Duhleh hremhmun/meidil chu khawvel-laimuah emaw universe tawpah pawh lo inbang se, Pathianin mi a hriattir duh ber chu Isua kaltlanga Chhandamna mi zawng zawng a pek hi a ni. Pathianin amah chawimawi turin a din che a. Mahse amah chawimawi lovin a hming i tichhia a, zu te i rui thin a, a duhloh zawngin i awm thin(nih-sual hi tih-sual darthlalang a ni).
Chuvang chuan i thlarau nen lam i thih a ngai a, amah mihringa lo changin a thihsak che a, ama lamah i nun theih nan a tho leh a ni.
Piangthar/piangnawn turin heng thu hi ngaihtuah kual pup pup a inngaihtuah piangthar turin min ti lova, ringtu hna thar chu pawm a, zawm mai tur a ni. Chu chu Pathian a rinna (faith) chu a ni.
Ngaihtuah vak vak a fiah chi a ni lo, i nihna i dinchhuahpui a mawi tak a i hna i zawm kha a tawk lek a ni. Pathian chuan a mi te chapo a phal lova, eiruk a phal lova, keimahni kan in hmangaih ang a kan vengte hmangaih turin min duh.
Indo naah sipai pakhat a tluk vangin retreat ta zel se chak hun an nei ngai lovang. Hetiang chiah hian ringtu nun ah pawh i tihsual khan beidawng suh ang che. Kan famkim theihloh vanga beidawng tur hian Setanan min duh a ni.
Pathianin thupek a nei a, a thupek ang hi i nun kaihruaitu tur a ni. Setana chuan thupek a nei lova, i duh duh a i awm khan setana duhzawng i ti a ni. Nitinin – nula sihhnip hma a i din lai te, lehkhapuan thalo sum chang thei i hmaa a inchhawp lai te, zu sen no tak mai hmaah te i awm lai khan thi thin ang che. Pathianin a hmu che a, a tan i tang ngam em tih a lo en thin.
Kristian (krista zuitu) i nih vang a tui no khat midang i pek pawh kha chhinchhiah a ni a, i thiltha tih ah a pawm a ni. Sual do dan chu thiltha tih tur dap hi a ni. Mihring hnenah nilovin “Lalpa hei i hmingin ka ti e” tiin rilru tawngtainain hrilh thin ang che.
Kristian i nih avanga thil i chan hian lungngai duh suh a pe leh ang che. Sawm a pakhat chu a ta sa a ni a, Sawm a pakhat i pek loh chuan i laksak a ni; pek ngei ngei tur a ni. Chumi bak a i thilpek chu a thlawn ngai lova, amah pawhin fiah a cho a ni. Pathian awmzia (presence)i fiah duh chuan thilpek in fiah rawh .
Aw, Kalvari thing chungah chuan,
Ka Hreng ropui a au;
Jerusalem, Kannan ram zawng zawng,
In Lal a ni lo’m ni, In Lal a ni lo’m ni?
Aw, ka sawi theilo,
Aw, ka hril thiamlo,
A hmangaih a va mak em!
Thukna, thukna, ka sawi thei lo,
Min hmangaih a va mak em!
Khawvel finna tlemte i hriat te hian Pathian thu hi ngaihnep tir ngai che suh se, a lakah chuan eklung pawh i tluk si lo. Pathian ropuina hi i hriat thiam phakloh vangin a nep love.
Similar Posts:
- Inneih hmaa sex hman hi sual a ni em?
- Nu Leh Pa Chawimawi
- Engtin nge ni ang?
- I Duhlai Hlu Ber Kha…!
- Amen! Haleluia! (Sunday pualin)
December 7th, 2010 at 1:01 pm
A n1h hi! Ka CH1ANG uar mai! Sawma pakhat phei hi chu keimah phei chuan chiang leh zual!!!
Sawma pakhat kan pek hian, kan ta va pe ni lovin, Pathian pual kha, a awmna kan sawn mai a lo ni zawk. Kan pek loh chuan Pathianin engangin nge min ngaih ang, malsawmna dawngtlak lo….. tihna ka ni mai dawn a nih chu! 🙂
December 7th, 2010 at 1:04 pm
Post tupa hi serman a thiam hmel 🙂
December 7th, 2010 at 1:06 pm
K3ima tan maw ni a?
December 7th, 2010 at 1:11 pm
I thusawi ngaihthlak a chakom hle mai, thlarau bo engzah tak hruai lut toh ag che maw?????? :o….i hrilh a ngei chuan hlok phah se a va tha dawn em!!!!!!
December 7th, 2010 at 1:13 pm
Nakinah chhiar mai teh’ng…tlar khatna atang chuan ngaihnawm hmel khawp mai..
December 7th, 2010 at 1:14 pm
A va ngaihnawm ve aw..tawi fel si.
December 7th, 2010 at 1:19 pm
Bei thra lehpek veee..! Ka hrethiam vek em poh ka hrelo..a ril tlat. :happy:
December 7th, 2010 at 1:21 pm
Funny chu policy nei tha ve 😆 😆 . Mahni chu in dah that hmiah hahahahaha
December 7th, 2010 at 1:27 pm
Thu lawmawm deuh ka hrilh ang che u. Sawmapakhat hi pek kher a ngai tawh lemlo.
Thuthlungtharah chuan Sawmapakhat hi pek kher a ngai tawh lemlo. “Law of Moses” an tih, Mosia hunlai a an dan vawn ho zing a mi kha a ni a. Nimahsela Krista chu a rawn piang a kha dan kha a rawn paih thla ta, a Thisen in min tlan. Thusawm Pek tih vel kha kan zawm kher a ngai talo.
Mihring thianghlimna lai ber pawh Pathian mithmuhah chuan pawnchhe hnangkhai ang lek a ni si a. Chhhandamtu Krista’n a Thisen a min tlan hma kha chuan Mirhingin a sual tlen nan ran ten a inthawi a ngai thin a. Mosia dan zawng zawng kha a zawm kim a ngai bawk. A nihna takah chuan khatih hunlai kha chuan ‘Grace’ kha a la awm ve loh avangin an mahni thatna a an in chhandam a ngai tihna a nih chu.
Nimahsela mihring tungchho a kalah zingah hian dan zawm kim thei pakhat mah kan awm silo. Ngaih chak a melh chu thinlung uire a ni a la ti leh zel bawk si nen. Tunge Mipa pangai it zawng neilo awm ang? Pathianin ka rilru ang pumi a tih Davida meuh pawhin minu a uire a ni si a.
Mihring boral mai tur chu Pa chuan phal loin a Fapa mal neih chhun, sualna neilo, ser leh hmelhem awmlo chu a kan sual ai tuar turin a rawn tir thla ta a. A ni chuan a Thisenin kan sual zawng zawng chu a tlen fai ta. Dan zawm ngai tawh loin Amah kan rin chauh a phut.
A ‘catch’ ka hrilh ang che u. Chu Kraws a a tuarnaah chuan in nghat la, chumi Kraws ah chuan i sual te chu khengbet rawh. Amah chu ringla, i tan a tuar a ni tih pawm la Chhandam in i awm ang. Mahse, Amah i rin a tihtur hmasak ber chu a hniakhnung zui hi a ni. Ama’n kawng min kawh hmuh hi a hniakhnung kan zui tawh dawn a ni.
Sawmapakhat pawh hi i pek kher a ngai tawhlo. Mosia hunlai kha chuan Dan a nih vangin an pe thin a, amaherawh chu tunah chuan a Thisenin min tlan tawh a Sawmapakhat chauh hi a ta ani tawhlo, a Thisenin min lei tawh si. Lei a kan rosum zawng zawng hi a ta a ni ta, i Pathian tan engchen nge i in phal le?
December 7th, 2010 at 1:29 pm
“Setana chuan thupek a nei lova, i duh duh a i awm khan setana duhzawng i ti a ni”
Mahni duh dan dan a kan awm hian Setana duhdan in kan awm tih hi ava pawimawh em… Nangma duhdan nilo in Pathian duhdan kha lal mawlh rawhse…
December 7th, 2010 at 1:41 pm
Hei chu va tha ve.. “Pathianin a hmu che a, A tan i tang ngam em tih A lo en thin”..ngaihtuah a ti thui hle mai
December 7th, 2010 at 1:41 pm
Post-tupa, post thra taka a ni, lawmthu ka hrilh a che.
Alejendro comment khi a va tha kher em.
December 7th, 2010 at 1:44 pm
Kohhran member ni ve lo keini ang tan hian khawiah nge tithe(1/10) hi pek tur ni ang? Income atanga 1 percent hi charity atan hmang ila tha mai in ka hria.church a/c topup kher lo in.
December 7th, 2010 at 1:45 pm
Mi ngaihdan chhiar tam hian CHIANNA NEI LO TAN chuan buai ve theih deuh mai a nia, chuvangin comments chhiar vak vak loh tur. 😆 😆 😀 😀 😀
December 7th, 2010 at 1:54 pm
@nastycool: ‘Heng ka unau te berte zinga mi pakhat chunga in tih chu ka chunga ti in ni’-Isua.
Khi bible thu atang khian khawiah nge i pek ang tih chu i ngaihtuah thiam ka ring, mi te/rethei pek hi direct taka Isua hnena pekna a ni. 😉
December 7th, 2010 at 2:25 pm
@16. Chhiang ta uar mai. 🙂
December 7th, 2010 at 2:32 pm
He post chhiar tute zawng zawng hi thlarau thianghlim in an mamawhna zawnah hriat chian tir mawlh se..
December 7th, 2010 at 2:36 pm
“Chuvang chuan i thlarau nen lam i thih a ngai”
Thlarau a thih hi sawi chiang thei kan awm em? :rolleyes:
Post tha tak a ni. Ka hlawkpui khawp mai. Comment pawh a ngaihnawm. Alejendro comment (#10)khian ngaihtuah a ti thui khawp mai.
December 7th, 2010 at 2:44 pm
Post tha tak a ni. Ziaktu i ti tha e.
Amak khawp mai harsatna leh manganna tak takin min tlakbuak loh lai hi chuan Pathian Thu te hi sawi thang/ngaihtuah thang kan nih chuan alo kal zung zung a, manganna tak tak kan beisei loh lam atanga alo thlen hian a bo leh veka.
Rethei te pawh kan nawmsak lai chuan kan lainat thiam em em a, harsatna kan han tawh ve chiahin mahni aia rethei zawk te kan hmuh kan leh hlauha. Kan rinawmna te pawh hi kan dinhmunin ala zir em vang mai mai a ni. 🙂
December 7th, 2010 at 2:52 pm
#10 Mosia Hunlai chuan Dan anih vangin an zawm a, tunahchuan krista zuitu i nih vangin i zawm tawh zawk dawn nia. Kan zawm vanga chhandam kan ni lo, chhandam i ni a kan hna tur anih zawk hmel e.
#19 “Thlarau boral” te ti leh chhin ila i hriatthiam phah em?
December 7th, 2010 at 2:56 pm
cotdarz, ka thil ziah khi chhiar kim/chiang ve deuhla mawle.
December 7th, 2010 at 2:57 pm
@Cotdarz
ka hrethiam e… ka lawm e…
December 7th, 2010 at 2:58 pm
#20 a ka comment khi lo awmzia pui teh u akekeke 😆 😆
“I ka zau takin ang suh Seol kotlanga hruai i nih hunah i thin ti ur tu ah a chang leh si ang e.”
Hriathiam har mai2 ang chu Pichiuu 😆
December 7th, 2010 at 3:17 pm
Post tinah hian inhniala a chhuak zel mai!!!! 😆 😆 😆
December 7th, 2010 at 3:24 pm
#24 Seol ah chuan i hmelma te tan pawh i phal lovang.
#22 Ka chhiar kim alawm, dan zawhkim vang a nilo min zawhkimsak vang. Ti rawh a tih te chu i ti anga ti suh a tih che chu i tilo ang.
A Simple zawnga theihtawpa ka ziah ve anih khi uluk takin han chhiar teh u. Hlawkpui tum teh u khawngaihin.
December 7th, 2010 at 4:04 pm
#10 Enchiang mah teh
Mathaia 5:17 Dan thu emaw zawlneite thu emaw tiboral tura lo kal ka nih ring suh u; tiboral tura lo kal ka ni lo a, tifamkim tura lo kal ka ni zawk. Tihtak meuhin ka hrilh a che u, lei leh van hi a boral hma loh chuan Dan thu a mi chhun han te tak te emaw, pakhat mah a boral tawp lo ang, a zaa a thlen kim hma loh zawng. Tupawh zawma zirtir ve apiang chu, van ramah chuan mi lian an ti ang.
Thusawmpek mai nilo Bible pum in a sawi hi engmah thlauhthlak tur a awm hranlo. Ngai tawhlo chu ransa hlan te kha a ngai tawhlo, Isua kan tan a inhlan tawh vang a ni.
Krista chuan Dan thu zawm avanga chhandamna kha a tibo a, nghet taka kan nunpui theih nan amahin a zawhfamkim a, a hnungzui i nih chuan i tih tho tur chu a ni e.
December 7th, 2010 at 4:07 pm
A va han tha tak em.. A Sentence duhlai bik pawh ka neilo, a vai khian a tha vel vek mai.. Ka nun hian Lalpa chawimawi mawlh rawh se..Mahse a va har thin em..!! Lalpa min pui ang che..
W.W.J.D.
December 7th, 2010 at 4:11 pm
good post
December 7th, 2010 at 4:15 pm
#10: “Sawmapakhat pawh hi i pek kher a ngai tawhlo. Mosia hunlai kha chuan Dan a nih vangin an pe thin a, amaherawh chu tunah chuan a Thisenin min tlan tawh a Sawmapakhat chauh hi a ta ani tawhlo,…”
Sawma pakhat hi LALPA ta ni a, kan pe kan tih hian kan ta kan pe ni lovin Lalpa ta kan pe let zawk mai a ni. A tam leh tam loh chu thuhran, A petu thinlung zawk hi Lalpa’n a ngaipawimawh zawk.
December 7th, 2010 at 4:24 pm
Ka hmuh chian ang hian in hmuh chian ve hunah chuan in la hrethiam ve mai ang. Pu cotdarz pawh ka hrilhfiah peih tawhlo che, i thil rawn sawi leh ka thil ziah khi a tum chu a in ang reng. Sawifiah dan ka thiam tawhlo e, i hrethiamlo hrim hrim nge in hrethiam duhlo pawh ka hrelo. Nge ka sawifiah tawklo zawk? Engpawh chu nise a dik ber leh dik berlo chu heta kan rel theih lah awm suh, Chunglam rorelnaah dah ila.
Ka rawn comment na khi i thil ziah ka chhanna pawh a ni em em lo. Sawmapakhat tih inziak ka hmuh khan ka rilru a awm ka rawn tarlang ve mai a ni e. Ka thil ziahah pawh a then lai lai chauh in rawn tarlang te chuan a dik thei reng nang. A then lai lai chauh tarlan a dik thei chu nise khiti teh duah in ka ziak nang.
Engpawh chu nise midang sawi emaw vangin ka rilru ka sawhsawn dawn chuanglo a, ka rinna leh ka hriatdanah chuan ka dinghet e. Nangni pawh in ngaihdan leh in rindan sawhsawn turin ka phut heklo che u, ka ngaihdan ka rawn tarlang ve mai a ni.
Ka Lawm E
Alejendro
December 7th, 2010 at 4:25 pm
e heu, misual.comer kohhran din a va hnai toh ve, sawma pakhat pawh misual box ah thlak tur a ni ta deuh ber mai maw?
@10 coment na chu(h) ngaihtuahna va ti thui ve.
December 7th, 2010 at 4:27 pm
@Alejendro: Bible hre mi deuh i rawn tam a ngai ka ti. Hetiang zirtirna tesep a lenbo i nih zel chuan Bible hi i paih then zel a nga, chhan tha tak tak nei si in tawngtai a ngai tawh hleinem te i ti ang a, Bible te i rapbet ang. Hetiang ti tu te hian tanchhan chu an nei ve vek zel.
Thusawmpek lai i dik i ti thei nganglo anih pawhin a chiung a mi zawng khi uluk takin lakluh ngei tum ang che.
Kan sawi a, kan inhriatsiak a, kan inhrilhfiah siak a, amah hnaih tak tak kan tum si lo. Hengte hi Kristian ni ve si tan chuan Setana min bum ve theihna liantak a ni ngei ang. Chu chu ka duh lova a mawlmang thei ang berin ka ziak anih khi(Bible chang tarlang lem lovin).
December 7th, 2010 at 4:40 pm
Sawmapakhat hi kohhran a/c a deposit kher a tulna ka hre lo. Charity atan hmang mai ila. Isua pawh khan heng ka mite ber te chunga in tih hi ka chunga ti in ni a tih kha maw.Kohhran lawina nei lem lo keini ang tan phei chuan a awlsam phian.
December 7th, 2010 at 4:42 pm
cotdarz,
Bible hre mi deuh chu enge ka rawn a tulna tur? Ziak leh chhiar thiamna minpe a, hriatthiam theihna minpe bawk a chu chu ka chhawr tangkai ve mai dawnlo emni? Kristiannaah chuan midangte bawihsawm ngailo a awm te hi a tel vek a sin.
Tawngtaidam thei a awm e an tia an pan sup sup a. Enge a chhan? In Pathian biak a in anglo emni? A Pathian chuan thil a ti thei bik emni? Tawngtai dan i thiam velo emni? Kristian i nilo emni? Engah nge midang tawngtai kher i ngaih? Engah nge midang rawn kher chu ka ngaih?
Ka sawitum a ber khi ila hrethiamlo cheu nge ila hrethiam duhlo cheu? Nge ni ka la sawfiah tawklo cheu? Chhandamtu a rawn kal hma a dan awmho kha chu maw voin niah hian DAN a ni tawhlo. Khang hunlai kha chuan DAN a nih angin an zawm ngei ngei a ngai. Mahse voinah chuan DAN a nih vang ni tawhloin kan tana a tawrhna, a thisen a min tlanna kan rin avangin Amahin entawn tur min hnutchhiah kha kan ti tawh mai tur ani. Chu chu Amah i rin chuan i tih hmasak ber tur pawh a ni reng.
Chumi nilo a Thusawm Pek zawm kim talh i duh a nih chuan zawm kim ilo tum chhin dawn nia.
1. Pathian dang reng reng chu i be tur a ni lo, Pathian thikthuchhia a ni si a.
2. Milem chhun pathiante chu i siam tur a ni lo.
3. Chhang dawidim telh loh Kut i nei tur a ni.
4. Chhul keu hmasa ber apiang chu ka ta a ni.
5. Ni ruk chhungin hna i thawk tur a ni a, a ni sarih ni erawh chuan i chawl tur a ni.
6. Chawlhkar Kut, buh thar tirh Kut chu, kum a lo ral a, buh chhung vek hnua pawl Kut nen i nei tur a ni.
7. Ka tan inthawina sa thisen chu chhang dawidim telh nen chuan i rawn hlan tur a ni lo.
8. Kalhlen Kut inthawina chu a tuk thlengin awmtir tur a ni lo.
9. I lova thlai thar hmasa ber chu LALPA i Pathian inah i rawn dah tur a ni
10. Kel no sa, a pui hnutetuiin i chhum tur a ni lo.
December 7th, 2010 at 4:46 pm
Va thuthlung hlui thiam thiam si ve a 😀
Dan harsa tak tak (Mosia dan) kha dodal ni miah si lovin Isua khan a rawn ti awlsam jaih. 😉 …. A ropui ber chu Mosia danah kha chuan ran a inthawi a ngai nasa em em, Isua ah erawh chuan ama tawrhna kha kan inthawina ni tawhin ran a inthawi kan ngai ve ta lo. Matt. 11:13; John 1:17; 2 Kor. 3:15-16, Matt. 17:1-5; Acts 3:22
December 7th, 2010 at 4:48 pm
Dan chu a tiboral lo, a rawn ti famkim, a tihfamkim tu tih famkimna kha Pa in keini ti famkim ve lo chung te tihfamkim na ah min pawmsak tlat hi a va lawmawm em…Kan sual kan sim vanga min ngaidam lovin kan sual lai reng pawh a min ngaihdam vang hian sual zui chi hi kan ni tawh lo ani.. ti ve duah ang.. hehe
December 7th, 2010 at 4:50 pm
Haha,Alejendro chu ziak tha ve. Tawngtai dam thei ho hi chu ngaihkhata ngaih chi.sudden muanga power nei kha an ang tlats. Faktea khan min khawih ve a,ka tlu ve thei miah lo mawle.lolz
December 7th, 2010 at 4:56 pm
Pathian thu lampang a inhnial hi chu i sim ang u. Mahni rindan zawm ila,kan rindan kha midang te va hrilh talh tum lo ila kan fel tlang ani mai.
December 7th, 2010 at 4:57 pm
Pathian thu lampang a inhnial hi chu i sim ang u. Mahni rindan zawm ila,kan rindan kha midang te va hrilh talh tum lo ila,midang rindan sawisel lo ila, kan fel tlang ani mai.
December 7th, 2010 at 4:58 pm
#35. A tha ka ti keipawh.
#36. Ka Bible chang rawn tarlan khi i sawitum tak anih chuan kalh tawh suh. Kan sawitum a in hnaih em bawk a ni.
I rawn sawidan khi chuan i paihthla hmak a chu chu a diklo. A ngai tawhlo te i rawn ti ngam a.
“Pathian dang reng reng i be tur a ni lo” tihlai khi zawm a ngai tawh love i tihna ang lek a ni.
“Kristiannaah chuan midangte bawihsawm ngailo a awm te hi a tel vek a sin.” a dik lutuk.
Mahse inpawlho reng kan mamawh, chu mi atan chuan kohhran a awm.
December 7th, 2010 at 5:02 pm
OT em em lo tura ngai ila 😀
Matt 23:5 ah chuan, “An thiltih zawng zawng chu mihring hmuh atan a ni, an tih zawk thin ni, an thil bun leh khimte chu an tihlai a, an puan hmawr fem an tibuk thin a…”
Matt 23: 23-28 ah chuan, ” Nangni lehkhaziaktu lehPharisai vervekte u, in chung a pik e! pudina te, mohuri te, zira te chu sawmah pakhat in pe thin a, dan thu pawimawh zawk — felna te, khawngaihna te, rinawmna te chu — in ngaihthah si thin; nimahsela, chung chu asin in tih tur ni, a dangte chu tih thulh chuang lovin. Nangni hruaitu mitdel, thosi thlifaia sanghawngsei lem si thinte u!
Lehkhaziaktu leh Pahrisai vervekte u, in chung a pik e! no leh thleng pawn lam in silfai a, a chhung erawh chu hleprukna leh insum lohnain a khat si a. Chhung lam chu silfai hmasa rawh, a pawn lam pawh a lo fai theihna turin.
Lehkhaziaktu leh Pharisai vervekte u, in chung a pik e! Thlan hnawih var, pawn lam mawi taka lang, a chhung lam erawh chu mitthi ruhte leh bawlhhlawh tinrenga khat angte chu in ni asin. Nangni pawh chutiang takin pawn lamah chuan mihring mithmuhin fel takin in lang thin a, in chhung lamah erawh chuan vervekna leh sualnain in khat si a.
Most prominent faith healers, like Peter Popoff and Benny Hinn have been exposed as frauds. Popoff used a hidden earpiece in which he was relayed a person’s private information, but he would say “I have never met this person yet I know everything about them because God is telling me”. And Benny Hinn never EVER tries to heal anybody with visible injuries or diseases (i.e. scars, broken legs), he only sticks to people with internal injuries whom he can fool.
Read more: Do you believe in faith healing? | Answerbag http://www.answerbag.com/q_view/612045#ixzz17QOhvrPd
December 7th, 2010 at 5:04 pm
Pu HV a chu ka post ah i comment vawikhatna a niin ka hria.
I thilsawi chu comment 28 ah ka khung tel.
December 7th, 2010 at 6:02 pm
#38 Va lo sawi tha reuh ve, ka lo chhiar kan daih alawm ka hmu chiah.. full sapoot 😀
December 7th, 2010 at 1:44 pm
Post tupa”Chuvang chuan i thlarau nen lam i thih a ngai a,”
, hi I sawi fiah thei hram em? Zep miah lohah chuan ka hre thiam chiah lo deuh a
December 7th, 2010 at 1:48 pm
“Indo naah sipai pakhat a tluk vangin retreat ta zel se chak hun an nei ngai lovang. Hetiang chiah hian ringtu nun ah pawh i tihsual khan beidawng suh ang che. Kan famkim theihloh vanga beidawng tur hian Setanan min duh a ni” ava han tha teh lul em. Pastor/Puithiam nazawng sermon ai chuan ka ngaihlu zawk e. A chhan chu chawp leh chilha ka hnena thu a sawi avangin.
December 7th, 2010 at 1:52 pm
K lo tih 50 sak ang ce, suahdurz..
December 7th, 2010 at 1:53 pm
ReMpY, A trul lo e mai..
December 7th, 2010 at 1:54 pm
SciSsoR, ngoi teh, a post tupa hian comment sak ve turin mn ron ngenv naca sia..
December 7th, 2010 at 7:32 pm
Haha nangmah te i inhnial elo remput.
@william: thlarau boral tihna ah ngai ang, a dikzawkin ka hria.
Thahnem in ngai a ka lawm..
December 7th, 2010 at 7:43 pm
A tha hle mai, a hma a mi ai khan chhiar pawh a kal zaih a lawm hei chu, a thu chu thuhran pawh nise .
@codartz, i ril ru riau mai, engtikah emaw i sermon la ngaihthlak tur a ni, ka lo la leng a nge
December 7th, 2010 at 10:06 pm
Alejendro comment nen, sermon ropui tak kan ngaithla ani ber e!!
Sawmapakhat kan pek hian, engmah pe lo ang kan ni..
December 8th, 2010 at 12:16 pm
@cotdarz- i va ziak ropui ve, sermon tawi tha tak a nih hi. Han ziak zel teh.
January 23rd, 2011 at 5:24 am
Amen. A tha khawp mai.