He thu hi ziak tûr ka ni lo asin! Mahse ka ziah a ṭùl si a. Mizoram ka thlîr a, a mawi ka tiin hahchawlhna hmu nuam tak zawng a ni. A chhûnga chêng Zofate inlungrualna leh thawhhona ṭha tak ka hmuh phei chuan lâwmin ka hlim lo thei lo. Chutiang hnuaia kan lo seilian hi mi vanneite ziahna buah chuan a tlar hmasa ber kan awh ngei ang le. Mahse maw… thil felhlel leh dik lo hian zung a va kai nasa tawh tak êm!
Thil tam tak sawi tûr nei mah ila, thil pakhat chauh sawi tûrin tun ṭumah chuan ka thinlungin min phalsak a. Chu chu eng dang ni lovin sawrkar Deptt. hrang hranga hna lâk dân chungchâng hi a ni.
A ni tak e, hmanni lawka RMSA zirtirtu hna kha bei nge sei rûn dung tiin ka dîl ve a. Zawhna min zawh te chu ṭha taka chhângin tiṭha ve viau chuan ka inhria maw le (ka inhriatna mai mai zawng a ni). Ka nuin “Mapui, ka ṭawngtaisak reng che a nia, i tling ve maithei asin” tia min hrilh te kha ka bengah a châm reng a, beiseina sâng tak nên ka lo nghâk ve a ni. Result a chhuak a, ka hming chu hmuh tûr rêng a awm lo, ka vui dâwn emaw in ti a ni maithei. Ka vui hauh lo asin.
A hnu ka thil hriat erawh chuan ka thinlung a vit a, ka thahrui zawng zawng hi a chhat ni berin ka hria. Kan ṭhiannu pakhat chuan tihian min hrilh a, an ṭhiannu pakhatin science teacher a dil ve a, hmeichhe dang pakhat nên an interview a, result a lo chhuah meuh chuan MIPA zuk tling daih a! Tin, ka ṭhian pakhat chuan a ṭhianpa tlin thu min hrilh a, “MNF a ni a, mahse a tling tho maw le” tiin phâwk deuh hru hian a sawi a. Kei chuan, party-ah a inhmang em tih leh hnaa a tlin theih dân ka zâwt a. Ani chuan “MNF party-ah chuan inhmang e. MNF ni mah se, Minister a be thiam a, Minister lehkha a nei alawm. Tu emaw tal Minister emaw, thuneitute emaw biak i nei ve em?” tiin min zâwt lêt a. Ka neih loh thu leh chutianga tlin ai chuan tlin loh pawh ka thlan zâwk thuin ka chhâng ta a ni.
Hei hi maw kan Zoram chu? Hna lâk dâwn apianga Minister/thuneitute lehkha neih tum ziah, tu emaw zâr zova hna hmuh tum tlat, mahni thiamna leh theihna hmanga hna zawng ngam lo, midangte tlawn ṭhin Mizo maw kan lo nih? MPSC examination conduct hi chu fair tura ngaih a ni hrim hrim a. Chutih laia Departments hna lâk dânin sawisêl a kai ziah leh duhsak zâwng kan tina êm êm te, Ministers leh thuneitute lehkhain thil a tithei êm êm te hian nuih zawng a tiza mawlh lo. Deptt. hna lâk chungchânga mi tam tak rilru put dânte hi a pawi asin. Tûnah chuan ṭhalai hna nei lo tam takin Departments-ah rinna an nghat ngam tawh lova, nghah ngamna chi pawh a ni bawk hek lo. Chhûngril lamah kan dik tawh lova, tu mah pawh hi kan inring tawh bawk hek lo. Sawi dâwn chuan sawi tûr a va tam tak êm! Ka sawi sêng lo ni mai teh se.
Dikna ngaina a, rinawmna fawng vuan tlattute tân hian eng tikah tak kâwl êng ve ang maw?
Similar Posts:
- Ram hruaitu te ka khawngaih
- Hria awm tak che u maw..
- Lalruotmawi an phuar dawn
- Chhiartu duh tak
- Forest Guard hna lak chung chang kha
April 3rd, 2012 at 6:02 pm
E a la eng ve lutuk ang
Report this comment
April 3rd, 2012 at 6:04 pm
A ni tak asin mawle.
Report this comment
April 3rd, 2012 at 6:07 pm
Ministres te hian engatinge hna lak naah hian lehkha te an pek chhuah thin reng nreng le, a thiam leh tling te lak mai na turah mi tlinglo leh hmelhriat tha nei an la thin a nih chuan a rapthlak viau ang
Report this comment
April 3rd, 2012 at 6:19 pm
oi ha..
Report this comment
April 3rd, 2012 at 6:28 pm
E lungngai suh, ‘Amah chu ring la, Aman a ti vek ang’ tih a nih kha. .
Report this comment
April 3rd, 2012 at 6:31 pm
Va lungngai hma ve, a la chhe vek lova nia….nge kan tho thut anga kan siam tha vek mai don mon le
.
Jacka pi thusoi hi han ring phot la tha mai ang.
Report this comment
April 3rd, 2012 at 7:01 pm
Lungngai ma ta che! Khawvêl awm chhung chu kan heti nuaih reng dawn a nih hmel
.
Hêng thil te vanga buai ve lo nih chu phakarna, buai-chhia nih erawh âtna. Siamtha tùra pachang taka beih chu puitlinna. I lungngai lo vang u, vui kan tam sâwt em a, kan vui vek hunah meuh chuan a dik ve duak mai… chuang lo vang em?
Report this comment
April 3rd, 2012 at 7:16 pm
Report this comment
April 3rd, 2012 at 7:26 pm
Sorkar hnathawk tur hian a tha tha an la tawh ngai si lova. Thumvawr zawngin la tawh sela, a fair ber ang. Tunah chuan an lilam (auction) ani ber alawm.
Report this comment
April 3rd, 2012 at 7:50 pm
khua hi a var mai mai lovang, kan mind set hi..a dik lo hrim2.. Kan thenawm manipur hi kan zui zel a, an ni an insiamthat vek hnuah hmalam kan pan ve chauh ang. Manipur lah insiamthat an la hlat nasa mai si a, zoram phei chu a la hla lehzual hle mai. kan hmalama eng hi a chau teh mai a nia..bei hi a dawng lek2 thin.
Report this comment
April 3rd, 2012 at 8:05 pm
Report this comment
April 3rd, 2012 at 9:02 pm
Khawvel hi chu a FAIR lova, a FAIR thei dawn chuanglo niin ka hria.
Mak ka tih deuh chu officer hlawh tam tak neite’n cheng 500 vel emaw chauh pawh thamna anla duh tlat hi a MAK ka titawp theilo.
Keimah-ah chuan hna dil emaw, office pawimawh a kal chang hian hetiang hna sang chelh chinte thamna petu nih hi ka zak deuh tlat a, kan neih phak tawk pawisa tlemte kan va keng ve ang a, lak a hnekin minlo hmusit zui daih si ang tih ka hlauh avangin pelo-in ka haw leh daih zel. Hetinga a vanga ka thiltih an delay emaw, an hnawl emaw chang hi chuan rilru chu a hlimlo ve tho thin. Tihngaihna dang awm tawh chuang heklo, tawrh rih tawp a ngai a ni mai.
Report this comment
April 3rd, 2012 at 9:33 pm
Office pakhat ah chuan an bangah ‘Don’t expect the world to be fair’ tih an tar ka hmu a, a dik ka tih hle rualin sorkar ofiice bang a tar ah chuan a mak ka ti deuh bawk. Nia, diklohna hi mizoram ah chauh a lal lova, india ram state dang ah pawh a lal em em ani. Mahse keini anga Kristian rama inchhal anni lem lo. Kristiante hi chu midang chuan dik tur leh dawt sawi lo tur leh thamna te la ve ngai lo turah an ngai a. Sorkar pawhin Kohhran lehkha hi chu a pawm hmak zel a nia, kohhran ho chu kan ni vek bawk si a le…………..
Report this comment
April 3rd, 2012 at 11:00 pm
Kan rama diklohna nasat tawh zia a taka hretu ah i tang ve ta anih chu. Minister lehkha nen a tlin ai chuan nitin inhlawhfa a ei ka zawn hian ka zahawmna ka hum ani ti tlat thei ila a tha.
Report this comment
April 3rd, 2012 at 11:13 pm
Mahse, lungngai mah ta che… Pathian a awm alawm le, Lalpa hi a chet muan thin em avangin a tih tum hi a thulh dawn tihna erawh a ni lo tih i hre nawn leh ang u.
Report this comment
April 3rd, 2012 at 11:31 pm
Thenkhat tan hi chuan kawng hi a kaw sa ruak a, an tal kawl a eng satliah pawh a ni lo, khawthiang nuam tak hnuaiah an tualchai a ni mah mah zawk. Chutihlaiin thenkhat tan erawh kawl a eng ve tak tak thei thin si lo. A thei fa tan chuan hna a tam, a minazawng tan erawh mahni kutkea dinchhuahna tur zawn a ngai si thin.
Report this comment
April 4th, 2012 at 12:23 am
Mizoram ve hi zawng…a hahthlak ani e. Chhungte nen Mizoram rim a ra pawh hriat lohna hmunah pem daih ania ka chak!. Politician te lah hi..an hmelchhe em em leh nghal a!
Report this comment
April 4th, 2012 at 12:30 am
awke vek teh ang ..https://www.youtube.com/watch?v.....re=related
Report this comment
April 4th, 2012 at 12:52 am
He’ng vang hian ani ka High School kal lai atang tawh in sawrkar hna thawh hi ka tum ngai lo,thawk tur paw’n ka rilru hi ka la siam chhin ngai lo. Hah taka thawh man lak hi alo nuam ber mai e.(thu mei nei. ;)) Ti zel rawh,hlawhtlin hun Ila nei em2 ang,mi zawng2 hian kan nunah hian thim map khawpa beidawnna kan tawng vek ania.
I sawi takah chuan result chhuah hma zan khan ka thianpa’n a beidawng tawh lutuk a facebook wall ah hawrawppuiin ‘KA HEL DAWN’ tih hi a rawn ziak a. A tukah alo tling zui sia,fiamthu in Minister hoin a wall an lo hmu a an tih sak kha.
hei anni pawh beidawng tawh lutuk in fair takin an tling tho alawm. Beiseina lian tak neia kal zel turin duhsakna ka hlan a che.
Report this comment
April 4th, 2012 at 12:56 am
AC Milan hi chak mial se ka van ti em!
Report this comment
April 4th, 2012 at 1:37 am
MPSC kaltlang ngeiin ila tling turah beisei mai ang aw. MPSC kaltlang lo hi chu a harsa a nih hi.
Report this comment
April 4th, 2012 at 1:48 am
BTTTB, Bawngtuthawh Technology Board hi a zia
Report this comment
April 4th, 2012 at 2:27 am
Nia, tun lai thil awmzia hi a manganthlak ngawt mai. Mahse engpawh fair lo vek tura ngaih cu a tha lo a nia. Kei pawh pathian zarah k tling ve hlauh a, ka dilnaa dil veah khn ka aia expi ngah fe, MA BEd, kn dilna khw thenwm lwka mi a wm ve a, kei, aizola mi ka tlg ta daih sia, thenkht tn cn k rinhlelhawm ve viau ka ring. Mhse k dik miau a, k lwm khp mai. Heti ag hn rilru ka siam thn, fel lo tka tlina sawi ngm cin neiha invèn tret reg ai cuan tlin loha duh2 swi theia eg thàwl hi nuam ka t daih zok.
Report this comment
April 4th, 2012 at 2:57 am
Ka lo OT lawk, Ignatia hi a biak pawh dan a awm em aw? Ka va hre duh ve aw, a facebook account a lo deactivate leh zuk pek a ni awm e..
Report this comment
April 4th, 2012 at 6:59 am
Theih tawpa beih zel chu ka tum alawm. Pathian zarah ka la hlawhtling ve mai chuan ka ring. Political/hmelhriat fitness hi nei mah ila, hman ka tum lo. Dikna nena tlin ngei hi ka tum a ni. Thil dik lo tam tak ka hmuh hian hliamin ka awm thin, Mizoram hi ka hmangaih tlat avangin.
#23 Zorema01 ka lawmpui khawp mai che. Chaw la eikhawm ila tha ang a….
Report this comment
April 4th, 2012 at 8:15 am
Tukchhuah nuam u
Report this comment
April 4th, 2012 at 8:22 am
He2. Nia, a lwmwm ltk tho rualin a hnà hian lawm a la phú chiah lo deuhin ka hria a; a nghet hmuh hunah damtea awm chuan kan la ti dawn nia.
Report this comment
April 4th, 2012 at 8:36 am
A khai, hetiang bak2te chu. Keini kan tling pha lo a nia. Lawm a phu lutuk alawm.
#26 Jacka Pi Tukchhuah nuam le
Report this comment
April 4th, 2012 at 8:37 am
ka tho chiah
Report this comment
April 4th, 2012 at 8:45 am
Gud post
Report this comment
April 4th, 2012 at 8:58 am
Terem: Nang meuhin min biak duh chuan kan biru ngam nang… kristakhiangte@gmail.com lamah min lo message la. Ka lo nghak e.
Post tha khawp mai. Thuziak hi chi hrang hrang a awm thei a. Chung zinga chhiar man hla em em thin chu – miin ama experience atanga a ziah hian a ni. Hei pawh hi chutiang deuh tho chu a ni e.
Engpawh nise lo beidawng miah lo a. Zaipawlte kha lo kaihruai tha la. Hetiiang zawng zawngte hi chu Ama ta vek a lawm. Hun a tih chuan a la pe em em ang che. A tlai ve ngai lo mahse tlai angin a lang duh khawp mai.
Report this comment
April 4th, 2012 at 9:32 am
RMSA zirtirtu hna aia tha zawk hmuhna hun (chance) i neiah ngai la. I tana tha ber tur Pathianin a la ruatsak ang che…
Report this comment
April 4th, 2012 at 9:42 am
Dik lo taka tling te hi chu an hmuingil tak tak pawh ka ring love….
Report this comment
April 4th, 2012 at 10:14 am
Maisek, ka lo expi ve tawhah chuan fair lo deuh a tling leh political fitness tih vel vang mai mai a hna hmu ho hian an thawhna hi mahni ta angin an en lo reng reng a, an thatchhia a, hlawh lak nan chiah an duh.,..thiamloh an neih pawn an in zir duhchuang lo, buaithlak tak an ni
Report this comment
April 4th, 2012 at 11:49 am
@awmtea #25: Hlauthawng reng2 suh ka roommate hlui te poh MPS/ MCS an tling thuai2 mai lom, political fitness neih kher ngailo niang.
Report this comment
April 4th, 2012 at 11:53 am
mi zawng zawng an develope hnu ah chuan a engve tan tawh maithei asin
Report this comment
April 4th, 2012 at 1:06 pm
# 34…
Report this comment