Têk kan hria a, a thawh nat zia pawh kan hre theuh àwm e. Thawh dân chi hrang hrang a nei a, chu’ng zîngah mihringa a thawh dân hi a dang ber àwm e.
Têk hi eng nge?
Nulät tlangvàl kan han hre chho tan dêk dêk a, he têk hi kan tawng nghâl pang. Duh zâwng kan nei a, engmah kan hrilh ngam si lo. Puipun nikhuaah kan chhuak a, duh taka chu mitin kan han zawng ru a, kan duh taka te paw’n min lo zawng ru ve ngei a, chuta mit leh mit intawng taka hi ‘têk’ chu a ni.
Mihringa a thawh dân
A thawk chak khawp asin. Têk a rawn tla ta chiah a, rilru a dêng nghâl sawk a. Zahthlâk a rawn inlâr tuam tuam a, a nuam veng veng lawi a. Sim hleih theih lohvin a ngawl kan vei nghâl pang a. Ngawl vei rau rauah chuan a sual lo ber àwm asin. Têk bawk chu zak chung chungin kan beisei a, kan pan leh nge nge thîn.
Engtik laiin nge a tlâk thin?
E le, hun remchâng apiangah a ni mai. Ninawm hek loh. Inkhâwmnaah te, sikul kalnaah te, hnathawh ho-na hmunah te a tla thîn. A bîkin kum lama la nau deuh a dêng duh hle a, anni paw’n den an duh tlángpui. Nuam an ti êm lo. A den lai na na na chuan nâ an hre miah lo va, mahse, a den dân a zirin a hnuah an nâin an na lo mai thîn. Kan duh rûk ngawih ngawihte-ah lo chuan a awm duh miah lo lehnghâl.
A rahchhuah chu
He têk hian mak tak maiin chhûngkua a din thei tlat. Khawvel population titamtu a ni tlat. I lo pianchhan kha he têk vâng hi a ni hial mai thei, i hringtu zâwt rawh. Nupui pasal zawn kawngah min puitu tha lutuk a ni. Tûna i nupui leh i ngaihzâwng pawh kha he têk paltlanga i neih a ni mai thei. Têk tha chuan chhûngkaw tha a siam a, chhûngkaw tha chuan khawtlâng inlungrualna; khawtlâng inlungrualna chuan ram nuam a siam. He têk hi ram hnuk khawih thei thil a ni tlat.
Unaute u..
Aw unaute u, he têk hi i hmang tangkai ang u hmiang. Kan chhûngkaw nawm nan, kan ram thanlen nan le.. Mahse, mi zawng zawngah têk tlâktîr i tum lo vang u, têk chhe mi a ni si a. Aw ka unau, khawi hmunah pawh têk zawng suh. Têk tha lo i tawng ang a, piang tur a thulhtîr ang e. I tâna têk tha chu thliar hrang thiam la, i têk duh ber thlang la, chu mi chuan inden nawntîr awn awn ang che.
Similar Posts:
- ‘misual’ ngawl ka vei…
- Eng tikah tak kâwl êng ve ang maw?
- KAMLIAM
- Aizawl, 2011 Chapchar Kùt Thlalak thenkhat – Vaivut khu reng a awm ta lo…!!!
- Church Denomination leh Mizo Kristiante
. hairehai
April 7th, 2011 at 6:07 am
Ka duh reuh lutuk. Tuaisiala thin tak hi chu aw!!!!!!!!!!
April 7th, 2011 at 6:10 am
Tek tha mi!! Ni e, tek a rawn tlak hi chuan kan bing mup mup a, sawi tur hriat a har tawh thin a nih kha!!!!
April 7th, 2011 at 6:22 am
Proxivon in kâp (injection) ho pawh an chhip atanga an mawngkua thleng an têk thla chiai thin
April 7th, 2011 at 6:48 am
Kum 50 chunglam tan he tek hi a la awm ve thei ang em le ?
April 7th, 2011 at 6:57 am
Tek hi a tha a nia.
Tunlai chu kan online mumal hman miah loh chu le. Khawbungah va fawr zawk teh ang.
April 7th, 2011 at 6:58 am
vawiin chu têk den tur ka’n zawng teh ang.
April 7th, 2011 at 7:18 am
Kâr hla ‘D’ zûna uai tân chuan têk hmuh a khât deuh.
April 7th, 2011 at 7:40 am
Ka beisei loh zawng daihin tek chanchin, vansanga a insiam dan, electric current voltage sang lutuk a siam dan te, mihring tana chhiatna a rawn thlen te, a tangkaina te i rawn sawi chiam dawn emaw ka tia. I ziak tha hle mai. I han sawi takah chuan a tha hle mai, tek hi.
April 7th, 2011 at 7:51 am
TSa chu i tek nitin lo maw he he
Ngaihzawng kan han hre ve tran a, min rawn en ve nge ve lo kan han melh deuh zauh lai te kha, an in zawna kan kal lai te khan kan aw an hriat theih nan kan han trawng ring deuh thin em ni kha(h)
April 7th, 2011 at 7:58 am
ts a thin hi aw
April 7th, 2011 at 8:19 am
April 7th, 2011 at 8:31 am
@Pu Shai, khawbung ah chuan tute nge rawn phei dawn che u.
April 7th, 2011 at 8:38 am
A va nuam em Tëk chuai2 mai!
April 7th, 2011 at 8:45 am
Kawlhawkdakan a nuih che nia..tuaitee…ani pawh hi a tek nasa ber ber anih hmel roh ka ti..
April 7th, 2011 at 9:01 am
Tet deuh laia(tleirawl lai ni zawk ang chu)chaz kan han nei tan tirh lai vela,chaz te nen inhmuh thuta,mit leh mit intawng thuta tek deuh chaks ang hi ami in sawi a?
April 7th, 2011 at 9:10 am
@K’u Trawt, K’u Kawlpuia te chu tun thleng paw’n a la têk chhuaih chhuaih reng alawm!
@Payable, a ni àwm khi maw..
April 7th, 2011 at 9:12 am
a niang…hawkdaka pui roh hi chu tiro…tuaite
April 7th, 2011 at 10:17 am
Partner mit kalh neih chuan kan trek fuh hlei thei thrin lou..
lolz
April 7th, 2011 at 10:27 am
Kei chu ka tek mai pawh a ni lo, ka puak lo chauh zel..
April 7th, 2011 at 10:40 am
#18 haha!
kei chu partner mitkalh neih pawn tek tho mai, min en emaw tih lai in minlo enlo renga.chutiang bawk chuan min en lo emo tih lai in min en renga..Min en emo tih lai(minlo en siloh lai tak chuan)kan tek chuai2 ve tho alawm haha! Mahse a rual taka,tek rual chuai2 chu a har deuh.
April 7th, 2011 at 10:49 am
ReMpY chu partner mitkalh a nei tawh a ni maw..!
April 7th, 2011 at 11:02 am
Hey2, nangni 2 – Tuaite & tattea te kha, ti nge kha ti vak2a min lo rel, in pawi ka sawi em ni?
Tuaitea hi lawm, rawn thlawh fuh dik nalh thei ltk a…
April 7th, 2011 at 11:48 am
Hmm! He post chuan mi sawi chhan tlat mai.
April 7th, 2011 at 12:36 pm
Kei chu tulai ka tek nasa thei lutuk hi a manganthlak khawp mai. Mi ka chibai zawng te hian ka tek leh chuai chuai thin.
Mahse i tek sawi ang hi chu a ni hauh lo, STATIC ELECTRICITY zawk a ni ka sawi ve duh ni
In discharge fo angai mai, kelawnga kal hian a ziaawm deuh. Computer parts khawih dawn phei chuan fimkhur angai rura!!
April 7th, 2011 at 12:42 pm
@ 24..keipawh static electricity ka ngah lutuk….mak ve khawp mai …a chang chuan ka lu te hi a khu (smoke) thin :not fiamthu:
April 7th, 2011 at 5:25 pm
‘inden nawn tir awn2 ang che’ lol
April 7th, 2011 at 8:12 pm
ka tum loh lam deih a ni mai a..a heading en chuan energy lam ron sawi dawn maw ka tia. heheh tha tho