuhah chuan tan lakpui turin min sawm ta ringawt mai a(thu leh hla lamah u enin min en a..haha). “A naupang viau lo’ng maw?” ka tih lahin “naupang lovang” a ti a. Thaikawi biahthu D’ kan han thawn ta a!
A hmeichhia chuan vitamin a tlachham tih a hria anga, a khawngaih ve nge niang a lo duh ve mai a. Amaherawhchu tihsual kan nei ta! Pawl sarih zirlai a ngaizawng! Hostel atang duh duha chhuahtheih ni heklo. Kawmthlang LAD bawlhhlawh phur motor lo kal changin a che rang thei hle!
Management a thiamlo!
A hmaa kan sawi tawh IIM atanga MBA chhuak pawhin an thiam lovang tih ka sawi tui kan manage dan erawh a thiam ve ngang lo ni tur a ni. Pepsi/coca cola bur lian deuh hi a keng a kenga, tui intur awm deuhin a dawh khat a, a bucketah a chhung thin a. Tha viau tura a ngaihlaiin warden in a hrethiam tlat mai! Tihdan dang ngaihtuah a ngai ta!
Tihdan dang a ngaihtuah chhuak vat a, chu erawh thiante tan a hnawk ta. Thiante tui dahkhawl chu tui suahna no khat te tein a suak khawm ta thin a. A ninawm duh viaunaa tunah erawh lungtileng a chang zo ta.
Tho
Chaweina hmuna zir kan ni a. Mipa aia hmeichhiain chaw an ei hmasak avangin kan Zodina chuan a kuthlei a veng zo lo leh ta! Tho a man khawm a, a vawmhlum a, hmeichhe chaweiin an hmuh turin dawhkanah a lo dah thin a. A thiltih kha chimawm phian mah se keini ho chuan kan pui nasa hle bawk.
A changleh hmunphiah kuangah thil khawmin pawl sawmpakhat ho dormitory kalhna chabi-ah a lo thiltel thul. Pawl sawmpakhat ho khan an ngei thin reng a ni.
Vawikhat chu tho a man leh a, hmunphiah kuangin a vit a, a thlawhtir leh a. Kan nuih chu kan warden in min man a. Karkhat chhung lehkhazir lovin min muttir mai chu test tur a awm bawk si, rilru a hah duh teh a sin. Kan Zodina vang vek!
Meizial leh chhuah ruk!
Kan hostelah chuan dan bawhchhia inhremna chu chaweina bungbel leh hnuhma vel tihfai a ni a. Chutianga dan bawhchhia an awm reng reng chuan kan Zodina hi a tel ve thei ziah!
Sikul tan hma hian lo chhuak ruin meizial an lo zu thin a. Kan miss pakhatin a lo man chu niin! Kan warden fing ber pawhin min man lovang ti ti thin kha kan miss in a meizial nung chungin a man hlauh mai a. Chumi tum pawh chuan a tihngaihna hre lovin nuihtlawn a tum ngawt a a chala ri lawh pahin ” i la nui ngam elo” a ti zui!
Khatianga kum pui linglet zet kan awmho hnuah khan kum tawp exam a lo hun a. A exam ve ngei a, mah se thiam erawh a neih ka ring lem lo! Exam paper en tute an fimkhurlo aniang a pass ve nawlh mai a. ‘HALLELUIAH’ pek vak mai hi ka nap hial, kan Zodina a pass ve!
Tichuan zirna lama hmasawnna rahbi chuan min then hranga, a nundan te kha hmanlai ni mai tur leh sawi a, ngaihtuah chhuah changa nuih ti za mai tur atan min hnutchhiah ta a ni..
( A nick a thlak maithei a, a hmaa a nick chu Zodin_RM tih kha a nia…)
March 26th, 2011 at 4:30 pm
A nih hi.
March 26th, 2011 at 4:37 pm
Ama tawngkam hriat ve a chakawm hle mai.
March 26th, 2011 at 4:40 pm
hehe ngaihnawm zek (Y)
March 26th, 2011 at 4:59 pm
(Y)
March 26th, 2011 at 5:00 pm
:-S :-S lolzzz
March 26th, 2011 at 5:02 pm
Ngaihnawm hle mai a. Tui chungchang i ziah hian kan hostel awm thin lai te pawh min ti hrechhuak e.
Zodin_RM hian sawi tur a nei ve ngei turah ngai ang (Y)
March 26th, 2011 at 5:07 pm
ngaihnawm ve aw..hostel awmlai min ti hre chhuak rum2 Tui chungchang ah ngat phei chuan..kan Hostel awmlai pawn hmeichhe ho an ei hmasa thina,chaw ei hun ah tengeng(a hminga kan vuah) an thing ria ,dorm atang in an lo chho thin a,,,vawksa hmehdawn tuk hian cook in chaw ei siam hma2 in kan lo thinrik khalh thina,nuam thei rap
March 26th, 2011 at 5:08 pm
nyaa….
March 26th, 2011 at 5:11 pm
ziak thiam khop mai.ngaihnawm lutuk tak (Y)
March 26th, 2011 at 5:26 pm
@Thingtlangpa hi a bei nasa thei e , a tha…. (H) 😀
March 26th, 2011 at 5:41 pm
Khai! Khawnge amah hi! Han inkap deuh teh u. 😀
March 26th, 2011 at 5:56 pm
E khai a,va ziak ngaihnawm thiam ve. . Muante kid hlui i ni ve toh chiang lolzz
March 26th, 2011 at 6:18 pm
Ava han ngaihnawm teh lul em!!
Tui management lam chu hnehsawh hle mai maw. ka va nui nasa em aw……. 😀 (*) 🙂 (H) (Y)
March 26th, 2011 at 6:21 pm
tui a khawn khawm ang deuh hian boarding school kan awmlai chuan day scholers ho tiffin hi kan khawn khawm dun2a (anni chuan chhuhsak anti 🙂 )a tawpah chuan eitur chi hrang2 kan ngah thei khawp mai.. (Y)
March 26th, 2011 at 6:27 pm
Haha! Aman a va rawn comment har e… 🙂
March 26th, 2011 at 6:35 pm
In inngaih hmel emai he hla hi ka lo thlan sak ang che u http://www.youtube.com/watch?v=yWGDeBFLsf8
March 26th, 2011 at 8:45 pm
boarding school kan awmlai chuan day scholers ho tiffin hi kan khawn khawm dun2a (anni chuan chhuhsak anti). @ 14 ,Zualbonez chu min va tinui nasa ve le.
March 26th, 2011 at 9:03 pm
Zodina chu a va rawn lang har ve mawle! Sawi tur a hre ve teuh ngei awm si a! Hostela awm lai hi a lo ngaihawm ngawt mai! A lo nuam ber ani! (O)
March 26th, 2011 at 9:05 pm
Msg ka dawnga, ka hawnga. “misual ah ka chanchin kha i chanchin a ni ta” tih zawng. Muangmarin thianpa zoziala chanchin hi ka la chip ve ang, ka peih chuan.k net a chhiaa ph trng cuan lut phlo.
March 26th, 2011 at 9:15 pm
@ awmawmpuia…vai ramah vai zingah vai kan tiduhdah thei lutuk 😛 kartin deuh tho kei aia upa leh lian ka insualpui ziah leh nghal, tarmit chu hek duh ve tak ani 😛
March 26th, 2011 at 9:17 pm
Lolz… Zodina cu an va chhuah zero ve..! A ngaihnom.. 🙂 (Y) tiang hunlai te hi ala ngaihom ngot ang..
March 26th, 2011 at 9:36 pm
Tui a bo p piang hian, “ka tui ru chu a mawng pan rawhse”kan t thina. Ringtak he thu ziaktu hian “pân lovang” a lo t ve ziah.
March 26th, 2011 at 9:41 pm
Ekhai, a hunlai chuan ka bulah awm se Zodina chu ka pen lawlh lawlh ngei ang 😀
I ziak ngaihnawm thiam khawp mai, punctuation erawh mit a tikham deuh thin.
March 26th, 2011 at 10:14 pm
Vitamin tlachham a….lol 😛
March 26th, 2011 at 10:20 pm
http://www.petalia.org/bird1.swf
March 26th, 2011 at 10:39 pm
Management para khi a cartoon khawp mai (I) Ziak ngaihnawm khawp mai (Y)
March 27th, 2011 at 12:46 am
kan hostel awmve lai chuan warden pa1 chauh kan neisia,keini cl10 exam tur study leave lai alo nia ani sikul akal dyh jel bawksia,a awmloh hlanin alluminium rangva 7 hi kan hralhru pek alawm le,thenawmten anlo hrilh chu niin,min kota a,min vaw hrep bwka..”vwinah rangva 10 inhralh animw?….”..ati gwt peka,.a tukah chuan 3 kn hralh belh leh,10 ati tho bwksia hehe..a hrecuaglo re2
March 27th, 2011 at 1:07 am
A ngaihawm duh fu mai, hostel nun hi. Keini hostel awm ve lai kha chuan(han ti ve ngial ila) tui kan inchawi chawpa, thing kan inphurh chawp a, kan inbazar chawp a.
Buhfai thleiloh kha kan cook, pu aitea khan, hritlan vang pawh ni chuang lovin, hnap tawlh par2in a chhum thin a. A va tui thin tak em!
DAL IS STRENGHT te kha kan thupui pakhat vai fo thin a ni.
March 27th, 2011 at 3:47 am
(I)
March 27th, 2011 at 7:02 am
Ngaihnawmin a hlimawm khawp mai, Zodin_RM (Grey_RM ni ta ?) thu leh hla ngaihthlak ve a chakawm ve ta thung a nih hi le (Y)
March 27th, 2011 at 8:48 am
ngaihnawm ngei mai. . . Kan hostel awm ve lai chuan sikret zuk ruk theih si loha raja kan hmuam tawp zel. . . 😉
March 27th, 2011 at 9:10 am
hlimawm mang e.
March 27th, 2011 at 10:08 am
shalendra bihchianna rawn post ve tur a nih hi.. :-$
March 27th, 2011 at 10:14 am
kei pawh Aryan bihchianna (illustrated) kan buatsaih ve teh ang 😛
March 27th, 2011 at 11:21 am
Ngaihnawm hle mai!Zodina_RM chu ‘keimah Thingtlangpa’ hi a lo nireng lo maw? 😛
March 27th, 2011 at 4:40 pm
thianpa zozial chanchin chu chip zo ta bawk a,amah zodin_RM chip hun ve ta hle mai…ngaihnawm hle mai (Y) (Y)…here <>
March 27th, 2011 at 4:51 pm
thianpa zozial chanchin chu chip zo ta bawk a,amah zodin_RM chip hun ve ta hle mai…ngaihnawm hle mai (Y) (Y)…here dolphin
March 27th, 2011 at 5:02 pm
kru’zodina chu chip dip zel ang u 😉 😉 😉