Matthaia 5:14-16
“14.Khawvel eng in ni e. Tlang chhipa khaw awm chu thuhruk theih a ni lo.
15.Miin Khawnvar halin hrai hnuaiah an dah ngai lo, a dahnaah an dah zawk thin; tichuan in chhunga mi zawng zawng a en thin. 16.Chutiang bawkin in eng chu mi mit hmuhin eng rawh se, chutichuan in thil tih thatte an hmu ang a, in Pa vana mi an chawimawi thei ang”.
Ringtute chu “ENG” kan nih thu a sawi, khawvel entur kan ni a. Kristian hla bu No.476 chang thumna chuan thenawmte tan eng tur kan ni a ti bawk. Bible-a eng a tih hi engnge ni? Keimahnia Krista nunna awm avanga thatna lo parchhuak thiltih a lo lang hi a ni. Ephesi 2:10 ah pawh “Thil tha ti atan Krista Isuaah chuan siamna awmin ama kut chhuak kan ni si a; chu thil tha tih chu kan awmna turin Pathian in a buatsaih lawk a ni.” Thiltha ti tura chhandam kan nih kha i hrereng ang u.
Kristian sakhua makna ber chu, kan “Goal” ber chhandamna nei turin, keini mihringte hian tih ve theih reng reng kan nei lo hi a ni. Hindu sakhuaahte chuan an van chang turin mahni inphatsana thiltih tur intuk tihte a ngai a. Buddhist-ho lah chu thiltha hlir ti-a an nun kawngtluan hman a ngai a. An mihring puite chungah mai thatna an lantir tur a ni lova, rannung chungah thlengin khawngaihna an lantir tur a ni. Muslim leh Jain-ho pawh thatna a hlawhchhuah ngai tho an ni.
Keini sakhua, hmangaih sakhua, Isua rawn dinah hian; vanram kaina tur chhandamna hlawh turin tih theih reng mihringin kan nei lo. Chhandamna famkim, siam sa, lo peihfel sa vek tawh, min lo chhandam tawhna chu rin mai tur zawk a ni. Chumi rin theihna pawh chu Pathian laka chhuak ani lehnghal. Keiniin thiltha tiha hlawh kan lo tum vete chu pawnchhe hnangkhai ang lek a ni.
Rinna avanga khawngaihna chhandam kan nih hnu hian a ni tihtur, kawngzim zawng turin min lo hmuah ni. Isua anga thuhnuairawlh leh inngaitlawma nungin, khawngaihna leh hmangaihnain kan nun a control tur a ni. Thlarau Thianghlim hruaina hnuaiah he hmangaih rawngbawl hna hi, kan awmna hmun theuah ringtuten kan tihtur leh thiltihtheih a ni. Tichuan thenawmte leh khawvel mithmuhah pawh ‘ENG‘ chu kan lo ni mai dawn a ni. Rinna avanga chhandam kan nih pawh hi, thiltih a awm leh si loh chuan ‘thi’ a ni tlat alawm, a thar lo tawp tihna a ni, “siam thar a lo ni ta” tih kha chu a ni lo tawp, a rahah a lang reng alawm. Ringtu inti si, thatna leh danglamna nei chuang hauh lote hi, hun hnuhnung a “tha duh hauh lote” lo lang tur a sawi kha an ni thei ang em? Mite tana thiltha tih hi Lawmna Rawngbawlna a ngai lote tan chuan chuan, an rinna leh an piantharna kha chhut nawn leh fe a ngai a ni.
Kan mihring mihrinna hi mahni hmasial tura duan leh siam a ni a, chhungte,pasal, nupui leh fanau kan chawm theihna turin hmasial taka Kaina anga kan tan fat fat a ngai. Isua kum 2000 aitam kalta khan leiah a rawn lang ta, ngaihdan hlui zawng zawng a rawn thiat vek a. Mahni ingaih pawimawh tluk zeta thenawm khawveng leh kan mihring puite ngaih pawimawh tur a rawn ti tlat mai a. Kan “ENG” phei chu mi mithmuhin a eng ngei tur a ni. Pasalthate tlawmngaihna kan sawi fo pawh hi hetiang deuh tho hi a ni. Mahni awmna hmun theuah tukhaw hriat ni lo mahse, thiltha tih “habit” hi i nei teh ang u.
Kan Mizo Upa ten “Vanah Pu Vana’n bawkkhupin min thlir reng a nia” an ti thin. Kan Bible pawhin “Mi tin an thiltih ang zela pek turin ka hnenah lawmman a awm” a ti bawk a, kan thiltih hi NUnna Lekhabua ziak zel a ni tih min hrilh. Thiltha tih hi i ning suh ang u. Hnatlanna lovah pawh mahni awmna theuah thiltha tih i ching ang u. Kan thiltha tih avangin khawvel “ENG” kan lo ni ang a; kan hnam leh kan {beloved}Mizoram Kristian ram chu ringlo miten a “ENG” an rawn hmu dawn nia. Ngaihtuah chian chuan, Missionary vek kan lo ni der mai a.
Chuvangin chawl thei kan ni lo,muang thei kan ni lo, thiltha lo buaipui hman pawh kan ni lo, Krista tana Missionary kan awmna apiangah kan ni vek si a.
#Lalpan malsawm rawh se.
N.B. Ka kompiutar a ka chhar anih hi.
March 27th, 2011 at 6:16 am
A va tha kher ve le..Ni e, Kristian kan nih chuan khawvel eng kan ni tur a ni. Eng pek chhuah reng hi harsat chang kan nei fo.Eng pe chhuak tha tur chuan eng bulpui Pathian zawm reng a ngai…tih ka rilruah lo awm ve mai mai a. Good post.
Report this comment
March 27th, 2011 at 6:17 am
Va ziak thui reuh ve, chhiar chiang lovin kan comment ve ngawt chu
Report this comment
March 27th, 2011 at 6:30 am
Rinna azara (through) khawngaihnaa chhandam kan ni. Saving grace through faith, THROUGH FAITH tih hi RINNA AVANGA tih a ni lo, Khawngaihna hlutzia kan bawhbo palh ang e. Redemption-ah hian engmah kan tih ve a awm lo, proceeding-ah chuan tih ve a ngai, LAWMMAN min buatsaihsak hmu turin kan thuthluang thei lo. Rameses leh Canaan inkar kawng kum 40 chhung awh kha kan tan history leh allegory a ni e.
Report this comment
March 27th, 2011 at 6:34 am
Ziak ṭhan khawp mai
Midangte tana kan phâk ang tâwk tâwka malsawmna nih hi Ringtute tih tur dik tak a ni. Malsawmna kan ni thei ngang lo anih pawhin, midangte tana hnawksak loh hrâm tum hi a ṭha khawp mai.
Report this comment
March 27th, 2011 at 6:57 am
Pu Chawnghilh hi a comment tawi thei ta hle mai… a vang bawk. Thlalak thar phei chu a van beisei chi loh dawn tehlul em!!!
Report this comment
March 27th, 2011 at 7:14 am
Kan 1st ve reng reng teh ang.Kompiutar-a chharah chuan tha khops.
Report this comment
March 27th, 2011 at 7:23 am
Kan ramah hian ENG chu a tlem hle lo maw ? Lo eng chhun an awm pawhin kan inhmuhlohsiak ta a ni tal ang. Mi ram leh hnam ah chuan lawmman leh chawimawina sang ber dawng thei khawpin ENG neite hi an chawikang thin a, keini chuan a tawng sang apiang kan pawt thla zel duh si a. Chuvangin pastor leh evangelists-te meuh pawh an tuitla tawh lo mek a ang ka thin ! Huiha…
Report this comment
March 27th, 2011 at 7:30 am
Report this comment
March 27th, 2011 at 8:11 am
Thlarau nun a chawm tha ngei mai… Inkhawm a phurawm sawt
Report this comment
March 27th, 2011 at 8:15 am
Chhar tha hle mai…’He ka eng te tak hi,Khawvel ram pum puiah hian,Ka ti eng zual zel ang,zual zel ang,zual zel ang’ tih theuh i tum ang u.
Report this comment
March 27th, 2011 at 8:21 am
sermon tha tak a ni, nangma irawm chhuak nise ka van ti tehlul em
Report this comment
March 27th, 2011 at 9:01 am
Mi thenkhat tana eng nih hi chu mihring theihna pawhin a theih ve mai, mi thenkhat tana kan en laiin mi dangte tan chuan thim chhah tak kan ni thei. Khawvel eng, mi zawng zawng tana eng tur chuan Pathian tana inpumpekna, mihring rawng bawl lova Lalpa rawng tihtakzeta bawl a ngai. Pathian rawngbawl naa mihring thil kan zeh tel thrin avangin kan eng a lo chuai ta thrin.
Report this comment
March 27th, 2011 at 9:08 am
‘vanram
kaina tur chhandamna hlawh turin tih theih reng mihringin kan
nei lo’- helai sentence hi ka man thiam chiah lo a. Pathianin chhandamna hna a thawhah hian tih theih kan nei lo. Ama’rawhchu, vanram kaina tur chhandamna hlawh tur chuan ‘thil tha tih’ i rawn sawi ang te khi kan tihtur a ni dawn lawm ni.
Report this comment
March 27th, 2011 at 9:51 am
I va chhar tha ve! …kristian tin missionary atan min ko. Kal chhuak theilote pawhin mawhphurhna lian tak kan nei.
Report this comment
March 27th, 2011 at 10:00 am
a post tu hming, vawi 2 ngawt kan en that chu a…
Report this comment
March 27th, 2011 at 10:06 am
Inkhawm loh chang pawha tiang ang chhiar tur a lo awm hi a va hlu thin e aw..Pathian thu hi chu hriat hnu emaw kan tih pawh hi tui takin a ngaihthlak/chhiar nawn awn awn leh theih vek nate hi a ropui zual em em na pakhat a ni.
Report this comment
March 27th, 2011 at 10:10 am
A tha reuh lutuk!
Report this comment
March 27th, 2011 at 11:02 am
Chhiar tlak khop mai.
Report this comment
March 27th, 2011 at 11:13 am
kan awmna apiangah Krista tana missionary kan nih hi kan inhrelo fo mai.
“Sipai ho te Lalpa chuan heti hian a ti a ni: chung niah te chuan heti hi ala ni ang a, mi sawm, hnam ze tinreng atanga lo chhuakte chuan juda mi pakhat fenfualah an vuanin an chelh ang a, i hnenah Pathian a awm tih kan hriat avangin i hnenah kan kal ve dawn ean ti ang, a ti a.” Zakaria 8:23
mi te hian kan hnenah Pathian a awm tih hriatna leh kan hnena kal ve hi an duh em? Kan bula awm te hi nuam an ti em? Zawhna pawimawh tak a ni in ka hria.
Good post.
Report this comment
March 27th, 2011 at 12:33 pm
Midangte tan eng tur kan ni. Mahse kan Eng kha Pathian atanga chhuak ngei nise,lemchang mai lovin…….midang Eng hliakhuhtu kan nih thei.
Report this comment
March 27th, 2011 at 12:39 pm
A tha hle mai……..
Report this comment
March 27th, 2011 at 2:17 pm
>>Isua anga thuhnuairawlh leh inngaitlawma nungin, khawngaihna leh hmangaihnain kan nun a control tur a ni.
A dik lutuk…Amen.
I kompiu ah thuziak tha deuh² dang chhar tur a la awm ang a!
Report this comment
March 28th, 2011 at 12:09 am
ka lawm e.
Report this comment