C. Lalengkima,
School of International Studies
Jawaharlal Nehru University, New Delhi-67
Bru te hi hnam mawl tak leh a tak angin kan ngai thin a. Kan politician thenkhat ten an vote an duh avangin an invulh len chhawk a. Mawlte an nun thiamna hian an vote lei a ti awlsam a, chu chu inthlannaah candidate thenkhat ten chakna atan an hmang thin a ni. Mahse, an mahni hamthatna leh chawikanna lam kan thleng pha meuh lova, dinhmun derthawng takah an awm a, tun dihmun hi an thleng ta ni ber.
Bru tam tak hi Mizoram khua leh tui dik tak a ni a. Mizote hian hnawk leh mawl kan tih em vang hian kan ram awm a tan pawh hian kan duh meuh lo niin a lang a. Mahse, dan leh dun hmanga an dikna chu tharum leh haw haw a kan hnawl sak ngawt theih a nih loh avangin kan duh emaw duh lo emaw kan lak leh ngei a tul ta reng a nih hi. Chuvangin Bru ho kan lak letna turah hian ngun tak ngaihtuah chunga kan that tlanna tur ngaituah a thil kan kal pui a tha awm e.
Na chhawkna kan ei zing Mizo te :
Mizote hian buaina kan tawh hian chin fel lam ai hian buaina nasa zual pui reh hian kan duh tawk mai thin. Buaina awm apiang hian ka ri huk a, a buai zualpui a reh mai a, amaherawchu, kan rik huk tawh hi chuan thil pawi enge maw hi a thleng ziah bawk. Mahse, chu chu buaina chinfelna tur atana thil tha ber a ni hran lo. Hei hian kan natna a ti dam lova, nachhawkna ei ang chauh a ni. Kan buaina chinfelna tak tak kan mamawh ta. Silchar vai buai a awm pawhin kan ri huk a, a reh mai a, a lo chhuak leh a kan ri leh huk kum tin mai dawn em ni ang le ? Nachhawkna kan hmawm zing lu a deuh a ni.
Source: Zalen ah hian a chhiarzawm theih e.
{ka insawithei, a korean em?}. Podcast te hi la tih theih se tha viau ang.
